ديوان الشاعر / إبراهيم الجابر

سكرة الموت



حتى وانا في سكرة الموت فرحان@=@يـفـرح بـمـوتـي ويـتمنى طعوني
لـوصـرت بـيـن ايديه خاتم سليمان@=@ماهـمـته دمعه جرت من عيوني
يـرقـص على جرحي ولاهوبندمان@=@طربن وانا زادت بقلبي شجوني
اثـريـه بـالـتـعـذيـب والـجـرح فنان@=@عـلـى يـديـنـه شفت كل الفنوني
اجـيـه انـا بـشـواق قـلـبـي وولـهان@=@واروح ودمـوعي تغرق جفوني
اثـر الـهـوى والـحـب سيـدوسلطان@=@وشلون لاصار الغلاله جـنوني
كـنـت اتـمـنى شوف طيفه بالاعيان@=@وهـو للـمـوده والغلا مايصوني
يـاحـيـف خـلـي لـلـمـواثـيـق خـوان@=@وشـلـون لـعـهود الموده يخوني
جـاز الـوفى واخلاص قلبي بنكران@=@ياحـيـف خابت فيه كل الضنوني
ارحل وابرحل عنك من دون عنوان@=@واترك تقضي باقي العمر دوني
ولانـي عـلـى بعدك وفرقاك حزنان@=@لوعـشرة الماضي على ماتهوني
مـاعـادلك وسـط الحشى قدروشان@=@والله عـلـى نـسيانك يكون عوني
اقـطـع شرايـيـنـي ولاانـذل وانهان@=@وعسى الذي غروك لك يـنفعوني