قصايد الشاعر عبيد ابن علي الحميداني

يا راكب ٍ من فوق زين الطرازي

جمس ٍ يشوق دريولـه فـي نزيـزه

بكس ٍ جديـد مجهـز ٍ بالنجـازي

وموقف ٍ من يوم جاء مـن حفيـزه

ماشـاف بـر ولا مشـى مـع نـوازي

تـوه علـى التمريـن يعـجـب فـزيـزه

صنعـة خبيـر ٍ صممـه بامتـيـازي

عـلـى مـديـلات السـنـة فـيـه مـيــزه

عين الجراده وصف والليت غازي

وياخـذ مـن الخـارم قـفـاه وخـزيـزه

الكشن مخمـل والمفـارش شيـرازي

ارضيـتـه سـجــاد وافـخــر كـنـيـزه

هومنـوة اللـي زاد جرحـه وحـازي

صبـره نفـد وهـان نفـس ٍ عزيـزه

يلـعـب بــي التفـكـيـر والـهــم لازي

من صاحب ٍ بالـود يـا بعـد ميـزه

الصاحب اللـي مـن شقـاه امتـوازي

عندي جنيه وغيرهـا صـرف بيـزه

حـبـه برحـالـي وجــددت حــزازي

وغديـت أنـا والقـلـب عقـبـه بكـيـزه

أشكي على عقب الرجال العـزازي

مجهـول حيـثـه بالجمـاعـة غـزيـزه

يـا أبـو محمـد عنـه مـانـي بـعـازي

حيثـه يـجـوز وذاك فــوق المجـيـزه

منساه لين طويق ينصاء الحجـازي

والصلب يصبح نازل ٍ في عنيـزه