برفع راية الإستسلام و بقول أحبك

وصلو الشركة
في مكتب نور
(محمد): فهمت السالفة؟
(فارس)مفهي: لا
(عبد العزيز): هههههههههه
(نور): ههههه اقولك انت بتشتغل في الشركة توه قايل لي ابوك
(فارس): بس انا ادرس
(نور): بنعطيك شغل خفيف حتى تقدر تخلصه و انت في الامارات
(فارس): طيب فهموني
(محمد): انا ببقى معاك عشان اعلمك و انت بعد عزوز ابقى اتعلم الشغل عشان شركة ابوك
(عبد العزيز): لا لو سمحتو انا خلصت هل المرحلة اهرب افضل
(فارس): خاين تهرب عني و تخليني بحالي
(عبد العزيز): معاك ولد عمك يلا سلام
و طلع
(نور): وانا بعد بطلع يلا مع السلامة
وطلع
(فارس): محمد انت مو عندك شركة ابوك ايش جابك شركة ابوي
(محمد): حبيبي احنا شركاء مع ابوك و مافيه احد فاضي لك فتطوعت اني اعلمك احمد ربك بس لو ابوك الي يعلمك كان رحت فيها
(فارس): زين بلا محاضرة
و قام يعلمه

نور راح البيت تسبح و بعدها مر على نوف و راحو يتمشو على الكورنيش
(نوف): وين بتسافر؟
(نور): اطاليه
(نوف): كم بتبقى هناك؟
(نور): اسبوع اذا ما صار شي يأخرني
(نوف)بحزن: اوف ما لحقنا خطبنا كان اخذت اجازة
(نور): يعني تبيني اترك الشغل كله على ابوي و اخوي
(نوف): مو انت عندك شركة بحالك
(نور): ايوه .. يعني من بيقعد فيها اذا اخذت اجازة مو اخوي
(نوف): طيب هذا انت بتسافر
(نور): نوف لا تقعدي تحني خلاص غيري الموضوع
(نوف): طيب بس عندي كلمة اخيره
(نور)بملل: قولي
(نوف): لا تعطي البنات وجه
(نور): لا تخافي بخلي وجهي عندك و بروح
(نوف): ههههه احسن بعد
(نور): هههه عنيده
(نوف)تطالع نور كان لابس بلوزه بيضة فيها شخابيط الازرق و جينز ولابس نظاره شمسيه يعني بالمختصر كان اجنن: نور حبيبي لا تلبس كذا اذا بنطلع في مكان فيه بنات كثير طالع تجنن
(نور): ههه لا تخافي مافيه احد بياخذني منك .. انا ما اشوف بنات غيرك
(نوف): هههه طيب و تغريد؟
(نور): لا هذي سالفة ثانية هذي بنت بس ولد
(نوف): ههههه حرام عليك
(نور): تبي ايس كريم
(نوف): اذا بتاخذ لك انت ايس كريم بخذ
(نور): ليه يعني؟
(نوف): كذا مزاج
(نور): لا انا ما اكل ايس كريم كثير
(نوف): ليه ؟
(نور): ههه مدري كذا
(نوف)تطالع: اوف هذيك البنت ما بعدت عيونها عنك خلنا نروح مكان ثاني
(نور): حلفي عاد احين نغير المكان عشان انها قاعده تطالع (حاوط ايده عليها و قربها له كثير حتى صار راسها في صدره): واحين؟
(نوف): ليه قلبك يدق بقوه؟.. انت متوتر؟
(نور): ههههه اشوي بس لازم اكون جريئ عشان انتي ما تستحي
(نوف): ههههه يا ذكي

الساعة 9:00
عند فاطمة
كانت تنتظره و لما سمعته يدخل راحت له بسرعة تركض
(فاطمة)بخوف و دموعها على وجها: محمد وين كنت؟ كل ما اتصل عليك جوالك مغلق
(محمد)قرب لها و مسح دموعها: والله سوري بس جوالي خلص شحنه و ما مداني احطه في الشاحن والله يا قلبي تعبان كثير
(فاطمة)طالعت في عيونه الي باين عليها التعب ضمته و باسته على خده: سوري حياتي .. روح ارتاح و اسبح و اني بجهز العشا
(محمد)بتعب: لا لا انا اكلت سندويش في الشركة خلاص بروح انام
(فاطمة): سندويش .. ما شبعتك
(محمد): حبيبي خلاص ابي ارتاح
(فاطمة): طيب روح
راح هو دخل الغرفة وهي دخلت المطبخ كانت مسويه عشا و اصناف كثير ضاق صدرها و ما حبت تاكل حطته في الثلاجه و طلعت لها فواكه و قعدت تاكل قدام التلفزيون و بعد دقايق قامت تطمن على محمد دخلت الغرفة و ضاق صدرها من حالت محمد كان نايم على بطنه و حتى كان نايم ببدلة العمل و مو متغطي بعد راحت طلعت الحاف و غطته به و طلعت عشان ما تزعجه

اليوم الثاني
بيت ابو نور
رن الجوال كثير لين قعدت و ردت
(تغريد)بتعب: و وجعه توجع بلبيس خير .. احد يتصل هل الوقت؟
(...): نايمه .. بل كسوله
(تغريد)عرفت الصوت: صالح من وين جبت رقمي؟
(صالح): من مصادري الخاصة .. اقولك قومي بس قومي اهلي عندكم في البيت
(تغريد): خير؟
(صالح): خير في وجهك
و سكر الخط .. تغريد قامت بسرعة سبحت بسرعة و لبست و تكحلت و نزلت الصالة لقت الكل قاعد
(هديل): ايش فيكي قاعده احين؟
(تغريد)عصبت: لا ابد قعدت
(هديل): تعالي قعدي معاي مليت بحالي
(تغريد): وين رجلك؟
(هديل): راح الشركة
(تغريد): طيب دقايق و نازله
ركبت و دخلت غرفتها و دقت الرقم ولما رفع
(تغريد)معصبة و تصارخ: و وجعه صالح ايش هل الحركة
(صالح): هههههه بس بذمتك ما نزلتي طياره
(تغريد): ايش تحاول تسوي؟
(صالح): اتأكد من حبك لي
(تغريد)بدت تبكي: لا تسوي فيني كذا حرام عليك .. هئ هئ هئ
(صالح)عذبه ضميره: طيب خلاص اسف لا تبكي .. اسف
(تغريد)وقفت: صالح اذا تبيني تعال اخطبني و اذا تبي تلعب ترى هذي مو رجوله
وسكرت الخط في وجهه راحت غسلت وجها و رن جوالها بس ما ردت عليه و بعد ما ازعجها قفلته و نزلت
(هديل): تأخرتي
(تغريد): ايوه قولي ايش سويتو لما رحتو البحر؟
(هديل): اذا انخطبتي اقولك
(تغريد): سبالة
(هديل): تغريد حددنا موعد زواجنا
(تغريد)بفرح: جد متى؟
(هديل): بعد شهرين بس مو قاعده اجهز شي
(تغريد): ايش منتظره قومي نروح و نتصل لفاطمة بعد تراها خبره .. ما شفتي ملابس النوم الي عندها
(هديل): ههههه انتي ينخاف منك مفروض ما تدخلك غرفتها
(تغريد): هذي جزات الخير
(هديل): طيب سوري بس لا تزعلي يلا قومي
تغريد اتصلت على فاطمة بس فاطمة ما بتروح اخذت هديل و راحو اجهزو

عند فاطمة
محمد قعد من النوم و مالقى فاطمة جنبه راح تسبح و طلع لها الصالة
(محمد)بعد ما باسها: صباحو
(فاطمة): صباحو .. ارتحت؟.. البارحة كنت تعبان كثير
(محمد): ايوه ارتحت اشوي .. بس انتي البارحة ما نمتي جنبي ما حسيت فيكي
(فاطمة): نمت في الصالة
(محمد): ليه؟
(فاطمة): خفت اضايقك و اقعدك.. احط لك فطور؟
(محمد): ايوه
حطت الفطور له و بعد ما خلص منه
(فاطمة)بحزن: اتصلت نوره بالبيت
(محمد)طالعها: ايوه؟
(فاطمة)اشوي و الدموع تنزل: انت كنت متزوجها بالسر؟
(محمد)انصدم و رتبك ما عرف ايش يقول: هي قالت لك؟
(فاطمة): ايوه
(محمد)معصب و قام اصارخ و عيونه صارت حمره من العصبية: طيب ما فكرتي انها تكذب عليكي .. يعني لازم تسويها مصيبة .. ليه تسوي كذا على الصبح .. مو حرام عليكي في زوجة عاقله تغث زوجها بهل السالفة من الصباح
فاطمة استغربت من انفعاله الحاد قامت الغرفة و قفلت الباب و قعدت تبكي
(محمد)راح يدق الباب و صارخ عليها: افتحي الباب .. اقولك افتحي
فاطمة ما ترد عليه
(محمد): فاطمة لا تعاندي افتحي الباب
(فاطمة)صارخت: اطلع من هنا خلاص اطلع ما ابي اسمع حتى صوتك
(محمد): تطرديني من بيتي بعد
(فاطمة): خلاص مو كفايه الصراخ هذا روح اتمشى اشوي لين تهدى و اتركني اهدا .. وعشان نتفاهم بعد
محمد طالع من البيت و لما سمعت ضربة الباب القويه نقزت و قامت بسرعة اخذت اغراضها و اتصلت عليه اجيها