ديوان الشاعر سعد علوش

(ســــابع المستحـــيلات)

لـو ماعنـالـي صاحـبـي باعنيـلـه

بقطـع علاشانـه طـوال المسـافـات

مانـيـب أدوّر فالـبـدايـل بـديـلـه

وماهوب يسمع فـيّ .حاسـد وشمّـات

لاطـاح مـن جـور الزمـان أرتكيلـه

أرسـم علـى مبـدا مطيحـه نهايـات

صاحبه أنـا وشلـون محتـال أشيلـه؟

وأنا وحيد .. وقاهرللّـي .. عصابـات

عبّـادة الشهـره .. هــواة الكحيـلـه

اللـي ضمايرهـم بشلـقـة ريــالات

أكتـب علـى أيديـن الزمـان البخيلـه

أن البخـل؟؟ ماهـو بشـح الكرامـات

البخـل؟ حرمـان اليـديـن الطويـلـه

من كسبة الافعال .في عصر الاصـوات

يئسـت مـن هـاذا الزمـان وحصيلـه

لانّي .. تعبت أثور وأستبشـر . الاآلات

الماضيـات مــن اللّـيـال الهزيـلـه

لايمكن أنها تصنـع ... المستجـدّاااااات

تمويـة الاحيـا .. فالعيـون الذليـلـه

صدّقني أنّه مثـل تمويـة .. الامـوات

لـو يرفعـك وقـت الرخـا والرّذيلـه

سبع الاراضي .. تحت .. سبع السموات

حنّـا خلقنـا للرذّيلـه . ؟ . فضيـلـه

نصلّـح أغـلاط الـزمـن ببتسـامـات

اليـا تجملّنـا .. خذينـا ... الاصيلـه

واليا أبتلينـا بالخطـا ؟ نصبـح .آفـات

رجّالـنـا يـسـوى لحـالـه قبيـلـه

أستغفـر الله لـو بقـول أننّـا .أأأيـات

أن كانـت اغلاطـي بعمـري قليـلـه

مجرّد أن أكلّمـك ....عشـر غلطـات

حرام بك صـرف الحـروف الجزيلـه

وحلال في مـن خصّنيلـه ..وبالـذّااات

اللـي ملايكـة الـرضـا .. تنحنيـلـه

عليـه مـن ملـح الطفولـه علامـات

فـي نظرتـي كـل الوجيـه الجميلـه

مخلوقه أتسـوّي .. لوجهـه .دعايـات

ملامحـه مـن غيـر حكـي أتحكيلـه

تفرض علي اللي تقولـه ....وبسكـات

لـو قالـت أن الدايـره ..مستطيـلـه

قلت الدوايـر؟ كلّهـا ....مستطيـلالات

يخّـاذ .. لـبّـات العـقـول الثقيـلـه

أخذتنـي كللّـي ولا قلتـلـك هــات

ليـه أرتجـي عطفـك وليـه أشتكيلـه

والهات في قامـوس عشرتـك هيهـات

حببتـنـي قـربـك وذاب أتعبـيـلـه

في جمر عقبـه بعـد عقبـه وعقابـات

ختمـت قلبـي عـن عشاشيـق جيلـه

ختم المصللّـي بالدعـا . والتحيـاااات

أليـن جـت ليلـه عـن ألفيـن ليـلـه

وصارت حكايه غيـر كـل الحكايـات

ذوّبتنـي بـيـن الـدّمـاث النّحيـلـه

وعلّمتني ..... فن الرسـم والقياسـات

وفجـأه كـذا بـار الخليـل بخليـلـه

كلّـه لعيـن .. موطّديـن العـلاقـات

شحّيتبـي دمـع الرمـوش الضليـلـه

ووقّفتنـي بيـن الامــل والمحـاتـات

وجـدي علـى قلبـي ويـا عزّتيـلـه

دقّات تيّسبـه ... وتمّلـه . دقّـااااااات

ينشدلـك حيلـه .... وينـهـد حيـلـه

الحـزن خطـوه والغرابيـل خطـوات

أذا الأمـل رمـز القـلـوب النبيـلـه

أنا . ميئس .. منك فـي كـل الاوقـات

أن كـان شوفـة غـرّتـك مستحيـلـه

أكيـد لمسـك .سابـع المستحـيـلات