اذا غرورك يمنعك تعتذر لي تعال جمبي وابتسم لي واسامح

............................................

نورة ماكانت منتبهه للي جاها

كانت جالسة تغني وتهز راسها وترمي اغراض جابر من هنا ومن هناك>> مو عارفه شلون ترتب

: نورة

نورة لفت مخترعه: ثامر

ثامر:.................

نورة: وش اللي جابك

ثامر: ابد حكمي اني اخرب ترتيبك

نورة: لا والله انا ارتب وانت تخرب لا حرام عليك تعبت وانا ارتب

ثامر اللي يناظر السيارة كلها حوسة: اللحين رتبتيها

نورة وهي تحك راسها بطفولة: ههههه اي

وهنا فطس ثامر ضحك: هههههههههههه اقولك خليها كذا كنك انتي رتبتي وانا حست

نورة وهي تضحك ضحكه خلت ثامر يبلم فيها من جاذبية ضحكتها: هههههه طيب ...

ثامر: نورة ممكن اكلمك بموضوع

نورة: اكيد تفضل

ثامر: اعرف هالشئ مو من حقي لكن انا ولد خالتك يا نورة واخاف عليك .. بسالك من اللي كان معاك هذاك اليوم بالكافي

نورة بنبرة شك: واذا قلت لك بتصدق

ثامر: اوعدك ..

نورة: طيب .. انا عندي صديقه اسمها هيفا ... وجلست تقول له السالفه

.................................................. .....

سديم وريم يرتبون الغرفه بدون ما يكلمون بعض

سديم لقت الرسالة اللي من ريم لريان وبدت تقراها بصوت عالي

: على حبنا تمر أيام

وانت ياهنا فيني

لفت لها ريم لما سمعتها

غرام(ن) كل ما مر عام

أحسه يكبر في عيني

ريم:رجعي الورقه مكانها

لكن سديم طنشت ريم وكملت :

كبرنا أو بعدنا صغار .. تضل أشواقنا فينا

مدام نحب بعض ونغار .. لبعض الله يخلينا

لكن ريم شدت الورقه من يدها

سديم: ياعيني على الحب

ريم: مالك دخل ولو سمحتي لا تدخلين عصك بشئ ما يخصك

سديم: الا ريان يخصني .. ولا راح اسمع لوحده مثلك تاخذه مني .. ريان لي تقبلي الامر

ريم اتفاجات من جرائتها: اساسا وحده لقوها بالشارع وش نتوقع منها

سديم راحت لها وسطرتها كف: حدك عاد انا اشرف منك يالواطيه

ريم حطت يدها على خدها هي ولا احد تجرأ وضربها كف حتى ابوها اللي هو ابوها ولا مرة ضربها تجي هالحثاله وتضربها ماقدرت تستحمل اكثر وشدت شعر سديم وبدوا يتضاربون

ريم: انا واطيه يالحثالة

سديم وهي تحرر شعرها من قبضة ريم: اتركي شعري احسن لك

ريم وهي تترك شعرها: اسمعي زين هنا وحدك .. انا تحملتك كثير .. احترمي نفسك واحترمي هاللي لامينك ببيتهم

سديم: مابقى الا انتي يالتافهه روحي شوفي اصلك وشو وبعدين تعالي تكلمي .. سكتت سديم لانها شافت احد جاي

لكن ريم مانتبهت لانها عاطيه ظهرها للباب

ريم وهي واصلة حدها: انا اللي اشوف اصلي يابنت الشوارع انتي اساسا للحين ماعرفنا لك اهل انتي ولا شئ ولا شئ

ريان: بــــــــــــــــــــــس

ركضت سديم لريان تحتمي ورى ظهره : ريان الحق علي شوفها تضربني وتقول عني بنت شوارع

ريم واقفه مصدومه ماتبي تلف وجهها لانها عارفه هو ماسمع شئ من الحديث الا اخر جزء لفت ريم وهي متنرفزة من سديم اللي جالسة تتهمها ومتمسكه بريان بطريقه وقحه: ايه بنت شواراع ومنحطه كمان وقدرتي تلعبين عليهم كلهم واسغليتي سداجه وغباء ريان و...طراااااااااااااااااخ


.

اعذروني على شان البارت مرة قصير

بس اوعدكم البارت اللي بعدهـ اطول ويحمس اكثر ...

توقعاتكم ايش ممكن يصير على البارت الجاي

هل تتوقعون حتوتة ريم وريان انتهت هنا ولا لا ..؟
الجزء التاسع :


ريم والدموع بعينها: تضربني ياريان على شانها

ريان وهو ما يدري شلون تهور وسوى كذا : ريم انـ...ـا

طلعت ريم من الغرفه وهي تبكي

اما سديم ابتسمت وهي جالسة تتدعي البكا

ريان منهار مو عارف شلون سوا كذا لكن كل اللي يعرفه ان هالبنت بحمايتة ومايبي احد ياذيها لو بالكلام بس ريم استفزته يوم قالت عنه ساذج وغبي .. التف على سديم اللي موته نفسها بكي: معليش يا سديم اعذريها

سديم وهي تبكي: لا عادي انا .. اساسا .. تعودت على هالـ..معامـ..ـله .. بس حرام عليها هي ماتعرفني وكل ماحولت اتقرب منها دايما تصدني ماتسمح لي .. وزي ما شفت دايما تهيني وتنزل من مستواي .. اذا انا عالة عليكم قلي من بكرة اروح ولا عاد تشوف وجهي .. وانا لي رب يرعاني ويحفظني

ريان: لا يا سديم لو ماشالتك الارض تشيلك عيونا اعذريها ترى ريم طيبه .. وبكلمتين بترضى

سديم: طيب انا بروح احاول اراضيها

ريان وهي يفكر باللي سواه لريم : طيب

طلعت من عنده سديم وابتسامه النصر مرسومه على شفاتها

..........................................

نورة وعيونها كلها دموع : ها صدقتني

ثامر بنظرات ماعرفت نورة تفسرها: اكيد بصدقك يابنت خالتي

ابتسمت نورة : الحمد لله .. والله كنت خايفه ما تصدقني

ثامر: دام قلتيلي الصدق ... غصب عني بصدقك

مر فترة وهم ساكتين وثامر ما شال عينه عن نورة وهي مستحيه وتناظر الارض

نورة بصوت ميت حيا: مو كننا تاخرنا عليهم

ثامر:ليه مليتي من جلستك معي

نورة: ها .. لا بس ..

ثامر: بس وشو

نورة " وجع ان شاء الله وش اقوله هذا اللحين .. والله مستحيه منك ليش انك تطالعني .. ": اخاف امي تحاتيني

ثامر:ها لقيتيه

استغربت نورة ورفعت راسها تطالعه: لقيت وشو؟؟؟

ثامر: الصرصور اللي تدورينه بالارض!!

هنا نورة ماتت ضحك:حرام عليك .. بس والله مستحيه منك ماقدر اطالع بوجهك

ثامر وبكل ثقه: اكيد من جمالي

نورة: الله على الثقه يلا بس .. تراك شين وتجيب الطواعين

ثامر وهو يبتسم على جنب لانه عارف ان هالابتسامه تجنن البنات لما يسويها : متاكدهـ

هنا نورة بلمت فيه وفتحت فمها كنها اول مرة بحياتها تشوف ولد حلو كان قمة في الجمال كانت تبي تشيل عينها عنه لكن مو قادرة تبي تبين له ان جماله مايهمها بس عيونها رافضه انها تتحرك والحمد لله جا حسام في الوقت المناسب

حسام: وش تسووون ؟؟

نورة: ها .. لا بس كنا نسوي احكامنا

ثامر: وانت نظفت سيارة ريان

حسام: لا هذاني جاي انظفها .. يلا نورة روحي للبيت امي تدورك

نورة: طيب

وراحت حتى بدون ما تلتفت على ثامر

.................................

على الساعه 6 الصباح الكل كان في سريرة ونايم ماعداها

ريم كانت جالسه تبكي بصمت وهي تفكر بحب حياتها .. كان قلبها ينزف مو لاقي من يداويه راح حلم حياتها ببساطه .. شئ عاشته لسنين وسنين بالاخير يهدم كل هذا بدقايق .. في لحظه وحده حياتها كلها انقلبت .. ليه كل هذا على شان مين .. اعرف يا ريان انك من يوم مديت يدك علي حكمت على حبنا بالموت .. والله لا ادفعك الثمن غالي ياريان .. انت حطمتني وكسرتني على شان هالزفته سديم .. والله لا اخليك انت وياها تدفعون الثمن .. اصبر علي ياريان لا ارجع لك هالكف كفوف .. من اليوم وطالع انت ولد عمي وبسوبسوبس

...........................................

كان يتقلب على الكنبة نومتها ابدا مو مريحه بالاخير قرر يستسلم ويقوم قام يتلفت حوله : الساعه كم ؟؟

شاف ساعة جواله : يووو الساعه 8 تو الناس

وقف وراح للغرفة يشوف وليد لقاه نايم

قومه وهو دخل يتروش ولما خلص طلع لقى وليد لابس وجالس بالصاله عند التلفزيون

نواف: يلا انا عازمك على فطور يحبه قلبك

وليد وهو ماله خلق: ماني مشتهي

نواف: افا تردني ماهقيتها منك

وليد: طيب

نواف: ايه ترى فطور ملوك اللي بعزمك عليه

وليد وهو يصطنع الابتسامه: ووش الفطور ؟؟

نواف والابتسامه شاقه حلقة : ساندويش كبدة وشاي بحليب

وليد ضحك عليه: لا وملوك هاا

نواف فرح لما شاف وليد يضحك :ايه اجل حسبالك حتى الملوك ما ياكلون الكبدة

وليد: طيب يلا خل نمشي

راحوا يفطرون.. ونواف بمصادرة جاب لوليد خبر ان لميس ماماتت وهي الان بالمستشفى انقذوها بالوقت المناسب .. وقتها فرح وليد وحمد ربه .. وقرر انه ابد ما يرجع ويسوي هاللي يسويه ببنات الناس وصار يضحك وينكت مع نواف ولا كن شئ صار

وبعد ما خلصوا فطورهم رجعوا للاستراحه لقوا الكل نايم راحوا وجلسوا بخيمه الشعر وفتحوا التلفزيون وجلسوا على النت واخذوا يسولفوا بالمسن وبالشات

......................................

الساعه 9 الليل

قامت من مكانها بتروح تغسل يدينها ولما خلصت لفت لقته بوجهها وهي من دون غطا

عبير: انت ؟؟

نواف: هلا بالقمر ... تصدقين ما كنت اتوقعك حلوة كذا

عبير وهي تحاول تخفي الخوف اللي فيها: وخر عن وجهي بروح

نواف: على وين .. توني ما شبعت منك

عبير: صدق وقح وقليل ادب

تجرأ نواف ومسك يدها ودفها على الجدار وحبسها بيدينه

كانت عبير ظايعه بوسطه من ضخامة نواف الساحره حست بقربه بحرارة تسري بجسمها تحس نفسها تذوب زي قطعة الجليد

عبير وهي ميتة خوف بس تحاول توريه انها قوية : ابعد عني

نواف: نوووو

قرب منها وباسها

طرااااااااااااااااااااااااخ >> صوت الكف اللي عطته لنواف

هنا عرفت عبير ان الكرة بملعبها ودفته بقوى ماعندها ومشت بس وقفها يده اللي مسكت يدها وضغط عليها بكل عنف وقسوة لدرجه حست ان اضافرة غرست بلحمها

نواف: وقفي

عبير وهي في قمت توترها: ابعد عني ياوقح

نواف: بقولك بس ان امي بتزوركم يوم الخميس الجاي بلغي اهلك

وتركها وراح

مشت عبير ما تدري هالانسان مكون من وشو وقح وقليل ادب ولا بيخطبها ماتدري توافق ولا ترفض عقلها مو قادر يفكر

........................................

سارة بنات انا بروح اجيب المكسرات من المطبخ

مشت لين وصلت للمطبخ وكانت محجبه لان متاكده ان الاولاد الان بيصيرون بقسمهم مع امهاتهم

:سارة

لفت سارة وه مرعوبة من صوته: وليد

وليد: شلونك

سارة: الحمد لله .. انت شلونك

وليد : الحمد لله

سارة وبكل غرور: عظم الله اجرك

وليد وهو مستغرب: في مين

سارة وهي تناظرة نظرات استحقار خلاص تحس ان هالولد منحط راعي بنات وقلت ادب: حبيبتك

وليد عصب عليها: وليش تقولينها كذا كنك منقرفه

سارة : اكيد منقرفه من نوعيتكم انتوا يالاولاد اللي ما بقى بنت بالعالم مالعبتوا عليها

وليد: ههههههههه ضحكتيني .. اولا يا .. حلوة .. انا مالي حبيبه والبنت ماماتت وثانيا اي انا احب كل البنات من الجنس الناعم .... زيك

سارة وهي معصبة: احترم نفسك وازم حدودك

وليد : واذا مالزمتها وش بتسوين؟؟

سارة بنظرات تكبر: بعلمك شلون تلزمها

ضحك وليد ضحكة سخريه اسرت سارة ... تحاول سارة تخفي حبها وان تستحقرة ماتبي تصير البنت العاطفيه اللي تحب ولد زي وليد بس على شان تتعاطف معاه تحاول تكره نفسها فيه

سارة وهي طالعه من المطبخ : عن اذنك

بحركه فجائيه مايدري شلون سواها مسك يدها

على طول لفت سارة له وصفقته كف: طراااااااااااااااخ

هذا الكف على شان تلزم حدودك معي وانا مو من نوع البنات اللي تلعب عليهم اصحى ..

....................................

نواف: تصدق ياوليد ان اليوم اكلة كف محترم على وجهي

وليد فطس ضحك : وانا بعد

نواف وهو يضحك : ياخي للدرجه هذي حنا قراب من بعض حتى الكفوف ما يهون علينا واحد ياخذها ويترك الثاني

وليد: صدقت والله

نواف: الا من مين اخذت الكف

وليد: من سارة

نواف : اي سارة ؟؟ لا تصيير..........

وليد: عليك لمبه حقت المطعم

نواف: يامحاسن الصدف بس شلون جت للاستراحه

وليد: مو هي بنت عم عبير .. بس قولي انت من مين اخذت الكف

نواف: هههههههههههههههه انا كفي ولد عم كفك

وليد وهو مستغرب :وشلون

نواف: انا ماخذه من عبير

وقعدوا كلهم يضحكون ويقولون لبعض وش السالفه

.................................

ريم نست سالفة الانتقام لكن كان بس بلحظة غضب بس ما زالت زعلانه من ريان وحاقدة على سديم سولفت مع نوف ونورة عن موضوعها وكل وحده شكت للثانيه وش صار لها

ريم: لا لا لا ماصدق كل هذا صار لكم ولا احد قال للثاني

نورة: انا ماقدرت اشوفكم على شان اقولكم على اللي صار معي

نوف وهي تمسح دمعتها: وانا هالشئ صار معي امس

ريم: لا تزعلين يا نوف .. ربي بيحميك ان شاء الله ..طيب قولي لخوانك

نوف وهي خايفه: مجنونه انتي لا لا لا

نورة: وانتي ياريم ياحياتي والله ماتوقعت هالعقرب كذا تسوي فيك

ريم: منها لله

..............................................

مر اسبوعين على الابطال وماصار في حياتهم اي جديد غير ان نواف خطب عبير رسمي ولحد الان ينطرون الرد ... كان بدر مختفي عن الساحة ماطلع بحياة نوف من ذاك اليوم وهي مستغربه بس تحمد ربها وتدعي انه نساها ... وليد راح للميس واعتذر منها وعطاها الشريط وقال لها عن كل السالفه عصبت منه وطردته من المستشفى وحقدت عليه وقررت تنتقم منه

ريم تكلم نوف بالجوال: اه يانوف مليت من ريان مستحيل اسامحه

نوف: حرام عليك .. مابقى باقة ورد الا وجابها مابقى ولا رسالة اعتذار ومسامحه الا وارسلها .. كل يوم تلاقين في غرفتك ورد ورسايل وبرضوا حرام عليك وربي هو نفسيته تعبت حابس نفسه بغرفته ولا طلع منها

ريم: بس اللي سواه يا نوف كبير

نوف: كل انسان ويغلط ترانا بشر .. وهو حاس بغلطه .. سامحيه لو سمحتي على شان خاطري

ريم بعد فتره : خلاص طيب بسامحه

نوف تزغلط : احلفي اخيرا .. خل اروح ابشر هالمسكين

ريم: ههههه سلميلي عليه وقوليله لا عاد يعودها

نوف : يلا باي

^

نوف : ريان هات البشارة

ريان وعيونه ذابله: مالي خلقك يانوف طلعي برا

نوف: اممم طيب بس انت الخسران .. وعلى فكرة ريم سامحتك بفضلي

وقف ريان مبسوط والفرحه مو سايعته: احلفي لا لا اكيد تمزحين

نوف: لا والله سامحتك وتقول ياويلك لو تعيدها

ريان: توبه توبه ورب البيت توووووووووووووبه .

ركض لنوف وشالها وصار يدور فيها

.................................

خلود مرت ابو عبير الجديده كانت بعمر عبير : عبير قومي ابوك يبيك

طالعت فيها عبير من فوق لتحت " شلون ابوي ياخذ وحده زي هذي بنت ماتربت وحتى الاناقه ماتعرفها وغير كل هذا هي بعمري ااااه يالقهر" راحت لابوها وخلتها

عبير : سم يبه

ابو فيصل: هلا عبوره .. كنت بسالك وش صار على موضوع نواف ترى الجماعه مستعجلين

عبير: مادري يايبه اللي تشوفه

ابو فيصل : صليتي وانا ابوك استخارة وشفتي

عبير وهي مستحيه : اي يبه

ابوفيصل : يعني ؟؟ ارتحتي له

عبير :..................

ابوفيصل: يعني نقول مبروك... مبروك ياعبير

عبير: الله يبارك فيك يايبه

راحت تركض لغرفتها مستحيه

خلود: عشتوا شوي شوي لا تقطعين من الحيا

عبير: وانتي وش دخلك .. ياشين اللي يدخلون عصهم بشئ ما يخصهم

خلود : مناي اشوفك راده البيت وانتي تصيحين وتقولين طلقتني

شهقت عبير: وجع بعينك جعله انتي يارب اللي تنطردين من بيتنا طرد الكلاب

راحت عبير من عندها بعد ما عطتها نظرة

خلود كانت تغار من عبير كثير لانها احلى منها وبنت عز من يوم مانولدت وعندها فلوس ولا بتتزوج واحد صغيرووسيم وعنده فلوس مو مثلها اخذت واحد شايب كبر ابوها وهي اساسا مو مرة حلوة وكل هذا على شان الجشع اللي فيها وفي اهلها

ريان وهو يركض : يمه يمه يمه يمه

ام صالح: وصمه .. خير وش فيك

ريان: ابيك تخطبين لي ريم

هنا شرقت سديم بكاس المويه اللي تشربه بالمطبخ وهي تسمع كلامه

ام صالح : ههههههه اللحين تبي تتزوج بالاول تخرج

ريان: الله يخليك يمه على الاقل بس خطبه وبعد التخرج الملكه والزواج

ام صالح: طيب ابكلمهم هاليومين

ريان : لا اللحين

ام صالح: انقلع عن وجهي لا اهون

ريان : خلاص خلاص بروح

سديم" لازم الاقي حل بسرعه لازم "

.................................................. ............

كان وليد باجازة الصيف يروح للشركة يشتغل فيها

كان من زود ماهو غير مهتم يوقع على اوراق بدون ما يقراهم >> مادرى انه وقع على شئ بيخليه يندم طول حياته على هالغلطه

بعد ماطلع من الشركه جاه اتصال من رقم اخر ماكان يتوقع انه يدق عليه

وليد: الوو

لميس: هلا وليد

وليد: اهلين

لميس: عارف ياوليد يوم جيتني للمستشفى وقلت لك ماراح امررها بالساهل ياوليد

وليد: وش قصدك

لميس: قبل شوي ياعسل لما كنت توقع على اوراق وقعت على ورقة انهيت فيها حياتك

وليد وهو معصب: وش هالورقه يالميس تكلمي

لميس: بالوقت المناسب بتعرف باي ياعسل

وليد: لحظه لميس .. الوووو

.................................................. .......

بالليل راح وليد للاستراحه

وليد وهو يكلم ثامر: ثمورة تذكر الحفلة اللي قد قلت لك عنها

ثامر: اي وحده

وليد: هذيك حقت البنت اللي كل سنه تسويها

ثامر: اي اي عرفتها وش فيها؟؟

وليد: الحفله بعد بكرة جهز نفسك

ثامر: اوووف والله مالي خلق

نواف: انا لي خلق .. ولا تقول مافي روحه ترى حنين هي اللي قالت لي تعال

وليد: اما عاد

ثامر: من حنين

وليد: هي البنت هذي حقت الحفله .. الا تعال وش عرفها فيك؟؟

نواف: مو اخر حفله لها اخذتني معك .. عاد وقتها قالت لي نشوف بالحفله الجايه ان شاء الله

ناظرهـ وليد بطرف عين : اي طيب يصير خير الحفله بعد بكرة انتوا الثنين بتروحون ولا في لا سامع يا ثامر

ثامر: طيب ان شاء الله

...........................................

نوف بغرفتها تفكر ببدر اللي اختفى عن حياتي مدة طويله خايفه يكون هذا مايسمى الهدوء ماقبل العاصفه

..................................................

من بكرة العصر وتحديدا الساعه 5 العصر رن التليفون

ام نواف:الوو

ام صالح: هلا ام نواف شلونك

ام نواف: هلا بام صالح والله بخير الحمد لله انتي شلونك وشلون ابو صالح والعيال

ام صالح: والله الحمد لله بخيير .. والله يام نواف دقيت عليك ابيك بسالفه

ام نواف: امريني ؟؟

ام صالح: والله ياختي .. انا داقه اخطب ريم لولدي ريان

ام نواف: هذي الساعه المباركه .. وماعندنا مانع بس زي منتي عارفه لازم اخذ راي البنت وابوها

ام صالح: من حقكم وحنا مو مستعجلين خذوا راحتكم ..

ام نواف: ان شاء الله بعد كم يوم نرد لكم الخبر

ام صالح: ان شاء الله .. يلا مع السلامه

ام نوافّ: فمان الله

................................

نواف : ها يمه بشري

ام نواف: مبرووك ياوليدي دقت علي مرة ابوها تقول انهم موافقين وينتضرونا نجي نخطبها رسمي

نواف: الله يبارك فيه الله اخيرا باخذ عبيير

ام نواف: الله يوفقك يارب .. متى بتروح لهم انت وابوك

نواف: ان شاء الله اليوم بالليل

ام نواف: الله يكتب اللي فيه الخير

..............................................

في مجلس الرجال الكبير والفخم

كانت ديكوراته شئ خيالي على بساطته لكنه راقي

ابو عبير: مو كنكم مستعجلين

ابو نواف: الولد مستعجل يابو فيصل وبعدين بعد اسبوع الملكه والشهر الجاي الزواج

ابو عبير: خلاص اجل .. الله يكتب اللي فيه الخير

نواف بغى يطير من الفرح وهو يسمع هالكلام خلاص بعد اسبوع اللي في باله بيصير

.................................................

في مكان ثاني وبنفس البيت

عبير مو قادرة تمسك نفسها من الفرح منسدحه على سريرها وتشكر ربها على هالنعمة هذي

" اخيرا بيصير نواف زوجي واخيرا احلامي كلها معاه رح تتحقق "

.................................................. ...

وليد بالاستراحه

وليد: والله منت بسهل بتتزوج قبلي

نواف: ههههههههه وش اسوي فيك انت قررت تعنس لا تخليني ادفن شبابي

وليد: لا لا لا مستحيل انت نواف بتعقل وتترك الخرابيط مستحييل .. ولا بتصير زوج مسؤول عن بيت وزوجه وعيال

نواف: ليش ان شاء الله للدرجه هذي طايح من عينك

وليد: لا مو مسالة طايح بس ماتخييل

نواف بدا يعصب: لا .. لاتخيل

قال وليد يغير الموضوع: مستعد لحفلة بكرة

نواف وهو يبتسم بخبث: اكيد مستعد

.................................................

من بكرة الساعه 9 الليل

المكان كان غير .. كاننا موب بالسعوديه

صوت الاغاني مالي المكان

انوار خافته والشموع في كل مكان

ناس صاحيه .. وناس سكرانه ماتدري ربي وين حاطها فيه

نص المعازيم كانوا جالسين بالطاولات حول المسبح اللي مليان بلالين وشموع والنص الثاني جو البيت بالصاله الكبيرة جالسين على الكنب او يرقصون

كان وليد وثامر جالسين على كراسي الطويله مرة على البار

وليد يشرب عصير تفاح وثامر برتقال اما نواف كان ماخذ له كاس ويرقص مع بنت غايه بالجمال

وليد بعالم ثاني ومو منتبه لاحد .. جالس يفكر بلميس وتهديدها له ووش ممكن يصير بوسط هالورقه اللي وقعها

ثامر مشغول ويفكر بابوه اللي كل مارجع للبيت لازم يهزأه زي الطفل الصغير وغير كذا امس لما تاخر ورجع الساعه 6 الصباح كان جالس ينتضره لين رجع ماكان متوقع ان ابوه ينتظره

ابو ثامر: بدري كان تاخرت بعد

ثامر" الله يستر": السلام عليكم

ابو ثامر: وين كنت

ثامر: بالاستراحه

ابو ثامرّ: لا والله .. وليش للحين ماشفت ساعتك كم الساعه الان 6

ثامر: يبه ماني ولد صغير وبعدين حنا باجازة ماوراي شئ خل استانس باجازتي

ابو ثامر: تراددني بعد

ثامر وصلت معاه هو ماقال شئ على شان ابوه يقعد يهاوشه: يايبه بس حرام عليك ماصارت هذي حالة كل مارحت مكان ولا رجعت من مكان فتحت تحقيق معي تراي موب ولد صغير ولا اني بنت تحبسها بالبيت

ابو ثامر عصب عليه: اوص ولا كلمه وتطول صوتك علي بعد صدق اني ماعرفت اربيييك

ثامر: انا ماطولت صوتي بس طقت كبدي ( قالها بصوت عالي )

طراااااخ

ابو ثامر وبصوت عالي: ياويلك مرة ثانيه ترفع صوتك علي فاهم الظاهر اني ماعرفت اربيك

ثامر وهو حاط يده على خده: مشكور يايبه اساسا هذي موب اول مرة تمد يدك علي

وراح بسرعه قبل ما يرد ابوه عليه

قطع تفكير ثامر ووليد البنت اللي جت لوليد

حنين : هلا وليد كيفك

وليد مستانس : هلا حنونه .. اخبارك

حنين : الحمد لله بخيير .. ماعرفتنا ( قالتها وهي تاشر على ثامر )

وليد: هذا ثامر ولد اختي .. ثامر اعرفك هذي حنين صاحبة الحفله

حنين وهي تمد يدها وتتكلم بدلع ماصخ : اهلا ثامر منور

ثامر وبكل جديه: اهلين ... ولف يطالع اللي يرقصون

قربت حنين منه ووقفت فوق راسه شوي وتجلس بحظنه

حنين: عجبتك الحفله

ثامر وهو حايمة كبده منها: اي حلوه

حنين تنزل راسها لاذنه وتهمس: ...... زيك

ثامر توتر من ريحه عطرها مهما كان هو رجال : تسلمين

حنين وهي منقهره انه ماعبرها ولا حتى يطالعها وهي تكلمه: امممم ماودك تقوم ترقص ؟؟

ثامر بدون نفس : ماعرف ارقص

حنين وهي تقومه غصب: عادي اعلمك

ثامر قام معاها وهو واقف وماله خلقها وحتى جالس يناظر بالارض

طلبت حنين من الدي جي اغنية سلو

قربت حنين من ثامر وهي تمشي زي عارضات الازياء بفستانها الحرير البيج كانت قمة بالانوثه والجمال كانت زي الاميرة اللي تنتظر تتويجها كملكه

ثامر يطالع فيها ومسطل لكن يحاول ان مايخليها تغريه باساليبها هذي

قربت منه ولصقت فيه لدرجه انه بدا يحس بنبضات قلبها حاول يبعد عنها لكن كانت لاصقه فيه مرة وحاظنته

اخذت يدينه وحطتهم على خصرها وهي حطت يدينها حول رقبته وسندت راسها على صدره

بدوا يرقصون وثامر مرتبك ودقات قلبه توصل لمليون دقه بالدقيقه كان يرقص كويس لانه يعرف يرقص لكن كذب عليها لان ماكان يبي يرقص

حنين مبسوطه وهي تسمع دقات قلبه السريعه

اول ماخلصت الاغنيه وخر عنها ثامر بقوة ونرفزه كنه منقرف منها وراح بسرعه وجلس جنب وليد اللي كان مو مع الدنيا

ثامر: وليد مشينا

وليد: ليه تو الناس

ثامر: لو سمحت يلا

لف وليد يدور نواف اللي كان خالص كان سكران وجالس مع بنت وضحك وحركات ماقدر وليد يتحملها .. حس بحقارت نواف وهو يسوي هالحركات راح له بسرعه وشده من ياقه قميصه وجره على الحمام وهو يصارخ ويترنح مو قادر يمشي دخله الحمام ودخل راسه تحت البزبوز وولع المويه البارده وهو يصرخ عليه: اصحى اصحى ياحمار

نواف وهو يتفل المويه من فمه : بس وخر المويه بارده

وليد وهو مصر ومخلي راسه تحت البزبوز : خلك على شان تصحى

ثامر كان واقف عند باب الحمام يتفرج عليهم

نواف بصراخ: خلاص قمت وخر

تركه وليد ورفع نواف راسه وهو مليان مويه وجالس يمسح عيونه : الله ياخذك كذا تمليني مويه

وليد وهو معصب: حمار.. انت تسكر يالحقيير تسكر ماتخاف ربك انت .. ملكتك بعد 4 ايام وانت هنا سكران ولاصق ببنت قذرة ماتدري من وين جاية

نواف يطالع بستحقار: لا والله مسكين ابد ماقد سويت شئ بريئ

وليد عصب عليه بزياده: امش معي انت بهالحالة محد يقدر يتكلم معك

طلعوا بسرعه من الفلة وراحوا للشقة وليد لان مايقدرون يرجعون نواف وهو بهالحالة والكل نام بسرعه من التعب

.........................................

يوم ملكة نواف على عبير

ام نواف جالسة تبخر ولدها: بسم الله عليك ياوليدي .. الله يوفقك يارب .. كلوووووووووووش

ابو نواف: يلا تاخرنا على الجماعة خل نمشي

ام نواف: ان شاء الله انا جاهزة بس ريم الله يهديها للان ماخلصت

نواف من التوتر ساكت مو عارف هاللي يسوي صح ولا لا

ريم وهي نازله من الدرج : هذاني خلصت

ابو نواف يقوم: يااالله اجل مشينا

..........................................

عبير جالسة بغرفتها من بعد ماخلصت الكوفيره شعرها ومكياجها

لبسة فستانها الذهبي كان خيالي

الفستان من فوق ماسك على صدرها مافي اي علاق وعلى الصدر مافي اي شك محطوط كلفه ذهبيه وتحتها القماش اوف وايت وتحت الصدر على طول في شريطه ملياته شك ذهبي والبطن كان شفاف كله من نفس الكلفه اللي لونها ذهبي على الصدر ومن عند الخصر كان ضيق وبعدين نازل نفش على الخصر في حزام حرير لونه ذهبي وعلى جنب مثبت عليه بروش كله كريستال ذهبي والفستان من تحت كله اوف وايت ونازل عليه قطعه من الكلفه تغطي نص النفشه

كان جدا ناعم وهادي وفي نفس الوقت راقي مادخلت فيه اي كريستال ماعدا البروش اللي على الحزام الشريطه اللي تحت الصدر

حاطه مكياج ترابي ورافعه شعرها بطريقه حلوة ومثبته فيه كريستالات صغار

اندق الباب ودخلت ريم

ريم: هلا وغلا بعروستنا الحلوة

عبير اول ماشافتها راحت لها ركض وحظنتها : اااه ريم بموووت

ريم: بسم الله عليك وش فيك

عبير: خايفه مو قادرة .. احس اني مو قد الزواج توني صغييرة

ريم: هههههههه عادي يابنتي وش فيك انتي ماشاء الله عليك عقل وركاده وتعرفين تتصرفين في الامور واحسن شئ بالموضوع انك تحبين نواف ( وغمزت لها )

عبيير انصبغ وجهها باللون الاحمر: ................

ريم وهي ميتة ضحك عليها :ههههههههه كل هذا حب اااااااهـ اوعدنا يارب

عبير ضربت ريم على كتفها : عييب استحي ..ناظرتها من طرف عين وكملة: بنات اخر زمن

ريم: هههه اشوى اننا بس من نفس الجيل بس خلاص اللحين بتصيرين مدام ولازم تتكبرين على هالضعيفه ( وسوت بوجهها تعبير براءه)

ماتت عبير من الضحك على تعابير وجه ريم اللي غصب تضحكها

..............................................

في صالة قصر ابو عبير

ماخلت ريم ولا اغنية الا ورقصت فيها هي ونوف ونورة

كانت ريم لابسه فستان لونه بيج هادي كان جدا بسيط وناعم كان مخصر على جسمها وهذا مازاد من جمالها وبين جمال جسمها كانت مثل الملكان او بالاصح مثل عارضات الازياء كان الفستان مافيه اي شك كله حرير ومحدد من فوق بشريطه شك ونفس الشئ تحت الخصر وبس ومن تحت تحت الركبه كان شوي منفوش نفشه خفيفه كان مرة روعه عليها

نوف كانت لابسه فستان قرنفلي لونه مرة رايق كان مخصر على جسمها .. حرير ناعم مرة ومن الصدر كان درابيه وفوقه لابسه زي الجاكيت مرة قصيير كله شك من نفس لون الفستان كانت قمة بالجمال

نورة كانت لابسه فستان ليموني كله شك خفيف وعلاق من فوق ونازل على قد الجسم كان روعه عليها

خلصوا البنات رقص وجلسوا انطفت الانوار

وتعالى صوت عبدالمجيد بزفه والله وكبرتي

كانت تمشي عبير وكل العيون عليها ناس تحسدها على جمالها وناس تدعي لها ان ربي يسعدها جلست في المكان المخصص لها وكل اقاربها جو يباركون لها (( كانت حفلة الملكه كبيرة لكن عائليه ))

بعدها بفتره دق ابو نواف على ريم وقال لها ان نواف يبي يشوف زوجته

راحت ريم تقول لعبير

عبير: لالا .. مابي

ريم: ههههه مجنونه وش لا مو على كيفيك يلا قومي قوي نفسك يلا

ام نواف: يالله يابنتي ماراح ياكلك هو بس بيشوفك

عبير" شافني لين قال بس": ..........

ريم قومتها بالغصب وودتها للمجلس ودخلت معاها

ريم وهي تسلم على اخوها: مبروك يانواف اخيرا شفت معرس قبل لا اموت

نواف: هههههه عقبالك

ريم " يارب يارب يارب يارب يارب يارب يارب يارب": ........>>تقالها استحت

عبير واقفه ورى ريم وهي منزله راسها

نواف شافها : تعالي اجلسي

ريم: يلا انا استاذن

جت بتروح ريم لكن عبير متمسكه فيها كانها تبيها تحميها من الوحش اللي قدامها ضحكت عليها ريم وشدت يدها بقوة وبسرعه طلعت

ظلت عبير واقفه

نواف: مطوله ..؟

استحت عبير وراحت جلست باخر كنبه بالمجلس

ماقدر يستحمل نواف اكثر وجلس يضحك

عبير حمقه ((عصبت)) عليه: ليش تضحك

نواف: مالقيتي ابعد من هذيك الكنبه تجلسين فيه

تقشلت عبير اللحين وش يقول عني بس مستحيل اجلس جنبه استحي

نواف : ترى ان ماجيتي جنبي انا اللي بروح لك

خافت عبير لان مافي مكان جنبها معناها بيجلس معاها بنفس الكنبه

قامت وشوي شوي جات وجلست باخر الكنبه اللي هو جالس عليها

نواف بدا يقرب منها وهي خلاص ماتقدر تبعد اكثر وصلت عند الحافه لين لصق فيها نواف وهي مرة مستحيه

نواف وهو يهمس بجنب اذنها : عارفه انك حلوة

عبير وجهها صار 16 الف لون ولون

نواف حب فيها خجلها هو دايم يجذبونه البنات الخجولات .. قرب منها مرة ثانيه وباسها من خدها

وقتها قامت عبير من الكنبه وجت بتروح فبسرعه مسكها من يدها : على وين

جت عبير بتهزأه شلون يتجرأ ويبوسها حط نواف بسرعه يده على فمها كنه عرف وش بتقول :اللحين انتي حلالي

عبير تسب نفسها بداخلها " غبيه غبيه غبيه هو زوجك اللحين اووووف شلون كنت بهزأه والله فشله"

جرها نواف وجلسها بحظه حاولت تقول بس ماسكها

عبير: لوسمحت ابقوم

نواف: اه يازين صوتك ..

عبير وهي تحاول تفك نفسها: اتركني

نواف: لا مو تاركك

عبير عصبت تحاول تفك نفسها بس هو ماسكها وموثقها زين فما لقت الا طريقه وحده ... دعست على رجله باقوى ماعندها بالكعب اللي هي لابسته

وهو من شد الالم تركها وقام على حيله

وهي خافت منه وعلى طول طلعت من المجلس

نواف " احب فيك وحشيتك .. لكن انا اللي بروضك .. اصبري علي "

................................

طلعت عبير تركض وصقعت بريم

ريم: شوي شوي وش فيك تركضين اخاف انه جالس يلاحقك ههههههههههه

عبير وهي معصبه: عن المصاله اوووف

ريم: ههههههه ليش وش فيك ضارب الطبلون عندك

عبير: كله من اخوك الوقح

ريم تعرف ان اخوها جريئ : هههههههههه ليش تعالي تعالي

وجرتها وراحوا لصالة صغيرة بعيد عن الناس

ريم: يلا احكيلي وش سوى

وحكت لها عبير كل اللي صار

ريم:هههههههههههههههههههههههههههههههههههههه

مسكين اخوي حرام عليك ترا يبي رجله

عبير: تضحكين انتي وخشتك مالت عليك انتي واخوك

ريم: والله اخوي موب سهل عنده حركات ههههههههه

عبير: اشوف فيك يوم ياريم

ريم: يوم زي هاذا يااااااااااااااارب

عبير عصبت منها وقامت: الشرهه موب عليك على اللي يحكي لك

وراحت وخلتها وريم ميته ضحك عليها

............................................

اليوم كل العيلة قررت تروح للبر من الصباح

وهم هناك كانوا مسوين سباق دباابات

ريان : كل واحد يتسابق مع اخته منعا للاحراج

وليد:ههههههههه كل تبن انت.. وانا وين اختي اللي بتسابق معاها

نواف: لالالا انا ابي اتسابق مع زوجتي >>قالها وهو يجر عبير اللي استحت بالحيل

ريان: دام السالفه سالفه زوجتي وماعندي اخت اجل انا ابي خطيبتي

ريم " فديتك وفديت خطبته وه مو مصدقه انك خطبتني "

عبير بصوت واطي: بس فرمتي الرجال من كثر ما تقزينه

ريم وهي مستحيه: احبــه

عبير: هههههه دارين انك تحبينه يامال الصلاح بس كافي قز وجع

ريم: والله ماقلنا لك شئ يوم كنتي تقزين المحروس ولا بس صار زوجك وتسلطتي علينا

عبير: ياكرهي لك لا بديتي تحارشين

وليد: ها اللحين وش العمل

ريان: عندي حل نخلي البنات يختارون

وليد يقز سارة وبابتسامه جذابة : ماعندي مانع

ريم: وي وي وي لحقي على بنت عمك

عبير: ساروووه وش هالنظرة هاا

سارة وهي مرتبكه:وش يدريني عن امه هاذا

الكل:ههههههههه

ريان يكلم البنات: ها وش قلتوا

نورة: لا ياخي لو بنختار نبي اخوانا

ريان: اوووووووف .. خلاص حنا بنختار

نواف راح شد عبير من يدها والكل منهبل قال وبصوت عالي: زوجتي وبلعب معاها

عبير تلون وجهها بيمة لون بس مع اللثمة مابان كثيير

ريان: طيب يلا

ركبوا الدبابات

1

2

3

انطلقوا

ابعدوا كثير عن المنطقه وراحوا لاخر شئ ووقف نواف ووفت عبير تشوف وش فيه

عبير بخوف: نواف فيك شئ

نواف: آآآآآآآآهـ

عبير على طول نزلت من الدباب وراحت له ركض : بسم الله عليك وش فيك

نواف : قلبي

عبير: وش فيه قلبك

نواف بدا يغني : قلبي يحبك يا غالي
يشتاق لك كل ليله
بفراقك أثر بحالي
يا ويل قلبي ياويله
بعدك سهرت الليالي
وهموم قلبي ثقيله
ما غيرك اللي طرالي
والروح عندك دخيله

عبير: يامصلك .. صدق سخيف خوفتني عليك

وراحت عنه تبي ترجع لدبابها

جاها ركض وشالها وبدا يدوور فيها وهو يكمل غنى

نواف:ليتك تشوف ايش جرالي
الحال صارت نحيله
دمعي على الخد سالي
ومالي علىالصبر حيله
انك كان قلبك نوا
لي فرقا و غيبه طويله
انا دخيلك ياغالي
ترا حياتي عليله

عبير: هههههه يامجنون نزلني

نواف مازال يغني ويدور فيها: قلبي يحبك يا غالي
يشتاق لك كل ليله
بفراقك أثر بحالي
يا ويل قلبي ياويله

عبير: نواف الله يخليك خلاص دخت نزلني

نزلها نواف وحاوط خصرها بيدينه ووجهه مقابل لوجهها وقال بكل حب : احبـــك

عبير استحت ونزلت عيونها

نواف: وانتي ..؟

عبير: وانا كمان

رفع وجهها باصبعه : انتي وشو

عبير: يوووه نواف

نواف ذاب يوم سمع اسمه يخق عليها لما تصير خجوله: فديت نواف

عبير: ترى مو تعوده على هالحركات خف علي شويي

نواف: تعودي ياروح نواف انا مقدر اشوف هالجمال واسكت

عبير بعدت نفسها عن حظنه وراحت لدبابها وبسرعه حركه

جلس نواف على الارض ومد بوز : راحت

وصلت عبير وهي مولعه من الخجل

ونزلت وراحت للبنات

والبنات يصارخون فزنا اول نقطه لنا وهي على طول اندست بينهم

وصل بعدها بثواني نواف مرة محبط

وليد: عار عليك بنت تهزمك وطيت راسنا

نواف: هههههههه يلا ارفعه لنا خل نشوف

وليد: احم احم طبعا انا العم وليد

ثامر: شوي شوي لا يطيح راسك من كثر مانتفغ

وليد : طسو زين

ريان: يلا دور من الان

ثامر: احم احم دوري وبجيب التعادل ان شاء الله

ريان: نشوف ههههه يلا اختار

ثامر: اممممممممم طيب نورة

نورة انهبلت لما اسمعت اسمها وبنفس الوقت استغربت ليه انا

بس ماعطت مجال للتفكير كثير وبسرعه راحت للدباب

1

2

3

انطلقوا

وهمن بالطريق مايبي ثامر يضيع فرصه انهم لحالهم يبي يعترف لها بحبه لها

هدا ووقف

نورة استغربت انه وقف فهدت ونزلت وراحت له : خير في شئ

ثامر: احم لا مافي شئ بس شكل الدباب خرب

نورة : والله يووه .. وخر خل اشوف وش سالفته

ثامر ارتبك " وجع هذي تعرف بالمكانيكا هههههه ":لالا انتي بنت وش يعرفك بهالاشياء .. انا بشوف وش السالفه الان ابعدي

راح ثامر مسوي نفسه فاهم وهو مع جنبها

جلست نورة على الرمل تستناه

ثامر:اممم اقول نورة

نورة : هلا

ثامر: قد حبيتي شخص من قبل

نورة ارتاعت منه " وش يحس فيه ": اممم لا انت قد حبيت

ثامر تنهد: اهـ حبيت وطحت لشوشتي

نورة عجبتها القصه فيها رومنسيه تربعت : من هالبنت ؟؟ تحبها من زمان ؟؟ كم عمرها؟؟ شلون قابلتها؟؟ امممم ......قاطعها ثامر

ثامر: ههههه شوي شوي وش هالاسئله هذي كلها

نورة بشوية غيره: ابي اشوف تستاهلك ولا لا

ثامر عجبه كلمه تستاهلك: ليه تقولين كذا؟؟

نورة وهي تلعب بالرمل باصبعها: يعني انت واحد طيب وحنون ووو تستاهل وحده تكون طيبه زيك مو تاخذ وحده تصير فرعون عليك

ثامر:ههههههههههه حلوة فرعون

نورة: اي لا تستهون بالبنات تراهم خبيثات

ثامر ناظرها: اللحين انتي تسبين بنفسك .. انتي بنت زيهم

وقفت نورة ودرات حول نفسها ببراءه: لا حبيبي انا غيييير

ثامر فز قلبه يوم قالت حبيبي: اكيد انتي نورة

نورة : يلا تاخرنا ماصلح

ثامر: الا صلح .. انا في شئ امسكه ومايصلح

نورة: هههههههه امش امش يالواثق

رجعوا يتسابقون واللي فاز ثامر وانقهرت نورة منه

نزلت معصبة : غش غش غش

ثامر:هههههههه ليش غش ان شاء الله

نورة: مفروض انا اللي افوز

ريان: روحي هناك بس عاشو الشباب عاشو

الكل:ههههههههههه

ريم : معليه نوارة تعالي تعالي حظ اوفر

جت لهم سديم وهي طفشانه وحابسه الدمعه لانها عارفه محد بيلعب معاها

شافها ريان وتعاطف معاها فقال بختارها وبخلي وليد يلعب مع ريم

ثامر: يلا ريان ورنا شطارتك

ريم جهزت نفسها بتروح

ريان: يلا بختار سديم

وقفت مسعوقه ريم وتمسكت بنورة وعبير لا تطيح عليهم كانت زي اللي كبوا عليها مويه باردة واقفه مكانها وترجف

سديم انصدمت هي الثانيه ان شلون اختارني طلعت بسرعه قبل يغير رايه

1

2

3

انطلقوا

سديم بما ان الكرة بملعبها وانه اختارها وماختار ريم قالت لازم اسوي شئ يقربني معه

بديت اهدي على شان يوقف

وقف ريان زي ماتوقعت نزل وجاني

ريان: خير فيك شئ

سديم: لا بس احس جاني شد عضلي برجلي

ريان: وريني

مسك رجلها وبدا يحركها لها

ريان: ها اللحين زين

سديم: اي ... شكرا

ريان ترك رجلها: عفوا وش دعوه عادي

سديم" لالا هذا وش فيه غريبه ههههه فله معقول حبني "

ريان ركب دبابه وانطلق

وصل ريان الاول وبعده سديم

كان وليد يكلم جوال وخلص ورجع وكان مرة منرفز وحط حرته بريان لما قال له العب مع ريم

وليد:اوووص يالكلب لو فيك خير ماتركت خطيبتك ولعبت مع هذي

محد سمع اللي يقولونه لان ازعاج الكل يصارخ ويسولف

ريان: لو سمحت عمي لا تغلط على سديم وبعدين قلت حرام محد بيلعب معاها خل انا العب معاها وانت تلعب مع ريم

دفه وليد وهو معصب : ابعد عن وجهي اوووف

وليد: يلا ريوومه خل نلعب

ريم وعيونها مدمعه : لا عمي مابي اللعب

وليد : اقول امشي يلا بس بلا دلع

ريم وهي خلاص ان كلموها اكثر ممكن تنفجر وتبكي: عمي الله يخليك مابي ولا تقعد تزن علي

ريان: طيب بلعب ثاني معاك يلا قومي

ريم هنا عصبت من بروده واخذه للموضوع بسهوله : قلــــــــــــــــــت لكم مـــــــــــــــابي خلاص

وليد : خلاص لاتضغطون عليها .. يلا سارة

سارة فزت يوم سمعت اسمها من جواها مبسوطه بس تبي تسوي ثقل: لا ماودي

وليد عصب: اقول امشي جتنا الثانيه

سارة" وجع وش هالاسلوب": طيب

كان مرة منرفز وليد وبسرعه ركب دبابه

3

2

1

انطلقوا

كان وليد مرة مسرع ومرة متنرفز من حركه ريان

وسارة كانت برضوا مسرعه بس وليد سابقها فجاه بدا يهدي وهي تقدمته بس شافت انه وقف رجعت له تشوف وش فيه

سارة وكلها خوف : وليد وش فيك

وليد مو قادر يتكلم بس يشاهق مو قادر يتنفس

سارة وهي تبكي مو عارفه وش تسوي: وش اسوي قلي ماعندك دوا شئ

وليد يهز براسه لا جالس يتنفس بصعوبه زي مايكون عنده نوبة ربو ومن شد مافيه مسك بيدها بقوووه مو قادر كل شوي يضغط عليها وبدا يكحكح يبي اكسجين مو قادر

سارة وكلها خوف:قوم قوم معي

قام وليد وسارة سندته وودته لدبابها

سارة" اووف هو عريض ماينفع احطه قدامي ماراح اشوف شئ مافي الا احطه وراي وهو يتمسك فيني

سارة: اركب ... ركبت وقالت: تقدر تتمسك فيني

وليد وهو يكحكح يهز راسه ايه

سارة: لا تفلت زين

وليد يهز براسه

وليد" بتضحكون علي بس من جد اول ما حاوطت خصرها وحطيت راسي على ظهرها حسيت بشعور غريب رغم اني جالس اموت مو قادر اتنفس بس حسيتها بر الامان حسيت فيها الحنان ضميتها لصدري اكثر كنت اشم ريحه عطرها واشم ريحه شعرها شعور خلاني فوق السحاب شعور مقدر اوصفه .. بس اللي اعرفه اني اصبحت اسيرها بهذيك اللحظه "

شوي شوي بادى الظلال يتستلل لعيني واصبح كل شئ حولي سواد بسواد

توقعاتكم للبرات الجاي ..؟؟

ايش ممكن يصير بين ريم وريان بعد هالموقف اللي ريان حط ريم فيه ؟؟
ايش ممكن يصير تطورات بعلاقه عبير ونواف هل معقول انه حبها صدق ولا كل هذا تمثيل ؟؟
متى تتوقعون ثامر يعترف لنورة ان اللي يحبها هي نفسها انتي ؟؟
وش تتوقعون صار بوليد ؟؟ وشلون سارة تصرفت ؟؟

.
الجزء العاشر


" يالله جسمي مكسر كم صارلي نايم "

بدا يفتح عينه شوي شوي .. واشعة الشمس تتغلل لوسط عينه

بدا يتلفت انا وين ..؟؟

قرب منه نواف : الحمد لله على السلامه

وليد وهو مو مستوعب: وينا فيه ..؟

نواف: اغمى عليك وجبناك للمستشفى ... شلونك اللحين وش تحس فيه

وليد: مافيني شئ يلا خل نرجع للبيت

نواف: طيب اصبر خل الدكتور يجي .. بروح اناديه

طلع نواف ينادي الدكتور .. وقام وليد وهو مهدود حيله للحمام يغسل وجهه

دخل الدكتور وشاف وليد فاك المغذي وجالس يلبس ملابسه

الدكتور : إي ياوليد مستعقل على الخروج كدا ليه

وليد: انا مافيني شئ بطلع للبيت ماحب جلسة المستشفيات

الدكتور: معليش حتجلس عندنا كم يوم ..

وليد وهو فاتح عيونه على الاخير: ليه ؟؟

الدكتور: في فحوصات كتير لازم نعملها .. على شان نطمن عليك

في هاللحظه دخل ابو خالد >> (ابو وليد)

ابو خالد : ها يادكتور بشرنا وش فيه ولدنا

الدكتور: اهلا .. حظرتك تبأ ابوه

ابو خالد : اي نعم

الدكتور : طيب لو سمحت بأ تقنع ابنك انو يظل عندنا كم يوم زياده .. لانو معند الا يخروج دلوأتي

ابو خالد عصب : وليد ...

وليد يطالع ابوه بكل وقار وهيبه: سم يبه

ابو خالد : قم بدل ملابسك يلا وعن الهبال

وليد ماقدر يتكلم : طيب

قام وهو مصاع لاوامر ابوه اللي ما يقدر يخالفها


..............................

سارة: ياربي ياعبير لو سمحتي بليييييييييييز

عبير: اوف اوف اوف ... طيب امري لله

اخذت عبير جوالها ودقت على ريم

ريم: هلا بالطش والرش والجبن المنقش

عبير: هههههههه الله يرجك وش عندك على هالصبح مستانسه

ريم: ابد بس وصلتنا معلومه سريه وخطيرة بان عمي وليد قام ومابه الا العافيه

عبير وهي تغمز لسارة : مبروووووووك عقبال ما يطلع من المستشفى

ريم وهي ترفع يدها للسما : يـــــــــــــــــــــــــــــــــــــارب

عبير: يلا اجل انا بروح استاذن من ابوي واجيكم

ريم: اي عفيا تعالي والله طفشانه بروحي

عبير: من عيوني يلا سلام

عبير وهي تكلم سارة: مافي الا العافيه زي القطو بسبع ارواح

سارة وهي تضرب عبير: وجع بعينك الا وجع .. بسم الله عليه جعل عمره طويل .. قولي ما شاء الله

عبير وهي تمد لسانها: مانيب قايله

تقوم سارة وتطب فوقها وتجلس تضربها : قولي يالدبه قولي

عبير: ايييي بس لا تضربين .. اي توجع خلاص خلاص ماشاء الله

قامت سارة من عليها : طيب يلا متى بنروح لهم

عبير تطالعها بنص عين : ومن قال انك بتجين معي

سارة: كلي تبن .. بروح وقبلك بعد

عبير: هههههههههههه والمصبيه تقول ماحبه .. والمشكله انك مفضوحه

......................................

الدكتور المختص يكلم ابو خالد وابو نواف : السلآم عليكم

الكل : وعليكم السلام

الدكتور : من فيكم ابو المريض

ابو خالد : انا ابوه

الدكتور: الصراحه .. مادري شقولك .. بس بالاشعة والفحوصات اكتشفنا ان ولدك عنده ورم في الرئه

ابو خالد وابو نواف حلت عليهم الصدمه ماعرفوا يتكلمون

الدكتور : انا اسف حقيقتا ولكن لا تخافون باذن الله ما يستدعي الامر الا عمليه جراحيه لستأصال الورم

ابو نواف : والعمليه هذي خطيرة

الدكتور : ماخفيك بان هي صعبه واحتمال نجاحها ضعيف ولكن كل شئ بيد الله توكلوا عليه وان شاء الله كل شئ يمشي حسب مانبي

ابو نواف: طيب وش مخاطر هالعمليه

الدكتور انقلب وجهه وقال: ممكن ان مانجحت العملية .....تسبب في وفاته لا سمح الله

هنا جلس ابو خالد على الكرسي اللي وراه مو قادر يستحمل صدمات اكثر

ابو خالد وابو نواف : لا حول ولا قوة الا بالله

ابو نواف: طيب كم نسبة نجاح هالعمليه

الدكتور : من 20 الا 40 %

ابو نواف وهو خايف : طيب اذا ماسوى العملية ....

الدكتور : بهالحاله ممكن نروح للعلاج الكميائي اللي يكلف وقت وجهد اكبر وممكن انه يخفف انتشار الورم ولكن لا يقضي عليه ومع مرور الوقت راح ينتشر الورم في كامل الجسم ويأدي للوفاة

ابو نواف: يعني بكل الحالتين ممكن انه ........ وماقدر انه يقولها

الدكتور: تفاءلوا بالخير .. مافي شئ بعيد عن قدرة ربي .. انتوا ادعوا له بالسلامه.. وعلى فكرة وليد للان مايعرف عن مرضه فانا اقول لو انتوا تقولون له ممكن يتقبل الخبر اكثر من ما نحن نقوله وياريت تقنعونه يجري العمليه باسرع وقت قبل ما ينتشر الورم في الرئه كامله ومتى ما توكلتوا وتبون تسون العملية عندي الاوراق الازمه على شان التوقيع عليها

ابو نواف : مشكور يادكتور .. ؟؟

الدكتور : د.سلمان

ابو نواف+ ابو خالد: تشرفنا

د. سلمان : عن اذنكم .. وان احتجتوني قولوا للمرضه تناديني .. مع السلامه

...................................

ابو خالد وكل ابنه ابو نواف بان ينقل هذا الخبر لوليد

كان وليد جالس مع نواف يضحكون وينكتون

دخل عليهم ابو نواف ولما شافهم يضحكون تشجع شوي

ابو نواف: السلآم عليكم

وليد+ نواف : وعليكم السلام

ابو نواف: ها شلونك يا وليد

وليد: ياخي مافيني الا العافيه انتوا مكبرين الموضوع .. يلا عاد سلطوني توسط لي عند ابوي والدكاترة خل اطلع

نواف: الله سلطوني يبه عفيا بناديك سلطوني احسه لايق عليك

ابو نواف يطالع ولده بنص عين وهو ماله خلقه ابد

نواف استحى من ابوه وسكت

ابو نواف: وليد بكلمك بموضوع

وليد: تفضل

ابو نواف يطالع نواف : لحالنا

وليد يمسك يد نواف : عادي ياخوي نواف انا ماخبي عليه شئ .. وغير كذا ولدك وماراح يطلع شئ

ابو نواف فكر بنفسه ان وجود نواف مع وليد الان يمكن يخفف عليه الصدمه

ابو نواف: وليد انت رجال مؤمن وتعرف ربك وتعرف بعد بان الله ان احب عبدا ابتلاه

وليد ونواف انقلبت وجيهم من الابتسامه للخوف

ابو نواف: طلع اللي فيك ورم في الرئه ... (رفع راسه بيشوف رد فعل وليد ولما لقاه منصدم كمل بسرعه قبل لا وليد يفقد اعصابه)

ان شاء الله هالورم بعملية صغيرة بيستاصلونه لك ومافي شئ يخوف وتوكل على ربي باذن الله بتقوم سالم مافيك شئ

وليد نزل راسه وهو يقول: الحمد لله على كل شئ

نواف عيونه دمعه مو قادر يتخيل ان وليد اعز صديق عنده بهالدنيا مريض .. ولا مريض بايش بالخبييث

ابو نواف : شد حيلك يا وليد وانت مؤمن بالله توكل عليه وسو العملية وان شاء الله تقوم لنا بالسلامه

وليد: ................ مظمونه هالعملية

ابو نواف انقلب وجهه ماوده يقوله على اللي قاله الدكتور على شان ما يحبط وليد قفال: باذن الله وموب انت اول واحد سويتها ولا اخر واحد توكل على ربي

وليد: وكلت امري اليه...

طلع من عنده ابو نواف

لف على نواف لقاه منزل راسه وسرحان

وليد: نواف

نواف ما قدر يستحمل طلع من الغرفه على طول

ركب السيارة مهموم مو قادر يتنفس حاس بالعبرة بحلقه مو قادرة تطلع

مسك جواله ومن دون ما يحس دق عليها

عبير: هلآ حوبي

نواف وصوته رايح فيها : هلا

عبير وهي خايفه عليه : وش فيك نواف ..؟

نواف: عبير انا محتاج لك

عبير: تعال لي على البيت يلا اللحين انا استناك

سكر منها نواف وعلى طول راح لعبير في البيت

عبير كانت تلبس بعد ماطردت سارة لبيتهم وترجع لها بالليل .. مافي بالبيت الا هي .. ابوها ومرة ابوها مسافرين يومين للبحرين واخوها فيصل مسافر لكندا يكمل دراسته ويهرب من مرة ابوه اللي قاعدتله على كل شئ .. وهالايام على بين ما يرجع ابوها تنام عندها سارة بنت عمها

وصل نواف ودخلته للمجلس

كانت عبير جالسه جنبه انسدح نواف على فخذها ورفع رجوله على الكنبه وهو يقول : تعبان ياعبير

عبير وهي تمسح على راسه : سلامتك من التعب.. قلي وش فيك ؟؟