رواية سعوديات بعروق أيطاليه

(9)




وسط زحمة الكتب .... و القلق يسطير على الأجواء

ريم بقلق ماسكة كتاب النحو : يالله من جد ذالدرس ما اعرف فيه شيء !! بدق على

المصرقعه هنيف

يمكن تذكر شيء فيه مع اني ما اظن


ريم : الو

الهنوف : يامرحبا

ريم تقلد صوتها : يا مرحبا مروقة حضرتك شكلك

الهنوف : تفووو بعين العدو وليش ياقلبه وش فيك متكرنة حضرتك

ريم : و الزفت ذا النحو يخلي احد بحاله وش سويتِ مع البدل مدري وش ذا

الهنوف برواق تام : ياشيخه طنشي بس

ريم : كيف اطنش ثالث يا خاله

الهنوف : خاله بعينك وش قالوا لك عبده لابسه شباصة حمراء قدامك

ريم : هنيف من جد منيب رايقة لك

الهنوف : شين و قوي عين ترا انتٍ اللي داقة للمعلومية يعني

ريم بقلق فظيع : وش سويتِ مع البدل

الهنوف : بالطقاق تدرين مسكت معي حالة إكتئاب و ولعت فوق راسي فكرة اني اصبغ غرفتي

ريم بتناحة : نعم

الهنوف : بصبغ غررفتي

ريم : ابوك يالمزاج خير إن شاءالله

الهنوف : والله وش اسوي جتني حالة ضيقة عارمة ادت بالتالي لحالتي اللي تشوفينها

ريم : مايمديك على الفصاحة

الهنوف : لا يفوتك اللون رايق من جد

ريم : من جدك خخخخخخخ

الهنوف : ومن عمي و خالي بعد تعالي شوفي

ريم : وو كيف صبغتِ

الهنوف : رحت لخالد و مافيه كلمة تدل على الضيق ما قلتها والله يخليها لنا تصرف و صبغوها لي

ريم : هههههههه يالله اجل جايتك عشان بعد اخذك ونروح لود تشرح لنا الدرس

الهنوف : يؤ السالفه فيها ود يعني سعود بيذلنا اكيد

ريم : ههههههههههه سعود شفته تو طلع و مكشر بعد

الهنوف : الله يستر يالله تعالي ياخاله

ريم : خالة بعينك

طوط طو طوط .... ريم : هين هنيف ميب مشكلة انا جايتك

طلعت ريم تجر الخطى لحد ما وصلت بيت ام الهنوف ^_^

ريم تسد خشمها : يؤ الله يرقفك هنيف وشذالريحة يا ويلك من الله عيال خالد صغار و مطيحين هنا 24 ساعه

الهنوف : ياشيخه يروحون لبيتهم وش مطيحهم هنا

رامي : اقووووول

الهنوف تناظره : لا تقول

راما : خير إن شاءالله انتِ ترا ابوي هو اللي سنع لك غرفتك

الهنوف : يالله شوفي ترا ما ااحب التمنن فاهمه ابوك اخوي قبل تنخلقين اصلا

رامي : خلاااااااااااااص كل واحد يزين سيارته يالله

ريم بخيبة امل : هنوف من جدك مختارة ذاللون خخخخخخخ

الهنوف : وش رايك رايق صح

رامي فتح الباب و شاف الجدران و ألوانها

رامي : خخخخ وش عندها الخالة أيشة

الهنوف تكرنت شوي : خيرررر

راما : ههههههههه مزاج برتقالي عاد ضاقت

الهنوف : كيفي راق لي طيب وش دخلكم

ريم : خخخخخخخخخ من جد الحين بس اقتنعت انو تأثير النحو مشينا بس لود

رامي : ود زوجة عمي سعود !!

الهنوف : لا زوجة وائل نور ايه مين يعني

ريم : كح هههههههه حلوة وائل نور ياقدمك يختي

رامي : ينقالها تخفف دمها عموما عمي سعود اخذ زوجته و بندوري معهم و طلعوا

ريم : وانت ما تستحي مشتغل رادار

رامي : جالس قبالهم اغمض يعني

ريم : هههههههه ياحبي لك بس ياعمري و قسم تذكرني بحركات نواف اخوي

-

-

-

-
في ايطاليا ....


زينة بحيرة من امرها

" ايا بقايا الذكريات اني اناشدك بالرحيل

آما آن لك الرحيل !!

فقد سئمت وقوفك هنا و هنا حيث يكون قلبي "


زينة بالنسبة لها كل الهموم تلاشت امام همها الكبير وهو هاجس امها الحقيقية ....

(( زينة تهوجس ...! وش فيني نسيتها او تناسينها ...!! وش اسوي يا بشر !! لو لقيتها طيب

ماابيها ..! ماابي اروح لها ! هي اللي اهملتني و تركتني لمضاوي !! لا يمكن اتجاوز عن خطأ امي

الحقيقية إلا اذا قدرت اتجاوز عن جرم مضاوي و اثنينهما جرموا بحقي ...! )))

اعتلتها زفرة بكاء عنيفة .....

بكت بحسرة ... بألم .... بصمت

لم تشعر إلا بوجود تلك المشاعر .... الحانية التي تنظر لها بعين إحترام و شفقة

نواف : وش فيك عسى ماشر توجسين شيء !

زينة تجفف دموعها : شوية صداع

نواف : سلامتك تبين اوديك مستشفى !!! يالله

زينة تقاوم : لا لا شوي و اهدأ بإذن الله

نواف يناظر : وينه عمي

زينة : بالشغل

نواف استغرب : بس انا ما شفته اليوم بالشغل

زينة تتذكر : صح اليوم عنده اجتماع مع وفد

نواف : طيب يالله قومي بوصلك

زينة : لا يا نواف انا صرت احسن بس شوي انكتمت

نوا ف يناظرها : مضايقك شيء صح !

زينة نزلت راسها تحت و سكتت بحزن

نواف : الله يهديك كنت حاس بذالشيء طيب اهدي شوي الحين

زينة ساكته و غمضت عيونها بألم لانها تذكرت ذاك الجرم الهائل

نواف : عسى ماشر اقدر اعرف اللي مضايقك ؟

زينة بحزن تناظره : مـ ـ ـ ـ ــا فيه شي

نواف رفع حاجب واحد : غريب عموما انح بيتِ تقولين انا موجود اخليك عشان تاخذين راحتك وسوري اني

جيتك هنا بس سمعتك تشاهقين خفت شوي

زينة تناظره : الله يعطيك العافية

نواف : زينة صدقيني اتمنى تقدرين تتجاوزين كل ذا اللي انتِ فيه و صدقني بساعدك بإذن الله

بس انتِ شجعي نفسك لا تستلمين كذا بسهولة

زينة تجفف دموعها : غصب عني يا نواف غصب اللي فيني يهد الجبال

نواف بحيرة : مضايقك شيء لا سمح الله بدر او امك فيهم شيء

زينة غمضت عيونها " امك ..اي ام يا نواف "

نواف : يبدو انك حابة تجلسين بلحالك .... سوري يالغلااا واذا حبيتِ تحكين انا موجود ( ابتسم برقة)

و طلع يجر خطواته بثقل و سحب باب غرفتها

تكأ راسه على الباب بإرهاق ( وش فيها ميب راضيه تحس فيني !! لابد احترم رغبتها ... وعيونها تنطق

الحب لبندر و بس )

سحب خطواته و رمي نفسه بتثاقل على السرير و غفى غفوة هادئة ....
-

-

-

-

-

في الرياض



بندر لا يزال في قوقعة حيرته و صدمته ....

ألقى بكل الاوراق و الاقلام و الملفات التي تعتلي مكتبه المعتق

بندر يسحب نفس زقارة تبدو السابعه ربما من حيث العدد

ولا زال يسترجع كل ذكرى مضت و انقضت و تركت في الذاكرة جروح و ذكريات

تكللت بالحسرات و شهقات الألم .....

سعود فتح الباب بفزع : خير وش فيك عجلتني و طيرتني بالعجة

بندر يناظره بصمت و من جوا اعتلى زفير ندمه

سعود : وش فيك ياخي قلبي طاح في بطني احد العيال صاير له شيء

بندر بعد صمت

بندر : مصيبة يا سعود وش اقولك انا منيب قايل لك شيء اسمع بس وانت قلي وش رايك

سعود : ياليل لحسة المخ ياخي وقسم بالله قلبي راح في خرايطها

بندر بهدوء : اسمع

( شغل المكالمة كلها من ألى )

سعود عيونه تتسع شيئا فشيئا

سعود قاطع المكالمه : يا رجال اترك عنك بعض الهرج مستحيل قم بس قم

بندر بعصبية نوعا ما : سعود ذا من خرابيطي و لا احساسي ولا خبرتي ترا ذا واقع او دليل

سعود بصدمة بس يكابر : كيف مستحيل ؟

بندر تكأ ظهره : خلاص ياخوي احنا بزمن توقع كل شيء ( تذكرها و تذكر كل شيء صار بينه وبينها)

سعود صامت ... منصدم ....

سعود : بدر يدري

بندر بحرص : ولا ابيه يشم ريحة خبر

سعود بحيرة : غريب امرك وش ناوي تسوي طيب و سلطان و عمي سعود و مضاوي وش بتسوي معها

بندر بقهر ( تذكر كل شيء قسوتها على زينة و رفضها تاخذها ) : لا عاد مضاوي لي تفاهم خاص معها بس

خلنا نخلص قضية رجلها الزفت على خير و يالله يا أنا ناويها

سعود : ام بدر لا تنسى تراها

بندر : ههههه استغفر الله وش دراك يمكن تكون بعد

سعود بعصبية : بندر خير

بندر يرفع حاجب : لا عاد بدر ولدها ميه الميه و اعتقد سمعت وش قالت بالمكالمة انو بالدنيا كلها بدر

سعود : بندر انا منيب بالومك ادري انك ضيعت اشياء كثيرة على اعتبار ان زينة بنت مضاوي

بندر بقهر و قلة حيلة : كل تصرفاتي كانت على الاعتبار ذا ويمكن انت اكثر شخص تدري بذالشيء

سعود بعد صمت : وش بتسوي

بندر بقهر يحكي بإمتعاض : خلني بس اقفل ذالقضية على خير

سعوود : بتسافر ايطاليا

بندر بتنرفز : وليش اسافر !!

سعود : مين بيقول لزينة ؟

بندر ( تذكرها انسانة رقيقة حساسه دلوعة ماراح تقوى على ذالحقيقة آه يا بندر ماتدري انها منطعنه من شهور بذالحقيقة )

بندر بعد تفكير : راح تعرف بس مو مني اكيد اللي علي اوصلها لامها الصدقية وبس

سعود بقهر : انت قلبك من ايش ابي افهم وليش تتصرف كذا معها

بندر ( لا يمكن تتقبل مني أي كلمة اخاف احاكيها و تكره امها بسببي ) : لوقتها له 1000 حل

سعود مبلم : منيب مصدق للحين

بندر : وانا صدقت و اقتنعت 100 % 100 بس بدر يستحب مايعرف الحين

سعود : والله ذا شغلك و أنت ابخص به ...



بندر بقهر فظيع : حسبي الله و نعم الوكيل ...
-


-

-

نـــــواف اخذته هموم الشغل و الدورات وانهمك في سما الغربة .. قاوم مشاعره ...

(( عيونها تنطق بحبه وبس ..... مشاعرها تخبي شيء غامض لي ..))

تلوع قلبه وذاق بالغربة الآهات و معاناة العشق المؤلم من كل مشاعره ..

تحسر فؤاده مابين امه اللي يحاتيها واهله وناسه في السعودية ومابين اللي شاغلة قلبه وفكره قدامه..


في السعــــــــــودية ...



بندر لا يزال يعاني من مر الحقيقة و يذرف الحسرات على واقع الصدمة

" باكر على الظالم تدور الدواير "

بندر جالس يقرأ الجرايد رفع راسه لتركي بتضجر و عصبية : تركي خلاص قفل على هالموضوع ..؟

تركي( اخوه الكبير) : يااخي تصرفاتك ولا بزر يسويهاااا خير ان شالله ..

بندر ابتسم : طيب خلاص كنسل الموضوع ترى مالي خلق اقوم واخليك لوحدك مثل امس وقبله خخخ

تركي : وش دعوى البارح ماتركتني هنا لوحدي وطلعت وانت مستلم عليك تصرفات صبيانية من جد

بندر : ههههه عشان تعقل ولاعاد تفتح هالمووضوع

تركي بإقناع : يقول مبكيني ولا مضحكني

بندر" ياليل ناقص هموم انا " : اتعب انا ياحكمه طيب ولا يهمك ان شاءالله يصير خير

تركي بعصبية : متى طيب......الحين فاضين وش رايك نروح ؟

بندر : اهب ماصدقت اوافق هههههههه نبي نتقهوى وش معجلك

تركي : ياخوي خايف عليك والله يعلم اني الح عليك من زود غلاك يابو فهد

بندر : الله يسلمك و يخليك ياخوي بس انت موسوس مافيني إلا كل خير والتحاليل اللي ازعجتني إلا واسويهم

بكرة ان شاءالله بروح واحلل بغيت شيء بعد ....؟

تركي يبتسم

دق جوال بندر .....< - بدر يتصل بك

بندر " لازم اضبط نفسي لازم اجامل و اساير مسكين ماله ذنب " : هلا هلا بالرجال هلا ابو روز

ههههه

بدر : أي اضحك اضحك اشوف فيك يوم

بندر : ياويلك من ربك ماكلها تراي وربي بجد

بدر : عسى ماشر

بندر : ياخي تخيل جتني دورة بـ فينيس وانا رفضتها بس طويل العمر عطاني مهله وانا خبرك مانيب صمول

بدر : يارجال احد محصلها توكل بس وسافر وخير ان شاءالله

بندر : لا تقنعني ياشيخ انا ناقص قرف تبي غربة

بدر : المقرود مقرود هههههههههه

بندر : وش صار معك مع عمك فواز ههههه

بدر : يخسى مايصير عمي انا عمه

بندر : وش صار بجد
بدر : اسمع يابندر ترى هالرخمه تحداني ، وانا خلاص بقولك اني ضربت الحديد واهو حامي ترى الرجال
حطني براسه الله يخييك لا تتركني تراي بجد وهقت عمري دخلت هالطريق وانا مااشوف نهايته


بندر : افاااااااااااا لا تشيل هم ياولد عمي ابشر بعزك وان شاءالله مالك إلا الامان بإذن الله تعالى

بدر : خلاص تراي الليلة بكشف له الاوراق واثبت اللي معي ضده بس نبه على ابو رامي يحترس زين لان هبه

متفقه مع فواز تأخذ الاوراق اللي عند خالد اذا احنا طلعنا مع فواز

بندر : انا متكتك كل شيء لاتخاف بس دير بالك لعمرك تعرف ترى هالسفيه يطلع منه أي شيء وانا برسل

دورية وراك تحميك بعد الله ان شاءالله و خطتنا على ماهي عليه

بدر : أي دورية و أي نيلة يا شيخ تبي تفضحنا ماله داعي اخاف يدري وينكبناااااا. تعرفه معتوه ....

بندر : واذا درى خليه يسوي للي يطوله اهو ممسوك ممسوك ان شاءالله وعلى يدي ان شاءالله

بدر : مو ذي المشكلة المشكلة اخاف يستلكع ويستقعد لامي

بندر تنهد ( تذكرها ضعفها و دموعها قدامه تذكرها تذكر كل جروحه و كل اللي صار لهم ) : ايه صح نسيت لا

اجل دير بالك لهالموضوع ترى هالخبل استفزازي

بدر : دعواتك لي الليلة ياذابح يامذبوح ههههههه

بندر : الله ينصرك بس دير بالك لعمرك

بدر : اقوووووول

بندر : سم

بدر بلهجة حزينة : اسمع انا طالع وانا مدري برجع او لااااا اذا صار لي شيء امانه بنتي معك خلاص و اختي

بندر : الله يهديك وش هالحكي بسسسسس ان شاءالله انك بترجع وانت اللي بتدير بالك عليهم

( غمض عيونه بألم تذكرها و تذكر وقع تأثير الخبر عليها يالله كيف راح تتحمل صاعقتين لازم تتروى يا بندر

في خبر امها مضاوي على الاقل لا تنفجع و ترجع لحالتها السيئة حرام تدمرها خصوصا بعد ما وصلتك اخبار

سارة انها تحسنت وبقوة)

بدر : بالله اذا صار لي شيء ارسل بنتي لابوي وزينة لا تتركها هنا ترى مالها احد وخبرك عماني مامن ولفة

لها

بندر : لحول ولا قوة إلا بالله يااخي لا تتفأل على نفسك طمن عمرك وان شاءالله ربي بينصرنا على ذالافه

بدر : ان شاءالله

*-
-

-

-

-

-


طلع بدر ومعه خالد راحوا مزرعة فواز على طريق الخرج في منطقة بعيده شوي 60 ك عن الرياض الوقت

الساعه 5 العصر

خالد : اللهم اجعل من بينهم سدا ومن خلفهم سدا

بدر ابتسم : الله يعين ان شاءالله لا تخاف وذالشيء كان لازم يصير من زماان

فواز ناظرهم وابتسم

واشر لهم يتفضلوووووون

نزلواا وراحوا عند فواز اللي قهواهم ورحب فيهم ...

بعدين

فواز : هاه من الاول نتفاهم عشان مانخسر بعض

خالد : احنا مو جايين نتفاهم اصلا احنا جايين ناخذ منك ورق ونعطيك اوراق

فواز : هههههههه وش فرقت فيه يعني

بدر : هات اللي عندك....

فواز : بس انا غيرت رايي

علامات تعجب على وجيه بدر وخالد

بدر : ليش على كيف امك الدعوة ؟

خالد : قايل لك يااخي رخمه كلمته مو كلمة رجال

فواز : اهاااااااااااا عاد خلنا محترمين بعض لاافور هالمسدس براسك

بدر : تخسىىىى وتهبى مابقى إلا انت لا تنسى من تكون قدامنا

فواز : ترى سهله جدا عندي مثل سلام عليكم ههههههههههههههههه واسالوا ولد عمكم المحقق خخخخخخ

ترى تعبته لعبت عليه لعب كم واحد ذبحته وطلعت مثل الشعره بالعجين وذالغبي ماقدر يمسك علي ولا شيء مع
انو متأكد اني الفاعل بس مسكين ماقدر يثبت مسكييين خخخخ


بدر عض على اسنانه : من خستك ودناءتك

فواز يبتسم بطريقة تستفز : ماعليك زود انت مااقدر اغلط عليك انت ولد الغاليه

بدر تضايق وقال : طاري امي لا تجيبه فاهم لا انا افور هالمسدس اللي معك براسك

خالد: فواز احنا ماجيناك نبي الشر احنا نبي تجيب اوراق ثبوتية هبه للمصنع اللي بالخرج عشان نتأكد اذا

هالكلام صدق او لاااااااااااااااااااا ونعطيك هاللي معنا وسلام عليكم الوجه من الوجه ابيض

فواز بسخرية : صدق ولو كان مو صدق غصب عليكم بتصدقون الشيخ والمحكمه كلهم بيصدقون لان الاوراق

ملعوووون ابو والديهم بالتزويررر واتحداكم تثبتون للناس انهالورق مزور

خالد بقهر بصمت : انت بزر وبالك طويل واللي بيلعب معك يبي يكون فاضي عشان يعلمك كيف ترد على اللي

النا س المحترمه

بدر بسخرية : ايه متمرس بالتزوير حتى ابوه يقولون لك ما سلم من شره

فواز بسخرية اكثر : عليك نور وانا ماجبتكم هنا عشان اثبت لكم ثبوتية الاوراق لا انا جبتكم اتحداكم واعلمكم

ان هالورق مزور وراح اثبت العكس غصب عليكم ...وانا اللي راح اكسب

خالد : حسبي الله لا اله إلا هو عليه توكلت وهو رب العرش العظيم ...

فواز يبتسم : تشهد قبل تموووووت حلو ان الواحد يحسن خاتمته ههههه

بدر فقد اعصابه بقهر : والله انت اللي خاتمتك بتصير على يدي ان شاءالله

فواز : تخسى وتهبى

( طلع فواز مسدس وصوبه على قلب بدر )

خالد خاف وقلق ،،،

وبدر خاف على عمره وصار يذكر الله ويستغفر

فواز : انت قاهرني اصلا من اول ماشفتك وودي اذبحك بس ماصارت فرصه بس اعتقد ان الفرصة جات لعندي

ومانيب مستعد اضيعهاااااااا والحمار الثاني ولد عمك بيلحقك واتحدى من يثبت اني ذبحتكم ...

بدر : لا تنسى انك مراقب والدولة طالبتك يعني شيء طبيعي بيعرفون تحركاتك زين

فواز : هههههههه عاد ذي اذا صارت مابيروح فيها غير امك

بدر تفاجأ ،،
فواز ضرب بدر مع خده بالمسدس : تدري ان ذالمسدس مرخص باسم امك مسكينة ماتدري عن شيء خخخخ

ياكبرها ولد يموت بمسدس مرخص باسم امه جريمة تنفع تكون حديث لمجتمع السعودي لا وبعد الام دكتورة

ومحاضرة بارقى الجامعات ههههههه ياهي سالفه بتهز العالم العربي كله خخخخ

فواز واصل كلامه : على فكرة تدري ان امك سجلت كل املاكها بااسمي حتى الموسسة اللي ابسم اختك

النفسية ذي عطتني اياها و بعد بقولك ان امك اكبر خسيسة و مجرمة انت عاد اكتشف وش سوت خخخخخ

بدر بعصبية : امي اشرف منك يا قذر وذا لانك رخمه وذا همك اصلا ماتبي غير الفلوس

قرب فواز وصوب المسدس براسه وقال : انا اعلمك مين الرخمه

خالد قرب بيدافع عن بدر وبيأخذ المسدس من فواز بس الكلب فواز متمرس عنده خبره كيف يتعامل مع

شخصين ....

انطلقت رصاصه قوية صداها احدث دوي مذهل واتجهت صوب بدر ،،

بدر بضعف متهالك : اشهد ان لا إله إلا الله محمد رسول الله

دخلت فرقة مكلفة من الامن بقيادة النقيب : سلطان ( من طرف النقيب بندر بن فهد )

خالد سند بدر : بدر لا تضعف ان شاءالله انك طيب لا تخاف لا تخاف

بدر بدأ يفقدد الوعي شوي شوي لييييييييييين اختفى نسمه

-

-

-

-

-

-

النقيب سلطان ومعه عدد هائل من الجنود والضباط : امسكوا هالوسخ واخيرا مسكناك متلبس

فواز : هين ياخالد والله لغير تندم انت وهالرخمه ولد عمك حاطين خبر عندهم اوريكم اوريكم طالع طالع واذا

ماطلعت والله لااوصي عليكم لين يصفووونكم

خالد مو قادر يتخيل الدنيا بدون بدر ...

بدر اللي ضحى بحياته و بامن بنته وبكل شيء يروح بغمضة عين

بدر اللي كافح واقنع خالد يتخلص من كابوس هبه وفواز اللي لاحقه 10 سنوات ...

بدر اللي ريحه من اهم كابوس في حياته ............

سيارات الاسعاف ...

. والشرطة والجميع حوط المزرعه....

خالد مع بدر في الاسعاف ....خالد حالته لا توصف

في المستشفى الاسياب مزحومه مرضى وكل اللي بالمستشفى تعاطفوا مع بدر واللي شد انتباهم اكثر وجود

خالد رجل الاعمال المشهووور....

بسرعه دخلوااا بدر العنايه المركزة ...

بندر جاء طاير مايشوف الطريق .....
-
-
-
-
-
-
-
-

بندر : خالد وش صار على بدر.. ؟؟

خالد بحزن فظيع : الله يشفيه ويعوضه للحين حالته خطره وبيسوي عملية وبعدها يتقرر

الاصابه جت بالقلب يابندر

((( دمعت عيون خالد )))

بندر بحزن : يالله ياكريم انك تلطف فينا وتشفيه وتعوضه بالعافيه يارب

دخل سعووود وحجرف وسلمان والجميع قلق للغايه وقلوبهم ترجف


بندر تكى راسه على باب غرفة العمليات يسترجع اخر كلام بينه وبين بدر ..

يسترجع ذكريات الطفولة واحلام المراهقه وحكمة النضج ......

بندر عجز يتحمل قلبه تقطع ....

استأذن بندر شوي بيطلع يشم هو او بالاحرى جاه اتصال من القيادة العليا يتطمون على

بدر..

بعد 4 ساعات طول الوضع

طلع الدكتور ...... وجهه مايبشر بخير
.
خالد ناظر فيه وعجز يقوم من مكانه .........

. خالد: هاه يادكتور طمن

الدكتور : لحول ولا قوة إلأا بالله البقية بحياتكم

صدمه عنيفة اجتاحت جميع الموجودين............... ..

الجميع اصواتهم تهللت بذكر الله والاحتساب...

سلمان : الله يرحمه


... دمعت عيونه


خالد ماقدر يتحمل الخبر واغمى عليه ......... لانو كان تعبان طول اليوم ولانو برضوا شهد

الموقف......

بندر رجع وشاف الموقف عرف الموضوع حزن كثير ودمعت عيونه من قلبه وراح يدعي له ..


* * *

دخل سعود البيت وواضح انو فيه شيء ...

ام خالد : وش فيك يمه خوفتني

ضي :خالد فيه شيء ؟؟؟؟؟ وش صاير

ريم : وش فيك سعود خوفتنا والله قلبي راح فيها

سعود كان متلطم ورامي العقال وعيونه حمر ....

إبتهال : وش فيك خالد وينه نواف فيه شيء اكيد يا حسرتي على اخواني

سعود بحزن : مافي شيء

وعجز يكمل وطلع

امه تبكي بحسرة : ياايمه الله يرضى عليك قلي من هو من اخوانك داريه والله قلبي

موجعني

البنات كلهم صرخوا وبكووا

سعود بحزن: بدر ولد عمي سعود يمه توفى ....

انصدم الجميع .............

استوعبوا انو ولد عمهم سعوووود

ام خالد : انا لله وانا إليه راجعون ،،، الله يرحمه

ضي تبكي : الله يرحمه ويغمده الجنه ... ويعوضه بشباب لا يهرم

إبتهال ماتعرف وش صار فيهاااا بس الاكيد انو اغمي عليها


-
( عندما تحتدم ألسنة نيران الفقدان لتصافح مشاعر البشر )



في مجلس ابو تركي حيث يتصدر الأعمام المجلس

و الجميع قد ارتسمت على محياهم علامات الصدمة ....

المعزين في تدفق لتقديم واجب العزاء في رثاء و فقدان الأبن " بدر"

جو رتيب و كئيب يزيد من مساحات الحزن ... والريح تعتلي لتكمل الحزن مرارة ...

عند الأهل ....

علامات فارغة ..... كل نساء العائلة قد تكللت ملامحهن بالأسى ...

الجميع يبحث عن والدة بدر .........

مضاوي في مستشفى تلزم السرير الأبيض لإن الألم قد فتك فيها كثيراً ...
و حرصاً من تلك العائلة الفاضلة لم يبلغوها الخبر المفجعـ بوفاة نجلها العزيز ...