الزمان مالــهـ امــــان.,:.,:

خالد:السلام عليكم،،
،،الكل ساكت ومادن بوزه شبرين،،
خالد:ترا السلام لله،،
ام خالد:وعليكم السلام،،وش عندك،،
خالد:انا جاي اكلم اميره بسالفه تخصها،،
اميره:مابيني وبينك سالفات،،
خالد:السالفه فيها مصلحتك وابقولها خاف أذا جاء بعدين تقولين ماقلتا لي،،
اميره:قل وش عندك،،

خالد:اليوم جاني مالك وقال انه يبي يرجعك واي شرط تشرطينه هو موافق،،وخذي وقتك بالتفكير،،

_اميره من قوة الصدمه صاحت وراحت لغرفتها وراحت معها حصه اختها،،
ام خالد:غريبه مالك وش اللي ذكره،،
خالد:يقول انه يبي يرجعها من زمان بس انتم ماعطيتوه وجه،ولاتنسين اللي في بطنها،،
ام خالد:في هذي انت صادق،،
خالد:انتي اقنعيها وعلميني علشان اقول له،،



_جوال ناديه يرن_
ناديه:نفس الرقم الغريب حق هليام،،
ليلى:خليه لاتردين،،
ناديه:خاف يزعجني حرام خل ارد،،
ليلى:حولي رقمه لسالم وهو يتصرف معه،،
ناديه:لا تبين سالم يذبحني،،شوفي دق ثانيه،،
ليلى:قفليه زي ذاك اليوم وارتاحي،،
ناديه:ابرد واشوف وش يبي،،

سعد:الو
ناديه:نعم
سعد:انعم الله حالك،من معي،
ناديه:انت من تبي،
سعد:ممكن نتعرف،،
ناديه:صدق انك ماتستحي ع وجهك،،
سعد:وليه استحي انا قصدي شريف،،
ناديه:اللي قصده شريف يجي للباب ويكلم رجاجيل موب يكلم حريم اخر الليل صدق انك ماتربيتا،،
،،سكرت السماعه في وجهه،،
ليلى:وش يبي،،
ناديه:الأخ يبي يتعرف لا ويقول قصده شريف،،
ليلى:هاهاهاهاها قصده شريف داق هل حزه،،
ناديه:وانا وش علي منه،بتروحين للجامعه باكر،،
ليلى:ايه عندي محاظرتين باكر،،



حصه:اميره ترا مافيه شي يخليك تصيحين،،مفروض انا اللي اصيح لأالحين عقب الجلداللي جاني،،
اميره وبأبتسامه:الله يقطع بليسك،،
ام خالد:اميره وش فيك،،
حصه:مافيها شي بس مع الفرحه ودها تشق ملأبسها،،
ام خالد:صدق اميره،

_اميره ساكته ومنزله راسها بالأرض والخدود حمر_

ام خالد:اسمعي يابنتي ترا انا منيب دايمه لكم وحصه باكر ابيجيها نصيبها وتتزوج وانتي ابتقعدين كذا لحالك ماعندك احد،،
حصه:اااميين يسمع منك ان شاء الله،انتي خلي النصيب يجي بس،،
ام خالد:انتي وش مستعجله عليه،،،اها يااميره وش اقول لأخوك،.
اميره بتتقطع من الحيا:اللي تشوفونه،،
ام خالد:يعني موافقه،،
حصه:يووه يمه لاتحرجينها زياده،،الف الصلاة والسلام عليك ياحبيب الله محمد قللللللللللللللللييي،،
ام خالد:وطي صوتك الناس نايمين،،
حصه:واذا صار خليني افرح بأختي،،الا انتي تحبينه،
اميره وبحيا:يووه عاد حصه خلاص اسكتي،،
ام خالد:ياحليلها المستحيه،،يالله بس نامو تصبحون ع خير،،
اميره وحصه:وانتي من اهله،،
اميره:اقول البس فستان ابيض،،
حصه:ماصدقت ع الله،،اقول انتي نامي واذا جاء باكر اسألي لين تقصرين انا وراي جامعه،،


_الساعه6:30صباحآ ع الفطور_
خالد:يمه كلمتي اميره،،
امه:ايه كلمتها امس،
خالد:ايه طيب وش قالت،،
حصه:موافقه،،
خالد قام من الفرحه:صادقه الله احلى خبر سمعته،،
امه:امسك حالك لاتطير من الفرحه،،
عزام:وش السالفه،
حصه:اميره ابترجع لمالك زوجها،،
عزام:لا وشلون ومتى،،
حصه:هاها يعني وشلون ابتروح معه لبيتها،ومتى ماادري،،
عزام:طيب وانتي،
حصه:وانا وش دخلني،
عزام:وشلون وش دخلك،منتب معرسه،،
حصه:وراه عندك احد،روحه لي عادي ترا،،
ام خالد:يسدقرقه ويالله روحو تأخرتوا،،
حصه:انا محاظرتي تبدا الساعه ٨ يعني ماعندي شي الحين،
عزام:لاوالله ع كيفك اجل منيب رايح اليوم،،
جدته:وليه منتب رايح،،
عزام:بس هونت،ابروح انام،،

حصه:اجل قوم اميره،،
عزام:منيييييييييييييييييييييييييييييييييييييييب،،
امها:وشوله تقومينها،،
حصه:بس كذا موب لأزم تشبع نوم،،
امها:اقول خليها تنام متى مابغت تقوم،،
حصه:لو انا اللي نايمه كأن ازعجتوي كل دقيقه رازحين الباب،،
امها:من زود حبنا لك بلى،،
حصه:مايبي له كلام،،
امها:اقول قومي صلحي لنا قهوه قبل ماتروحين،،
حصه تصوت:سيتي سيتي،،
امها:وشوله تصوتين لها وش تبينبها خليها تشيل السفره،،
حصه:موب انتي تبين قهوه،،
امها:انا قلت صلحيها انتي،،انا مااحب اكل من طبخات شغالات،،
حصه:خخخخخخخ هاذي موب تنوكل هاذي تنشرب،،
امها:واذا هاذي اخت هاذي،،




ليلى:اها وش عندك،،
ناديه:ماعندي شي بس تعالي عاونيني قبل مايقوم سالم،،
ليلى:الحين مزعجتني تعالي وتعالي صدق انك بايخه،،
ناديه:لاعاد تبيني اصلح الفطور لحالي،
ليلى:اللي يسمعك يقول بتفطرين الحي كله،،
ناديه:يسدقومتي من الصبح،،
ليلى:انا كل عمري اصلح الفطور وتقومين ولاقلتي شي،،





عزام يرسل لصديقه وليد رساله:ترا منيب جاي للمدرسه اليوم مقصر،،
ردعليه وليد:بأس اجل منيب رايح،تبيني اصبح ع وجيه نحسه،
عزام:لا رح ماعليك مني،موب كل ماغبت غبتا،
وليد:اقول وسع صدرك والدنيا فانيه،،يالله فارق ابنام،،
عزام:ياالبطه يسد نووم،وفارق انت ووجهك النحس،،



_اخوات وليد رهف١٧سنه نور١٩سنه امهم هيا_
وليد:يمه تراي منيب رايح للمدرسه،،
امه:وليه،،
وليد:بس بطني يوجعني،،
رهف:قل عزام غايب وابغاب ولاتصرفها،،
وليد:وانتي وش دخلك،،
نور:مالا الحب الا للحبيب الأول،،
وليد:ايه غايب وابغاب وماعلي منكم وابروح انام وانتم روحو انطقو في المدرسه،،
رهف:وشحيته يغاب وانا لا اجل ابغاب،
نور:وانا بعد منيب رايحه،
امهم:ماعلي منكم هذا مستقبلكم وانتم احرار،
رهف نور:هيه هيه هيه،،






اميره:صباح الخير،
امها:صباح النور غريبه الحين الساعه١٢مصيفه ماقمتي مبكره،،
اميره:مانمت زين امس،،
امها:اكيد من الفرحه،،
اميره:راحت حصه للجامعه وعزام للمدرسه،،
امها:حصه راحت الساعه٨اما عزام ماراح،،
اميره:ليه ماراح،،
امها:دلع يقول منيب رايح مالي مزاج،،
اميره:اخص ياعزاموه ماله مزاج وينه هو،،
امها: نايم في غرفته،،
اميره قامت:اجل ابروح احوس عليه علشان يقوم يصلي ماباقي شي ويأذن الظهر،،

هدى:سلام،
ام خالد:هلاوعليكم السلام،،
هدى:بيت وش كبره وش فخمه مافيه فطور،،
ام خالد:فطور هل حزه الناس حزة غدا،،
هدى:واذا عادي انا متعوده كذا في بيتنا،،
ام خالد:اي بيت،
هدى:اي بيت يعني بيت اهلي،،
ام خالد:ايييييييييييييييييه،
هدى:وشفيك تقولينها بدون نفس،
ام خالد:لاسلامتك مافيه شي،،
هدى:سيتي سيتي،
ام خالد:وش تبين بها هي مشغوله الحين،،
هدى:وش دخلك ابيها وبس،،
سيتي:نعم ماما،
هدى:لاتقولين ماما هذا لعجوز كبير انا مدام ويالله روحي جهزي السفره،،
سيتي:حاضر مدام،،
ام خالد:استغفرالله،
هدى:وليه تستغفرين،
ام خالد:وحده تستغفر ربها وليه تبي الأجر اف منك،،



_اميره تحط الفاين ع وجه عزام_
عزام:اووه وشو وخر مابي،
اميره:هاهاهاهاهاها،،يالله قم الساعه١٢ونصف،،
عزام:ايه خلاص روحي اقوم،،
اميره:منيب رايحه لين تقوم،،
عزام:قايم قايم،،
اميره:عزااااااااااااام قم،،
عزام:هه هذاي قمت وش تبين،،
اميره:وش ابي ياالله ابيذن،،ولاتنسى انك تسوي لي كذا واكثر،،
عزام:حيوانه الله يأخذك،،
اميره تدحجه:انا حيوانه زين اوريك بعدين،،




خالد:لاصدق صدق،،
مالك:خاف انك تكذب علي،
خالد:وليه اكذب،ماتبيها خلاص اقولها،،
مالك:لالالاوين تروح مصدقك خلاص،،
خالد:اشو بغيت اهون،،
مالك:متى الزواج،
خالد:اول شي تملك بعدين اسأل متى الزواج،،
مالك:وليه مانخلي الملكه والزواج بيوم واحد،،
خالد:خلاص ع رايك،بس يبي وقت علشان تتقضى،،
مالك:كم تبي المهر،،
خالد:بس150الف ريال،،
مالك:خلاص اليوم راح احوله ع حسابك ان شاءالله،،
خالد:خلاص،والحين تقدر تروح بدون مطرود عندنا شغل،،
مالك:مااقدر اقول شي نسيب،،




_حصه طالعه من الجامعه راكبه الباص_

ليلى:تعالي هنا حصه،،
حصه:موب لأحد،
ليلى:لو انه لأحد كان ماقلت اقعدي،،
حصه:اف قصرت ٥ساعات متواصله محاظرات،،
ليلى:مفروض انهم حاطين راحه،،
حصه:الشكو لله،،وذا وراه مايمشي الحين وش يحتري،،
ليلى:شوي شوي درينا انك معصبه،،
حصه:مقصرين،وحر،وذا واقف،
ليلى:باقي بنات ماركبن،،
حصه:وش يحترن بنات الكلب اكيد كل وحده جالسه تسولف وماهمها احد،،
ليلى:موب شي جديد،،
حصه:هيه انت امش لاتحتري احد ترانا قصرنا اللي يبي يروح يركب ع طول هن قاعدات يسولفن والحن منطقين،،
السائق:لو امشي ابلشوني اولياء امورهن،،
حصه مع دريشة الباص:هيه انتن ترانا رحنا اللي بتروح تركب،،
ليلى:احمدي ربك انك تنزلين ثالث وحده موب زيي تاسع وحده،،
حصه:عين الحسود فيها عود،،




خالد يصوت:اميره اميره،،
اميره:نعمممممم
خالد:تعااااااااااااااااالي،،
اميره:نعم وش تبي،
خالد:وينك ساعه وانا اناديك،،
اميره:جالسه اجهز الغدا،،
خالد:اليوم جاني مالك وقلت له انك موافقه،،
اميره:السالفه فيها مالك يبيلها جلسه،،وش قال،،
خالد:خخخ كم تعطيني،،
اميره:يامصخك عاد،،
خالد:يقول يبي يخلي الملكه والزواج بيوم واحد،،والمهر١٥٠الف راح يحولهن ع حسابي بعدين ابحولهن ع حسابك وروحي تقضي،،
اميره:صادق الله اخيرآ،،
خالد:وشو اللي اخيرآ،،
اميره:هه ولاشي،،
حصه:هااااي،
خالدواميره:هاااااي،
حصه:تراي جوعانه وين الغدا،،
اميره:لايكون الحن مصباح علاءالدين،،
حصه:لامخبات كعبول،،
اميره:خلاص روحي غيري وتعالي نحط الغدا،ونادي هدى،
خالد:لاهدى عنداهلها،،