لاتظن أني ماأحبــك

عبدالرحمن : جالسين تحشون فيني من وراي
شيماء: لا والله بس العنود تقول ليه ما تجي أتسوي معانا الفطور
عبدالرحمن : هزلت أنا أحط ايدي بالمطبخ هزلت والله
العنود :على راسك ريشه يعني
عبدالرحمن من سمع أخته سكت و طالعه لمدة ثانيتين تلاقت فيها العيون ترسل كلمات ما يفهمها غير رواعيها
العنود نزلت عينها : عبدالرحمن سامحني
طلع عبدالرحمن من المطبخ وراح للصالة
خديجة : أيش فيه ماما
شيماء: مافي شي سويتي الفراولة
خديجة : الحين سوي
العنود بدت تحزن وادا إلى بكى وهي تشتغل
جمانة بخاطرها : العنود تصيح ليه بس أكيد فيه مشكلة بينها وبين دحومي ,ما يحلها الا رجالها (تدق بصدرها وجلست تكح (
شيماء : وش فيك تكحين
جمانة : لا يمه ما في شي
اطلعت جمانة وراحت للصالة لقت عبدالرحمن يطالع التلفزيون
جمانة : دحومي وش أخبارك
عبدالرحمن يتلفت وراه يبي يعرف من دحومي : أصغر أعيالك أنا
جمانة :عاد دحومي روق اشوي واسمعني
عبدالرحمن عدل روحه : هذي جلسة وش فيك
جمانة : لي خاطر عندك ولا لا
عبدالرحمن : لا ماعندك خاطر عندي
جمانة : لا دحوم لي خاطر عندك ولا أنت بتزعلني
عبدالرحمن : تفضلي يا أم الخواطر ولا عاش من يزعلك
جمانة : كيف ترضى ما تزعلني وانت تزعل أختي الثانية كيف ترضى تخليها تصيح بسبتك كيف ترضى تخليها ماتنام الليل بسبتك
عبدالرحمن يسمع الكلام يستغرب يشوف جمانة تتكلم كذا يتعجب : جمانة وش دراك أنتي
جمانة : قوم معي للمطبخ وشوف العنود والله تصيح وانتالسبب بعد مامشيت بدت تصيح ولا أحد يشوف دمعتها تعرف العنود ماترضى أحد يشوفها تبكي
عبدالرحمن بخاطرها : أختي يصير لها كذا صح بغيت أدبها لكن مو لدرجة تصيح جد أني قاسي
قام عبدالرحمن مع جمانة وراحوا للمطبخ
عبدالرحمن يطل على المطبخ وجد لقى دموع العنود على جبينها
جمانة : شفت هذي أختي أعرفها تعذبت تلاقيها
العنود في نفس الوقت بخاطرها : خلاص ماني مكلمته كافي الي جاني منه, من يضربني من وراي (لفت وجها لقت عبدالرحمن وراها (
العنود : وش فيك
عبدالرحمن بصوت بحوح : انا أسف أنا أسف أرجوك قبلي أعتذاري ماظنيت أني أسوي فيك كذا
العنود من شدة الموقف بكت ولمت أخوها
عبدالرحمن : ما أتفقنا كذا (لمها هو بعد وحب راسها (
جمانة تأخذ طبق البصل الي توها أمقطعته العنود وتقربه جنب عبدالرحمن الي في دنيا ثانية مع أخته العنود
عبدالرحمن : العنود تراني من النوع الي ما أصيح بس ما أدري أحس أن دموعي تنزل غصب عني
العنود : عادي يا أخوي رقق قلبك وصح
عبدالرحمن يطالع جمانة ويشوفها وهي تأشر له
جمانة جالسة تفهمه أن البصل هذا هو سبب أصياحه والي قشرت البصل العنود وسبب أصياحها هو البصل
عبدالرحمن : أهههههههههه النذلة النذلة والله لوريك (يفك عن العنود (
جمانة خايفة : حبيت أصالحكم وما لقيت غير هذي الكذبة أقول لك تصيح عشانك وانت هم صحت عشانها ولا الصدق ان البصل هو السبب
العنود : نعم انتي كنتي تكذبين
انحاشت جمانة وعبدالرحمن وراها
عبدالرحمن : وين بتروحين مني تقصين علي والله لوريك
شيماء تضحك مع العنود على عبدالرحمن
العنود : خلاص عبدالرحمن هدها
مسك عبدالرحمن جمانة وهي تترجاه
جمانة : عبدالرحمن أسفة والله كان قصدي خير
العنود تمسك عبدالرحمن من وراه وياتفت لها وتتلاقا العيون يحس عبدالرحمن أنه منهزم من الي سواه
العنود : عبدالرحمن أنا أسفة لا تأخذ بخاطرك علي والله اني متأثرة حيل بالي صار مو لازم تنزل أدموعي عشان تصدقني
عبدالرحمن : العنود تدرين وش كثر اعزك بس موقفك ذاك اليوم أنتي ويا النسرة نورو صبرها علي بس لين اشوفها أثر فيني واجد
رن الجرس وهم جاسين يتكلمون
عبدالرحمن : أكيد هذا يعقوبوه جاي بدري وفي هاللحظة بعد
العنود تغيرت ملامحها للأستياء : روح شوفه ودخله المجلس بعد جاي يفطر اليوم عازمين العيلة كلها هنا ببيتنا
عبدالرحمن : خير وانتوا بتنزلون للأحساء ولا لا
العنود : والله ما أدري عن أمي بس شكلنا بننزل
عبدالرحمن : خير فيه شي
العنود : أيه عقباللك إنشاء الله عائشة بنت عمي بيخطبونها بكرة
عبدالرحمن : بالله عليك عائشة بتنخطب ,, وين عائشة أذكر واحنا أصغار كيف كنا نلعب مع بعض الله يوفقه يارب خلاص أجل بعد التراويح نمشي
العنود : خير المهم بروح وياك بالسيارة
عبدالرحمن : خير
طلع عبدالرحمن يقلط ولد عمه يعقوب الي من دخل الا وعبدالهاب ومها وأسيل وعبدالعزيز وراهم
عبدالرحمن : حي الله عمي عبدالوهاب وحيالله مها أم عبدالعزيز
عبدالوهاب +مها : الله يحيك
ضحك الكل للتوافق
يعقوب : أهههه قلبي بو داحم يعورني
عبدالرحمن : وش فيك يا عمري
يعقوب ": أبي أتزوج تعبت
عبدالوهاب : ههه شد حيلك وخلص وفيه مئة بنت تتمناك
يعقوب : وحدة أبي بس
مها : تبني أساعدك
يعقوب : ياليت وانتي وعدتيني
عبدالرحمن : أقول أفرك أتظبطين ليعقوب وانا لا
مها : أنتي قاضي ومخلص خل غيرك ينقي
عبدالوهاب : أوقل انت وياه خليتوا مرتي خطابة من دون فلوس
عبدالرحمن : يعقوب خلنا نمشي عمك ذا يحب الفلوس
يعقوب : يله دخلنا مجلسكم
أدخلوا كلهم وفي المطبخ البنات ومها جالسين يسون ورق عنب واذا بلينة تدخل عليهم
العنود : الله لينوه جات
لينة مسويه معصبه : تعبت وانا أعلمك انا عمتك
جمانة : اللهم اني صائمة
لينة : وليه قلت شي خطاء
جمانة : لا بس أتصارخين من دخلتي ولا سلمتي للحين
سلمت لينة على البنات وعلى شيماء ومها
لينة : اليوم أفراج تعبت من الطبخ أبي أرتاح
العنود : نعم نعم إفراج طل فيه شغل أكثر من بيتك بس اونس هاهاها
لينة : يعني ما ردي إلا للشقا
العنود : مين قال لك تزوجي كان صرتي أعزوبية شراتي
لينة : وش شراتك
العنود : هذا قول هيبة بنت عمي من حبها للقصص الإماراتية
مها : الله قصص من زمان عنها ودي أعيش قصة حب
لينة : نعم نعم مو كافي عليك أخوي بحبه
شيماء : هين أنتي وياها أشتغلوا مابقى شي على الأذان
العنود : سمعا وطاعة
البنات أضحكوا وبدوا يتكلمون بصوت واطي يظنون أن شيماء ما تسمع
عند الرجال كان فيصل مستلم المجلس
فيصل : عاد أقول لك رئيسي مارضى يعطيني إجازة عجزت عنه الوالدة تبي تروح مكة مع الوالدة والرضيعة لكنه جلف نحيس
إبراهيم : قلت لك تعال الشركة عندنا واشغل بنصيب زوجتك
فيصل : لا مالي دخل بفلوس زوجتي أنا حر وانتوا فيكم الخير والبركة
إبراهيم : الله يبارك فيك
عبدالرحمن : يبه فيصل خلاص تكلموا في شي ثاني بقول لكم لغز حلوه
كان في ثلاث نملات يمشون ورا بعض النملة الأولى قالت أنا وراي ثنتين والثانية الي وراها قالت انا وراي وحدة والثالثة الأخيرة قالت أنا وراي أربع كيف وكم عددهم ؟؟؟؟؟
يعقوب يحك راسه
عبدالوهاب : عددهم سبع
إبراهيم : لا كيف سبع
عبدالرحمن : لا خطاء
فيصل : اما عني ماني مفكر تعبان من الشغل ولا لي خلق
عبدالرحمن : لأنك عجزت
فيصل : ست نملات ها
عبدالرحمن : لا فكروا بعد الفطور أعقولكم أمجيمة
في ساعات الصبح الأولى
الوليد : وخري عني ......اقول لك وخري عني بذبحك
ذبانة مزعجته
الوليد : أوف ها وين أنا وش جيبني هنا وليه نايم هنا اهههه راسي يعورني (يمسك راسه ) مو ذاكر شي وين الجازي عني ليه ما اتصلت علي, خلني اروح للفندق أحسن لي
في الفندق كانت الجازي نايمة في الصالة على وجهها من الصياح ما تدري وين تروح
جا وليد بعد ربع ساعة
الوليد : وش فيها اليتات أمبطلة ,,,وش فيها الجازي نايمة على وجهها (قرب جنبها ولقى أثار الكف),,,,أههه تذكرت وش السالفة الله يقطع يدي ليه سويت كذا بهذي المسكينة والحين وش اسوي ........الجازي قومي (جالس يقعدها ) الجازي
الجازي : تفتح عيونها على وجه وليد لا خلاص وليد لا تضربني أسفة أسفة
الوليد متأثر بموقف الجازي والي صاير لها : ماني أمسوي لك شي انا الي أسف
الجازي بخاطرها : تقولها كذا بسهولة بعد (تحط يدها على جبينها (
الوليد : الجازي سامحيني أمس تعبت كثير والبنت الي قلت لك عنها خلاص ماضي
الجازي بخاطرها : لو هو ماضي ليه محتفظ بالرقم ليه أنت كذاب كذاب (ارجعت الدموع تاخذ مسارها على جبينها رغم حرارتها على الكف(
الوليد : قومي أمحضر لك مفاجئة بنروح اليوم متحف اللوفر قومي أستعدي فيه الكثير من الرسومات وخاصة للرسام العالمي لليوناردو دافنشي
الجازي تأشر بالموافقة ولا تقدر تتكلم من الخوف
الوليد : لا تخافين أنا زوجك قومي لبسي الحين ويصير خير بتروش وبطلع بسرعة خلاص حبيبتي (حب راسها(
دخل الوليد الحمام والجازي راحت تبدل ملابسها وفي نفس الوقت تكلم روحها :كل هذا تغير قبل أشوي يطقني والحين يقول حبيبتي نسى ولا تناسى الحين انا ليه أسوي كذا خليني أستانس ممكن انه تغير وما أظنه