قصة اماراتيه آه من قلب

عنـد عـزوز كـان فالحمـامات ,, شـلا كابه و عدل شعره و غسل ويهه و لبس النظـاره و خلا الكاب فالكيس ,, كان شكله كيـووت عشره كان مدرج و كان ياي ع عيونه وبتدريج صوب اذنه طالع كيـوت "" شرات حمـدان مسوي "" و عقب طلع من الحمـام وشاف عمـور جدامه ,,
عمـر : انته وينك اففف ,, ليش ماترد عليه
عـزوز : بس
عمـر : عزوز بقولك ليش كانت جيه ,, لانه سمعت شريط فالظرف .
عـزوز انصدم : اي شريط بعد
عمـر : علمي علـمك .. مادري ,,
عـزوز : ماعليه .. بسمعه يعني بسمعه ,,

وجـان يروحون فـوق ,, و سـارو صوب مكـانهم " انتظـار الطيـاره " .. مريـوم كانت تشوف منو يدش و جيه ولا مره وحده
مريـوم : عليوه عليوه شوفي ها شعره خبـااال
عليـا : وينه ؟
مريـوم : ها اللي ويا ربيعه
عليـا تدز راسهـا : يا الخـده ها ريلج
مريـوم : هـااا !! ويي شكله غير
عليـا : هيه حلـو
مريـوم ضربتها ع ريولها : اييه
عليـا : ههههه انزين انزين ,, اذا تحبينه ليش تسويله جيه
مريـوم : سكري السـالفه قلتيلي انسـي صح !!
عليـا : اوكيه فديتج ,,
وعقـب جان ايي عمور و ايلس عـدال عليـوه و عزوز عدال عمـور ,, وعقـب دقايق جان يفتحون البيبـان ,, و سـارو داخل عسب هم فـ البزنـس ,, و عقـب يلسـو 2 .. 2 عدال الدريشه ,,
مريـوم : لا مـابا
عليـا مسكره ضروسهـا و ترمس و شويه و بتضرب مريوم : اقولج ايلسي عدال ريلج
مريـوم : جب مابا بيلس عـدالج
عليـا بصوت عـالي : مريـووووووووم !!
عمـر : اييييه وين يالسين انتو ,, يلسـو ,, تعـالي عليا عدال الدريشه ,,
جـان تسير صوب الدريشه و مريوم تيلس بعد عدال الدريشه و عدالهـا عزوز ,, و عليـا عدالها عـمر .. وعقـب دقايق اتصـلو حق اهلهـم و جيه .. و مريـوم طرشت حق فطـوم مسج و قالتلهـا عن الشريـط .. وعقب غلـقو الموبايلات .. كـانو عليـا و عمـر ورا مريـوم و عزوز ,, هاييلاك يسولفون و يضحكون و مريوم و عزوز صاخين ,, يوم ربطـو الاحـزام ,, مريوم تخـاف من الطيـاره وايد ,, تامه قابضه ايد الكرسي بالقـو ,, عزوز فخاطره يضحك عليهـا ,, جان يحط ايده ع ايدهـا و ايمسكـها و هيه شافته فخاطرها تتفداااه ونفس الوكـت قالت : سخييييف تقهر ليش سويت جيه >> دلوعه وايد لول .. وعقـب ربع سـاعه خوزو الحـزام و شغـلو التيلفزيـون و عقـب عزوز طلـع مصـاص يبـا يقهر بـ مريوم ,, فتحه و تم يمصه و يخليه ع ايد اليسـار صوب مريوم وهيه تشوف المصـاص
مريـوم فخـاطرهـا : ياويل حـاليييه ابا !!
عـزوز فخـاطره : بخلي المصاص فوق عشان اقهرها زيـاده .. مص المصـاصه و خلا كوعه ع الكرسي و ايده يعني بتكون فوق و خلا المصاصه صوب مريوم ,, و هيه تشوفهـا
مريـوم فخـاطرهـا : انـاا براويـك ,, يوم هوه صد الصوب الثـاني ,, جـان تي و تفج حلجهـا و تاخذ المصـاصه ,, وخلتهـا فحلجهـا و هيه تتعبث فـ الMP3
عـزوز شهق : حرااامييييييه مصاصاتيه
مريـوم : عيب تمص مصاصه انته هب ياهل
عـزوز : وانتي عيب تمصيـن مصاصه جـدام الناس ,, ( يبـا يقهرهـا ) عقب ياخذون فكره خايسه عنج ..
مريـوم طلعت المصاصه و ترفع حياي واحد : نعـم !! جيه شو تتحراني **** ولا شوه !!
عـزوز فج عيـونه و شهق : قـويييييه !! لا لا افا عليج محشـووومه
مريـوم تمص المصاصه وتخليهـا ع صوب اليمين ,, خدها انتفخ : وثـانيـا انا واثقه من عمرييه ,, انا فالطيـاره هب فـ المول يالسه اكل هالمصاصه
عـزوز : انزين انزين عطيني يـاها
مريـوم : آآآسفه
عـزوز : عطيني ياها بالزين !!!
مريـوم : sooooooory
عـزوز : مريـوووومه
عليـا صدت ورا : اوووه مبروك ترمسون بعض
مريـوم : الله يخليج اجلبي ويهج !!!
عليـا : ههههههههه ,,, جان تعتدل
عـزوز : عطيني هـاي بعطيج مصـاصه ثـااانيه
مريـوم فجت حلجـها : اشوووووه !!
عـزوز : هههههههههههههههههههه .. بلااج .. عطيني انزين
مريـوم طلعت المصاصه و تمت ميودتنهـا .. ودقايق جان ياخذها بالقوه
مريـوم : حمار !!
عـزوز : ياويل حـاليه عـسل عسسسسل ,, تصدقيـن استوت احلى من قبل
مريـوم : ليش يعني ؟
عـزوز : لانه عسـلج فالمصاصه
مريـوم : عزوز يا الوصخ
عـزوز : ههههههههههههه ,,
مريـوم : جـب
عـزوز : ان شاء الله ,,
مريـوم : عليـا فريلي شنطتـج ..
عليـا تخلي شنطتها ع ورا : انـدوج ..
مريـوم : يسلـمو .. جـان تفجهـا و تاخذ المسـجل الصغيـر و تعيد الشريط ,, وتعطي السـماعه حق عزوز
عـزوز : شو هـا .. جان ياخذه ,,
مريـوم تشوفه : غنيه وايد وايد حلـوه ,, جان تشغل المسجل و عـزوز يتسمـع و فـاج عيونه ,, و سيده فر السماعه ,,
عـزوز بصوت عـالي و غليض : مريـوم قسم بـ .......
مريـوم قطعت رمسته و حطت صبعهـا صوب شفـايفهـا : اووووص ولا كلمه مابا اسمع اي عذر !!
عـزوز : بس اسمعي صـوته !! و اسمعي صوتي عـدل اوكيـه !!
مريـوم شافته من طرف عينـها ,, سوت طـاف وطلعت لااب مالهـ الصغيـر و فجته وفتـحت برنـامج الفـوتوشوب و اتريته لين ما يشتغل و يوم اشتغل خلت الخلفيه سـودا و اكتبت بـ خط حلـو "علـموك اشلـون تخدع من يحـبك يا حـرام " و عـزوز كـان يشوف الفلم و يراقبهـا ,, ولا دقـايق ..
عـزوز : عمـر عطني اللاب مالك ..

عـمر : يـود ..
جـان يفتح اللاب ..

عنـد عليـا و عمـر
عليـا بصوت خفيف : اخبـرك شكلهـا سمعته الشريط
عمـر : والله حرام عليهـا جيه اتسوي
عليـا : ادريبهـا حركـات .. بس الصراحه بعد عزوز غلـط
عمـر : فـاشوه ؟
عليـا : انه ما صارحهـا من قبل !!
عمـر : شو نسوي بعـد .. الله كريم ,, وان شاء الله يردون لبعض و احسن
عليـا : آآمين ,,

عـند مريـوم و عـزوز ,,
مريوم تتحرا انه بيلعب شي جيه .. قهربهـا جان يفتـح الفوتوشوب ,, ويسـوي شرات ما سوت و احلـى و كتبت "" فـ ذمتيه مالي حبـاايب سواكم ""
جـان تشـوف مريوم و فجت الـ word وكتبت بخـط Arial Unicode MS الحـجم 14 اللـون فـوشي ,,
مريـوم >> (( صحيـــح صـح اونـه .. فـ ذمتيه مالي حبايب سوااكم ))
هوه سـوا نفس الحـركه و نفس الخـط بس بـ اللون بيبي بلـو ..
عـزوز >>(( ما اقـول غيـر انه الله يعلـم اني شكثـر احبـج ))
مريـوم >>(( لو تحبـني ,, جان صارحتني من قبل بكل شي ))
عـزوز >> (( والله يا مريومه اني خفت انج تزعليـن ))
مريـوم >> (( جيييه ماعرفت انه " حبل الجذب قصيـر " ))
عـزوز >> (( اعرف بس ماحطيت فبـالييه انه هاي تصور ))
مريـوم >> (( =Ss ))
عـزوز : (( انزين مريوم بعدج مصدقه انه هالصوت صوتي ))
مريـوم >> (( عـادي .. لانه انتـه جذبت عليـه ,, وعـادي تجذب عليه مره ثـانيه ))
عـزوز >> (( قسم بالله انه هب صوتي والله العظيـم يا مريوم ,, اسمعيييه عدل والله هب صوووووتي والله !! ))
مريـوم >> (( .... ))
عـزوز >> (( مريـومه ))
مريـوم >> (( what ))
عـزوز >> (( والله احبــج ))
مريـوم >> (( لا ما احبـك .. لا انا قلـبي ملكـته ))
عـزوز >> (( !! ))
مريـوم >> (( ؛ ) ))
عـزوز >> (( ليش جيه قاسيه وايد !! ))
مريـوم >> (( اللي يجذب عليه .. جيه اسويله ))
عـزوز >> (( !! ))
مريـوم >> (( بـس يكفـي ماأبي منك مـلاام ,, عفت حبك عفـت شوفك يا ظلـووووم ))
عـزوز >> (( =( حرام عليج والله ))
مريـوم >> (( عـبد****يز ,, خل غيري يعتني بك لو يروم ))
عـزوز >> (( انا اهواك يا عمـري .. انا اهـوااك انا اتمـناك ))
مريـوم >> (( cHaaaaaaab :P))
عـزوز >> (( اوكيـه ))

جـان يسـكر اللابتوب و يخليه فـ الشنطه و قـام مريوم استغربت ..
عـزوز : عليـا تعـالي ايلسي مكـاني
عليـا فاجه عينهـا : لييش !!
عـزوز : هـا لا بس برمس اخويه شويه ,,
عليـا : اوكيه ,, جـان تقوم و تسير صوب مريـوم تشوفهـا يالسه تشوف عزوز من طرف عينهـا
عليـا : انتي متـى بتيوزين
مريـوم : يقهر يقههههر وايد
عليـا : وانتي زود تقهريين

عند عزوز وعمـر
عـزوز يرمس بصوت واطي : عمـر و الله تعبت
عـمر : ماعليك اخرتهـا بتردلك ,, يا اليـوم يا بـاجر
عـزوز : جيه بتعب زيـاده ,, انـا ماخذتنـها لاني احبهـا هب اني العب عليـها ,,

عـند مريوم و عليـا
عليـا : سمعتيه ,, حراام عليج مريوم ,, حسي حسي ... اول مره اشوفج جيه قـاسيه ؟
مريـوم : ..........
عليـا : كيفج لاترديـن ..

عنـد *** الظبـي ..
بالتحديـد فـ بيت بوحمـدان ,, غرفة فطـوم ,,
فطـوم : لا حمـدان بتخرب الالبـوووم !!
حمـدان : انزين اشوف اشوف هايج الصوره انتي حطي
فطـوم : انزين .. جان تحط عالصوره اللي يبـاها
حمـدان يشوفهـا : عـادي يعطونـا جائز الاسكـار ع هالصوره
فطـوم : هههههههههههه ,,
حمـدان : متى بنعرس باجي وايد !!
فطـوم : شهـر باجي تقريبـا ,, ماعليه استحمل
حمـدان : ما اروم ما اروووووم
فطـوم سرحت : ......
حمـدان : حوووه
فطـوم : هلا ..
حمـدان : وين سرتي ؟
فطـوم : افكر فـ عزوز
حمـدان عصب و علا صوته : نعــــــم !!!
فطـوم زاغت : هـا ها ها شوفيك ماقلت شي .. افكر فيه عسب السـالفه .. و الشريط
حمـدان : هيييه .. حليله والله ..
فطـوم : ادريبهـا مريوم .. يوم حد يسوي فيهـا شي يقهربهـا ,, وايد وايد وايد تكون قاسيه ,, الله يعين الحين فالطيـاره اكيد متزاعلين ,,
حمـدان : ماعليه .. ان شاء الله يردون شرات قبل ..
فطـوم تشوف حمـدان : عندك رقم خوله ؟
حمـدان : أأأأ ليش ؟
فطـوم : عندك ولا !!
حمـدان : هيه حافظنه ..
فطـوم تيب موبايهـا و تعطي حمـدان : اتصل وانا برمسهـا
حمـدان : شوبتقولين !!
فطـوم : انته اتصـــل !! بس تعال هيه تعرفك ؟
حمـدان : آآ اقولج الصراحه .. جان يعتدل و يلف ويهه الصوب الثاني
فطـوم : قووووول
حمـدان : هيه من شافتني كانت تباني بس انا ماكنت اسويبها سالفه ,,
فطـوم : خووش خوووش .. اتصل ..
حمـدان : اقولج من الحين اذا سوت شي ,, ترا والله جذبت ,, انا لاطلعت ويا بنـات ولا شيـاات
فطـوم : اوكيه اتصـل
حمـدان : انزين ,,
فطـوم : اتريـاااا !!
حمـدان : أشوووه ؟؟
فطـوم : لابتوبي مفتوح اييبه و ييب السماعه اللي فيها مايـك اكيه ع الطواله ..
حمـدان : انزين ,,, جـان يسير ايبه و ياب السماعه ,, و هيه كانت سماعه موبايلهـا 2 وحده خلت حمـدان يمسكها صوب المايك و الثانيه ع اذنهـا .. و شغلت البرنـامج محـرر الصوتيـات ..
حمـدان : شو بتسوين ؟
فطـوم : بسجـل هاهاي
حمـدان : ههه غربلات العدو ,,, هادييـه والله ,,
جان يتصل ع رقم خوله .. و كـانت السـاعه 7 ونص ,,
وخـوله كانت فـ البيت ويا ربعهـا ,, جـان ترد ع الرقـم
خـوله بدلع : آآآلوووو >> كان صوتهـا عـادي هب شرات فطـوم ,, فطـوم احلى و احلـى و يوم تدلع تقهر بالواحد
فطـوم بدلع : آآآلوو ..
خـوله انقهرت : من انتي !!
فطـوم : انـااا .. ههه انـا حرمـتك حمداااني ..


كـــــــــــــــــــــــــت