ديوان الشاعر بركات الشمري

للحلم / للشعر / وأشياء أخرى !!!!

للحلم ابرقا ! دام حلمي رقاني !
وللمجد ابصعد سلم الصبر ... وارقاه

ماهمني لو قيل : شاعر أناني
أو قالوا إن اغروره .. اليوم .. أعماه

الله عطاني .. واحمد اللي عطاني
وكل يحمد اللي من الجود .... اعطاه

لا ماكتبت الشعر .. قصدي الغواني
لا ماكتبته .. قصدي المال .... والجاه !

ولاجيت ادور للحقيقه .... معاني !
جيت اكتم بصمتي ... سخافات الافواه

وإلا عليه اليوم ! .. ما الله حداني !
هو ابتلاني لين ماصرت ...... بلواه !

حشمت راسه عن حديث ... الطماني
وعزيت شانه يوم غيري .... تبلاه

مرات احس الشعر .. غلطة زماني
وإن غاب لجت هالحنايا ... تبي ماه !

لولاه قلي وين ..... ابلقى الأماني
بالله .. قلي .. ويش أنا اليوم لولاه !؟

بي جرح .. لامنه براني ... براني !
يحطب أمل صبري .. من اقصاه لاقصاه

وشلون ابلقى للسعاده ...... مواني ؟
وانا مثل م تشوف .. مخلوق .. للااه

الموت وينه ؟ ليت موتي ... خذاني !
تعبت انا اسأل .. وين هالوقت ... وداه !

تعال فتش عن سجين .... المحاني !
واليا لقيته ذكره بس ............. بالله !

إني عطيته .. دمعتيني ../.. حناني !
واني وهبته ... من جنوني .... معاناه

وقله مدامه راح عني ... ونساني !
مثله بسوي ! ... ببتعد عنه ... وانساه

وخله يعد اليا رحلت ..... الثواني
وخله يمول صح .. لاغبت / .. ويلاه !

واذا يبي موتي .... دخيلك تراني !
مثله أبيه ! ... وعلني بس ... ألقاه !

وقله غديت اليوم .. إنسان ثاني !
شاعر جريح ... وكل هالناس ... تقراه

وما كل شخص .. لاقراني .. قراني !
ولاكل حلم مرني ..... أطلب رضاه !

ولاجيت ادور للحقيقه ... معاني !
جيت اكتم بصمتي ... سخافات الافواه !