ديوان شعراء قبيلة الشرارات / ديوان الشاعر عبدالله بن صبيح الشراري/ -

تـــــــــفـــــــــحـــــــــيـــــــــط

ياللي يفحـط ويفتخـر فـي iiافعالـه
لاتحسـب التفحيـط فــن ومـهـاره




راكب على اللي ماشراهـا iiبمالـه
ومدفوع له تكليف حتى iiاستمـارة




امــه وابـــوه مبالـغـيـن iiبـوصـالـه
اعطـوه مفتـاح الخطـر iiوالخـسـاره




والمشكله فـي فرحتـه iiواحتفالـه
صـادوه عشـاق الجـهـل والاثــاره




وقالولـه التفحيـط تعـرف iiاشكـالـه
وحطولـه الميـدان فـي كـل iiحـاره




وصفوا له اللـي بالـردا مثـل حالـه
تجـمـهـرو ويشـجـعـون iiبــحــراره




وبسرعـه جنونيـه يراقـص هبـالـه
يجيـك مسـرع كـنـه بـيـوم غــاره




مسكين توه في سنيـن iiالجهالـه
بالموت يلعـب ويحسبنـه شطـاره




ونهـايـة التفحـيـط مـاتـوا ابـطـالـه
يـوم انحـرف سيـره وفـات iiبعمـاره




راكب حديده واجتمـع فـي iiحثالـه
شباب عاطل في سنين iiالحضاره




عشـاق وهـم مفضليـن البطـالـه
لا واشغلوا رجل الامن في iiخفـاره




ياللـي تشجـع زدت نـار اشتعالـه
وأنت الذي اول تـرى أشعلـت نـاره




وصلـتـوا بـحـب الخـطـر للثـمـالـه
ليمن بطلكـم مـات بعـد iiاحتظـاره




واليـوم غايـب وانتسـى بارتحـالـه
ولافاد تفحيطـه وصيـت iiاشتهـاره




مسكين من همـل وخلـى عيالـه
ويوم(ن) فقدهم صار يبكي iiلجاره




بعض البشر جيبه خلا مـن iiريالـه
ولا دور عـن الـرزق حــال اقـتـداره




والله سفـالـه ثـــم والله iiسـفـالـه
ان النشيـط تشـوف حـال افتقـاره




وتلـقـاه بالشـرطـه يــدور iiكفـالـه
قتـل عوايـل بـعـد قـطـع iiالاشــاره




ويـن الـذي للعلـم حـط iiاحتمـالـه
ووقت النتيجه ساق لأهله بشاره




واللي تـرك علمـه فتـح لـه iiبقالـه
واصبـح مـع التجـار راعـي تـجـاره




الشـعـب يفـخـر لا تعـلـم iiرجـالـه
وبسـلاح علمـه عـزتـه iiوانتـصـاره