أهـ يادنيا عيال عم ولا يتعارفون..كامله

نورة منصمة الصوت وراها..يوم لفت..شافت واحد طويل ولابس سماوي..وقف قلبها ..آآآآآآآآآآي هذا من متى هنيه؟؟؟..من الزيغة يلست مبهت فيه ....وبعدين تغشت عنة ...
حميد:السموحة ما كان قصدي أزيغج ..
نورة :كانت المحاسبة مخلصة من الحساب .....وقالتلها بكم إلى شترتة .....وهي فجت شنطتها ..
حميد: والله ما دفعين ..أنا بدفع ..
نورة..خايفة ...وما تروم تحرك لسانها .....:............لا............
حميد: عنبوه ما يرزا.......
نورة: مشكور أخوي بس أنا بدفع ......بس هو ما عطاها ويه ودفع عنها وعنة ..........
نورة: مشكور ........
عاد ذياب يا في هاي اللحظة وفي إيدينة ورد.....وهو ما كان منتبه لنورة ..
ذياب:حمييييييييييد..شو رايك بهاي الباقة ؟؟؟؟؟؟
حميد:ساااكت مايريد يتكلم وياه لأنة عارف لمنو هاي ..
ذياب: والله أنها يوم بتشوفها بتنسا الزعل..ما عليك اعرف البنات يتخبلن على الورد ..
حميد..يبا يخطف الموقف:زينة زينة ..
ونورة فاجة عيونها..صدق هالرياييل لعابين..بعدين ذياب إنتبة لوجودها لأنها كانت الحين بتطلع من السوبر ماركت ..
ذياب:اللللله ...مواطنات في البقعة ولا خبرتني؟؟؟
حميد:الله ينطبك ..شو سويت ؟؟؟؟؟
ذياب:شو سويت ؟؟؟؟
حميد:ماشىء .........فكنى من الصدعة ..
ذياب يبا يسير عندها ........مسكة حميد
حميد: الله ينطبك ..هاي وحدة من بنات عم قوم حمد وحمدان ......
ذياب: والله !!!!!!..أشوف الطول ...
حميد: بسسسسس..والله أنت ما تستحي؟؟؟؟؟؟؟؟؟؟؟؟؟؟...عنبوه ما تحشم ...؟؟؟...
ذياب:وأنا شو قلت ؟؟؟؟؟؟؟؟
حميد:فكنى يالله ..نسير.........
وظهرو برى ولقو العيوز محتشرة .....
ذياب:هههههههههههههه..والله هاي العيوز تعيبني.........
حميد:إسكت الله ينطبك .....خلنا نسير نشوف شو عندها .........
يالسة أم سالم عند راعي الكوفي....وتكلمة بالعربي.......
أم سالم:حشةةةةةةة..عنبوه سنة ؟؟ من متى نحن نترياكم تيبون لنا قهوة ولا هظلتها.. لو سرتو بوظبي..ما يبطون إمرة بييبونة عندك بسرعة ..فقتكم ويا مطعم ..ولو تشوف عندنا في بوظبي..مب شرات مالك أنفففف..شو هالصور إلى معلقنها في المطعم ما تستحي على ويهك..عندنا بنات عيب...حرام أنكم ما عنكم مذهب .....
نورة توها وصلت عند يدتها....:أمااايااااااااا..تعالي..شو سوين؟؟؟؟
أم سالم: إنتى وين سرتي؟؟مب منج من إلى يهظلكن ولا أنتن ما دواكن إلا قب يظايلكن ..مسودات ويه ..
نورة:أمايا سرت أشتري كافي وجبس..
أم سالم:شحقة بعد هذا؟؟؟؟؟؟؟
سلامي..ومى وموزه خلاص ماتن من الظحك على موقف يدتها يوم تهد على الإنقليزي وهوما يعرف شو تقول وهو يالس يرطن عليها وهي تتحسبة يهد عليها وهي تزيد ..
نورة:عنلاتكن ....يالسات تظحن؟؟
سلامي:هههههههههههه..لو شفتي يدتج ..والله ما رمت أسكت من الظحك ..
وصل ذياب وحميد ...........
ذياب:خالتية .......شفيج؟؟؟؟
أم سالم: هذا مسود ويه طالبة قهوة ولا هظلة..حشة بعد لو بفلوسة مسود ويه ..
ذياب: صدق أنة ما يستحي على ويه ......إستريحي خالتية وانا بشوف شو مستوي...
أم سالم:حميد عيل ما سرتو ؟؟؟؟
حميد: يلسنا ويا قوم حمدان وبعدين خطفنا على السوبر ماركت عشان نشتري شىء ناكلة ..
أم سالم:قرب أبوي ..قرب...
حميد مستحي وين ييلس عندهن فيلس على طاولة إلى عدالهن بس شوي بعيد عنهن ..
أم سالم :وشلة ساير بعيد؟؟
حميد:شو رايج خالتية إتين هنيه ...
وسارت أمسالم عنده ويلس تسولف وياه ....وبعدين يا ذياب ..وسولف وياها ذياب بموت على العيايز وسوالفهن ..
سلامي:الدبة ........ليش بطيتي؟؟؟؟
نورة:سرت أشتري كافي وجبس وعصاير..
موزه:إنزييييييييييييييييييين..........وبعدين ؟؟
سلامي:ههههههههههههه......
نورة :تعرف منو لقيت ؟؟؟؟؟
سلامي:أدري السماوي........
نورة :آآآآآآآه..والله زيغني .........كان وراي ولا دريتبة ...
مى:وبعدين ؟؟؟؟؟
نورة :تصدقن هو إلى دفع ما طاع يخليني ادفع ...
موزه:مادري شو عايبنج فيه .....والله الثاني احلا ..تحسينة ربشة ..
سلامي:لا السماوي أحلى .........هادي وجذاب..
نورة:يييييييييييييييييييهااااااااااااااا.........ب س شو تبن بالرياييل؟؟؟
سلامي:ما توقعت أنا نيلس وهم مجابلينا ......والله لو درا سعيد ولا محمد ليقصبوني...
مى:هههههههههه..الحمد لله أمايا عندنا ولا بتلقين القبور عند الباب..
نورة :بس عاد يالله نسير البيت ...
مى:لا ماريد ............
قامت نورة ............وشافتها أم سالم ..
أم سالم ...تتحسبها سلامي:شفيج؟؟؟؟؟؟؟
نورة:أمايا يالله تأخرنا نرد البيت ...
أم سالم: يا مكر هالبنات ..منو إلى يالس يقول يبا ييلس؟؟؟
نورة :أمايا خلاص نرد البيت .
أم سالم :يالله .........
حميد:يالله فمان الله ..ما تبين خالتية نوصلكم ؟؟؟؟
أم سالم:مشكور يا ولدي نبا نمشي..
ذياب:عيل فمان الله ...وطلعو من الكوفي هم قبل..
وهم عند الباب ...حميد مط الباقة من عند ذياب..
ذياب:حوووووووووو..هاي مالتي..
حميد:سكت لا هفك على راسك.......
وحطى الباقة عدال مال نورة ..وسار ..
سلامي: وقسم بالله شفتة مخلى الباقة عدال مالج نوروة ..
نورة :شوووووووووووو؟؟
موزه:ياا ويل حالي......بعد ورد يخلون ..شعليج نوروه..
وسارن عاد هن بظهرن من الكوفي وشلت نورة مالها والوردة وكان قلبها يدق بقو يوم شلت باقة الورد ومحمرة ...وكلهن يالسات يغايضن ويعلقن ....وفي الدرب...
أم سالم:خيييييييييييييييبة ..عنبوه في متن ينخلق في الآدمي جيه؟؟
سلامي:ماء شاء الله ممتنة ....
موزه:هههههه.مىتخيلي يطيح فوقج؟؟
مى:بسم الله علية ...
أم سالم: حرام هذا لو يدربحونة من فوق يبل ما إيه شىء...
سلامي: هههههههههههه..حليلة ..
أم سالم: حشة بلاد الكفرا يشيب راسك منها ...
الساعة 4:20 ..الظهر...
موضي في غرفتها ما ياها رقاد.. ليش أنا جيه أفكر فيه؟؟.. معاد ما شفتة بس مرتين ..ليش هو مسوي جيه فيني؟؟...غمضت عيونها بقو..لالالالالالالالالا أنا ما فكر فيه هو ما يعني لي بشىء ...بس أول مرة أشوف إنسان وأتأثر فيه جيه ..شمعنا هذااااااااا؟؟؟.. شمعنااااااا؟؟؟...معقولة حبيتة ؟؟لا مستحيل ...كيف أحب شخص ولا مرة كلمتة بس شفتة ؟؟؟...هذا إلى يسمونة حب من أول نظرة ؟؟؟؟...لالالالالالالا وين الحب ووين أنا .؟؟..أنا آخر شىء أفكر فيه هو الحب .مستحيل ..بس يمكن شكلة حلو وأسلوبة ويا اليهال جذبني بس لا أزيد ولا أقل....وحتى لو حبيتة شكلة كبير أكبر عني أنا أصغر عنة ...مستحيل أخذ واحد أكبر عني ..أريد واحد كبري....أأأأأأأأوووووووووهووو أنا بشو أفكر ..أنا لازم أشلة من مخي ....لأن إلي أسوية مش طبيعي وتفكيري زاد يوم عن يوم ...وأنا مسوية من عمري وهو يمكن خاطب ولا يمكن معرس ...صدق هبالة ....أحسن شىء أسير وسبح أبرك لي عن هالأفكار إلى ما فيها فايدة ...........وسارت تسبح ..
الساعة 4:30....العصر...........
حمدان في الصالة يفكر شو سوى بشمة ..بس لازم تعرف أن الأرنب مات ....مايحب يجذب واليهال حرام ينجذب عليهم ..يعني لو مش منة بتعرف من حد ثاني..بس شمة ما طاعت تظهر من غرفتها تصيح وسار عندها بس ما طاعت تسكت ورقدة وهي تصيح ..فهذا الموقف تذكر يوم كان عندة ضفدع وكانت مهرة تكرة الضفادع وهو حب الضفادع من فلم " توم سوير" من كثر ما يشوفة ..حب الضفادع وكان دوم يزيغ مهرة وكانت تصيح ..وبعدين تعودة عليه ويلست تلعب ويا الضفدع..وكانت دوم سير عند أبوها وتحشرة أريد مثل ضفدع حمدان وبوها تلعوز يدور على ضفادع لين ما يابلها ..ويوم يابلها كانت تغايضة وتلعب وياه ومرة كانو يلعبون في الشارع بالضفادع..لين ما وطى ولد يرانهم ضفدعها بالسيكل بس ما شافة مش قاصد الولد..ويلست تصيح على الضفدع وسوت مثل ما سوت شمة من كثر صايحها رقدت ..وبعدين دفنو الضفدع ..ههههه أونا نقرا علية الفاتحة والله أيام ..آآآآآآآآآآآآآآآه يامهرة..سرتي عني ويت وحدة تشبهج في كل شىء..الله يعيني شو بسوي ؟؟..كيف الدنيا صغيرة ..
الساعة 4:30........
حمد في الصالة ..وسعيد نازل من الدري........
سعيد:صليت؟؟؟
حمد:الصلاه على النبي......
سعيد:بصلي وبييك........
حمد:أوكية ...........
سار المطبخ وصب كوب عصير تفاح وسار الغرفتة وشل جاكيتة وقفازات ..وظهر برى ويلس في الحديقة ......وبعدين يوم خلص سعيد سار عندة ........
سعيد:ها حمد ..علومك؟؟
حمد:طيبة ....
سعيد:حمد شورايك نظر؟؟؟؟والله مليت من يلست البيت ....
حمد:مافيني ماريد أشوف حد ولا حد يشوفني.....
سعيد:حمد حرام تيود هالجمال كلة في البيت ..ظهر...
حمد:ههههههه..أي جمال الله يخليك ...؟
سعيد:تبا الصدق ياليت لو عندي بس نص جمالك ..
حمد:لا أحمد ربك ..أنت جيه والبنات يترابعن وراك ..دخيلك ما فينا على الجمال..
سعيد:تعرف عرفت بنات وايد بس مثل مى ما شفت ..
حمد:ههههههههه..مى!!!!!!!؟؟
سعيد:هي ليش مستغرب؟؟
حمد:ماشىء بس جيه ..
سعيد:كنت بخطبها بس عاد يوم نرد إن شاء الله ...
حمد:الله يوفقك إن شاء الله ..تستاهل كل خير والله ...
سعيد:إن شاء الله ...
حمد:أدري بإلى تبا تقولة ..وبجاوبة قبل لاتسأله ...أنا لين الحين ما فكر بالعرس ..
سعيد:ليش؟؟؟؟؟؟!!!!!
حمد..فصخ القفازات ..ويشرب العصير:مادري ....لا تسألني مادري..
سعيد:تحسبتك تبا موزه بنت عمي سالم ؟؟
حمد قام ...وسار صوب الورد ...:هيه أباه ....
سعيد سار عندة ....:يوم تباها ليش ما تخطبها ؟؟؟؟
حمد قص وردة وخلى إيدة على شوجها لين ما صب الدم من صبعة :شفت كيف الدم يصب من صبعي أنا جيه ..والله يا سعيد أن ماحد يدري بحالي .....
سعيد:إنزين ياحمد..هذا إلى سوي بعمرك مب زين ..قول أنا ولد عمك ..وربيعك من كنا صغار مش ولد عم أخو لك ....
حمد لبس نظارتة الشمسية :تبا سير وياي؟؟؟
سعيد:وين ؟؟؟..
حمد:بمشي برى في الحارة ويمكن أسير الحديقة ..
سعيد:صبر بييب جاكيتي ...
حمد:أوكية ..........
سعيد ما يحب يظغط علية لأن حمد يوم يكون زعلان ما يحب يقول شىءلين بروحة ما يتكلم ويوم يكون زعلان يحب يمشى ويكون ساكت ..ياب سعيد جاكيتةوسار وياه ..
الساعة ..4:35.......
يوم ردن أم سالم راحت توطي راسها..والبنات سارن غرفهن .....في صالة البنات ..
موزه:الصراحة رحلة اليوم أحلى رحلة سرتها من وصلت بريطانيا .
سلامي:والله فجى عورني من كثر ما ظحك ....أمايا فطستني يوم تمت تهد على هذاك الإنقليزي ..
موزه:ههههههههههه..والله نكتة ..
مى:بس أحلى شىء يوم تلاقينا ويا بعض الناس.
نورة :عنبوه بسكن ...طول الدرب يالسات تتكلمن عنهم ...ما شبعتن؟
سلامي:لا حبيبتي الحين إنتي في الساحة الأخبارية ..لازم يني كل شوي نتكلم عنج...
موزه:بالمبارك متى العرس؟؟؟
نورة:إييييييييييه ..شعندكن أي عرس الله يهديكن .
سلامي:بعد شو ....الورد وصلنا والكلام تكلمنا بعد شو نتريا ؟؟؟
موزه....ماسكة إيدينها مع بعض:مثل الأفلام المصرية "بحبك وبتحبيني ونتقوز"..الللللللله والله في خاطري يستوي عرس.
سلامي:صدق والله ..في خاطري بعد أنا..
نورة :لا والله مب صاحيات ..فيكن مس..
مى:هههههههه..عادي أختي ...ليش العرس حرام؟؟؟
نورة :بسير غرفتية أبرك لي...
سلامي:ويلسي تأملي الورد....وحلمي بالسماوي...
نورة:ستيوبد..
سلامي:أقول موزوه..أنا غرت أريد ورد ..متى سلطان بييب ورد؟؟؟
مى:بتبطين ..
سلامي:جب إنتى ..بييب لي ..أحسن عن سعيد..
مى:والعثرة من سعيد..الحين تلقينة ويا وحدة من هالحمر...
موزوه..فاجة عيونها: مى بسم الله عليج شو ياج ؟؟؟؟
مى: بعد شو ..غسلت إيدي منه ..بصابون وديتول وشامبو ...
سلامي: يهون ؟!!!!
مى: والله أفعالة الشينة ..هي إلى تخلي الواحد يكرهه ....
موزوه: لا هالكلام مب من القلب...