ديوان الشاعر مدغم ابوشيبه

ديوان الشاعر مدغم ابوشيبه السبيعي

{ماهي من قوم أبو دقه وتسكيره}



رجـم الهـوى اللـي لعـن كوثـر جماهـيـره

عــز الله أنّــه مايستـاهـل تـعـب سـاقــي

أتعـبـتـهـا فـــــي مـراقــيــه ومـشــاويــره

ذي جـرتـي نــازل .. وذي جـرتــي راقـــي

لبـيـه يــا (ســاره) .. ولبـيـه يــا (مـنـيـره)

في مهبل الناس مدري ويش أنـا لاقـي !!

صــدر الشمـالـي علـيـهـن فـــك أزاريـــره

الـلــي مـــن آدم وحـــوّا مـابـعـد ضــاقــي

جــن المديـنـه عـلـى غفـلـه مــن الـديـره

وتــورّطـــن بالـرومـنـسـيّـه والأشــواقـــي

مـايـكـتـبـنّ أسـامـيــهــن بـالـطـبـاشـيـره

بيعلـمـنّـك عـــن الـمـوضـه والأذواقــــي !!

وجـيـهـهـن طـالـعــات مــــن الـكـوافـيــره

مـن كثـر الألـوان كنْهـا (سبحـة عـراقـي)

مـافـيــه داعــــي أجـامـلـهـن بتـكـشـيـره

وأقـول مشتـاق .. لــو مانـيـب مشتـاقـي

ماهن بكفـو السهـر .. والحـزن .. والغيـره

ودموعي .. وشعري المـوزون .. وأوراقـي

(كرت أحمر) و (بـاب طيّـاره) و (تسفيـره)

فـي (قلعـة الوادريـن) و (بـألـف طقّـاقـي)

الـهـنــدي و وايــتــه !! والــعــود وبـعــيــره

هـــذا مـــدوّر ذهــيــب !! وذاك ســوّاقــي

لـو مـا أنصفتنـي سنـيـن العـمـر الآخـيـره

ماطبّقـت عينـي أحداقـي علـى أحداقـي

قفـلـت سـيـرة عـلاقـات .. وبــدت سـيـره

الـلـي عليـهـا الـكــلام وهـقــوة الـهـاقـي

أبـرك ضيـوف الهـوى !! وأغـلـى مسايـيـره

ريحـانـةٍ تقـطـف اللهفـــه مـــن أعـمـاقـي

ماهيـب مـن قـوم : (ابـو دقّـه وتسكـيـره)

مـن قـوم : (لاحاسبـت ماتـاخـذ البـاقـي)

لـهــا عـلــى الــزيــن تهـلـيـلـه وتـكـبـيـره

أنعـم مـن الــورده الـلـي فــأوّل السـاقـي

مـهـيـب أمـيــره لكـنْـهـا جـنــب الآمـيــره

ذات الحسب والنسب والمستوى الراقي

مــن (أغنـيـاء الـريـاض) ومــن (هوامـيـره)

شـركـات أبـوهـا بضايعـهـا فـالأسـواقـي !!

يـومـي لـهـا الـغـصـن وتـغـنّـي عصـافـيـره

والأمــــر يـنـقــاد لـرضــاهــا ويـنـسـاقــي

غـيـداءٍ سـهـم عيـنـهـا مـــن قـــوّ تـأثـيـره

مخسـرٍ سـوق الأسـهـم عـنـد الإغـلاقـي

الـبـدي والهيـكـل الـلــي مـاتـبـي غـيــره

(أصطب) و (أستبنتين) و (قيـر علاقـي) !!

مــازيّــن أخــلاقـــي الــطـــب بـعـقـاقـيـره

لــــولا عـقـاقـيـرهـا مــازانـــت أخــلاقـــي

مـن قبلـهـا الـحـظ مــن جـفـره لدحـديـره

لـيــن أوعـــزت لـلـزمـان وحــــرر وثــاقــي

وأعتضت عـن قـوم : (ابـو دقّـه وتسكيـره)

باللـي : (اليـا حاسبـت ماتاخـذ البـاقـي)

(( ياقصيدي )) !!


ياقصيدي وانت حملك مثل حمل السـلاح

مـــن صـنـاعـات الـفــض الـنــزاع مـطــوره

خلق وجهك من حجا ضلع واشراقة صباح

دم تـجـمــد فــــي وريـــــده ودم تــفـــوره

من خلالك لي على الكون منفـذ وانفتـاح

ارســم احـلامـي عـلـى واقـعـه واصـــوره

الحـصـون الـلـي عليـهـا منـصـات الكـفـاح

انشـد اكبرهـم مـن الـلـي بـنـاه وســوره

سقـت ذودك للمفالـي وقـاد مـن الـمـراح

واعـتـرض فـــي دربـهــا نـابـحـه ومـخــوره

النجـاح يشيـل جرحـه مـن اعـداء النجـاح

والمـثـالـيـه تـعــانــي مـــــن الـمـتـهــوره

والفتاوي تختلف شي حرام وشـي مبـاح

وشــي لــو تقـنـع بــه العـقـل مايـتـصـوره

نـسـتـمــع لله اكــبـــر وحـــــيّ لـلــفــلاح

الـمـسـاجـد عــامــره والـقـلــوب مــنــوره

ونــدري ان مـاكـل مــذن بــلال بــن ربــاح

لـو يقـول الشمـس حمـره والارض مـدوره

الـمـهـول لـــو خـدعـنـا وخـذنــا بالـصـيـاح

واشتكـى مـن رجلـه اللـي مهيـب تعـوره

حيلة ما تمشى الا على النـاس الصحـاح

احـبـكـتـهـا عــالـــم مـهــولــه ومــجـــوره

والطيـور الـلـي تـهـاوى بمـخـلاب وجـنـاح

لا تـعـشــى صـيـدهــا واحـــــد مـــــادوره

مايحصـل راحــة الـبـال واطــلاق الـسـراح

مــن تورطـلـه بخمـسـة صـكـوك مــزوره !

فـرد حمـزه حسـب تقريـر دايـرة الـسـلاح

فيـه واحـد غيـر حـمـزه هــو الـلـي ثــوّره

(( ريالين اتصال )) !!


للـحـزن سـاحـاتٍ بـصـدري مـثـل سـاحــات الـقـتـال

فـيـهــا الاصــيــل مــــن الـمـهــار تــعـــوّد بـخـيـالـهـا

ولا يـطـفـي حـــر مـابــي مـــن حــرايــق وأشـتـعــال

الا الـدمــوع الـلــي مـــن عـيـونــي يــهــل هـلالـهــا

لازال فــيــهـــا دمـعــتــيــنٍ لــلـــفـــراق ولاتــــــــزال

ذكــــرى هــنــوفٍ كــــل يــــوم أحـطّـهــا وأشـتـالـهـا

راحــت عـسـى الله مايلحـقـنـي مـشـاريـه الـرجــال

تــقــول كــنّــي مـاخـلـقـت مــــن الــتـــراب الاّلــهـــا

عـــزّ الله أنّـــي مانـسـيـت أفعـالـهـا بـنــت الــحــلال

لـــعـــل ربــــــي مـايـجـازيــهــا بـــســــو أفـعــالــهــا

أكـبـر جريـمـه ترتكبـهـا فـالـهـوى مـــن وســـع بـــال

هـــــذي ضـحـايـاهــا بـقـلـبــي شــيـــدوا تـمـثـالـهـا

وشلـون تهجرنـي وأنـا مالـي علـى الهـجـر أحتـمـال

وشـلـون تهمـلـنـي وأنـــا مـانـيـب أطـيــق أهمـالـهـا

وشـلـون تقطعـنـي بسـيـف البـعـد قـطّــاع الـوصــال

وأنــا لــو أقـطـع عـــرق قـلـبـي ماقـطـعـت اوصـالـهـا

وشـــلـــون ماتشتاق,,ماترحم,,مـاتـذكـر,,مـاتـسـال

وشــلـــون مـاتـطـلــق يــديـــنٍ كـبــلــت بـأغـلالــهــا

وشــلــون مـايـطــري عـلـيـهـا لاتـفــيــت فـالــظــلال

مـتـشـبــثٍ لاوقــفـــت جــنــبــه قـــعـــد بـظـلالــهــا

مكسـور خاطـر والسـوال أعــووووذ مــن ذل الـسـوال

يـامــا أنـتـظـر مـــن بـــرج هاتـفـهـا يـبــث أرسـالـهــا

لـكــنّ مـــال الآدمـــي حـيـلـه لامـــن الــحــظ مــــال

الميـلـه الـلـي فـــال ربـــي خـيــر لـــه مـــن فـالـهـا

هــي افقدتـنـي مــن هـنـا .. وأنــا فـقـدت الاتـصــال

مـــــن يـــــوم راحــــــت لارسـايـلــهــا ولا جــوالــهــا

يـاقــســوة الايـــــام والــحـــظ الــــــردي والاتـــكـــال

عـلــى مـقـولــة ( لـلـمـواقـف والــلــزوم ارجـالـهــا )

يالله دخـيـلـك مـــن تـردّايــة نـصـيـب وشــيــن فــــال

مــن حـيـرة آمــري لـيـت عـنــدي حـيـلـةٍ وأحتـالـهـا

أن أرخصـت قـدري وطـاحـت قيمـتـي والهـجـر طــال

قـولـولــهــا تـــتـــرك مـكـابــرهــا وتـــاخـــذ بــالــهـــا

أنا من اللي فوق .. فوق و فوق .. فوق و عال .. عال

تــركــد ويــركــد عـمّــهــا مـعــهــا ويــركـــد خـالــهــا

لاوصــلـــت لـلــحــد هـــــذا لانـــقـــاش ولاجــــــدال

تــبــعــد وتــنــكــف الامــــــور دقــاقــهــا وجــلالــهــا

لـو المفـارق صـعـب والنسـيـان ضــرب مــن الخـيـال

ارخـــــاي راســـــي لايـــــروق الــهـــا ولايـحـلالــهــا

احـفـظ لـهـا قيـمـة غـلاهـا وأنتظـرهـا مـــن شـمــال

وإذا نـسـتـنــي هـــــذي الـدنــيــا وهـــــذا حــالــهــا

أمّا أني أنساها .. نسـى الله مـن نسـى ذاك القبـال

يـاااااصــبّ روحـــي صـــب دلـتّـهـا عـلــى فنـجـالـهـا

قـولـولـهـا لاسـتـخـسـرت فـيـنــي ريـالـيــن أتــصــال

تـهـدي عـلـى ( جمـعـيـة الـصــم الـبـكـم ) جـوالـهـا

(( ظلم الفراق )) !!



سـلام الله علـى ظـلـم الـفـراق وقـسّـوة الأيــام

عسـى ربـي يسهـلّ لـك طريقـك وتحـيـا وتــدوم

رح ووجهـك بياضـه مــن بـيـاض الصـبـح مايـنـلام

وانا مـن مـدّة ايديـن البخـت يرضينـي المقسـوم

وش بيـدّي وقــف حــظ الفقـيـر ومـاتـت الأحــلام

إذا حـبّـك مــن أوّل يــوم وفـراقـك مــن أوّل يـــوم

رقبتـي قفلتيـن وسيـف هجرانـك مسـيـرة عــام

جلدنـي وأنكرتـي ملحـة العـشـره وربـعـي قــوم

يهونـهـا لــو أن الـحـظ يسّـلـك مسّـلـك الأقـــدام

ماكـان أوصـل حـدود الأرض وأعــوّد وأنــا مـحـروم

تصافـق لـك معاليـق الضمايـر يـا بـعـد مــن قــام

وخلانـي خصـيـم لوسـعـة الـصـدر ولـذيـذ الـنـوم

أداري عـبـرةٍ ضـامــت عـيـونـي والـعـيـون تـضــام

وأكبّـر هقوتـي لا كـبـرت الشـرهـه وكـبـر الـلـوم

ياويلـي مـن منـاديـب الضـنـون وطـرقـة الأوهــام

تساوينـي معـك فـي خانـة المحمـود والمـذمـوم

تشوف أنّك على حد اليمن وتشوفني في الشام

وأشوف أنّا علـى وجـه الحيـاه أثنيـن تـوم وتـوم

تـذكّـر وأنــت عـنّـي بـعــد الأبـــوّه عـــن الأيـتــام

رهيـن الغربـه الـلـي مــن ديــاره ماتجـيـه عـلـوم

بعـد مـادار عــام مــن المـفـارق يــا غــرام الـعـام

وروحــي مابـقـى الا زفـرتـيـن وتـبـلـغ الحـلـقـوم

لا تـرخـص قيمـتـي لامــن تذكـرتـك وأنـــا قـــدام

وجيهـن تذكـر الظالـم ولا تــدري عــن المظـلـوم

مابعتـك بالسحايـب والبـروق السمـر والأنـسـام

وسامـونـي بتلويـحـة وداع وبـعـت بـــأوّل ســـوم

سئمت العيش (نون وصاد) واللذات (سين ولام)

بـنــادم والـبـنـادم حـيـلـتـه مـاتـوجــد الـمـعــدوم

مادام الصحف جفت وأنـت رحـت ورفعـت الأقـلام

علـى حـبٍ مــن أوّل يــوم وفــراقٍ مــن أوّل يــوم

(( راية بن سعود )) !!


بكيـتـك مــن الفـرقـا وأنــا دمـــع عـيـنـي حـــار

سلامٍ علـى الشرهـه .. والاخـر علـى المنقـود

يـقـولـون مـــن طـيـنـة مـحـنّـه !! وقـلـبـك بــــار

لا والله مــن طيـنـة عــذاب.. وجـفـا .. وصـــدود

يـــادوب أتـحـمّـل جـمــرةٍ مـــن جـحـيـم الـنــار

تلـحّـق عـلـيّـه بأخـتـهـا الـلــي بـــراس الـعــود

خذيت الهوى طيش .. وعبث حب .. وأستهتـار

علـى قولـة العربـان ( عيـب وعليـه شـهـود ) !!

تـبـريـت مــنّــي والــوفــا فــيــك طــيــر وطــــار

عسـاك آخــر العنـقـود .. مـنـت أوّل العنـقـود !!

مخليـنـي أعجـوبـة زمــن فـــي طـريــق الـمــار

مضحـك بـي العاقـل .. مشمـت بــي المـقـرود

لانـــي داخــــل الــصــوره ولا خــــارج الايــطــار

عــدوّك وأنــا غـايــب .. حبـيـبـك وأنـــا مـوجــود

ورغــم ماتـسـوّي بــي مسـامـح عـلـى مـاصـار

وخـيــرك كـثـيـر ومـوقـفــك مـاعـنــه مـنـشــود

مـعـك مـابـعـد عـديــت عـمــري مـــن الاعـمــار

مخـلـيـه ريـشــه بـيــن أصـابــع هـبــوب الـنــود

تـذكـر ولــك بالـذكـر ( مـالـك مـــن الاسـفــار )

تــذكـــر وخـــــل الــذاكـــره بـالــزمــان تــعـــود

تـذكــر يـــوم أن حـــدود وصـلــك ثـــلاث أمـتــار

تخطيـتـهـا مــاكــنّ .. ذيــــك الــحــدود حــــدود

وصلـتـك وقـمـت بواجـبـك قـبــل سـابــع جـــار

أخفّـي عليـك سـدود .. وأبـدي علـيـك ســدود

ســدودٍ تـبـي تبـنـا .. والاخـــرى تـبــي تـنـهـار

مـــن أبّـــدع تـصـاويــر الله الـخـالــق الـمـعـبـود

أحــس أنّـــي أبـحــر فالسفـيـنـه مـــع الـبـحـار

وأنـا أقـول .. يااااااالبّـا هـذيـك الـوسـاع الـسـود

أغـــازل حـورهــا ..وأنـصــب لـرمـشـهـا تــذكــار

وأثــمــن عـطـايـاهـا وهــــي مــاوراهـــا فـــــود

تــذكّــر وأنــــا ويّــــاك فــــي لــمّــة الـســمــار

تـقــول الـبــرا مـــردود .. أقـــول الـبــرا مــــردود

تحـديـت فـيـك الشـاعـر الـلّــي مـــن الـشـعـار

بـعـد ماتـقـول أسـمـه تـذكـر عـلامـة ( قــووود )

تـــوارت نـجـومـه يــــوم لــــدّت لــــي الانــظــار

طـلـع فــي عـيـون الـنـاس مـهــوب ذاك الـــزود

تـذكــر يـــوم أنّـــك جـيـتـنـي يـاغـريــب الــــدار

أبــشــر بـشـوفــك كــنّـــي أبــشـــر بـمــولــود

فــتــحــت الــــــك صــــــدري يـاحـبـيـبــي زرار

زرارهذا بيتك .. وبيت أمّك .. وبيت أبوك العود

وتـحـتـلـنـي وتـحـطـنــي دولــــــة أسـتـعــمــار

وأنـا فــي السعـوديـه تـحـت رايــة ابــن سـعـود

(( كرت العايله )) !!



عـلّـم عيـونـك لاتـطــوّل فـــي الـكــلام ولاتـقــول

من قبل أعرفك مابعـد شفـت النجـوم .. القايلـه

خلـك تـرد العـلـم عـنّـي قـبـل سالفـتـك تـطـول

رد الــــرواه الــلــي يــــردون الــكـــلام لـقـايـلــه

ضيّعتـنـي ضيّـعـك ربّــي فــي مضيّـعـة العـقـول

مــن يــوم أخايلـهـا .. وأنــا مـاكـل بــرق أخايـلـه

وأن ضيّعتني ضحكـةٍ بشفـاك .. ياديـن الرسـول

غديـت ملـحٍ ذاب فصّـه فـي الشـعـاب السايـلـه

وحلمت بأنّك عرش في قلبي على كف محمول

وفسرتها !! أن العرش هو حبّك وأنا اللي شايله

وليـا نشـدت الـنـاس قـالـوا : يامغـفّـل يامهـبـول

حلـمـك بعـيـد ولــو تـمـد إيـديـك منـتـب طـايـلـه

يارجل وجهـك بالرضـا والمسـك والنـور مغسـول

مـن حيـث لاتعلـم عـمـل فـيـك الـزمـن عمايـلـه

مامـات مـن ظلـم الغـرام إلاّ الحيـاوي والخـجـول

تحدّهـم سـوء الطـوالـع فــي الحـظـوظ المايـلـه

غاياتهـم تحبـس وتبقـى فـي خواطرهـم تـجـول

مثل الذي يمشي على ستايل مهـوب ستايلـه

مـدري ملكتـك ماملكتـك !! والتباهـي والفضـول

يـقـول مــالا تنتـظـر يـاجـاي لــك !! يـاجــاي لـــه

خـل الحسـود يمـوت فـي ثوبـه يقـول أو مايقـول

لاواهـنـي الـلـي يـحـط أسـمـك بـكـرت العايـلـه

(( مولاتي )) !!


علـى طريـق الـغـرام اخــر محطـاتـي

نــهــايــة ٍ رجـعـتــنــي لـلـبـدايــاتــي

لو ما امتلا العمر من غيمـة بشايرهـا

لاكـــان عـمــري فـراغــات فـراغـاتـي

مـاجـت تـقــول الـهــوى ربٍ فنـعـبـده

ولا رســولٍ علـيـه افـضـل صـلاواتــي

جت تلغي اسوا مفاهيمي وتعكسها

عـلـى اتجـاهـات غـيــر الاتجـاهـاتـي

تاخـذ مـن اجمـل مراحلهـا وتعطينـي

مايجعـل احلامـي بـرهـن اختيـاراتـي

تقولـي خلـك مخـلـد عـلـى الحـاضـر

بلغي لك الماضي وبضمن لـك الأتـي

ابقا على تسعه وعشرين من عمـرك

وباقي السنوات ضفهـا مـع سنواتـي

الحـب ماهـوب طيـرا فـي سمـا ربــه

يرحل متى يرحـل وياتـي متـى ياتـي

الحب سلطان في ظلمه وفي عدلـه

يجبرنـي اقـول رغـمـا عــن قناعـاتـي

لـــك الـولايــه ورث الـقـلـب والبـيـعـه

الـمـلــك لله ثــــم إلــيـــك مــولاتـــي

يافتـنـةٍ مــن انــاء الحـسـن مصبـوبـه

على الجمال الطبيعـي بالمقاساتـي

قبلـك وكـل القلـوب الخضـر منساقـه

ورا الـنـسـا والمـفـاتـن والشـهـواتـي

ومن يـوم حولتـي انظـار البشـر يمـك

عيـت تلـد المشالـح فــي العبايـاتـي

لايمكـن الوقـت ياخذنـي ويسرقـنـي

عـن لحظـةٍ ذوبـت ذاتـك علـى ذاتــي

كن السحابه وانا عيني علـى جيـدك

تشكلـت فـوق راسـي مــن تنهـاتـي

حديـقـةٍ بـيــن نـهــر ونـهــر مـزروعــه

مـكـتـظــةٍ بـالــفــراش وبالـنـبـاتـاتـي

فسـتـانـك الازرق يــحــرر تفـاصـيـلـك

وانـــا اتـهـجــاه واخــونــك بـنـظـراتـي

لـو لـم يكـون اجمـل الالــوان ازرقـهـا

مــا اخـتــاره الله لـــون للسـمـاواتـي

ولو ماوقف خصرك الناحل ورا شعري

ماعلقـت فـي القبـاب الخضـر راياتـي

حبيبتـي لا لمحتـي الانـس يغمرنـي

لاينـخـدع قلـبـك بـزيـف إبتسـامـاتـي

لـو يولـد الحـزن مـن صـدرٍ بـلا ضيـقـه

مايولـد الضحـك مـن رحـم المعاناتـي

جيتـك وانـا ذكرياتـي كنـهـا الاسـمـاء

يشيلـهـا الـحـي لــو انـهـا للامـواتـي

ماجيـت اراجـع علاقـاتـي مــن اولـهـا

جيتك على شان اكفر عـن علاقاتـي

(( ياطير )) !!


ياطيـر حزنـك ماغيـر الصـبـح والـيـوم

وانـا امـس والـيـوم والصـبـح وقفـيّـه

ياطـيـر والله مـاغـيـر اطـيــح واقـــوم

طيـحـة خــويٍ يـدافــع عـــن خـويّــه

اجاهد النفس مثـل الفـرس والـروم

فأشـد واقسـى الـحـروب العالمـيّـه

وادرى على خاطرٍ غالـي ومحشـوم

مـــن شـرهـتـه لايسـنـدهـا عـلـيّـه

والا ورا هالـضـلـوع عــلــوم وعــلــوم

لاحــــــد مـالانــهــايــه ســرمــديّـــه

ياطير ياللي صفقـت الريـش بالحـوم

وانـــا بـرجـلـي طـويــت الجـرهـديّـه

انـا مـن الظلـم ميّـت وانــت مظـلـوم

ارفـــع جـنـاحـك وانـــا بـرفــع يـديّــه

لله مـنــادي بـوجـهـه كـــل مـظـيـوم

الـلــي يـديــر البـسـيـطـه والـبـريّــه

يـزيـد معـطـى ويكـفـل رزق مـحـروم

والاّ تـجــي بـالـتـسـاوي ذي وذيّــــه

حظوظ تلبـس بشـوت وتنقـل ختـوم

وحـظـوظ ماتـسـرح الاّ فــي الرعـيـه

وين انت ياللـي قـدر فرقـاك محتـوم

مـاشـح بــك غـيـر الاوفــاق الـرديّــه

ياقسمتي والحياه احظـوظ وقسـوم

يـاقــمّــة الـمـوهـبــه والـشـاعـريّــه

يالـوحـةٍ مــن سـحـاب ونــار وغـيـوم

وإطـــارهـــا وردتـــيـــن ومــزهــريّــه

كنّـي خـوي السهـر ومحـارب النـوم

مـن يـوم ماصـرت عـنّـي وانــت لـيّـه

بينـي وبيـنـك روابــط حــب وسـلـوم

شـبـت وشـابـت و وافتـهـا المـنـيّـه

اخــاف اجيـهـا وانــا مانـيـب مـعـزوم

واجـلــس بـلـيـا فـــراش ومـقـدريّــه

اصبر واثابـر واسـاوم وافـرق السـوم

وامـدهــا مـــن كـفـوفــي حـاتـمـيّـه

والصبـر محمـود كـن الصـبـر مـذمـوم

لافقـت مــن بـعـض الافـكـار الغبـيّـه

ذكـرت يامـاااال فرقـا العيـن .. ياقـوم

اوّل هــديّــة غــــلا واخــــر هــديّـــه

النظره اللـي سهمهـا بأربـع سهـوم

ركـبـتـهـا فـــــي ظــلـــوع لـولـبـيّــه

غسلت وجهك من الشرهات واللوم

واقفـيـت حـتــى مـارديــت التـحـيّـه

(( ليلة السبت )) !!



ياوجـودي وجـد مـن نفسـه جـزوعـه

بــاقــيٍ فـيـهــا عــلــومٍ مـانـسـتـهـا

لابغـى عـن سجتـه ينسـى دمـوعـه

مــرتــه ذيــــك الـعــلــوم وحـولـتـهــا

واشعلـت نـارٍ حطبـهـا مــن ظلـوعـه

تـاكـل الـلـي فوقـهـا والـلـي تحتـهـا

كل ما اذكر من خذت قلبـي قطوعـه

واقتفـاهـا الـنــوم وعـيـونـي قفـتـهـا

جـوخـةٍ مــن مـتـن ابـوزيـد مخلـوعـه

لـو درت عنهـا السلاطيـن اسرقتـهـا

ظـامــرٍ سرجـوفـهـا كــنــه بـجـوعــه

مـاتـفــرق بـيـنــه وبــيــن ارقـبـتـهــا

كـنـهـا ظـبــيٍ قـبــل ظـلــه يـروعــه

بـاقـيٍ فـيــه التـفـاتـه مـــا التفـتـهـا

اسم ابوها اللي يحطـه تحـت كوعـه

واسمها اللي تدرسه في مدرستها

ماتعـلـى فــي الـخـيـال ولا فـروعــه

غــيــرهــا .. ولا تـــبـــوأ مـنـزلـتــهــا

كن عمـري مـن سبوعـه لا سبوعـه

تنظمـه نظـم الخـرز فـي سلسلتهـا

تجمعـه لاشعشـع سهيـل بطلـوعـه

وتـنـثــره لاحــتــت الارض ورقـتــهــا

همـه اشــرب دلـتـه وآكــل قـدوعـه

مـن ظوتنـي ليلـة السبـت وسرتهـا

روّحـــت وفـــوادي الـفـرقــا تـلـوعــه

ماحسدت الا البسيطه في سعتهـا

القـنـاعـه كـنــز للـنـفـس الـقـنـوعـه

مابقـى الا روحــي وروحــي خذتـهـا

ليتـهـا مــرواح مــن يـرجـى رجـوعـه

كـان ماغمضـت عينـي مــن جهتـهـا

والضياع اللـي طبوعـي مـن طبوعـه

ابـــركـــات الله عــلــيّــه وابـركـتــهــا

ضاع عمري مـن سبوعـه لا سبوعـه

مابـقـى الا ليـلـة السـبـت وسرتـهـا

(( فمان الله )) !!



روحــــي فــمــان الله ورعــايـــه الله

مــع السـلامـه رافـقـتـك الـسـلامـه

وانـــا لـيــا غـنــا المـغـنـي لـلـيــلاه

جريـت صوتـي فـي طويـل العـدامـه

وغنيـت لـك ياتـل قلبـي مـن اقصـاه

ولاحيت مـع وجـه العصيـر الحمامـه

وضحكـت مـن (دوّر حبيبـك وتلـقـاه)

الـقـاه عـنـد الـعـرض يــوم القـيـامـه

روحـي وخلـي مــن نثـرنـي بقـايـاه

يمضـي عليـه العـمـر عـامـه بعـامـه

يـــومٍ بـقـايـا دمـعـتـه فـــي مـصــلاه

يـبـقـى لـهــا لادور يــومــه عــلامــه

ويــومٍ بهـامـه بـيـن راحــة شـفـايـاه

مــن لـوعـة الـفـرقـا يـعـضـه نـدامــه

ويــوم يفـضـفـض للـمـكـان وزوايـــاه

عــن كــل شــي ولايكـمـل كـلامــه

يصـيـح صيـحـة مــن غـوالـي دنـايـاه

مامنـهـم الـلـي جـبــر الله عـظـامـه

حزنه من اقصى طعنـةٍ فـي حنايـاه

ماجـابـتـه سـبـابـتـه مــــن بـهـامــه

تـمــره اغـلــى الـذكـريـات وتــعــداه

ويـمــوت بـيــن الـكـبـر والانـهـزامــه

ما فـي الضلـوع الا متاهـه ومضمـاه

ومـافـي العـيـون الا زراقــة غمـامـه

رعــاه هـمــك لـيــن بـيــح خـفـايـاه

واصخوخـفـت روحــه وزاد احـتـدامـه

ادنـا مايـزعـل مـنـه وادنــات مـرضـاه

مثل الغريـر اللـي علـى اول فطامـه

وان هـب نسنـاس الهبـوب وتمثنـاه

في ليـلٍ اغـوى العاشقيـن بظلامـه

يسري ولا يدري على ويـن مسـراه

ويسـرح ورقـاد الضحـى فـي منامـه

كـم لـي وانـا الـوم الزمـان بسوايـاه

ولاحـر مـن جمـر العـتـب والمـلامـه

الا ضــروفٍ تـرخـي امـتـون و اجـبـاه

تـخـتـار مـعـهـا الـــذل والا الـكـرامـه

لــو انـهـا بالـمـال والـوجــه والـجــاه

كـم مـن سنـافـيٍ مقـامـي مقـامـه

لـكـنـهـا رحــلــة ضــيــاع ومـعـانــاه

يقـضـي بـهـا المـغـرم بقـيـة غـرامـه

الـلـي عـلـى ربــه ممـاتـه ومـحـيـاه

وعـلـى رقـبـة غالـيـه ذنـبـه واثـامـه

من كثر مايبدي على الناس شكواه

مـاعــاد يـاجــد هـيـبـتـه وحـتـرامــه

بحـاول انـسـى ماحـصـل وآتنـاسـاه

واظهـر مـن الدنـيـا بـرجـل العمـامـه

احتـاج وجــهٍ بسمـتـه فــي محـيـاه

حـاجـة فـقـيـر راس مـالــه حـزامــه

يـقـول ياويـلـي عـلـى الـمـال ويــلاه

واقــول ياويـلـي عـلــى الابتـسـامـه