في الغربة ألتقينا [كاملة]

أشرقت شمس الرحيل ..!!
وقد يفترقوا للأبد من يدري !!
أو قد يزداد قلبه عشقاً !!
من يدري !!


نورة " تطلع أغراضها " : لا مو كل الأغراض بشيلها يمكن أرجع وإذا مارجعت اشحنهم قبل تجي بس رتبتهم بشنط لك عشان ماتتعب ..
فيصل : فكرة ممتازة .. طيب أخذتي لي لبس .. حق يومين بس والله يعين على التعب والإرهاق .. أبقعد اكثر من 3 أيام موب على بعضي..
نورة : الله يعينك .. يالله شل الشنطة هذي ثقيلة ..
×دق جوال نورة .. يوووه من اللي على هالصبح يدق .. ايه دانة ..
فيصل :ردي ..
نورة : اهلين حبيبتي ..
دانة : هاه مشيتوا ؟
نورة : للحين هذانا نشيل الأغراض ..
دانة : تآصلين بالسلامة يارب .. الله يحفظكم سلمي على فيصل ..
نورة : يبلغ مع السلامة ..
دانة : مع السلامة ..


دانة وقلبها يرجف يارب ترجعة سالم يارب .. والله مادري وش أسوي نورة طيبة والله حرام أخونها .. ياااربي بس شسوي قلبي أكبر منهم كلهم وشي مو بيدي ..








نورة وفيصل شالوا الأغراض وراحوا لمطار سدني .. !!


فيصل ونورة جالسين في المطار يشربون كافي ...
نورة "وهم في المطار" : يوووه بتصير رحلة متعبة .. قرف الله يعيننا عليها ..
فيصل "يبتسم " : وش أقول أنا اللي برجع بعد .. يالله ربنا يسهل ..
نورة : يوووه أمي خافت تحسب فينا شي أو متزاعلين ..
فيصل : هههههههه الله يستر .. أنا من ناحيتي ارتاحي ماراح يصير الشي ذا أبد إن شاء الله ..
نورة "تبتسم " :إيه ومابيننا مشاكل ومتفاهمين ..حتى في اصعب الأمور متفاهمين ..
×أعلنوا عن الرحلة .. !!
فيصل "وقف " : يالله حبيبي ..

× راحوا فيصل ونورة .. ..!!!!



رحلة فعلاً متعبة معنى الكلمة .. وطويلة ومملة ..



بالطيارة .. فيصل "بهدوء" .. يكلم نورة نورة حبيبي نايمة ؟
نورة " بتعب": لا بس مصدعة شوي بغيت شي ؟
فيصل : نورة مرة شايل هم وماني قادر حتى أفكر إيش راح يصير لي والله الغربة صعبة للرجل لحاله الله يعين دراسة وتعب..
نورة : حبيبي أصلاً خلاص أنا قررت بقعد فترة وأجيك .. ماراح أطول ..
فيصل : صعبة وأسعار التذاكر والله مو سهلة علي .. تحسبينها خذني جيتك ..
نورة : أدري أدري بعدين .. بعد 3 أربع أشهر والله أعلم ..
فيصل "يتنهد " : الله يسهل يارب ..




راح اليوم ونص تقريباً المتعب والممل بنفس الوقت .. ووصلوا .. أراضي الوطن السعودية ..
نورة بالطيارة يوم وصلوا المطار وخلاص بينزلون "طاحت دموعها " : يااااالله مشتاقة مشتااااقة ودي أنزل من الطيارة أبوس أرضها !!
فيصل " يتنهد " : الحمد لله على السلامة حبيبي ..
نورة : الله يسلمك " تمسح دموعها " ياااااربي مشتاااقة مشتااااقة والله مادري شسوي إذا شفت أمي وعبود ..
فيصل " وقف " :يالله حبيبي .. قومي ..

× نزلوا وأخذوا الشنط والأغراض .. بعد وقفه يمكن مدتها نص ساعة ونورة على قلبها لأن عبد الله وعلي ينتظرونهم..
نورة " تضحك والدموع في عينها " : شف عبود هنااااك .. يالله بروح .. ( راحت وهي طايرة من الفرحة ..
عبد الله "يضحك " : ياااااااااااااااااااهلا والله نورت الرياض والله العظيم نورت ..
نورة "احضنته وتبكي " : الله يخليك والله اشتقت الله مرررررررره اشتقت ..
عبد الله "يضحك " : ياحبي لك ..
× سلمت على علي ..
علي "يبتسم " : الحمد لله على السلامة نورة .. نورتوا ..
× جاء فيصل .. وشاف علي .. وحضنوا بعض وسلم على عبد الله ..
فيصل "يضحك " : يا شينكم طلعت مشتاق لكم وأنا مادري ؟؟
علي : الحمد لله على السلامة .. يالله يالله تعالوا الأمهات على نااااار مجتمعين بعد ..
عبد الله "ماسك يد نورة " : لااااا ومن اليوم يدقون وصلوا وإلا لا .. هههههه ؟
×دق جوال عبد الله ..
× مشوا كلهم وهم يمشون يسولفون ..
علي : هههههههههههههههههههههههه يالله رد ..
عبد الله "يضحك " : ايه ايه وصلوا شوي وجايين ... هههههههه الله يسلمك ,, لالا بيجون الحين كلميهم إذا دخلنا وجهاً لوجه .. مع السلامة هلا والله
عبد الله " يضحك " : هذي أمي .. صاحت على طول يوم قلت وصلوا ..
فيصل " يضحك " : ياحبي لها ..





شعور غريب حب الوطن !!
وشعور رائع عندما نرى ناس أحبتهم قلوبنا بعد مدة طويلة !!




بعد السواليف بالسيارة ونورة مرة مبسوطة .. أما فيصل كان مرهق وشايل هم الرجعة بكرا !!
وصلوا لبيت أبو فيصل ..
كان أبو فيصل أم فيصل وأم عبد الله ومحمد ومنار جالسين ينتظرونهم ومبسوطين ..
دخلوا .. كانت لحظات حلوة ,, الأمهات أكيد بكوا ,, وأبو فيصل انبسط بشوفتهم .. ومحمد ومنار ..
جلسوا وسولفوا .. حوالي ساعة وشوي ..
أم فيصل : والله ياوليدي شكلك تعبان ..
فيصل "وشكله مرهق " : والله تعباااان وبكرا عندي رحلة .. وراسي بينفجر ..
نورة "وقفت " : يالله فيصل تعال نرتاح تسمحون لنا .. ؟
أبو فيصل : أكيد روحوا ارتاحوا ومتى ماصحيتوا جلسنا مع بعض ..



× فيصل جلسته يوم .. يعني وش راح يسوي بذا اليوم كأنه ثانية مر عليه ..!! ماشاف أصدقائه ولا قدر يشوف غير أهله ..

راح اليوم بسرعة وبغمضة عين .. وفيصل يلبس بيطلع ..
نورة " تبتسم " : ببتأخر على المطار ..
فيصل " يبتسم " : يالله هذاني جهزت ..
نورة " تطالعه وطاحت دموعها ": فيصل بفقدك .. والله ..
فيصل حضنها وباسها على راسها .. وأنا أكثر .. وربي
نورة "تتنهد" : يااارب ترجع لي سالم ..
فيصل " يبتسم " : امسحي دموعك .. وإن شاء الله بأقرب فرصة بجي متى ماقدرت ..
نورة " تبكي " : ياحياتي أول ما تآصل دق علي ..
فيصل "يتنهد " : يالله حبيبي بفقدك وربي وسامحيني على كل شي .. يمكن ما انبسطتي معي في الأشهر اللي راحت ..
نورة " تبتسم " : مسامحتك وأنت سامحيني ..
فيصل "يطالعها وضمها " : مسامحك حبيبـي يالله مع السلامة ..
نورة "وكأنه حرارة بجسمها وبكت ": مع السلامة ..
×طلع فيصل ...


" نورة ودعته ودموعها على خدها .. واسترخت على السرير وتبكي .. والله مادري وشلون بعيش بدونك ..

" فيصل شايل هم ومو على بعضه ودع الكل وطلع .. ومن جواه جمر مايبي يروح .. بس في باله إن اللي يسويه عشان نورة ودراسته عشانها وعشان تكون أسرتهم أسرة ناجحة ..

" نورة جلست أكثر من ساعة لحالها ..وتبكي !!
فمان الله يا مسافر ..
عسى الله يسمح دروبك وترجع بالسلامة ..