روايه ..سعوديات في بريطانيا..لاتفوتكم..كامله

تابع الفصل الخامس والعشر ون
لوجين جالسه بالبنك مندمجه بالشغل تنتظر رجعت البندري معها بكره تساعدها الشغل ضاغط عليها وعلى اعصابها ....
رائد : هاااااي
لوجين وهي مندمجه بالشغل : هاي
رائد: متى بترجع نواره تساعدك ..؟
لوجين وهي بنفس الاندماج : نواره مراح ترجع والا نسيت انها هاللحين مقدمه على تدريس الروضه
رائد: ايوه صح تذكرت ............ الجوري هي اللي بتكون مكانها
لوجين رفعت راسها تناظره: اي الجوري ...... البندري اللي بتكمل بالبنك شكلك مثل اغلب الناس يخربطون بين البندري والجوري
رائد بابتسامه عريضه : البندري هي اللي بتكون مكان نواره
لوجين ارجعت للشغل : ايوه
رائد بخبث : ومتى بترجع من لبنان
لوجين : امممم طيارتهم اليوم الساعه عشره على ماعتقد
رائد زادت ابتسامته : اليوم ..
لوجين مستغربه : ايوه
رائد : كم الساعه هاللحين
لوجين: هاللحين – تاشر على الساعه المثبته بالجدار - الساعه 7
رائد: اها 7 قلتيلي متى طيارتهم
لوجين طفشت منه : رائد وشفيك ........... الساعه 10 ...
رائد : اوكيه مشكوره باي
راح رائد ضلت لوجين مندمجه بالشغل لحد مادق جوالها ردت وهي مندمجه مع الشغل : هلا ذوق
ذوق: وش عندك رسميه
لوجين فكت عقت حواجبها : ههههه سلا متك بس في شغل على راسي لان ماعندي مساعده
ذوق:الله يعينك و هانت كلها بكره وتلزق فيك بنو ..
لوجين تركت كل شي بايدها وتمددت على الكرسي بسترخاء: الله يرجعهم بالسلامه
ذوق: امين
لوجين: كيفك وكيف المعرس معك
ذوق : ماشين .. المهم اسمعي قالي متى تحبي خطوبتنا
لوجين: ايوه وش قلتي
ذوق: قلتله مابعد اشتري الفستان
لوجين: فستان مو انتي شاريه الفستان
ذوق: ايوه بس كنت حابه يرجعوا البنات ويرتاحوا كم يوم وعلى ماخلص انا من تصميم الكوشه
لوجين: ايوه صح انتي مصممة دلع بنات ااكيد بتكون الكوشه غير
ذوق: عندي كم فكره بوريها للبنات بكره وهم يختاروا
لوجين: بكره عندك صح
ذوق: ايوه ..اسمعي اخليك هاللحين بروح اجهز لبكره
لوجين: اوكيه باي
فكرت لوجين تطلع لسوق تجيب لذوق هديه بعد ماتخلص دوام.. بس رسالة علي اللي بجوالها وقفتها
((لجونه وحشتيني تركت تفكري 4 ايام وش قررتي ياحياتي))
****************************
نواره والبنري قرروا انهم مايتركوا الجوري اليوم الا عارفين سبب تغيرها دخلوا الغرفه من غير لايدقوا الباب ..قفزت ورمت الجوال من ايدها
نواره:ههههههه بسم الله عليك وش هالخرعه
الجوري وايدها على قلبها : ماتعرفوا تدقوا الباب
البندري: لا ماتعلمنا بالمدارس
الجوري تضحك بدون نفس:هههه بايخه
نواره بجديه جلست بجنب الجوري: جوجو بغيناك بموضوع
البندري جلست من الجهه الثانيه: ايوه موضوع ضروري ونبغى رد صريح
الجوري قرصها قلبها وتوترت : وش عندكم
نواره حطت ايدها على ركبت الجوري: مانتي ملاحضه انك هذي الايام متغيره دايم بغرفتك وماتجلسي معنا كثير
الجوري: لا عادي ..انتم متحسسين شوي
البندري: لا محنا متحسسين بذمتك الجوري متى ماجلسنا انا وانتي نسولف ونلعب اونو
الجوري من ورى قلبها : كبرنا على هذي الحركات
البندري وقفت معصبه: شفتي البنت فيها بلاء والا من متى تحكين بهالطريقه معي
الجوري وقفت ترتب الشط وتتهرب من عيونهم : انا كذا عجبكم اهلا وسهلا ماعجبكم بمانة الله
نواره : الجوري زوجة عمك لها دخل
الجوري معصبه وتصارخ : انتم وشفيك مصختوها .. كيفي مالي خلق احد حرام ..اطلعوا ابغى ابدل ملابسي بطلع
البندري مقهوره من تغير الجوري: وين بتطسي ومابقى الا ساعه على سفرك ..
الجوري: مالك دخل
البندري : انقلعي جعلك ماترجعين
الجوري تاشر على الباب : اطلعي بره
طلعت البندري وسكرت الباب بقوه
الجوري معصبه : ليه انتي جالسه الحقيها
نواره بهدوء ابتسمت : بروح معك
الجوري مرتبكه : لا مابغاكم ابغى اجلس لوحدي
نواره ماحبت تضايقها اكثر وقررت تستخدم معاها اسلوب الزعل : اوكيه براحتك
وطلعت بهدوء .. ركضت الجوري للباب تقفله ..وصارت تبكي تحس ان معهم حق : سامحوني يابنات سامحوني بس مابغى اشيلكم همي