روايه ..سعوديات في بريطانيا..لاتفوتكم..كامله

تابع الفصل الثالث عشر
محمد: لا وانتبهي اذا زرتيها لاتقولين
البندري تحاول تغير الموضوع لان صوت اخوها محمد تغير : وكيف تهاني وبنتها نجوج ...لحد هاللحين الكلب يضربها
محمد: يخسى الا هو ... لا متادب معها
سكرت البندري وهي مشتاقه لسعوديه وجوها ....متحمسه تشوف الريم بنت اختها تهاني ..ومشور ولد اخوها محمد
**************************
نواره مشتاقه لمروه المعقده ولابوها الطيب بزياده ولكل اخواتها وخواتها وعيالهم .... خلاص اذا جاء الفرج قل الصبر ... بكره ابوها بيكون عندهم ...ببريطانيا ماهي مصدقه
*****************************
الجوري تفكر ( اقول لامي ولا لا ....دام امي مايهمها مراح اقول اهم شي قلت لخالي و لعمي عبد الرحمن وخلاص ...يارب يجي يارب ..اكيد بيجي لان خالتي موضي طيبه وبتضغط عليه يجي )
****************************
ذوق ابوها حبيب قلبها كلها دقايق ويوصل ...اضغطت على فيصل يجي معها يشوف ابوها لكنه رفض وبشده ...استغربت بس مافكرت بالموضوع كثير لانها مبسوطه وماتبغى شي يخرب عليها ....
واقفه بالمطار تنتظر وحولها صحباتها لوجين والجوري والبندري ونواره ..
نواره: غريبه ليه تاخرت الطياره
لفت عليها الجوري خزتها ( اسكتي وجع ان شاء الله لاتخوفينها اكثر )
ذوق: ايه والله تاخروا كثير
لوجين: لا ماتخروا
الجوري: يعني ماتعرفين الخطوط السعوديه دايم تتاخر او تتاجل الرحله
ذوق تفرك ايدينها ببعض : الله يستر
فيصل كان موجود بالمطار لكن بمكان بعييييييييييد علشان ماتنتبه فيه ذوق
يبغى يشوف ابو ذوق يمكن غيره كان يدعو ربه انه يكون واحد ثاني لانه خلال الثلاث الشهور اللي مرت ...شاف شخصية ذوق الخجوله الحبوبه بعكس لمياء الانانيه الحقوده ... ( يارب ...يارب ... يكون غيره .. وتخيب ظنوني يارب ..)