اسبوع مر ولا وصل منك مرسال

اسبوع مر ولا وصل منك مرسال000ياقـو قلبك كيف تقطعني اسبوع

الجوع كافر وانت ماترحم الحال 000وانا عليك من الوله ميتن جوع

يالي غيابك صعب يطري على البال 000 تركتني ضايق وحاير ومفجوع

ماكني الا شايب فاقد عيال 000 وماكنك الا محرمن حق مشروع

يفوع لك قلبي اليا مر الاطلال0000 ياليت مالي قلب يشتاق ويفوع

حسبي عليك شلون قطعت الامال 000 بموت لا صار الامل فيك مقطوع

ياصاحبي ماكل نزال رحال 000 انت الحيا من وين مارحت متبوع

نسياني لزولن بالاعماق تختال 000اصعب على صاحبك من حبت الكوع

لو الثمن في شوفتك عمر رجال 000 كان الثمن من يوم ماغبت مدفوع

ولو القدر ماتم قوله اليا قال 000 ماضاق صدر ولانحنى راس مرفوع

ياصاحبي عشقتني فعل وخصال 000 ونا عشقتك شعر واحساس وطبوع

وشلون تتركني كذا لشهب اللال 000 وقدام عيني تجف ينبوع ينبوع

وانا عشانك جيت والغيم همال 000اسيل الوديان واداحم جموع

ماردني عنك سواليف عذال 000 تزعل علي ربوع وتقدر ربوع

كان المهم اعيشك جنون ووصال 000 ويكون لي كلمه ولي راي مسموع

واليوم ضاقت بي من الجال للجال 000 فرقاك تقصم ظهر وتحز وتلوع

لو جيت شفت الحال ماسرك الحال 000 في غيبتك ضايق وحاير ومفجوع

هذا غياب اسبوع وشلون لو طال 000 طالبك لايطول غيابك عن اسبوع

منقول

واليوم ضاقت بي من الجال للجال 000 فرقاك تقصم ظهر وتحز وتلوع

صح لسانك ولسانه
يـعـطـيـك الـعـافـيـه

تسلم اخوي على المرور

صح لسانكـ ولسان شاعرها

والقصيدهـ بينه من مطلعها روعه


دائمآ متالقه

وشلون تتركني كذا لشهب اللال 000 وقدام عيني تجف ينبوع ينبوع

الله عليك روووعة ياروعة ,,سلمت يمناك ع الانتقاء..

تسلمون على المرور

الردوووووووووود

يعطيك العافيه

على الطرح الرائع .. بانتظار جديدك المميز

يسلمو على المرور

.. ..

صح لسانك ولسان شاعرها
قصيده راقيه
سلمت يمناك على ماقدمتيه

.. ..