ديوان الشاعر سعد علوش

الله..الله


لا تقيس الدين بالعقل يا عقلـي ..ونـام
فيه غيبيات أأمـن بهـا ..بـلا مقـوت


لأن إيمانك بها يعنـي انـك فـي سـلام
من غضب ربي وسخطه وتخريب البيوت


لا تفكـر فـي مسائـل نتايجهـا اثــام
يكفي ان الوقت ملبسني من الاثـم كـوت


آثم بس اعـرف ويـش تاليـة الغـرام
بين شيخان العقيدة وشيخـان البشـوت


تالية حـب الطرفيـن ضيعـه وانقسـام
تنعكس على من يـدور لمضنـاه قـوت


السكوت يزين لا صار من حولـك كـلام
بس ماهو زين لا صار من حولك سكوت


ويش اقول؟ اقـول يالله جعلهـم للعـدام
لا.. بقول انا اتمنى قبل عمـري يفـوت


ودي انـي ماتعـداك يالبيـت الـحـرام
وودي ان اعيش فيك العمر كله وامـوت


الله اكبـر لا اذن المـذن وكبـرالامـام
واصبحوا زاكين الانفاس من خلفه صنوت


وابتـدأ يرتـل ونظـم بترتيلـه زحـام
وانتهى من ركعته وابتدأ يدعـو قنـوت


الله الله الله الله علـى شعـورالـوئـام
جعل صوت ابن سبيل بعد مليون صـوت


يجعل بيوت الشياطين في عقلـي حطـام
كن صوته ينتشلني معه من بطن حـوت


لاسمعته..يصغر الكون فعيونـي..وأنـام
وأمن إني مؤمن ابما يقول بـلا مقـوت