للروح صوت .. وللحناجر صوت .. والفارق كبير

[align=center][tabletext="width:100%;background-image:url('http://www.hamsatq.com/kleeja/uploads/1457745566551.gif');border:3px groove sandybrown;"][cell="filter:;"][align=center]

[align=center][tabletext="width:90%;background-image:url('http://www.hamsatq.com/kleeja/uploads/1457745566624.gif');border:5px groove burlywood;"][cell="filter:;"][align=center]



.
.
.

للروح صوت .. وللحناجر صوت .. والفارق كبير
ولا تبين يالكبير .. إلا بنظرات الكبار

وللصوت روح .. وبالحناجر نبرة الأرواح غير
ولا يميزها . سوا من يمتلك نفس العيار

هذا خلاصة ما تعلمته من الدرس الأخير
ياللى قبل هذا معلمني التجرد .. بإختصار

وعلمتني كيف الصبر يطول؟؟ ليا طال المسير
وعلمتني متي؟؟ وليش ؟؟ أحتاج تغيير المسار

وعلمتني أصعد على القمة ولو ساقي كسير
وعلمتني أرفض على نفسي قبول الإنكسار

وعلمتني .. إن الغلا أنعم من سلوك الحرير
وعلمتني إن العقل لا وافق القلب ... إنتصار

وعلمتني إن الوصل .. يعني صعود المستدير
وعلمتني إن الجفا يعني .. بداية إنحدار

وعلمتني .. إني بقربك .. أدري إن قلبي بخير
وعلمتني .. أرسم على بعدك بدايات الدمار

شف وش كثر علمتني ؟؟ يا معلم الورد .. العبير
وشف كيف أنا ماخذ تعاليمك بعين الإعتبار

ياكبر حظي فيك ... لو حظي من الدنيا صغير
ياللى منعني في ثباته عن بلوغ الإنهيار

أيوه يا كبرك بعيني لو عمر وقتك قصير
يا لذة طوال الليالي فوق الأيام القصار

أنفاس روحك .. تنتشي بي فوق موجات الأثير
وهمسات صوتك تنتثر بي فوق جو الإنبهار

وقلبك كتبني . قبل لا يكتب على عروق الضمير
أغليك يا قمة إجا .. وأكرهك يا وادي مشار

هيبة . وعزة نفس .. تغنيني وأنا ماني فقير
والفقر نار .. ولا بعد نار الفقر بالوقت .. نار

هذي بركاتك على حال المواطن .. يالأمير
ياللى بنيت بداخل ضلوعه .. من ضلوعك .. ديار

عطني شويه بال .. واخلي لك القمري يطير
وأخلي عروقك تمايل .. كل ما غنا وطار

وأبني لك قصور السحايب .. في ذرا البحر الغزير
وأجبر عيون الليل تبكي لك على خد النهار

يعني بصور شي لا يمكن على الواقع يصير
حتى تصير أنت الوحيد اللى معه هالشي صار

لأنك بعيني غير ... وبقلبي بعد مخلوق غير
ولأنك بنيت امن الحناجر روح .. نبرتها .. وقار

على إعتبار إنا .. جعلنا بينهم .. فارق كبير
ولا تبين يالكبير .. إلا بنظرات الكبار

للشاعر مطلق النومسي


[/align][/cell][/tabletext][/align]

[/align][/cell][/tabletext][/align]

سلمت أنــآآملكـ ع الطرح الرائع.................

سلمت يمناك
طرح جميل جدا

سلمت يديك ع طرحك / يعطيك العافيه ..

يعطيك العافية على اختيار الموضوع
وحرصك على اختيارك مادة مفيدة

الله يكثر من أمثالك
وشكرا

نجم

الله يعافيك
على روعة الطرح
كل الود
..

أسعد الله قلبك بكل ماتتمناه
مثل ما أسعدتني بصفحتك الجميله والرااقيه

يعطيك العااافيه
وشكرا لك مع تقديري

اختيار ذووق ووطرح انيق
ربي يعطيك العافيه لجهودك المميزه واختيارك المميز
كل الود••

اقتطافة أنيقة
لاعدمنـآ هذا الجمال بالطرح..
بإنتظآرجديدك بكل شوق..
ودي وشذى الورد..