@~آحاسيس عذبة ~@

مايجيب الي تبي كثر العنادي
داعي الأشواق للعاشق طبيبه
لابغيت الي عشقته قوم نادي
قله ان الشوق بك زاد بلهيبه
بلغ الأاشواق مفهوم المرادي
صادق الاحساس لابده يجيبه
العطاملح الغلا والوصل زادي
قم وصب انواعها واشرب سكيبه

بوحي

كانك تبيني اسأل الليل عني
والا النجوم الي تحرا قدومي
احضن سواده والشقا محتضني
واعطي قمرها لاتبين علومي
ياما لعين الليل جيت متعني
اجيه لاضاقت عليه هدومي
بوحي

ابي اكتب ويطلع لي فراغ وجمملة استفهام
غريبة كل ماجيت اكتب الكلمة تعاندني
على بيض الورق اكتب وترفض تكتب الأقلام
تقـــول ان العـــــبارات الغـراميــــة تعــــاتبني
احاول والفكر صاحي ويرجع هالخيال ينام
وانا الي كانت الكلمة على الدفتر تسابقني
بوحي

تحيا بك الروح يالي للغلا ديمة
وانا خفوقي من الهجران عطشاني
الناس غيرك هجير وشوفتك غيمة
تعال وامطر سحاب الحب هتاني

بوحي

يامساحات الأمل وين الطريق
ارسمي لي لوبغيت ارحل دروب
من تعب هاليأس بس اصحى وافيق
لوبغيت الشمس يلحقني غروب
خافق الأحلام في بحره غريق
ماتت احلامه وعيا لايتوب

بوحي

حنا شربنا حبنا للوطن شرب
شرب الرضاعة في سنين الطفوله
حق علينا نحمي الشرق والغرب
ونحمي شماله والجنوب ببطوله
نسقي ثراه بدمنا ساعة الحرب
ونرد كيد المعتدي ماينوله
لابوفهدحنا سيوف لهاضرب
فوق الرقاب العاصيات الجهوله
نحمي حمى البيتين ونعاهد الرب
ان الكلام الي نقوله نطوله
بوحي

وش تبيني اكتب لروحك كلام
وش تبي قلي وش الي تطلبه
كم كتبته حب مع شوق وهيام
كم نظمت اشعار عشق مرتبه
مابقى بيت من ابيات الغرام
ياغلاي الا لعينك اكتبه
صادق احساس القصايد لك وسام
وانت تدري اجمل الشعراكذبه
عاد تدري بختصرها والسلام
خذ وجودي ولوجودك انسبه

بوحي

الوطن غالي

يالراية الخضراء ونخلة وسيفين
ياكلمة التوحيد فوق الغمايم
يادارنا يامنبع العز والدين
دارالسعود الي بها العدل قايم
رفرف علمهافوق كل الميادين
غصب على الحسادواهل العمايم
يالمملكة جعلك على العزتبقين
في عهد قايدنا قوي العزايم
ابوفهدسلمان حكمة وتبيين
النادرالي يتبع الحق دايم
حكامنا الي للمعادي عنيدين
في حزة فيها لزوم ولزايم
هم لحفنا عن ليلة بردهاشين
صارواذراناعن هبوب السمايم
قدقالهاعود توفى من سنين
بالله ثم الشعب نبني دعايم
واليوم ابدعي للوطن قولوا آمين
بدعي وانا لله ساجدوصايم
احفظ وطناعن جميع الحسودين
والخاين الدجال واهل النمايم
واختامهاواعداد نبت البساتين
صلوا على المختارماحام حايم

بوحي

كن المسا يستدرج البوح فيني
لاشافني من عقب الأشفاق وحدي
وده يبيح ماخفى من كنيني
لاحس مني في الهوى زود وجدي
واخاف قلب الشوق باسه يليني
تلعبه الأشواق ويبيح سدي

بوحي

تبي الغلا واعطيك في روحي مكان
تبغى العطا واسكنك قلبي هنا
تبغى حنان وقلب يعطيك الأمان
كلش تبي ياسيدي طيّب 00 وأنا ؟

بوحي