@~آحاسيس عذبة ~@

باسم الغلا والشوق ياسيد ذاتي
ابغى مكانه في مساحات قلبك
عطني رجاي والامل وامنياتي
عطني حنانك واهتمامك وحبك
يالي بأمر الحب تملك حياتي
ودي اعيش العمر كله بقربك
بوحي

عسى ماباس ياقلب جريح وخاطره حساس
عسى ماجورياصدر كفيف احلامنا قده
كتبناها لذيذ احلامنا في صفحة الكراس
على بيض الورق نكتب وحبر آمالنا مده
على القرطاس نبنيها آمانينا على قرطاس
وهبات الهوى دايم تهز الحلم وتهده
ولوطاحت امانينامن اوراق الرجالاباس
تزودنا محطات الرخافي ساعة الشده
ولوطالت مسافات الأماني مالحقناياس
نقول الخير والخيرة عسى لوطالت المده
بوحي

ياقلب يالي في خيالك تماديت
هجيت لك ياقلب باب الرحابة
ياقلب لامنك رقيت وتعليت
استشرف النيات فوق السحابة
واليا دعتك العاطفة ثم لبيت
اركد ترا كل العواذل تشابه

بوحي

بنيت لك يازين في خافقي دار
قصر بكل الحب والود عالي
وسطه حديقة شوق من ورد وازهار
ومزين بكل الغلا والدلالي
فيه الغرام يحيط به مثل الاسوار
والعاطفة تعطيه شكل جمالي
سوالف العشاق تلفيه زوار
تروي حكاوي حب عن كل غالي
من زار قصر الحب خلاه تذكار
ويقول زرت اليوم قصر خيالي

بوحي

انا ونجم الليل وعيون واهداب
نرقب على حد السما وانتحرا
وينك ملل هالوقت ياسيد الأحباب
قفى هزيع الليل مابان قمرا
لالاتغيبي طاري الشوق ماغاب
لاتتركي في كف الأشواق جمرا

بوحي

مساء الخير ياليل اغترابي والقلوب اسرار
وانا مابين اقواس الضلوع تعيش اسراري
نهيت النفس عن بوحي ومن صمتي بنيت اسوار
تموت الآه في جوفي ولا تهتز اسواري

بوحي

عيت تغيب الشمس والليل محتار
ينطر غياب الشمس يسحب نهاره
كن القمر والشمس مابينهم ثار
الكل منهم واقف في مداره
حتى حساب الوقت للعد ماسار
كنك تشوف الكون وقف مساره
وانا مع الاشواق واقف على نار
ابغى المساء يسدل علينا ستاره
يمكن مسىا الخلان يلفي بزوار
واقول ياحيا مساء الزياره
لكن شعاع الشمس قدم لي اعذار
حتى سواد الليل جاب اعتذاره
يقول بدرك ماله الليل مظهار
لبس السحابة واحتجب وسط داره
بوحي

يامسا ليل التجافي والغياب
والعيون الي تحداها السهر
ياحسايف صارموعدهاسراب
خلت الفرحة تموت من القهر

بوحي

تركتك يالمدينة ضيق وكبر الهم مااطيقه
على مرقى تعليته وحيد ومامعي به ناس
ابي عن ضيقة الخاطر اعيش بجو ترويقه
وعن جور الزمان اسلى واقول لخاطري لاباس
شهقت بكل انفاس الخفوق ومارحل ضيقه
اثر في خاطري ضيقة تثور وتكتم الأنفاس
وصرت استنجده نبض البقى واغيب وافيقه
لعله ينتعش قلب رقيق وخاطر حساس
بوحي

انا خيال يطير مع كل نسمه
يرف جنحانه مع الصبح عابر
طيف يمر الليل في جوعتمه
كنا السما صارت لطيفه معابر
يرسم وجوده بين نجمه ونجمه
ومن القمر ياخذ مداد المحابر
بين القمر والشمس موجود رسمه
كنه على لحظة وضوحه يكابر
بوحي