يالله ياللي لياضاقت يفرجها

المشاركة الأصلية كتبت بواسطة عبداللــــــه الرشيدي

يا لله ياللي اليا ضاقت تفرجها
يا فارج الهم والضيقات والكربه

يامخرج العبد لا ضاقت مخارجها
عن موقفٍ يطحن السربه ورا السربه

افرج لمن كايد الطرقات ينهجها
لو ماش بكره ولا مزهب ولا قربه

بمرك يهوم الدروب ايلين يسهجها
ولولا الرجابك قصر ممشاه عن دربه

ثم الرجا في رجالٍ ما يخالجها
في نفوسها شك والطيب تفاخر به

شرواك ياللي اليا صكت نعرجها
صوبك شمال الشموخ وشرقه وغربه

ننصاك نرثعبها ولا ندرجها
ومن شاف وجهك نسى الهم وتباشر به

يامن تسر النظر والنفس تبهجها
أنا أشهد ان العيون لشوفتك طربه

لو حدها عنك شيءٍ قام يحرجها
من علةٍ جات والاوضاع مضطربه

والعله اللي نحولي من نتايجها
ليه أتعبر بها يالهرجه الذربه

لا صار صبري عليها ما يعالجها
ماعاد لي عذر وش عاد أتعذربه

هب الهوى والسفينة قام يدرجها
موج يهول العقل في جمبها ضربه

اما نطحها الهوى ولا تولجها
ولا كل من غربوا عادوا من الغربه

البحر غدار وامواجه تموجها
يخفي المنايا وصوت الموت يجهربه

الاقدار تخفى نجومٍ في توهجها
ويموت ميعادها اللي كان تظهر به

قلته والايام مدخلها ومخرجها
ماهوب مثل الجمال اللي تظاهربه

عادات الايام لو يغري تغنجها
لا بد بين الضلوع تمكن الحربه

ومن لا يشد الرسن بيده ويسرجها
ويضرب بها كل ربعٍ كايدٍ ضربه

يموت من ونةٍ ماأحتال يزعجها
وحسبه على اللي عن اليمه تياسر به

وكثر القنوات ومتابع برامجها
ما تلحق الرجل مقصودٍ يفكر به

والايام كثر الترف فيها يسمجها
والعمر مشوار والرجل إيتعبر به

مماراق لي
للشاعر/ضيدان بن قضعان

بسم الله ماشاء الله اول شي على هذا الوجه الجميل الحلو

يالرشيدي ماشاء الله تبارك الله هاا لايجيك شي تقول عين رااامز هذي

ههههههههههههه

اما النص لايقل جمالا عن صاحب الذائقه

وانت شاعر وماتحتاج شهاده من طلابك

انتقيت الجميل من الشعر

ابدعت واكثررر

اجل التحايا