ديوان نبضـــا ت - للشاعر سعد العلاطي

اسكّـر الجـوال مـعـك انــت بـالـذات
و تمون لـو تعطـي مـع الوقـت مشغـول!
بينـي وبينـك شــي فــوق العـلاقـات
مقبـول وان كـابـرت والـعـذر مقـبـول
احــذر تـصـدق ناقلـيـن الاشـاعـات
وانـا عطيتـك مـن غـلا القلـب مدبـول
يـا اخـوي ضاقـت بالعيـون الوسيـعـات
حزنـي علـى باكـر ولـو كـان مجهـول
اقـل نومـه نمتـهـا عـشـر سـاعـات
مـا كنّـي الا فـوق الاكـتـاف محـمـول
هـذا يقـول انـه اتصـل خمـس مــرات
وهذا عطاني أمـس واليـوم (مـس كـول)
وانـا لـك الله فــي صمـيـم المعـانـات
ازرع بـذور الطيـب والـهـم محـصـول
هـارب مــن الـواقـع بلـيـا محـطـات
ومؤمـن بأنـي عبـد والعـبـد مكـفـول !
لكـن تـرا للضيـق حــزات .. حــزات
اتملـلـك بالـنـاس وتصـيـر مـمـلـول
الــى مـتـى وانــا اردد سـهــالات!
والوضـع متعقـد وانـا اقــول محـلـول!
علـى أمـل بكـرة . . اعيـش بقنـاعـات
واقضب خطوط العرض وارجع علـى الطـول
( حاير ) ..( مشتت ) .. ( مرتبك) همّي الأت
عـاجـز ادفّ الـحـظ والـحـظ مشـلـول
لا اقـدر معـه اقطـع طــوال المسـافـات
واليـا تركتـه مـات مشلـول مسـلـول !
ذقـت الهزيمـة فـي زمــان البـطـولات
قاتلـت لكـن عـشـت انـسـان مقـتـول
والواقـع اكبـر مـن تواصيـف الابـيـات
والواقعـه بالنفـس اتـصـول و اتـجـول
امـر مـن ضـيـم الفـشـل والتشـمـات
واقسى مـن احكـام ٍ علـى غيـر مدلـول
يـا هـي مصيبـة لـو تكـون الـريـالات
حشيـمـة الـرجـال والفـقـر مـسـؤول
وانـا افتقـر للـحـظ والـحـظ بـالـذات
لا حـول ..لاقـوه ..ولا قــوه بـحـول !








اخوكم

سعد مسهوج العنزي