مدونتي هي نبرة جريح

ياباب اشـوفـك يــوم مـريـت مصـكـوك
خـابـرك عـشـر سنـيـن مفـتـوح يـابـاب

ونصف العرب من طيب راعيـك دلـوك
وتلايموا في حوشـك اصحـاب واجنـاب

امــشــرع مـاوقـفــوا بــــك وطــقــوك
ومنـصـور بالـدلـه ولايــوم قـــد غـــاب

لـو دربهـم مــن شــرق لـفـوا ومــروك
ولو دربهـم مـن غـرب ماعنـك مجنـاب

والـشــارع مـسـكـر بـنــاس تـنـصـوك
ربــع وبـنـي عــم ومسـايـيـر واحـبــاب

في مجلس فرشه من النـاس مدهـوك
الطـيـب عـمـدانـه والافـعــال الاطـنــاب

كـل الشرايـح جـاتـك اشـيـوخ ومـلـوك
ومــن زاد راعـيـك عـلـى كــل مـاطـاب

ابوخلـف عـون الخـوي مخـلـي الـبـوك
لـلـحـيــل ذبـــــاح و لـلــعــود حــطـــاب

ينفـع ولا يبـغـي مــن الخـيـر مـشـروك
ينـفـع لـوجــه المعـتـلـي رب الاربـــاب

مـاهـي بنفـعـة كــل مـشـروك مـبــروك
مزروعي ومن روس عطران الاشناب

يابـاب عـقـب الزحـمـه الـيـوم مـتـروك
امـسـكـر وخـالــي ولا لـيـتــك بــشــاب

شــدوا هـلـك مـنـك وراحــوا وخـلــوك
وفرقـاك ماهانـت لـكـن هــذي اسـبـاب

شـدوا بامـر مــن يخـلـي بـمـده ابـنـوك
ويقطـع لـك ارقـاب ويعتـق لـه ارقـاب

شـدوا بامـر شيـخ فـرج كـل مضـنـوك
الشيـخ ابـو خـالـد بــه الـضـن مـاخـاب

من جاه من جور الزمـن يبلـع الشـوك
عـود عـلـى ربـعـه لـهـم درع وحـجـاب

آ مـــر عـلــى بـيـتـه وخـــلاه مــدكــوك
وبـنـاه قـصــر وبـــدل الـبــاب بـابــواب

تـرفــع لـــه البـيـضـا ع راس مــكــوك
ويصـعـد بـهـا لـلـجـدي والـعــز هـبــاب

عوض ضيوفـك قصـر مبنـي ومسبـوك
ونـصـفـه مـجـالـس ماتـسـكـر بــبــواب

فـــي كـــل حـــزه للمسـايـيـر مـفـكــوك
وصفـر الـدلال اتفـوح والجـمـر شـبـاب