كانك تبيني قوول

السلام عليكم ورحمة الله وبركاته
ابيات اتمنى ان تنال اعجابكم ولكم
مني اجمل تحيه

ياصاحبي وينك ترى الوقت محدود=
كانك تبيني قول بانك تبيني=
صار ثلاث اشهور بالحب معقود=
مدري يزين الحظ والا يشيني=
غلاك عندي دايم الدوم بيزود=
ودي اشوفك يالهوى تحتريني=
ازيد حبك وانت تزداد بصدود=
الى متى الهجران يانور عيني=
اسهر طوال الليل والعالم ارقود=
مغير انادي دمعتي والونيني=
الدمع صاير عادتن فوق الاخدود=
ماظن غير الموت يشفي حنيني=
امشي واغني تايهن شبه مفقود=
ضيعت عمري بالغلا ياظنيني=
الى متى وانا انتضر منك مردود=
اضحك معك والنار تشتب فيني=
تبغى الصراحه حبك اليوم مشهود=
بقولها واللي يجيني يجيني=

كلمات
ابو هاجر