امانه لاتطلع حرارة انفاسك بحضن غيري

باس صبعهااا ولزقه لها..
تركي بابتسامه:اكييد بيطيب احين..
دانه بضياع:....هه
تركي:وين عقلك يابنت؟؟
دانه(خذته...وربي وألي خلق السموات والارض انك خذته..):ويش كنت تقول؟؟
تركي التفت لها:اسمعي ماابي حد يشغل تفكيرك بستثنائي اناا..
دانه(ذا اكيد..وللاسف مقدر اشغله بشي ثاني)وبرود:ليه ان شاء الله؟؟
تركي حط رجل على رجل:لاني زوجك..
دانه:بس....
تركي قاطعها:حتى لو كان ع الورق..احنا عند الناس متزوجين وذا الاهم..
دانه:انت غريب الصراحه..
تركي:وايش الغريب فيا؟؟
دانه:قبل كنت اقول لك سذا..كنت تقولي عكسه مع الرغم ان كلامي صح..
تركي بابتسامه بانت غمازته وخققتها:أي شيء تقوله الدانه هوا صح..يلا قلبي انا بروح اقوم جوجو..تجين معاي..
دانه(لااا ذا مستحيل يكون تركي..اكييد مبدلينه)وباندفاع:اكييد..
وابتسم زود ومسكها بيده وراحوا لغرفتها..
تركي بهمس:بابا..بابا..
الجوري بهمس:نعم..
دانه جلست ع طرف السرير:يلا قومي حبيبتي..
الجوري عدلت جلستها وهي تفرك عيونها:اكيد انا احلم..
دانه وتركي بصوت واحد:ايش فيك؟؟
تركي ودانه بلاشعور تبسموا في بعض..
الجوري حضنتهم مع بعض:حلو كذا..
دانه بابتسامه:ايش الحلو؟؟
الجوري:من زمان بغيت ماما وبابا يجون مع بعض ويقوموني من النوم..
تركي شال بنته:وحيكون كل يوم بنقوم سوا.."والتفت لي"صح قلبي..
دانه(اناا متاكده انه ناوي ع نيه..غريبه قلب فجئه كذا امس كان غير واحين غير..اصلا هوا كلا يقلب علي..بس انا راح اكتشف أيش ناوي عليه):أي..ان شاء الله..
تركي:يلا دانه روحي جهزي الفطور حطيهم في الطاولة..
دانه قامت:ان شاء الله..
وراحت جهزت الفطور وجاء تركي بعد ملبس بنته ومشط شعرها وجلس بالكرسي وانصدمت لما قال لي اني اجلس ولا بعد جنبه..
والجوري كان مبسطووه بالحييل من تغير اسلوب ابوها معي..من ناحيتي كنت شاكه..إلا واثقه انه بيجي شيء ويغلب علي..مكنت مرتاحه من تعامل معي كذا فجئه..
.
.
.
..في القصيم..
كانت جالسه في الصاله مع خواتها..
فجر بصدمه:بذمتك!!
المها:وربي اني مكذبت عليتس..
فجر:انتي من قال لك؟؟
المها:مغيرها مرت اخوي المرحوم ام تركي..
فجر:بس غريبه ابوي مقال لنا<<قصدها ابومحمد
المها:ابوي مو من طبعه انه انه يخبي شيء علي اناا..تدرين انا اخر العنقود..
فجر:مالت عليتس بس..
المها:وعليتس..المهم تتوقعين البنت ألي مختارها تركي تجنن..
فجر هزت كتفها:مدري والله..بس انا امووت واعرف ايش رده فعل ليان..
المها:مسكينه وربي..من زمان وهي تنتظره وفي الاخير تاخذه وحده ثانيه..
فجر(متزوجه وعمرها 33 سنه..ملامحه ناعمه سمراء..دبدوبه شويا..ساكنه في القصيم لان زوجها يشتغل في القصيم وعندها 2 اولاد وبنت وحده..وبين فترة وفترة تجي اختها المها لها في القصيم وتجلس بالاسبوع)
المها(عمرها 26 سنه..شعرها لنصف ظهرها لونه اشقر بندقي..طويله وجسمها ريان..وبيضاء خشمها ملموم وشفايفها متوسطه..مزيونه بالزاااف..وهي اخر العنقود عن ابوها ابومحمد.. وراح نعرف ايش هياا بضبط في البارتات الجايه)
فجر:انااا اعرف ليان مزياان....مراح تسكت عن حقها..وتشوفين..
المها:تتوقعين ويش راح تسوي..
فجر:مدري..بس متاكده انها مراح تسكت..
عوض جاء:يمه ميمي تبكي..
فجر بحده:اكيد مزعجينها انت مع اخوك الزفت..
المها قامت:انا بشوفها انتي ارتاحي..
فجر:تسلمين ياختي..لو الله ثم لولاك كان رحت فيها من التعب..
المها بابتسامه:افاا عليك بس..ليه الاخوات اجل..يلا بروح لها احين..
فجر:عجلي لها..اخاف يقوم ابوها..
.
.
.
نرجع لرياض لابطالنااا بتحديد
بعد الفطور
عطرت الجوري..ولبستها شنطتها ونزل تركي بعد ملبس ثوبه..