قصيدة الحلم للشاعر حامد زيد

بوقت من البطا و بليل تتراقص شياطينه
بعد شفت الضيا ينزع من ثياب المسا ثلثين

تحايلت المنام اللي مثل بيتك تمرينه
و انا اللي من تفارقنا و أنا ما غمضت لي عين

غريبة كل حلم يمر برقادي تزورينه
و الأغرب كيف أحلم الحلم و ارجع و احلمه بعدين؟

قبل يومين شفتك بالمنام .. و قمت من حينه !
ونمت أمس ، ورجع نفس المنام اللي قبل يومين

أنا اللي قبل اسافر شلت قلبي من شرايينه
تركته في يدك مثل الأمانه ، و احفظيها زين

ترى حفظ الأمانه دين .. مجبورة تردينه
أجل ، ما فيه أحد قد قال لك ( حفظ الأمانة دين )؟!

مرد المقفي بيلفي ..و يستوفي ، و توفينه
بعد ليله ، ثلاثه ، أربعه ، عشره ، شهر ، شهرين

إذا انتي ، ما انتي بقد الكلام اللي تقولينه
حرام .. استامنك حاجة ، و إذا جيت اطلبك تنسين

تخونين ، و تبين أرضى .! و أحد يرضى تخونينه !
أنا لاجيت أخونك ، مع حبيبة ثانيه ، ترضين .؟

من أول ما رجعت من السفر ماشفت لك بينه ؟
وأنا اللي كنت أحسبك قبل ادوس ارض المطار ..تجين

تكونين أنتي أول شخص عيني تحتضن عينه
و كنت أتخيلك من زود فرحة رجعتي ..تبكين
وأشوف بدمعتك حكي .. وأعرفه قبل تحكينه
واجيب أحلى من اللي بتحكينه ، و أتركك تحكين

تقولين :الوطن نور .. وأقول بنور مضوينه
تقولي لي : غديت أحلى ، و أقول : عيونك الحلوين

كلام نام بشفاهك ..و خفتي لا تصحينه
ذخرتيه لغرام اللي ينام ..و يتركك تصحين

تغانمتي غيابي .. لين رجحتي موازينه
تعلم من يدك لمس الكفوف و علمك تجفين

و ليتك لاقية به شي .. فيني ما تلاقينه !
مهو بغرور ..لكن خابرك ما لك أمل تلقين

تغافلك بغلا ..و الإ الحلا مهو بمن زينه !!
تزينه الصور ..بس الصحيح ابن الحلال زوين

و أنا ماني بناقص عنه يوم أنك تبدينه
نصيبي ..هو نصيبي لو يسددها من الصوبين

قنوع بمظهري ، والسم ما يذبح ثعابينه
على قول المثل (ماني حلو..ولكن ماني شين )

إذا أهداك الزهر مره ، فأنا اهديتك بساتينه
وإذا ألهاك بفرح ليله، فانا تهت لبكاك سنين

و إذا استضعفتك أملاكه ... و شتتك ملايينه
أنا حتى فتات الخبزة أقسمها معك نصين

طموحي ، بس أجي و أظفر بشي تستحقينه
تدينته ..تسلفته ..سرقته ..مو مهم منين

كأني من كثر ما ارضى بكل اللي تمنينه
لو انك تطلبين الله ..يعنيني ،بقول آمين

أنا ما العب على الحبلين ، وقت الطيش و سنينه
تبين الحين يوم اني كبرت العب على الحبلين؟

يعطيك العافية على اختيار الموضوع
وحرصك على اختيارك مادة مفيدة

الله يكثر من أمثالك
وشكرا

نجم

أسعد الله قلبك بكل ماتتمناه
مثل ما أسعدتني بصفحتك الجميله والرااقيه

يعطيك العااافيه
وشكرا لك مع تقديري

تميز دائم في الاِنتقاء
وفي روعة الطرح
دمت بكل خير

اختيار ذووق ووطرح انيق
ربي يعطيك العافيه لجهودك المميزه واختيارك المميز
كل الود••

سلمت يمناك
طرح جميل جدا

طرح يبآهي شمس الإبدآع فَاضَتْ ..الرُوحُ عُمقاً يُسكِرُ الْألبَابْ ..! حِسٌ رَاقِي وَ عَذبْ ,’ دَامَ لَنآ جَمالِ ذَآئِقَتُكْم

نجم
لِرُوحكْ وَردْ مُخْمَلِي’..يَ عَبقِ البَسآتِين ...’♥

الغند
لِرُوحكْ وَردْ مُخْمَلِي’..يَ عَبقِ البَسآتِين ...’♥