 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - قصيدة الحلم للشاعر حامد زيد
(http://www.gsaidlil.com/vb/showthread.php?t=138514)
قصيدة الحلم للشاعر حامد زيد
بوقت من البطا و بليل تتراقص شياطينه بعد شفت الضيا ينزع من ثياب المسا ثلثين تحايلت المنام اللي مثل بيتك تمرينه و انا اللي من تفارقنا و أنا ما غمضت لي عين غريبة كل حلم يمر برقادي تزورينه و الأغرب كيف أحلم الحلم و ارجع و احلمه بعدين؟ قبل يومين شفتك بالمنام .. و قمت من حينه ! ونمت أمس ، ورجع نفس المنام اللي قبل يومين أنا اللي قبل اسافر شلت قلبي من شرايينه تركته في يدك مثل الأمانه ، و احفظيها زين ترى حفظ الأمانه دين .. مجبورة تردينه أجل ، ما فيه أحد قد قال لك ( حفظ الأمانة دين )؟! مرد المقفي بيلفي ..و يستوفي ، و توفينه بعد ليله ، ثلاثه ، أربعه ، عشره ، شهر ، شهرين إذا انتي ، ما انتي بقد الكلام اللي تقولينه حرام .. استامنك حاجة ، و إذا جيت اطلبك تنسين تخونين ، و تبين أرضى .! و أحد يرضى تخونينه ! أنا لاجيت أخونك ، مع حبيبة ثانيه ، ترضين .؟ من أول ما رجعت من السفر ماشفت لك بينه ؟ وأنا اللي كنت أحسبك قبل ادوس ارض المطار ..تجين تكونين أنتي أول شخص عيني تحتضن عينه و كنت أتخيلك من زود فرحة رجعتي ..تبكين وأشوف بدمعتك حكي .. وأعرفه قبل تحكينه واجيب أحلى من اللي بتحكينه ، و أتركك تحكين تقولين :الوطن نور .. وأقول بنور مضوينه تقولي لي : غديت أحلى ، و أقول : عيونك الحلوين كلام نام بشفاهك ..و خفتي لا تصحينه ذخرتيه لغرام اللي ينام ..و يتركك تصحين تغانمتي غيابي .. لين رجحتي موازينه تعلم من يدك لمس الكفوف و علمك تجفين و ليتك لاقية به شي .. فيني ما تلاقينه ! مهو بغرور ..لكن خابرك ما لك أمل تلقين تغافلك بغلا ..و الإ الحلا مهو بمن زينه !! تزينه الصور ..بس الصحيح ابن الحلال زوين و أنا ماني بناقص عنه يوم أنك تبدينه نصيبي ..هو نصيبي لو يسددها من الصوبين قنوع بمظهري ، والسم ما يذبح ثعابينه على قول المثل (ماني حلو..ولكن ماني شين ) إذا أهداك الزهر مره ، فأنا اهديتك بساتينه وإذا ألهاك بفرح ليله، فانا تهت لبكاك سنين و إذا استضعفتك أملاكه ... و شتتك ملايينه أنا حتى فتات الخبزة أقسمها معك نصين طموحي ، بس أجي و أظفر بشي تستحقينه تدينته ..تسلفته ..سرقته ..مو مهم منين كأني من كثر ما ارضى بكل اللي تمنينه لو انك تطلبين الله ..يعنيني ،بقول آمين أنا ما العب على الحبلين ، وقت الطيش و سنينه تبين الحين يوم اني كبرت العب على الحبلين؟ |
يعطيك العافية على اختيار الموضوع
وحرصك على اختيارك مادة مفيدة الله يكثر من أمثالك وشكرا نجم |
أسعد الله قلبك بكل ماتتمناه
مثل ما أسعدتني بصفحتك الجميله والرااقيه يعطيك العااافيه وشكرا لك مع تقديري |
تميز دائم في الاِنتقاء وفي روعة الطرح دمت بكل خير |
|
اختيار ذووق ووطرح انيق
ربي يعطيك العافيه لجهودك المميزه واختيارك المميز كل الود•• |
سلمت يمناك
طرح جميل جدا |
|
نجم
لِرُوحكْ وَردْ مُخْمَلِي’..يَ عَبقِ البَسآتِين ...’♥ |
الغند
لِرُوحكْ وَردْ مُخْمَلِي’..يَ عَبقِ البَسآتِين ...’♥ |
| الساعة الآن 02:47 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية