العيش الغامدي

طبعا هو ماله مقادير بكميات معينه بس باحاول احدد لك بالتقريب

اول شي تحطين تقريبا اربع كاسات لبن في قدر اللي تحبي المراعي او اي نوع ثاني

وكل ما كان اللبن حامض يطلع احلى

واضيفي له كاسين مويه وشويه ملح ولو حبيتي يكون حامض زياده ممكن تزيدين له عصير ليمون


وبعدين اضيفي له تقريبا كاسين دقيق ( طحين ) ويفضل دقيق ذرة ولا تستخدمي الدقيق الفاخر

وحركي الدقيق مع اللبن بمضرب البيض في البدايه لحد ما يتجانس طبعا هالخطوه مهم انك تسوينها

واللبن والمويه بارده او بحراره الغرفه قبل تحطينه على النار عشان لما يغلي بعدين ما يصير فيه كلاكيع هههههههه

يعني تجمعات دقيق مو ناضجه

بعد ما تحركينه زين تحطينه على النار وتكون وسط وتبدين تحركينه وهو على النار ويبدا هو مع الحراره

يثقل شويه شويه استمري في التحريك لحد ما يبدا يطلع فيه زي الفقاعات

قصري عليه النار شويه واتركيه ربع ساعه تقريبا مع التحريك كل شويه

وبعدين جيبي دقيق ملى يدك وابدي انثريه ( ذريه ) على القدر مع التحريك المستمر

حتى تنتهي الكميه اللي بيدك لا ترمين الدقيق كله مره وحده لا بالتدريج زي الرش كذا

واتركيه فتره وارجعي كرري الحركه لحد ما تشوفين العيش ثقل بالثقل اللي تحبينه

وفي الاخير تضيفين له بهارات معينه وهي حلبه محمصه ومطحونه وسنوت مطحون ( يانسون )

وتتركينه عشر دقايق وتقفلين النار .. ياخذ العيش على النار تقريبا ساعه الى ساعه ونص

واذا شميتي ريحة شياط او حريق اثناء التحريك والاضافات لا تخافين لان هذي احد اسباب الطعم الحلو

واحد اسباب التاكد من نضوج العيش

بعد كذا حابه تاكليه من القدر مباشره يكون له لذته او تغرفيه في صحون او تحطيه في حافظه

وتصبين على الوجه سمن ويفضل بلدي وتقدمين معه لبن في زبادي جانبيه


طبعا فيه اداه خشبيه خاصه لتحريك العيش والعصيد تسمى في الجنوب ( مسوط )

و بما ان العيش اخف من العصيد بكثير فانا استخدم مضرب بيض قوي وكبير لانه يساعدني كثير

في التحريك وعدم تكتل الدقيق


هذا الشرح بالتفصيل الممل ..

وهذي الصوره بعد غرفه