خلوني اكتب لكم موقف محزن
حصل لي قبل يومين*
وهذا الموقف حصل مع شخص سوري
كبير في السن والقدر والله يرفع قدره ويشرح صدره
ويجلي الهم عنه وعن اخواننا واهلنا في سوريا
وان ينصرهم على كل من كاد لهم وظلمهم
وان يرد كيد الاعداء في نحورهم*
اللهم امين
القصة:
كنت انا طالع من ورشة تصليح سيارات
في الصناعية وديت سيارتي بعد حادث بسيط
وبعد ماحطيت سيارتي طلبت سيارة عن طريق تطبيق كريم
وقبل لا توصل السيارة إلي بتاخذني وقفت شوي على الخط انتظر
وفي اثناء وصول السيارة وركوبي فيها
اتفاجئنا بسيارة توقف بجمبنا من جهة اليمين
وفيها شخص مقيم سوري كبير في السن ويأشر بيده لنا
فأنا فتحت الباب وقلت: سم ياعم تبي شي
فقال: والله انا ياابني كنت شايفك واقف
وكنت ناوي اخذك معاي اوديك مشوارك*
لأن الموقع هنا مافيه سيارات ... سَكت المتكلم شوي ...
فقلت له انا والله ياعم افكر وماانتبهت لك سامحني
فقال: بلهجه سوريه بسيطه وبنبره حزينه وصوت يرجف وعبره مخنوقه وعيون تملاها الدموع*
قال: مو احنا اهلنا بسوريا كلياتهم ماتوا
وقلت اوديك مشان يكون اجر الهم
وعيونه دمعت
ويلي على الحزن الدفين في قلبه*
انا والله انصدمت واوجعني قلبي
يقول: بلهجتنا
اهلنا في سوريا كلهم ماتو وكنت اباخذك عشان يكسبون الاجر في قبورهم*
الله اكبر
والله اكذب لو اقول مادمعت عيوني*
واتمنيت لو اني لحالي وابكي لين احس اني عطيت الموقف حقه*
يارب ياكريم من لهم غيرك بعد انا تجمع عليهم الكفار وتجبروا
يارب ياكريم من لهم غيرك بعد ماخذلهم المسلمون اشد الخذلان
ياقوي ياجبار انصرهم على من عاداهم
|