منتديات قصايد ليل - عرض مشاركة واحدة

06-11-2011

من صباح الغد

العم عبدالله : وش تقول .............؟ على كيفك الدعوة ! تلعب بمخي مره ايه و مره لا

حجرف يبوس راس ابوه : ياعلني مابكيك يبه معلي شانا اقتنعت بحكيك و بحكي امي و اخواني و خواتي

ومالي غير بنت عمي اللي طولي و طولها واحد " خليني امسكك بس و تشوفين "

ام حجرف : بس كذا تهور بهالسرعه ما يمدينا حتى نضبط شيء وش القاعه ووش اللبس

حجرف بعقلانية : لااااا لاااااااااا انا اضبط كل شيء ولا يهمك

ود : بس بهالسرعه ليش يعني ..؟ وش معجلك كان مصمم خلها بالإجازة اللي بين النصفين يعني

حجرف : لا ابي اذا سافرت تكون معي

ود : بس حرام مابعد تجهزت البنت

حجرف يبتسم : تجهز من ايطاليا

وردهـ : لا والله زنقة اصلا بغض النظر عن ذا وذاك البنت صغيره ام 18 سنة او 19 يمكن

حجرف : السن موب مشكلة ابد

سلمان : شغال أي سبب ينقال المبرر جاهز

حجرف : أي وش نسوي هههههههه متحمس مره

سلمان يهمس له : يالملحوس وش اللي غير راسك منيب بذ*** كذا نسيت وش ناوي تسوووي

وإلا هذي كلها نجاسه عشان سلطان قال بيخطب البنت

حجرف : لا

قاطعه سلمان بحماس : من جد آخر شي ء توقعته فيك هالشيء وش ذنبها طيب البنت

و درت انك ناوي تتركها سوتها فيك قبل تسويها انت معصب و متضايق ليش مدري

حجرف بتحدي : لان مو بحجرف ولد عبدالله الــ ... اللي ينعاف عرفت ..!

سلمان : كان ماتدري هذي ميب من خوياتك اللي مطيح الميانة معهم هذي بنت عمك عرفت

حجرف طق سلمان : اسسسسسسكت فضحتنا

العم عبدالله " ابو وليد " : وش فيك أنت واياه ..؟

سلمان : ولا شيء طال عمرك بس الرجال مره مولي يعني متحمس انا اقول نزوجه و نفتك

العم عبدالله : عشان يعقل بعد و يركد ولاعاد يفشلنا

سلمان و ود كتموا الضحكة

حجرف : الله يسامحك يابوي تدري منيب قايل ولا شيء الحين

العم عبدالله : ولدي و خبز يديني اعرفك اكثر من أي زفت ثاني بالدنيا ..لانك محتاجني

تبي تأخذني تشخص فيني في بيت خالد

حجرف : ههههههههه يا ملحه اللي يفهم واهي طايره و يلوموني فيك ياعبودي

" بوس راس ابوه "

ابوه : بنشوف تاليتها معك ..البارح مدري قبله متكرن و مطين عيشتنا رافض يأخذ البنت

و اليوم ناط من صباح رب العباد يقول بتزوجها حتى ماقال بخطبها زواج مباشرة

حجرف : والله يابوي انا انسان صريح و دايركت بكل شيء بحياتي يعني زواج زواج

وش خطبة و شبكة و مدري ايش كل ذالخرابيط مالها سنع كلها اشياء وارده من الغرب

ود : هههههههههه حجرف تكفى اسكت ياشينك بهالدور اللي موب لايق لك

حجرف : بسكت مو لان الدور موب لايق لي لا إحتراما لذالدور ليس إلا ...

وقف العم عبدالله شبع فطور

حجرف : يالله مشينا يبه<<< موب صاحي اليوم

العم عبدالله بنظرة قوية شوي : ماتستحي انت هالوقت نروح فيه احد يخطب الصبح

حجرف : اجل متى ... هاه ود متى خطبوك ههههههه << نذل وبقوة ^_^

العم عبدالله : العصر نروح خلاص انتهى الحديث

حجرف : العصر العصر ..........

-

-

-

في غرفة الهنوف

الهنوف بكل ملامح الاسى قد تكللت

بكل نفحات القهر قد تعلمت ملامحها

بصمت مريب ...جمعت قهرها و صهرته بقالب اسمه " حجرف "

الهنوف " اموت واعرف وش دراه قهر قلبها علي قبل اقلبها عليه بس شف وش بسوي فيك "

الهنوف بثقة : خالد

خالد : سمي

الهنوف : انا منيب موافقة

نواف : احسن اجحديه لا توافقين انو العرس الخميس الجاي

الهنوف ارتاعت : أي خميس و أي نيلة انا اقصد الفكرة ككل انا ماابيه

خالد انشدت عيونه

و نواف اندهش و انشدت عيونه

خالد : خير يالهنوف الله يهديك بس و ش تقولين .....؟

الهنوف دمعت عيونها : الله يخليك خالد ماابيه ماابي اتزوجه

خالد حس فيها : لا تبكين يالغلاا محد بيجبرك على شيء ما تبينه انتِ بس انتِ بإرادتك قبل

موافقة فشلة كذا يتغير موقفك

الهنوف : لا ماودي تكفى الله يخليك

نواف بشدة شوي : انت قبل كنتِ موافقة ...؟

الهنوف نزلت راسها تحت : كنت

نواف بعصبية شوي : انتهى الموضوع خلاص يابو رامي قلهم البنت موافقة وينى فيه يا ماما

ماعندنا بنات يلعبون على كيفهم وش الرجال لعبة لك تلعبين مرة ايه و مره لا

الهنوف : زواج منيب متزوجته زين لو اعنس طول عمري ذالرجل مالي فيه بظلمه اصلا لو تزوجته

نواف حس فيها : الله يكتب اللي فيه خير ........

خالد : وش السواة ...؟

نواف : خله علي انا بقردنه لين ينسى السالفه ...؟ وانتِ ياماما اهتمي بدروسك و انسي السالفه

خالد : والله ذي المشكلة اللي ماعملنا لها أي حساب

الهنوف بعيون دامعة : ما تمنيت بيوم اسبب لك أي مشكلة بس هذا شيء غصب عني

نواف : خلاص لا تنفعلين انسي السالفه ولا كأنها صارت

خالد : قلت لك يالهنوف لو ايش لو اصير ضد العالم كله مستحيل ازوجك بالغصب لو ايش

الهنوف ارتاحت لهالفكرة اللي مزجتها بشعور ريلاكس

طلع نواف و معه خالد

و ضلت الهنوف تبكي

" وش تبي يا حجرف يا ويلك من الله وش لك عندي بعد ...! خلاص انتهى كل اللي بيني و بينك

طلعني من راسك عاد ...."

-

-

-

(12)

" أنا الهايم

و أنا المغرم

و أنا الساهر مع النجمات

و أنا اللي قسم أوقاته حنين و صبر و آهات

الا يا صاحب الذكرى .....!

من اجلك كم كتبت ابيات.....!!

و من اجلك عشقت اللي مضى

و اللي معه فات ... "

زينة انتشلت ذاتها القابعة بين همومها و ذكرياتها مع ذاك المسافر خلف افق المجهولـ

فاطمة : صباح الدلع

زينة رفعت راسها : اهلين صباح العربجة ههههههههه

فاطمة : اخبارتس

زينة : تمام وانتِ اهلين عبودي حبيب خالة تعال ( ضمته )

فاطمة : ياعساتس تفرحين بضناتس يارب

زينة تنهدت و نزلت عبودي : وش فيك انتِ ياختي ...؟

فاطمة : حبيت اذكر انو موعدنا عند ام سالم الساعة 4 اليوم العصرية

زينة : الله يهديك بس للحين متذكرة السالفة انتِ

فاطمة : زيون انتِ يوم ورا الثاني الخطاب كم عشانك ... حرام عليك ليش تحرميني

نفسك بهجتها والله يا زينة الاطفال هم بهجة الحياة

زينة بدت تقتنع بحكي فاطمة

و طول وقتها تستغفر و تستخير انها تروح او لا .......!

زينة : لا خلاص خايفه منيب رايحة

فاطمة : اقول امشي بس على كيفتس الدعوة تعالي

زينة بخوف : اخاف والله

فاطمة : ياختي لو انه تخوف ماكن جيته انا وش بتس ...!

زينة بخوف : الله ينفعني يارب و يغنيني عنها

فاطمة : ياختي الله امرنا ببذل الاسباب

زينة : تعتقدين لو بروح لها ممكن بيوم احمل يعني

فاطمة : بإذن الله انا احساسي انك بتحملين بفضل الله ثم بفضل ام سالم

زينة : من جد خايفه

فاطمة : اقول تجهزي بس يالله بآكد عليها الوقت

-

-

الساعة 4 العصر

دخلت زينة و فاطمة

زينة مسكت يد فاطمة : يخرب بيت العدو وشذالبيئة وين جايبتني انتِ

فاطمة : اقول لا يكثر اخاف تسمعك الحرمة ثم تمسكنا الباب و احنا ماصدقنا تعطينا وقت

زينة : بس شوفي الزحمة عندها و كلهم يخوفون يمه وشذالناس !

فاطمة : ياليل إحساس بنات البطارى امشي تعالي معي وانا اسنعك

فاطمة ...قدمت الكرت اللي معها و بدقايق دخلت عند ام سالم

زينة خافت و حست بالحر البارد على قولتنا ههه

زينة تمسكت بيد فاطمة

فاطمة تهمس لها : فضحتينا خير

ام سالم : يا حي الله بنت ام سلطان بشريني عنك

فاطمة : والله يارب لك الحمد الحمدلله و الشكر بفضل ربي ثم فضلك

نفعني الدواء اللي اخذته منك قبل كم سنه

ام سالم : الحمدلله

فاطمة : ايه واليوم جايبة معي اختي تقريبا مثل حالتي ولا الله رزقها

ام سالم تتأمل زينها : ياسبحان الله نسخة امها

فاطمة : هاه ايه صح ههههه الله يخليك ياخالتي حاولي تساعدينها والله

ما تركت عيادة حتى برا السعودية راحت كثير ولا ربي كتب لها

ام سالم : وش قالوا لك يا بنتي العيادات وش شخصوا علتك

زينة ترتجف من خوفها : يقولون وراثي .. عجز وانو خطر على البيبي

هذا ان حملت

ام سالم : نصابين يعقبون و يخسون ماهم غير زط الدراهم بس

زينة تناظر فاطمة ..

ام سالم : تعالي اقصك

زينة بخوف : تقصيني ليش .........؟

فاطمة تطق زينة : تقصك تقصك يعني تشخص علتك يالخبله

زينة بخوف : والله قالت اقصك

فاطمة : ادري بس هي كلمة تنقال يعني بشخص علتك يالله روحي لها

زينة : تعالي معي

( بعد ما شخصت ام سالم زينة و قصتها )

ام سالم : والله يا بنيتي انهم يعقبون و يخسون مافيك إلا شوية

ضعف في المبايض و أن شاءالله نعطيك مثل دواء اختك

وربي كريم

زينة بفرح : كيف يعني بقدر احمل وبيكون البيبي طبيعي مافيه أي تشوهات

او ..

ام سالم : هههههه ياعمري يانتِ ذكرتين ببنتي حصيصة مابوه عيادة

ما عتبته ولعبوا براسه بذالوساوس اطردي الشيطان يا بنيتي

زينة بفرح تناظر فاطمة : فطوم اسأليها اقدر احمل ؟؟

ام سالم : ايه تقدرين بس بشرط

زينة بحماس : وشو

ام سالم : واظبي على ذالدواء .... اشربيه اخر الشهر اذا تعبتِ مع حليب

و جودي نفسك لا يدخلك برد ولا هواء و بإذن الله بتجين تقولين لي يام سالم

انا حامل ههههه الله يكتب لك الخير و للمسلمين جميعا

زينة " ياليتني اعرفك من زمان من قبل سنوات يوم اني بقربه "

ام سالم : والله ان شاءالله ربي بيطعمك والله يرزقك بالذرية الصالحة يارب

فاطمة : الله يجزاك خير وين الدواء وكم حسابك الله يجزاك خير

ام سالم : برا ياميمتي الحساب .. و الدواء نفس دواك بس اختي بزيد عليه

المرات اللي تشرب فيها الدواء

فاطمة : الله يجزاك خير مشكورة والله يوفقك

زينة " تحس بمشاعر غريبة مره "

طلعوا وهم بالسيارة

زينة سادة خشمها : اوف يالقرف من جدك انتِ انا بآكل ذا والله بطني بيدود

فاطمة : هههههه اذا تبين قوتي قوتي اكليه ما تبين الاطفال ذبيه ولا كأنك اشتريته

زينة : متى ابدا فيه

فاطمة : والله المفروض الليلة بس تعالي نسينا نقولها انك منتب متزوجة الحين ههههه

زينة : قلت لها ما تشوفينها دعت بقلب مسخر الله يجزاها خير

فاطمة : اخس يانتِ اول مادخلنا خايفه خايفه وبالاخير خربتيها مساسر معها

زينة بحرج : وش اسوي تسألني اسئلة محرجة شوي وانتِ بعد عيب تسمعينها

فاطمة : خابرة الاسئلة يعني عادي ههههههههه

زينة : اوووف منك بس كم ضليتِ على ذا و حملتِ

فاطمة : انتِ ابلعيه من الليله عشان اول واحد يخطبك ندزك عليه دز

زينة بتوتر و خجل : فطووووم

ففاطمة : امزح والله بس مثل ماقالت ابدي فيها و ربي يجيب يستر

زينة بدلع فطري : واذا مت انا شايفه الدكتور جابر يحلل عشبة و اكتشف انها

مجرثمة

فاطمة : اذا متِ فهو يومك يعني محد بميت قبل يومه

زينة : فطيمة

فاطمة : دام فطيمة احترم نفسي و اسكت ههههههه

زينة : وش رايك ننزل المملكة شوي نغير جو

فاطمة : اوكي بس ترا انتِ اللي اقترحتِ

زينة : هههههه لا تخافين انا اللي بحاسب يالله نذير وقف عند المملكة
-

-

-