يامدلعة لا تدعين الضيق وإنتي في سعة
 

http://up.harajgulf.com/do.php?img=802288
يامدلعة لا تدعين الضيق وإنتي في سعة
الضيق للي ما اتسع له صدر محبوبة لضاق


القلب نفسه عند متبهذل وعند مدلعه
الفرق في صدق المشاعر والأحاسيس الرقاق


الله ياكم لي وانا منك الوفاق استطلعه
والحين لاإنتي ولاقلبك ولا حتى الوفاق


آخر حكاية حب واول جرح كنت اتوقعه
اللي برواق تحبني تقدر تفارقني برواق


احساسك أصلا" ما يناسبني وانا ما انفعه
مادام لي مبدأ ولك نية تبيعين الرفاق


الناس قالت من يبيعك واشترى غيرك بعه
لاتلحق اللي منك مايستاهل أسباب اللحاق


أخترت اموت ولا يقولون الخلايق:إمعه
واخترت أفارق والصدق ياكره كرهي للفراق


أصبحت مثل اللي يدور للجهات الأربعه
راح الجهات الاربع ومازلت في نفس النطاق


المشكلة وده يفضفض مير كل يصفعه
من حيث ما واجه بوجهه للأسف يلقى طراق


الحزن يجتاحه وشكل في حياتي زوبعه
وإحساس بإهمال الجميع يضاهي إحساس المعاق


الظاهر إن الناس في قلب المواجع مبدعه
والظاهر إني صرت ممن لايطيق ولايطاق


الحب من ذا اللي يقول الحب دنيا ممتعه
في ذمتي مايقولها لوكان مما ذقت ذاق


إن شاف نفس اللي أشوف وماسمعته يسمعه
يختار له نار الفراق ولايجي جنة عناق


العاشق اللي ما معه غير إنتفاضة مدمعه
الله يكون بعون قلبه وإحتراقه إحتراق


إن جيت تلقى حالته حاله وشبه مضيعه
أحيان يتنفس ولكن اغلب الحال إختناق


إنهد حيله وإنجرح وإحتاس في هالمعمعه
محتار مايدري على ويش الزعل والإنشقاق


إنصب تفكيره على (ماذا وراء الأقنعه)
مسكين كان آخر ضحيه للخيانه والنفاق


الحين ياضده تكون الناس وإلا يا معه
ما يعترف بالأوسطيه والثقه والإتفاق


أرثي لحاله عندما يكتب على الرمل إصبعه
(هذي نهاية ما يسمونه محبه وإشتياق)


مجنون ليلى يتبع أهواءه وحنا نتبعه
يعني انا وآلآف غيري..نندرج ضمن السياق


الصدق لوهم الرجال في كلمتين تقلعه
ما تمنعه أحيان كلمة (يبغض الله الطلاق)


السالفة اكبر من إنه يمتنع أوتمنعه
ما دامت الدعوه مصير إنسان مربوط بوثاق


إن حب حب الله يعينه والحشى متولعه
من وين ما قلبه يسوقه من ورى خشمه يساق

الود ودك ولا وصل للوضع هذا تقنعه
(مهما استمر الحب يبقى آخر الحب إفتراق)


أكبر غلط لو شخص متبهذل يحب مدلعه
والأخت ما تقدر توسع خاطره لو يوم ضاق

سلمتي قلبي

عليك جمال بالانتقاء
عليك شيء خيالي بالاختيار
طرحك رائع و اكثر من الروعه
شكرا لهدا الجمال بين الارواح ينتشر
ننتظر مزيدا من الابداع ي نقاء
وكل الود لروحك الجميله
باقات نرجسيه لك

يعطيك العافية

كامل العذوبه

ودقه متناهيه في جلبه لنا بهذا الشكل
الانيق والمتكامل

يدل على ذوق عالي

الف شكر من القلب على ماشاهدت


اخوك
‏محمد الحريري

أبيّآتْ فيَ قمّةة آلروُعه وَ آلجمَمَآلَّ ..
ذَآئِقه عذّبهَ وَ إختيَآرّ مُوفّق ..
صحَ لسَآنّ شآعرهَآ وَ لَآ هَآنّ نَآقلهَآ ..
بسَآتيِن توُليبْ لِروٌحـَك ,,~

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي