 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية متلثمه بشماغ حبيبي جريئة وخطيرة
(http://www.gsaidlil.com/vb/showthread.php?t=11506)
رواية متلثمه بشماغ حبيبي جريئة وخطيرة
السلام عليكم ورحمة الله وبركاته
رواية للكاتبة ملح الحياة وأتمنى أن الجميع يقرأها البارت الاول.... ////نورهان/انتي وينك فيه؟ ريما/اهلين انا ..ليه تسالين؟ نورهان/احنا مو متفقين من امس؟ ريما/طيب انا جاية مع ندى مجمع ابن خلدون لانها بتاخذ شوية اغراض... نورهان بعصبية/ياسلام انا مو متفقة معك من البارح!!!! ريما بنفس العصبية/لاتقعدين تصارخين علي ؟؟؟قلت لك ماقدرت اعتذر منها وبعدين لسه بدري توها الساعة سبع وبالكثير ساعة بنقعد هنا وباخليها ترجع البيت وبجيكم!!! نورهان قفلت الخط بوجه ريما بدون ماترد عليها.... ريما وهي قاعدة قبال المطاعم...الحقيرة الغبية مفكرتني بموت عليها يعني ناسية انها هي اللي محتاجتني.... مر واحد وكان يبين عليه انه رزة ومعه طفل صغير وكانت عيونه على ريما ماشالها,,, ريما وبملل/تفضل اقعد ليه تطالع من بعيد يعني؟؟ الرجال ابتسم لجراْتها ومارد عليها وانتبهت هي للولد اللي ماسكه بيده وفي يده كيس من بوبايز ريما/اممم ..خايف تجي المدام وتشوفك!!!يوم انك مو قدها ليه بعد تغازل ومرتك موجودة بنفس المكان؟؟ صار الرجال يضحك بصوت عالي وقعد على الطاولة اللي قبالها وفتح بلوتوثه واشر لها تفتح بلوتوثها... قعد ولده جنبه وفتح له الوجبة ياكلها.... وصار يرسل لريما وهي تستقبل لين دقت عليها ندى وقالت لها نها خلصت علشان يرجعون ... وقفت ومرت من جنبه.. الرجال/والله ماشبعت من عيونك ريما/متى بتدق؟ الرجال/فيني اصبر؟اكيد الليلة؟ ريما/دق بعد الساعة ثنتين طيب... الرجال/وفيني اشوفك بعدها؟ ريما كانت تناظر في ولده/انت مو مرتاح مع زوجتك؟؟؟؟ قالتها ومشت بدون ماتلتفت له.. الساعة وحدة الاربع بعد منتصف الليل.. المكان ..كورنيش الخبر....قريب من ستار بوكس الكورنيش..كانت جماعة شباب قاعدة (مساعد وماجد ولؤي وعايض)اغاني وسجاير وضحك ووناسة... شوي الا البنات واصلين يمشون ويتمخترون في مشيتهم....(نورهان وريما ونور وشروق) نورهان///(هاذي اجمل وحدة في الشلة..جمال رباني بحق وحقيق كل اللي يشوفها ينسحر من جمالها ونعومتها وهي الراس المدبر للشلة وطلعات الشلة واصطياد الشباب ماكانت تربطها علاقة قوية بريما لانها تغار منها كثير وبالنسبة لباقي البنات كانت هي القائد والموجه لهم ومايخالفونها في الراي ابدا...) ريما(هي اساس القصة....ماكانت ريما بذاك الجمال الرباني عند بطلات القصص...كان جمالها هادى جدا ومايميزها الا عيونها اللي ذايبة في الكحل بس عندها اسلوب يعذب اللي قدامها من الدلع والاغراء وسحب الفلوس عند الشباب!!!وهذا اللي كان ينقص نورهان ويخليها تغار منها..الاسلوب اللي تملكه ريما وماهو عند نورهان.....ابوها عاجز وعندها ثلاث خوات وحدة تزوجت رياضي وراحت معه ومايشوفونها الاكل اربعة شهور مرة والثانية مخطوبة لولد خالتهم وعلاقتها فيها مو حلوة وندى....امهم هي المسيطر على البيت والمسؤل عنه بعد عجز الوالد وماعندها اخوان شباب....) نور وشروق/اختيار نورهان ..بنات فيهم جمال وفيهم انوثة بس ضايعين مولاقيين احد يوجههم واستلمتهم نورهان وضيعتهم اكثر وصاروا هم خدام تحت الطلب لنورهان.... /////////////////////////////// كانوا البنات يمشون..ونورهان تهمس لريما/تعرفين لوكنتي ماجيتي قتلتك؟ ريما/والله!!! نورهان/صار لي اسبوع اخطط على مساعد وبالموت قدرت اخذ منه موعد الليلة علشان نلتقي.. ريما بدون اهتمام/وانا مالي؟ نورهان/قلت لك الجمال عندي انا مااحتاجه بس الاسلوب عندك انتي؟ ريما/قصري حسك ترانا وصلنا.... وقفوا البنات على موذ انهم موجايين للشباب ونورهان دقت على مساعد تقوله انهم وصلوا.. مساعد/ليه الخساير بالله هذانا شايفكم تعالوا قعدوا؟؟؟ولاان شاءالله مفكريني بقوم اسوي لكم احتفالية؟ نورهان بضيق من اسلوبه/لامو كذا بس حبيت اعطيك خبر...يالله احنا جايين.. قفلت الخط ولفت على ريما اللي كانت تناظرها,,, ريما/هذا اللي صار لك اسبوع تبين منه موعد!!!عشنا والله؟ نورهان/؟؟؟؟؟؟؟؟؟؟؟ ريما/لابالله بداية موفقة..انا من اللحين اقولك اني مابتحمل ها الاسلوب الاستفزازي حقه وبمشي وقت ماامل طيب!!! وقفوا البنات ولفوا عليهم الشباب.... لؤي/(تصفير طويل عريض......) عايض/لف على مساعد يستفهم منه. مساعد كانت عيونه على الاجمل ... مساعد/تعالي قعدي هنا.. تمخترت نورهان في مشيتها لين وصلت عنده وقعدت جنبه.... وقعدوا باقي البنات جنب بعض قبال الشباب... مساعد وهو يناظر في نورهان/ماعرفتينا والله بخوياتك؟ ريما/انا ريما ولااقولك سميني الريم..اللي يريحك يعني. لف عليها مساعد وهو يناظرها بدون مايتكلم,,, وكملت ريما وهي تاشر على البنات.. ريما/هاذي شروق...وهاذي نور............... الا ماقلت لنا يامساعد انت تشتغل ولا تدرس ولاعطالي بطالي في من يصرف عليك!!!!! ههههههههههههههههههههههههههه كل الشباب ضحكوا الامساعد طبعا اللي للحين عينه عليها... ماجد/تعالي قعدي جنبي الله يخليك... ماجد كان اوسم واحد في الشباب وهو الوحيد اللي لابس ثوب اما الباقي جينزات وتيشرتات .. ريما لفت عليه وقالت له بدلع/أي بس انا مااقعد ببلاش حتى مكاني اللي اقعد فيه بفلوس!!! ماجد/هههههههه عيوني لك انتي تامرين امر واللي تبينه بتاخذينه؟ قامت ريما وهي تتمختر لين وصلت له وهي عيونها على مساعد اللي كان يناظرها بين فترة وفترة ويرجع يناظر نورهان ويهمس لها وهم يضحكون... ريما قعدت جنب ماجد وهو طاير... ريما/وانت شسالفتك؟ ماجد/انا الله يسلمك ادرس بجامعة البترول سنة ثانية... ريما/ايوه ..يعني لسه في بداية الطريق؟ ماجد ضحك لها وتقرب منها/لاتخافين الخير موجود وابوي كاتب لي عمارة بالخبر باسمي واستلم ايجارها اول باول!!!! ريما ضحكت ضحكة خلت كل الموجودين يطالعون فيها..... وسندت راسها على كتف ماجد وهي تتكلم بصوت عالي... ريما/أي كذا طمنتي مدام السالفة فيها عمارة يعني حقي مابيضيع... نور/اقول نورهان شكله مساعد بخيل ومابيضيفنا شي؟ نورهان لفت على مساعد اللي كان حاط يده عليها.. نورهان/وش قولتك؟ مساعد/حاضرين لك ولهم وش تبون. شروق/مدام احنا عند ستار بوكس جيب لنا اربعة فرابشينو فانيلا... مساعد/تكرم عيونكم ..عايض روح جيب لهم اللي يبونه... قام عايض ومشى شوي ولفت ريما على مساعد... ريما/الا اقول مساعد خله يجيب لي بايسن انا ماودي في فرابشينو!! قالتها وحطت عيونها في عيونه وكان يناظرها بنظرات غريبة.... مرت فترة صمت ونورهان شوي وتذبح ريما لانها خايفة من مساعد لايكون تضايق.... شوي ورفع جواله وكلم عايض.. مساعد/جيب معك ثنين بايسن... سكر الجوال وهو يناظرها ويكلم نورهان.. مساعد/عسى بس راضية ياشيخة البنت!!! نورهان بدلع مصطنع/تسلم لنا ياشيخ الشباب... لف لها مساعد/اقول ورى ماتقطون ها اللثمة عن وجوهكم!!!! قبل لاتتكلم نورهان كان مساعد حاط يده على لثامها وفاتحه ووقف مبهور من جمالها... ماجد سوى روحه شخصية وبغى يسوي نفس الحركة لريما اللي ضربته على يده بقوة.. ريما/مو كل البنات سوى ياماجد ووقت ماابغي انا اشيل لثامي بشيله بدون ماحد يقول لي!!!فاهم علي؟ ماجد/ريما...وصار يهمس لها/خلينا نروح السيارة شوي!!! ريما بدلع/لسه بدري!!!!! ماجد/يعني قصدك انك بتطلعين معي الليلة؟ ريما/لا طبعا..قصدي اقول مااخذنا وعطينا مع بعض في الكلام يعني على مانعرف بعض اكثر ونكلم بعض اكثر بعدين يمكن اركب معك السيارة!!!! ماجد بنفاذ صبر/وولللللللللللللللللللل مشوار...ليه ها التعذيب كله عاد؟ ريما/هاذي ريما..واذا مو عاجبتك في غيرها؟ ماجد ببتسامة خبيثة/كيف ماهي عاجبتني عاد؟هاذي ام عيون ذباحة!!! شروق تكلم لؤي/حط لنا غنية مثل العالم والناس خل نفلها شوي ؟ لؤي/وش بغيتوا؟ شروق/ريما..وش تبين ترقصين عليه!! ريما/وش عندهم؟ لؤي/اللي تبينه طال عمرك..عندنا لبناني وعراقي ومصري وخليجي وحتى هندي عندنا!!!! ريما/هههه صراحة عذبتني ها الهندي....حط لنا ام شامة... لؤي وماجد قاموا يصفرون على الاختيار..... وحطوا الاغنية وقاموا البنات يشتغلون في الرقص والهز وهم فاتحين العبي وبنطلوناتهم مخصرة على اجسامهم وعيون الشباب طايرة فيهم....... .................................................. .................على الساعة ثنتين ونص قاموا البنات بيمشون...رغم اعتراضات الشباب ومن ضمنهم مساعد... ريما/خلاص مانقدر نقعد اكثر من كذا.... مساعد يكلم نورهان وهو عينه على ريما/خلك شوي ياقمر؟ نورهان/...مدري البنات. ريما/يالله مشينا ..مافينا نقعد اكثر.. مساعد/نورهان.. نورهان/مقدر يامساعد صدقني.. مساعد/تمشون بس بوعد ان احنا نشوف بعض مرة ثانية... ريما/صارت ارقامنا عندكم وقت ماتشتاقون لنا رنوا علينا!!!! ماجد/وليه ماتدقون انتوا علينا ولاماراح تشتاقون لنا؟ ريما/اللي يبي يتونس هو اللي بيدق ياماجد!! مشوا البنات بعد وعدهم للشباب بزيارة ثانية.... *في السيارة.. ريما/يالله اعطي كل وحدة حقها؟ نورهان/بسم الله وانا باكل عليكم شي بالله؟ شروق/وانتي ليه ماتعطينا من اللي عطاك ايه ماجد بالله؟ولاعلى بالك ان احنا ماشفنا وهو يفتح شنطتك يحط فيها!!! ريما/مالك شغل فيني؟؟وبعدين مساعد هو صاحب العزيمة يعني احنا متفقين ان احنا نتقاسم اللي يعطينا ايه صاحب العزيمة وبس!!!!ولو انك شاطرة كان عرفتي كيف تسحبين منهم؟ نورهان/خلاص عاد.....فضوها سيرة...خذوا... ريما/بس!!!!ميتين ريال؟؟؟؟ نورهان/وان شاءالله كم مفكرة عطاني؟؟ ريما/مدري بس شكله كريم... نورهان/..... ريما/كم عطاك؟ نورهان/... نور/خلاص ر يما اخذيهم وانتي ساكتة؟ ريما/ماني ساكتة؟كم عطاك؟ نورهان/مالك شغل؟؟ ريما بعصبية/بتقولين وغصبا عنك؟ نورهان/عطاني الفين ريال زين؟ ريما بنفس العصبية/ياسلام يعني احنا تلعبين علينا بميتين ريال وباقي الهبرة بتبلعيها بروحك؟؟مايصير كذا ..انا ابي اعرف منو اللي قاعد يهز طول الوقت ويرقص احنا ولا انتي حضرة جنابك؟ نورهان ماسكة اعصابها/تبينهم ولارديهم؟ ريما/هذا مو عدل... نورهان/وين العدل بالله..انا اللي جايبته ,,وانا اللي ادفع فلوس السايق وانا اللي اعشيكم واغذيكم..وتبون تاخذون مثلي مايصير طبعا وبعدين ماجد عطاك ماقصر... ريما ابلعت لسانها لين وصلت البيت وهي في بالها تقول هذي اخر مرة اطلع معك يانورهان... ///////////////////////////////////////////////////// دخلت غرفتها وراحت اخذت لها حمام سريع وقعدت على الارض تناظر فراشها وبدت تبكي... تكره ها الغرفة كره الموت بس مابيدها حيلة لانها ماتقدر تطلع منها وكاْن انحكم عليها تقعد فيها علشان تتعذب كل ماناظرت بزواياها...ليه متى ياريما ليه متى؟؟؟مرت سنتين ..لازم تنسين وتتناسين وتعيشين حياتك....انتي ماكان لك أي يد في اللي صار...انتي ماقدرتي توقفين في وجه الطوفان وتقولين لا...خلاص ياريما خلاص..انسي..صيري قوية,,,,,,,,,,,,كانت ريما كل ليلة تقول ها الكلام بعد كل روحة وجية وكل ماتدخل غرفتها بس في شي داخلها يقول لها لسه ماجا الوقت اللي تنسين فيه اللي صار وتبدين حياة جديدة ياريما......قطع عليها صوت الجوال وهو يدق افكارها...ناظرت بالمتصل لقته الرجال اللي شافته في ابن خلدون..ردت عليه بعد مامسحت دموعها وظلت تكلمه لين الصبح.... //////////////////////////////////////////////////////// في جهة ثانية كانت ندى اختها قاعدة بالغرفة على نار وتنتظر جوالها يدق.... لين دق وبردت نارها... ندى بلهفة/ها..حبيبي.. عبدالله/قلبي انتي وروحي... ندى/نامت.. عبدالله/أي..ولا شلون قدرت اكلمك؟ ندى/اشتقت لك مووت.. عبدالله/وانتي اكثر ياعمري....شلونك ندى/انا بخير..انت كيفك.. عبدالله/ماشي الحال... ندى/وكيف الامور بينكم.. عبدالله/نوعا ما مستقرة... ندى/....... عبدالله/كيف الوضع في بيتكم؟ ندى/مثل ماهو مافي شي تغير.. عبدالله/حبيبتي..انا امووت فيك... ندى لحظتها حست بغصة وان العبرة خانقتها/انا بعد احبك... عبدالله/اه....ليه صار كذا ليه ياندى ليه؟ ندى قامت تبكي/مدري ..بس اكيد ان انا مالي حظ في الدنيا.... عبدالله/حبيبي لاتبكي..الله يخليك انا مقدر على دموعك.... ندى/......... عبدالله/انا السبب انتي من البداية صديتي وانا اصريت..وهاذي النتيجة... ندى/عبد الله غير الموضوع... عبدالله/أي بس اللي بقوله لك ماراح يعجبك بعد؟ ندى كانها فهمت علشان كذا اسكتت.. عبدالله/متى راح اشوفك؟ ندى/صعب... عبدالله/ابي اشوف البنت اللي حبيتها واسرتني...حرام اموت وانا ماشفتك ياندى؟ ندى/عبدالله حبيبي لاتجيب طاري الموت الله يخليك.... عبدالله/مرة وحدة بس ياقلبي... ندى/بفكر بس مو اكيد.. عبدالله/اهم شي يكون فيه امل.... ندى/تعرف اني اموت اذا ماسمعت صوتك؟ عبدالله/حبيبتي صدقيني انا الظروف تمنعني احيانا اغيب بس تاكدي مافي غيرك بالقلب..... ندى/....... عبدالله/روح عبدالله انتي وقلبه وكيانه وكل تفكيره..... ندى/متى تولد؟ عبدالله/ماقلنا مانبي نتكلم في ها الموضوع؟ ندى/ليه ماتبيني اعرف ياعبدالله؟ عبدالله/طاريها يضيق خلقي ويعفس الجو اللي بينا...!!! ندى/بس انا يهمني اعرف حبيبي... عبدالله/ندى انا مزاجي رايق معك لاتخربينه بطاريها الله يخليك؟ مر اليوم الثاني والثالث بروتين ممل على الكل وريما مطنشة تلفونات نورهان لها وحتى نور وشروق...... اخذت بعضها ولبست وراحت الراشد..... بالصدفة في الشارع كان داق عليها ماجد... ماجد بشوق/هلالالالالالالالالالا بااميرة البنات.. ريما ببرود قتل ماجد/نعمين..... ماجد/اللله...ليه كل هذا عاد؟ ريما/انا طالعة تبي شي؟ ماجد/وووين وانا اجيك؟ ريما/لا انا طالعة اتسوق بالراشد بخذ لي ثياب وكم شغلة وماابي ادوش راسي بااحد؟(قالت له الراشد متعمدة علشان تشوف هل بيجي لو لا) ماجد بخبث/طيب خلاص اخليك تتسوقين براحتك وبرواقك بس امانة ..ترى واحشتني اذا فضيتي عطيني رنة وانا بدق عليك.. ريما فهمت انه بيجيها من لهجته/طيب...في شي ثاني بعد؟ ماجد/امووووواه باي....,, سكرت منه ودخلت الراشد وبدت مسيرة المعاكسات من جديد,,,,,,, نورهان/وبس؟ مساعد/بس... نورهان/شتبيني اقول بعد ماعندي سوالف.. مساعد/كيف ماعندك سوالف... نورهان/يعني انا بطبعي مااعرف اسولف كثير... مساعد/أي بس انا احب السوالف كثير!!!! نورهان/مو مشكلة اضبطك مع ريما ذيك تخلق لك سوالف ماهي موجودة.. مساعد مسوي روحه مستغبي ومايدري منهي ريما/أي ريما!!! نورهان/خويتي اللي كانت معي البارح!!!لحقت نسيتها؟ مساعد بخبث/أي وحدة فيهم؟؟ نورهان/بيبي اللي كانت قاعدة جنب ماجد رفيقك,, مساعد/اه ..ام البايسن يعني..؟ نورهان/أي هي بعيونها... مساعد/بس ماشكلها حلوة مثلك؟ نورهان/......... مساعد/يعني لو كانت واثقة من جمالها كانت قطت لثامها شوي علشان نشوفها؟ نورهان/اهم شي تشوفني انا مو هي؟؟؟ مساعد/اكيد وانتي في اللي هي احلى منك ياعسل.... نورهان/لاطبعا... مساعد بدى يتملل من كلام نورهان لان مافي شي وهو اللي قاعد يسحب الكلام منها.... مساعد/نشوفك الليلة؟ نورهان/أي بس انا ماخبرت البنات ان احنا بنطلع؟؟ مساعد/مو لازم البنات انا وانتي وبس!!! نورهان/وين بتعزمني؟ مساعد/وين تبين؟ نورهان/أي مكان على ذوقك...... ودق جوال مساعد الثاني.... مساعد/لحطة نورهان هذا ماجد بشوفه شيبي مني؟ هلا ماجد .......اي....اي......ليه ....طيب يعني انت رايح اللحين......خلاص انت تقدم وانا بعدين اجيك هناك........ مساعد/هلا..... نورهان/شيبي؟ مساعد/يقول واحد من اخويانا اللي بالرياض جاي الليلة... نورهان/خسارة يعني ماراح نشوفك. مساعد/بكلمك بكرة نتفق على موعد ثاني يالله باي... ام محمد/ندى ...وين اختك؟ ندى/ها..مدري والله يمكن انها نايمة بدارها او انها طلعت.. ام محمد/وهاذي ماتعرف تقعد في البيت ابدا!!! ندى في بالها تقول اذا انتي امها فشي اكيد بيكون العرق دساس!!!!!!! ام محمد/وانتي شقاعدة تسوين.. ندى/ولاشي يمه .. ام محمد/تعالي سوي لنا دلة قهوة وخلنا نسولف... ندى/طيب..... (ام محمد ...يسمونها ام محمد بس هي ماعندها عيال ماعندها غير اربع بنات ) ريما كانت تتمشى في الدور الاول بلا هدف ماكان لها هدف تسوق لانها حاطة في بالها ماجد لكن لو ماجا او انه يجي ومايتشرى لها ياويله ياسواد ليله,,,, وبالفعل مرت ثلث ساعة وشافته من بعيد كان يلف حوالينه ويناظر ومبين انه يدور احد معين.. حبت تلفت نظره ....ومالقت قبالها الا الشاب اللي يعاكسها ...فرفعت صوتها تتهاوش معه,,, ريما بصراخ/تعرف انك وقح وقليل ادب.. الشاب/لاوالله ماحد قال لي!!!! ريما وبصراخ اكثر/جعلك العمى ان شاءالله قول امين,, ماجد دقق في الصوت وتقرب وما خاب ظنه كانت هي,,, اما ريما يوم ارتاحت بعد ماحدد ماجد موقعها مشت وكانها مطنشة الشاب ودخلت مانجو اول مكان صادفها...وماجد ركيض وراها.... نورهان/ها الحمارة مطنشتني من امس ماترد علي.. شروق/حتى انا سافهتني ماردت علي؟؟ (شروق اكثر ميلا للنورهان عشانها القائد ودايم تخلق مشاكل بين ريما ونورهان) نورهان/طيب ياريما طنشي براحتك بس تاكدي اني مو شايلة همك بالناقص فيك؟ شروق/بلاش نكلمها مرة ثانية لو بغينا نطلع يانورهان هاذي ماوراها الاوجع الراس تقولين ماحد يعرف يتكلم غيرها!! نورهان/وانتي الصادقة.. شروق/وبعدين اصلا الشباب يموتون على جمالك انتي فوجودها مو معنا مايشكل لنا أي خوف... نورهان/معك حق,,, شروق/ماعلينا في شي الليلة؟ نورهان/لا... شروق/خلنا نطلع ندور احنا بنفسنا الليلة؟ وشرايك؟ نورهان/والله مدري بشوف... في مانجو..... ماجد/ريما.. ريما لفت وكانها متفاجئة/ماجد!!!انت كيف....كيف جيت هنا وكيف لقيتني؟ ماجد ببتسامة/قلت اساعدك يمكن انك تحتاجين احد يمسك عنك الاكياس ..اكون انا حاضر في الخدمة.. ريما بضحكة استخفاف/هههه لا..والله..طيب كيف عرفت اني في ها المحل؟ ماجد/سر المهنة..... ريما لفت تكمل تشوف البضايع.... ماجد مسك لها ثوب زيتي .... ماجد/وش رايك في هذا.. ريما ناظرته باحتقار/اقول اذا ينقصك الذوق ترى مايحتاج تفرض رايك؟؟ ماجد/ههههههه حلوة منك ياقلبي... ريما اخذت لها قميص وتنورة وعطتهم ماجد .. ريما/حاسب على ذولا والحقني.... وطلعت من المحل بدون أي كلمة,,,, /////////////////////////////////////////// في جهة ثانية من الشرقية وتحديدا على كورنيش الدمام كان زياد قاعد مع وائل يسولفون... زياد/يعني حملت المادة؟ وائل/شسوي مع اني كنت حاط كل اهتمامي فيها بس النصيب..... زياد/تصدق ها السنتين اللي باقيين لي احسهم هم علي...ماراح يخلصون... وائل/شسويت على الوظيفة؟ زياد بحسرة/ماحد رضى يوظفني كلهم يبون شهادة جامعية وانا بشتغل بثانوي.... وائل/طيب انت اللحين عديت سنتين من الجامعة يعني نص جامعي لو اشتغلت معهم وكملت دراستك,,, قاطعه زياد/مافي امل ياوائل والله اني تعبت من كثر ماادور على وظيفة ان شاءالله بالفين ريال انا راضي بس اصرف على نفسي.... * |
البارت الثاني قاطعه زياد/مافي امل ياوائل والله اني تعبت من كثر ماادور على وظيفة ان شاءالله بالفين ريال انا راضي بس اصرف على نفسي.... وائل/بكرة بتتعدل الامور كلها... زياد/بكرة.....من متى واحنا نقول غدا يوم اخر ولايجي غدا واذا جا مايكون يوما اخر!!!!! وائل/ياولد الناس احمد ربك انك عايش بها الدنيا ومافيك علة ولامرض .... زياد/الحمد لله.... وائل/الا اقول زياد...انت ماتشوف امك؟ زياد/........... وائل/انا اسف...بس كنت.... زياد/امي من تزوجت شالتني من بالها نهائيا.... وائل/................. زياد/حاس نفسي مخنوق.....عمري ماحسيت ان في احد يحبني في الدنيا ياوائل... وائل/ياشيخ وانا وين رحت.... ابتسم زياد لوائل ابتسامة باهتة وكانت دمعته في عينه... زياد/وانا من لي غيرك يابو عبد الرحمان.... ماجد كان يمشي ورى ريما وهو يحمل اكياسها وهي ماكانها تشوفه ولاهي معبرته اصلا... كانت تدخل المحل وتختار لها قطعة وتعطيها ايه وتطلع واحيانا تختار اشياء ماتعجبها بس لعانة منها علشان يدفع ... ماجد/ريما.....ريمي....خل نقعد نشرب لنا شي انا مت من العطش..... وقفت ريما.....ولفت عليه,,, ريما/طيب.... ماجد/مابغينا......وش تشربين.. ريما/ابي.....ودق تلفونها ,,,, ريما/هلا ندى.....بالراشد.....ليه.....ضروري....طيب شتبي....اوووف يالله راجعة اللحين,,,, ريما/ماجد انا بمشي... ماجد/ليه؟؟؟؟؟؟؟ ريما/امي تبيني.... ماجد/وهذا وقت امك عاد!!!! ريما/معليش لانها بتروح دبي الليلة وتبي تشوفنا كلنا قبل لاتروح..... ماجد/.........طيب شربي لك شي وبعدين.... ريما/مرة ثانية.....وبعدين احنا اصلا يبيلنا قعدة مو على الماشي.. ماجد/وعد ياريما.. ريما وهي تناظر باكياسها/اكيد وعد..... ماجد/طيب بمشي معك للبوابة..... وصاروا يمشون.. ماجد/من بيردك البيت؟ ريما/باخذ لي تاكسي.... ماجد/تاكسي وانا موجود!!!!!لامايصير... ريما/لا باخذ تاكسي.... ماجد/طيب اعتبريني تاكسي.... ريما/ماجد مااحب اعيد كلامي مرتين.... ماجد/طيب,,,,,,,,انتي وين بيتكم؟ ريما/بالدمام....... ماجد/وين.... ريما/مو شغلك...... ووصلوا للبوابة......ووقف لها ماجد تاكسي وركبت......وحاسب التاكسي وعطاها اكياسها..... مشى شوي وسمع صوت من وراه يناديه... ماجد...ماجد... لف ولقى مساعد جاي يركض... ماجد/هلا...ماقلت لي انك بتجي كنت بمشي تصدق!! مساعد/بتمشي!!!!ليش وينها الصيدة!!! ماجد/تقصد ريما...راحت... مساعد بانت عليه خيبة الامل هو جاي يشوفها مخصوص/وين راحت؟؟؟ ماجد/امها مسافرة الليلة دبي وتبي تشوفها... مساعد بتشكيك/اخاف مصرفتك بس!!!! ماجد بثقة/وش مصرفتني اللله يهداك...صار لنا فوق الساعتين مع بعض وتونا بنقعد نشرب لنا شي الا امها داقة ... مساعد/........ ماجد بفرح/بس تصدق هي وعدتني بقعدة حلوة لانها كانت تبي تسولف معي بس امها دقت في الوقت الغير مناسب.... مساعد صار يمشي وهو يفكر فيها!!!!! ريما دخلت البيت واكياسها في يدها...ولقت امها جالسة مع ندى وغادة.... ريما/السلام.... وعليكم السلام.... ام محمد/وينك انتي؟ ريما رفعت الاكياس/بالسوق.... ام محمد/وش كل ها الاكياس... ريما قعدت ورمت الاكياس جنبها بدون اهتمام..../كم قطعة عجبوني واخذتهم,,,, ام محمد/وش صار على الجامعة؟ ريما/كل شي تمام باقي بس تعطيني المبلغ علشان ادفع لهم,, ام محمد/الليلة بطلع اسحب لك... غادة/ليش وين بتدرسينظ ريما/في العربية المفتوحة... ندى/حلو....اي تخصص... ريما/ادارة اعمال... غادة/ريما...حددنا عرسنا انا وتركي.....بيكون بعد ثلاثة شهور.... ريما/حلو حلو...عسى بس في السيف.... ام محمد/أي مو لانك انتي اللي بتدفعين؟؟؟ ريما بنرفزة/وان شاءالله باي زبالة بيكون العرس!!!! مالقت لجوابها رد الاعيونهم المفتوحة على وسعها وهم يناظرونها... ندى/ريما شها الكلام!!! ريما/يعني الواحد مايقدر يكون صريح معكم!!! غادة بنرفزة/يوم انك تبين عرس فخم وحركات ليش ماكملتي مع ولد عمك فلوسه وااجد وكان بيسوي كل اللي نفسك فيه...!!!! ريما حست نفسها مخنوقة في ها اللحظة وماقدرت ترد على غادة لان لسانها انربط فجاْة اخذت بعضها وقامت بعصبية وراحت غرفتها... ام محمد بعصبية/انتي ليش قلتي لها ها الكلام؟؟؟؟ غادة/بنتك مسوية روحها بنت الوزير!!!! ام محمد/ليش جبتي سالفة ولد عمك!!!!!! غادة/......... ام محمد/هو اللي فسخ الخطوبة مو هي ياحظي يعني ماله داعي تذكرينها بها الشي!!!!!! غادة/................. ندى/انا بروح اشوفها... ام محمد/قومي شوفيها..واذا زعلت اخذي بخاطرها.... ندى/ان شاءالله يمه... راحت ندى لريما غرفتها وتمنت انها ماتكون قفلتها دقت الباب مرتين ومالقت جواب فتحت الباب لقت اغراضها مرمية على سريرها باهمال وعبايتها على الارض بس هي مو موجودة... طلعت من الغرفة لقتها في الحمام وصوت الماي مفتوح شكلها تتروش هزت راسها باسف لانها عارفة طبع ريما اكيد تبي تهرب من الموقف كله!!!!! نور/هاااي بنات... شروق/هلا.... نور/وين ريما ماجت؟؟؟يعني مو انا اللي متاخرة بروحي؟ نورهان بعصبية/ريما ماراح تجي!!! نور بدهشة/ليه!!!غريبة احنا مو متعودين نطلع بدونها!!! نورهان بعصبية واضحة/وليش ان شاءالله مانطلع بدونها؟؟؟؟ نور سكتت وماقالت شي لانها توقعت ان صار بينهم شي من سالفة البارح... شروق/يالله نورهان خلينا نمشي يمكن نلقى لنا شي زين....... نورهان بدون نفس/يالله..... وحدها نور ماكانت فاهمة شنو صاير هي عارفة ريما زين حقانية وماتحب احد ياخذ حقها بس ها السالفة بينهم من زمان يعني وش الجديد!!!!وبعدين شروق صايرة تقعد بالنص بينهم يعني هي اكيد سبب الفتنة ها المرة!!!!! وحدها ريما كانت فاتحة الماي علشان تسمع صوته ويغطي على صوتها اللي مذبوح من البكي...ياربي خلاص انا مو قادرة ليش كل مااحاول انسى يذكروني مرة ثانية فيه وفلي سواه فيني!!! ياربي ماابي افكر خلاص انا عاهدت نفسي اظل قوية لين يجي يوم انسى فيه هذا كله...بس متى راح يجي ها اليوم متى!!!متى يجي وارتاح شوي من ها العذاب اللي انا عايشة فيه....حسبي الله ونعم الوكيل فيك ياولد عمي حسبي الله عليك...... مساعد كان تفكيره مشغول بريما من شافها ذاك اليوم وهي دخلت باله وحلف مايتركها في حالها ابدا بس كيف يوصل لها معقول ياخذ رقمها من ماجد...ولا من نورهان...اول مرة يحس انها صعبة وانه متورط,,,, ماجد اليوم كان متحمس وهو يتكلم عنها ياترى لو عرف اني قاعد ارسم واخطط عليها بيتضايق وبيزعل ولا ماهي ماْثرة فيه.... مساعد شصار لك ريما صايرة تاخذ جزء كبير من تفكيرك وهذا اللي مايصير؟؟؟؟ زياد كان قاعد بغرفته وقدامه مذكرات الجامعة بس التفكير كان بعيد حييييييييييل كان شارد ومايدري في شنو هل في امه اللي من تطلقت من ابوه وتزوجت غيره ماعمرها سالت عنه؟؟؟ولا عن ابوه اللي متزوج اربع وعنده عيال مشاءالله وهو لاهي عنهم ولاهو داري من اللي ماكل وشارب ومن اللي نايم بجوعه!!!! كل تفكيره كان في انه يلقى له وظيفة ويصرف على نفسه منها ويرتاح من كل شي حواليه,,,باقي له سنتين ويخلص الجامعه ومايدري هل بيتوظف وظيفة سنعة ولا حيا الله... هو كاره عيشته كلها اصلا مافي شي حوالينه يخليه يحب الدنيا لا ابو ولاام ولااهل مثل العالم والناس...حتى ماديا ماهو مقتدر على طول السنة خطه استقبال بس!!!!اوووف يازياد من ها العيشة اووووووووف لمتى ياربي لو وظيفة بالفين ريال تغنيني عن الحرام وتسد احتياجاتي لين اتخرج واتوظف.... صباح اليوم الثاني... طق طق طق طق... ريما بثقل/يالله صباح خير منو؟ ندى/انا... قامت ريما وفتحت لها الباب.. ريما/ندى خير وش تبين؟ ندى/ليه حرام اني اقعد معك لو اسولف معك ؟؟جيتك امس مرتين لقيتك نايمة..المهم مو هذا موضوعنا صديقتك تحت تنتظرك...واخيرا شفنا ها الصديقة اللي ماتكلمين احد عنها.... ريما بدهشة/صديقتي!!!وين؟؟؟(وفي بالها تقول أي صديقة!!!) ندى/بالمجلس تحت.... ريما/وش قلتي لها؟ ندى/قلت لها بصحيك وبناديك... ريما تضايقت بس استغربت من هاذي اللي جايتها من الصبح.. ريما/طيب بغسل وبلحقك,,,,,, غسلت ونزلت وهي مو حاطة في بالها احد معين يزورها لانها وبكل بساطة ماعندها زمالات في الدراسة كيف بعد صديقات!!!!ها الشي مستبعد من حياتها بس ماطال تفكيرها كثير يوم دخلت ولقت ..... عبدالله/يعني بقدر اشوفك... ندى/مو اكيد انا بطلب من ريمي ان احنا نطلع مع بعض واذا وافقت بعطيك خبر... عبدالله/ريما حبابة وبتوافق اكيد ندى/بس ماراح اشوفك بروحي ياعبدالله... عبدالله/انتي تبين تشوفيني ولا لا؟ ندى/ابي اشوفك بس خايفة عبدالله/خايفة مني... ندى/لا .... عبدالله/من شنو خايفة؟ ندى/هذا اللي عندي اذا انت موافق بكلم ريما وبرد عليك.. عبدالله/اه........امري لله حتى لو اشوفك من بعيد... زياد/وائل وائل/هلا زياد/تصدق مالي خلق اليوم احضر ولا محاضرة وائل/هذا وانت الفالح واللي تبي تخلص وتشتغل بسرعة.. زياد/اه..تعبت والله وائل/خير صاير شي جديد.. زياد/سلامتك ...بس الملل والقهر بيقتلوني... وائل/زياد..انت رجال اكبر من الحكي هذا كله.... زياد/شسوي يا خوي شسوي الدنيا مافيها غير الهموم!!! وائل/لالالا مو كذا يازياد الدنيا فيها كل الاشياء حلوة بس احنا نشوفها بشكل ثاني ياخوك.... زياد/اللي عايش عيشتي يلاقيها هموم وبس مافيها للحلاوة لون ولاطعم... وائل/اقول قوم خلنا نروح محاضرتنا ابرك من كلامك لانك اليوم صاير كئيب... ريما بدهشة/نور..!!!!!! نور وقفت يوم شافت ريما ويوم شافتها منصدمة من شوفتها/هلا ريما...انا اسفة اني زرتك بدون موعد.... ريما اللي للحين من زيارة نور قعدت/لا عادي...تفضلي.... نور/شلونك... ريما/............ نور/...انا اسفة مرة ثانية ياريما ريما ناظرتها بمعنى اسكتي خلاص قلت لك عادي... نور/....... ريما/غريبة شلي طرى لك تشوفيني؟ نور/مدري بس حسيت اني ابي اشوفكواتكلم معك وتردد في اني اتصل عليك لاني حسيت انك ماتبين تشوفينا... ريما/....... نور/شلي صاربينكم ياريما يوم سالت عنك ماجاوبوني واكتفوا انهم يقولون انك ماراح تجين مرة ثانية!!! ريما بااستهزاء/زين يانورهان بنشوف.. نور/شروق اللي قالت مو نورهان.. ريما/ترى على فكرة هاذي البنت عاطية نفسها اكبر من حجمها الطبيعي.. نور/شصار ياريما؟؟ ريما/لاتشغلين بالك السالفة ومافيها اني مو متنازلة عن حقي لها ابدا وهي اللي بتجيني وتعتذر بس ساعتها ماراح تلاقيني جنبها ولاحتى بدير لها بال.... نور/..... ريما/لاتشغلين بالك ..ماقلتيلي انتي كيفك وكيف امورك؟ نور/ماشي الحمد لله عايشة ومو عايشة وين الجديد... على الساعة ثنتين ونص طلعوا نور وريما بالسيارة وقاموا يتمشون في الشوارع لين ريما طلبت من السايق يوديهم عند جامعة البترول اللحين مجموعة كبيرة بتطلع وصلوا هناك وفتحوا النوافذ وصاروا يقزون براحتهم.... مساعد/الو... فهد/ياصباح الانوار على هل الشرقية.. مساعد اعتدل من نومته/فهد هلا والله حيا الله ها الصوت فهد/الله يسلمك..وينك يالقاطع من جيتنا ماعدنا سمعنا صوتك؟ مساعد/والله انك على بالي بس الظروف احيانا فهد/خل عنك كلام المدارس اللي مايناسبك قال الظروق قال؟؟ مساعد/هههه انت بعدك ماتغيرت نفس اسلوبك فهد/ولاراح اتغير بعد..المهم قبل لاانسى انا جاي عنكم ليلة الخميس مساعد/هاذي الساعة المباركة والله..بتنور الشرقية يابو فهيدان فهد/الله يسلمك.... في لحظة من اللحظات ريما وقف قلبها وهي داخل السيارة لان زياد ووائل كانوا قريبين من سيارتها وهم يمشون ماتدري وش اللي صار لها ماحست الا وقلبها يدق بسرعة ليش ماتدري رغم ان وائل وزياد اشكالهم كانت عادية ويمكن اقل من العادية بس ماتدري ليش جاها ها الشعور لفت ولقت ريما صادة عن النافذة بنظراتها وغطت وجها بعد ماشالت اللثام ريما/نور شفيك؟ نور بخوف/هذا وائل ولد جيرانا؟؟؟ ريما/يعرفك؟ نور/لا مااظن بس اخاف انه يكون... ريما/تبين نمشي؟؟ نور بخوف/يكون افضل.. ريما/امشي السايق/طيب ماما...استنى شوي علشان في سيارة وقف ورانا لازم يحرك هو اول؟؟ ريما/ليش وينه حضرته؟ االسايق/السيارة مافيه احد هذا نفر كان فيه بس نزل وكان ياشر على وائل اللي واقف مع زياد قريبين من باب ريما.. ريما/طيب نستنى وش ورانا.....نور لاتكمشين على نفسك كذا وش راح يسوي وهو مايعرفك اصلا!!! نور/مدري بس حسيت,,,, ريما/ماعليه ولايهمك.... نزلت ريما من السيارة وصارت تكلم وائل من بعيد... ريما/هيييه انت.. لفوا عليها وائل وزياد... وصاروا يطالعون ببعض... ريما/ان شاءالله مفكر ماعندنا اشغال لين ماحضرتك تتكرم وتمشي الروز رايز من ورانا!!!!! وائل انتبه على سيارته وقال لزياد وائل/اوه يالله خل نركب السيارة وبعدين نتفاهم.. ريما/يامبرد اعصابكم وبتتشاورون بعد!!! وائل بنفاذ صبر/وانتي وش جابك عند جامعة اولاد انا ابي افهم؟؟ ريما/انا اروح المكان اللي يعجبني محد له شي عندي فاهم!!!!! مشى وائل وهو يناظرها وجنبه زياد اللي مارفع عينه لها وهذا اللي كان قاهرها ويوم مر جنبها قال بصوت واطي مرة(استغفر الله) ودخلوا السيارة ومشوا.. ريما ماتت مكانها منه ومن كلمته بس ماقدرت ترد عليه انربط لسانها بلحظة وماعرفت شتقول ركبت السيارة وهي مو على بعضها.... نور/ريما شكرا...... ظلوا طول الطريق ساكتين لين قطعت ريما سكوتهم.. ريما/ايهو فيهم ولد جيرانكم؟ نور/اللي كان يكلمك.... رجعت ريما لسكونها ورجع الهدوء من جديد بينهم.... في سيارة وائل.. وائل/زياد شفيك ساكت؟ زياد/مافيني شي.. وائل/........ زياد/وائل,, وائل/وش فيه.. زياد/اللي صار اليوم... وائل/وش صار؟ زياد/البنت اللي رفعت صوتها ...عند الجامعة.. وائل/وش فيها؟ زياد/مدري بس انا اول مرة اشوف بنت قليلة ادب كذا!!! وائل/هههههه هههه زياد/ليش تضحك؟ وائل/هذا لانك ماشفت شي ابدا...هاذي تعتبر ما قالت شي... زياد/أي بس... وائل/زياد انت وين قاعد ماعمرك شفت ها البنات وحركاتهم... زياد/تتوقع هي ليش جاية عن جامعتنا؟ وائل/سؤال غبي بس برد عليه...يعني ياجاية تشوف خويها يا خوي صديقتها يا تقز براحتها وتختار لها صيدة.... زياد فتح فمه وكانه مو مصدق كلام وائل بس ماتكلم.. وائل/طبعا حضرتك مو مصدقني.. زياد/مو كذا بس معقولة توصل الجراْة في البنات انهم يسووون كذا؟ وائل/هاذي مو جراْة يازياد هاذي قلة ادب... زياد/لاحول الله..انا البنات بكبرهم مسببين لي عقدة وكيف اذا صاروا كذا عاد!!!! وائل/انت ....زياد انت مو حاط من مشاريع حياتك الزواج.. زياد/طبعا لا....من اتزوج اصلا وكل الحريم مثل بعض..... كانت واقفة قدام مرايتها وحست بشي داخلها يتحرك بس ماعرفته شنو...شغلت المسجل وقعدت على السرير...وحست بالجو مزعج قامت وطفت المسجل ورجع الهدوء في غرفتها يقتلها.... شتسوي علشان تقتل فراغها وهدوءها الغريب!!!! عقلها مشوش من رجعت من الجامعة وردت نور بيتهم.... ماتدري وش اللي صار لها اليوم ...ليش انربط لسانها وهي اللي لسانها يلوط اذانها من طوله!!!! ليش ماوقفت تغسل شراعه قبل لاتمشي.......هي ما كانت منجذبة لوائل ابدا بس في شي مع وائل هو اللي خلاها تسكت وماتتكلم..شي هادى مارفع عينه حتى في عينها شي مافيه من الجمال والوسامة ذاك القدر ابدا ولاحتى يبين عليه انه ولد عز وفلوس بس شلي خلاه يسكتها بدون مايناظرها هذا الشي اللي للحين عجزت انها تفهمه,,,, قطع عليها افكاره احد يدق الباب... ريما بهدوء/من؟ ندى/انا ندى... ريما/ادخلي.... دخلت ندى وهي بشوشة كاالعادة..الفرق بين ريما وندى سنتين بس اللي يشوفهم يقول ان بينهم مليون سنة!!! ريما اكبر من ندى بسنتين بس كانت في طيشها وتصرفاتها اللي مو محسوبة اصغر من ندى بعشر سنين!!!!ندى وعلى الرغم من عمرها الصغير الا ان عقلها كان اكبر منها بكثير وتصرفاتها حكيمة لاابعد درجة صحيح ان كل وحدة في حياتها سر ,,بس التصرفات اللي بينهم ما كانت تنصف ريما ابدا لانها كانت طايشة ومتهورة..... ندى/ممكن اسولف معك شوي.. ريما/عادي(قالتها بلا مبالاة ) ندى/...قربت منها وجلست على حافة السرير... ريما/........... ندى/ ريما فيك شي؟ ريما/لا ندى/طيب شو رايك نطلع نتمشى شوي... ريما/مالي خلق اطلع,,, ندى/غريبة,,,,,,,(ريما مستحيل تقعد في البيت دقيقة وتدور الطلعة لو كانت تحت الارض) ريما/صدقيني مالي خلق.. ندى في بالها على حظي صار مالك خلق الطلعة,,,, ريما/.......... ندى/ليه في احد مزعلك؟ ريما بقوة/ماحد يقوى يزعلني...... ندى/طيب قومي انا عازمتك على كوب قهوة على حسابي.. ريما/بلا ها اللف والدوران وهاتي من الاخر ليه تبين تطلعين!!!! ندى انصدمت ان ريما فاهمتها بس ماحبت تبين ها الشي.... البارت الثالث... *ندى انصدمت ان ريما فاهمتها بس ماحبت تبين ها الشي.... ندى/ والله كنت ملانة وقلت خلينا نطلع نغير جو وبس!!! ريما مااقتنعت بس مزاجها مو رايق للاخذ والعطاء فقررت انها تسكت وماتعايي ندى في الكلام ريما بدون نفس/وين تبين نروح؟ ندى رجع لها الحماس/أي مكان انتي تختارينه.. ريما/انتي وش تبين ,,تبين سوق ولا بس قعدة.. ندى/امممممم,,,,خلنا نروح الراشد... ريما في بالها (الراشد معناته انك متواعدة مع احد ياندى وماهو طايفني الموضوع بس بمشيها لك لاني مو رايقة) ريما/امي عارفة انك تبين تطلعين؟ ندى/اللحين بدق لها وبقول لها.. ريما/ليش هي مو في البيت؟ ندى/لا..طالعة.. ريما/كا العادة يعني..... ندى/........... ريما/روحي دقي لها واذا عطتك الموافقة قولي لي علشان اتجهز,, زياد دخل البيت بعد صلاة المغرب ولقى ابوه قاعد بالصالة مع زوجتين من زوجاته ونص دزينة من العيال اللي كانت تلعب وتصارخ لدرجة ان ماحد رد عليه السلام يوم سلم لانهم ماسمعوه مع الفوضى اللي كانت قايمة باالصالة,,هز راسه وهو متضايق وتقرب من ابوه وحب راسه .. زياد/شلونك يبى.. الاب بدون اهتمام/الحمد لله....اي كملي وبعدين شصار؟ زياد وقف مكانه لحظات وهو وده يسال ابوه في ها اللحظة سؤال مر في باله (انت عارف انا منو؟؟؟)بس كسر الشر اللي في نفسه وراح المطبخ ياكل له شي لانه حس انه ميت من الجوع,,وبمجرد دخل المطبخ كانت وحدة من خواته هناك مع صديقتها اللي لقى نفسه محرج من وجوده بينهم بدون أي احم ولااذن ماتذكر هل هو اعتذر عن دخلته بدون استئذان ولالا كل اللي يعرفه انه صار بداره وتسكر عليه الباب لحظتها بس تنفس بهدوء,,,هذا مو بيت يستحيل انه يكون بيت!!!!هاذي الكلمة بس هي اللي طلعت منه في ها اللحظات,,,قعد على فراشه وهو يفكر بنفسه وسط ها البيت,,لااب ولاام ولااخوان رغم كثرته حوالينه!!!!! الاسباب معروفة اب منفصل عن الام ووجود زوجات اب وزوج ام,,,هذا الشي هو اللي بعده عن امه وابوه بس الاخوان ليش بعيدين رغم انهم ساكنين معه في نفس البيت!!!!!لانهم وببساطة يازياد ماديين بتعطيهم بيسلمون عليك ماراح تعطيهم شي ولاانت هامهم بعد..وانت خبر خير مو لاقي تاكل وتصرف على نفسك بتعطي بعد!!!!! في الراشد,,, ريما/مو كانك تتلفتين واجد ياندى؟ ندى مسوية انها عادي وهي ترجف والجوال في يدها/اتلفت!!!لا انا طبيعية... ريما/وين نقعد..لو ودك تدخلين تتفرجين على المحلات؟ ندى/بكيفك.... ريما/خلينا ندخل رباعيات..... في داخل المحل لفت ريما في جهة وندى مسكت جوالها تكلم من الجهة الثانية,,,,, ندى/ريما انا بروح دورة المياه وبرجع لك.. ريما/تبين اروح معك؟ ندى/لالالالالا ,, يعني انتي خليك هنا وانا مو مطولة بصلح كحلي وبرد... ندى مشت بدون ماتسمع راي ريما اللي مو مقتنعة بشخصية ندى اليوم بتاتا,,,, وريما ماتركتها مشت وراها علشان تشوف شنو سالفتها...... مساعد /اقول ماجد شخبار ريما؟ ماجد/وش فيك تقولها كذا لايكون تغار منها عشانها خويتي ماهي بخويتك؟؟؟ مساعد/من زينها عاد علشان انزل نفسي لها اللي هي احلى منها ماوطيتها بوطاها هي!!!! ماجد/مدري عنك .... مساعد وفي نفسه يذبح ماجد بس ليه مايدري... مساعد/اقول فهد بيكون هنا ليلة الخميس وابي اسويله سهرات محترمة .. ماجد/وليش لا يستاهل ابو فهيدان.. مساعد/يالله ابي افكارك يابو الافكار... ماجد/مايبيلها فيلتك اللي براس تنورة بعيدا عن العيون ,,,, مساعد/أي بس فيلا فاضية ماينفع ياماجد نبي شي يستاهل... ماجد/نورهان.... مساعد/ماابي نورهان بروحها... ماجد/اكيد انها ماراح تجي بروحها اذا انت قلت لها تبي البنات معاها... مساعد/انت بعدك تدق على ريما؟ ماجد بضحكة /ياليت من يومين وهي سافطتني ماترد علي ولاعلى رسايلي قلت يمكن ماعندها رصيد شحنت لها ورسلت بس مااشوفها دقت... مساعد في باله يقول احسن ياتتركنا اثنينا ولا لاتكلمك بروحك!!!!! كانت داخلة السواني علشان تشوف ندى اللي قالت لها انها بتروح دورة المياه بس دخلت هنا لفت بعيونها ولمحت شنطة ندى البيج ومشت في الاتجاه المعاكس للي ندى موجودة فيه وصارت وراها من الجهة الثانية... ندى كانت واقفة بجنب عبد الله اللي مبين انه اكبر من ندى في العمر وفي الجسم,,, ندى بصوت واطي وهي ماسكة بلوزة كانها تناظرها/عبد الله انا راح امشي مقدر اوقف اكثر.... عبد الله بنفس الهمس/حبيبتي لا..خلك معي خلنا نطلع نتعشى فوق... ندى/لا مستحيل مقدر,,,, عبد الله/الله يخليك.. ندى بعصبية خافتة/عبد الله انا وعدتك اشوفك بس ماكان ضمن الاتفاق اني اقعد معك!!! عبد الله/وهاذي يسمونها شوفة ياندى وكنا سارقين في ها المحل!!! ندى/خلاص حبيبي روح ومرة ثانية بنلتقي,,,, عبدالله/بس يا.... قاطعه صوت ريما من وراهم وهي تكلم بجوالها ومتقصدة تسمعهم,,, ريما/لاوالله انتظر اختي وقاعدة ادور على المحلات بلا فايدة,,,ولفت على الجهة اللي هم فيها وابتعدوا عبدالله عن ندى اللي من سمعت صوت ريما جمدت مكانها من الخوف,,,,,, ريما صارت قبال ندى كملت مكالمتها بسرعة وسكرت التلفون,, ريما/انتي مو قايلة لي انك بتروحين,,,,,وش اللي مجيبك هنا؟ ندى/ها..انا ريما/تعالي شوفي ها البلوزة تذبح...... مسكت البلوزة اللي كانت ورى ندى مباشرة وانزاح عن ندى هاجس ثقيل للحظات بس وهي تفكر معقولة ريما ماانتبهت لوجود عبدالله ,,مستحيل الا ريما مايفوتها شي بس معقولة يكون في بالها شي !!!!ورجع الخطر مرة ثانية بالسؤال هذا الى نفس ندى اللي حست انها ارتكبت اكبر غلطة في حياتها!!!! نورهان/أي حبي... مساعد/انا قلت عاد مايصير يجي فهد ومانعزمه على شي حلو ياحلو... نورهان بثقة/صاحبك وجد صاحبك في عيوني ياعيوني.. مساعد/ههه تسلم عيونك ياقلبي بس لاتخافين جد صاحبي يتوسد الثرى مايبيك في شي,,,الا انا ابي البنات كلهم معك يانورهان (وشدد على كلمة كلهم) نورهان/لاتحاتي بيكونون موجودين,,, مساعد/أي تعرفين انا مااحب ان باقي الشباب يقعدون فاضين لازم نسليهم شوي,,, نورهان/فهد بيكون معاه احد يامساعد؟ مساعد/ليش؟ نورهان/يعني احنا ثلاث بس.... مساعد/مو كنتوا اربع؟ نورهان/أي بس ريما خلاص بولش... مساعد وصل الطبلون عنده لمية وهو اللي ناوي يرمي نورهان على فهد ويستفرد بها المغرورة ريما ماراح تجي!!!!! مساعد/شلون يعني؟؟؟ نورهان/لاتشغل بالك اصلا ريما من زمان ما تناسبنا وكنت ناوية اتخلص منها ومن وجع راسه واللحين ارتحت منها.... مساعد بحزم/كيف تخلصتي منها؟ نورهان استغربت سؤاله بس ماطرى لها تساله/عادي صفنا امورها من بينا... مساعد/ليش انتوا مو اصحاب!!! نورهان/مو بالمعنى الصحيح... مساعد/شوفي نورهان خلينا صريحين مع بعض لو ماراح تجي ريما جيتك انتي واللي عندك مالها اساس!!!!!! نورهان/؟؟؟؟؟؟؟؟؟؟؟ مساعد/.............. نورهان/شنو يعني مالها اساس ممكن تفهمني!!!! مساعد/ماجد يبي ريما ويقول انها مطنشت ماترد عليه وهو مصر انها تكون وانا ماابي ازعله بصراحة... نورهان حست بالارتياح/بس كذا يعني؟ مساعد يحاول يضغط على نفسه/وش بيكون فيه شي ثاني.... نورهان/مدري خفت ان اصرارك على وجودها لك لوحدك؟؟ مساعد/ههه...انا اطالع بريما ؟؟لا انتي مو صاحية من زينها عاد!!! نورهان/على قولتك من زينها عاد هههههه في السيارة,, ريما/كنا طالعين نشرب كوفي شوفي وش شرينا؟ ندى/بنات وبنضل بنات مانعرف نطلع سوق ومانشتري شي.. ريما/على قولتك,,,,وطلعت جوالها من الشنطة ...وصارت تدق على ارقام عشوائية,,يوه بيطفي جوال النحس نديوة عطيني موبايلك.. ندى وبكل براة الدنيا عطتها الموبيال وريما مسوية انها قاعدة تنقل رقم من جوالها لجوال ندى علشان تتصل عليه وهي اصلا رايحة لااخر المكالمات اللي عند ندى واخذت رقم عبد الله اللي كانت ندى مخزنته باسم( اغلى صديقاتي علشان لااحد يشك فيها ) اخذت الرقم ودقت فعلا على رقم نور وسكرت وردت الجوال لندى علشان لاتشك فيها,,,,وهي في بالها الف سؤال وسؤال...في اليوم الثاني قعدت ريما على صوت الجوال واللي خلاها تضحك ان نورهان هي اللي متصلة ريما/متى بس بتعرفين ان مالك غنى عني يا...يانورهان ودقتها بزي ولقت انها داقة عليها اكثر من خمس مرات وراسلة لها ثلاث رسايل كلهم فيهم انها تبي تشوفها وتبيها ترد عليها,,, ريما بعد ماقرت الرسايل/ايوة يانورهان جينا فعلا لوقت تصفية الحسابات وكل واحد بياخذ نصيبه,,,, خلتها تدق مرتين بعد وفي الثالثة ردت وبصوت كله نوم ريما/خير ان شاءالله؟ نورهان/مابغيتي تردين هذا كله نوم!!! ريما/وش لك عندي علشان تساليني بالله؟؟ نورهان/........ ريما/في شي تراك ازعجتيني؟ نورهان/ريما ابي اشوفك.. ريما/ليه.. نورهان/ابيك بسالفة.. ريما/قوليها... نورهان/وليش ان شاءالله ماتبينا نشوف بعض... ريما/مزااااج نورهان/متى يناسبك نشوف بعض... ريما في بالها أي خليك كذا وامشي على اللي يناسبني يانورهان خانو.... ريما/اممممم يمكن الساعة ثمان.. نورهان/وش عندك العصر؟ ريما/مو شغلك... نورهان بتافف مسموع/طيب..موعدنا الساعة ثمان وين تبين.. ريما/اذا طلعت وشفت مكان راق لي عطيتك خبر وسكرت السماعة بوجه نورهان اللي كان ودها تذبحها بس امسكت تلفونها ودقت على مساعد وقالت له بكل عصبية/شوف هذا انا علشانك وطيت نفسي لها الخايسة اللي ماتستاهل!!! مساعد/وش فيك تصارخين؟ نورهان ضبطت نفسها/انت مو قلت تبي ريما ووجودها مهم هذا انا دقيت عليها.. مساعد كتم ضحكته وفرحته/وطيب وش صار بتجي,,, نورهان/انا ما كلمتها في الموضوع بشوفها الليلة وبتفق معها بس ترى انا ما اوعدك ريما ماتروح شقق ولا فلل يامساعد ماتطلع غير في اما كن عامة... مساعد/متى بتشوفينها؟ نورهان/الساعة ثمان... مساعد/ووين؟ نورهان/ماقالت لي حضرتها تقول اذا طلعت وشافت مكان راق لها بتعطيني خبر,,,,شفت شلون ناكرة الجميل!!! مساعد صار يردد بينه وبين نفسه كلمة ريما وهو يبتسم ويتخيلها هي تقولها (اذا طلعت وشفت مكان راق لي بعطيك خبر) شفيك يا مساعد على ها الريما انت ماشفتها غير مرة وحدة مرة وحدة بس يا مساعد ولاانت قادر تطردها من خيالك وافكارك ,,ريما صارت عايشة معك طول الوقت وفي كل مكان في عقلك,,,,, (خلونا نتكلم عن مساعد شوي,,,مساعد شاب في السبعة وعشرين من عمره مملوح لدرجة كبيرة ومهتم في نفسه ولبسه حييل يعني كاشخ ابوه من اصحاب المليونيرات في الخبر هي بيوت وهي عمارات وهي اسهم ومن كل مايخطر على البال ولها السبب مافكر انه يكمل دراسته خلص ثانوي وبالدف واستلم مكتب في شركة ابوه ولان ابوه عارفه انه راح يجي يوم ويغيب عشرة ماعطاه أي منصب في الشركة مجرد مكتب يقعد فيه لو حب وراتب ينزل له في اخر الشهر واوله وحتى وسطه!!!كل همه البنات والسهر والطيش وقت المزح يفلها مع ربعه بس وقت الجد تكون له هيبته وكلمته اللي يخافون منها ,,,) *ندى/لا مااتوقعها انتبهت ريما اعرفها زين لو شكت في شي تواجهك فيه علطول... عبدالله/انتي بس خويفة بزيادة وخليتي قلبي طول الليل يدق من كثر مايفكر في اللي ممكن يكون بينكم.. ندى/عبدالله ...انا مو قادرة اشيل خيالك من بالي ياعمري... عبدالله /والله انك ظلمتيني بها الشوفة ياقلبي ترى من جد انا ماقدرت اشوف عيونك... ندى/يالله عاد...لاتصير عيار.. عبدالله/ليه ماتلثمتي مثل ريما.. ندى بغيرة/انت كنت تناظر في ريما ياعبدالله!!! عبدالله بضحكة/اكيد اني بشوفها مو اختك جت مثل الاعصار بس ليه هي متلثمة وقاطة الدنيا وانتي نقاب ومضيقة عينك لدرجة انها مو مبينة!! ندى/.......... عبدالله/ها وين سرحنا؟ ندى/فيك.... عبدالله/في شنو بالضبط؟ ندى/وفي ولدك اللي بيطلع يشبهك؟ عبدالله بعصبية/انتي ماتنسين ها السيرة ابدا!!!لازم تنكدين الجو الحلو اللي نعيشه مع بعض !!!!! ندى بصوت باكي/مو بيدي ياعمري غصبا عني انا اتقطع كل مااتخيل ان في وحدة ثانية في حياتك وتشاركك كل اهتماماتك و... عبدالله بصوت عالي وعصبية/ندى ممكن مانكلم بعض؟؟؟بيكون افضل لي ولك لانك مو ناوية تخلينا نعيش مرتاحين!!!!! نور/الو... ريما/مرحبا نور/هلا والله..كيفك... ريما/بخير.. نور/زيين اللي جيت في بالك وتكرمتي تدقين علي.. ريما/........... نور بلهجة اسى/ريما انا اسفة مو قصدي تعرفيني مااثمن كلامي قبل مااقوله,,, ريما/نور...انتي ماتعرفين منو اللي كان مع ولد جيرانكم ذاك اليوم عند الجامعة؟ نور/لا... ريما/وماتقدرين تعرفين لي منو؟ نور/........مدري.. ريما/تقدرين تحاولين لي في الموضوع... نور حست ان ريما مصرة/طيب بس مااوعدك ياريما تعرفين انا ماعندي اخوان صغار اسالهم بس بحاول اشوف الموضوع.... ريما/اول ماتعرفين أي شي دقي علي طيب.. نور/ok ريما/يالله باي... على الساعة ثمان وربع ريما دقت على نورهان وقالت لها تلاقيها في الشاطىء مول ونورهان بدورها دقت على مساعد تخبره لانه وصى عليها تدق عليه علشان على قولته يخبر ماجد اللي ينتظر اتصال من ريما..... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , وش تتوقعون ريما تبي من زياد!!! عبدالله وندى والقرار المر!! نورهان وريما ومساعد!!! |
البارت الثاني قاطعه زياد/مافي امل ياوائل والله اني تعبت من كثر ماادور على وظيفة ان شاءالله بالفين ريال انا راضي بس اصرف على نفسي.... وائل/بكرة بتتعدل الامور كلها... زياد/بكرة.....من متى واحنا نقول غدا يوم اخر ولايجي غدا واذا جا مايكون يوما اخر!!!!! وائل/ياولد الناس احمد ربك انك عايش بها الدنيا ومافيك علة ولامرض .... زياد/الحمد لله.... وائل/الا اقول زياد...انت ماتشوف امك؟ زياد/........... وائل/انا اسف...بس كنت.... زياد/امي من تزوجت شالتني من بالها نهائيا.... وائل/................. زياد/حاس نفسي مخنوق.....عمري ماحسيت ان في احد يحبني في الدنيا ياوائل... وائل/ياشيخ وانا وين رحت.... ابتسم زياد لوائل ابتسامة باهتة وكانت دمعته في عينه... زياد/وانا من لي غيرك يابو عبد الرحمان.... ماجد كان يمشي ورى ريما وهو يحمل اكياسها وهي ماكانها تشوفه ولاهي معبرته اصلا... كانت تدخل المحل وتختار لها قطعة وتعطيها ايه وتطلع واحيانا تختار اشياء ماتعجبها بس لعانة منها علشان يدفع ... ماجد/ريما.....ريمي....خل نقعد نشرب لنا شي انا مت من العطش..... وقفت ريما.....ولفت عليه,,, ريما/طيب.... ماجد/مابغينا......وش تشربين.. ريما/ابي.....ودق تلفونها ,,,, ريما/هلا ندى.....بالراشد.....ليه.....ضروري....طيب شتبي....اوووف يالله راجعة اللحين,,,, ريما/ماجد انا بمشي... ماجد/ليه؟؟؟؟؟؟؟ ريما/امي تبيني.... ماجد/وهذا وقت امك عاد!!!! ريما/معليش لانها بتروح دبي الليلة وتبي تشوفنا كلنا قبل لاتروح..... ماجد/.........طيب شربي لك شي وبعدين.... ريما/مرة ثانية.....وبعدين احنا اصلا يبيلنا قعدة مو على الماشي.. ماجد/وعد ياريما.. ريما وهي تناظر باكياسها/اكيد وعد..... ماجد/طيب بمشي معك للبوابة..... وصاروا يمشون.. ماجد/من بيردك البيت؟ ريما/باخذ لي تاكسي.... ماجد/تاكسي وانا موجود!!!!!لامايصير... ريما/لا باخذ تاكسي.... ماجد/طيب اعتبريني تاكسي.... ريما/ماجد مااحب اعيد كلامي مرتين.... ماجد/طيب,,,,,,,,انتي وين بيتكم؟ ريما/بالدمام....... ماجد/وين.... ريما/مو شغلك...... ووصلوا للبوابة......ووقف لها ماجد تاكسي وركبت......وحاسب التاكسي وعطاها اكياسها..... مشى شوي وسمع صوت من وراه يناديه... ماجد...ماجد... لف ولقى مساعد جاي يركض... ماجد/هلا...ماقلت لي انك بتجي كنت بمشي تصدق!! مساعد/بتمشي!!!!ليش وينها الصيدة!!! ماجد/تقصد ريما...راحت... مساعد بانت عليه خيبة الامل هو جاي يشوفها مخصوص/وين راحت؟؟؟ ماجد/امها مسافرة الليلة دبي وتبي تشوفها... مساعد بتشكيك/اخاف مصرفتك بس!!!! ماجد بثقة/وش مصرفتني اللله يهداك...صار لنا فوق الساعتين مع بعض وتونا بنقعد نشرب لنا شي الا امها داقة ... مساعد/........ ماجد بفرح/بس تصدق هي وعدتني بقعدة حلوة لانها كانت تبي تسولف معي بس امها دقت في الوقت الغير مناسب.... مساعد صار يمشي وهو يفكر فيها!!!!! ريما دخلت البيت واكياسها في يدها...ولقت امها جالسة مع ندى وغادة.... ريما/السلام.... وعليكم السلام.... ام محمد/وينك انتي؟ ريما رفعت الاكياس/بالسوق.... ام محمد/وش كل ها الاكياس... ريما قعدت ورمت الاكياس جنبها بدون اهتمام..../كم قطعة عجبوني واخذتهم,,,, ام محمد/وش صار على الجامعة؟ ريما/كل شي تمام باقي بس تعطيني المبلغ علشان ادفع لهم,, ام محمد/الليلة بطلع اسحب لك... غادة/ليش وين بتدرسينظ ريما/في العربية المفتوحة... ندى/حلو....اي تخصص... ريما/ادارة اعمال... غادة/ريما...حددنا عرسنا انا وتركي.....بيكون بعد ثلاثة شهور.... ريما/حلو حلو...عسى بس في السيف.... ام محمد/أي مو لانك انتي اللي بتدفعين؟؟؟ ريما بنرفزة/وان شاءالله باي زبالة بيكون العرس!!!! مالقت لجوابها رد الاعيونهم المفتوحة على وسعها وهم يناظرونها... ندى/ريما شها الكلام!!! ريما/يعني الواحد مايقدر يكون صريح معكم!!! غادة بنرفزة/يوم انك تبين عرس فخم وحركات ليش ماكملتي مع ولد عمك فلوسه وااجد وكان بيسوي كل اللي نفسك فيه...!!!! ريما حست نفسها مخنوقة في ها اللحظة وماقدرت ترد على غادة لان لسانها انربط فجاْة اخذت بعضها وقامت بعصبية وراحت غرفتها... ام محمد بعصبية/انتي ليش قلتي لها ها الكلام؟؟؟؟ غادة/بنتك مسوية روحها بنت الوزير!!!! ام محمد/ليش جبتي سالفة ولد عمك!!!!!! غادة/......... ام محمد/هو اللي فسخ الخطوبة مو هي ياحظي يعني ماله داعي تذكرينها بها الشي!!!!!! غادة/................. ندى/انا بروح اشوفها... ام محمد/قومي شوفيها..واذا زعلت اخذي بخاطرها.... ندى/ان شاءالله يمه... راحت ندى لريما غرفتها وتمنت انها ماتكون قفلتها دقت الباب مرتين ومالقت جواب فتحت الباب لقت اغراضها مرمية على سريرها باهمال وعبايتها على الارض بس هي مو موجودة... طلعت من الغرفة لقتها في الحمام وصوت الماي مفتوح شكلها تتروش هزت راسها باسف لانها عارفة طبع ريما اكيد تبي تهرب من الموقف كله!!!!! نور/هاااي بنات... شروق/هلا.... نور/وين ريما ماجت؟؟؟يعني مو انا اللي متاخرة بروحي؟ نورهان بعصبية/ريما ماراح تجي!!! نور بدهشة/ليه!!!غريبة احنا مو متعودين نطلع بدونها!!! نورهان بعصبية واضحة/وليش ان شاءالله مانطلع بدونها؟؟؟؟ نور سكتت وماقالت شي لانها توقعت ان صار بينهم شي من سالفة البارح... شروق/يالله نورهان خلينا نمشي يمكن نلقى لنا شي زين....... نورهان بدون نفس/يالله..... وحدها نور ماكانت فاهمة شنو صاير هي عارفة ريما زين حقانية وماتحب احد ياخذ حقها بس ها السالفة بينهم من زمان يعني وش الجديد!!!!وبعدين شروق صايرة تقعد بالنص بينهم يعني هي اكيد سبب الفتنة ها المرة!!!!! وحدها ريما كانت فاتحة الماي علشان تسمع صوته ويغطي على صوتها اللي مذبوح من البكي...ياربي خلاص انا مو قادرة ليش كل مااحاول انسى يذكروني مرة ثانية فيه وفلي سواه فيني!!! ياربي ماابي افكر خلاص انا عاهدت نفسي اظل قوية لين يجي يوم انسى فيه هذا كله...بس متى راح يجي ها اليوم متى!!!متى يجي وارتاح شوي من ها العذاب اللي انا عايشة فيه....حسبي الله ونعم الوكيل فيك ياولد عمي حسبي الله عليك...... مساعد كان تفكيره مشغول بريما من شافها ذاك اليوم وهي دخلت باله وحلف مايتركها في حالها ابدا بس كيف يوصل لها معقول ياخذ رقمها من ماجد...ولا من نورهان...اول مرة يحس انها صعبة وانه متورط,,,, ماجد اليوم كان متحمس وهو يتكلم عنها ياترى لو عرف اني قاعد ارسم واخطط عليها بيتضايق وبيزعل ولا ماهي ماْثرة فيه.... مساعد شصار لك ريما صايرة تاخذ جزء كبير من تفكيرك وهذا اللي مايصير؟؟؟؟ زياد كان قاعد بغرفته وقدامه مذكرات الجامعة بس التفكير كان بعيد حييييييييييل كان شارد ومايدري في شنو هل في امه اللي من تطلقت من ابوه وتزوجت غيره ماعمرها سالت عنه؟؟؟ولا عن ابوه اللي متزوج اربع وعنده عيال مشاءالله وهو لاهي عنهم ولاهو داري من اللي ماكل وشارب ومن اللي نايم بجوعه!!!! كل تفكيره كان في انه يلقى له وظيفة ويصرف على نفسه منها ويرتاح من كل شي حواليه,,,باقي له سنتين ويخلص الجامعه ومايدري هل بيتوظف وظيفة سنعة ولا حيا الله... هو كاره عيشته كلها اصلا مافي شي حوالينه يخليه يحب الدنيا لا ابو ولاام ولااهل مثل العالم والناس...حتى ماديا ماهو مقتدر على طول السنة خطه استقبال بس!!!!اوووف يازياد من ها العيشة اووووووووف لمتى ياربي لو وظيفة بالفين ريال تغنيني عن الحرام وتسد احتياجاتي لين اتخرج واتوظف.... صباح اليوم الثاني... طق طق طق طق... ريما بثقل/يالله صباح خير منو؟ ندى/انا... قامت ريما وفتحت لها الباب.. ريما/ندى خير وش تبين؟ ندى/ليه حرام اني اقعد معك لو اسولف معك ؟؟جيتك امس مرتين لقيتك نايمة..المهم مو هذا موضوعنا صديقتك تحت تنتظرك...واخيرا شفنا ها الصديقة اللي ماتكلمين احد عنها.... ريما بدهشة/صديقتي!!!وين؟؟؟(وفي بالها تقول أي صديقة!!!) ندى/بالمجلس تحت.... ريما/وش قلتي لها؟ ندى/قلت لها بصحيك وبناديك... ريما تضايقت بس استغربت من هاذي اللي جايتها من الصبح.. ريما/طيب بغسل وبلحقك,,,,,, غسلت ونزلت وهي مو حاطة في بالها احد معين يزورها لانها وبكل بساطة ماعندها زمالات في الدراسة كيف بعد صديقات!!!!ها الشي مستبعد من حياتها بس ماطال تفكيرها كثير يوم دخلت ولقت ..... عبدالله/يعني بقدر اشوفك... ندى/مو اكيد انا بطلب من ريمي ان احنا نطلع مع بعض واذا وافقت بعطيك خبر... عبدالله/ريما حبابة وبتوافق اكيد ندى/بس ماراح اشوفك بروحي ياعبدالله... عبدالله/انتي تبين تشوفيني ولا لا؟ ندى/ابي اشوفك بس خايفة عبدالله/خايفة مني... ندى/لا .... عبدالله/من شنو خايفة؟ ندى/هذا اللي عندي اذا انت موافق بكلم ريما وبرد عليك.. عبدالله/اه........امري لله حتى لو اشوفك من بعيد... زياد/وائل وائل/هلا زياد/تصدق مالي خلق اليوم احضر ولا محاضرة وائل/هذا وانت الفالح واللي تبي تخلص وتشتغل بسرعة.. زياد/اه..تعبت والله وائل/خير صاير شي جديد.. زياد/سلامتك ...بس الملل والقهر بيقتلوني... وائل/زياد..انت رجال اكبر من الحكي هذا كله.... زياد/شسوي يا خوي شسوي الدنيا مافيها غير الهموم!!! وائل/لالالا مو كذا يازياد الدنيا فيها كل الاشياء حلوة بس احنا نشوفها بشكل ثاني ياخوك.... زياد/اللي عايش عيشتي يلاقيها هموم وبس مافيها للحلاوة لون ولاطعم... وائل/اقول قوم خلنا نروح محاضرتنا ابرك من كلامك لانك اليوم صاير كئيب... ريما بدهشة/نور..!!!!!! نور وقفت يوم شافت ريما ويوم شافتها منصدمة من شوفتها/هلا ريما...انا اسفة اني زرتك بدون موعد.... ريما اللي للحين من زيارة نور قعدت/لا عادي...تفضلي.... نور/شلونك... ريما/............ نور/...انا اسفة مرة ثانية ياريما ريما ناظرتها بمعنى اسكتي خلاص قلت لك عادي... نور/....... ريما/غريبة شلي طرى لك تشوفيني؟ نور/مدري بس حسيت اني ابي اشوفكواتكلم معك وتردد في اني اتصل عليك لاني حسيت انك ماتبين تشوفينا... ريما/....... نور/شلي صاربينكم ياريما يوم سالت عنك ماجاوبوني واكتفوا انهم يقولون انك ماراح تجين مرة ثانية!!! ريما بااستهزاء/زين يانورهان بنشوف.. نور/شروق اللي قالت مو نورهان.. ريما/ترى على فكرة هاذي البنت عاطية نفسها اكبر من حجمها الطبيعي.. نور/شصار ياريما؟؟ ريما/لاتشغلين بالك السالفة ومافيها اني مو متنازلة عن حقي لها ابدا وهي اللي بتجيني وتعتذر بس ساعتها ماراح تلاقيني جنبها ولاحتى بدير لها بال.... نور/..... ريما/لاتشغلين بالك ..ماقلتيلي انتي كيفك وكيف امورك؟ نور/ماشي الحمد لله عايشة ومو عايشة وين الجديد... على الساعة ثنتين ونص طلعوا نور وريما بالسيارة وقاموا يتمشون في الشوارع لين ريما طلبت من السايق يوديهم عند جامعة البترول اللحين مجموعة كبيرة بتطلع وصلوا هناك وفتحوا النوافذ وصاروا يقزون براحتهم.... مساعد/الو... فهد/ياصباح الانوار على هل الشرقية.. مساعد اعتدل من نومته/فهد هلا والله حيا الله ها الصوت فهد/الله يسلمك..وينك يالقاطع من جيتنا ماعدنا سمعنا صوتك؟ مساعد/والله انك على بالي بس الظروف احيانا فهد/خل عنك كلام المدارس اللي مايناسبك قال الظروق قال؟؟ مساعد/هههه انت بعدك ماتغيرت نفس اسلوبك فهد/ولاراح اتغير بعد..المهم قبل لاانسى انا جاي عنكم ليلة الخميس مساعد/هاذي الساعة المباركة والله..بتنور الشرقية يابو فهيدان فهد/الله يسلمك.... في لحظة من اللحظات ريما وقف قلبها وهي داخل السيارة لان زياد ووائل كانوا قريبين من سيارتها وهم يمشون ماتدري وش اللي صار لها ماحست الا وقلبها يدق بسرعة ليش ماتدري رغم ان وائل وزياد اشكالهم كانت عادية ويمكن اقل من العادية بس ماتدري ليش جاها ها الشعور لفت ولقت ريما صادة عن النافذة بنظراتها وغطت وجها بعد ماشالت اللثام ريما/نور شفيك؟ نور بخوف/هذا وائل ولد جيرانا؟؟؟ ريما/يعرفك؟ نور/لا مااظن بس اخاف انه يكون... ريما/تبين نمشي؟؟ نور بخوف/يكون افضل.. ريما/امشي السايق/طيب ماما...استنى شوي علشان في سيارة وقف ورانا لازم يحرك هو اول؟؟ ريما/ليش وينه حضرته؟ االسايق/السيارة مافيه احد هذا نفر كان فيه بس نزل وكان ياشر على وائل اللي واقف مع زياد قريبين من باب ريما.. ريما/طيب نستنى وش ورانا.....نور لاتكمشين على نفسك كذا وش راح يسوي وهو مايعرفك اصلا!!! نور/مدري بس حسيت,,,, ريما/ماعليه ولايهمك.... نزلت ريما من السيارة وصارت تكلم وائل من بعيد... ريما/هيييه انت.. لفوا عليها وائل وزياد... وصاروا يطالعون ببعض... ريما/ان شاءالله مفكر ماعندنا اشغال لين ماحضرتك تتكرم وتمشي الروز رايز من ورانا!!!!! وائل انتبه على سيارته وقال لزياد وائل/اوه يالله خل نركب السيارة وبعدين نتفاهم.. ريما/يامبرد اعصابكم وبتتشاورون بعد!!! وائل بنفاذ صبر/وانتي وش جابك عند جامعة اولاد انا ابي افهم؟؟ ريما/انا اروح المكان اللي يعجبني محد له شي عندي فاهم!!!!! مشى وائل وهو يناظرها وجنبه زياد اللي مارفع عينه لها وهذا اللي كان قاهرها ويوم مر جنبها قال بصوت واطي مرة(استغفر الله) ودخلوا السيارة ومشوا.. ريما ماتت مكانها منه ومن كلمته بس ماقدرت ترد عليه انربط لسانها بلحظة وماعرفت شتقول ركبت السيارة وهي مو على بعضها.... نور/ريما شكرا...... ظلوا طول الطريق ساكتين لين قطعت ريما سكوتهم.. ريما/ايهو فيهم ولد جيرانكم؟ نور/اللي كان يكلمك.... رجعت ريما لسكونها ورجع الهدوء من جديد بينهم.... في سيارة وائل.. وائل/زياد شفيك ساكت؟ زياد/مافيني شي.. وائل/........ زياد/وائل,, وائل/وش فيه.. زياد/اللي صار اليوم... وائل/وش صار؟ زياد/البنت اللي رفعت صوتها ...عند الجامعة.. وائل/وش فيها؟ زياد/مدري بس انا اول مرة اشوف بنت قليلة ادب كذا!!! وائل/هههههه هههه زياد/ليش تضحك؟ وائل/هذا لانك ماشفت شي ابدا...هاذي تعتبر ما قالت شي... زياد/أي بس... وائل/زياد انت وين قاعد ماعمرك شفت ها البنات وحركاتهم... زياد/تتوقع هي ليش جاية عن جامعتنا؟ وائل/سؤال غبي بس برد عليه...يعني ياجاية تشوف خويها يا خوي صديقتها يا تقز براحتها وتختار لها صيدة.... زياد فتح فمه وكانه مو مصدق كلام وائل بس ماتكلم.. وائل/طبعا حضرتك مو مصدقني.. زياد/مو كذا بس معقولة توصل الجراْة في البنات انهم يسووون كذا؟ وائل/هاذي مو جراْة يازياد هاذي قلة ادب... زياد/لاحول الله..انا البنات بكبرهم مسببين لي عقدة وكيف اذا صاروا كذا عاد!!!! وائل/انت ....زياد انت مو حاط من مشاريع حياتك الزواج.. زياد/طبعا لا....من اتزوج اصلا وكل الحريم مثل بعض..... كانت واقفة قدام مرايتها وحست بشي داخلها يتحرك بس ماعرفته شنو...شغلت المسجل وقعدت على السرير...وحست بالجو مزعج قامت وطفت المسجل ورجع الهدوء في غرفتها يقتلها.... شتسوي علشان تقتل فراغها وهدوءها الغريب!!!! عقلها مشوش من رجعت من الجامعة وردت نور بيتهم.... ماتدري وش اللي صار لها اليوم ...ليش انربط لسانها وهي اللي لسانها يلوط اذانها من طوله!!!! ليش ماوقفت تغسل شراعه قبل لاتمشي.......هي ما كانت منجذبة لوائل ابدا بس في شي مع وائل هو اللي خلاها تسكت وماتتكلم..شي هادى مارفع عينه حتى في عينها شي مافيه من الجمال والوسامة ذاك القدر ابدا ولاحتى يبين عليه انه ولد عز وفلوس بس شلي خلاه يسكتها بدون مايناظرها هذا الشي اللي للحين عجزت انها تفهمه,,,, قطع عليها افكاره احد يدق الباب... ريما بهدوء/من؟ ندى/انا ندى... ريما/ادخلي.... دخلت ندى وهي بشوشة كاالعادة..الفرق بين ريما وندى سنتين بس اللي يشوفهم يقول ان بينهم مليون سنة!!! ريما اكبر من ندى بسنتين بس كانت في طيشها وتصرفاتها اللي مو محسوبة اصغر من ندى بعشر سنين!!!!ندى وعلى الرغم من عمرها الصغير الا ان عقلها كان اكبر منها بكثير وتصرفاتها حكيمة لاابعد درجة صحيح ان كل وحدة في حياتها سر ,,بس التصرفات اللي بينهم ما كانت تنصف ريما ابدا لانها كانت طايشة ومتهورة..... ندى/ممكن اسولف معك شوي.. ريما/عادي(قالتها بلا مبالاة ) ندى/...قربت منها وجلست على حافة السرير... ريما/........... ندى/ ريما فيك شي؟ ريما/لا ندى/طيب شو رايك نطلع نتمشى شوي... ريما/مالي خلق اطلع,,, ندى/غريبة,,,,,,,(ريما مستحيل تقعد في البيت دقيقة وتدور الطلعة لو كانت تحت الارض) ريما/صدقيني مالي خلق.. ندى في بالها على حظي صار مالك خلق الطلعة,,,, ريما/.......... ندى/ليه في احد مزعلك؟ ريما بقوة/ماحد يقوى يزعلني...... ندى/طيب قومي انا عازمتك على كوب قهوة على حسابي.. ريما/بلا ها اللف والدوران وهاتي من الاخر ليه تبين تطلعين!!!! ندى انصدمت ان ريما فاهمتها بس ماحبت تبين ها الشي.... |
البارت الثالث... *ندى انصدمت ان ريما فاهمتها بس ماحبت تبين ها الشي.... ندى/ والله كنت ملانة وقلت خلينا نطلع نغير جو وبس!!! ريما مااقتنعت بس مزاجها مو رايق للاخذ والعطاء فقررت انها تسكت وماتعايي ندى في الكلام ريما بدون نفس/وين تبين نروح؟ ندى رجع لها الحماس/أي مكان انتي تختارينه.. ريما/انتي وش تبين ,,تبين سوق ولا بس قعدة.. ندى/امممممم,,,,خلنا نروح الراشد... ريما في بالها (الراشد معناته انك متواعدة مع احد ياندى وماهو طايفني الموضوع بس بمشيها لك لاني مو رايقة) ريما/امي عارفة انك تبين تطلعين؟ ندى/اللحين بدق لها وبقول لها.. ريما/ليش هي مو في البيت؟ ندى/لا..طالعة.. ريما/كا العادة يعني..... ندى/........... ريما/روحي دقي لها واذا عطتك الموافقة قولي لي علشان اتجهز,, زياد دخل البيت بعد صلاة المغرب ولقى ابوه قاعد بالصالة مع زوجتين من زوجاته ونص دزينة من العيال اللي كانت تلعب وتصارخ لدرجة ان ماحد رد عليه السلام يوم سلم لانهم ماسمعوه مع الفوضى اللي كانت قايمة باالصالة,,هز راسه وهو متضايق وتقرب من ابوه وحب راسه .. زياد/شلونك يبى.. الاب بدون اهتمام/الحمد لله....اي كملي وبعدين شصار؟ زياد وقف مكانه لحظات وهو وده يسال ابوه في ها اللحظة سؤال مر في باله (انت عارف انا منو؟؟؟)بس كسر الشر اللي في نفسه وراح المطبخ ياكل له شي لانه حس انه ميت من الجوع,,وبمجرد دخل المطبخ كانت وحدة من خواته هناك مع صديقتها اللي لقى نفسه محرج من وجوده بينهم بدون أي احم ولااذن ماتذكر هل هو اعتذر عن دخلته بدون استئذان ولالا كل اللي يعرفه انه صار بداره وتسكر عليه الباب لحظتها بس تنفس بهدوء,,,هذا مو بيت يستحيل انه يكون بيت!!!!هاذي الكلمة بس هي اللي طلعت منه في ها اللحظات,,,قعد على فراشه وهو يفكر بنفسه وسط ها البيت,,لااب ولاام ولااخوان رغم كثرته حوالينه!!!!! الاسباب معروفة اب منفصل عن الام ووجود زوجات اب وزوج ام,,,هذا الشي هو اللي بعده عن امه وابوه بس الاخوان ليش بعيدين رغم انهم ساكنين معه في نفس البيت!!!!!لانهم وببساطة يازياد ماديين بتعطيهم بيسلمون عليك ماراح تعطيهم شي ولاانت هامهم بعد..وانت خبر خير مو لاقي تاكل وتصرف على نفسك بتعطي بعد!!!!! في الراشد,,, ريما/مو كانك تتلفتين واجد ياندى؟ ندى مسوية انها عادي وهي ترجف والجوال في يدها/اتلفت!!!لا انا طبيعية... ريما/وين نقعد..لو ودك تدخلين تتفرجين على المحلات؟ ندى/بكيفك.... ريما/خلينا ندخل رباعيات..... في داخل المحل لفت ريما في جهة وندى مسكت جوالها تكلم من الجهة الثانية,,,,, ندى/ريما انا بروح دورة المياه وبرجع لك.. ريما/تبين اروح معك؟ ندى/لالالالالا ,, يعني انتي خليك هنا وانا مو مطولة بصلح كحلي وبرد... ندى مشت بدون ماتسمع راي ريما اللي مو مقتنعة بشخصية ندى اليوم بتاتا,,,, وريما ماتركتها مشت وراها علشان تشوف شنو سالفتها...... مساعد /اقول ماجد شخبار ريما؟ ماجد/وش فيك تقولها كذا لايكون تغار منها عشانها خويتي ماهي بخويتك؟؟؟ مساعد/من زينها عاد علشان انزل نفسي لها اللي هي احلى منها ماوطيتها بوطاها هي!!!! ماجد/مدري عنك .... مساعد وفي نفسه يذبح ماجد بس ليه مايدري... مساعد/اقول فهد بيكون هنا ليلة الخميس وابي اسويله سهرات محترمة .. ماجد/وليش لا يستاهل ابو فهيدان.. مساعد/يالله ابي افكارك يابو الافكار... ماجد/مايبيلها فيلتك اللي براس تنورة بعيدا عن العيون ,,,, مساعد/أي بس فيلا فاضية ماينفع ياماجد نبي شي يستاهل... ماجد/نورهان.... مساعد/ماابي نورهان بروحها... ماجد/اكيد انها ماراح تجي بروحها اذا انت قلت لها تبي البنات معاها... مساعد/انت بعدك تدق على ريما؟ ماجد بضحكة /ياليت من يومين وهي سافطتني ماترد علي ولاعلى رسايلي قلت يمكن ماعندها رصيد شحنت لها ورسلت بس مااشوفها دقت... مساعد في باله يقول احسن ياتتركنا اثنينا ولا لاتكلمك بروحك!!!!! كانت داخلة السواني علشان تشوف ندى اللي قالت لها انها بتروح دورة المياه بس دخلت هنا لفت بعيونها ولمحت شنطة ندى البيج ومشت في الاتجاه المعاكس للي ندى موجودة فيه وصارت وراها من الجهة الثانية... ندى كانت واقفة بجنب عبد الله اللي مبين انه اكبر من ندى في العمر وفي الجسم,,, ندى بصوت واطي وهي ماسكة بلوزة كانها تناظرها/عبد الله انا راح امشي مقدر اوقف اكثر.... عبد الله بنفس الهمس/حبيبتي لا..خلك معي خلنا نطلع نتعشى فوق... ندى/لا مستحيل مقدر,,,, عبد الله/الله يخليك.. ندى بعصبية خافتة/عبد الله انا وعدتك اشوفك بس ماكان ضمن الاتفاق اني اقعد معك!!! عبد الله/وهاذي يسمونها شوفة ياندى وكنا سارقين في ها المحل!!! ندى/خلاص حبيبي روح ومرة ثانية بنلتقي,,,, عبدالله/بس يا.... قاطعه صوت ريما من وراهم وهي تكلم بجوالها ومتقصدة تسمعهم,,, ريما/لاوالله انتظر اختي وقاعدة ادور على المحلات بلا فايدة,,,ولفت على الجهة اللي هم فيها وابتعدوا عبدالله عن ندى اللي من سمعت صوت ريما جمدت مكانها من الخوف,,,,,, ريما صارت قبال ندى كملت مكالمتها بسرعة وسكرت التلفون,, ريما/انتي مو قايلة لي انك بتروحين,,,,,وش اللي مجيبك هنا؟ ندى/ها..انا ريما/تعالي شوفي ها البلوزة تذبح...... مسكت البلوزة اللي كانت ورى ندى مباشرة وانزاح عن ندى هاجس ثقيل للحظات بس وهي تفكر معقولة ريما ماانتبهت لوجود عبدالله ,,مستحيل الا ريما مايفوتها شي بس معقولة يكون في بالها شي !!!!ورجع الخطر مرة ثانية بالسؤال هذا الى نفس ندى اللي حست انها ارتكبت اكبر غلطة في حياتها!!!! نورهان/أي حبي... مساعد/انا قلت عاد مايصير يجي فهد ومانعزمه على شي حلو ياحلو... نورهان بثقة/صاحبك وجد صاحبك في عيوني ياعيوني.. مساعد/ههه تسلم عيونك ياقلبي بس لاتخافين جد صاحبي يتوسد الثرى مايبيك في شي,,,الا انا ابي البنات كلهم معك يانورهان (وشدد على كلمة كلهم) نورهان/لاتحاتي بيكونون موجودين,,, مساعد/أي تعرفين انا مااحب ان باقي الشباب يقعدون فاضين لازم نسليهم شوي,,, نورهان/فهد بيكون معاه احد يامساعد؟ مساعد/ليش؟ نورهان/يعني احنا ثلاث بس.... مساعد/مو كنتوا اربع؟ نورهان/أي بس ريما خلاص بولش... مساعد وصل الطبلون عنده لمية وهو اللي ناوي يرمي نورهان على فهد ويستفرد بها المغرورة ريما ماراح تجي!!!!! مساعد/شلون يعني؟؟؟ نورهان/لاتشغل بالك اصلا ريما من زمان ما تناسبنا وكنت ناوية اتخلص منها ومن وجع راسه واللحين ارتحت منها.... مساعد بحزم/كيف تخلصتي منها؟ نورهان استغربت سؤاله بس ماطرى لها تساله/عادي صفنا امورها من بينا... مساعد/ليش انتوا مو اصحاب!!! نورهان/مو بالمعنى الصحيح... مساعد/شوفي نورهان خلينا صريحين مع بعض لو ماراح تجي ريما جيتك انتي واللي عندك مالها اساس!!!!!! نورهان/؟؟؟؟؟؟؟؟؟؟؟ مساعد/.............. نورهان/شنو يعني مالها اساس ممكن تفهمني!!!! مساعد/ماجد يبي ريما ويقول انها مطنشت ماترد عليه وهو مصر انها تكون وانا ماابي ازعله بصراحة... نورهان حست بالارتياح/بس كذا يعني؟ مساعد يحاول يضغط على نفسه/وش بيكون فيه شي ثاني.... نورهان/مدري خفت ان اصرارك على وجودها لك لوحدك؟؟ مساعد/ههه...انا اطالع بريما ؟؟لا انتي مو صاحية من زينها عاد!!! نورهان/على قولتك من زينها عاد هههههه في السيارة,, ريما/كنا طالعين نشرب كوفي شوفي وش شرينا؟ ندى/بنات وبنضل بنات مانعرف نطلع سوق ومانشتري شي.. ريما/على قولتك,,,,وطلعت جوالها من الشنطة ...وصارت تدق على ارقام عشوائية,,يوه بيطفي جوال النحس نديوة عطيني موبايلك.. ندى وبكل براة الدنيا عطتها الموبيال وريما مسوية انها قاعدة تنقل رقم من جوالها لجوال ندى علشان تتصل عليه وهي اصلا رايحة لااخر المكالمات اللي عند ندى واخذت رقم عبد الله اللي كانت ندى مخزنته باسم( اغلى صديقاتي علشان لااحد يشك فيها ) اخذت الرقم ودقت فعلا على رقم نور وسكرت وردت الجوال لندى علشان لاتشك فيها,,,,وهي في بالها الف سؤال وسؤال...في اليوم الثاني قعدت ريما على صوت الجوال واللي خلاها تضحك ان نورهان هي اللي متصلة ريما/متى بس بتعرفين ان مالك غنى عني يا...يانورهان ودقتها بزي ولقت انها داقة عليها اكثر من خمس مرات وراسلة لها ثلاث رسايل كلهم فيهم انها تبي تشوفها وتبيها ترد عليها,,, ريما بعد ماقرت الرسايل/ايوة يانورهان جينا فعلا لوقت تصفية الحسابات وكل واحد بياخذ نصيبه,,,, خلتها تدق مرتين بعد وفي الثالثة ردت وبصوت كله نوم ريما/خير ان شاءالله؟ نورهان/مابغيتي تردين هذا كله نوم!!! ريما/وش لك عندي علشان تساليني بالله؟؟ نورهان/........ ريما/في شي تراك ازعجتيني؟ نورهان/ريما ابي اشوفك.. ريما/ليه.. نورهان/ابيك بسالفة.. ريما/قوليها... نورهان/وليش ان شاءالله ماتبينا نشوف بعض... ريما/مزااااج نورهان/متى يناسبك نشوف بعض... ريما في بالها أي خليك كذا وامشي على اللي يناسبني يانورهان خانو.... ريما/اممممم يمكن الساعة ثمان.. نورهان/وش عندك العصر؟ ريما/مو شغلك... نورهان بتافف مسموع/طيب..موعدنا الساعة ثمان وين تبين.. ريما/اذا طلعت وشفت مكان راق لي عطيتك خبر وسكرت السماعة بوجه نورهان اللي كان ودها تذبحها بس امسكت تلفونها ودقت على مساعد وقالت له بكل عصبية/شوف هذا انا علشانك وطيت نفسي لها الخايسة اللي ماتستاهل!!! مساعد/وش فيك تصارخين؟ نورهان ضبطت نفسها/انت مو قلت تبي ريما ووجودها مهم هذا انا دقيت عليها.. مساعد كتم ضحكته وفرحته/وطيب وش صار بتجي,,, نورهان/انا ما كلمتها في الموضوع بشوفها الليلة وبتفق معها بس ترى انا ما اوعدك ريما ماتروح شقق ولا فلل يامساعد ماتطلع غير في اما كن عامة... مساعد/متى بتشوفينها؟ نورهان/الساعة ثمان... مساعد/ووين؟ نورهان/ماقالت لي حضرتها تقول اذا طلعت وشافت مكان راق لها بتعطيني خبر,,,,شفت شلون ناكرة الجميل!!! مساعد صار يردد بينه وبين نفسه كلمة ريما وهو يبتسم ويتخيلها هي تقولها (اذا طلعت وشفت مكان راق لي بعطيك خبر) شفيك يا مساعد على ها الريما انت ماشفتها غير مرة وحدة مرة وحدة بس يا مساعد ولاانت قادر تطردها من خيالك وافكارك ,,ريما صارت عايشة معك طول الوقت وفي كل مكان في عقلك,,,,, (خلونا نتكلم عن مساعد شوي,,,مساعد شاب في السبعة وعشرين من عمره مملوح لدرجة كبيرة ومهتم في نفسه ولبسه حييل يعني كاشخ ابوه من اصحاب المليونيرات في الخبر هي بيوت وهي عمارات وهي اسهم ومن كل مايخطر على البال ولها السبب مافكر انه يكمل دراسته خلص ثانوي وبالدف واستلم مكتب في شركة ابوه ولان ابوه عارفه انه راح يجي يوم ويغيب عشرة ماعطاه أي منصب في الشركة مجرد مكتب يقعد فيه لو حب وراتب ينزل له في اخر الشهر واوله وحتى وسطه!!!كل همه البنات والسهر والطيش وقت المزح يفلها مع ربعه بس وقت الجد تكون له هيبته وكلمته اللي يخافون منها ,,,) *ندى/لا مااتوقعها انتبهت ريما اعرفها زين لو شكت في شي تواجهك فيه علطول... عبدالله/انتي بس خويفة بزيادة وخليتي قلبي طول الليل يدق من كثر مايفكر في اللي ممكن يكون بينكم.. ندى/عبدالله ...انا مو قادرة اشيل خيالك من بالي ياعمري... عبدالله /والله انك ظلمتيني بها الشوفة ياقلبي ترى من جد انا ماقدرت اشوف عيونك... ندى/يالله عاد...لاتصير عيار.. عبدالله/ليه ماتلثمتي مثل ريما.. ندى بغيرة/انت كنت تناظر في ريما ياعبدالله!!! عبدالله بضحكة/اكيد اني بشوفها مو اختك جت مثل الاعصار بس ليه هي متلثمة وقاطة الدنيا وانتي نقاب ومضيقة عينك لدرجة انها مو مبينة!! ندى/.......... عبدالله/ها وين سرحنا؟ ندى/فيك.... عبدالله/في شنو بالضبط؟ ندى/وفي ولدك اللي بيطلع يشبهك؟ عبدالله بعصبية/انتي ماتنسين ها السيرة ابدا!!!لازم تنكدين الجو الحلو اللي نعيشه مع بعض !!!!! ندى بصوت باكي/مو بيدي ياعمري غصبا عني انا اتقطع كل مااتخيل ان في وحدة ثانية في حياتك وتشاركك كل اهتماماتك و... عبدالله بصوت عالي وعصبية/ندى ممكن مانكلم بعض؟؟؟بيكون افضل لي ولك لانك مو ناوية تخلينا نعيش مرتاحين!!!!! نور/الو... ريما/مرحبا نور/هلا والله..كيفك... ريما/بخير.. نور/زيين اللي جيت في بالك وتكرمتي تدقين علي.. ريما/........... نور بلهجة اسى/ريما انا اسفة مو قصدي تعرفيني مااثمن كلامي قبل مااقوله,,, ريما/نور...انتي ماتعرفين منو اللي كان مع ولد جيرانكم ذاك اليوم عند الجامعة؟ نور/لا... ريما/وماتقدرين تعرفين لي منو؟ نور/........مدري.. ريما/تقدرين تحاولين لي في الموضوع... نور حست ان ريما مصرة/طيب بس مااوعدك ياريما تعرفين انا ماعندي اخوان صغار اسالهم بس بحاول اشوف الموضوع.... ريما/اول ماتعرفين أي شي دقي علي طيب.. نور/ok ريما/يالله باي... على الساعة ثمان وربع ريما دقت على نورهان وقالت لها تلاقيها في الشاطىء مول ونورهان بدورها دقت على مساعد تخبره لانه وصى عليها تدق عليه علشان على قولته يخبر ماجد اللي ينتظر اتصال من ريما..... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , وش تتوقعون ريما تبي من زياد!!! عبدالله وندى والقرار المر!! نورهان وريما ومساعد!!! |
البارت الرابع.. على الساعة ثمان وربع ريما دقت على نورهان وقالت لها تلاقيها في الشاطىء مول ونورهان بدورها دقت على مساعد تخبره لانه وصى عليها تدق عليه علشان على قولته يخبر ماجد اللي ينتظر اتصال من ريما..... مساعد/انتي وينك؟ نورهان/خلاص بدخل المجمع.. مساعد/من أي بوابة بتدخلين؟ نورهان/الاولى..... مساعد/طيب لفي وراك قبل لاتدخلين.... لفت نورهان ولقته واقف هو وماجد...... قربوا منها وصاروا واحد يمينها وواحد شماله كانهم داخلين مع بعض.... مساعد بضيق/وهاذي مالقت الا ها المجمع التعبان!!!! (كان يبي يبين لهم اثنينهم انه ما يبي يجي بس علشانهم هم جا معهم,,,) نورهان دقت على ريما/وينك انا جيت الشاطىء.. ريما/فوق رايحة المطاعم,,,, وسكرت في وجه نورهان قبل لاتتكلم,,,, ماجد/ها وينها؟ نورهان بضيق/فوق في المطاعم,,,, ركبوا ثلاثتهم للمطاعم..... نور/احمد شلونك؟ احمد/اهلا.... نور/انت باي صف اللحين؟ احمد/في رابع ابتدائي.. نور/مشاءالله كبرت وانا احسبك بعدك بالاول... احمد(احمد اخو وائل الصغير جيران نور)/لا انا كبرت من زمان.. نور/الا بقولك احمد انا اليوم شفت وائل اخوك واقف ومعاه واحد منو هذا؟ كانت واقفة بوبايز تنتظر طلبها وبمجرد استلمته شافتهم ثلاثتهم ينتظرونها ريما وكعادتها حتى يوم جت عينها في عينهم عطتهم نظرة الامبالاة اللي تتميز فيها حتى اذا كانت في موقف صعب مشت للطاولات واخذت لها طاولة وقعدت وماجد ومساعد قعدوا في الطاولة اللي قبالها ونورهان سحبت الكرسي اللي جنب ريما وقعدت,,,, نورهان/............ ريما رفعت عيونها لماجد ومساعد اللي كانوا يناظرونها..... ماجد بصوت يسمعها/وين غايب القمر ماصرنا نسمع صوته؟؟ ريما بدون نفس/ماني رايقة لك..... ماجد تفشل بس ماحب يبين لها /في واحد اكرمش افضل مني ؟ ريما/فتحت لثامها وبدت تاكل وسط دهشة ماجد ومساعد اللي تعلقت عيونهم فيها بعد ماشالت اللثام من عليها... نورهان بضيق/انتي ليه زعلانة اللحين؟ ريما بدون اهتمام/وان شاءالله من منو بزعل؟ نورهان/يوم انك مو زعلانة ليه ماتردين على تلفوناتي؟؟ ريما/مزززززززززاج... نورهان/ليلة الخميس عندنا جمعة حلوة... ريما/مااتوقع انها بتشملني.. نورهان/أي بس بيدفعون لك شي معقول ياريما لاتتسرعين... ريما/مايهمني.... نورهان/ريما انتي ويش تبين؟ ريما بدون اهتمام/ماابي شي... نورهان/ريما لاتجنينيي.. ريما /انتي ويش تبين؟ نورهان/ردي الشلة... ريما ضحكت ضحكة قصيرة/هههه وبعدها ضحكت ضحكة طويلة كانها ضحكة انتصار اللي خلا نورهان تناظرها بغضب لاسيما ان مساعد وماجد ماشالوا عينهم عنها.. ريما/تبيني شنو؟ نورهان بضيق/اللي سمعتيه... ريما/واذا قلت لك لا.... نورهان/انتي جربي ها المرة واذا ماحسيتي نفسك راضية لاتردين... ريما/بلاش اجرب ماني راضية من اللحين.... نورهان/ريما انا ماراح اترجاك اكثر بتجين ياهلا وسهلا مابتجين بالناقص,,, وقامت وهي معصبة من مكانها وراحت تنزل مساعد يكلم ماجد وهو معصب منها/غبية وستين غبية مفكرة ان ريما بتجي بالاسلوب ذا!!!! ماجد/قوم بنشوف نورهان قبل لاتطلع خل نشوف وش بتسوي بتقدر عليها ولالا؟ ماجد لحق نورهان بسرعة لانها مهما يكون الاجمل.. اما مساعد فكانت فرصته الذهبية اللي نزلت عليه من السماء.. راح لها وتقرب منها وناظرها وهو منكس راسه على طاولتها وصاير قريب منها كانت تاكل ببرود عجيب ولاهامها شي بعد,, مساعد بهمس/اقول افضل لك تردين تتلثمين!!! رفعت عيونها له وقالت له بتحدي/الحفلة ليلة الخميس لك صح!! مساعد/شاطرة... ريما/ومنو اللي يبيني احضر ان شاءالله؟ مساعد بثقة/انا..... ريما/وليه... مساعد/ودي اكسر لك راسك... ريما/واذا قلت لك ماراح اجي.. مساعد/بتجين غصبا عنك.... قربت ريما منه وتسارعت انفاسه رغم انه متعود يكون قريب حييل من أي بنت يبيها حتى لو كان في مكان عام بس اللي صاير ان قرب ريما منه خله نبضاته تتسارع ومو داري ها السرمن شنو ريما باصرار وتحد ي وثقة/انا ماحد يجبرني على شي ماابيه اذا بغيت اجي بجي بكيفي واذا مابغيت لاتحاول تتعب نفسك معي لاني ماراح اجي.... قامت عنه ومشت وتركته وهو واقف يناظرها وهي تمشي وتتمختر في مشيتها ومو هامتها الدنيا وندم ان مارفع يده عليها وعطاها كف يبرد حرة ناره!!! رنا/عبدالله شفيك؟ عبدالله/ولاشي.. رنا/شلون ولاشي ... عبدالله/............. رنا/ليه ماطلعت؟ عبدالله بعصبية/يعني اذا طلعت ماهو باعاجبك واذا قعدت هم مايعجبك شتبين اسوي علشان ترضين حضرتك؟ رنا/.......... عبدالله/اوووف ياربي عيشة تقصر العمر.... قام عنها وهو معصب ودخل الغرفة وسكر الباب بقوة اهتزت لها اركان البيت كله وظلت رنا تناظر بالباب وعيونها تدمع هاالرجال غريب وفيه شي ماهو طبيعي ساعات احس اني اقرب من انفاسه وساعات احس انه مايكره الموت كثر مايكرهني ,,, وحطت يدها على بطنها تتحس البيبي اللي راح يجيهم هي وعبدالله بعد اربعة شهور(ياترى ها الضيف اللي بيجينا بيغيرك ياعبدالله للاحسن ولا للاسواْ؟؟؟؟) *طلعت من المول وهي بالها مشغول بشي ماهي عارفته وها الحالة اول مرة تصيبها وماهي عارفة اسبابها مرت جنب ماجد ونورهان اللي كانوا واقفين يسولفون وينتظرون مساعد ودق جوالها في نفس اللحظة اللي قربت منهم ولفوا اثنينهم عليها بس هي ماعطتهم وجه كملت تمشي بشويش وهي تنتظر التاكسي وردت على تلفونها بسرعة يوم شافت المتصل... ريما بلهفة/بشري.... نور/اسمه زياد.... ريما/امممم وبعد,,, نور/ريما هذا لاهو هامور ولاعنده فلوس ولاراح تاخذين من وراه غير الهم والفقر بس!!!! ريما/شنو يعني؟ نور/ابوه وامه مطلقين وهو عايش مع ابوه اللي متزوج اربع حريم و... وصل التاكسي ريما/سمعي نص ساعة وبدق عليك اخذ باقي الاخبار لاتنامين ولاتطلعين انتظريني,,ولاتدرين بمرك اللحين انتي في بيتكم,,,,طيب باي.. سكرت الباب ولقت سيارة مساعد توها بتتحرك من جنبها والنافذة اللي جنب السايق مفتوحة وكان مساعد يسمع كلامها دخلت التاكسي بدون ماتلف عليه,, طول الطريق وماجد ونورهان يسولفون وهم قاعدين ورى بس مساعد اللي كان قاعد جنب السايق كان باله مشغول حييل في ها الريما ليه مايدري!!!صحيح انها مو احلى بنت شافها في حياته لان اللي قاعدة وراه مباشرة ملكة جمال اذا ماقارنوها بريما بس ريما فيها شي عجيب شي يخليك تنجذب لها دون ماتحس ..اه ياريما بديتي تدخلين راسي اكثر و وتتعبيني من كثر ماافكر فيك ياعنيدة بس وين بتروحين من مساعد انا لك ياريما انا لك!!!!! في اخر الليل كانت ريما قاعدة بغرفتها ومطفية الانوار وحاطة لها موسيقى كلاسك وهي تتذكر كلام نور عن زياد(اسمه زياد الفالح من الدمام في سنة ثانية بجامعة البترول همه من العالم دراسته وبس ابوه وامه منفصلين عن بعض وهو ساكن عند ابوه ووائل صديقه من ايام الطفولة,,,,والعبارة اللي قالتها نور (ياريما هذا لاتفكرين انك بتاخذين منه ريال واحد لانه ولد فقر وماعنده ريال بجيبه!!!) أي بس انا ماابي منه ريال واحد انا ,,,,انا شبي منه؟؟شتبين ياريما منه وليه تسالين عنه ياريما ليه!!!!) ريما وهي تكلم نفسها/صحيح انا ليش مهتمة اني اسال عنك يازياد!!!!مافيك شي مميز منت وسيم ولاانت راكب مرسدس ولا كاديلاك علشان احس انك ولد عز وفلوس بالعكس صاحبك كان هو اللي بيوصلك ...بس فيك شي ...؟؟؟؟؟؟؟نامي ياريما نامي ابرك لك من ها التفكير) في اليوم الثاني.. كان ليلة البارح عصيبة على عبدالله وندى اللي اختار يفارقها بكل سهولة بس من ورى قلبه طبعا لانه مانام طول الليل وهو يفكر فيها ومتندم انه زعلها وقرر يتركها كذا بسهولة اما ندى كانت حالتها حالة كانت طول الليل تكتم شهقاتها مكتومة بقلبها لايمر احد عند غرفتها ويسمع صوتها بس دموعها ماكانت توقف ابدا وهي تفكر في نفسها وفي عبدالله حبها الاول والاخير صار لها سنتين تحب عبدالله وتزوج وبعدهم على الحب هذا باقيين ماعمره زعلها ولاهي فكرت تزعله صحيح كان يضطر في بعض الايام يغيب عنها وماتسمع صوته بس ماكانوا يزعلون من بعض ابدا بس ها المرة غير اصلا عبدالله صاير عصبي حييل ومايتحمل انها تجيب طاري زوجته او البيبي اللي بيجيه,,,, شسوي فيك ياعبدالله انا حياتي كلها ضايعة معك وراضية بها الشي بس انت اناني وماتفكر غير بنفسك,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,, نورهان فتحت عيونها بثقل على صوت الجوال/الو مساعد/شسويتي مع ريما؟ نورهان/هلا حبيبي الناس تقول صباح الخير بالاول... مساعد/ماقلتيلي امس شسويتي معاها؟ نورهان/مارضت تجي شتبيني اسوي معاها اترجاها يعني!!!! مساعد/شلون يعني... نورهان/لاتشغل بالك انا تكلمت مع ماجد امس وماكان متضايق حييل انها ماراح تجي اصلا هو متوعد على حركات البنات هاذي وعارف ان مافي بنت بتدوم معه علطول.... مساعد/تبين تفهميني انك انتي وماجد تقررون ان ريما ماتجي!! نورهان بضيق/مساعد شسالفتك انت قلت لي ان ماجد هو اللي يبيها وماجد امس يوم كان قاعد معي كان متقبل فكرة عدم وجود ريما معنا...لايكون بس انت اللي تبيها لنفسك!!!!!!! مساعد حس انه اذا شد مع نورهان في الكلام بيخسر الطريق المؤدي لريما فحب يستخدم اسلوب ثاني/ياعمري ياحلو انت..انا شسوي فيها وانت عندي السالفة يالغلا ان ماجد امس كان يحلم بقربك بس وينه من قال انك بتتركيني ليلة الخميس انتي لي ياعمري وانا ابي ريما علشان تكونين لي لوحدي وماجد تكون عنده ريما ومايضايقني.... نورهان لانها غبية وتفكيرها مو مثل ريما مشى عليها الكلام لاوصدقته بعد واقتنعت فيه ونفخت ريشها على الاخر/ادري حبيبي ادري بس انت تعرف... مساعد/المهم حبيبي الليلة انتي والبنات بتتسوقون على حسابي في المكان اللي تبونه نبيكم تكشخون لنا ليلة الخميس عندنا ضيف من الرياض مايصير بعد يقول بنات الشرقية مو مثل بنات الرياض!!! نورهان بفرح/عساك سالم يامساعد قول امين,,,,متى ؟؟ مساعد/وقت ماتبون كلميني؟ نورهان/طيب حبيبي..انا بخليك بكمل نومي علشان سهرة الليل يالله باي.... مساعد/باي ولاتنسين تجيبين ريما تتسوق معكم.... في سيارة التاكسي,,,, السايق بنفاذ صبر/ها نمشي؟ ريما بهدوء/انت مو في النهاية بتاخذ حسابك ليه ها الكلام كله بعد!! السايق/بس مايصير يابنت الناس احنا واقفين قدام ها الجامعة من اربع ساعات .. ريما/كلها بحسابها... السايق/صارت الساعة قريب الثلاث متى بنمشي؟ ريما ماردت عليه بس كانت عيونها تدور من النافذة على شخص معين وفي ها الاربع ساعات اللي هي واقفتهم قدام جامعة البترول مابين ابدا بس هي عندها امل انه بيطلع في أي لحظة وبتشوفه .....ومرت ساعة زيادة والسايق وصل حده من القهر والعصبية وقرر انه يمشي ويخلي ريما في الشارع بس الشخص اللي تدوره ريما كاهو بين توه طالع ومبين انه مامعاه وائل يعني شكله بياخذ تاكسي..... ريما بانفعال/روح جنب هذا اللي يمشي يامحمد شكله يبي تاكسي وصله وين مايبي وانا بدفع الحساب .....قالتها وطلعت عطرها من الشنطة وتسبحت فيه والسايق يناظرها بنظرات غريبة وفي باله الف سؤال وسؤال ومشى جنب زياد اللي كان مبين فعلا انه يدور سيارة تاكسي ومتوهق... زياد اشر على التاكسي وقاله من النافذة زياد/حي الحزام الاخضر.. السايق/اركب اركب... ركب زياد وهو مابعد انتبه لريما اللي كانت قاعدة وراه علطول ... اول ماركب تسند على على الكرسي وغمض عينه وكانه يطيح تعبه فيهم وفجاْة وبعد ماابتعدوا مسافة عن الجامعة ناظر السايق بنظرات غريبة.. السايق/خير ان شاءالله فيه شي؟ زياد/لا.....بس كانه عطر نسائي...... ريما دق قلبه وتمنت انه زياد مايلف ويشوفها.... السايق بدون اهتمام/وخير ان شاءالله مافي غيرك يركب ها السيارة؟ زياد سكت لان اسلوب السايق ماعجبه ابدا وظل ينشر في مذكرات الجامعة بدون نفس لين وصلوا للحي.. زياد/خذ يمين.......اطلع يمين بعد...خلاص ثالث بيت على يدك اليسار ايوه هذا..... زياد/كم؟ السايق/لا معليش اندفعت.. زياد بصيغة استفهام/كيف؟ السايق لف على ريماولف زياد معه يناظر و؟؟؟؟؟؟؟ محمد/عبدالله وش فيك اليوم؟ عبدالله/تركنا بعض.. محمد/متى؟ عبدالله/البارح... محمد/.........خيرة ياعبدالله خيرة.. عبدالله/أي خيرة يامحمد أي خيرة اقولك مانمت طول الليل من كثر ماافكر فيها... محمد/تسهر لك كم ليلة وماتنام فيها بس تعيش باقي ايامك مرتاح اسمعها مني... عبدالله/ مافي راحة وهي بعيدة محمد/ياعبدالله انتوا قاعدين تلعبون بالنار عبدالله/واحنا راضين ... محمد/لا منتوا راضيين...عبدالله انت متزوج وكلها كم شهر ويجيك ولد وتصير مسؤل عنه وهي ماادري أي عقل هذا اللي خلاها تربط نفسها بواحد مرتبط!!! عبدالله بتنهيدة/الحب.. محمد/هذا مو حب هذا جنون ياخوي جنون.. عبدالله/ومافي احلى من ها الجنون يامحمد ياليت كل ايامي تكون جنون في جنون وبقربها اه يامحمد لو شفت خجلها ذاك اليوم لو تسمع صوتها وبراْته مالمتني فيها وفي حبها بس شقول حظي ردي اللي ماخلاني اعرفها من زمان.. محمد/انت ماتقول لي وش ذنب بنت الناس اللي معذبها معك؟ عبدالله باستنكار/رنا!! محمد/ليه في غيرها في القضية مخدوع وعايش على الوهم.... ويش بتكون ردة فعل زياد اذا شاف ريما وهي شبتسوي!!!! هل بتجي ريما لحفلة مساعد ولالا؟؟؟ *ممكن تعطين جوال شوي اذا سمحت؟؟؟منو وليه!!!! *تراك تلعبين بالنار ومو حاسة خلينا نتفاهم احسن؟؟؟منو وليه؟؟؟ |
البارت الخامس.... محمد/انت ماتقول لي وش ذنب بنت الناس اللي معذبها معك؟ عبدالله باستنكار/رنا!! محمد/ليه في غيرها في القضية مخدوع وعايش على الوهم.... في السيارة كان الموقف متوتر للغاية ريما ولاول مرة تحس انها سخيفة وان حركاتها طايشة وصايعة وانها احرجت نفسها بها الموقف... اما زياد اول مالف ولاقاها قاعدة نزل عيونه وصار يتمتم بينه وبين نفسه بكلمات مبهمة ماقدرت ريما تفهم منها أي شي بس حست انها استصغار واحتقارلها.... وعلى هذا كله واحاسيسها اللي تحسها ماحبت تبين لنفسها انها غلطانة رفعت لاايها وقالت بكل شموخ/خلاص قلنا لك اندفعت!!!ماله داعي تعطل نفسك .. زياد تجرا ورفع راسه لها البنت/لو سمحتي انا,,,,,وصار يناظرها ووقف كلامه..كانت ريما بلثامها وبعطرها وباسلوبها تطيح الطير من السماء كيف به وهو عبد ضعيف لاحول ولاقوة!!!! ريما بهمس/ليه ها العناد قلت لك اندفعت وبعدين انا بيني وبينك حساب وبنتفق...... زياد ناظرها برعب وخوف/بيني وبينك حساب!!!!ليه؟ ريما بهدوء/تفضل هذا رقم جوالي.....ومدت له رقمها في ورقة صغيرة وصار زياد يناظرها مندهش من حركتها هاذي مجنونة لو عاقلة مايدري!!!!! شروق تكلم ريما/بس لقيتها.. نورهان/شلون... شروق/بدق على ريما وبقول لها اني الليلة ابي اشوفكم علشان ليلة الخميس عيد ميلادي وابيكم تعطوني افكار للحفلة اللي بسويها وبقولها انك انتي اعتذرتي عن جية حفلتي لانك مرتبطة مع مساعد ..ها شرايك؟ نورهان بقلق/أي بس ريما ماهي غبية وتصدق كل شي؟ شروق/واحنا شخسرانين انا بدق عليها وبقول ونشوف وش يصير بعدين .. نورهان/لاني اعرف ريما مو مقتنعة بكلامك شروق/احنا مو خسرانين أي شي خليني اجرب... نورهان/طيب دقي علي اول باول واعطيني التفاصيل.. شروق/تامرين يالغلا.... وائل/زياد وش فيك داق علي اطلع من الجامعة ومرني ابيك ضروري عسى ماشر؟ زياد/............ وائل/الاهل فيهم شي؟ زياد يتنهد... وائل وقف السيارة على جنب/زياد...زياد انا اكلمك شفيك.... طلع زياد من جيبه ورقة وعطاها لوائل اللي اخذها وقراها وناظر زياد بدهشة.. وائل/هذا رقم..شنو يعني؟ زياد/مدري اليوم صارت لي سالفة غريبة .. وائل/شلون يعني غريبة؟ زياد/طلعت من الجامعة ووقفت تاكسي وائل كاتم ضحكته/وبعدين شصار؟ زياد/مدري شقولك بس هاذي شكلها ماتتنازل اخذت رقمها وحطت داخل ملزمة الجامعة حقي وقالت لي انزل لانها تاخرت على بيتهم ولقيت نفسي انزل مثل ماقالت لي.... وائل/وانت شلي مضايقك؟ زياد/تقول بيني وبينها حساب !!! وائل/زياد...وش فيك البنات اللحين هم اللي يرقمون عادي!!! زياد/انا اتكلم من جدي ماامزح ياوائل.... وائل/ومن قال اني امزح يعني!!!! زياد/وانا شفيني علشان تغازلني وترقمني!!!!لاجمال ولاحلاوة ولاوظيفة ولا..... وائل/وهي ماسالتك عن هذا كله تلاقيها شافتك وقالت يالله.... زياد/...وائل كلمها انت وائل/بس هذا اللي تبيه ولايهمك بكلمها انا وبشوف لك السالفة وش تبي بعد!! زياد ناظره بنظرة امتنان معناها انا مااقدر اعيش بدونك... رنا/عبدالله احط لك الاكل... عبدالله/لا ابي قهوة بس اذا ممكن!! رنا/أي بس حبيبي مايصير انت ماحطيت شي في بطنك من امس والقهوة راح.. قاطعها عبدالله بعصبية/بتجيبن لي قهوة ولالا؟ رنا/خلاص لاتعصب اللحين اسوي لك... مشت بشويش من كثر ما الحمل متعبها ومن كثر ماهو ذابحها باسلوبه كان يفكر بندى في ذيك اللحظة ويفكر بعلاقتهم مع بعض معقولة هو يقدر يعيش بعيد عن صوت ندى لو يوم واحد!!!!كيف بيقدر يبتعد عنها طول عمره قلبها في راسه يمين وشمال حسها مو معقولة بس شيسوي الظاهر هذا اللي مكتوب لهم ان علاقتهم تنتهي لها الحد وبس!!!وانه لازم يفكر بالولد اللي راح يجيه..... ظلت ماسكة جوالها من اول ماردت البيت خايفة ومو دارية شتسوي ,,,, بيكلم,,,لالالاماراح يكلم,,,,لابيكلم,,,لالالاماراح يكلم,,,, وظلت على ها الحال لين دقت لها شروق.. ريما/اووووف منك يالمغثة عاد هذا وقتك... ريما/هلا شروق انا بدق عليك اول ماافضي باي.... ريما/اه.....ياربي دق ..دق وريحني,,,,, بس حظها كان طايح ومادق ومن كثر ماانتظرت غفت عينها شوي لين قعدت مخترعة على صوت الجوال وهو يدق كان الرقم غريب فرحت مووت بس في نفس الوقت حست نفسها مقبوضة ومو عارفة شتسوي.... ردت وبكل خوف الدنيا قالت/الو... وائل/هلا.... ريما/......... وائل/اممم..انا اللي عطيتيني الرقم اليوم بالسيارة... ريما/........... وائل/شكنتي تبين مني؟ ريما/........ وائل/انتي بعدك معي على الخط؟؟؟ ريما/أي... وائل/ماقلتيلي شتبين مني؟ ريما/ماابي منك شي؟؟ وائل/وليش عطيتيني الرقم حضرتك يوم ماتبين مني شي!!!! ريما بكل ثقة/بس انا ماعطيتك الرقم ياوائل!!!! وائل كان حاط الجوال سبيكر علشان يسمع زياد وانصفعوا ثنينهم وقاموا يطالعون ببعض... ريما كملت بثقة/انا عطيت الرقم زياد ... وائل/............... زياد صار قلبه يدق بسرعة هاذي اكيد ساحرة ولاانسانة مو طبيعية..... ريما/.................. وائل/شتبين منه يابنت؟؟ ريما/صاحبك على عيني وعلى راسي بس مالك شغل ابيه بسالفة تخصني وماابيك تعرفها!!!!! وائل/............... زيادلحظتها مو عارف شيقول ولاشيسوي هاذي بالها مبين عليه طويل وهو اول مرة في حياته يتمشكل مع بنت وشكلها عنيدة ومروحة على الاخر.... وائل/اذا حبيتي تقولين فاهلا وسهلا ماحبيتي فزياد مايبي يسمع صوتك باي حال من الاحوال!!! ريما/هذا كلامك طبعا مو كلامه!!! وائل/وليش بالله.... ريما/شوف وائل بلغه اني ابي اكلمه الليلة اذا ماكان عنده مانع واذا مو حاب يكلمني مو مشكلة ازوره في البيت انا ماعندي أي مشكلة!!!!! عبدالله/قدامك اربع.... رنا/الله يعين على الانتظار... عبدالله/اليوم بياخذون اشعة صح؟ رنا/...اي... عبدالله/........ رنا/عبدالله انت حاب تعرف اذا كان ولد ولابنت؟ عبدالله/ابيها بنت..... رنا/بنت!!! عبدالله/أي..... رنا/اممممممم...وش بتسميها؟ عبدالله/مدري مافكرت في اسمها بس طرى على بالي اني تكون عندي بنت...... رنا/الله يتمم بخير ان شاءالله..... عبدالله/ان شاءالله...... عبدالله مسك يدها وقال لها بدون مايحط عيونه في عيونها/رنا سامحيني اذا غلطت عليك في أي لحظة من لحظاتنا ترى انا طبعي كذا مدري شلون..ساعات لااحتمل ابدا!!! رنا بهمس/ولايهمك حبيبي انا عارفة انك تتعب مع العيال في المدرسة وماعندك غير البيت تاخذ طبيعتك فيه.....(عبدالله استاذ رياضيات) عبدالله ناظرها وحس انه ظالمها معه بعشرته بس ها الشي مو بيده كله من قلبه اللي يعانده!!! بعد صلاة العشاء في مجمع الظهران ريما/انا جنب نعومي انتوا وينكم؟ شروق/ول بعيدة انتي حييل احنا عند مونسون,,,,بتجينا؟ ريما/..........طيب... وبعد لفة على المحلات وصلت ريما عندهم وكانوا نور وشروق ونورهان في زارا ودخلت لهم ريما/احم احم.... لفوا عليها وشروق سوت روحها جاية تبوسها شروق/وحشتيني وينك انتي يادبا؟ ريما/موجودة انتي وينك وشخبارك؟ شروق/طبعا وصلك المسج ... ريما/أي وصلني.....وين الاستراحة اللي بتسوين فيها عيد ميلادك؟ شروق/في الخبر.....في العزيزية تحديدا...بمرك اخذك معي وقت اللي بروح؟ ريما/لا مايصير تمريني وانتي صاحبة عيد الميلاد,,عطيني بس الوصف وانا بدبر نفسي.... نور/هاي..... شروق بعدت عن ريما وجت نور تحضن ريما ريما تهمس لنور/لاتتكلمين معي قدامهم وسوي نفسك بعيدة عني طيب؟؟ نور/,,,,,, ريما بعدت عنها/انتي شلونك... نور/بخير... واخذت بعضها وبعدت عن ريما وراحت عند نورهان اللي كانت تناظر بريما من فوق لتحت بدون ماتتكلم... شروق/تعالي اختاري لك ثوب علشان بكرة... ريما/ليش ؟؟ شروق/حركات بلبسكم على حسابي.... وقاموا شروق ونورهان يضحكون مع بعض.... نورهان/اقول ريما لاتسوين روحك تسالين اختاري اللي يعجبك وحطيه عند الحساب وبس!!!! ريما/................. نورهان/شفتي شي.... ريما/لا ماعجبني شي.... شروق/نروح مكان ثاني... وطلعوا وتمشوا شوي ودخلوا بعدين والس...وصاروا يتمشون فيه ريما رفعت ثوب بنفسجي قصير ستاني في وسطه بروش لامع على شكل نجمة وصارت تقلب فيه...ويوم جت بتنزله لمحت مساعد واقف بره المحل ويناظرها هي من دون البنات..... ريما/نذلة صدق.....تقول تسوقي على حسابي اقطع يدي اذا مو مساعد جايبهم !!!!! ورمت الثوب وطلعت من المحل وصارت تمشي وهي مقهورة,,,,,,,, زياد/شسوي اللحين ياوائل؟ وائل/شبتسوي يعني لاتسوي شي؟ زياد/انا خايف من ها البنت ياوائل؟ وائل/من جدك انت خايف من بنت كلمتك في التلفون!!! زياد/*مدري احس انها بتوجع راسي في الايام الجاية..... وائل/لاتبالغ عاد يازياد!!! زياد/........ وائل/انت عشانك اول مرة تحتك ببنت وحاس بها الشي بس هاذي وحدة من بنات الشوارع لاتشغل بالك فيها.... زياد/................ وائل/خلاص عاد قلت لك لاتشغل بالك فيها واذا بغيت ابذبحها لك علشان ترتاح ها وش قلت!!!! زياد/اقول قوم وصلني البيت بكرة عندي محاضرة من بدري.... وائل/يالله قمنا..... في محل ماك,,,, ريما/عطني كحلة جافة... اللبناني/بدك شي تاني... ريما/لا... اللبناني/شوفي ها البلاشر جديد نازل كل البنات اخذوا منوه اليوم...جربي... ريما/عطني روج اورانج غامق.. اللبناني/من عيوني بدك شي تاني... ريما/واحمر غامق وبس!!!! ودق جوالها.. ريما/الو شروق/انتي وينك؟ ريما/اتسوق.... شروق/مو كنا مع بعض.... ريما/ذوقك غير عن ذوقي ومايصير يضيع علي الوقت وانا انتظركم قلت اخلص اغراضي.... شروق/طيب وينك اللحين؟ ريما/خلصت بروح اتعشى.... شروق/خلاص نلتقي هناك عند المطاعم.... نورهان/ها وينها.... شروق/تقول انها راحت تخلص اغراضها... نورهان/وبتجينا؟ شروق/لا بتروح تتعشى قلت لها ان احنا بنروح لها.... نورهان/اوووف منها كل شي تسويه بكيفها؟ نورهان تكلم لؤي/وين مساعد؟ لؤي/مدري قال بيروح شوي وبيرجع.....يالله مشينا... نورهان/يالله..... مساعد/والله احتست انا بها الثوب يوم اشتريه اللحين كيف اعطيها اياه بدون ماتعرف انه من عندي!!!! فكر يامساعد فكر كيف كيف..... وفي ماهو واقف يفكر شلون بيودي الكيس لها قطع عليه تفكيره صوت مو غريب عنه يكلمه لف وتفاجاْ!!!! ريما/ممكن جوالك لوسمحت؟ مساعد وقف يناظرها مو مصدق ويقول في نفسه هاذي من وين تطلع!!!! ريما/ممكن جوالك لو سمحت؟ مساعد/عطاها الجوال وهو يبتسم..... ريما اخذت الجوال منه وهي تقوله/شتبي؟ مساعد/شنو شبي؟ ريما/مدري ..اسال نفسك؟ مساعد/انا ابي منك شي انتي عاد؟؟؟؟ليه اعمى مااشوف المزايين!!!!! ريما/وليه تلاحقني يوم انك ماتبي شي!!!!! مساعد ضحك ضحكة احتقار بس ماهي طالعة من قلبه/انتي اللي جاية برجلك لي ياريما!!!! ريما/مو صحيح...انا جاية اشوف شسالفتك وين مالف الاقيك واقف وراي .. مساعد/.......... ريما/طيب لاتقول شي ورمت جواله على الارض جنبه ومشت بكل ثقة....... عيون وحدة بس كانت ملاحظة الموقف من بدا وشافت ان ريما هي اللي راحت لمساعد ففهمت علطول ان ريما هي اللي تلاحق مساعد وبكل غضب وتهور راحت لعندها ومسكت يدها بعصبية واخذتها على جنب... نورهان بعصبية/ريما بلا بياخة... ريما/شنو يعني؟؟ نورهان/انتي عارفة وانا عارفة ماله داعي نلعب على بعض....!!! ريما شالت يدها من يد نورهان وقالت بصوت عالي/عندك شي قوليه ماعندك وخري عني.... نورهان/زعلك علينا وانفصالك عنا وعرفت سببه ياريما؟؟؟ ريما بسخرية/لا الف مبروك يوم انك عرفتي..... نورهان/تراك تلعبين بالنار وانتي موقدها ياريما...مساعد لي وحدي ولاتفكرين انك تاخذينه مني لانك ماراح تشوفين خير ابدا!!!!!! *انا عارفة ان الحفلة راح تكون مختلطة وانها لمساعد بس راح اجي لغرض في بالي...لمنو بتقولها ريما؟؟ *ماراح تتكلمين عن عبدالله...ريما انتي شقاعدة تقولين؟؟كيف عرفت ريما عن علاقة ندى وعبدالله؟؟ *ابيك تكون اخوي وسندي(؟؟؟؟؟) *شبيكون بين ريما ومساعد وبيخليها تطلع من الحفلة؟؟؟ |
البارت السادس
* ريما بسخرية/لا الف مبروك يوم انك عرفتي..... نورهان/تراك تلعبين بالنار وانتي موقدها ياريما...مساعد لي وحدي ولاتفكرين انك تاخذينه مني لانك ماراح تشوفين خير ابدا!!!!!! ريما مشت بدون ماتلف على نورهان وهي تقول بكل ثقة/لاتحطين الفكرة في بالي ترى والله اسويها!!! ومشت عن نورهان اللي شبت فيها النار من ها الكلمة,,,, طبعا ريما قبل لاترمي جوال مساعد في الارض حط لها كيس الثوب في يدها بسرعة وهذا اللي خلا نورهان تشب بنارها اما ريما طنشته نهائيا من بالها وهي تفكر في زياد راح يدق الليلة لولا؟؟؟ ومشى الوقت بسرعة ورجعت بيتهم وظلت حابسة نفسها بدارها تنتظره يدق لين ملت من انتظارها ودقت على جوال وائل مس كوول ووائل طنشها قامت ارسلت له رسالة تقوله يخلي زياد يدق عليها لانها تنتظره,,,,, وبعد اكثر من ثلث ساعة اتصل فيها رقم غريب وفزت من مكانها لانها عرفت انه اكيد بيكون زياد,,,,, اما نورهان فظلت طول الطريق ساكتة حتى يوم كلمها مساعد ماردت عليه وظلت قاعدة مقهورة في غرفتها تفكر في ريما..... (هاذي حقيرة واذا بغت تعاند وتاخذه بتاخذه علشان كذا انا لازم ,,,,قطع عليها صوت جوالها مساعد هو اللي متصل وفتحت عيونها على وسعها معقولة هو بنفسه اللي داق!!!!بالعادة انا اراكض وراه وبالموت يرد.... نورهان بلهفة ماعرفته تخفيها/هلا... مساعد/هلا وغلا بالقمر الغالي... نورهان/متاكد؟؟ مساعد/وشو اللي متاكد بعد !!! نورهان/مدري عنك... مساعد/ليش شسويت انا؟ نورهان/نسيت ولاتتناسى؟ مساعد/لاهذا ولاذاك اذا عندك شي قوليه مباشرة!! نورهان/نسيت وقفتك مع ريما؟ مساعد/أي ريما...الا على فكرة وراها هاذي صاحبتك تلاحقني وين مااروح!! نورهان بغضب وانفعال/ريما تلاحقك؟؟؟ مساعد/أي تلاحقني شسالفتها ماتدري اني مادور الا مزايين وبس!!!!! نورهان/يعني الكلبة ناوية على الشر... مساعد بحذر/كيف يعني... نورهان/هاذي المشكلة اني مو قدها ومو قد أي شي تسويه؟ مساعد/خلها تولي عنك زين ليش منو قايل لك اني بعطيها وجه اصلا!!! نورهان/.......... مساعد/وش فيك ياجميل.... نورهان/ضيقت خلقي ريموه.... مساعد/ريموه هاذي ماتستحي خليها تولي عنك... نورهان/اووف منها.... مساعد/انتي من متى تعرفينها؟(بدت اللقافة عنده) نورهان/صار لي سنة وكم شهر... مساعد/بس!!!!سنة وكم شهر؟هذا ولي يشوفكم مع بعض يقول ربع من سنين.... نورهان/لا انا شفتها مرة بمجمع الشرقية النسائي وتعرفنا على بعض وصرنا شوي شوي نطلع مع بعض وتوثقت علاقتنا ببعض.... مساعد/كيف وضع اهلها؟ نورهان/تصدق مدري... مساعد/كيف يعني ماتدرين؟؟ نورهان/ريما ماتتكلم عن اهلها اصلا ولاعن صاحباتها ولاعن أي شي من ها القبيل.... مساعد/طيب انتي مازرتيها ولامرة في بيتهم... نورهان/لا..ولاوحدة من البنات زارتها اصلا انا ماادري وين بيتهم فيه!! مساعد/يعني علاقتكم في السوق وفي الحفلات بس!!! نورهان/ومو كل الحفلات ماتروح الا مطاعم ومجمعات وكفيهات والكورنيش.... مساعد(ياترى وش وراك ياريما بعد بعرفه) نورهان/وين رحت بافكارك؟ مساعد/معك بس قاعد افكر شقد انتوا غريبين اصحاب وماتعرفون عن بعض شي؟ نورهان/غلطان ...ريما تعرف عنا كل شي وكل ظروفنا وحتى اذا بغت تنوي على الشر عارفة وين تروح ولمنو تلجاْ بعكسنا تماما اللي ماقدرنا ناخذ منها حرف واحد طول مااحنا مع بعض!!!! مساعد(هذا لانك لوح وماتفكرين الحمد لله شكل بس بس من داخل فاضي!!!!!) نورهان/مساعد انت تقول ان ريما هي اللي لاحقتك اليوم صح ولالا؟ مساعد/انتي شاكة في اني اكذب عليك!!! نورهان/لا بس انا شفتك وانت تحط الكيس في يدها!!!! مساعد/الكيس ..تعرفين انها عطتني الكيس وقالت لي خل نطلع الخبر نتعشى وامسك كيسي ويوم قلت لها لا وحطيت الكيس في يدها كسرت جوالي!!!! نورهان بغضب/شوف بنت ال....اي صح انا شفتها تكسر جوالك؟ مساعد(يالغبية وماشفتي ان اكياسها كلهم في يدها شمعنى بتخليني امسك ها الكيس؟؟؟) مساعد/شوفي نورهان انتي امشي معها على الاخر وكاْنك ماتعرفين عن شي يعني اذا جت ليلة الخميس قعدي معها طبيعي وماكاْن شي صاير علشان لاتشك في شي....وبنشوف بعدين شبتسوي ريما هانم!!!!! ريما ردت بكل لهفة الدنيا/الو... زياد بصوت مرتجف/نعم.. ريما/هلا... زياد/هلا... ريما/......... زياد/......... ريما/......... زياد/احم احم..وش تبين مصحيتني من النوم؟ ريما باسف /كنت نايم انا اسفة لاني ازعجتك.... زياد/وش تبين؟ ريما تجاهلت سؤاله/فكرتك من هواة السهر.... زياد/وش اسوي بالسهرعاد؟ ريما/ليش انت مو عشقان!!!!!!! زياد/............. ريما/ليش سكت.... زياد/انتي وش تبين مني يابنت الناس!!!!! ريما/ابيك تكون اخوي وسندي..... زياد بدهشة/شنو!!!!!؟؟؟ ريما/اللي سمعته.....انا ماعندي اخوان ويوم انك كلمتني بذيك الطريقة ذاك اليوم جاني احساس غريب وخلاني افكر فيك طول الوقت.. زياد/أي يوم؟ ريما/يوم كنتوا عند الجامعة انت ووائل وسيارتنا كانت ورى سيارتكم وانا نزلت لكم.... زياد/أي....تذكرت...... ريما/صدقني ماابي منك شي...ابيك بس تخاف علي وتغيرني.. زياد/انتي تبين تتغيرين؟؟ ريما/مدري... زياد/شلون ماتدرين؟ ريما/خليني اشوفك بكرة زياد الله يخليك..... زياد/شنو اشوفك بعد!!! ريما/على الكورنيش.. زياد/لا طبعا.... ريما/خلاص اجل ندخل كودو ونلتقي هناك يالله باي... وسكرت بدون ماتعطيه مجال يتكلم وقامت تناطط على سريرها من الفرحة ووقفت لحظات وهي تناظر في الباب..المفروض بعد ها الصراخ والرجة تجيني ندى وتسالني شنو فيني بس ندى ماجت ولا اليوم شفتها شسالفتها هاذي!!!! عبدالله يكلم محمد/وهذا اللي صار؟ محمد/طيب معناته انت بديت تحس بغلطك تجاه رنا واحساسك بالذنب... عبدالله/بس انا مو قادر متقطع على ندى ابي اسمع صوتها واراضيها..... محمد/شيل ندى من بالك اللحين وخل تفكيرك في رنا وفي البيبي الجاي ياعبدالله... عبدالله/اكذب عليك اذا قلت لك اني اقدر اشيلها من بالي يامحمد مقدر.... محمد/انت ضعيف ياعبدالله ومخلي ندى وشبح ندى يركبون في حياتك ويهدمونها... عبدالله/انت ماتدري ها الندى وشهي لقلبي...هاذي قطعة مني يامحمد..... محمد/الله يعافيك من ها البلاء ولايبلينا فيه يارب!!!! وفي نفس الوقت بغرفة ندى كانت قاعدة على سريرها وتفكر في ها العبدالله وكيف علاقتهم مشت بسرعة و... طق طق طق ودخلت ريما.. ريما/نديوه...شفيك؟ ندى/هلا ريامي.... ريما/هلافيك.... ندى/تو مانورت داري... ريما/منتي جوعانة.؟ ندى/ليش تساالين... ريما/قومي خل ننزل المطبخ نسوي لنا اندومي بالخضار ونسولف مع بعض شوي يالله.. ندى/ انا مو جوعانة ياريما... ريما/بس اذا شفتيني اكل بتنفتح نفسيتك صدقيني انا اعرف حالي دايم افتح نفس اللي حواليني... ندى/هههههه ريما/يالله قومي..... وقاموا مع بعض ونزلوا المطبخ,,,,, ماجد/هلا مساعد وينك كل ماادق عليك ماترد؟ مساعد/يعني انا فاضي لك عندي طابور بنات ادق عليهم تبيني ارد على تلفونك؟؟ ماجد/المهم شسويتوا اليوم في المول؟ مساعد/عادي لؤي ظل وراهم يدفع حساباتهم وانا واقف بعيد عنهم... ماجد/وريما جت معهم؟ مساعد/تصدق مااخذت بالي..مدري والله... ماجد/الكلبة مطنشتني ماهي راضية ترد علي.... مساعد/منو قال لك افتح لها المجال على الاخر واشتر وتشرى لها شتبي فيك خلاص هي اللي اخذت حاجتها منك!!! ماجد/حريمتها والله ماني تاركها ليلة الخميس,,,, مساعد في باله(حريمتك انت انك تلمس منها شعرة ريما لي لوحدي) مساعد/الا شسويت في اغراض الحفلة.. ماجد/كل شي تمام,, مساعد/كلمت خوياتك يجون.. ماجد/ماله داعي جيتهم.. مساعد/منو قال لك ماله داعي انا مااضمن نورهان توها جديدة بس هذولا عارفينهم من زمان... ماجد/رايك كذا.. مساعد/أي...يالله هذا فهد على الخط الثاني برد عليه... ريما/امممم لذيذ ندى/رغم اني مااحب الاندومي ومااقدر على ريحته بس صدق فتحتي نفسي.. ريما/علشان تصدقيني..... ندى/.......... ريما/ندى شسالفتك انتي اليوم .. ندى بخوف/شسالفتي بعد مافيني شي؟ ريما/مو علي انا ياندى انا فاهمتك زين... ندى/..........متضايقة شوي... ريما/من منو؟؟؟ ندى/............... ريما/ندى انتي مو ناوية تتكلمين لي عن علاقتك بعبدالله؟ ندى بذهول/ريما انتي شقاعدة تقولين؟؟؟؟ ريما بصرامة/ندى انا عارفة كل شي بس ابي اعرف انتي عارفة ولالا؟ ندى/........... ريما/عارفة انك تكلمين واحد اسمه عبدالله وانك تحبينه.... ندى بدت دموعها تبكي.... ندى/ريما انا... ريما بدون مشاعر/ندى احنا بنات ونفهم على بعض..... ندى/............. ريما/طول عمرنا انا وانتي اقرب ناس في ها البيت اللي ساكنينا...... ندى/.......... ريما/من متى تعرفينه؟ ندى/انتي ماراح تقولين لاامي صح؟ ريما/علامك انتي ماعندك ثقة فيني!!!!!انا لو كنت ابي اقول كنت قلت من اول ماعرفت ياندى!!؟ ندى/انتي من متى تعرفين؟؟ ريما/من اليوم اللي خليتيني اطلع معك السوق علشان تشوفينه؟ ندى مو مصدقة/انتي شفتينه ياريما!!!! ريما/أي... ندى/بس مابينتي شي ولاقلتي أي شي.... ريما/مو هذا موضوعنا...انتي من متى تعرفين عبدالله؟ ندى تنهدت تنهيدة حزينة/من سنة ونص تقريبا.. ريما /وهو يلعب عليك ومعلقك وقايل لك بيجي يتزوجك!!!! ندى هزت راسها نفي/لا ياريما هو ما يلعب علي هو طلبني مرة للزواج وانا رفضت اعطيه أي معلومات عني و...احاولت اصده وفعلا بديت اطنش اتصالاته لي وقال لي مرة ان اهله يبون يزوجونه وهو مايبي غيري وانا قلت له اني ماراح اخذه واهلي ماراح يوافقون وتزوج .....وبعد فترة بسيطة من زواجه رجعنا لبعض بشوق ولهفة اكبر مماكنا متصورين بس بعد شنو بعد ماراح مني وصار لغيري ..... ريما/تحبينه ياندى!!! ندى/هو كل حياتي.... ريما/طيب ليش ضيعتي من يدك يوم انك تحبينه؟ ندى/كنت خايفة انه يكون يتلاعب بمشاعري وبعدين يتركني مدري ليه ماحسيت بالامان علشان اعطيه اسمي وثقتي خفت ياريما خفت..... ريما/انا مالومك ياندى مالومك,,,,,بس كيف بتكملين معه وهو متزوج؟ ندى/بس احنا انفصلنا ياريما ,,,,,,,,,,,,,,,,,,, ليلة الخميس في استراحة مساعد اللي بالعزيزية,,,, نورهان/مشاءالله هذا فهد... فهد/أي هذا فهد ماعجبك يابنت الشرقية؟؟ نورهان/حشى والله زين الشباب..... (فهد صاحب مساعد الاول رغم انه مساعد بالخبر وفهد بالرياض بس لهم نفس الملاحة والاناقة والاسلوب المتعجرف!!!) فهد/ماشفنا حركاتكم ياهل الشرقية!!!! شروق/لاتخاف كل الي ودك اياه بيصير..... كانت الاستراحة مقسمة لعدة مجالس بالاضافة الى بركة السباحة وهم كانوا قاعدين في اصغر مجلس فيها واللي راح نصه على البوفيه والديجيه فكانوا كلهم قريبين من بعض... وفي ها اللحظات وصل مسج لشروق قرته وناظرت بنورهان.. نورهان/فيك شي؟ شروق/من تتوقعين داز لي مسج ؟ نورهان بلااهتمام/مدري.. شروق/ريما..... عقل مساعد في ها اللحظة قرب عندهم هو وعيونه..راحت للجوال اللي دفته شروق على نورهان علشان تقراه(انا عارفة ان الحفلة مختلطة وانها تخص مساعد بس راح احضر لغرض في نفسي) مساعد/شتقصد؟ نورهان بعصبية/اللي هي ناوية عليه اكيد... مساعد بهمس/قلت لك اعقلي وطنشيها وبنشوف نهايتها مع ها الريما؟ نورهان/طيب بس اذا استفزتني... قاطعها مساعد بلهجة امر/بتطنشي في كل الاحوال.... ورجعوا يسولفون مع بعض ثاني وكل واحد انشغل باموره...................... واول ماانفتح الباب من جديد تعلقت كل الانظار بريما وهي تدخل مع عبايتها اللي مطرزة من فوقها لتحتها وصايرة اشبه بثوب سهرة....... ريما بصوت عالي/هااااااااااي.... ماجد وهو كاتم ضحكته/هاااااايات والله..... ريما قعدت قبال مساعد وفهد وفتحت العباية علشان يشوف مساعد الثوب اللي عطاها اياه وشالت شيلتها كانت صابغة شعرها ثلجي ومسشورته وقاصته طبقات كان شكلها جنان وها الكحلة اللي مذوبة عيونها عاطيتها هيبة اكثر..رفعت راسها ولقتهم كلهم يطالعون فيها .. ريما/ههههههه مساعد/حشى لله ماانتي صاحية؟ ريما/لا بس شكلكم تحفة وانتوا تناظروني... فهد/ماعرفتني عليها؟ مساعد بدون نفس/هاذي ريما صاحبة نورهان...... فهد/هلا وغلا.. ريما اكتفت بانها تطالعه من فوق لتحت بدون أي تعليق وكانها تفحصه!!!!! وانتبهت على ماجد ... ريما /هلا والله وينك انت؟ ماجد ماصدق على الله سمعها طيران وقعد جنبها/انا ويني ولاانتي يالنكابة اللي وينك؟ ريما/موجودة ماجد/شحن وشحنت لك ليه ماتدقين علي؟؟ ريما بثقة/عشان ماكان لي خلق......بالاذن وقامت البوفيه وحطت لها صحن من مالذ وطاب وجت تكمل سوالفها مع ماجد وشروق ونور اللي انضموا للمجموعة... ريما/الله اللزانيا شي.... ماجد بهمس/لعيونك يالغالي... ريما بصوت عالي وهي تناظر في مساعد اللي يناظرها بين وقت والثاني/تسلم عيونك يالغلا..... شروق/ثوبك يجنن .. ريما/اكيد ذوقي.... نور/متى صبغتي شعرك...؟ ريما/الصباح رحت الللمسة.....قلت مساعد غالي ويستاهل نغير له!!!! نورهان رفعت راسها لريما وناظرتها ريما بتحدي وانفتح الباب من جديد ودخلوا اربع بنات وكانوا يناظرون في ماجد.. ريما /قوم لربعك يناظرونك..عادي احنا بنكيف امورنا... وابتسم لها ماجد بنظرة انه بيرجع يسولف من جديد.......وقام لضيوفه.. اما ريما طلعت من شنطتها علبة مكياج... ريما/بما انكم كلكم متمكيجين فمايصير شكلي يصير غلط بينكم انا بعد بقوم احط لي مكياج وبرتب شكلي..... ووقفت وسالت مساعد ريما/اقول مساعد وين المريات؟ مساعد/قبل الباب على يدك اليمين.. ريما /يعني مافي غيرهم لازم اطلع للحر !!!! نورهان/اول مرة تفكرين تحطين مكياج مالك بالعادة؟؟ ريما/يمكن لان الليلة غير؟ فهد وهو يناظر ريما ونورهان/اكيد الليلة غير مو احنا بالشرقية!!! ريما اخذت اغراضها وراحت للباب/طبعا...اقول شروق حطيلي لزانيا وتبولة برجع اكلهم !!! *وائل/ماقلت لي شسويت معها البارح؟ زياد/مدري شتبي مني ها البنت؟ وائل/ليش؟ زياد/تبينا نشوف بعض.. وائل/ليش؟ زياد/مدري تقول لازم نتفاهم.... وائل/تتفاهمون على شنو بالضبط؟ زياد/تقول ابيك تغيرني... وائل/تغيرها!!!!! زياد /هاذي البنت اللي كانت عند الجامعة ذاك اليوم تذكرها يوم تكون سيارتنا ورى سيارتها!!! وائل/أي تذكرتها.....غريبة ... زياد/كان المفروض اني اشوفها اليوم بكورنيش الخبر بس انا اعتذرت منها وقالت اجل بكرة وماعندك أي مجال للاعتذار!!! وائل/........... زياد/احس نفسي بغرق بدوامة ماني قدها ياوائل.... *مساعد يهمس للؤي/ريما تاخرت قالت بتصلح مكياجها وصار لها ساعة ومادخلت روح شوفها؟ فهد /بنات اهم شي مكياجهم عادي لاتستغرب؟؟؟؟ مساعد/وانت الصادق...... رجع لؤي وكلم مساعد بهمس ومساعد تغيرت ملامح وجه لؤي/سالت البواب عنها لاني ماشفتها واقفة برى قال لي انها طلعت من زمان لانها خلت سواقها ينتظرها!!!!! مساعد بقهر الدنيا/بنت ال.......سوتها وطلعت لكن وين بتروحين مني ياريما وين؟؟؟؟؟ |
البارت7... لؤي/سالت البواب عنها لاني ماشفتها واقفة برى قال لي انها طلعت من زمان لانها خلت سواقها ينتظرها!!!!! مساعد بقهر الدنيا/بنت ال.......سوتها وطلعت لكن وين بتروحين مني ياريما وين؟؟؟؟؟ ماجد بلهفة/وين ريما شباب؟ نورهان/راحت تصلح مكياجها.... فهد بصوت عالي/اقول مالت عليك بس..... نورهان ناظرته بنظرة غضب وجت بتتكلم بس هو كان اسرع منها.. فهد/صحيح انكم تاخذون عشرين ساعة بها المكياج وانتوا تصلحونه بس رفيقتكم انحاشت ..طلعت... نورهان مو مصدقة/طلعت!!!!وين راحت؟ مساعد/؟؟؟؟؟؟؟؟؟؟؟؟ ماجد/منو قال انها طلعت؟ لؤي/سالت البواب عنها وقال انها ماخلت سواقها يمشي وبعد ماطلعت من الاستراحة ماراحت تصلح مكياجها مرة ثانية طلعت من الاستراحة بكبرها!!!!! ماجد/؟؟؟؟؟؟؟؟؟؟ فهد يكلم مساعد/هاذي شكلها جديدة على المهنة..... نورهان/مساعد........ مساعد ناظر بالكل/ياجماعة كملوا حفلتكم عادي ماصار شي وبعدين ها الحشرة شبتاْثر علينا فيه انا ابي افهم لو كانت موجودة اصلا!!!!!! دخلت البيت وهي مرتاحة نص ونص,,,صحيح هي لعبت باعصابهم اللحين وبيسئلون عن غيابك ..بس ياريما انتي ماسويتي اللي تبينه...ماحطيتي حد لمساعد ومارفعت ضغط نورهان مثل ماخططتي!!!!الظاهر الوقت مشى بسرعة اليوم..يالله ماراح تكون المرة الاخيرة اللي نشوف بعض فيها.... شالت عبايتها وقعدت على فراشها ودقت على زياد..... ريما في بالها(اللحين ياماراح يرد يابيكون في سابع نومة وهاذي سالفتي معه!!) زياد/الو.. ريما بدلع/غريبة مانت نايم!!!! زياد/يمكن لاني توقعتك تدقي!! ريما/طيب وليه مادقيت انت؟ زياد/انا ماابي منك شي .... ريما/امم...شلونك.... زياد/الحمد لله... ريما/وشخبار الجامعة.. زياد/ان شاءالله خير.... ريما/وش فيك ...كاْنك قاعد بلجنة اختبار!!!! زياد/بصراحة انا خايف منك!!! ريما /هههه خايف مني ....ليه؟ زياد/وش تبين مني.... ريما/قلت لك... زياد/مو صحيح... ريما/يعني انا اكذب عليك!!!! زياد/انا ماقلت كذا..بس كلامك مو مقنعني ابدا!!! ريما/ومتى بشوفك؟ زياد/............. ريما/سالتك متى بشوفك... زياد/........... ريما/يعني ممكن اني اجي اتغذى معكم بكرة واتعرف على اهلك مرة وحدة!! زياد بعصبية ضعيفة/لاتستخدمين ها الاسلوب لاني مااحبه!!! ريما ببرود/أي اسلوب..... زياد/اسلوب التهديد هذا حقك.... ريما/انا مااهدد يازياد انا اذا الشي دخل مزاجي اسويه بدون مااشاور....... كان جوالها ذابحها من كثر الاتصالات اللي جوها من نور وشروق وماجد وحتى نورهان بس هي مطنشتهم وبايعتهم ومكملة مع زياد...... زياد/...ليش انا بالذات يعني!!! ريما/قلت لك بس انت مو راضي تصدقني... زياد/........ ريما/بشوفك بكرة... زياد/شوفي انا واحد جبان وخويف وموقد اني التقي فيك ابدا!!! ريما/ياباب احنا بنلتقي في مطعم وبنتعشى ماحد له عندنا شي!!!! زياد/انتي دايما جريئة كذا!!!! ريما/وانت دايم جبان كذا!!! زياد/أي انا جبان ومو قد ها الحركات!!!! ريما/الله يعين حبيبتك عليك... زياد/لاتجيبين ها السوالف لاني مااحبها.... ريما/ياي عليك.....متى بشوفك؟ زياد/خليها في كورنيش الدمام مقدر اروح الخبر بكرة!! ريما/الدمام ..الدمام وش ورانا.....خلاص بنلتقي في بيتزا ان... زياد/متى؟ ريما بفرح/وقت ماتبي؟ زياد/ليه لو قلت لك الساعة وحدة بالليل راح تجين؟ ريما بثقة/طبعا.... زياد/ووين اهلك عنك تطلعين ها الوقت!!!!!! ريما/اشوفك بكرة على الساعة ثمان وربع ..باي.... تقلب في فراشه مرات ومرات والنوم مجافيه مو قادر ينام,,,ياترى نمتي ياندى لو لساتك صاحية!!!تفكرين فيني ولا خلاص نسيتيني!!!! انا مو قادر اشيلك من بالي...لافي وجودها ولا في غيابها...سامحيني ياندى لاني قسيت عليك سامحيني بس كان كله من ورى قلبي صدقيني.....انتي مو عارفة انتي شنو بالنسبة لتفكيري وقلبي اللي انتي شاغلتهم.... مسك جواله وكان بيدق بس غير رايه واخذ جوال رنا وطلع من غرفة النوم ودق على رنا منه.... بس خابت اماله انها ماردت عليه رغم انه عارف انها ها الوقت ماهي نايمة ...كانت تسهر معه ي مثل ها الوقت كل ليلة!!!!بس في نفس الوقت فرح لانها ماترد على أي رقم يتصل فيها!!!!! ورجع جوال رنا مكانه ودخل فراشه وحاول يشيل ندى من باله وينام........ وقبيل الفجر ...... كان مساعد قاعد بالاستراحة قبال البركة وهو يدخن سيجارته والمكان موحش وفاضي بعد ماانتهت حفلتهم وتفرقوا..... كان يفكر في نقطة وحدة في ريما.....يعني هذا اللي كانت تقصده في رسالتها بتجي لغرض في نفسها ...انها تجي وبعدين تهرب قدام عيوني بدون مااقوى اسوي شي لها!!!!!! بتتلاعبين في مساعد ياريما...ماعرفتي مع منو تلعبين ..انا لك ياريما انا لك وبطول بالي قد مااقدر ..و... ومسكت كتفه يد من وراه التفت لقى فهد... مساعد/انت مانمت؟ فهد قعد جنبه/بلى غفت عيوني بس لاني حطيت في بالي انك ماراح تنام وقلت لازم اتكلم معك؟ مساعد/ومن قال لك اني ماراح انام!!! فهد/لاني صاحبك واعرفك زيييييييين... مساعد/........ فهد/ماراح تسولف لي عن ريما؟ مساعد/وش فيها ريما؟ فهد/انا اللي اسال يعني انا اللي ابي اعرف سالفة ريما؟ مساعد/مافيها شي... فهد/مو علي يامساعد....قبل لاتجي ريما وانت قاعد على اعصابك كانك تنتظر خبر عنها واول ماقريت المسج اللي ارسلته لخويته تبدلت الوانك زيادة وانت محتار وش بتسوي ريما..ويوم دخلت علينا صدق تبدلت احوالك ياخوي...ويم انك عرفت انها طلعت صرت للجمود اقرب......شسالفة ريما معك يامساعد.... مساعد/صدقني ماعندي سالفة معها..... فهد/مو علي.... مساعد/ هاذي صيدة جديدة وماقدرت اطولها..ومدوختني بلسانها الطويل وحركاتها الطايشة قلت لازم ااْْدبها واحط حد لتصرفاتها بس هي اللي ادبتني اليوم.....وبس هاذي سالفة ريما... فهد/متاكد؟ مساعد/صدقني.... فهد/اخاف يتطور ها الشي ويصير ح... مساعد/فهد!!!انت عارف ان ها الشي مايصير وادوس عليه الف مرة قبل لايصير..وبعدين هذولا للتسلية بس....لابغيت احب بحب وبتزوج..... فهد/اممممممم بس شاطرة ها الريما اللي مدوختك؟ مساعد/ههههه فهد/من زمان وانت تعرفها؟ مساعد/حوالي اسبوعين ولا اكثر بكم يوم بس؟ فهد/وكم مرة قدرت عليك؟ مساعد/لا عاد هاذ ي اهانة وانا ماارضاها منك انا توني اعزمها اول مرة....انت قوم نام وبكرة اقول لك عن سالفتها هي وربعها .... فهد/يالله تصبح على خير..... وبعد مادخل فهد رجع يفكر في ريما من جديد ويفكر كيف يستدرجها مرة ثانية بس هاذي يبيلها تفكير على رواقة لان المشوار بيكون طويل معك ياريما....واستوقفه شي وابتسم,,,,,(سويتيها ياريامي ولبستي الثوب....بداية حلوة) في اليوم الثاني..... عند كلية البنات بالدمام.... ندى/مها انا بروح في الباص... مها/يالله اكلمك لاوصلت البيت..... وركبت ندى الباص وصار ينزل كل بنت عند منطقتها لين وصل دور ندى ونزلت وصارت تمشي والدنيا ضهر والشارع فاضي لانه جانبي مو شارع عام ووقفت سيارة كانت تمشي وراها ونزل منها رجال ونداها؟؟؟؟؟؟؟؟؟؟؟؟؟؟؟؟ عبدالله/ندى... ندى لفت عليه مو مصدقة/عبدالله...!!!! عبدالله/ندى... ندى/عبدالله..عبدالله!!!!!كيف وصلت هنا؟ عبدالله/كنت واقف على باب الكلية واول ماطلعتي مشيت ورى الباص اللي انتي فيه... ندى/وكيف عرفتني وانت ماشفتني غير مرة وحدة في حياتك بس!!! عبدالله/قلبي هو اللي دلاني عليك... ندى/......... عبدالله/ندى..عمري انا اسف لاني زعلتك ..صدقيني انا مو قادر اوقف عن التفكير فيك ولالحظة ياندى!!! ندى/امشي قبل لايشوفك احد واقف معي واتمشكل... عبدالله/بدق عليك بس امانة تردين!!!! ندى/طيب امشي.... عبدالله/ابيك توثقين من شي واحد بس اني طول الوقت كنت افكر فيك وماقدرت ابعد اكثر من كذا!!!! مشت ندى عنه وهو ركب سيارته ومشى واول مادخلت صالة بيتهم تنفست الصعداء وغمضت عيونها تسترخي وفزعت يوم احد ناداها.. ام محمد/ندى...وش فيك؟ ندى بفزع/ها..مافيني شي.. ام محمد/شلون مافيك شي...انتي خايفة من شي؟في شي في الشارع مخوفك؟ ندى/لا يمه بس كنت امشي بروحي في الشارع وخفت شوي... ام محمد/ليش وين مها بنت الجيران؟ ندى/باقي لها محاضرة وانا طلعت قبلها.. ام محمد/ماحد قال لك ماتنتظرينها؟ ندى بفشيلة/كنت جوعانة ونعسانة وقلت بدل قعدتي فاضية ارجع واصلي واتغذى وانام... ام محمد لبست عبايتها/معناته اطلبي لك غذاء من بره.. ندى/.......يمه انتي طالعة؟ ام محمد/أي... ندى/وين بتروحين؟ ام محمد/ليش تحقيق؟ ندى/لا ..بس وين بتروحين في ها الضهر.... ام محمد/ام نادر عازمتنا على الغذاء اليوم في الشاليه...... ندى(كل يوم اسم ولاالشخصيات احنا مانعرفهم!!!) الليل على كورنيش الدمام.... مساعد/ها وش رايك في دمامنا وكورنيشها... فهد/ليش اول مرة اجي الدمام ولا اشوف الكورنيش....!! مساعد/ههههه على الاقل قول حلو مجاملة.. فهد/مايحتاج انا مااعرف اجامل.....بس تصدق كورنيش الدمام احلى من كورنيش الخبر..ذاك احسه ضايع بها المطاعم اللي حوالينه!! مساعد/تبي تمشي ولاتقعد؟ فهد/خلنا نقعد شوي وبعدين نمشي... مساعد/يالله.... *وفي جهة ثانية.... ريما/ها وصلت... زياد/ماتبينا نبطل عنها؟ترى بعدك عندك وقت!! ريما كتمت ضحكتها/لا..انا واثقة من قراري... زياد/بس انا خايف... ريما/ههه من شنو خايف بعضك انا!!!! زياد/........... ريما/انا واقفة عند بوابة العائلات وينك انت؟ زياد/انا عند بوابة الافراد..... وصار قبالها... ريما/وش فيك قرب؟ زياد/لا ماابي ادخل.. ريما/طيب.... زياد/وشبتسوين؟ ريما/بجي عندك.. زياد/وش تسوين عندي...؟ ريما/مالك شغل بس شوف هذا اللي واقف وراك.... لف زياد ومالقى احد ولف لجهتها لقاها جنبه ومايفصل بينهم شي.... زياد نزل راسه للارض/......... ريما/اذا ماتبي ندخل خل نقعد هناك شوف المكان فاضي عند ذيك الشجرة وبطلي خوفك شوي ماصارت!!!! زياد مشى وراها بدون مايتكلم..... وقعدت ريما على الكرسي..... ريما/تعال اقعد!!! زياد/مايصير نتكلم وانا واقف؟ ريما/انت تخوف نفسك بنفسك!!!!!!وش بيصير لو انك جلست!!!! زياد/وخري على اخر الكرسي..... ريما/طيب,,,,,,,,,,,,,, قعدت ريما باخر الكرسي وقعد هو على الطرف وهو مرعوب ومو قادر يرفع راسه... ريما/زياد.....انت من الدمام؟ زياد/وليش تبين تعرفين؟ ريما/وليش ماتبي تجاوبني!!! ندى بعد شوفة عبدالله في الشارع تقلبت لها شويات في الفراش لين نامت وماقعدت الا على صوت الجوال يرن.. ندى بصوت نايم/هلا.. عبدالله/نايمة حبي... ندى/أي...ليه كم الساعة اللحين؟ عبدالله/الساعة تسع الا ربع... ندى/واااو ...نمت من الظهر للحين متواصل!!! عبدالله/و لاهمك عبدالله طبعا!!!! ندى اعتدلت في قعدتها/شلي خلاك تتشفق علي وترحمني وتكلمني؟ عبدالله/لا تحسسيني بالذنب عاد!!! ندى/انت كنت تنام ومايهمك شي بس انا كنت اعاني طوال الليالي اللي بعدت عني فيهم!!! عبدالله/مو صحيح ياندى مو صحيح يالغلا!!!والله اني ماكنت انام الليل كثر مافكر فيك؟ ندى/تفكر فيني وانت جنبها؟؟ عبدالله محاول يمسك اعصابه/ندى!!!خلاص مانبي نفتح ها الموضوع؟ ندى/ليه!!!اصلا منو غيري يعذبه ها الموضوع؟ عبدالله/من يقول انك الوحيدة المتعذبة من ها الوضع؟؟ ندى/ليش انت عندك شك فيه؟ عبدالله/انتي ليه مو راضية تصدقيني اني عايش بها النار اكثر منك؟ ندى بدت تبكي وماردت عليه... عبدالله/ندى..انا مقدر استغني عنك وانتي ماتقدرين تستغنين عني ....خلاص شيلي ها الموضوع وخلينا نعيش مع بعض بطبيعية وبدون مانجيب ها الموضوع بينا!!!! ندى/انا احس نفسي بموت.....لمتى بقدر اتحمل ها الوضع!!!!!يافراقك وناره....ياقربك وناري لانها جنبك!!!! عبدالله/ندى خلاص....شيلي ها الموضوع من بالك اذا لي خاطر عندك؟ ندى/وانا مالي خاطر عندك...ماتحس اني مجروحة بدونك ومجروحة وانا معك!!!! عبدالله/والحل؟؟؟ ندى/.....الفراق اهون من اني اعيش في ظلك طول عمري!!!!!!!!!!!!!!!!! ونرجع لعند الاستجواب اللي بين ريما وزياد(هههه) زياد/وانتي ليه تسالين؟ ريما/فضول.. زياد/شتبين يابنت الناس مني؟ ريما/قلت لك ابيك تكون سندي بها الدنيا... زياد/........... ريما/زياد انت مفكرني اسخر منك صح!!!! زياد/............. ريما/ودي يكون عندي اخو ولاحتى صديق يسمعني..ودي اتكلم ومو لاقية احد اصارحه بلي في بالي.... زياد/وليش تبيني اكون انا هذا الاحد... ريما/لانك ماتعرفني ولاني مااعرفك....يعني لابتجاملني ولاراح اجاملك.... زياد/وليش ماعندك صديقة؟ ريما/لان كل البنات اللي عرفتهم تافهين وماتهمهم غير مصلحتهم وبس!!! زياد/لاتعممين مو كل الناس مثل مثل.. ريما/عارفة بس انا قلت لك كل اللي صادفتهم وعرفتهم ماقلت لك الكل!!! زياد/ماعندك خوات؟ ريما/بلى..عندي ثلاث.. زياد/ومافكرتي تكونين قريبة منهم؟ ريما تنهدت بقوة خلت زياد يرفع راسه ويناظرها.. ريما/الكبيرة متزوجة وساكنة بالرياض ومانشوفها الامرتين بالسنة مع كل عيد....والثانية مخطوبة وماعندها غير خطيبها وحمولتها وبس!!!!والثالثة اصغر مني ...نوعا ما..في بينا اشياء مشتركة بس مو كل شي اقدر اقوله لها.. زياد/ليش كم الفرق بينكم؟ ريما/ثلاث سنوات.. زياد/ماهو كثير بنات اللحين من صغرهم يفهمون كل شي.... ريما/ادري...بس في اشياء عائلية ماتقدر تقولها لااحد مقرب من العائلة... زياد/واخوانك؟ ريما/ماعندي اخوان..عندي بنات بس.... زياد/وابوك وامك؟ ريما/ابوي!!!!! زياد/أي ابوك....لاتقولين انه متزوج وتاركم؟ ريما/ياليت......تصدق انا ماشفت ابوي اكثر من سنتين؟؟ زياد/ليش يشتغل في مكان بعيد؟ ريما/لا ساكن معنا بنفس البيت.... زياد وهو يستعرض صورة ابوه /ساكن معك وماشفتيه من سنتين!!! ريما/ابوي عاجز,,,,,,يعني من قبل تسع سنين صابته اصابة في العمل واقعدته..... زياد/طيب...يعني التقصير منك انتي مو منه هو!!!! ريما/امي من يومها خلته بغرفة تحت وحطت عنده ممرض وماتخلينه ندخل نشوفه ومرت ها الايام كلها بدون مايفكر احد فينا نشوفه!!! زياد/ليش ماتبيكم تشوفونه؟ ريما/تقول انه وجه تشوه....مدري..السالفة صارت من تسع سنين ومااقدر اتذكرها بالضبط...بس كلنا مانفكر نمر عليه في داره.. زياد/بس هذا ابوك ياريما؟؟؟ نزلت ريما راسها بدون ماتتكلم.... زياد بانفعال مايناسب شخصيته/انتي فاهمة شنو يعني ابو يابنت؟ ريما وهي منفعلة/امي تقول انه مايتكلم بعد!!! زياد/انا ملاحظ ان امك دايم اللي تقول وانتي مالك راي في القضية؟ ريما/ماعلينا من ها الموضوع مو وقته..انت سولف لي عن نفسك؟ زياد/.............حياتي ماهي حلوة ابدا!!!! ريما ناظرته بدون ماتتكلم... كمل زياد كلامه وهو يناظر البحر/ابوي وامي انفصلوا من وانا صغير وهي تزوجت وشافت حياتها وهو بعد تزوج بدل الوحدة اربع!!!! تخيلي انك تسكنين في بيت ملايان ناس مايجمعك معهم غير السلام هذا اذا فكروا يردونه عليك!!!! ريما في بالها(مابغيت تتكلم عن نفسك يازياد...الحمد الله شكلنا بنستمر) زياد/شقولك ابوي تزوج اربع واربعهم معنا في نفس البيت وكل وحدة عندها مشاءالله ثلاثة واربعة...شلون تتخيلين شكل البيت!!!!! ريما/حلو..... زياد/حلو!!!!!!! ريما/أي حلو,,,,على الاقل تحس بالحياة داخل ها البيت وان في غيرك عايشه...فيه صراخ ..في ضحك...في لمة....مو تعيش في بيت كانه بيت اشباح!!!!!! زياد تخيل بيتهم لحظتها وهو خالي وماعرف كيف يرد عليها بس انتبه انه اخذ وعطى معها ..ناظر في ساعته ووقف... ريما بزعل/وين؟ زياد/لازم امشي.... ريما/بقدر اكلمك؟ زياد/.........روحي لدربك يابنت الناس..... ومشى عنها..وهي مافكرت تمشي وراه علشان لاتضايقه بس في بالها ارتاحت لانه تكلم معناته الصعوبة بتتلاشى شيئا فشي في الايام الجاية..,.. قامت تمشي شوي عند البحر......وصدفة جت من السماء على الاثنين اللي ماحسبوا حسابها.... ريما وهي تمشي صارت وجه لوجه مع فهد ومساعد....... فهد/ههههههههه يامشاءالله..لو طالبين مليون ماجانا!!!! ريما ابتسمت وهي عارفة ان وراها مصيبة بس ماحاولت تعطي الموضوع أي اهمية..ضحكت مع فهد وماكانها سوت شي البارح ريما /ههههه ...مليون عاد مرة وحدة!!!ليش شكنت تقول عني؟؟ فهد/اجل بتصلحين مكياجك ها؟؟؟ ريما/مااعرف اصلح مكياجي غير في غرفتي وخفت اروح وارد تكون حفلتكم انتهت.. فهد/هههههه حلوة.... مساعد من شاف ريما والنار شبت فيه من كل جهة...(يالله يامساعد هاذي فرصة مابتلاقي احسن منها ابدا) مساعد/وشدعوة عاد اثرتي علينا بغيابك؟ ريما تغمز له بعيونها/متاْكد؟ مساعد حس انها تخليه ينفعل ومايكون طبيعي لف وجه عنها .... مساعد/لكن وين بتروحين الليلة هاذي انتي معنا؟؟؟ ريما/شفت البحر هذا يامساعد....ارمي نفسي فيه ولااسوي شي مايعجبني!!!!! مساعد/لاتتحديني لانك مو قدي!!!! فهد/شدعوة....بتقلبوها نكد....خلونا نفرفش....ريما شتسوين هنا؟ ريما/انا متعودة كل ليلة امشي على الكورنيش.. فهد/هههههههههه ريما/وش يضحكك يالسخيف؟ مساعد/صدقناك.....تمشين بها الكعب!!!!ماتتعبين؟ ريما بثقة/لا مااتعب..لاني مو متعودة البس واطي!!فهد/اقول ريما تعشيتي؟ ريما/ليش تسال؟ فهد/اذا ماتعشيتي ترانا رايحين نتعشى.. ريما/أي بس مساعد ماعزمني ..والاولى انه هو اللي يعزمني مو انت؟ مساعد/تحلمين اعزمك..... ريما بتصنع/تكفى...تكفى طلبتك..اعزمني على العشى.... مساعد بيموت من داخله عليها وفهد ميت ضحك على هبالها.. ريما فكت لثامها/تبيني ابوس رجلك علشان تعزمني ترى ماعندي مانع!!!! مساعد/اقول روحي للبحر اللي وراك بيشبعك عدل!!! ريما/مالت عليك..ثم مالت عليك!!مصدق نفسك عاد بموت اذا ماعزمتني!!!!!! مساعد/تدرين اني ودي اعطيك كف!!! ريما بضحكة/تصدق ان انا ماودي احقق لك امنيتك!!!! فهد/شفيكم بتتخانقون مثل البزارين!!!! ريما مشت عنهم ومسكها مساعد بقوة/قلت لك وين بتروحين عني اليوم!!!بتصلحين مكياجك بعد!!!خلينا نصلحه سوا..ولا اقولك انتي لاكذا تحتملين ولا بالمكياج تحتملين فما تفرق عندي انك ماتكوني حاطة ميك اب!!!!!! ريما ناظرت بيده اللي ماسكة كتفها بقوة وقالت له وعينها في عينه/عسى يدك الكسر ان شاءالله!!!ماتشوف شقد انت ماالمني؟؟؟؟؟؟؟ مساعد بعفوية شال يده عن يدها...ويم بعدت شوي عنه..تضايق يوم يسمع كلامها... فهد/ليه مستعجلة ياريما؟ ريما لفت عليه/بروح اتعشى... مساعد بشماتة/للحين لك نفس وان اللي مفكر اني سديت نفسك عن الاكل!!!! ريما مالفت عليه بس قالت بصوت عالي وهي تمشي وعاطيتهم ضهرها/الا الاكل نفسي ماتنسد عنه ابدا!!!!!!! ويوم بعدت عنهم... فهد/ليش خليتها تروح؟ مساعد ناظره بستفهام/وليش تبيني اخليها تبقى...خليها تروح بللي مايحفظها... فهد/مو صحيح انت ماكنت تبيها تروح يامساعد؟ مساعد/بلى كنت ابيها تروح.... فهد/انا شايف بعيونك كل شي...كل تصرفاتك معها مو من قلبك..اللي في قلبك شي ثاني يامساعد!!!!! مساعد/فهد....ممكن مانتكلم في ها الموضوع لو سمحت؟ داخل غرفتها كانت شبه مسحورة.... ندى ماهي شايفة غير عبدالله قدام عيونها بس ماهي قادرة تكمل اياه وتعطيه حبها وحنانها وهو قاعد جنب وحدة ثانية!!!! كل اللي صار من البداية كان غلط..هي تنازلت عنه في لحظة وماوثقت فيه يوم قال لها انه يبي يتقدم لها..ها اللحظة بالذات هي اللي غيرت حياتها كلها!!!!! |
[size="4
البارت الثامن داخل غرفتها كانت شبه مسحورة.... ندى ماهي شايفة غير عبدالله قدام عيونها بس ماهي قادرة تكمل اياه وتعطيه حبها وحنانها وهو قاعد جنب وحدة ثانية!!!! كل اللي صار من البداية كان غلط..هي تنازلت عنه في لحظة وماوثقت فيه يوم قال لها انه يبي يتقدم لها..ها اللحظة بالذات هي غيرت مجرى حياتها كلها وحطتها في دوامة من العذاب لها اول مالها اخر!!!!!! بس لو انها صارحته كان عبدالله لها ولوحدها ماتشاركها فيه وحدة ثانية بس القدر,,,اه منك ياقدر...حرمتني منه علشان تعطيها,,,,,ياترى كيف اوصافها زوجتك ياعبدالله..حلوة,,طويلة,,قصيرة...طيوبة ولاشرانية...اه..ليتك كنت لي لوحدي...وكنت مرتاحة من ها العذاب كله...ليتني ماعرفتك اصلا اذا كان بيكون هذا وضعي....يارب..يارب ساعدني انساهوخليه ينساني ويفكر بمرته وولده اللي جايه بالطريق!!!! ريما قاعدة بغرفتها وتكلم زياد/رجعت البيت؟ زياد/وش تتوقعين يعني؟ ريما/مدري قلت يمكن كنت متملل من قعدتي وتبي تهرب باي طريقة!!! زياد/لاتعليق نهائيا!!! ريما/انت وش تدرس؟ زياد/اللي ادرسه... ريما/انت ليه ماتعطيني وجه؟ زياد/وش تبين فيني يابنت الناس والله اني مو قدك!!!! ريما/انت شايفني علشان تقولي مو قدك؟ زياد/بصراحة وماتزعلين؟ ريما/أي.... زياد/وحدة صايعة ومو متربية؟؟ ريما/شكرا..بس انا مااسمح لك تقول عني صايعة؟ زياد/انتي سالتيني عن راي.... ريما/وماتعلمت بحياتك تتكلم بدون ماتجرح!! زياد/انا لااعرفك ولاتعرفيني وانتي طلبتي الصراحة بعد ليش اجاملك!!! ريما/زياد انت عند خوات كبري!!! ريما/في... زياد/كيف علاقتك معهم!! زياد/عادية جدا....ويمكن تندرج تحت مسمى فاترة... ريما/ليه؟ زياد/عند خوات من امي وعندي خوات من ابوي...اللي من امي مااشوفهم غير في الاعياد ومو دايم..واللي معي بنفس البيت...كلا لاهي بحاله!!! ريما/وااخوانك؟ زياد/نفس الحكاية.. ريما/يعني انت ماعندك احد قريب منك في العيلة!! زياد/انا ماعندي احد قريب مني في العالم كله مو بس العيلة..غير وائل صاحبي واخو دنيتي.... ريما/طيب وامك وابوك؟ زياد/امي...مااشوفها الافي الاعياد....وابوي عايش معي وماهو عايش مو داري عني حي لو ميت ..شارب لو ماكل..خليها على الله بس.. ريما/وزوجات ابوك؟ زياد/اذا امي واللي هي امي وهي تكفيها شوفتي في العيد بس..بيكونون زوجات ابوي احن منها يعني!!! ريما/هذي اول نقطة تجمعنا مع بعض...التشت العائلي...نفس حكايتي تماما..لااخو ولااخت...ولاابو ولاام..... زياد تنهد بقوة/بس الفرق انك قاعدة تضيعين نفسك يا... ريما بسرعة/ريما..اسمي ريما.... زياد استغرب من لهجتها تركت الموضوع وركزت على اسمها/........ ريما/شوف زياد انا ابي اتكلم مع انسان عاقل...وانت قدها....انا تعبانة ...حييييييييل تعبانة كل شي حولي متعبني...لاتفكر اني اخترت ها المصير بكيفي لا...(وبدت لهجتها تميل للبكي وبكت بالفعل) انا مااخترته ..انا لبسته علشان...شقولك..ماراح تفهمني...انا مكسورة من الداخل ..لايغرك اللي تشوفها في ريما من فوق....ريما مجموعة حطام...كان ودي تكون عندي ام حقيقية واقولها عن المشكلة من بدايتها...ولا ابو يثاْر لكرامتي..من اقرب الناس...بس انا لقيت نفسي وحيدة وكان لازم اسمع تعليق الكل واظل ساكتة وبالعة لساني.....تعبت وماحد قادر يفهمني ولايسالني..ولاحتى يقولي شفيك؟؟؟ زياد/.......... ريما كانت تبكي بانفعال..... زياد بتاْثر واضح/ريما.....وش فيك؟ ريما/................. كملت بكيها وسكرت التلفون..الشي اللي اثر في زياد حييل... *زياد...خلونا نتكلم عن شخصية زياد بما ان احنا ماتطرقنا لها من قبل(زياد شخصية خجولة كتومة هادئة جدا بعيدة عن المشاكل....اما الشكل الخارجي فكان زياد عادي واقل من العادي بعد..ماكان في شكله شي يلفت الانتباه ابدا..الوسامة ابعد ماتكون عنه...اسمراني...وشعره اسود طويل وضعيف ..طموح لاابعد حد...بس مسكين كل الظروف ماهي خادمته) مساعد كان قاعد يفكر في ريما وفي غبائه يوم يخليها تمشي ويضيعها من يدينه..هو مو صحيح انه يحبها مثل ماقال فهد..هو تمناها بس!!!شخصيتها اسرته..اغراءها تملكه..دلعها وطيشها وهبالها كل شي فيها كان يشده ناحيتها اكثر ويتمناها اكثر واكثر... بس ياريما الدرب اللي بيني وبينك..شكله بيطول ياوسيعة البال!!!! يوم ثاني في جامعة البترول.... وائل/ها شسويت؟ زياد/عادي.. وائل بدهشة/وش اللي عادي؟؟ زياد/يعني شبسوي.... وائل/زياد..انا باخذ منك الكلام حبة حبة!!!!قول شصار؟ زياد/شفتها على الكورنيش..وتكلمنا....وبعدين كلمتني الليل.... وائل/هذا المجمل عطني المفصل اللحين... زياد/شقول مدري شقول..... وائل/اول ماشفتها شصار... زياد/هي دقت علي وسالتني وين انت وقلت لها اني واقف جنب المطعم وقالت خل ندخل بس انا قلت لها اني ماابي ادخل قالت مو مشكلة خلينا نقعد وقعدنا على الكورنيش.... وائل/طيب شتكلمتوا فيه؟ زياد/صارت تسولف عن اهلها وعن علاقاتها فيهم,,,, وائل/وانت قلت لها شي عن نفسك... زياد/كلمتها عن وضعي العائلي... وائل/وبس!!! زياد/انا ماحبيت اطول معها على الكورنيش كنت خايف مووت..... وائل/زياد ...حلوة البنت؟ زياد/مدري انا ماشفتها..كانت متلثمة... وائل/ومايبين عليها اذا كانت حلوة لو لا؟ زياد/تعرفني مو تابع ها السوالف؟ وائل/اممممم... زيا تنهد/بعد مارجعنا دقت علي الليل...وكانت منفعلة وقامت تبكي...وسكرت التلفون بوجهي!! وائل/ليش؟؟احد شافها من اهلها معك؟ زياد/لا وائل/وليش كانت منفعلة؟؟ زياد/انا جرحتها وقلت لها كلام كلام مو حلو وجرحها..... وائل/خلها تولي لاتشغل بالك فيها... زياد/تصدق احس ان وراها سالفة..احسها فعلا تعبانة وتبي تتغير...بس مدري شفيها!!! وائل/كسرت خاطرك!!! زياد يبي يغير الموضوع/لامو كذا بس....الا صدق..متى الامتحان؟ وائل/باقي له ساعتين..... نور/هلا ريامي.... ريما/هلا نور.. نور/كيفك... ريما/بخير... نور/شعندك اليوم...يعني اقدر اشوفك؟ ريما/مالي خلق اطلع اليوم...تعالي لي البيت... نور/اخاف اسبب لك احراج... ريما/ش احراجه...يالله انا انتظرك... محمد/جت منها مو منك.... عبالله/انت ليش تكرهها!!! محمد/انا مااكرهها..انا اكره عذابك معها!! عبدالله/مدري منو فينا معذب الثاني؟ محمد/انت غلطان بعلاقتك معها وانت متزوج وهي بعد غلطانة انها مكملة معك وانت لغيرها!!!! عبالله/محمد افهمنا الله يخليك...انا كل ماجيت ابعد منها يردني لعندها شي اكبر مني ومنك... محمد/أي بس هذا جنون ياعبدالله جنون... عبالله/شتبيني اسوي يعني وانا مقوى على فراقها؟ محمد/عبدالله...لو زوجتك عرفت بعلاقتكم شتتوقع يصير؟ عبالله/يصير اللي يصير مايهمني شي.... محمد/عبدالله..لاتخلي حبك لندى يعميك عن التفكير بامور ثانية!!! عبدالله/قولي طيب شسوي وانا اللي روحي معلقة فيها.. محمد/مو معقول انت ابدا!!!!يعني البنت حست على نفسها وانها دخيلة بينكم انت ومرتك وانسحبت من العلاقة وانت تقول لي شسوي!!!!! عبدالله بانفعال/ندى ماتبي الفراق انا اعرفها...ندى بس تبيني ابعد عنها علشان لااحرم ولدي من وجودي جنبه....هذا تفكيرها... محمد/لاتعليق....ها الموضوع ماراح يخلص اصلا!!!! ريما/هلا وغلا.. نور/هلا فيك... ريما/شلونك... نور/اسال عنك انا بخير... ريما/وشخبار حفلة مساعد... نور/بصراحة طلعتي شي ياريامي!!! ريما/ليش انتي مفكرة انهم بيضحكون علي!!! نور/انا من البداية استغربت وجودك لاني اعرفك ماتروحين استراحات ابدا بس يوم طلعتي قلبتي لهم المكان كله!!! ريما/لا..وش صار؟ نور/كلهم تضايقوا...وتوعدوا.... ريما/وش بيسون يعني؟ نور/انتي ماشفتي وجه مساعد اول ماعرف......لو كنتي جنبه ذبحك؟ ريما/كلهم مايهموني... نور/ريما...انتي تبين مساعد؟ ريما/ليش تسالين ها السؤال الغريب!!! نور/سمعتهم يتكلمون في الموضوع؟ ريما/أي موضوع؟ نور/شروق ونورهان يوم طلعتي كانوا يتكلمون في الموضوع لان مساعد كان متضايق مرة....شروق قالت لنورهان انك اكيد تراكضين ورى مساعد وقدرتي عليه وبيترك نورهان قريب علشانك...بس نورهان قالت لها ان مساعد متضايق لان ريما غبية واحرجته مع ضيفه...بس شروق اقنعتها ان بينك وبين مساعد شي.... ريما/تصطفل بللي تفكر فيه...ماتهمني لاهي ولاهو.... نور/وانتي شنوناوية عليه!!! ريما/بطنشهم ثنينهم لين يعرفون قيمة نفسهم!!! نور/.......... ريما/نور......ابي اشوف احمد... نور/أي احمد؟ ريما/اخو وائل ولد جاركم... نور /...... ريما/لاتخافين انا ماابي وائل ولاهو من مخططاتي... نور/عارفة انتي تبين زياد... ريما/......... نور/انا ها الموضوع محيرني على الكلام اللي قلت لك عنه وبعدك تبين تعرفين اكثر...انا ماخبرك تدورين ها الاشكال!! ريما بتنهيدة صدق/هذا غير.... قالتها وماضافت بعدها شي وسكتت سكوت مريع وكاْنها ماتبي نور تسالها عن ها الموضوع....... بعد مرور كم يوم كان الوضع هادئ جدا بالنسبة للجميع مافي أي تطور في الامور... ماعدا ان فهد رجع الرياض ووعد بزيارة قريبة جدا لانه عمله بيتطلب وجوده في الخبر يومين لو ثلاثة.... ندى/ريما وش فيك ؟ ريما تحاول تتصنع الطبيعية في شخصيتها/مافيني شي... ندى/بلى فيك شي ماتشوفين وجهك شلون صاير اصفر...وبعدين انتي صار لك كم يوم ماتطلعين... ريما/انا مااعجبكم اذا قعدت في البيت ولا اعجبكم اذا طلعت منه شسوي بالله!!! ندى/انتي مو بس ماتطلعين من البيت ..انتي حتى من غرفتك ماعدنا نشوفك تطلعين منها....!!! ريما/............متضايقة شوي وكنت ابي اقعد بروحي...الا ماقلتيلي شسويتي مع ...عبد.. ندى قاطعتها بانفعال/ريما خلاص سكري الموضوع...........انا وهو تركنا....قالت اخر كلمة باسى بالغ ونبرة حزن ..... ريما تنهدت وناظرت في عيون ندى اللي مغرقة بالدموع وحست بتانيب الضمير... ريما/ندى انا مو قصدي..بس.. ندى/عارفة ياريما عارفة....صدقيني هذا الحل الانسب لي وله...انا مقدر اظلم انسانة لو كنت مكانها ماكنت برضى بالظليمة....وهذا الصح..واللي مفروض يصير من زمان... ريما/بتلاقين غيره ياندى صدقيني.... ندى/اكيد.....(وهي في بالها تقول يلعن ابو الحب اللي ذابحني انتي ماجربتي اللي جربته ياريما علشان تقولين اني بلاقي غيره...عبدالله بيكون الاول والاخير في حياتي....والله..والله مااحب غيره) ريما/ندى.... ندى/نعم.. ريما/ودي نسوي شي.. ندى/شنو؟ ريما/ابي نروح عند ابوي تحت في غرفته... ندى/روحي ومنو ماسكك.... ريما/وانتي ماتبين تروحين.... ندى/كنت عنده الصباح.... ريما بتفاجاْ/كنتي عنده!!!يعني انتي رحتي شفتي ابوي؟ ندى/وليه مستغربة...مو ابوي.... ريما/أي بس....امي... ندى/مثل ماهي امي..هو ابوي.... ريما/كيف جتك الجراة انك تروحين تشوفينه؟ ندى/وشفيك ريما...انا من زمان كل يوم اروح عند ابوي.... كلام ندى كان مثل الصدمة على ريما اللي فتحت عيونها على وسعهم... ريما/كل يوم!!!!!انتي متاْكدة؟؟؟؟وليه ماقلتيلي؟؟ ندى/تبيني اقولك روحي شوفي ابوك وسلمي عليه؟؟؟ليه انتي ماتدرين انه ابوك؟ ريما/....................... ندى/هذا ابوي ياريما وماحد بيقدر يمنعني عنه لو في اخر البلاد..مابالك وهو معي في نفس البيت؟؟؟؟؟ قالتها وقامت عن ريما اللي كانت مصدومة من كلام ندى......ليه ماتدري..... ندى كانت تشوف ابوي كل يوم...وانا اللي احسب البيت كله مايدري عنه طلعت ندى غير عنا كلنا....ياريتك تعطيني قلبك ياندى واعيش به يوم واحد يالغالية.....معقولة..انا كنت رافضته ورافضة شوفته بس لان امي قالت لنا لاتشوفونه ولاتروحون عنده....هل كان خوف من اني اخالف امر امي!!!!!!ولا ماتت فيني مشاعر الحب والاحساس!!!!!!! مساعد/عرفت لي شي عن الموضوع اللي كلفتك فيه؟ عايض/....... مساعد /ماتسمعني!!! عايض بخوف/بصراحة..لا طال عمرك!!! مساعد بعصبية/وليش ان شاءالله؟؟ عايض/بصراحة انا سويت مسح شامل ماشفتها بينت في أي مكان هاليومين؟؟ مساعد/شلون يعني اختفت!!! عايض/يمكن انها مسافرة...ولا طالعة مع اهلها مشوار طويل ولا.. مساعد/ولا شنو؟ عايض/صدقني طال عمرك ماشفناها ابدا هاليومين ولا في مجمع بالدمام ولا الخبر ولاهي على الكورنيش ولا بالسوق العادية!!!! مساعد/طيب...نشوف اخرتها معك ياريما.... عايض/خير طال عمرك.. مساعد/لالا ولا شي..روح اللحين واذا بغيتك ناديتك... عايض/ان شاءالله... مساعد مسك جواله ودق على هالة... هالة/الف مرحبا بالغالي... مساعد/هلا والله...... هالة/اهلين فيك..... مساعد/....... هالة/هلا فيك... مساعد بعصبية/وبعدين بتظلين لي طول الوقت هلا وهلا؟؟؟ وسكر السماعة بوجهها....ودق على نورة... نورة/عمري..توك على بالي.. مساعد بنفزة/وخير ان شالله ليش كنت على بالك...؟ نورة/كنت ابي اشوفك؟ مساعد/ليش؟؟؟ نورة/ماوحشتك؟ مساعد/لا.... نورة/خسارة.....بس انت وحشتني... مساعد بعصبية/انتوا ليش ماتعرفون تسولفون مثل ريما!!!!! وسكر السماعة في وجهها وهو معصب....ريما وريما...وش فيها ريما اصلا زود عن الباقيين!!! وائل/زياد شفيك صار لك ساعة وانت سرحان!!! زياد/وائل...ريما مااتصلت؟ وائل/وش نبي في ريما احنا!!!!خيرة انها مااتصلت؟ زياد/أي بس كانت تبكي اخر يوم...واخاف ان صار فيها شي!!! وائل/احنا لانعرفها ولانبي نعرفها؟ زياد/انت ليش قاسي؟ وائل/وانت وش اللي حنن قلبك عليها فجاْة؟؟ زياد/انا افكر في كلامها...احسها وحدانية..كل مااتذكر كلمتها اللي قالتها اتقطع...قالت لي تخيل انك تعيش في بيت اشبه ببيت الاشباح ومافيه احد وكلا لاهي بعمره!!!احس ان حياتها فيها شي؟؟ وائل/خل ريما عنك..انت مو ناقص هموم يازياد.... زياد/مافرقت..الهم هم زاد ولانقص!!!! * توقعاتكم للبارت الجاي؟؟ مكالمة بتفرح ريما وبتبكيها من منو بتكون؟؟ ياريتني جنبك وامسح الدمعة من عينك.........؟؟؟ ياترجعين لي يابطلقها؟؟؟ فهد انت مو ناوي تعزمني على عشى؟؟؟[/size] |
البارت التاسع...
زياد/مافرقت..الهم هم زاد ولانقص!!!! وائل/شنو افهم من كلامك؟ زياد/ولاشي........... شروق/نورهان شفيك...؟ نورهان بشرود/شكلنا بنخسر مساعد... شروق/ليش!!!!!! نورهان/مدري...بس مساعد متغير ها الايام... شروق/من أي ناحية متغير؟ نورهان بتنهيدة حسرة/من كل النواحي.... شروق/تتوقعين من شنو؟ نورهان/مدري ولا ابي ادري بعد..كل اللي ابيه نشوف لنا واحد ثاني قبل لايرمينا مساعد!!! شروق/ريما.....مافي غيرها... نورهان بعصبية/وش فيها بعد ها العلة؟؟ شروق بثقة/اكيد هي اللي مغيرة مساعد!!! نورهان/..........اي بس انا مااشوفها معه اصلا!!! شروق/وانتي وش عرفك.... نورهان/اللي عرفته وسمعته وهم يتهامسون فيما بينهم انها مابينت عندهم من الحفلة لاشافوها ولاسمعوا خبرها.... شروق بتاْكيد/كلهم يشتغلون لمساعد يعني يهمهم مصلحته واكيد هو اللي قال لهم يقولون ها الكلام قدامك علشان تشيلين ريما من تفكيرك وتبعد عنها الظنون!!! نورهان بشرود/تتوقعين كذا.... شروق/الا كذا ونص هاذي داهية وام سحور...لازم نردها لنا علشان نكسب من وراها لاتنسين ان انتي اللي علمتيها فما لازم تكسب بروحها ولاانتي لك راي ثاني!!!! نورهان/كيف نردها اذا على قولتك هي تركض ورى مساعد؟ شروق/هني بيت القصيد...ان مساعد بيظل بنك مفتوح لنا كلنا مو لها بس هي....فما فرقت هي لمساعد ولاانتي لمساعد ولا أي وحدة منا !!!!! نورهان/............ شروق/المهم ان المصدر ماينقطع...... نورهان/أي بس ريما...صعب يعني انتي تعرفين عنادها يعني كيف بنقنعها؟؟؟؟ شروق/هاذي يبيلها قعدة وتفكير بهدوء انتي عارفة ريما وعارفة مزاجها الصعب مانبي نعطيها مجال تشك للحظة وحدة ان احنا نبي نستغلها!!!! نورهان/طيب هذا في حالة ان فعلا بينها وبين مساعد شي بس اذا ماكان بينهم شي!!!! شروق/محنا خسرانين شي بالعكس احنا الربحانين انتي عارفة ان ريما هي اللي تجيب لنا الصيدات وهذا شي ماننكره..هي باسلوبها تمشيهم على هواها واخر مثال مساعد ومن قبله محمد ومن قبله عبد العزيز,,,,,,ماله داعي نذكر بعض بان ريما هي اللي كانت تجيب لنا الخير!!! نورهان بعصبية/فضينا من سيرة ريما الله يخليك...ودقي على نور قولي لها بنروح الراشد خل تجهز ..... شروق/طيب.... نورهان/قبل لاانسى خذي....وفتحت شنطتها وعطت شروق الف ريال..... نورهان/بعدين بتكون نور موجودة ومابقدر اعطيك... شروق/تسلمين....... مسك جواله وهو متردد كثير وحاس نفسه مسوي جريمة..... ادق..ولالا...اخاف ادق واسبب لها احراج..بس صار لها كم يوم غايبة وماتدق وصوتها كان زعلان بالمرة في اخر يوم..... خل ادق لها مس كوول واذا كانت تبي ترد علي بترد علي... ودق على رقم ريما باصابع مرتجفة وهو يحس بخوف يشله من فوق لتحت وزاد خوفه وهو يفكر لو ان واحد من بيتهم شك فيها ولا سمعها تكلمه ذاك اليوم وصارت لها سالفة من وراه شبيصير اللحين!!!! وبخوفه المعتاد كان بيضغط على انهاء المكالمة بس صوت ريما الناعم في ذيك اللحظة كان اسرع منه ووقفه مسحور... ريما /هلا وغلا... زياد/هلا.... ريما/ماتصورت للحظة انك راح تتصل علي؟ زياد/............كنت بشوفك شلونك ..انت كنت تبكي اخر مرة ومدري شصار.... ريما/معك احد!!!! زياد/انا بالجامعة.... ريما/اممم..اشوفك فوق ارتباكك مرتبك مرتين!!!! زياد/انا زعلتك يوم قلت لك كلام يجرحك؟؟ ريما/لا انا مازعلت منك بس كنت متضايقة.... زياد/واللحين؟ ريما/يعني مااحس اني بخير... زياد/امم... ريما/صايرة افكر في موضوع ابوي كثير... زياد/اتخذ خطوة جريئة وروح شوفه.... ريما/.......... زياد/انا عندي محاضرة... ريما/ممكن اكلمك انا الليل!!! زياد/.......... ريما/يالله باي..... اول ماسكرت ريما حس بامتزاج غريب في روحه حس براحة لانه سمع صوتها وتطمن عليها بس في نفس الوقت حس بالخوف لانها بتكلمه الليلة!!!! *اما ريما من دق زياد ابتسامتها صارت شبرين وماقدرت تقاومها,,,, زياد... اه من طيب قلبك يازياد...والله لو الدنيا فيها اثنين منك كانت كل الامور بخير بس لو ..لو!!!!! مسكت بعضها وقامت تتخذ الخطوة الجريئة اللي تكلم عنها زياد وقامت تشوف ابوها... طلعت من غرفتها وراحت تتاْكد من ان امها نايمة بها الوقت من الضهر.....ونزلت بسرعة البرق وراحت الملحق اللي موجود فيه ابوها...ووقفت عند الباب وقلبها يدق بسرعة........رفعت يدها علشان تدق الباب وحست برجفة في جسمها وحرارتها ترتفع من الخوف...ياترى وش بتشوف!!!....هل بيعرفها لولا!!!هل بيسامحها لانها ماكانت تزوره مثل ماكانت ندى تزوره ولا بيقدر موقفها لانها تخاف من امها!!!!كل شي تجمع براسها في ذيك اللحظة...... فهد/ماصار شي بعد ذاك الموقف!!! مساعد/ولاشي!!! فهد/وانت متضايق!!! مساعد/لاابدا..وليش بتضايق يعني.....مثلها مثل غيرها كلهم خبلان!!! فهد/مع اني مو مقتنع بس بتمشي علي ها المرة؟ مساعد/وليش مو مقتنع!!اصلا انت ليش حاط في بالك ان بيني وبينها شي!!! فهد/اللي شافكم على الكورنيش تتهاوشون ذاك اليوم بيبصم ان بينكم شي لامحالة!!!! مساعد/عمرك شفت ناس يتهاوشون ويكون بينهم شي!!!! فهد/مساعد معظم سوالف الحب اللي نسمعها ونشوفها جت بعد كره وعناد!!! مساعد/انت ليش تلمح ان انا احبها!!!! فهد/ومصر بعد؟ مساعد/هههه...انت ناسي ان ملكتي على بنت خالي بعد ثلاثة شهور!!!! فهد/لامو ناسي بس مو كل رجال متزوج ماله حياة خاصة ولاتحاول تقنعني انك بتتغير لمجرد الزواج!!!!! مساعد/ماراح اتغير.....بس سالفة ريما وسالفة ان بيني وبينها شي ماهي صحيحة ابدا!!!!كل السالفة انها عاندتني وكسرت كلامي فلازم اادبها شوي!!!! فهد/يعني بس تاْديب!!! مساعد/بس.... فهد/معناته اشوفك بكرة.. مساعد/جد بكرة نازل!!! فهد/الظاهر بنشوف بعض كثير الايام هاذي....بكون موجود بالدمام ثلاثة ايام كل اسبوع... مساعد/أي هذا الكلام الزين اللي يشرح الخاطر... فهد/تسلم يابو محمد... في الراشد بعد الساعة خمس العصر.... نور/صاير المول فاضي وماهي عوايده!!! شروق/شوفوا ذاك اللي يمشي مع اهله بنص عين!!! نور/والله شكله تحفة!! شروق/مايستحي يمشي مع اهله وهو يناظر يمين وشمال!!! نورهان/قولي منو هاذي اللي بتشربكه وهو مع اهله!!! نور/أي هاذي قوية... شروق/ريما.....!!!لو هنا ريما شربكته وباعتها وجابت العيد وماهمها شي!!!! نورهان/ريما.......شبنسوي معها!! شروق/والله انا لسه افكر.... نورهان/انا عن نفسي تاركة الموضوع لكم...انا ماابي اشغل مزاجي فيها... شروق/خلي الموضوع علينا ولاتحاتين... نور/وش فيها ريما؟ نورهان/نبيها ترد معنا!!! نور/ترد معنا!!!ليش؟؟؟؟(وهي حاطة في بالها كلام ريما يوم قالت لها لاتجيبين سيرتي بينهم وتقولين ان احنا نشوف بعض ترى بيضرونك يانور) نورهان/وليش ماتبينها ترد معنا!!! نور/علشان احنا ماصدقنا نعيش بجو صافي بعيد عن ريما ومشاكلها..بعد بترد لنا!!! نورهان/لازم ترد ريما..... نور/وليش لازم ترد..انتي تكفين وتوفين.... شروق/ريما هي اللي كانت تجيب لنا الخير ...واذا راحت من يدينا معناته راح الخير!!!!! نورهان/وبعدين انا شاكة انها مخططة على مساعد فمالازم تاخذه بروحها!!!! نور/أي بس مساعد مااحسه يعطيها وجه ولاداير لها بال!!! شروق/المشكلة اذا عطاها وجه ودار لها بال!!!ذيك الساعة بيرمينا مثل ماسووا اللي قبله!!!وانتي عارفة ان ريما مايبيلها وقت وتغسل مخه!!!! نورهان/المهم اللحين خلونا نفكر كيف بنقنعها!!! بعد الساعة تسع..... ريما دقت على زياد ومن اول رنة شاله علطول وكاْنه ينتظرها تدق... زياد/هلا... ريما/كنت تنتظرني!!!! زياد/لا ريما/كذاب.... زياد/شسويتي؟؟؟ ريما/ماقدرت اشوفه...رحت ووقفت عند باب غرفته بس انشلت رجلي ماقدرت ادخل....مدري ندى من وين جتها الجراْة وكانت تشوفه كل يوم!!!ياليتني مثلها ازوره بدون... قاطعهازياد بعصبية باردة/يعني بس انتي اللي ماتشوفينه!!! ريما بانفعال/انا مدري عنها تشوفه!! زياد بنفس عصبيته/انتي تكذبين علي!!!! ريما بحزن/انا ماكذب عليك.....انت لاتعرفني ولااعرفك وش مصلحتي اني اكذب عليك!!!!انا كنت امتثل لااوامر امي ومااشوفه لانها طلبت منا مانشوفه بس تفاجات يوم قلت لندى خلنا نشوفه قالت انها تشوفه كل يوم!!!!!!وماهمتها امي!!! زياد/لانها انسانة عظيمة مو مثلك.... ريما/تعرف انك مو شاطر غير في التجريح!!! زياد/بس هاذي الحقيقة!!! ريما/انت ماتدري عن شي كيف تتكلم بلهجة الواثق!!! زياد/انتي ليش تخافين من امك!!! ريما/انا مااخاف منها انا مااقدر اتصادم معها بعد اللي صار لي ماابيها تسالني وتجبرني اقول لها عن شي!!!! زياد/لاتتكلمين بالالغاز لاني ماافهمك!!!! ريما/ولاراح تفهمني بعد!!! زياد/قولي..تكلمي...دافعي عن نفسك..اذا كنتي بريئة!!! ريما/مو مطلوب مني ابدا اني ادافع عن نفسي وقدامك بعد يازياد!!!!! قالتها بقوة وزعل في نفس الوقت وسكرت السماعة بوجها وكانها صارت عادة كل ماتسمع صوته تسكر السماعة بوجهه!!!! ليش يفكرني كذابة!!!انا مااكذب هاذي الحقيقة انا مااقدر اعند مع امي ..امي غير..انا اعرفها..اذا ماسويت اللي ابيه ترميني ورى الشمس وماهمها شي!!!بس ليش مو راضي يصدقني!!علشان قلت له ان ندى كانت تطنش كلام امي!!انا بعد مو مصدقة ان ندى قوية وسوتها....ليش يازياد..انت ماتدري بللي يذبحني كل ليلة من التفكير ليش تعاملني كذا ليش!!!!! رمت راسها على المخدة ودخلت في معركة مع دموعها اللي ماوقفت من عرفت ها الزياد!!!! زياد صار اسم مرعب بالنسبة لك ياريما خلاص...انسيه خليه يولي ولايهمك بعد!!!! زياد وداك لطريق الدموع اللي تبين تهجرينه بليلك ياريما!!!!اتركي زياد..ماراح تاخذين منه غير العذاب والجراح!!!! ندى قرت المسج مرة ومرتين وثلاث..معقولة ياعبدالله....اكيد منت عاقل علشان تكتب لي ها الكلام!!!!! ياترجعين لي يابطلقها ويصير اللي يصير!!!! دقت عليه وهي حاسة ها اللحظة انه متبدل وانه انسان ثاني ماهو عبدالله اللي حبته ,,,قطع عليها تفكيرها صوته الملهوف اللي رجعها لاارض الواقع وغير افكاره في ثواني وخلها تدرك انها اعجز من انها تترك عبدالله او حتى تفكر تتركه!!!! عبدالله بكل لهفة الدنيا/حبيبي... ندى/......... عبدالله/والله احبك...والله اشتقت لك.. ندى/...انت اكيد مو عاقل اللي تكتب ها الكلام!!! عبدالله/انا مو بس اكتبه الا اسويه بعد!!!! ندى/وعلشان شنو؟ عبدالله/بيتكم واعرفه وانتي واعرفك...وش ابي اكثر بعد!!!! ندى/................ عبدالله/مستحيل اصدق ان قلبك مستعد يتركني... ندى/........ عبدالله/احلفي لي ان قلبك مايبيني ومابيصير الا الشي اللي تبينه؟ ندى/......... عبدالله/صدقيني.... ندى بدموع وحزن ولوعة ماهي قادرة تكتمهم اكثر في صدرها/مقدر احلفلك وانا صعب اشيلك من بالي لحظة!!! عبدالله تنهد تنهيدة ارتياح وكاْنه كان خايف تضحي فيه ويقبل تضحيتها/وليه يالقلب الحنون تبيني ابعد عنك؟ ندى/حبيبي علشانك وعلشانها وعلشان البيبي اللي جاي....وعلشاني.... عبدالله/ندى.....احنا مانقدر نعيش بعيدين عن بعض فلا تكابري اكثر من كذا!!!! ندى/الصعب ياعبدالله ان احنا نكمل مع بعض ونزيد عذابنا!!!لمتى قولي بس لمتى!!!! عبدالله/ياليتني ادري....كان صبرت قلبي..... ندى/صدقني بيكون اللفراق صعب بس بيهون علينا...احنا كل ماتاخرنا فيه كل ماتعلقنا ببعض اكثر واكثر...وصعب علينا!!!! عبدالله/الفراق يعذبني وماهو حل؟ ندى/وبرايك شنو الحل!!! عبدالله/الا الفراق ياندى انا ماقواه..... ندى/عبدالله..لاتعذبني اكثر من عذابي الله يخليك!!!! يوم مر..ويومين ..وثلاثة.... كان الوضع بين ريما وزياد موقف من بعد ذيك المكالمة وبين ريما ومساعد لاجديد ماشافته ولاشافها من يوم الكورنيش!!!!!! في المغرب ريما جاها اتصال من العميلة السرية نور...وعلى اثره لبست وطلعت(ترى بكتب رواية بالفصحى ههههه)وراحت للمكان المتفق عليه.... فينيسيا مول...... دخلت واثقة من نفسها بس داخلها تبي تركب فوق وتشوفهم....... ركبت ودارت عيونها يمين ويسار لين لمحتهم من بعيد..بس كيف الدبرة اللحين....مافي غير محل الجوالات اللي هنا ادخله وازرع فيه لين اشوفهم مروا من هنا اطلع من المحل..... دخلت وعطت اللي هناك جوالها يحط لها اغاني وقصايد وهي تسب وتلعن فيهم على ها المشية الباردة.... كان مساعد وفهد بروحهم يمشون....واكيد ان نورهان وشروق ونور في جهة ثانية لان ماجد قال لنورهان ان فهد بيكون موجود اليوم وبكرة وبيطلع مع مساعد وانهم الليلة بيروحون فينيسيا مول..... بس وينهم مالهم اثر....ومساعد يمشي مثل البطة مع وجهه...اذا كانت نورهان مو هنا فجيتي مالها اساس اليوم انا غرضي انها تشوفني علشان تتاكد ان بيني وبينه شي...بتشوفين يانورهان كثر ماضحكتي علي بيجيك الدور علشان تبكين!!!!! ريما/خلاص..خلاص جيبه!!! صاحب المحل/باقي... ريما بعجلة/لا خلاص ماابيهم......(وهي في بالها تقول اسرع بس..فهد ومساعد قربوا من هنا وماابيهم يروحون جهة ثانية) صاحب المحل/طيب....انتظري بس اطلع الميموري حقتك... ريما بصوت مسموع/افففففف... صاحب المحل يطالعها بنص عين بس سكت فجاة.... صاحب المحل/تفضلي... ريما/كم حسابك؟ صاحب المحل/لا ماله داعي....مايسسون... ريما/ احسن بعد...ولفت بتطلع لقت مساعد وفهد واقفين في المحل وكانهم يشوفون الجوالات وفهد يطالعها بنص عين وهو يضحك.... طلعت من المحل نص فرحانة ونص لا..لانها اذا ماشافت نورهان شتسوي بمساعد!!!! طلعوا وراها من المحل...... فهد/هدي شوي يابنت.... ريما لفت عليه وهي تتمنى ان نورهان تكون موجودة قريب وتشوفهم/خير ان شاءالله؟؟ فهد/وش ها البخل اللي فيك؟ماتبين تدفعين للرجال حقه!! ريما/ماسمعته يقول مايسسون!!! فهد بضحكة/عللى الاقل جامليه ولزمي عليه... ريما وهي تناظر بمساعد اللي يناظرها/اذا كاسر خاطرك روح ادفع له..انا ماني دافعة ريال واحد؟ فهد/هههوالله ان مو شينة...ولا شرايك يامساعد.... مساعد/.......... ريما صارت جنب فهد ومساعد اللي كان ساكت وصاير هو اقرب لها من فهد... ريما/مساعد..مساعد لسانه اكلته القطة!!! فهد/.÷ههههههه..موت ياريما موت...ماتجين معي الرياض يومين تغيرين جو؟ ريما/لاماودي ابي اروح البحرين؟ مساعد/وش فيها البحرين من زود؟ ريما/سينما... مساعد/يامسخف عقول البنات!!! ريما/أي والله..انت شفت بعمرك احد يبي يروح علشان سينما...ياخي حطي الفلم بالبيت وطفي الانوار كلها وبيبسي وفشار وصارت سينما ليش بعد البحرين!!!! فهد/ههههه لاتعليق... مساعد اكتفى بانه يناظرها من فوقها لتحتها بس بدون مايتكلم..... وفي ها اللحظة ريما حست بالانتصار لان نورهان وشلتها مروا من هنا,,وشافوها,, ريما بصوت يسمع نورهان//اقول فهد انت مو ناوي تعزمني على عشى!!!! قالت فهد وهي تقصد مساعد!!!!بس يالله يمشي الحال... اول من ناظرها مساعد حتى قبل لايناظرونها نورهان والبنات... فهد/والمناسبة ياحلوة؟ ريما بدلع/انت ناسي انك عزمتني الاسبوع اللي فات وانا ماقدرت البي الدعوة!!!! فهد/هههه..لاوالله ماني ناسي....بتجين جد ولاتمزحين؟ ريما وقفت/لامن جد طبعا!!! فهد/انا المطاعم السريعة مااعترف فيها؟؟ ريما/احلى..كل ماكان اغلى كان احلى... فهد/ههه يالنصابة...انتوا اهل الشرقية وين تبون؟ كان يناظر بمساعد وريما اللي يناظرون ببعض وفي عيون بعيدة تناظرهم..... مساعد مابغى يتكلم/بتروحين فندق تتعشين عادي!!!! ريما/لو كنت انا وفهد بروحنا عادي بس المشكلة انت معنا مانقدر!!!!! فهد/هههههههههههههههههه مساعد/والله!!!!! ريما/يالله مساعد شوف لنا مطعم زين..... مساعد مو عارف شيسوي معها يذبحها لو يكوفنها لو يكفخها لو يحضنها!!!!!شيسوي موداري من اسلوبها!!!!! ريما/بس خلاص نروح بيت التنور اللي بالخبر... مساعد/زوين ماهو زين.. ريما مشت/معناته اذا دبرت لك مكان يافهد تعال اعزمني؟؟؟ فهد ناظر بمساعد اللي عيونه راحت وراها وقال بسرعة/ريما انتظري!!! ريما/خير؟ فهد/خلاص بيت التنور بيت التنور؟؟؟وناظر بمساعد يعني يالله؟؟؟ مساعد/يالله...ومشى قبل فهد وريما...... في مواقف السيارات.. فهد/لاتصيرين سخيفة وتعالي ركبي.... ريما/لامعليش بوقف لي تاكسي وبكون معكم لاتخاف بعدين المطعم مفتوح على بعضه لاتخاف لو سبقتوني بشوفكم... مساعد /ولو سويتين حركة نذالة وماجيتي المطعم!!! ريما طنشته وكلمت فهد/اقول جهز فلوس التاكسي طيب عشانك انت بتدفع!!!!!! زياد/ياترى وش تسوين ياريما......زعلانة مني ..انا مو قصدي بس..احسك منتي صريحة معي..مو قاعدة تعطيني الحقيقة كاملة...تبيني اكون معك بدون مااعرف شي ولاافهم الوضع اللي انتي فيه.... ياترى تبكين لو ... لو شنو يازياد...صارت ها الريما جزء من حياتك وهم جديد على همك....مو كفاية ها الغرفة اللي انت محبوس فيها طول الوقت لاتطلع ولاتدخل ولاتروح مكان يالجامعة يامع وائل يا بها الغرفة.... ريما....وينك ياريما!!!!!هل صحيح انك مهمومة مثلي من هلك ولا انا ابي احد يواسيني في اهلي فكرتك تشتكين منهم؟؟؟؟ اذا كانت دموعك تنزل بسببي ياليتني جنبك وامسح الدمعة من عينك واحطها بعيني واقولك اسف انا ماتعودت اظلم احد ياريما صدقيني بس انتي غير!!!! ريما...ودي اسمع صوتك واتطمن عليك..... ورفع جواله بيكلمها ....بس تفاجاْ انه ماعنده رصيد وان الدنيا ليل وان ماعنده فلوس يشحن هالوقت فيهم !!!!!مافي غير بكرة اذا شاف وائل,,,المنقذ الوحيد.... في المطعم.... ريماشالت شيلتها بكبرها من على راسها....وخلت عيون مساعد ماتنشال من عليها..../انت ماتبي تاكل؟؟؟ قالتها وهي تناظر بمساعد اللي كان يلعب بالاكل مثل البزران الصغار وهي وفهد قربوا يخلصون .. فهد/ماعلينا ماكملتي السالفة شصار بعدين!!!! ريما/ولا شي.....طلعت لهم وقلت لهم انا فلانة الفلاني...... فهد/بكل جراْة؟ ريما/انا مااخاف من احد؟ فهد/ممكن اخذ جوالك؟ ريما/ههههههه فهد/ليش تضحكين؟ ريما/لاني اذا قلت لك ماراح اعطيك اياه بيوصلك بطريق ثاني صح!!! ريما/على فكرة مساعد ترى عندي رقم ثاني حتى ربعك اللي مخاويهم مايشملهم ذا الرقم لانه خاص جدا!!!(كانت تقصد نورهان) فهد/وش معنى خاص جدا!!! ريما/يعني اذا انت تدق علي وانا مالي خلقك بالمرة اقفل ذاك الجوال واكلم من الثاني لين يصير لي خلقك ارجع افتحه من جديد!!!! فهد/مشاءالله على الحركات!!!! دق جوال ريما تضايقت شوي... ريما/هلا وغلا.....متى تبين تروحين؟ اللحين!!!وليه ماقلتيلي قبل......طيب...بدبر حالي.........خلاص جايتك؟؟ مساعد/منو؟ ريما بدلع/مالك شغل؟ مساعد بعصبية/تكلمي عدل؟ ريما/الوالدة.... فهد/عسى بس ماتبيك تردين؟ ريما مسوية روحها متاسفة/أي والله تبي تاخذ اغراض للبيت وتبيني اكون معها؟ وماكملت كلامها الاوندى متصلة,, ريما/هلا والله...انا بالخبر....وش تبين انتي بعد؟...افف ندى..ورى ماتتكلمون بدري انتوا.....طيب معناته اخذي امي ورحي جرير وانا بجيكم بس اذا خلصتي روحي على التيميمي وبلحقكم هناك طيب...يالله بينا اتصال.... فهد/شكلك مهمة في العائلة؟ ريما بحركة مسرحية/تصدق مايتنفسون بدوني... مساعد/واضح ان الهواء اللي يتنفسونه يخنق!!! ريما/تصدق عاد غيرهم بيموت علشان يتنفسه!!!!! ساد صمت بينهم وكل واحد يناظر بالثاني قطعته ريما يوم لبست شيلتها ووقفت.... ريما/الله يغنيك..... فهد/وش كلام العجايز ذا!!!! ريما/هههههههه فهد/دوم ان شاءالله.... ريما/شكرا...ان شاءالله ماتكون الاخيرة... فهد/كانت بتكون احلى لو كملناها مع بعض... ريما/مقدر اقول لاامي لا...انت عارف... فهد/اكيد..... ريما مشت/باي.............. مساعد/تعرف ان وجهك خير علي يابو فهيدان؟ فهد/ليه..علشانك شفتها الليلة؟ مساعد/والله اني ماكنت احلم اشوفها....بس قوم خل نلحق عليها.. فهد/وين.... مساعد/ اول مرة ريما تغلط...وتقول هي وين رايحة...وهاذي فرصتنا علشان نستغلها لصالحنا!!!! فهد/شتقصد؟ مساعد/ماراح تكون بروحها بيكونون اهلها معها يعني ذي فرصتنا علشان نسحب ريما على هوانا!!!!فهمتني لو افهمك بعد!!!! * هل بيشوف مساعد ريما في جرير وهل بيكون بينهم شي!!! ماابي اشوف الحب بعيونك واضيع....!!! نورهان وموقفها بعد ماتاْكدت من علاقة ريما بمساعد!!!! ...هاذي بتضيعك وبتخرب حياتك...!!!! انتي ليش باخلة بكلمة احبك...!!! |
البارت العاشر.....
مساعد/والله اني ماكنت احلم اشوفها....بس قوم خل نلحق عليها.. فهد/وين.... مساعد/ اول مرة ريما تغلط...وتقول هي وين رايحة...وهاذي فرصتنا علشان نستغلها لصالحنا!!!! فهد/شتقصد؟ مساعد/ماراح تكون بروحها بيكونون اهلها معها يعني ذي فرصتنا علشان نسحب ريما على هوانا!!!!فهمتني لو افهمك بعد!!!! *ريما تكلم ندى.. ريما/هلا..انا عند جرير خلصتوا لو لسه انتوا هنا؟ ندى/لا..شوي بس وبنطلع بس تعالي... ريما/وامك وينها؟ ندى/هنا بجرير تلاقينها تحت عند المجلات ... ريما/يالله.... سكرت السماعة وحاسبت التاكسي ونزلت وماانتبهت لسيارة مساعد اللي كانت وراها من طلعت من المطعم تلحقها لين وصلوا المكتبة.... راحت عند قسم المجلات وشافت امها واقفة تقلب بمجلات الازياء...وانتبهت لها.. ام محمد/ها ريما وصلتي؟ ريما/شتشوفين!!! ام محمد/وين كنتي؟ ريما/اتعشى مع صاحباتي.... ام محمد/شوفي ها الفستان حلو...شرايك تصممينه لعرس غادة!! ريما/انا احب الفساتين الناعمة مااحب اللي ملايانة خرابيط من فوق لتحت!!!! ام محمد/ومتى حضرتك بتتفرغين لعرس اختك؟ ريما/ليش وش المطلوب مني اسويه!!! ام محمد/ليش انتي مو من اهل البيت!!!! ريما/يصير خير..... بعدت عنها وصارت بالجهة الثانية المقابلة لها وقامت تتفرج على الافلام,,, وفي يد جنبها لمست الفلم اللي كان جنبها...ولاشعوريا ارفعت راسها تشوف صاحب ها اليد ...وارتعبت من الفكرة....مساعد!!!!!!مستحيل!!!!!!!!!!!!!!!!!!! نور بثقة/هاذي ريما وتمشي معه ومع رفيقه...يعني مافي مجال للشك!!!!!! شروق/................ نورهان في قمة العصبية/ريما ماراح تتركني لين تخرب كل علاقاتي انا اعرفها!؟ نور/طيب اللحين وش بنسوي؟؟؟مساعد صار له يومين مطنشنا.......وكاهو كتفه بكتف ريما وهم يمشون....... نورهان/دبروها انتم....انا ماعندي حل!!!! قالتها وقامت عنهم..... نور/شروق..وش فيك ماقلتي شي!!! شروق ناظرت بنورهان اللي ابعدت وقالت لنور بصوت خفيف/تصدقين انا متفاجئة على قد ماقاعدة اقنع نورهان ان في بين ريما وبين مساعد شي..الا اني كنت جايبة السالفة من العدم وابيها بس تكره ريما وتخترب علاقتهم بس اليوم يوم شفت ريما ومساعد حسيت ان ريما نمرة وتسويها لابغت شي.... نور/يعني انتي بس كنتي تبين تشوشين نورهان علىريما!! شروق/بالضبط؟؟؟بس صار الشي واقعي ولازم نفكر بهدوء كيف نرد ريما ومعها مساعد لشلتنا من جديد.... نور/............. شروق/ومانبيها تحس لشي ابدا..... نور/كيف يعني؟ شروق/يعني مانبيها تعرف شي عن ان احنا عرفنا انها اخذت مساعد لها.... نور/............ ريما ضعفت مكانها ذيك اللحظة وهي تتمنى الموت الف مرة...هذا شجابه هنا!!!!ومنو اللي قاله....لحظة..ريما انتي كيف غلطتي ها الغلطة قدام مساعد...... مساعد صار يناظر بالافلام وهو يكلمها بصوت خفيف/والله الوالدة مهتمة بالازياْء!!!! ريما بلهجة قهر بس انها بشويش/انت وش جاي تسوي هنا؟ مساعد بثقة/ولاشي قلت اتعرف على الاهل بس!!!!! ريما/اقول انقلع عن وجهي لاني... ام محمد/ريما ...وينك... ريما مشت عند امها.. ريما/ها... ام محمد/شوفي ها الثوب مو يناسب ندى شكله... ريما/نوعا ما...وهي اصلا بالها مشغول بللي وراها.... ندى/خلاص شفت الكتب اللي ابيهم مشينا!! لفوا ثنتينهم عليها..... ريما بعجلة/اكيد مشينا.... ندى/سبقوني على السيارة بس بحاسب وبجيكم.... اول ماسكرت السيارة عليها تنفست الصعداء....وهي تفكر كيف غلطت كذا قدامه...بس معقول.....المرحلة الجاية بيكون فيها بعد!!!!!اذا كذا ليلتك ماراح تعدي ياريما على خير ابدا!!!!!!!!!!! واول مادخلت التميمي حست انها مراقبة تلفتت يمين وشمال مالقت احد بس هي واثقة ان مساعد ماراح لها جرير الا في نيته يجي هنا بعد!!!بس وينه وينه,,,ماني شايفته... ام محمد/علامك انتي تتلفتين يمين وشمال!!! ريما/احس التميمي اليوم صاير مكتم في جوه!!!! ندى/يتهياْلك..الجو عادي مافي شي..... اخذت لها سلة صغيرة مسكتها بيدها ومشت وراهم وهي متاْكدة ان مساعد موجود في جهة من ها المكان..... كانت تمشي وراهم وهي افكارها مخربطة داخلها..زساعة تفكر بمساعد..وساعة تفكر بزياد..وساعة تفكر في ابوها..وساعة في امها...وساعة في غادة اختها اللي مايجمعهم في البيت الا الاسم بس!!!!واخيرا استقرت افكارها على ندى..... كيف لك ياندى تاْقلمين نفسك كذا...مهمومة ومتضايقة من علاقتك بانسان حبيتيه وارتبط بغيرك ومع ذلك مصرة تحبينه لااخر يوم بحياتك!!!!كيف قدرتي تزورين ابوي كل يوم بدون مااحد ياخذ باله فينا كيف!!! كيف على هذا كله قادرة تمشين قدامنا وانتي تضحكين وتسولفين عادي وما كاْن شي صاير بحياتك ياندى...... وانتبهت ان في احد جنبها حط لها شي بالسلة اللي ماسكتها.... عيونها جت بالسلة اول وشافت فيها علبتين بايسن... وقبل لاترفع راسها وتشوف من حطهم جاها صوت مساعد.. مساعد/كافي ولااجيب لك بعد!!!!! مااحتاجت ترفع راسها علشان تشوفه واقف قدامها ... مشت وكاْنها مو مهتمة.... ندى/ريما تبين اندومي ناخذ.. صوت ندى خلاها ترفع عيونها...وانتبهت ان مساعد ابتعد عنها وصار قدامهم هي وامها واختها.... ريما/خضار بس!!!! ام محمد/انتي شتحبين فيه!!!! ريما/مانبي نتكلم بخصوصيات البيت بره!!! ام محمد/ياسلالالالالالالالام!!!!!! ريما/يعني اذا مصرة تسمعين كلام مايعجبك فماعندي مشكلة...... ام محمد/الله ياخذك مع طوالت لسانك!!! ريما بصوت عالي/امييييييييييين. ندى/ريامي عقلي مو وقته!!! ريامي/هي سالتني وانا حبيت اوضح الامور بس!!!! كانت عيون مساعد شوي عليها وشوي على امها واختها.... ريما لاحظته طبعا وماراح عليها.. ريما/بروح شوي عند الشوكلاتات باخذ لي كم حاجة اجيب لك شي!!! ندى/جالكسي كراميل.. ريما/طيب.... ندى/مو تطولين؟ ريما/بس لاين تهداْ شوي وتروق برجع!!! راحت وهي واثقة ان مساعد بيكون وراها.....وماخاب ظنها بمجرد تحركت تحرك وراها..... ريما/بتظل تمشي وراي مثل ظلي!!!! مساعد/مجبور مو بكيفي؟ ريما بقهر/لاوالله!!!! وقفت عند زاوية الشوكلاتات وصارت تحط بسلتها وهو يحط معها.. ريما/اختصر وقول شتبي مني.... مساعد/الليلة بس ابي اتطمن اني اردك بيتكم سالمة!!! ريما/؟؟؟؟؟؟؟؟؟؟؟ مساعد/وبعده يعتمد!!!!! ريما/لاتسوي لي ها الحركات السخيفة وقول وش تبي بسرعة!!!! مساعد/وليه العجلة عندنا الليلة طويلة!!!! ريما/علشان يمديني افكر في عرضك اللي بتعرضه قبل لاارفضه!!!! مساعد/الله عليك يالواثقة!!!! ريما/قول بسرعة وش تبي وخلصني ترى مو فاضية لك ابدا!!!!مساعد/خذي باونتي انا احبه... ريما/زين قلت لي علشان لااكله بحياتي!!!!! مساعد/اختك ماتشبهك لافي لبستها ولا في اسلوبها ولا.. قاطعته ريما/مالك شغل فيها سامعني!!!!! مساعد/ريامي........واللله وطحتي بيدي؟ ريما بضحكة/ههههه منو يقول عاد!!!! مساعد/اذا ضحكتي ها الضحكة البايخة تدرين ان ودي اذبحك بجد!!!!! ريما/قول شتبي وخلصني.... مساعد/مثل ماقلت لك..ابي اتطمن انك توصلني بيتك الليلة بالسلامة!!!!! ريما/عطني المفيد وبلا لف ودوران!!!! مساعد/شوفي ريما انتي لاانتي حلوة ولاانتي عاجبتني بس ابيك تقولين لي احبك؟ ريما ناظرته من فوق لتحت....... ريما مشت عنه وهي تقول بكامل الاحتقار/هاذي يابتسمعها في حلمك يافي قبرك لاني ماراح اقولها حتى لو على جثتي وسوي اللي تبيه!!!!!! ومن القهر حتى سلتها تركتها جنبه ومشت........ مساعد/زين ياريما زين...وين بتروحين مني عاد...وراك وراك والزمن طويل وبتقوليها مثل ماقالوها غيرك ملايين!!!!!! *وصلت بيتهم وهي متاْكدة انه موجود وراهم وفعلا يوم نزلت ندى ونزلت امها بعدهم لقته مر بسيارته جنب بيتهم.... دخلت وهي في كامل قهرها ...سخيف وحقير لاابعد حد...لا ويقول تعالي قوليلي احبك!!!تحلم فيها ياولد امك يامساعد!!!!!!!!!!!! جاها مسج بعد نص ساعة تقريبا من دخولهم البيت من رقم مميز,,,(اغراضك اللي شريتيهم من التميمي وخفتي تدفعين حسابهم على باب بيتكم روحي اخذيهم,,,,) يعني بديت تلعب بالنار يامساعد...طيب بنشوف مني اللي تاخذ في خاطرها كلامك....والله لااطنشك وحطك عن شمالي ومااناظر في وجهك بعد!!!!! اليوم الثاني الظهر.... زياد/ابي فلوس.. وائل/؟؟؟؟؟؟ زياد/ابي اشحن بطاقتي...ماعندي ولاريال... وائل/وش فيك مستعجل كذا...وش ها المكالمة المهمة اللي عندك !!! زياد/لا بس....ابي اتطمن على ريما.. وائل/زياد...اعقل عن ها السالفة..زانت لاقد ريما ولاهي قدك...بلا حركات طيش ماتناسبك؟ زياد/وش له ها المحاضرة كلها...؟ وائل/انت مو ملاحظ انك صاير ...في كل كلمتين تجي ريما بالنص!!!! زياد/انا زعلتها وجرحتها وكنت ابي اعتذر منها بس!!!! وائل/مو علي ها الكلام يازياد؟؟؟ زياد/ليش تقول ها الكلام؟ وائل/زياد...انت تبي احد يهتم فيك ويحسسك بقيمتك وريما جت في وقتها .....بس اللي انت ماقاعد تفكر فيه يازياد ان ريما مو الانسانة اللي انت لازم تخليها تملك مشاعرك...ريما وحدة منتهية على الاخر !!!!! زياد/ليش تقول عنها كذا؟؟ وائل/وش تبيني اقول؟ زياد/وائل انت ماتعرفها ليش تقول عنها ها الكلام!!!! وائل/مايحتاج اعرفها مبين عليها من شكلها!!! زياد/لا ياوائل لاتظلمها يمكن هي صحيح غلطت بس انت ماتعرف الظروف اللي حدتها علشان تكون في ها الموقف!!!! وائل/لا تقعد تبرر لها!!!!زياد انا احبك واحب مصلحتك..انت مو فاهم الدنيا زيين....ريما ...شقولك بعد علشان افهمك..انا ماابيها تضيعك وتخرب حياتك!!!! زياد/وائل... وائل تنهد تنهيدة مسموعة وكانه مستسلم للواقع/سوي اللي يريحك وتذكر انه مجرد نقاش لااكثر ولااقل.... *ريما/ليش؟ نور على التلفون/لانهم او لانها كانت تزن على نورهان بدون دليل ويوم شافتك مع مساعد انصدمت.... ريما/بس هي عارفة اني اذا بغيت اجيبه بجيبه ماهي صعبة علي!!! نور/هم قالوا نفس الكلام وقالوا ريما هي اللي بتخرب كل شي.. ريما/واللحين وش ناويين يسسون؟ نور/يبونك تردين لهم علشان لايخسرون مساعد..... ريما/وكيف بالله يبوني ارد؟ نور/مدري بس مايبون يبينون لك انهم شاكين في علاقتك بمساعد وتصير سالفة كل مرة..لابالعكس يبون شي عادي وهادىء في نفس الوقت...ولايشكك انتي فيهم بعد وفي نواياهم!!!! ريما/....نشوف وش عندك ياانسة شروق!!!! نور/صرت اخاف منها؟؟ ريما/طول عمرها نورهان بدون شخصية واي واحد يسوس براسها تقتنع علطول..... نور/خلاص انا اذا استجد شي بكلمك.... ريما/اذا صار شي ولاشفتوا مساعد عطيني خبر.... نور/مساعد... ريما/أي مساعد...النذل البارح لحقني لبيتنا..... نور بخوف/سوا لك شي.... ريما/مايقدر!!!!!!بس بيشوف شغله زين....اكيد جاب رقمي منها.. نور/لاوانتي الصادقة جابه من ماجد.. ريما/ماجد!!انا كيف نسيته؟؟؟ نورهان/انتي نسيته وهي شبكت فيه...هو ولا العدم!!!! مسك جواله بلهفة موطبيعية وهو قاعد على البحر ورغم ان الجو كان مووت حر بس ماكان حاس بها الشي لانه متلهف يسمع صوتها...... دق باصابع مرتجفة على رقمها اللي للحين ماحفظه..... ردت عليه بثقة/يوم اني كذابة ليش تبي تسمع صوتي!!!!! تنهد تنهيدته الحزينة اللي كسرت خاطرها..... زياد/انا اسف...ما كان قصدي صدقينيز..بس انتي قاعدة تتعاملين بالالغاز!!! ريما/هذا مايعطيك الحرية باْنك تتهمني!!! زياد/قلت لك اسف...... ريما/ماتكفي... زياد بخوف/وش اسوي يعني!!!! ريما/اساْل نفسك!!! زياد/.........شسوي يعني...مدري انتي قوليظ ريما/اشوفك اليوم؟ زياد بخوف/وليش تشوفيني؟ ريما/زياد..لو سمحت لاتصورني دراكولا وانك تخاف مني!!!!!! زياد/انا ماقلت كذا..بس ليش اشوفك يعني!!!! ريما/انت ماتبي تسمعني وتبيني اسمعك!!! زياد/............... ريما/انت ليش متردد....انا متاْكدة من ها الشي...اصرارك على انك تكلمني مايعني غير شي واحد ان انت بعد محتاج تتكلم معي...صح ولا انا غلطانة؟ زياد/اه... ريما/سلامتك من الاه....تراها وصلت قلبي قبل لاتطلع منك!!!!! زياد/ريما انا مااحب ها الكلام!!!!! ريما/ولاانا تعودت اقوله بصدق مثل ها المرة صدقني!!!!!!!!!!!!!! زياد/................... ريما/بشوفك لو لا؟ زياد/.............متى تبين؟ ريما بفرحة مكتومة/كيفك انت قول متى بتكون فاضي؟ زياد/المغرب.....بعد صلاة العشاء...طيب.... ريما/وينظ زياد/بنفس المكان......على كورنيش الدمام.. ريما/طيب...خلاص بكون هناك.....بس مو تصير لي خواف مثل ذاك اليوم ومايمدينا نقول شي..... زياد بحيا/طيب... ريما بثقة/باي...... كان يدخت سيجارته وهو يتذكر كلمته اللي ما طلعت من باله لحظة وحدة(هاذي يابتسمعها في حلمك يافي قبرك لاني ماراح اقولها حتى لو على جثتي وسوي اللي تبي تسويه!!!) شجاك يامساعد ونزلك لها البنت مرة وحدة!!!!!!انت مالقيت الاريما تبيها تقول انها تحبك عاد!!!!!!!!!!!!!!!!!خليت كل البنات وركضت ورى ها الريما........ لامن جد انك مو عاقل ابدا وان ريما عرفت ترد عليك!!!!!!!! دق جواله وكانت خطيبته المتصلة طفى السيجارة وكلمها بكل اهتمام....!!!!!!! في المغرب وعلى الكورنيش جت على الموعد وقبله بربع ساعة واستغربت ان زياد قاعد ينتظر.... معقول لهفته للموعد خلته يجي قبل الموعد!!!!! قعدت جنبه وانتبه لها... زياد مو عارف ينزل راسه ولا يناظره وحس بالارتباك... ريما بزعل/زياد...لاتسوي ها الحركات ترى من جد يضيق خلقي!!!!!تصرف طبيعي وش فيك؟؟ زياد حس بالحرج من كلامها/انا..انا اسف..بس انا اول مرة اشوف بنت واقعد جنبها.... ريما/لاتعتبرني بنت اعتبرني ولد وتصرف طبيعي؟؟ زياد/مقدر انتي بنت.....(وفي باله يقول ولك عيون تذوب كل من يناظرها*) ريما/شلون الجامعةظ زياد/....باقي سنتين...احسها طويلة.. ريما/وين تفكر تشتغل؟ زياد/ههههههههههه اول مرة تشوف ريما ابتسامة صادقة ومن قلب ..زياد يضحك...وضحكة من قلبه...يالله شقد صاير يجنن وهو يضحك...غريب احساسي بالراحة اذا شفتك يازياد!!!!!! ريما/دوم ان شاءالله؟ زياد/انا لاقي وظيفة واعترضت عليها؟؟؟؟ ريما/ليش انت تدور وظيفة اللحين؟ زياد/طبعا ادور.... ريما/ليش؟؟؟ زياد/سؤال غريب يعني ليش الواحد يبي يتوظف!!! ريما/مدري.... زياد/ابي اصرف على نفسي...مكافات الجامعة ماتكفيني...... ريما/.....زياد كلمني عن حياتك؟ زياد تنهد من جديد واختفت ابتسامته اللي كانت محليته بعيون ريما/حياتي..... ريما/اذا تحس انها بتضايقك لاتتكلم فيها؟ زياد/.................. ريما/................. زياد/.....ابوي وامي انفصلوا من وانا صغير وهي تزوجت وصارت لها حياة مستقلة تعيشها مع زوجها وعيالها وماصرت اشوفها الا في الاعياد ورجع يتنهد من جدي وكمل كلامه....وابوي تزوج اربع بعد امي وكل واحد عندها ثلاثة واربعة.....شتتوقعين يكون وضعي يعني في البيت مبسوط ومرتاح!!!!! ريما/وزوجات ابوك كيف يعاملوك؟ زياد/اذا امي .........تبين الغريبة تحبني!!!! ريما/في زوجات ابو يكونون احن من الامهات علينا يازياد؟ زياد/في حالة انها تكون وحدة مو اربع ياريما!!!!!!! ريما/يمكن.... زياد كمل كلامه باسى/وابوي....اكثر انسان يكرهني في حياته.......كان يبي امي تاخذني ويرتاح من همي ومن مصاريفي بس هي رمتني عليه وشافت حياتها وصرت مثل الهم اللي قاعد على قلبه...... يما/واخوانك؟ زياد/مالي علاقة فيهم...ياما حاولت اتقرب منهم...بس هم كل واحد متحيز لااخوانه من امه ومايبي يكلم الباقيين....شفتي شلون انا عايش في بيتنا..... كان يتكلم وريما تاكله بعيونها حست شقد هو بريء ومظلوم وتعيس...... زياد/ماعلي ...انت شلون الوضع عندك؟ ريما/عادي...قلت لك من قبل اني عايشة في بيت اشباح!!!!!!!!بيتنا التضاد تماما لبيتكم...بيتكم مليان حياة وحركة وصياح....بيتنا كئيب ..وهادى ويخوف!!!!! كانت تتكلم وهي منفعلة...وكان زياد يتجراْ ويرفع عيونه كل شوي ويناظرها لانها كانت تتكلم وعيونها في البحر قدامها...... يناظرها وهو مو عارف شتقول كان يتمتم بينه وبين نفسه بها الكلمة(ماابي اشوف الحب بعيونك واضيع ياريما!!!)ريما/زياد!!! زياد انتبه انه كان يناظرها نزل راسه بالارض واعتذر منها... ريما/وش فيك...انا كنت اتكلم معك...ليش سرحت؟ زياد/انا اسف.....الظاهر اني لازم اقوم اللحين..... ريما/بشوفك مرة ثانية؟ زياد/بجي بكرة امشي بتجين؟ ريما بفرح/اكيد... زياد/خلاص في مثل ها الوقت..اتفقنا... ريما/اتفقنا.. زياد/مع السلامة.. ريما/الله يحفظك..... ومشى زياد لين اختفى......وبعدها قامت من مكانها...ومشت خطوات بسيطة لين مسك كتفها احد..لفت بسرعة بتعطيه قائمة سب وشتايم,,,,وطاحت عيونها بااخر عيون تتمنى انها تشوفها... ريما/مساعد؟؟؟ مساعد/ماكنتي تتوقعين تشوفيني؟ ريما/...........معناته حاط واحد يراقبني!!!! مساعد/خلنا مانقول يراقبك...بس بصراحة بما ان ماعندك ابو ولااخو قلت مايصير ماادير بالي عليك!!!!!!!!!!!!!! ريما/اها...وعرفت بعد سلالتي كلها؟؟؟؟؟؟ مساعد/الا في أي يوم بتتزوج غادة!!!!!!! ريما/ههههههههههههههههه مساعد/جنيتي؟؟؟؟؟؟ ريما/انت مو طبيعي.......بصراحة تحفة...بس ممكن اعرف ليش كل هذا!!!!!!! مساعد/قلت لك البارح كلمة وحدة بس وبعدها ماابي اشوفك؟؟؟؟؟ ريما/انت ليش مصر على ها الكلمة يامساعد؟؟؟؟ مساعد/وانتي ليش باخلة بكلمة احبك!!!!!!!!! ريما/لاني ماابي اقولها!!!!! مساعد/شكلك تحبين وجع الراس!!!!!! ريما/ماراح اقولها يعني ماراح اقولها؟؟؟؟ مساعد/وليه ها العناد كله!!!!! ريما/لاني بقولها بس اذا اقتنعت فيها وللشخص اللي بيستاهل اني اقولها له!!!!!!!!!!!!!!!!!!! مساعد/تبين تقنعيني ان اللي كلمتيهم في التلفون ماطلبوها منك ابدا!!!! ريما/طلبوها بس انا ماقلتها لهم؟؟؟ مساعد/مو شغلي بتقولينها وبتفكيني؟؟؟ ريما/حلوة ذي بتقولينها وبتفكيني ليش ان شاءالله قاعدة على قلبك ولا شنو شايفني!!!!! مساعد/يالله قوليها تراني مستعجل.... ريما/معناته بتتاخر على مشوارك..... مساعد/مو مشكلة مو موعد مهم ..رايح اشوف خطيبتي؟ ريما/حلو حلو!!!طلعت خاطب بعد؟؟؟وينها عنها ماتجي تردك عن بنات الناس!!!!!! مساعد/ليش ان شاءالله انتي عادة نفسك من بنات الناس!!!!!!!!!!!! ريما بعصبية/احترم نفسك احسن لك انا اشرف منك ومن عيلتك كلها!!!!!!!! مساعد/............. ريما/وبعدين لاتنسى انك انت اللي قاعد تلاحقني مو انا!!!!!!!!!!!!!!! مساعد/قوليها وخلصيني يالله!!!!! ريما/ماراح اقولها...... وفكت يدها منه ومشت...... لفت عليه ريما/وينك... مساعد بثقة/يامسرع ماغيرتي رايك!!!!!!!! ريما/المحقق كونان اللي يراقبني وينه!!!! مساعد/؟؟؟؟؟؟؟؟؟؟؟؟ ريما/مو هو في الحالتين بيوصلني لباب البيت فخليني اركب معه واوفر فلوس المشوار للبيت!!!!!!!!!! عبدالله/بذمتك ذا حل ياندى؟؟ ندى/أي حل... عبدالله/بس انا مايرضيني ابدا!!!! ندى/مشكلتك مو مشكلتي!!! عبدالله/انتي مقتنعة بها الشي ياندى!!!! ندى/............. عبدالله/تبيني ادز لك مسجات وانتي بعد بدون مانكلم بعض وعلى المسنجر اذا نويتي تكلميني واذا مابغيتي تطنشيني!!!! ندى/عبدالله حبيبي انا مو مقتنعة باني اقطعك عن حياتي لاني انا اللي بتعب بس لازم نتخذ خطوة الفراق من اللحين لاتصعب علينا بعدين؟؟؟ عبدالله برجاء/وليش الفراق من الاساس!!!!! ندى/لانك متزوج؟ عبدالله/بس هاذي المشكلة!!! ندى/عبدالله انا ماابي احط نفسي بموقفها ابدا...اصلا انا مقدر اتخيل اني اكون بمكانها في يوم من الايام!!!!!!!!!!!!! عبدالله/بس انا احبك ومااقدر استغني عنك؟؟ ندى/وانا بعد اموت فيك....بس مقدر ياعبدالله مقدر.... قبل لاتنام دزت له مسج(تصبح على خير يازياد.....بموت علشان يجي بكرة واشوفك ونكمل سوالفنا) ونامت وهي تتخيل زياد بطيبته وبراْته وخجله وارتباكه...ماعمرها صادفت من زياد اثنين ابدا...ولاراح تصادف بعد!!!!!!!!!!!! يارب انك تحفظه وتخليه وتوفقه في حياته..... وعكر عليها صورة مساعد وهو ماسك كتفها!!!!! ياشينك يامساعد!!!ضيقت حتى خلقي.......وحطت المخدة فوق راسها علشان تبعد صورة مساعد وتنام براحة!!!!!!!!!!!!!! هل راح يجي زياد وبتشوفه ريما!!!!!!! ريما بتركض ورى ماجد من جديد ليش ياترى!!!!! شبتسوي ريما لزياد علشان .......!!!!! يقولون الحب يسوي المعجزات ياترى صحيح!!!!!! |
البارت الحادي عشر
ونامت وهي تتخيل زياد بطيبته وبراْته وخجله وارتباكه...ماعمرها صادفت من زياد اثنين ابدا...ولاراح تصادف بعد!!!!!!!!!!!! يارب انك تحفظه وتخليه وتوفقه في حياته..... وعكر عليها صورة مساعد وهو ماسك كتفها!!!!! ياشينك يامساعد!!!ضيقت حتى خلقي.......وحطت المخدة فوق راسها علشان تبعد صورة مساعد وتنام براحة!!!!!!!!!!!!!! اليوم الثاني كان ماشي بهدوء ومافي أي جديد عن الايام اللي قبله.... ندى/ريما... ريما/ها...كانت مشغولة باظافرها,,, ندى/اليوم حسيت ان في واحد يراقبني! ريما لفت عليها بسرعة/شلون يعني يراقبك؟ ندى/هو يمكن مايكون يراقبني بس مدري انا اول مرة اشوف ها السيارة توقف هني جنب بيت جيرانا وحسيت اللي فيها طول الطريق يطالعني لين ركبت باص الكلية!!!! ريما في نفسها (زين يامساعد زين) ريما/يعني لحقك ولا قال لك شي؟؟ ندى/لالالا...انا بس في البداية اتعجبت من ها السيارة لانها الصباح كانت واقفة ويوم رجعت الظهر من الكلية بعد كانت واقفة!!! ريما/تلاقين بيت الجيران عندهم شي.. ندى/سالت مها واحنا راجعين قالت انها اول مرة تشوفها ولاهو صاحب واحد من اخوانها.. ريما بثقة/يعني مو شرط تكون لبيت الفالح يمكن لبيت الهاجري!!!انتي ليش شاغلة بالك فيها؟؟؟ ندى/على قولتك مدري ليش شاغلة بالي فيها...المهم انا بقوم بحط راسي وبنام.. ريما/بتنامين اللحين توها الساعة سبع ونص!!!!! ندى/اليوم مانمت العصر وحاسة راسي بينفجر...وبعدين انا ماعندي شي اسويه خليني انام ابرك .....تصبحين على خير.... ريما/وانتي من اهله....وقامت تطل من نافذة غرفتها تشوف السيارة اللي واقفة قريب من بيتهم بس مالمحتها عدل لان غرفتها ماكانت على الشارع,,,,, ريما/اللحين اذا رحت الكورنيش يمكن ان مساعد يتعرض لزياد!!!!!!!!!!وانا ماابيه يصير له شي بسببي...احسن شي ادق عليه واقول اني مو رايحة الليلة لان ها المساعد نذل ومابيبتعد بها البساطة.... مسكت جوالها تدق على زياد لان ماباقي شي عن مو عدهم اللي اتفقوا عليه....وجاها كل قهر الدنيا يوم شافت جواله مقفل!!!!!!!!!!!! *اما زياد قعد ينتظرها لين جا موعد جيتها وماجات وانتظر ربع ساعة ونص ساعة وهو خايف يكون فيها شي....وطلع جواله بيتشجع وبيدق عليها ولعن الساعة اللي كان عايشها اكيد دقت عليه تخبره انها مو جاية وها الجوال المخرف قفل في الوقت الحرج!!!!!!!!!!!! قام من مكانه وهو متحسر انه ماراح يقدر يشوف عيون ريما الليلة ولاراح يشم عطرها اللي يرد له روحه..............وصار يمشي وهو يكلم نفسه...(شفيك يازياد لاتناظر ببعيد ريما لاهي لك ولاراح تكون بيوم من الايام بمستواك وبتنزل لك هي مجرد تمر بمشاكل وتبي احد يسمعها لاتقعد تفكر فيها بطريقة ثانية لاتتعب وتنصدم بعدين) * ريما كانت قاعدة بغرفتها وودها لو يطيح مساعد في يدها كانت ماراح تتردد في انها ترتكب فيه جريمة...بس لو ما زياد في السالفة كانت هانت هي ماتبيه يكون ضحية لعبتها مع مساعد وماتبي يجيه أي شي بسببها...افف ياريما شكلك بتخسرين الللعبة مع مساعد علشان زياد....وققرت انها ترسل لمساعد مسج بس قبل هذا في شي لازم تسويه علشان تاْدبه ويعرف مقداره زين..... اخذت كيس التميمي اللي كان جايبه مساعد وحطه قبال بيتهم ذيك الليلة ولبست عبايتها وطلعت الشارع ...فتحت باب سيارة لؤي اللي كان يناظرها مستغب منها....رمت الكيس بحضنه.. ريما/سلم على اللي دزك وقول له تقولك عمتي ريما اعقل واكبر ياتافه!!!!!!! مشت عنه وهي عارفة ان المعلومة بتوصل لمساعد ناقصة اللحين وبالتفصيل الممل بعدين!!!!!!!!! رجعت البيت وشالت عبايتها ودخلت الصالة وكانت بتركب الدرج يوم طلعت امها من المجلس... ام محمد/ريما.. ريما وقفت مكانها باول الدرج../هلا... ام محمد/طالعة لو جاية؟ ريما في بالها انه سؤال غريب بس اسكتت.. ريما/لا هذا ولاذاك..... ام محمد/ريما ...الدغري..الدغري....وش رايك في منصور الزياني!!!!! ريما/لاتحلمين؟ ام محمد فتحت عيونها/شنو يعني مااحلم؟ ريما بدت تصعد الدرج وتكلم امها بصوت عالي/انا ساعة اللي بقرر ارتبط باخذ لي واحد مريش ونايم على الفلوس مو ولد فقر!!!!!انا ابي هامور يمه هامور؟؟اسمه وفلوسه يغيروني ويعيشوني مثل ماابي واخطط؟؟؟؟اذا تزوجت ولد فقر ماتقولين لي شستفدت بحياتي!!!!!!!! دخلت غرفتها وتركت امها واقفة بس وتناظر في فراغ مكان ريما!!!!!!!!!!!!!!!!!! ومسكت جوالها تكتب مسج لرقم مساعد اللي رسل لها الرسالة منه يوم يقول لها عن اغراضها.... ريما/تفضل ياحضرة زياد هذا انا علشانك بتنازل عن كل شي!!!!!! كتبت لمساعد (احبك) وانتظرت الجواب.... اما مساعد اول ماوصل له المسج ضحك ضحكة طويلة’’ ماجد/خير ان شاءالله ضحكنا معك؟ مساعد/لا هاذي وحدة من ها المزايين اللي اعرفهم خبلة.... ماجد/ياكثرهم الخبلان.. مساعد بضحكة خبيثة/بس هاذي خبالها غير صدقني.....بس انا لها!!!!! رد عليها بمسج رفع ضغطها(أي بس انا ماابيها كذا!!!ابيها على ضوء شموع وجو رومنسي وسهرة على كيف كيفي!!!) ريما يوم قرت المسج ارتفع ضغطها من جد ردت عليه وبكل عصبية.... (وخير ان شاءالله وشي هاذي اللي تبيها مع ضوء شموع!!!!!) مساعد عجبته السالفة قام اتصل فيها بعد ماابتعد عن ماجد... مساعد/كلمة احبك؟ ريما بثقة/أي بس انا ماكنت راسلتها لك اصلا!!!!! مساعد كاتم ضحكته/لاوالله وهي جت بروحها لي!!!! ريما/الظاهر ان حتى جوالي صار مراقب!!!!!!!! مساعد/هههههههههه,,,ان شاءالله بس مبيض الوجه؟ ريما/لا تطمن ماشي حسب كلامك...حتى اختي مرتاحة منه ,,تصدق كانت تخاف تمشي لباص الكلية بروحها بس تقول اللحين صار الطريق امان يوم سوبرمان جنب بيتنا!!!!!! مساعد مو قادر اول مرة يضحك على كلام ريما وهي تتكلم بثقة بس بقهر في نفس الوقت... مساعد/الحمد لله..زيعني اذا حابة اني ازيدهم علشان يحسسونك بالامان اكثر فاانا ماعندي مانع؟ ريما/عساك ذخر لنا وعسانا ماننحرم منك... مساعد بنفس الشماته والسخرية اللي كانت على لسان ريما/الله يسلم طوايفك... ريما/وخير وش تبي؟ مساعد/انتي اللي دقيتيلي مسج؟ ريما/اسفة انا غلطانة!!!! مساعد/أي بس انا مااحب الاعتذار بها الطريقة ابدا!!!! ريما/مساعد متى زواجك؟ مساعد/ليش تسالين؟ ريما/ليش ماراح تعزمني؟ مساعد/مايشرفني.... ريما/..........................تعرف انك واحد نذل وحقر وسافل ومنحط بعد؟ مساعد/في باقي كلام من قائمتك السودة ماقلتيه؟ ريما/فيه طبعا؟ مساعد/معناته وفري لنفسك يا...يابنت السالم!!!! ريما بثقة/يعني بتكون معجزة انك تعرف انا من بنته وانت حاط لي حارس يحرسني وين مااروح ووين مااجي!!! مساعد/طيب نغير الموال شوي يوم ان بالك طويل ولك خلق تسولفين...... ريما/ياواثق انت!!! مساعد/ليه انفكت خطوبتك انتي وولد عمك!!!!!!!!!! ريما كانت مستعدة انها تسمع من مساعد أي شي الا هذا الموضوع بالذات !!!!!!!!!!!!!!!هذا الظاهر جاب خبر حتى اجدادها اللي بقبورهم!!!!!!! بس لاياريما ماحد يعرف ليه فلا تخلين مساعد يغرك بشماتته ويخليك ترجعين لنفس ها الموضوع انتي بتكونين اقوى من كل العالم خليك واثقة من ها الشي؟؟؟ ريما/ماعجبني!!!! مساعد/يعني افهم من كلامك انك انتي اللي فكيتي مو هو ؟ ريما/مو لازم تفهم ياولد الناس!!!!!! مساعد/انا اتكلم من جد!!! ريما/ومن قال لك اني امزح؟ مساعد/شنو ماعجبك هذا ولد عمك؟ ريما/ان شاءالله يكون اخوي اذا ماعجبني ماابيه؟ مساعد/بس يويمن مدة قصيرة علشان تعرفين انه عجبك ولا ماعجبك!!!!!!!!!!! ريما حاولت تمسك اعصابه وهي تفكر,,,مساعد مو عارف الموضوع ويبي يستفزها علشان تتكلم وهي المفروض ماتستجيب له علشان لايضعفها.... ريما/يكفي انه يشتغل بجدة وراح يبعدني عن الحياة اللي احبها والناس اللي ابي اكون قريبة منهم... مساعد/بس اختك راحت الرياض وماعندها أي مشكلة!!! ريما/اختي شي وانا شي ثاني.....مساعد انت كل وحدة ترفض تقول لك انها تحبك تاخذ تقرير عن شجرة عيلتها كلهم!!!!!!!!!!!! مساعد/تصدقين بالله انها اول مرة اسويها..... ريما/انا بالنسبة لي كل كلمة تقولها مااصدقها فما له داعي تتعب نفسك وتقول شي من الاساس!!!!!!! مساعد سكت وحست ريما انها ثاْرت لنفسها وكرامتها شوي لانه بجد رفع ضغطها بكلامه اليوم!!!! ريما/مااشوفك رديت؟ مساعد/وليش اكلف على نفسي وارد على حشرة ماتهمني من الاساس!!!!!!!!!!!!!!! ريما/ههههههههههههههههه مساعد/الحمد لله على نعمة العقل؟؟؟ ريما/يوم اني حشرة ليش مضيع وقتك وقاعد تكلمني بالله!!!!!!!!!!!!!!!! مساعد/مزاج لك عندي شي!!!!!!!!! ريما/لاابدا مالي عندك شي..... مساعد/معناته اقلبي وجهك عني... ريما بدلع/اقول عمي مساعد.....ترى انا طالعة رايحة البقالة باخذ لي شوية شيبسات .... مساعد/وش اسوي فيك انا!!!!!!!! ريما/اعطيك خبر .....ادري انه بيوصلك بس قلت يمكن حبيت تسمعه مني شخصيا!!!!!!!!!توصي شي ادزه لك مع.....مع البودي جارد!!!!!!!!!!! اول ماقالت له انها بتروح البقالة ركب سيارته ومشى!!!!!!!!!!!!!!!!! مساعد/صحيح على طاري البقالة وش ها الحركة البايخة اللي سويتيها؟ ريما/مفكر انك بتمسك علي ها الكم شي اللي شريته؟لا يابابا انا اغراضي اشتريهم بفلوسي ومااحب تدخلات من احد؟ مساعد/هذا لانك سخيفة... ريما/شكرا.... وسكرت السماعة بوجهه... *نورهان/عطيني مسج.. شروق/من وين لي؟ نورهان/وانتي؟ نور/يعني انا اللي عندي؟ نورهان/افف ابي ماجد يدق علي....بس مدري شكتب له؟ شروق/الله يرحم ايامها..... نورهان ناظرتها بغضب...../يعني شنو؟ شروق/مافينا ننكر انها كانت مشيتنا مزبوط؟ نور/ترى انا اوشكت على الافلاس....ومساعد مطنشنا هو مع شلته.....وماجد مااشوفه يدق عليك يانورهان؟ نورهان/افففففففف وانا شسوي....انا اكثر وحدة ابي ريما ترد لشلة !!!!!! شروق/والحل يعني كيف بنخليها ترد؟ نورهان قامت من كرسيها/قلت لكم هاذي دبروها انتوا انا ماادري شلون بترد!!!! ومشت عنهم.... شروق بغضب/يعني انتي حضرتك من متى دريتي عن شي ماكل شي كان على ريما واللحين بعد ماراحت ريما راح كل شي!!!!!! نور تذكرت كلام ريما لها لانها دايم تقول لها ..مالك شغل فيهم اذا شفتي وحدة تتكلم عن الثانية في غيابها كل اللي عليك انك تسمعين وبس بدون ماتردين!!!!لانك لو رديتي انتي اللي بتوقعين فيها وبتاكليها!!!!!! شروق/مصدقة حالها يعني انها بتجيب لنا صيدات جديدة بدون ريما!!!!!هذا وجهي واذا بغيتي ابصم بعد !!!هاذي كلمتين على بعض ماتعرف تقول!!!!!!!!!!وتعالوا دبروني وقولوا كل شي وعطوني خبر بعدين!!!!!!!!! نور/................ شروق/مدري نفرتتي وش مفكرة حالها!!!!!!!جمال بدون لسان مايساوون شي ابدا!!!!!!! *دخلت ريما البقالة اللي جنب بيتهم وكانت صغيرة يعني مافيها غير جهتين بس وثرلاجات البيبسي والايسكريم قبال الباب.... اخذت لها احتياجاتها المعتادة ثلاث علب بايسن+جالكسي بالبندق+شيبس ليز بالجبن كبير+اربعة اندومي بالخضار+2اسكريم جالكسي وواحد سنكرس.... حطتهم على طاولة الهندي.... ريما وهي تحط اغراضها على الطاولة/صديق هذا ايسكريم حط في كيس لوحده...وعطيني بطاقة سوا بمية ريال..... مساعد وهو قاعد على كرسي الهندي ويتكلم لها بالهندي وهو يضحك/ان ساءالله ماما......... فزعت فزعة مو طبيعية يوم سمعت صوته ويوم رفعت راسها وصارت عيونها بعيونه حست بالخوف منه..... مساعد بشماتة/مو ماخذ لك انا قبل ليلتين جالكسي وبايسنليش رديتيهم وانتي تبيهم!!!!!!! ريما/............... مساعد/ياسلام...ليه الهندي تفتحين وجهك له وماتتلثمين!!!!!!! ريما/كيفي........ مساعد/لا انا كذا ازعل منك......... .ريما/ازعل ومن قال لك انك بتاْثر فيني شعرة عاد!!!!!!!!!!! مساعد بثقة/ريما ماانتي خايفة اني اقفل ها الغرفة اللي انتي عادتها بقالة واسوي فيك اللي ابيه بدون مااحد يعرف؟ ريما قعدت على الطاولة الصغيرة وتكلمت معه بنفس ثقته/لاطبعا مو خايفة... مساعد/وهذا طبعا لانك تعودتي على ها الموضوع بما انك صديقة نورهان!!!!!!!!!! ماحس الا باعصار حار على خده وقف مكانه يناظر بيدها اللي بعدها مرفوعة وعيونها اللي تلمع من الشرر والغضب.... ريما بكل عصبية الدنيا/انت اخر واحد تجيب بشرفي ياحقير وتشبهني بها الواطيه؟؟؟؟؟ ماكافها الكف اللي عطته اياه بحركة سريعة وحاقدة اخذت البايسن من الطاولة ورجته بسرعة وفتحتحته في وجهه وسط ذهوله!!!وبعدين كملت الباقي في شعره؟؟؟ ريما وهي تصارخ عليه/اذا كنت مفكرني طلعت معها وجيتك فتذكر اني ارافقها في اماكن عامة بس!!!!شرفي اغلى منك ومن كل فلوس الدنيا اللي راح تعطيني اياها!!!!!!!!!!! بعد ماخلصت من كب البايسن عليه رمت عليه العلبة ومشت وطلعت من البقالة وهي عيونها متجمعة دموع..... وكان الهندي واقف مع لؤي اللي كانوا قريبين من الباب..... اما مساعد وشكله التحفة بعد البايسن اللي انكب عليه طلع وهو في قمة الغضب من ريما ويلوم نفسه انه تسرع في حكمه عليها...موصحيح انها بتكون مثل نورهان لمجرد انها تطلع معها وهو متاْكد من ها الشي!!!!انا ليش جبت لها مساْلة شرفها..اكيد بتثور وبتقلب الدنيا عليك يامساعد....انت قاعد تتكلم بشرف البنت مو لعبة..وبعدين انت ناسي كلام نورهان عنها انها ماتروح معهم الا اماكن عامة بس.....ويوم جت عندك لعبت لعبتها وطلعت بدون مايلمس احد منها شعرة...!!!! طلع من البقالة.... مساعد يكلم لؤي/حاسب الهندي علشان يسكت ومايتكلم بطاري ريما وبعدها حرك ولاتجي ها المنطقة مرة ثانية ابدا!!!!!!!!!!!! اما ريما رجعت غرفتها وعيونها مغرقة بالدموع..ليش دايم يتكلمون عن الشرف وهم مايصونونه!!!!!!انا ماكان ذنبي ولا كان في يدي شي اسويه....حسبي الله عليك ياللي عذبتني وهميتني وين مارحت حسبي الله عليك..... وحطت راسها على المخدة وهي تسترجع حياتها والسبب الرئيسي للي هي فيه من ضياع...... ولد عمها احمد......اي احمد اللي كان يشتغل بجدة وكانت توها بثالث ثانوي..وبمجرد يجي يتحركش فيها لااتفه الاسباب...وتذكرت كيف انها كانت تخاف على نفسها من هبة الهوا....كانت مثل النسمة بس هو دمرها...يوم عجز انها تتجاوب معها خطبها من عمه الكبير بما انه ابوها عاجز ومايتكلم وتمت الموافقة سريعة بدون اخذ راي ريما اصلا!!!! يمكن هي ماكانت بتعارض وكانت تحلم بقصة حب من كثر ماتسمع في ها السوالف.....ومثل ماكان احمد يقول لها بانه يحبها....وصارت الخطبة وشافته وشافها...ولان احمد بيشتغل في جدة كان لازم يودعها بحرارة قبل لايروح لانها احتمال مايشوفها لوقت العرس.... وعدها ثاني بزيارة لها في البيت وجهزت ريما المكان وكلها امل في ها الاحمد...... وصار اللي صار..........اخذ احمد اللي يبيه منها رغم معارضتها في البداية...بس احمد ولد عمها واللي بيكون حبيبها وزوج المستقبل اقنعها بان هذا الشي عادي ويصير بين كل المخطوبين حتى قبل لايتزوجون ..اسكتت... وفي الليلة الثانية بعد سوا نفس الحركة وعاد نفس الكلام اللي قاله باللية اللي فاتت...... اما في اليوم الثالث...جتها صدمة عمرها اللي شلتها وغيرتها مرة وحدة...احمد راح جدة!!!!!!!راح بدون مايقول كلمة وحدة ولاحتى يودع بحرف واحد!!!!!!راح بدون مايوعدها بتديد موعد العرس...والادهى من هذا كله......فسخ خطوبته منها وكانها عار بالنسبة لها!!!!!!!!!!!!!!!!! فسخ خطوبته...اي...ومابالى بمشاعرها وبالحالة اللي ممكن توصل لها يوم تركها كذا بعد مااخذ منها اللي يبيه..... هذا ومحسوب عليها ولد عم؟؟؟؟؟ أي ...الله لايعود ايامك يااحمد..الله لايعودها......مساعد النسخة الثانية من احمد...يبي ياخذ منها اللي يبيه ويرميها مثل ماهي...كلهم كذا غرضهم واحد....... قطع عليها همها صوت الجوال وهو يدق.....وبالرغم من ابتسامتها وهي تشوف اسم المتصل(زياد)الا انها كانت في حالة ماتسمح لها ترد على أي احد حتى لو كان زياد!!!!!!!!! *شروق/بس لقيتها.... نور/شنو.. شروق/انتي تكلمين ريما؟ نور بارتباك/ليه؟ شروق/عشانك انتي كنتي محايدة وماعمرك تهاوشتي معها...بس انا كذبت عليها بسالفة عيد ميلادي ونورهان لو شتقول ماراح تصدقها ريما؟ نورهان/............ نور/أي بس...شقول يعني؟ شروق/قولي لها انك في مشكلة وانك تبين منها مساعدة وبتكونين موجودة وين ماهي تحدد..... نور/واذا سالتني عن المشكلة؟ شروق/قولي لها انك ...مثلا تبين منها سلف.... نورهان/بس ريما ذكية وماراح تصدق بها السرعة؟ شروق/واذا خلصتي من ها الموضوع...قولي لها احنا نبيك تردين للشلة بشروطك واحنا موافقين عليها.. نورهان باعتراض/احنا مااتفقنا على كذا؟؟ شروق/هذا هو الحل الوحيد...ريما ماينفع معها لف ولادوران بنعطيها السالفة كاش..... نورهان/شنو ترجع لنا بشروطها؟ شروق/لازم ترجع بشروطها مالنا غير ها الحل؟ نورهان/أي بس انا مو موافقة.. شروق/معناته دبري امورك ودبري لنا صرفة... مرت يومين....وريما طلعتها من غرفتها قليلة وحتى مكالمات زياد ماردت عليها...ولا على أي مكالمات ثانية... كان كل تفكيرها مشتت وحاسة بالضياع والخوف من مجهول!!! ندى/ريما ممكن ادخل؟ ريما/تفضلي.. ندى/كيفول قلبي اليوم.. ريما/خبري عبدالله قلبك مو انا؟؟ ندى/............. ريما/شخباره؟ ندى/ريما انا واقفة بين نارين بين نار حبه وبين نار فراقنا!!!!!!! ريما/وتوصلتي لقرار؟ ندى/للحينلا...كل ماانوي الفراق ارجع اضعف من قبل ومااقوى عليه؟ ريما/متى مرته بتولد؟ ندى/اعتقد باقي لها ثلاثة شهور.. ريما/اتركيها لين تولد زوجته....بعدين بيتحدد المصير بنفسه.... ندى/على قولتك...الا ريما صدق...تعرفين ذيك السيارة اللي كانت واقفة هنا قبل ثلاثة ايم؟ ريما/شفيها؟ ندى/ظلمنها..مااشوفه موجود اللحين.. ريما/............. ندى/تدرين كل شي ولاانك تظنين السوء بناس ماتعرفينهم...... ريما/على قولتك.... ندى/يالله انا بقوم....تبين شي.. ريما/سلامتك.... دق جزالها اليوم وللمرة الخامسة من زياد..... بقد ماكانت متلهفة علشان تسمع صوته الدافىء على قد ماحست انها تظلمه...زياد انسان بريء وطاهر وهي ....... ردت عليه بس كان مبين انها بتبكي.. زياد بلهفة ماقدر يخفيها وهذا اللي خلا ريما تقرب تبكي/ريما شفيك؟ ريما/هلا زياد.. زياد/خير وش فيك... ريما/كنت تعبانة زياد/سلامة عمرك.... ريما/الله يسلمك...دقيت عليك اول ليلة بقولك اني ماراح اقدر اجي وكان جوالك مقفل... زياد/أي انتبهت عليه في النهاية بس رجعت ودقيت لك ومارديتي وخفت عليك!!! ريما بلهفة/صدق خفت علي!!!! زياد حس بالارتبك.... ريما/اول مرة احد يقول انه خايف علي!!!!!!!! زياد باندفاع/لانهم مايعرفونك كثر مااعرفك.. ريما بحسرة/قصدك لانهم يعرفوني اكثر مما تعرفني..... زياد/بشوفك اليوم ولالا؟ ريما بضحكة وفيها كم دمعة/صرت تقدر تقول بشوفك وماترتبك؟ زياد/ريما لاتحرجينيز.. ريما بدت تبكي/زياد انا تعبانة.......حاسة نفسي اموت وماحد حاس فيني.... زياد/اسم الله عليك ...صاير شي في بيتكم؟ ريما/لا...صاير شي فيني انا؟ زياد/قولي شصاير.. ريما/خلاص..راح اجي على الموعد اليوم..وبتكلم عن كل شي بصراحة.. زياد بقلق/انتظرك...... اول ماسكرت من زياد بكت بكي مابكته طول حياتها..بكت لانها حست بميلان في عواطفها تجاه ها الشاب الحنون...بكت لانها سمعت اللهفة بصوته وخوفه عليها.....بكت لانها عارفة هي شنو وهو شنو.....بكت من كل شي المها وزعلها الى ها اللحظة..... /////////////////////////////////////////////////// مساعد/حاليا انا مسوي حضر على كل علاقاتي.... فهد/افففف احلى يالعريس!!! ماجد/وبيطول ها الحظر ولا بس كم شهر؟ مساعد/مدري يعتمد عليها هي هل بتغيرني ولابترجعني اسواْمن قبل ؟ ماجد دق جواله واعتذر منهم وقام.. فهد/شخبار ربيع القلب؟ مساعد/أي ربيع القلب... فهد/في غيرها.....ريما...؟ مساعد/ريما؟ريما فترة عدت من حياتي خلاص!!!! فهد/شلون يعني؟ مساعد/يعني شلتها من بالي خلاص...انا داخل على عرس بعد شهرين وماابي اشغل راسي بوحدة مثل ريما........ فهد/حل معقول..بس انت متاْكد انك شلتها من بالك؟ مساعد/طبعا... فهد/ان شاءالله...... *زياد يكلم ريما... زياد/تاْخرتي ريما؟ ريما/شسوي ظروف اخرتني؟ زياد/أي بس مضطر امشي اللحين.. ريما/أي بس انا جاية بالطريق...وماباقي شي؟؟؟ زياد/مااقدر اتاخر اكثر من كذا مر على الموعد ساعة وربع....زلازم ارجع عندي بكرة امتحان ولازم اذاكره!!!!!!!!! ريما في بالها(لاتصيرين انا نية خليه يروح ويشوف مستقبل) ريما/ماتقدر تنتظر شوي بس؟ زياد/ريما..خلاص انتظرتك كثير الليلة؟ ريما/طيب.........اترك لي شي على الكرسي يازياد؟ زياد/مثل شنو؟ ريما/مدري أي شي يذكرني فيك....صار لي قريب الاسبوع ماشفتك وماابي اقعد على الكرسي بدون شي يذكرني فيك.... زياد/أي بس انا ماعندي شي ياريما..... ريما/ولاشي؟؟؟ زياد/ماعندي غير الجوال واذا تركته... ريما/غير الجوال؟ زياد/ريما ماعندي شي صدقيني؟؟؟حتى قلم ماعندي؟؟ماعلي الا ثوبي وشماغي بس!!!! ريما/اللشماغ!!!! زياد/اللشماغ!!!! ريما/عطني شماغك وابشر بعزك!!!!!! زياد/............... ريما/بتتركه؟؟؟ زياد/طيب........ اول مادخلت غرفتها قفلتها بسرعة وقعدت على الفراش وطلعت شماغه من شنطتها,,,,,, مسكته بين يدينها....وقربته منها اكثر واكثر وصارت تشمه,,,,يازينك ياريحة زياد....والله اني اشتقت لك موووت,,,,,,وضمت الشماغ لصدرها وغمضت عيونها وتخيلت انها حاضنة زياد بكبره مو بس شماغه!!!!!!!!!!!!!!!!!!!وهي على ها الحال قطع عليها جوالها....ردت عليه بكل نعومة... ريما/هلا وغلا فيك... زياد/هلا والله... ريما/.............. زياد/شفتيه؟ ريما/أي اخذته معي البيت..... زياد/............ ريما/مابتسالني وش قاعدة اسوي فيه؟؟ زياد/..........مدري... ريما/حاضنته بقوة لاينلفت من يدي!!!!!!!!!!!!!!!!!! اليوم الثاني طلعت ريما من حبستها اللي كانت بختيارها وراحت الخبر...وين اروح وين وين ياريما....يالله الكورنيش.... خلني اول امر ستار بكس افطر بعدين نبداْ جولتنا التفقدية..... قبل لاتدخل ستار بكس للعوائل لفت انتباهها شاب واحد كان قاعد في الطاولات اللي بره ..وجت في بالها اكثر من فكرة ذيك اللحظة رفعت جوالها وهي واقفة مكانها ودقت عليه..... ماجد اللي كان حايس يشتغل بالاب توب..ارتسمت عليه الدهشة وهو يشوف رقم ريما بس ابتسم ورد بسرعة وهي تناظره طبعا!!!!! ماجد بفرح/مابغينا نتذكر؟؟؟؟؟ ريما/تنتظر احد.....؟ ماجد رفع راسه ولقاها واقفة....وابتسم... ماجد/ولو كنت انتظر شبيغير يعني..كل شي ولااني افرط بقعدة من قعدتاك..... ريما/معناته قوم خل ندخل قسم العوائل..... ماجد/يالله..... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,ماجد/وش تشربين؟ ريما/واحد فربشينو كراميل وواحد كروسان... ماجد/...يالله باخذ لي مثلك.............................................. .................................................. ..................................ماجد/ماتوقعت اشوفك هنا اصلا...ولاتوقعت اشوفك مرة ثانية؟ ريما/هو بصراحة شكلك وانت قاعد بروحك كسر خاطري....مو لايق عليك الدور الوحداني ياماجد؟ ماجد/اخ منك يامعذبني....وحط يده على يدها وسحبت يدها بسرعة.. ماجد ابتسم/متى بكسب ودك ياريما؟ ريما/تصدق عاد...بالي مشغول.....في وحدة من زميلاتي سوت لي خدمة مااقدر انساها لها ابدا من كم يوم وماني عارفة كيف ارد لها الجميل؟ ماجد/...مدري انا ماافهم في ها السوالف؟ ريما/هم حالتهم مو ذاك الزود لك عليها......واذا تبي الصراحة انا في بالي فكرة بس محتاجة لدعم قوي ينقصني!!! ماجد/اذا فيني اساعد تراني حاضر ياريامي.... ريما/عندها اخو يدرس بجامعة البترول سنة ثانية وهو وهم كلهم ودهم يشتغل يعني على الاقل يساعد بمصاريف البيت شوي...بس المشكلة انه مو لاقي وظيفة ابدا...فاانا الفكرة اللي في بالي اني اشوف له شغل.....انت شرايك؟ ماجد/اذا تحسين انك بتردين لها الجميل وبتتحررين من جميلها ليش لا سويها؟ ريما/مو هني المشكلة ياماجد.....؟ ماجد/وين المشكلة؟ ريما/وين بيشتغل!!!! ماجد/عنده لغة.... ريما/اعتقد... ماجد/طيب والكمبيوتر؟ ريما/بصراحة انا مدري عن اخوها يعني مالي علاقة فيه؟ ماجد/اكيد مالك علاقة فيه مو ولد فقر انتي ماتبينه؟ ريما/على قولتك وش اسوي في ولد الفقر؟ ماجد/طيب ماتقدرين تسالينها؟ ريما/اقدر بس اخاف تفهم الموضوع وتبني عليه امال وبعدين؟ ماجد/مو مشكلة اذا عنده لغة انا بشغله بشركة عمي.... ريما/.............. ماجد/اذا هو على قولتك بجامعة البترول اكيد عنده لغة لان دراستهم هناك كلها انجليزي.... ريما/واللحين... ماجد/ريما وش المقابل. ريما/أي مقابل... ماجد/بوظف اخو صاحبتك...وش بتعطيني... ريما/بطلع اتعشى معك ماجد/الليلة... ريما/لا طبعا مو الليلة اذا توظف بعدين يصير خير؟ ماجد/أي بس بتنكبين فيني وماراح تجين.. ريما/ساعتها بتكون عندك اوراقه وخل بالاتفاق اللي بينا!!! ماجد/انتي كذا بتعجبيني..... ريما بدلع/وبعدين لاتنسى اني لازم اخلي نورهان تشوفك معي!!!!!!!!!!! ماجد/!!!!!!!!!!!!!!!!!!!!!!!!!! * زياد وحلم الوظيفة وهل بتحققه ريما وليش!!!! ابيك وارفض الواقع........!!! هل بتكمل علاقة ريما وزياد ولابتنتهي بمجرد يعرف عن الخافي المستور!!! عبدالله والطفل الجديد بحياته ووش راح يغير!!!! |
البارت الثاني عشر,,,,, ريما/ساعتها بتكون عندك اوراقه وخل بالاتفاق اللي بينا!!! ماجد/انتي كذا بتعجبيني..... ريما بدلع/وبعدين لاتنسى اني لازم اخلي نورهان تشوفك معي!!!!!!!!!!! ماجد/! نور/دقيت عليها اكثر من مرة وماردت علي؟ نورهان/لكيد عندها صيدة جديدة ومشغولة بتضبيطه اللحين!!! شروق/احنا ماراح نقطع الامل بنظل نتصل فيها لين ترد..... نورهان/وش رايك في....البارحي اللي جبته لك؟ شروق غمزت بعيونها/تسلمين عجبني مووت.... نورهان/انا يوم شفته قلت شروق علطول... شروق/من ذوقك ياعمري.... نور في بالها(صدقتي ياريما ذولا ذيابة ويعرفون لبعض...ولا من يصدق انهم البارح بس كانوا بيتذابحون؟؟؟؟؟؟) زياد/ليش تسالين؟ ريما/انت قول لي... زياد/يعني انا عندي لغة بس كمبيوتر ماني شاطر فيه....قلت باخذ لي دورة اذا صار عندي..... ريما/ولاعندك أي خلفية عنه؟ زياد/لا مو كذا...يعني اعرف اسكر وافتح واشتغل على الورد..والاشياء البسيطة.... ريما/طيب.... زياد/ليش تسالين.... ريما/لو توظفت بكم تبي تتوظف؟ زياد/ريما...انتي عارفة ان حلم الوظيفة ماراح يتحقق ليش تساليني؟ ريما/وانت ليش متشائم كذا!!!! زياد/لاني عجزت وانا ماخليت شركة مارحت لها... ريما/طيب...بس تذكر دايما انه كل شي له امل!!!!! زياد بلهفة/ريما بشوفك اليوم؟ ريما/أي بس في الراشد .... زياد/ليش الراشد!!!!وش فيه مكانا!!!! ريما/بنرجع لمكانا لاتخاف الليلة بس!!!! زياد/الراشد..الراشد....وش فيها يعني... ريما/خلاص اشوفك الليلة.... زياد/انا بكون فوق عند المطاعم...... ريما/طيب....باي.... عايض/اقول طال عمرك يوم انك بتودعنا خلاص قوم خل نفلها في الراشد اخر ليلة قبل لاتتزوج!!!! مساعد/........... فهد/وهو الصادق ..بعدين لاتنسى اني بكرة راجع الرياض وبرجع الاسبوع الجاي وانت بتكون حوستك حوسة في التجهيز...يالله قوم؟ مساعد/أي بس انا مابرقم احد بمشي معاكم مرافق بس؟؟ فهد/بنشوف....يالله قوم.... في غرفة ندى.... ندى/وش فيك حايسة؟ ريما/............... ندى/قوليلي شنو تدورين وبساعدك؟ ريما/كحلي مضيعته ماصار عندك!!!! ندى تناظر بعيون ريما بتشكيك/فوق ها الكحل اللي بعينك بعد بتحطين!!!! ريما/شفتيه لولا؟ ندى/ماشفته.... ريما/طيب عطيني كحلك شوي وبرده بعدين؟ ندى/طيب وخري شوي..........ريما بتطلعين؟ ريما/أي..... ندى/وين بتروحين؟ ريما/مااحب كثر الاسئلة!!!!!!!!!! ندى/اقدر اجي معك حاسة نفسي ملانة؟ ريما اخذت الكحل منها/لا......... وطلعت من غرفتها....... ندى تنهدت وقعدت على فراشها....(ياليتني ماطلبت منك ها الطلب ياريما!!!!!!!!!!!وانا عارفة انك بتقولين لا؟؟؟) نورهان/بنات قوموا نروح الراشد..... نور/ملينا من الراشد كل يوم نروح ومافي واحد شبك معنا على الخط تمام!!!! نورهان/واحنا وش خسرانين؟ شروق/على قولتك محنا خسرانين شي؟ نورهان/يالله دقيت على السايق يجينا... *في الراشد وتحديدا فوق عند المطاعم....ماكان الوضع زحمة مووت لانها ليلة ثلاثاء مو ليلة خميس بس كان في تجمع شبابي كبير....... كان مساعد وفهد وعايض ولؤي قاعدين بطاولة..... وعلى بعد خمس طاولات كان زياد قاعد بس بروحه...وينتظر ريما....... وفجاْة صار هرج ومرج وتجمع وصفير وتصفيق فهد/خير ان شاءالله؟ مساعد/تلاقي وحدة من ها البنات كاشفة وجهها؟؟وشبابنا مايبيلهم شي؟ حتى زياد رفع راسه يستكشف الامرمن كثر ماصوتهم كان عالي.... وطاحت العيون في بعض!!!!! طاحت عيون زياد بعيون ريما اللي كانت متلثمة بشماغ زياد والشباب حوالينها من كل جهة وكانهم يحرسونها..... وفي نفس اللحظة انتبهت لعيون مساعد اللي انتبهت لها......وشالت نظرها عن زياد بسرعة فهد لف على مساعد وهو يضحك/هذي مو المجنونة؟ مالقى أي جواب غير عيون مساعد اللي كانت تاْكل في ريما وعيون ريما اللي كانت على مساعد.... زياد لحظتها مايدري أي مشاعر جته ..مايدري ليش حس ان المكان ماناسبه وضاق عليه وانه تصرف ريما من الاساس ماهو حلو!!!!!!!! اخذ بعضه ونزل بسرعة وكانت ناوية تلحقه بس ماحبت انها تتصرف تصرف اهوج ويثير حفيظة زياد اكثر مماسوت!!!!!! فهد/عايض روح ناديها!!! مساعد بصرامة/لا... فهد/ليش لا؟ مساعد/اذا تبي تكلمها قوم لها..انا ماابي!!!! فهد ناظره بشكل يستفهم منه ومساعد ماكان باين على وجه أي شي وقال له بقوة/اذا تبي تشوفها روح يافهد انا مابي..... فهد/طيب...ومشى للجهة اللي فيها ريما وكانوا الشباب حوالينها من كل جهة .... فهد/اخلصك منهم!!!! ريما ناظرته بقوة وكانها مو مهتمة لوجوده ولا لوجودهم...... فهد/اقولك اخلصك منهم؟ ريما مشت عن الكل بدون أي كلمة...... فهد يكلم عايض/هاذي من وين تجيب قوتها!!!!!! عايض/؟؟؟؟؟؟؟؟؟؟؟؟؟؟؟؟؟؟ ريما كانت تمشي وتفكيرها كان في زياد!!!!!!!!! شقد شافت في عيونه عتب وملامة و....واحتقار؟؟؟؟أي اكيد زياد يحتقرها اللحين على اللي سوته؟؟؟ كيف سويت كذا بس ياربي كيف؟؟؟؟ زياد بريء وماهو عايش العالم اللي انتي عايشته ياريما كيف تبين تنقلينه مرة وحدة من عالمه لعالمك بدون أي مقدمات!!!!!! طلعت من الراشد بكبره وهي تفكيرها في زياد ويوم قربت توصل البيت قالت للسايق يردها لكورنيش الدمام تبي تقعد هناك شوي........ فهد/اقول عايض روح اطلب لنا عشى .. عايض/وش تبون؟ فهد/اللي يسرك بس الله يخليك مانبي من ها المطاعم السريعة لاني مووت مااواطنهم؟؟ عايض/ابشر ياعمي فهد....... وبعد مااقام لف فهد على مساعد اللي كان سرحان... فهد/انت من صدقك بتعرس وذي حالتك؟ مساعد انتبه له/وش فيها حالتي ماهي عاجبتك؟ فهد/مافيها غير السرحان والشرود والهرب من الواقع!!!! مساعد/أي واقع!!!! فهد/واقع ريما يامساعد!!!!! مساعد/........... فهد/انت كل ماتشوفها تتغير حالتك؟ مساعد/قلت لك مافي بالي شي اللحين غير زواجي والحياة الجديدة اللي ببتديها!!!! فهد/ودي اصدقك بس لو ماشفت نظراتك لريما!!!!!!!!!! مساعد في باله(انا بعد ودي اصدق نفسي.........بس اموت واعرف شماغ منو هذا اللي لابسته ؟؟؟؟وعيونها كانت تدور على منو؟) على الكونيش اخذتها خطواتها للمكان المعتاد اللي تقعد فيه مع زياد وشافته قاعد وحزين ومنزل راسه للارض وعرفت انه اكيد كان متضايق من حركتها بس يالله فرصة وجتها وماراح تتكرر مدام انه زعلان ومتضايق خليها تقول له عن حياتها كلها وينهون اللي بينهم بسرعة.... قعدت جنبه وهي تحاول تكون ثابتة ورفع راسه واستغرب وهو يشوفها جنبه ..ظلت عيونه معلقة عليها وماشالها....(يازينك ياريما يازينك ومتلثمة بشماغي بعد؟؟؟اكيد ان موتتي الليلة بتكون على يدك يازينة البنات كلهم) ريما/زياد..... زياد/انتي ماقلتيلي انك تبينه علشان كذا!!!! ريما بتنهيدة/انا ابي اتلثم فيه كل يوم؟؟ زياد/وليه؟؟؟؟؟ ريما وهي تناظره وتناظر براءته/علشان تظل ريحتك في بالي علطول وماتفارقني!!!!!!! زياد نزل راسه للارض وماعرف شيقول دايم كلام ريما كان اكبر منه ومن انه يقدر يحتويه..... ريما/زياد خليني اكلمك عن حياتي بصراحة ..... زياد/.............. ريما/كنت عايشة حياتي طبيعي مثل أي بنت تبي تتخلص من هم بيت كان اشبه بانه يفقد حياته.... القصة صارت من تسع سنين يوم ينصاب ابوي اصابة عمل خطيرة كانت بتموته لحظته......واهمال الشركة في اتخاذ الللازم لحظتها صار عاجز كليا عن الحركة وعن الكلام.... ابوي ماهو مقعد يازياد..لا...اللي فهمته من امي انه راقد على فراشه ومايتحرك لايمين ولاشمال ولايقدر يتكلم ولايتنهد حتى...وهي تقول انه تشوه في وجهه ومن يومها حطته بالملحق وانمنعنا كلنا عن شوفته وزيارته..........كان عمري يومها 12 سنة....وماكنت ابالي ولاحتى اهتم...ومسكت امي البيت اللي صار اشبه بالجحيم.....لانلتقي على وجبة ولانعرف اخبار بعض وكان اغراب!!!! يمكن ابوي ماكان مرتبط فينا فعليا مية بالمية بس كان يجمعنا على الاقل في الوجبات وكانت لحظتها علاقتنا مع بعض مفتوحة ومتداخلة اما بعد امي صارت هي الامرة الناهية في البيت حتى هي ماصرنا نشوفها وقت الوجبات وصرنا شيئا فشيئا نستغني عن ها اللمة وكل واحد يتخذ ويخطط حياته بكيفه وعلى هواه واميتغيرت حياتها صارت طول الليل طالعة عن البيت وماترد الا الفجر وماحد فينا يسالها وين رايحة ومن وين راجعة وتزوجت اختي رحمة وراحت الرياض وصارت علاقتها فينا رسمية للغاية يعني في الاعياد وبس!!!! وانخطبت انا بعدها.....قالتها وسكتت.. وقلب زياد وقف لحظتها..... زياد بخوف/يعني ..يعني انتي اللحين مخطوبة ياريما؟؟؟؟؟؟؟؟؟ ريما ودموعها بدت تنزل بس امسكت نفسها عن البكي/لا..فكينا..قصدي..انه فك الخطوبة... زياد/.................... ريما/كان ولد عمي وصاحب التحول اللي صار بحياتي....انا كنت غير صدقني كنت غير وكنت امشي في الظل مثل مايقولون...بس هو اللي صار يتحرش فيني كل مايجي الدمام...لين مل في النهاية وخطبني....وكانت فرحتي لحظتها مو أي فرحة..فرحة اني ملكت الدنيا كلها ..لانه اكيد بيعيشني مثل ماكان يقولي على الطالعة والنازلة,,,بكون اميرة في قلبه الناهية والامرة....بس يافرحة ماتمت ياريما.....ليلتين بس عشتهم وياه اميرة وياليتني فعلا كنت اميرة بارادتي !!!!!!!!!!ليلتين فهمني فيهم اني المفروض ماارفض له أي طلب علشان هو بالمقابل مايرفض لي طلب..واخذني على قد عقلي...بنت ماحواليها احد لاام ولاابخت ولاصديقة..ولااحد..اخذ مني اللي يبيه في ها الليلتين وانا في قمة الرضا اني بكون اميرة خلاص وبودع حياتي كلها في الدمام وبروح معه جدة وبفتح صفحة جديدة بعيدة عن بيتنا وهدوء ها البيت المخيف!!!!! بس في اليوم الثالث عرفت انه راح جدة.....وفك الخطوبة من اساسها!!!!!!!!!!!!!لحظتها بس فهمت العالم مثل مالازم افهمه ...لحظتها صار الانقلاب الكبير في حياتي...ماعاد يهمني أي شي لاهمسهم ولاغمزهم من وراي ومن قدامي اني بعد ليلتين بس فك خطوبته مني وهو ولد عمي!!!!!!!!!! فليتها وقلبت الدنيا اللي كنت عايشتها كلها....سهر وشباب ومغازل ومواعيد واسواق....يمكن كنت محترمة حالي في علاقاتي وماكنت ارضى ان أي احد يلمس مني شعرة..بس الواقع واقع..انتهيت وانتهت حياتي...ومافي شي يرضيني...متمنية اني اتغير..متمنية اني احس ان في ناس تخاف علي وتساْلني عن طلعاتي ورواحاتي وجياتي...مع مين كنت ..ومنو كانت معي!!!بس لاحياة لمن تنادي البيت عايش عيشة ديمقراطية وماحد يسالعن احد!!!!!!!!!!!!!خواتي اقرب الناس لي..غادة وندى.....علاقاتي فيهم صارت بالحضيض وبالخصوص غادة.... ابراهيم اللي هو خطيبها اللحين كان خاطبني انا....ويوم اهله عرفوا اني كنت مخطوبة لولد عمي وفكني ارفضوني رغم انه كان مصر علي....بس انا رفضته علشان اعيش حياتي مثل ماابي وبدون قيود....بعدها تقدم لغادة اختي اللي ماصدقت على الله تاخذه قبل لايطير.....وكره غادة لي بس علشان ها السالفة..انه تقدم لي بالاول قبلها وكانها مجبرة تاخذه هو دون غيره!!!! اما ندى حياتها ملايانة اسرار ..بديت اكتشف منها اشياء واشياء واجد هي خاشتها عني...بس تصدق اني احبها اكثر وحدة في البيت احب فيها روحها الحديدية وعدم اهتمامها بمشا كلها الخاصة قدامنا.... وبس....هاذي حياتي كلها يازياد.............. قالتها وقامت من مكانها ومشت بعيد عنه ويوم رفع راسه مالقى غير سراب ريما!!!!!!!!!!!! مر اسبوع على ها الحال وزياد كل يوم يروح يقعد في نفس مكانهم على الكورنيش ويقوم بعد مايياْس من جية ريما..ماكانت عنده الشجاعة الكافية انه يكلمها بعد كل اللي قالته بس مايدري مشاعره ليش صارت متناقضة كذا مرة وحدة..ساعة يبيها وساعات يحس انه بعيد في عالم وهي في عالم ثاني.................ومالازم يتفقون,,,,, *في بيت الفالح... ندى/ريما.. ريما/نعم ندى/امي وغادة قاعدين بالصالة قومي خل نقعد معهم... ريما/ليه؟؟؟ ندى/قاعدين يتكلمون بالعرس والبطاقات ومنو بيعزمون...قومي خلينا نغير جو غرفنا اللي صار يخنق!!! ريما/انا جو غرفتي مايخنقني.... ندى/يالله ريما... ريما/انتي عارفة ندى وعارفة طبايعها وانا بصراحة اليوم مالي خلقها ابدا.... ندى/علشاني.....ريما انا مفتقدة جو الاسرة مووت!!! ريما ناظرتها بحسرة/ومنو قال لك اني عايشته!!!! ندى/يالله قومي....... مانتظرت من ريما انها تقتنع مسكت يدها...وقومتها ونزلوا الصالة.... ام محمد/حيا الله البنات ندى/تسلمين ياام البنات ام محمد/كانها شتيمة!!! ندى/حشى لله ماهي بشتيمة اصلا وش احلى من البنات؟؟؟ غادة/مو كل البنات!!!!!! ريما رفعت راسها ولقتها تناظرها من فوقها لتحتها.... ام محمد/ريما.. ريما/........نعم... ام محمد/اليوم ام راشد كلمتني عنك.... ريما صارت تلعب باظافرها..... ام محمد/يعني انا قلت لها اني بشاورك اول... ريما رفعت راسها/تشاوريني في شنو؟ ام محمد/يعني في شنو في راشد!!! ريما/راشد ماغيره!!!!انسي...انا اذا نويت اتزوج باخذ لي واحد مليونير مو مديونير!!!!!! غادة/وش دعوة عاد مفكرة نفسك الاميرة ديانا؟ ريما/احتفظي برايك لنفسك ماحد طلبه!!!! غادة بعصبية/أي..انتي ماتبين رجال يحكمك تبين تطلعين وتدخلين على كيفك بدون ماحد يردك؟؟؟؟ ريما/وخير ان شاءالله؟؟؟ ندى/بنات شفيكم؟؟؟ غادة/شوفي اختك كل ماجاها واحد قالت ماتبيه...تبي تدخل وتطلع على كيفها مفكرة احنا ماندري عن سوالفها برى البيت شنو؟؟؟؟؟ ريما وقفت/انتي احترمي نفسك احسن لك؟؟؟؟ ام محمد/ وبعدين انتي وياها ماني قاعدة بوسطكم يعني؟؟؟؟؟؟ غادة بعصبية/اصلا ابراهيم قال لي قال اختك مشيتها بطالية وسيرتها على كل لسان!!!! ريما/لاوالله..ابراهيم قال لك؟؟؟ غادة بعصبية/أي قال لي.... ريما قعدت بهدوء قهر غادة.....وامسكت المجلة اللي كانت على الطاولة... وتكلمت باعصاب من ثلج بدون ماتناظر في غادة/وماقال لك بعد ليش خطبني يوم ان سيرتي على كل لسان!!!!!!!!!!!!!!!!! ام محمد/.............. ندى/................ غادة/اصلا انتي وحدة سخيفة وقليلة ادب وماتربيتي بعد؟؟؟؟ ريما/يمكن اكون سخيفة ويمكن اكون قليلة ادب بس اذا السالفة فيها تربية فاامك هي الحكم .....يابتكون ربتني يابتكون لا؟؟اساليها اذا تحبين؟؟؟؟ وقامت من مكانها بعد ماتركت وراها اعصار على وشك الانفجار باي لحظة.... وعند اول درجة ركبتها لفت وكلمت غادة/بسك عاد من ها العقد اللي معقدة نفسك فيهم..انا ابراهيم عمره ماهزني ولو كنت ابيه كنت اخذته من اول مادق الباب وماهموني اهله!!!!علامك انتي بتبيعيني وانا اختك على رجال خطبني قبل لايخطبك ورفضته وبعدين انتي اخذتيه ومفكرة اني في أي لحظة برجع اخذه؟؟؟؟؟؟؟ وركبت الدرج وراحت لغرفتها تكمل فيها احزانها........ *بعد يومين.... ريما/ليش شتبين؟ نور/كنت ابيك بسالفة... ريما/انا اللحين رايحة كورنيش الدمام بمعنى اصح وصلت الكورنيش بس افضى بدق عليك... نور/اكيد... ريما/ان شاءالله.... سكرت من نور وهي كل امانيها معلقة على ان زياد بيكون موجود بس اذا كان مو موجود شبتسوي!!!! ياهي اشتاقت له ولصوته ولااحساسه ولكل شي فيه.... اول ماوصلت عند المكان المعتاد دمعت عيونها ....كان زياد قاعد على الرمل وحافر اسمها ... ريما بصوت حزين وهامس/زياد.. لف بسرعة وماكان يتوقعها واول ماشافها مسح اسمها من الرمل ووقف قبالها... زياد/.............. ريما/.....شلونك.... زياد/بخير.... ريما/............ زياد/............. ريما/ممكن اقعد معك؟ زياد/المكان مكانك...... وقعدت وقعد جنبها بدون مايحط عينه في عينها.... زياد/توقعت ان..... ريما/ان شنو؟ زياد/لاولاشي انسي..... ريما/............ زياد/ريما شلون اهلك... ريما/ بخير.... زياد/وشلون ظروفك في البيت؟ ريما/مثل ظروفك ماتغيرت؟ زياد/ريما....ريما انا ..انا كنت.... ريما/كنت شنو؟ زياد/ريما...انا.. ريما/زياد وش فيك... زياد/بقولك شي....وانتي بكيفك تختارين؟ ريما/شنو؟ زياد/......... ريما/......... زياد/ريما انا...انا ابيك ....الماضي ماضي وينسى..انا ابيك ومايهمني شنو كنتي كل اللي يهمني انك تبين تتغيرين....تعبت ياريما من كثر ماافكر فيك والله تعبت....انا عارف ان مافيني شي يحببك فيني ولاشي!!!!!! بس عندي قلب مايسكنه غيرك ,,,,,, ريما/...........كانت تبكي يوم سمعت كلامه ماقد خطر في بالها ان زياد يمكن يفكر بها الشي وحتى لو فكر فيه زياد ضعيف وشخصيته خجولة ماممكن انه ينطق في ها الشي الا اذا كان شي خرج عن ارادته........ زياد/*مااناسبك وانا عارف ها الشي بس انا ابيك وارفض الواقع,,,واقعي وواقعك ياريما...ابيك صدقيني بكون لك الابو والاخو والصديق والحبيبي وكل شي يا ..ياريما... ريما/بس يازياد لاتكمل....الله يخليك... زياد/...............انتي رافضة اني استمر في حبك صح؟؟ ريما هزت راسها بمعنىلا/لايازياد...انا احبك قبل لاتحبني انت...حبيتك من اول ماشفتك عند باب الجامعة بس انا ماابي اظلمك...انا عشت حياة مختلفة عن اللي انت عشته....زياد انت تستاهل وحدة افضل مني.... زياد/ريما...الحب ساعة اللي يدق بابك ماتقدرين تختارين بكيفك لان القلب هو اللي يختار!!!! ريما/أي بس.. زياد/انتي مقتنعة فيني؟؟ ريما/اقولك احبك تقولي مقتنعة؟؟؟ زياد/انا احبك ياريما احبك وبظل احبك لااخر نفس....... * يوم ثاني..... ريما/علامك؟؟ نور/ريما....انا خايفة؟ ريما/من شنو؟ نور/من............ ريما/من منو؟ نور بدت تبكي... ريما/نور شفيك؟ نور/انا ضايعة ياريما...ضايعة!!!!! ريما/وش فيك؟ نور كانت تبكي بدون ماتقول شي.... ريما/نور..قولي خليني اسمعك....يمكن لاتكلمتي ترتاحي وفي نفس الوقت نشوف حل للمشكلة.... نور/............... ريما/سكوتك مو في صالحك ابدا...بالعكس راح يتعبك اكثر من انه يريحك..... نور/كله مني انا..انا اللي حطيت نفسي بها الموقف.....كنت عايشة ومرتاحة وش فيها دنيتي....الفقر ماكان عيب ياريما..الفقر شرف...كل اللي سويته في حياتي ماعيشني بكرامة بالعكس ذلني واهاني وخلاني اموت في اليوم الف مرة!!!!!! ريما/انتي وش قصتك اليوم يانور؟؟؟ نور/انا خايفة من اللي بيصير؟؟ ريما/ووش اللي بيصير يانور؟ نور/اذا سوى اللي في راسه وكمل تهديده بروح فيها!!!!هلي بيذبحوني لو عرفوا....... ريما/نور ترى وقسم بالله ماني فاهمة شي..قولي.....وقطع عليهم جوال نور اللي دق... نور/هاذي نورهان.......هلا فيك....لا صاحية...وين؟اللحين....طيب ربع ساعة وبكون عندك........ ريما/وش تبي منك؟ نور/تبي اروح لهم هم في مجمع الظهران.... ريما/............. نور/اقدر اشوفك مرة ثانية... ريما/اكيد..... نور/شكرا ريما......وقامت ومشت وقبل لاتبتعد كلمتها ريما بدون ماتلف عليها... ريما/نور يمكن احنا مو صديقات...بس تاْكدي اني مااكرهك وماتضرني مصلحتك....لو كان في يديني اساعدك ماراح اتردد!!!!! في الليل..... زياد/يعني ماراح اشوفك حبيبتي... ريما/قولها مرة ثانية... زياد/صايرة تطلبينها كثير...... ريما/ليش ماهي من حقي... زياد/بلى بس انتي ماتقولينها ابدا!!!! ريما/حبيبي.....زين كذا.... زياد/ياللله الله يخليك لاتتغلين كثير وتعالي خليني اروي عيني بشوفتك؟ ريما/كم بالمية ودك تشوفني؟ زياد بلاتردد/مية بالمية... ريما/بعتبرها اجابة مندفعة وماراح تحسب لصالحك!!!!! زياد/الله الله الله وش ذا بعد!!!! ريما/هههههههههه زياد/يابعد عمري ها الضحكة..... ريما/وينك فيه؟ زياد/رايح للكورنيش.. ريما/جد؟ زياد/ليش مو راضية تصدقيني اني كل ليلة اروح اقعد بنفس المكان!!!! ريما/بعتبره اغراء علشان اجيك!!!!!! زياد/مابغيتي تحسين على دمك؟؟؟ ريما/حبيبي انت...عشر دقايق بالكثير وانا عندك يالله باي...... وقامت ولبست عبايتها واخذت الشنطة ونزلت تحت وكانوا غادة وامها جالسين...... ريما/سلام..... ام محمد/وعليكم.... غادة/........... ريما/باي.... ام محمد/كان لاكلفتي على خاطرك وقلتي سلام يوم وراها باي!!!!!!! غادة/انتي وين رايحة؟؟؟؟ ريما/مالك شغل؟؟ غادة تكلم امها/ساليها وين رايحة الدنيا مو سايبة!!!!! ريما طلعت قبل لاتعكر مزاجها بمحاضرة اخلاقية من غادة!!!! غادة/يمه.. ام محمد بضيق/وصمه..... غادة/هذا بدل ماتسالينها وين رايحة ومن وين رادة!!!!! ام محمد/انتي احد يسالك وين رايحة ومن وين رادة؟؟ غادة/يمه انا مخطوبة...غير.. ام محمد/معناته ديري بالك على خطيبك وبس مالك شغل بريما!!!! غادة/يمه.... ام محمد بعصبية/ماكذبت ريما فيك انتي غيرانة منها لان ابراهيم خطبها قبلك!!!!!! غادة بانفعال/يمه شها الكلام!!!!!! ام محمد وقفت/توها ندى كانت طالعة قبل دقايق بس وماقلتيلي ساليها وين رايحة اصلا حتى ماحطيتي بالك عليها رغم ان ندى الصغيرة وريما الكبيرة بس ريما يختلف الموضوع من جهتك!!!!!! ام محمد/شوفي غادة حطي عقلك براسك وشيلي ها الافكار السخيفة من بالك هي لوتبيه كان اخذته قبل لايجي يخطبك مرة ثانية بس هي ماتبيه راكبة راسها ماتبي الا مليونير....ماتبي عيال فقر على قولتها!!!!!!!!!!!! كان قاعد على كرسيهم المعتاد اللي بالكورنيش واللي كانوا كاتبين اسماهم عليه بالقلم الاحمر وهو ينتظرها بشوق وحرقة قلب....وفجاْة لامست عيونه يدين ناعمة حييل ووقف قلبه مرة وحدة(جبان وبيظل جبان بلاش تتعبين ياريما بحركاتك الرومنسية معه !!!) زياد بخوف/منو؟ ريما قربت رساها منه وقالت بدلع/حبيبتك ريما... زياد تنهد تنهيدة ارتياح... ريما بنفس الهمس والدلع /خليك كذا احسن علشان لاتشوف غيري...... زياد/يابنت الناس وانا قادر اشوف اصلا علشان اشوف غيرك!!!!تعالي قعدي جنبي بس.... قربت منه وهو منذبح على ريحة عطرها اللي كان مالي الجو.... زياد/وحشتيني... ريما/تطورات...ههههههه زياد/............ ريما/خلاص بطلت اضحك صدقني..... زياد/انتي ماشاتقتيلي؟؟؟قالها بخوف.... ريما/لا... زياد ناظر بوجهها مباشرة وعليه الف علامة استفهام... ريما/غصب اقول اشتقت لك ماابي اقول...... زياد/............. ريما/هههه لاتسوي روحك مصدوم ترى وربي شكلك تحفة ههههه زياد/؟؟؟؟؟؟ ريما/احبك....قالتها بهمس... زياد بهمس/انتي وش فيك تبين تدوخيني ساعة احبك وساعة مااشتقت لك؟؟؟ ريما/كذا مزاج ابي اعاندك...... زياد/ياروقانك ياريما............ ريما/وشلونك بعد.... زياد/لوني مثل ماهو ماتغير بعدني اسمراني... ريما/بايخة مووت مايليق لك تنكت ابدا!!!! زياد/ههههههه ريما/وشلون البيت.. زياد بتنهيدة/ماحد مخفف علي الدنيا غيرك....تصدقني مفلس ماعندي ريال واحد مفتشل من وائل من كثر مااخذ منه اكيد ديوني وصلت اللحين مليون!!!!! ريما في ها اللحظة بالذات تذكرت ماجد...كيف نست الموضوع...يالله لازم ترجع تكلمه وتذكره...... زياد/وين سرحتي؟؟؟؟ ريما/اللي تقولك انها هانت ياولد الناس وبيجي يوم وبتنحل..قريب.. زياد/ان شاءالله... ريما/ليش منت مصدقني..... زياد/تعبت ياريما تعبت..... ريما/معليش حبيبي معليش....صدقني بتنفرج صدقني... زياد/ريما... زياد/قول ياحياة ريما... زياد/ريما ودي اسالك شي بس خايف تفهمني غلط؟؟؟ ريما/لاماراح افهمك غلط قول... زياد/وعد... ريما/وعد.... زياد/..........ابيك تنسين حياتك الاولية ياريما كلها...تنسين الشباب وحركاتهم والترقيم و.... ريما/صدقني انا اللي ابي اطلع منها ...وانا وعدتك اني تغيرت...وبتغير للافضل... زياد/تصدقين كلامك يريحني.... في نفس الكورنيش بس في جهة ثانية كانت وحدة عاطية الناس ظهرها ومقابلة البحر وجنبها رجال كل ماحاول انه يده تكون على يدها تفلت يدها منه برسعة رغم انها مشتاقة تمسك يدينه وتبوسهم!!!!!! عبدالله/ندى.. ندى/......... عبدالله/حبيبتي....مايصير انتي كذا... قاطعته ندى/عبدالله انا خايفة... عبدالله/طيب خلينا ندخل واحد من ها المطاعم... ندى/لا ماابي.... عبدالله/أي بس انا كذا مو قادر اخذ راحتي... ندى/وش تبي يعني علشان تاخذ راحتك؟؟؟ عبدالله/نبي نسولف مثل الناس؟؟ ندى/سولف ومنو ماسكك؟؟ عبدالله/انتي كذا مخلية الجو ارهابي!!!! ندى/............. عبدالله/انتي ماكنتي تبين تجين صح؟؟ ندى/والله اني بموت على شوفتك بس انا خايفة ياعبدالله خايفة؟؟؟ عبدالله/من شنو خايفة ياروحي انا معك..... ندى/أي بس انا خايفة عليك انت؟؟؟ عبدالله/خايفة علي انا!!!! ندى/افرض مرتك لو احد من اهلها لو صديقاتها شافك هنا ولاحتى من اهلك ووصل يسلم عليك وعلي؟؟؟شبيصير مافكرت في ها الشي واحنا بمكان عام؟؟؟؟ وقف لحظات يناظرها بعدين قال لها بقوة/مايهمني....بقولهم انا مع سعادتي *طيف خطيبة مساعد)/اقول مساعد... مساعد اللي كان ماسك جواله يناظر بشي تركه وناظرها... مساعد/نعم... طيف/وصلوا اليوم بطاقات الدعوة من دبي.... مساعد/أي شفتهم..... طيف/ياربي خايفة الفستان يتاْخر بعد شوي ساعتها صدق بيجن جنوني.... كانت تتكلم وهي تتصنع الدلع والرقة في صوتها واللي كانوا ابعد مايكونوا في شخصيتها وهو مو صابر كل دقيقتين وشغل جواله يناظره.... مساعد/الا ماسالتيني وين بنروح شهر العسل....؟؟ طيف/بكيفك حبيبي.... مساعد/انا ناوي على النمسا.... طيف/وش ماتقول بيصير النمسا النمسا وانا اقدر اقولك لا؟ مساعد/أي صحيح ....طقم المجلس غيرته لانه ماعجبني.... طيف/قلت لك حبيبي خذ راحتك وانا ماعندي اعتراض على شي..... مساعد/...........ودك نطلع شوي.... طيف/أي بس...خليها للعرس مساعد/طيب بكيفك......انا استاْذن اللحين.... طيف/براحتك..مع السلامة حبيبي......... طلع من بيتها وركب سيارته وتنهد بقوة.... وقبل لايرفع جواله ويناظره دق تلوفنه وابتسم للمتصل... مساعد/حيا الله ابو فهيدان... فهد/حيا الله العريس؟؟شلونك... مساعد/بخير طابت ايامك... فهد/عسى بس مو قاعد مع العروس وشغلناك عنها؟ مساعد/تمون يالغالي لو شكنت اسوي اترك الدنيا واتفرغ لك.... فهد/ عزيز وغالي يابو محمد.... مساعد/متى جاي الدمام؟ فهد/والله شكلي ها الشهر مو جاي يعني ماراح اشوفك الا بالعرس مرة وحدة؟ مساعد/لاتقول..... فهد/تعرف الشغل ..... مساعد/..يالله امرنا لله.... فهد/الا انت شعلومك وشعلوم النفسية خلاص تعودت على العروس ولا لسه؟؟ مساعد/شقولك يافهد... فهد/مساعد انا صوتك ماعجبني من كلمتك البارح علشان كذا قلت لازم اسالك ها السؤال؟ مساعد/كان ودي تكون شخصيتها مختلفة شوي عن كذا .. يعني تجادلني... تحاورني...تشاورني وتتناقش معي!!!مو كل شي اقوله لها تقول حاضر وعلى امرك؟؟؟ فهد/أي بس هذا مو عيب يامساعد؟ فهد/أي بس هذا مو عيب يامساعد؟ مساعد/ادري انه مو عيب...بس ...مدري..ان شاءالله تكون فترة بس وتتغير بعد العرس ... فهد/اهم شي ان تفكيرك مايصير مشغول بشي ثاني؟؟ مساعد/انت من مسلطك علي كل يوم وعدت لي نفس الموال؟؟؟ فهد/هههههه ابي اختبرك قبل الزواج....المهم يالغالي عندي مكالمة برجع اكلمك الليلة... مساعد/يالله بنتظرك....... واول ماسكر من فهد تنهد وصار يناظر الصورة اللي كانت بجواله وهو يكلم نفسه(كانك حاس بللي شاغلني يافهد.....وناظر بصورة ريما وهي متلثمة بالشماغ يوم تجي الراشد,,,,) ماجد/طول الغيبات.... ريما/وغنايمه عندك؟: ماجد/وانا شكو؟؟ ريما/انت نسيت وعدك؟ ماجد/لا مانسيته بس الحاجة لك انتي مو لي انا علشان اركض وراك؟؟ ريما/معاك حق بس انا انشغلت بتجهيزي لزواج اختي ومافضيت؟ ماجد/الله..صدق اختك بتتزوج؟ ريما/مو من خصوصايتك؟ ماجد/وبتعزميني؟ ريما/طبعا لا.. ماجد/متى راح تتزوج؟ ريما/قريب.. ماجد/ان شاءالله بس مو مع مساعد بليلة علشان اقدر احضر... ريما/ههههههه مصدق حالك....المهم... قاطعها ماجد/ريامي عاد شوي دلعيني وعطيني وجه..خلينا مثل اول مالتقينا؟ ريما/مجود..صدقني انا مشغولة بس اخلص تجهيزي من العرس برجع لك مثل قبل.. ماجد/اعتبره وعد؟ ريما/اكيد.... ماجد/شوفي انا بعطيك اسم مدير التوظيف وخليه بكرة الساعة ثنتين يروح له... ريما/ليش بعد؟ ماجد/ماعليك بس كذا انا كلمته عنه ودخلته بالشركة بس شكل يعني.. ريما/يعني خلاص يعتبر الوظيفة بالجيب؟ ماجد/افا عليك....وانا وين رحت...بس ريما انا وظفته بشهادة ثانوي ولين يخلص الجامعة ويجيب شهادته بعدين بعدل مستواه بالشركة وراتبه.. ريما/ليش هو كم بيعطونه؟ ماجد/سبعة الاف.... ريما/مو بطالين بالنسبة للثانوية.... ماجد/والمهم في القضية متى العشى؟ ريما/مو اذا استلم الوظيفة وتثبت.... ماجد/قلت لك كلمتهم عنه.... ريما/أي بس وش يضمني انه يتثبت؟ ماجد/انتي ليش ماعندك ثقة بااحد؟ ريما/خلي تمر الثلاثة شهور وبعدها نطلع نتعشى.... ماجد تغيرت لهجته للعصبية/لا تخليني احلف اغيرراي؟؟؟ ريما/تهددني؟؟؟ ماجد/بغير الفين ريال ماكانوا بياخذونه هذا لو فكروا ياخذونه!!!بس انا علشانك وقعت اوراقه بنفسي واعتمدت دخوله يعني شكك فيني يهيني ياريما؟؟؟ ريما/انا اسفة بس... ماجد/هو كله عشى بنتعشاه في مطعم بعد هذا كله ليه!!!!! ريما/خلاص.....اذا استلم وظيفته بنتعشى ارتحت اللحين؟ ماجد بضحة/مايجي يستلم وظيفته اللحين؟؟ ريما/ههههه الله يقطع سوالفك ياماجد.... اليوم الثاني.... زياد/طيب ليه؟ ريما/ياولد الناس انت روح ولاتكثر اسئلة؟ زياد/مو رايح غير لين عرفت لشنو؟ ريما/روح وبعدين بتعرف.... زياد/ريما.. ريما/زياد...عندك ساعة بس..روح واول ماتطلع انا متاْكدة انك بتكلمني؟ زياد/طيب ليش؟ ريما/اذا رحت اساْل عن ..محمد الجاسر وبتعرف كل شي.... زياد/ومحاضرتي؟ ريما/اليوم خلها تولي...يالله بنتظر مكالمتك على نار........... *عبدالله/احبك... ندى/عبدالله خلاص انا لازم اسكر وارجع لمحاضرتي.... عبدالله/خلي المحاضرة تولي وخليني اخذ راحتي معك؟ ندى/طبعا لانك فاضي ماعندك حصص بس انا.... عبدالله/حبيبتي... ندى/وقسم بالله مااقدر اخاف تدخل وحدة من البنات اللحين وتسمعني اكلمك..يالله باي.. عبدالله/أي بس انا ماابي اسكر!!!! ندى/اول مااطلع بدق عليك,,,, عبدالله/وعد.. ندى/وعد.. عبدالله/طيب عطيني بوسة قبل لاتسكرين؟ ندى/ * وعلى الساعة ثلاث ونص... زياد/ريما ماراح تصدقين؟ ريما بفرح/شنو؟ زياد/....................... زياد/وظيفة ياريما وظيفة؟؟؟ ريما/تستاهلها حبيبي.... زياد/ريما انتي شلون... ريما/اهم شي انت مبسوط.. زياد/بيعطوني سبعة الاف مبدئي يعني لو تخرجت واشتغلت عندهم بيتغير بعد...لاو بيعطوني سيارة بعد......وقال لي المدير بيراعيني في الدوام علشاني ادرس وبيكون من اربع لين لين تسع بالليل.... كان يتكلم بسرعة وفرح وهي تسمعه وهي تتخيل شكله بيطير من الفرح.. زياد/ريما شلون...شلون وظفتيني؟؟ دق قلبها ماكانت تتوقعه بيسال ها السؤال... ريما/ها...ليش تبي تعرف؟ زياد/يعني انتي ماتعرفين احد ..يعني اقصد ماعندك ابو ولااخو من وين عرفتي عن الشركة والوظيفة؟؟ ريما/من وحدة اعرفها.. زياد بتشكيك/ريما انتي قطعتي كل علاقاتك بالشباب صح؟ ريما بثقة/انت تشك فيني يازياد؟؟؟؟حرام عليك..اقولك وحدة من البنات اخوها كان يشتغل بس لقى له وظيفة افضل وطلع وانا قلت لازم اقولك عنها بسرعة علشان ماتطير من يدينك وهي ماقصرت كلمتهم عنك يعني اقصد خلت اخوها يكلمهم عنك على انك جاي من طرفه.... زياد/أي بس انا مااعرف اخوها؟ ريما /مو لازم تعرفه.. زياد/بس لازم اشكره... ريما/يكفي انا شكرت اخته...خلاص لاتشغل بالك زياد/أي بس ياحبيبتي واحد مسوي فيني جميل لازم اني اشكره.. ريما/خلاص اول ماينزل من الرياض اقول لااخته تبلغني علشان تشكره...ارتحت؟ زياد/أي.... ريما/حبيبي انبسطت... زياد بارتياح/حيييل ياعمري...مو عارف شقولك ياريما... ريما/لاتقول شي..اوعدني انك تخلص جامعتك بسرعة...وترفع راسي.... زياد/وعد يااحلى ماما... ريما بفرح/تصدق ماتخيلت اني بسمع كلمة ماما ابدا!!!! زياد ببراْة/خلاص ولايهمك كل يوم بقولك ياماما علشان تفرحين؟ ريما/ياليت...وبتكون احلى بيبي في حياتي..... ///////////////////////////////////////////////////// ندى اقعدت من النوم مفزوعه اكثر من خمسة اتصالات جتها من عبدالله.....وش يبي هذا من البارح وهو يدق وانا قايلة له لايدق لاني بنام واول مااقعد بدق عليه بنفسي...... لقت منه ثلاثة مسجات بعد كلهم صيغتهم وحدة(اول ماتصحين من النوم كلميني ضروري في شي صار البارح وابيك تعرفينه) ندى دق قلبها معقولة احد شافه معها على الكورنيش؟؟؟مع انها مامشت معها ابدا بس وقفت جنبه وهم قبال البحر يعني ماحد قدر يميزها من وقفتها بس!!!!الله يستر خلني ادق واشوف أي مصيبة جايتني بالطريق؟؟؟؟؟ ,,,وش تتوقعون جاي لندى من اخبار بالطريق!!!! ,,,,زياد وريما وحبهم الكبير.........؟؟؟؟ ,,,نور...ومن شنو خايفة ومنو اللي يهددها وشنو يبي منها؟؟؟ ,,,زواج غادة ومساعد والاحداث اللي بتجي بعدها..؟؟؟ |
البارت 13...14 ,,,
ندى دق قلبها معقولة احد شافه معها على الكورنيش؟؟؟مع انها مامشت معه ابدا بس وقفت جنبه وهم قبال البحر يعني ماحد قدر يميزها من وقفتها بس!!!!الله يستر خلني ادق واشوف أي مصيبة جايتني بالطريق؟؟؟؟؟ ودقت على رقم عبدالله....وعطاها بيزي الشي اللي استغربته منه!!!!بس مااخذ له ثواني ودق عليها..... *ريما/يالله حبيبي لاتتاْخر على الشركة اليوم اول يوم لك ... زياد/هذا انا رايح اللحين.... ريما/أي خليك ماشي دغري بلاش يبطلون منك... زياد/حياتي انا مو عارف شقولك..انتي عطيتيني .. قاطعته ريما/شكلك ناوي تتاْخر!!!! زياد/ريما والله ماني عارف شقولك..انتي خجلتيني؟ ريما/حبيبي..يالله روح الشركة لاازعل منك؟ زياد/ان شاءالله ماما.... ريما/الله يحفظك... زياد/يابعد قلبي انتي..... *ندى بذهول/ولدت!!!!!! عبدالله/أي....جابت .. ندى/شنو؟ عبدالله/جابت ولد..... ندى/وانت ليش زعلان...عسى الولد مافيه شي!!!! عبدالله/لا الولد بخير الحمد لله... ندى/الحمد لله....وهي كيفها؟ عبدالله/الحمد لله..بخير.... ندى/مبروك حبيبي ماجاك.... عبدالله/............. ندى/عبدالله شفيك كاْنك متضايق ومو فرحان بالولد!!!!! عبدالله/مدري جاني فجاْة وماني عارف شسوي... ندى/تسعة شهور مامهدت لنفسك مرة انك بتكون ابو ومسئول عن بيبي!!!!! عبدالله/تبين الصدق انا تمنيتها بنت ماكنت ابي ولد؟ ندى/ليش عاد...الولد نععمة والبنت رحمة..واهم شي الصحة ياعبدالله.. عبدالله/كنت ابي اسميها ندى!!!!! ندى/عبدالله...خلصنا من ها الموضوع!!!! عبدالله/ماخلصنا ولاراح نخلص بعد!!!! ندى/شبتسميه؟ عبدالله/مدري ولالي نية اصلا اسميه؟؟ولدها وبكيفها انا مالي شغل فيه!!!!!!! ندى/باي مستشفى ولدت؟ عبدالله/اسطون.... ندى/لاتنسى تصور لي البيبي ابي اشوف شكله اول ماطلع يشبهك ولالا؟ عبدالله/طيب.. ندى/يالله حبيبي بتركك اللحين.. عبدالله/ليش؟؟؟ ندى/علشان تروح تقعد معها وتشوف البيبي... عبدالله/معها اهلها وامي.... ندى/وجودك انت اهم من وجودهم بها اللحظات!!!! عبالله/يصير خير... ندى/الى متى بتظل عندها بالمستشفى... عبدالله/الود ودي طلعت اللحين بس اكيد بظل لليل.... ندى/خلاص اذا طلعت دق لي....باي.... سكرت منه ورمت الجوال بعيد عنها وبدت دموعها اللي كانت خاشتهم طول المكالمة تنزل....ياهو قهر ياندى فرحانة انه صار ابووبينساك اكثر وبيبعد عنك اكثر واكثر!!!!!!!ندى انتي مالك حظ مع عبدالله..خلاص لهنا ولازم تنتهي السالفة عبدالله صار ابو ولازم يفكر في ولده..حرام لاتعلقينا فيك وتتعلقين فيه اكثر!!!!!!!! *مسكت جوالها علشان تدق على ماجد كانت كارهة انها تدق عليه بس اللي صار انها مجبرة مو مخيرة.. ياليت لو تسامحني يازياد لاني كذبت عليك وقلت لك اني قطعت كل علاقاتي بس انا علشانك ولك سويت ها الشي صدقني...... ريما بثقة/مرحبا... ماجد/مرحبتين..وياهلا وسهلا بريم الجزيرة!!!! ريما/بالله!!!صرت ريم الجزيرة بعد!!!والله مدريت؟ ماجد/لا..معناته ماتعرفين قيمة حالك؟؟ ريما/لاوالله واذا مصر اني اعرف قيمتي كلمني انت علشان ماعندي رصيد وبيقطع اللحين!!!!! ماجد/هههههههه انتي ماتجوزين عن سوالفك ابدا!!!طيب بدق لك؟ وقطع اتصالها ورجع كلمها هو بنفسه.. ريما/هلا... ماجد/ها مابيخلص الشحن بعد!!!! ريما/هههه لا تطمن... ماجد/أي الحمد لله....كيفك... ريما/منيحة... ماجد/ها..متى امرك ريما/وليش تمرني؟ ماجد/ليش انتي ناسية العشى الليلة؟ ريما/لامو ناسية بس ليش تمرني قولي وين وانا اجيك؟ ماجد/قلت يمكن ماعندك مواصلات؟ ريما/وليش انخلقت التكاسي!!!! ماجد/على قولتك... ريما/واذا كلش مصر انت بتدفع قيمة المشوار ماراح اعارضك ابدا!! ماجد/ههههه يانصابة.... ريما/عاد هذا انا وماراح اتغير... ماجد/المهم وين تبين نتعشى الليلة؟ ريما/أي مكان...انا ماعندي مانع ..انا كل شي اكله ومااعترض عليه؟؟ ماجد/ياعمري القنوع..... بحجز لنا طاولة في فلامنجو ...طيب... ريما/مو مشكلة....على الساعة كم؟ ماجد/متى يناسبك؟ ريما/اممم...ثمان ونص... ماجد/ثمان ونص..مو مشكلة ابدا... ريما/خلاص انا راح اوصل المطعم ثمان ونص..... ماجد/معناته انا بتصل احجز الطاولة باسمي واشوفك الليلة؟ ريما/...سي يو...باي... *ندى/ريما..ممكن ادخل اسولف معك شوي حاسة اني متضايقة بقعدتي بروحي..... ريما/تعالي... ندى/ريما انتي ماتملين؟ ريما/امل من شنو؟ ندى/ياقاعدة بدارك لوحدك ياطالعة عن البيت؟ ريما/وليش امل...تعودت على ها الشي... ندى/أي بس ماتحسين ان الوحدة تذبح ياريما!!! ريما بضحكة/هههه الوحدة ماتذبح ياندى الوحدة تقتل!!!! ندى/وانتي فرحانة ان الوحدة تقتل!!!! ريما/مصيري امووت اذا مو بالوحدة بغيرها!!!! ندى بذهول/انتي من متى تتكلمين بها المنطق ياريما!!!!! ريما/انتي ماتقولين لي ليش تبين تعيشين اكثر!!!!!! ندى/ريما...صاير لعقلك شي!!!!! ريما تنهدت/..................... ندى/شايفة ثوب بالمصمم اللبناني ووعدتني امي بكرة بتشتريلي اياه علشان عرس غادة...انتي ماشفتي لك شي..خلاص ماباقي وقت.... ريما/تصدقين ماودي احضر؟ ندى/لا ياريمالا مايصير تقولين ها الحكي اذا سمعتك غادة بتزعل اكيد..... ريما/وليش انا ماازعل من كلامها اللي مثل السم!!!! ندى/انتي اعقل...... ريما/تصدقين ودي يجي العرس علشان شي واحد.... ندى/شنو؟ ريما/يمكن ماتصدقين... ندى/لاتقولين انك تبينها تروح بيت زوجها وتفتكين من مشاكلكم مع بعض؟؟؟ ريما/لا... ندى/شنو... ريما/فكري.... ندى/مدري بس تحمست اعرف.... ريما/ودي اشوف شوق ونواف عيال رحمة اختي....ودي اسمعهم يقولون لي خالة.....مو معقولة اختك مانشوفها غير بالعيد بس!!!! ندى/مو بيدها ياريما مالازم نلومها وهي ساكنة بالرياض؟؟ ريما/الرياض مو من بعدها عن الدمام كلها اربع ساعات بالسيارة وساعة طيران للي يبي يشوف اهله!!!!وزوجها ماقد منعها انها تجي تزورنا ابدا وانا وانتي وكلنا عارفين ها الشي بس مدري ليش ماتبي تكون جنبنا وتخلينا نشوف عيالها..... ندى/ياحليلهم اكيد تغيروا من العيد ....صار لنا اللحين من شفناهم سبعة شهور...... ريما/انتي منو تحبين اكثر شوق ولانواف؟ ندى بتفكير/مدري...هم يجون يوم واحد بس وحتى مايبيتون..مايمديني اعرف منهو اللي احبه اكثر فيهم!!!! ريما/تصدقين ولاانا!!!! ندى/هههههههههههههه ريما/ههههههههههههههههههه ندى قامت عند مكتب ريما اللي كان باخر الغرفة بتجيب مجلة ازياء كانت موجودة على المكتب... ندى/مدام احنا رايقين خليني اختار معك ثوب لزواج غادة.. ريما/يالله... واندق الباب ودخلت غادة.... طبعا غادة دخلت ووقفت عند الباب يعني ماشافت ندى لانها كانت باخر الغرفة كانت عيونها على ريما اللي قاعدة بفراشها بس.. ريما/........ غادة/جاية اقولك كلمتين وبطلع لاتخافين؟ ريما/انا ماقلت لك شي.... غادة/انا ماابيك تحضرين عرسي!!!!!!!!! جمدت ريما مكانها... غادة/انتي عارفة ان حمولتي مايحبونك وانا بصراحة ماودي يتضايقون من وجودك بالعرس فالافضل انك ماتحضرين وتريحين في ليلتي!!!! قالتها وطلعت من الغرفة بعد ماسكرت وراها الباب ندى سكتت وماعرفت شتقول....اما ريما كانت في حالة ذهول من تصرفات غادة معها معقولة في اخت تكره اختها بالقدر اللي تكرهها فيه غادة........ ندى جلست جنبها/ريما...هي اكيد ماتقصد.... ريما قامت من مكانها بدون ولاكلمة ولبست عبايتها... ندى/ريما وين بتروحين؟ ريما/على جهنم الحمرة؟؟؟واصلا خيرة انها جات منها مو مني لاني بصراحة ماكان ودي اروح ها العرس.... وطلعت من غرفتها وهي شابة نار................. ماعرفت وين تروح ساعتها زياد اول يوم بالشركة وبالوظيفة ومستحيل انها تدق عليه وتقول له تعال....... هي ماتبي تدق على واحد من الشباب علشان يسليها لانها وعدت زياد انها تكون له لوحده وبس..... لمنو تدق ياربي.....وهي ماعندها صديقات ممكن تتكلم معهم ؟؟؟؟ اكثر ناس ممكن تتكلم معهم بارتياح...ندى ونور... وندى سمعت كل شي.....ونور...نور نسيتها قالت لي انها بمشكلة ومي عارفة تطلع منها ومارجعت كلمتها...بس انا ابي اللحين منو يسمعني مو اسمع احد!!!!!! ودتها رجلها لعند مورنيش الخبر....وراحت عند البحر تشكي همومها....... ندى نزلت منغرفتها للصالة...وكانت امها توها داخلة البيت وغادة تكلم بالصالة... غادة/هلا والله... ندى قعدت بدون ماترد.... ام محمد/شفيك قالبة وجهك؟ ندى/........ غادة/انتي موقلتي لاامي انك تبين الثوب خلاص بكرة بتعطيك قيمته وروحي اشتريه..... ام محمد/هذا اللي مزعلك يانديوه..خلاص اللحين اعطيك قيمته.... ندى/ماابي... غادة/لاتقولين شايفة احلى منه وبتكشخين وتغطين علي؟؟؟؟ ندى/انا مو حاضرة العرس!!!!!!! ام محمد بعصبية/ياانكم بنات دلوعات بصراحة؟؟؟وش تبين بعد خلصيني!!!!! ندى/يمه انا اتكلم من جدي انا مو حاضرة العرس!!!!!! غادة بتاْثر/وخير بالله ماتحضرين عرسي؟؟؟شبيقولون الناس ..ماحضرت زواج اختها؟؟؟ ام محمد/ندى انا ماتهمني علاقتكم داخل البيت ان كانت زينة لو شينة..بس قدام الناس بتحضرون وكل وحدة قلبها على الثانية سامعتني؟؟؟ غادة/انتي ليش تبين تكسرين بخاطري وماتحضرين عرسي ها!!!!! ندى بعصبية/لانك ماتبين ريما تحضر!!!!!!!!! غادة/ريما تكذب؟؟؟؟؟؟؟؟؟ ندى/وليش ريما بتكذب يعني؟؟؟ ام محمد/شالسالفة؟؟؟؟ غادة/اكيد ريما مفترية علي وقايلة كلام ماقلته؟؟؟ ندى/غادة..انا كنت قاعدة بغرفة ريما قبل شوي....وكنت اختار لها فستان لعرسك ويوم تجين غرفتها انا كنت موجودة وسمعت كلامك!!!! غادة/............ ام محمد/ندى..شاالسالفة قولي لي؟؟؟؟؟ ندى بانفعال/كنت قاعدة مع ريما نختار ثوب لزواج غادة وجت غادة وطلبت من ريما انها ماتحضر زواجها بحجة ان حمولتها مايتحملون شوفة ريما!!!!!! ام محمد/غادة؟؟؟؟؟؟؟؟؟؟؟؟؟انتي قايلة ها الكلام لااختك يللي ماتستحين على وجهك؟؟ غادة/............... ام محمد تكلم ندى /وينها ريامي اللحين؟ ندى/طلعت زعلانة وماادري وين راحت... ام محمد/دقي عليها قولي لها امي تبيك.... ندى مسكت التلفون وهي تكلم امها/انا قلت لك اذا ريما ماراح تحضر فانا ماراح احضر؟؟؟؟ راح يتمشى شوي....ويغير جو على قولته...ويتنفس هوى صافي مو مخنوق ومالقى بها الوقت احلى من ا لكورنيش يمشي عليه خصوصا ان اليوم الاثنين وعصر يعني بيكون شبه فاضي بدل المجمعات والاسواق والكفيهات.... صار يمشي جنب البحر......وهو يفكر بحياته اللي جاية كيف بتكون وكيف راح يبني حياة جديدة مع طيف بنت خاله اللي كان ينقصها كثير من المقومات اللي هو كان يبيها خصوصا انه لاعب لعب بحياته وشايف بنات اشكال والوان!!!!! لفت سمعه صوت ماْلوف عنده وهو يمشي..... رجع خطوتين لورى ولقى بنت قاعدة وهي عند البحر....كانت تبكي بشكل مستميت....ماكان محتاج يشوف الصورة علشان يربطها بالصوت لانه مافي أي شك انها بتكون ريما...!!!!!!!!!! قرب اكثر علشان يسمعها..... كانت تبكي وتشتكي من كل شي حواليها...... اللي حسه من صوتها انها صادقة في بكيها وها الشي لايمكن يتجادلون فيه اثنين...... قرب اكثر واكثر ووقف..خاف انها تشوفه ليش مايدري كل اللي عرفه انه يموت ويعرف هي ليش تبكي ومنو اللي مزعلها لها الدرجة وهو في احد يقدر على ريما!!!!!!!!!!! كان وده يمسح دموعها بس.............ابعد يامساعد ابعد؟؟؟كان صوت عقله يشوشه بس قلبه مو تاركه يبيه يتقرب منها...... ريما وهي تبكي/ليش ياربي ليش.......شسويت علشان تكون حياتي كذا!!!!!!!!!!!اكرهم كلهم...احمد وغادة وامي ورحمة وابوي...وحتى ندى اكرهها!!!!!انتي متي ياريما خلاص.....كلهم يكرهونك....كله منك يااحمد انت سبب كل همي....بس لو اشوفك والله اذبحك واخذ فيك اعدام وابرد النار اللي عيشتها بقلبي طول ها الثلاث سنين!!!!!!!!!!!!!!!!!!!! ودق جوالها.. ريما ردت وهي تبكي/ندى..انا مورادة البيت اللحين لاني مو رايقة طيب.. ندى/ريما لاتبكين والله غادة ماتستاهل انك تبكين عشانها؟؟ ريما بعصبية وصراخ/قلت لك ماني حاضرة عرسها بس انتي ماصدقتيني؟؟؟ ندى/خلاص امي تبي تشوفك......انا قلت لها عن السالفة.. ريما/ماني رادة البيت ...ماراح ارد الا اذا رقت...ولاغادة ولاغيرها يهموني سامعتني!!!! وسكرت ورمت الجوال جنبها بقوة.......ورجعت تبكي وتندب حظها.... مساعد ماقدر يمسك نفسه وهو يلقى اغلى شي عنده قاعدة تبكي وتتعذب وهو يناظرها ومكتف يدينه!!!!!! تقرب منها وماقدر يمنع نفسه من انه يحط يدينه على كتفها.....ريما رفعت راسها بسرعة وبفزع وجات عيونها بعيون مساعد وحست بكل غضب الدنيا...... وقفت بسرعة.... ريما بعصبية/شتبي مني!!!! مساعد/.........ماعرف شيقول ... ريما بنفس العصبية/اذا مفكر انك بتلمس مني شعرة وحدة بالحرام فاانت غلطان ياولد ابوك؟؟؟؟؟ مساعد فتح عينه على وسعهم وماعرف شلون يدافع عن نفسه وحس انها ظالمته هو كل اللي يبيه انه يسالها عن اللي مزعلنها وهي تفكيرها رايح لبعيد!!!! مساعد بتلعثم/انا ..انا كنت.. ريما كملت بنفس العصبية/انت شنو..انت واحد ماتحس ولا راح تحس بحياتك كيف الناس تتعذب!!!!تدري ليش لانك بدون قلب وبدون مشاعر!!!!!!!!!!!!!!!!!!!!!! قالتها ومشت ومالفت حتى تشوف الصدمة اللي كانت مبينة على وجه مساعد لحظتها!!!!!!!!!!!!! ام محمد/شقالت؟ ندى/قالت اذا راقت بترد هي بنفسها.... غادة/مو لانها سايبة تطلع وقت ماتبي وترد وقت ماتبي.....ماحد يحاسبها؟ ام محمد/ندى قومي خليني مع اختك بروحنا؟ ندى/ان شاءالله يمه.... وطلعت فوق على غرفتها........ غادة/........ ام محمد/......... غادة/يمه انا.... ام محمد/انتي شنو؟ غادة/............... ام محمد/انا ابي افهم ليش علاقاتك بااختك كذا...وبعدها بقول لك شي بصراحة واللي يصير يصير؟ غادة/شصاير يمه؟ ام محمد/انتي بالاول قولي....شبينك وبين اختك؟ غادة/يمه انا احس ان ريما تبي تسرق ابراهيم مني؟؟؟؟؟ ام محمد/عمى بعينك ان شاءالله....من زينه عاد علشان تسرقه منك!!!!!!! غادة/يمه انتي ليش ماتصدقيني؟؟؟ ام محمد/قوليلي حكي ثاني وبصدقك؟ غادة/.........اصلا بنتك سمعتها بالقاع وكل الشباب يعرفونها... ام محمد/أي وبعد؟ غادة/يمه انتي ليش ماتصدقين؟؟ابراهيم قال لي ان اكثر من مرة شايفها بالراشد وحوالينها الف شاب وشاب!!!!! ام محمد/وماقال لك ابراهيم انه بعده يخطب ودها ويتمناها!!!!!!!!!!!! غادة جمدت مكانها......................... ام محمد/.............. غادة/يمه انتي ليش تقولين ها الحكي؟؟؟؟ ام محمد/غادة..انتي ماتكرهين ريما بس لانه ابراهيم خطبها قبلك لا!!!!ولا ابراهيم قال لك شي عنها اصلا؟؟؟؟؟؟انتي تكرهينها لان ابراهيم اصلا يبيها ولساته يبيها وانتي عارفة ها الشي ؟؟؟ غادة/يمه انتي كيف تقدرين تقولين ها الكلام لي؟؟؟؟ ام محمد/لاني مو فاهمة يوم انك تعرفين انه عينه بعدها على اختك ليش متمسكة فيه!!!!! غادة/....................... مشى الوقت طويل عند ريم وهي تتسكع من مجمع لمجمع لين جت الساعة ثمان وربع اخذتها رجلها على المطعم اللي اتفقوا عليه هي وماجد...... دخلت وسالْت عن طاولة كان حاجزها باسمه....ولقته هناك...يالله الحمد الله انه هو بعد وصل قبل الموعد علشان لاتنتظر...... ريما/مرحبا.... ماجد بمرح/هلا والله بريم الفلا... ريما قعدت بدون تعليق....... ماجد/وش ها الجفاء يابنت ؟ ريما/ولاشي....... كانت هادئة هدوء غريب اول مرة يشوفها ماجد كذا... ماجد بجدية/ ريما فيك شي؟ ريما بنفس الهدوء/لا... ماجد/ماراح اصدقك...شوفي شكلك شلون صاير؟ ريما/بس توني طالعة من هوشة... ماجد/عسى بس ماتعورتي!!!! ريما/...................... ماجد/ريما انا ماتوقتك بتكونين كذا الليلة ابدا!!! ريما/هو كله عشى بناكله وبنقوم؟؟؟ ماجد/من يقول انه بس عشى بناْكله وبنقوم!!!!وحط يدينه فوق يدينها وشالت يدينها بسرعة... ريمابعصبية/لاتفكر تحك يدك فوق يدي مرة ثانية!!!! ماجد بدا يتنرفز/شفيك انتي الليلة؟؟؟ ريما/............ ماجد/انتي ناسية انك مدينة لي بالوظيفة اللي عطيتها اخو صاحبتك؟ ريما بنفس العصبية/انت بتقعد تذلني على ها الوظيفة كل دقيقتين!!!!!!! قامت من كرسيها معصبة....../اذا تبي اسحبها بس لاتقعد تمسكها علي وكل شوي تذكرني فيها!!!!!! وطلعت من المطعم مثل مادخلت..... ندى/ريما ممكن ادخل.. ريما/تفضلي....... ندى/مرحبا...... ريما قاعدة بفراشها ومتمللة/هلا.... ندى/................. ريما/وش صاير بعد!!!!! ندى/انتي ماتبيني اقعد معك؟؟ ندى/مو كذا بس اذا السالفة مالها اهمية لاتقولينها مالي خلق اسمع شي ابدا!!!!!!!!!!! ندى/بصراحة انا جاية اكلمك في موضوع يخصني وابي اخذ رايك فيه!!! ريما/شنو؟ ندى قامت وقفلت الباب وجت قعدت جنب ريما على الفراش......... ندى/عبدالله.. ريما بشبه اهتمام/شفيه؟ ندى/البارحة جابوا له ولد..... ريما/لاتعليق!!!!!!!!!! ندى/.............ودي اشوفه.... ريما/عبدالله ولا ولده؟؟؟ ندى/ريما.....عادي اروح المستشفى واشوفه!!! ريما/منو فيهم ماجاوبتيني؟ ندى/الاثنين... ريما/في أي مستشفى؟ ندى/اسطون..... ريما/ندى انتي من وين جاي قلبك؟ ندى/............... ريما/انا اللي مو قادرة افهمه كيف تبين تشوفين عبدالله وهو مع زوجته وولده كيف!!!!!!!!! ندى/الله يخليك ريما؟ ريما/شها الحب ياندى شها الحب!!!!!هذا ذل ودوس على الكرامة ياندى!!!!! ندى/شتبيني اسوي بقلبي ياريما!!!!!!! ريما/معقولة الحب يخلي الانسان ضعيف!!!!!! ندى/الحب يسوي كل شي ياريما.......بيجيك يوم وبتجربينه وبتصدقيني!!!!!!!!!!!! ريما في بالها(مصدقتك ياندى ومقتنعة بها الشي لو ما الحب ماذليت نفسي لماجد علشان اسعد زياد واريحه) ندى/شقلتي؟ ريما/قلت لااله الا الله... ندى/يعني بتروحين معي؟ ريما/وانا شكو؟ ندى/ان شاءالله تبيني اروح بروحي!!!!!!!!! ريما/ياسلالالالالالام... ندى/ريما انا مااعرف ادبر اموري........... ريما/خلاص ماشي.................بكرة الصباح نروح... ندى جت بتتكلم ودق جوال ريما.... ريما بست شافت رقم المتصل وطنشت..... ندى/خلاص بجيك وقت ثاني علشان نتفق.. ريما/قعدي زين.. ندى/ردي يمكن شي ضروري انا برجع مرة ثانية!!!! ريما/انا ماابي ارد.....بكرة الصباح نروح..... ندى/والكلية؟؟ ريما/انتي مصدقة نفسك كلية!!!!اقول خلها تولي بس!!!!!!!!! ندى/................ ريما/هو يوم اللي بتطنشينه شبيصير يعني!!! ندى/على قولتك شبيصير يعني لو طنشت يوم؟ ريما/خلاص بكرة الساعة تسع نطلع.... ندى/ريما انتي بعدك زعلانة من غادة؟ ريما/................لا لانها ماتهمني!!! ندى/غريبة ها الغادة مدري كيف تفكر؟؟؟؟ ريما/انا مو شاغلة بالي فيها..... مرت الليلة كلها بدون مايتصل زياد على ريما وها الشي اللي ضايقها........ اليوم الثاني الصباح طلعوا ندى وريما المستشفى مثل مااتفقوا..... */في المستشفى... ريما/كلميه..شوفيه اذا كان موجود ولالا؟ ندى/طيب... ودقت على عبدالله اللي اخذ وقت على مارد... عبدالله/هلا والله...يازين صباحي يوم سمعت صوتك؟ ندى/هلا فيك...... عبدالله/شلونك..... ندى/انت شلونك من تعبك.... عبدالله/انا بخير... ريما تاْشر على ندى علشان تختصر في كلامها.... ندى/اقول انت وينك فيه؟ عبدالله/بالمستشفى... ندى/وبتزعل اذا قلت لك اني انا بعد في المستشفى وابي اشوف ولدك؟ عبدالله/................. ندى بخوف/عبدالله... عبدالله/قولي والله!!!!!!!!!وينك فيه؟؟؟ ندى ارتاحت/انا تحت مع اختي...... عبدالله/يالله نازل لك..... ريما/شيقول.... ندى/كاهو نازل اللحين... ريما/والله انتوا اغرب اثنيتن شفتهم بحياتي كلها!!!!!!!!! ومامرت ثواني حتى كان عبدالله بوسطهم... عبدالله/هلا والله.. ريما/هلا........حمدالله على السلامة.. عبدالله/الله يسلمك.. ريما/يتربى بعزك ان شاءالله... عبدالله/تسلمين..... ندى/وين حضانة الاطفال؟ عبدالله/فوق تعالوا من هنا.... ومشوا وراه لين وصلوا للحضانة وعبدالله دق عليهم علشان يطلعون الولد له.... ريما/شسميته؟ عبدالله/مابعد سميته... كانوا بها اللحظة بالذات يناظرون بالنافذة اللي حطوا البيبي قبالها...وكانت ندى شبه لازقة بالنافذة..... وتقرب منها عبدالله... ندى بحنية/ياعيوني يجنن.... عبدالله/مو احلى منك؟ ندى/بس صغير...كيف شلته ياعبدالله؟ عبدالله/ماشلته وماودي اشيله؟ندى/فيني احمله؟؟ عبدالله ناظرها/تبين تحملينه!!! ندى/أي.... عبدالله/لحظة بس.... ودق على الممرضة علشان تطلعه لهم..... وجت الممرضة وهي شايلته بين يدينها...واخذته ندى بحضنها ..وصارت عيونها تدمع لاشعوريا..اما ريما اخذت نفسها وابتعدت عنهم شوي كانت تبي تعطيهم جو من الخصوصية بروحهم....ياترى ليش ندى وعبدالله حظهم كذا في الحب!!!!!!!!!! شها القلب اللي تحمله ندى بداخلها وقاعد يتحمل كل هذا!!!!!!!!!!!!معقولة ياندى تبكين وانتي شايلة ولد عبدالله بحضنك.......يتراواللي انك تتقطعين من داخلك وماحد حاس فيك!!!!!!!!!! فعلا ندى كانت لحظتها تتقطع وماحد حاس فيها كانت شايلة ولده بحضنها وعيونها مغرقة بالدموع ..بس دموع شنو ماتدري!!!!!!هي دموع فرح بشوفة الصغير!!!!!!!! لو دموع قهر على حظها!!!!!!!!!!! لو دموع حسرة على شبابها اللي قاعد يروح !!!!!!!!!!!!!الى ها اللحظة وبس ماقدرت تكمل عطت البيبي الممرضة وجت بتمشي بس يد عبدالله كانت اسرع ومسكها.. عبدالله بهمس/ندى.. ندى/كانت تبكي ومو شايفة شي قدامها..... عبدالله/........... ندى/سميه محمد ياعبدالله سميه محمد....... قالتها ومشت......... وحتى ريما في مكانها استغربت منها في مجمع مارينا مول.......... ندى/انتي ليش جايبتني هنا؟ ريما/لانك تعبانة ومحتاجة تغيرين جو؟ ندى/بس انا ماشكيت لك حالي ياريما؟؟ ريما/مو لازم تشكين حالك......ندى انتي تعبانة مووت صح ولالا؟ ندى اكتفت بانها تتنهد.... ريما/كيف قادرة تتحملين..... ندى/ليش سكتي كمليها.......ليش قادرة اتحمل خسارة حبيبي مو؟؟؟ ريما ها المرة هي اللي تنهدت......... ندى/عبدالله حتى لو يجي امي ماراح توافق عليه..انا لو رضيت اني اكون الزوجة الثانية هي بترفض!!!!! ريما/................. ندى/وانا ماراح ارضى انه يطلق زوجته علشان يشتريني وهي مالها ذنب!!!!!!!!!!!! ريما/والنهاية!!!!!!!!!!!!!انتي بتظلين كذا تتحسرين على حبه وهو مو عارف شيسوي...ولاانتوا قادرين تعيشون بعيدين عن بعض!!!!! ندى/شتبين نسوي ياريما ؟؟؟ ريما/أي شي؟؟؟؟ ندى/مثل شنو؟ ريما/يعني تختارون طريق واضح...ياتكملون مع بعض وتتفقون على حل ولا انكم تفترقون من اللحين قبل لايكبر تعبكم معكم ياندى!!!! ندى/مافي حل ياريما صدقيني؟جربنا نفترق اكثر من مرة بس في كل مرة كنا نضعف ونشتاق لبعض ونرد لبعض!!!!!!ومافي حل وسط يخلينا نكون مع بعض.................................فكرت مرة ان احنا مانكلم بعض اصلا ونظل على الرسايل بس حتى على المسن مااشوفه بس ماقدرت انا بنفسي ماقدرت اكمل ياريما!!!!!!!!! ريما/والله اني حاسة فيك ياندى.......... ندى/خليها للزمن ياريما........ ريما/.............. ندى/ريما كلميني عنك؟ ريما ناظرتها وكانها تشوفها اول مرة في حياتها../اكلمك عني!!! ندى/أي كلميني عنك..انا عطيتك اسراري...بس انتي ماقد تكلمتي لي عن حياتك ولا عن ..... ريما/............... ندى/انتي مو واثقة اني قد تحمل الاسرار ياريما!!!!!! ريما/انا ماقلت كذا بس انا ماتعودت احد يساْلني عن حياتي من قبل؟ ندى/طيب هذا انا ساْلتك اللحين ...كلميني عنك...خليني افهمك اكثر ياريما... ريما/شتبين اكلمك عنه بالضبط؟ ندى/يعني مثلا ليش فكيتوا خطوبتكم انتي واحمد ولد عمي بعد يومين بس!!!!وليش انتي رافضة العرسان اللي يجوك.......وليش ماتحبين تعرفينا على صديقاتك وتعزميهم نشوفهم,,,,, ريما تنهدت تنهيدة طويلة.... ندى حست ان ريما تضايقت..../خلاص بلاها مو لازم اذا بتتضايقني... ريما كانت تناظر بكوب القهوة اللي قدامها بدون ماترفع عيونها عنه/اول مرة احد يسالْني عن حياتي ياندى!!!!!!!! ندى/................. ريما/توعديني نحفظ اسرار بعض؟ ندى/وعد ياريما.. بعدين انا واثقة ان سري اللي عندك ماراح يطلع لااي كان ..... ريما/انا ماعندي صديقات ياندى...ولاصديقة....كل اللي اعرفهم تربطنا مصالح وبس!!!!اما صداقة حقيقية فما لقيتها بحياتي ابدا.............................................. .................................................. ......................................واحمد....احم د مصيبة حلت علي وغيرتني نهائيا ياندى...كان كل مايشوفني يتحرش فيني ويعطيني كلام حب بس يوم خطبني اكتشفت انه اكثر انسان واطي وحقير.....اخذ مني اللي يبيه وتركني بعد يومين بس ومافكر اني انسانة ولي مشاعر واحاسيس واني قبل كل شي بنت عمه!!!!بالعكس استغل مرض عمه وطيحته لصالحه ............وخلاني اكره كل الناس واكره طاري الزواج من اساسه........ ندى/الحقير الواطي النذل........الله ياخذه....وانتي ليش ماتكلمتي ساعتها ياريما؟ ريما/علشان يصلح الموضوع ونتزوج ويرميني بعدها!!!!!لا ياندى انا عزة نفسي ماتسمح لي ارمي حالي على مين ماكان واحمد بنظري مايستاهلني ابدا!!!!! ندى/اكيد مايستاهلك بس تصدقيني ولامر في بالي الموضوع ابدا انه بيكون كذا.............. ريما/بس صدقيني بيجيه يوم بيتحسف انه ترك ريما تضيع منه....... ندى/لاياريما..احمد اوطى من انك تشغلين بالك فيه....انتي بتاخذين سيد سيده.... ريما ناظرتها بنظرة محتارة...... ندى/وش اللي شاغلك.... ريما/سيد سيده..انا شفته ياندى والتقيته وحبيته..... ندى بفرح/صدق...منو ؟شسمه؟وين يشتغل؟اكيد مليونير مثل ماتبين؟ ريما/اسمه زياد....يدرس بجامعة البترول,,,,,بس هو للفقر اقرب ياندى..... ندى/غريبة ماتوقعتك تفكرين في انسان بسيط.. ريما/لا ياندى زياد مو انسان بسيط وبس..زياد لو ماصاحبه اللي واقف معه لقيتيه يشحت بالشوارع!!! ندى/لهدرجة؟؟ ريما/أي.... ندى/وانتي وش اللي عجبك فيه؟اكيد شبه توم كروز.... ريما/بالعكس زياد انسان عادي جدا..... ندى/حيرتيني....... ريما/اللي حبيته فيه طيبته وبراْته....وحياته المهمومة اللي تشبه حياتي .....زياد شبه يتيم وامه وابوه عايشين......بس لو تعرفينه ياندى ..ينحط على الجرح يبرى...... فهد/وش اللي صار؟ مساعد بضيق/ريما فهمتني غلط يافهد.... فهد/طيب انت قولي السالفة خلني افهم.... مساعد بتنهيدة/كنت طالع اتمشى على البحر بعيدا عن الصخب والضجة...وصدفة لقيتها على البحر...كانت تبكي /مساعد بتنهيدة/كنت طالع اتمشى على البحر بعيدا عن الصخب والضجة...وصدفة لقيتها على البحر...كانت تبكي...لا كانت ميتة من البكي..... لو تشوفها تقول اعز ناسها فاقدته!!!!!عز علي اشوفها بها الوضع...وما اساْلها عن اللي مزعلها..زمامداني حطيت يدي على كتفها شبت فيني نار......على بالها اني قاعد اتحرش فيها!!!!!!فهد ريما ظلمتني انا كنت خايف عليها بس...... فهد/مساعد..انا خايف عليك.... مساعد/ليه... فهد/لان اللي انت تحس فيه ناحية ريما...يسمونه حب!!!!!!!!!!!!!!!! *في الليل كانت ريما تمشي على الكورنيش وتنتظر زياد....بس جاها مسج منه(شكلي اليوم بعد ماراح اقدر اشوفك؟؟) تضايقت منه ودزت له مسج(لو درينا ان الوظيفة بتاْخذك منا ماسعينا لها!!!)انتظرته يرد عليها بس مارد وبعد ربع ساعة اتصل فيها... ريما بزعل/خير ان شاءالله؟ زياد ببراْة/زعلتي حبيبتي!!! ريما/شنو على بالك؟ زياد/والله حبيبتي مو بيدي تعرفين اول يوم دوام وثاني يوم..وامس طلعت هلكان ماشفت الدنيا حطيت راسي ونمت... ريما/هذا مو عذر... زياد/ريما انتي ناسية اني اطلع من الجامعة مباشرة للعمل..يعني ماارتاح اصلا؟؟ ريما/وريما وينها من حياتك؟ زياد/ريما بقلبي... ريما/أي بس انا مو حاسة اني بقلبك.... زياد/واللي يقول لك بكرة الخميس وماعنده جامعة ولاعمل ومن الساعة ثمان الصبح وده يشوفك؟؟ ريما بفرح/احلف!!!قول قسم.... زياد/خلاص اتفقنا... ريما/اكيد.... زياد/معناته بشوفك الساعة ثمان بكرة.... ريما/أي...زياد اذا رديت البيت عطني خبر خليني اتطمن مو اقعد احاتيك؟ زياد/ان شاءالله ماما.. ريما/باي حبيبي... زياد/باي.........ز مشت ريما وهي تدعي الله انه يحفظه ويسعده ويوفقه.....وهي تمشي شافت سواد قاعد وزعلان طبعا كانت المسافة بعيدة عنها بس يود دققت فيها النظر حست انها عارفة ها الانسانة تقربت منها وقعدت بدون ماتحس عليها...... نور كانت قاعدة وهي سرحانة..وكل شوي تنزل منها دمعتين وتمسحهم..... ريما/نور... نور بفزع/ريمممممما!!!!انتي من متى هنا؟ ريما/انتي خفتي؟ نور/لا.... ريما/انا اسفة قلت لك بدق عليك بس ماصار عندي وقت وانشغلت بمشاكل خاصة.....بس انتي بعد مااتصلتي فيني!!!!! نور تنهدت... ريما/نور شالسالفة؟ نور/............ ريما/ليش ماانتي معهم؟؟ولا ماعندهم شي الليلة؟ نور/........... ريما/قوليلي شنو مشكلتك خليني اساعدك؟ نور/............. ريما/نور انتي حامل!!!!!!! نور/ياليت ياريما ياليت؟؟؟ ريما/وش اللي مضايقك؟ نور/انا وقعت نفسي بها الطريق خليني اتحمل النتايج؟؟؟؟ ريما/انتي ماتبيني اساعدك.... نور/ريما انتي انسانة عزيزة علي ياما ساعدتيني ووقفتي جنبي ونصحتيني...... ريما/بلا ها الخرابيط قوليلي شالسالفة ومنو منو انتي خايفة؟ نور/ريما......انا مفهمة اهلي اني اشتغل....يعني اذا طلعت مع نورهان هم على بالهم اني بالشغل....والفلوس اللي اصرفها عليهم راتبي........ ريما/طيب وين المشكلة...اكتشفول انك تلعبين عليهم وانك ماتشتغلين مثل ماتقولين؟ نور/لا مو بعد... ريما/معناته نورهان استغنت عن خدماتك نهائيا!!!! نور/...........نورهان ريما/نور اذا تبيني اساعدك كلميني بصراحة؟؟ نور/شلون تساعديني وانتي اساس اللي انا فيه؟ ريما/انا!!!!!!! نور/ريما...لاتخافين انا ماراح اطعنك من الظهر..... ريما/وش السالفة يابنت الناس!!!!!!! نور/نورهان كانت مصورتني في اكثر من مكان ومع اكثر من واحد,,,, ريما/واللحين تهددك فيهم؟؟ نور/وعطت الصور لماجد اللي اشتراهم منها بالشي الفلاني........... ريما/وش يدخل ماجد في القضية؟؟ نور/نورهان وماجد هدفهم واحد..... ريما/شنو؟ نور/انتي ياريما.............. ريما/انا!!!!!!!!!! نور/نورهان عرفت انك تكلميني من وراهم وان بينا مصالح بعيد عنهم وكتمت الموضوع في نفسها ومع كرهك لك زاد الوضع عندها...وماجد وده فيك ومو قادر ياخذك......اشترى صوري من نورهان اللي مسوية نفسها اللحين ماتعرفني ولاعمرها التقت فيني....وماجد قاعد يهددني يااضبط له يوم معك بدون ماتعرفين انتي ولا انه بيفضحني عند اهلي...وبيموت ابوي وامي من الحسرة والقهر والذل؟؟؟؟ ريمابعصبية/يا انهم نذول وحقيرين!!!!!!!!!! نور/ريما لاتخافين انا ماراح .... قاطعتها ريما/بنشوف حل لازم بنشوف حل صدقيني...... نور/شلون ياريما شلون.... ريما/خلينا نهداْ ونفكر برواق......كذا ماينفع..... /////////////////////////////////////////////////////////////////// شتتوقعون بالباري الجاي بيصير؟؟ مسج بيجي ريما وبيبكيها من منو؟؟؟ مايصير تفكر بغير زوجتك وانت بشهر العسل...؟؟ عطني روحك سيدي وخذها روحي...؟؟ كيف بتحل ريما قضيتها مع نور وهل بتنحل اصلا ولا بتتعقد اكثر من قبل؟؟؟ ريمابعصبية/يا انهم نذول وحقيرين!!!!!!!!!! نور/ريما لاتخافين انا ماراح .... قاطعتها ريما/بنشوف حل لازم بنشوف حل صدقيني...... نور/شلون ياريما شلون.... ريما/خلينا نهداْ ونفكر برواق......كذا ماينفع..... نور/ريما.......... ريما/لاتخافين ماراح اتهور وبفكر بعقل ها المرة تدرين ليه!!!!!!!!! نور/؟؟؟؟؟؟؟؟ ريما/بس علشان اعلم ها الواطية درس ماتنساه طول عمرها من ريما......واعلم ماجد بعد ان مو كل شي يصير على هواه.... نور/يعني بنقدر نحل الموضوع ياريما؟ ريما/مافي شي مستحيل ان شاءالله بنقدر بس ...انتي لازم تكونين قوية يانور علشان نتصرف صح.....الا انتي ماعدتي تشوفينها؟ نور/اصلا صار لها اسبوع ماتكلمني ولاترد علي واذا شفتها سوت روحها تشوفني لااول مرة في حياتها وتقول لي روحي لريما خلها تنفعك اذا تبي تنفعك؟؟؟؟ ريما/.مو مشكلة...وماجد متى اخر مرة كلمك فيها؟ نور/البارح؟؟؟ ريما/البارح..متى يعني؟؟؟؟ نور/على الساعة تسع وربع.. ريما في بالها(يعني بعد مانرفزته وقمت من العشى ) ريما/طيب كيف كان صوته وهو يكلمك؟ نور/كان معصب حييل وصار يتوعد ويهدد ويقولي انه ماراح ينتظر اكثر ولازم اعطيه موعد صريح واكيد بسرعة... ريما/طيب ياماجد طيب...تبي موعد صريح وسريع...بيجيك...لاتخاف..... *في بيت الفالح اخر الليل... ندى/عرفتي الخبر الحلو؟ ريما/غريبة ان بيتنا فيه اخبار حلوة؟ ندى*/قومي علشان تشوفينه... ريما/ندى اذا مافيه شي لاتتعبيني الله يخليك ودي انام بدري الليلة بكرة وراي قومة من الصبح.. ندى مسكتها من يدها ونزلت معها الصالة... اول مانزلت سمعت همهمات وحركة ماهي معتادة في البيت وصوت ضحك... ريما ناظرت على ندى تستفسر بس ندى ماعطتها وجه ونزلوا بسرعة.. ريما وقفت.....وبعدها ابتسمت ويمكن نزلوا منها دمعتين لاشعوريا..... ريمابفرح وعتب بوقت واحدوبصوت عالي شوي/هلا والله,,,,, *مساعد/ماباقي غير اسبوع بس يافهد؟؟؟ فهد ناظره بدون مايقول شي.... مساعد/احس ان بالي مشغول.... فهد/مساعد......الزواج مايبيله بال مشوش وتفكير مشغول....لازم تصفي ذهنك,,,,انت فاهم علي....ها العلاقة غير عن باقي العلاقات هاذي خلاص بتكون شي رسمي وباقي لك طول العمر,,, مساعد بدى يتنهد/اول مرة احس في حياتي اني متضايق ومو قادر اسوي شي لنفسي يخفف عني!!!! فهد/تقدر!!! مساعد بستفهام/اقدر!!!!! فهد/طبعا تقدر شيل ريما من بالك وانت بتكون بخير... مساعد/.................. فهد/............... مساعد/فهد صدقني انا ماافكر فيها!!! فهد/........... مساعد/يعني هي اللي تجي على بالي غصبا عني؟؟؟؟ فهد/طول عمرك وانت من بنت لبنت!!!شمعنى ها الريما غير يامساعد!!!!!! مساعد/مدري يافهد صدقني مدري؟؟؟؟ فهد/طيب انت حبيتها وفهمناها....ريما شنو؟ مساعد/فهد...شبيصير لو ريما بادلتني مشاعري!!!!! فهد/ريما لعابة وانت عارف ها الشي!!!!!يعني بتجاريك في مشاعرك علشان تاخذ اللي تبيه وبس تمل منك عندها الف غيرك!!!وانت اقعد تحسر على مشاعرك اللي عطيتها اياها!!!! مساعد/لا يافهد ريما غير..ريما ماعمرها سمحت لواحد يلمسها.... فهد/انت ليش تدافع عنها يامساعد؟؟؟؟ مساعد/قلت لك نورهان قالت لي ان ريما عمرها ماخلت أي كان يلمسها؟؟كانت تروح معهم وتسولف وترقص وتغني وتتونس وتونس بس كانت تترفع عن الاشياء الثانية وهذا اللي خلاهم يفترقون.... فهد/بعد هذا مايمنع انها ماتصلح!!!! مساعد/أي بس الحب يغير الانسان يافهد!!!! فهد/الحب الحقيقي مو حب المصلحة بس!!!!! مساعد/ومن قال لك ان ريما حبها حب مصلحة؟؟ فهد/لو كانت بتحبك....بيكون حبها حب مصلحة يامساعد..... مساعد/انت ماتدري بللي باللقلوب يافهد؟ فهد/انا اللي اعرفه وادري عنه انك باقي اسبوع واحد وتكون مسئول عن زوجة وبيت!!!ومايصير تفكر بغير زوجتك وانت توك بشهر العسل؟؟؟ مساعد/أي بس انا مابعد تزوجت يافهد؟يعني فيني اتراجع؟؟؟ فهد/لاتتهور يامساعد....افرض انك عطيتها حبك ومالقيت منها الشي اللي يرضيك..انت حبيت في ريما شخصيتها القوية وعنادها واسلوبها بس!!!! فكر عدل يامساعد ولاتتخذ اللحين أي قرار من ناحية ريما؟؟؟ مساعد/طيب لين متى؟؟؟؟ فهد/لين ترجع من شهر العسل بنتكلم في ها الموضوع؟ ريما وقفت في البداية بس بعد لحظات مشت لعند رحمة اختها اللي كانت قاعدة جنب امها وحضنتها بقوة وحرارة رغم ان مابينهم أي اتصال في باقي الايام رغم انهم خوات!!!! رحمة/وش ها الزين يابنت كل مرة بجي اشوفك بتكونين احلى احلى من اللي قبله!!! ريما/شلونك وشلون عيالك؟؟ ولفت تشوف نواف اللي كان قاعد بحضن امها وشوق اللي كانت ندى ماسكتها..... رحمة/تعالوا سلموا على خالة... شوق مدت يدها.... ريما/اهلا.. شوق مسوية مستحية وماتبي ترد.. ريما/وش ذا الثقل يااهل الرياض!!!! ام محمد وندى ورحمة/هههههههههههه ريما/ها شيخ نواف كيفك..... نواف/ابي حواوة.... ريما/انا حواوة تعال كلني!!! نواف/لا.. ريما/بكيفك انت الخسران..... ندى/انا احب شواقة..اللي بتنام عندي..... نواف/وانا.. ريما راحت عند نواف/مدام مابتجي انت تبوسني ببوسك غصبا عنك!!!واخذته بحضنها وقامت تبوس فيه وهو معترض يبي يقوم..... شوق/احسن.... ندى/وانتي شحقه تتشمتين فيه؟؟ رحمة/مو لان سالفتهم بالبيت دايم هواش...... ريما/غريبة انكم جايين عندنا..يعني باقي على العيد ثلاثة شهور!!! ام محمد/بنت!!! رحمة/ههه خليها يمه..انتي ناسية انه عرس اختي بعد مثل ماهي اختك ولازم اكون موجودة؟ ريما/يمكن بس مو متاْكدة؟؟ ندى ورحمة/هههههههههه *ندى/تكفين قعدي معنا شهر؟؟ رحمة/ياليت بس مااقدر...شواقة ها السنة بالروضة .....ولاانتي ناسية.. ريما/وش دعوه بتاخذ الدكتواره لو البكاليوريس!!!كلها روضة ولو ماراحت شبيصير!!! رحمة/مو لانها ماترضى تتعلم بالبيت ماترضى تتعلم غير بالروضة؟؟؟ ام محمد/خلي البنت على راحتها ياندى ولاتفرضين عليها شي؟ ندى وريما ناظروا في بعض واسكتوا.... نواف/متى بنروح الالعاب؟ رحمة/انتوا ماتملون هناك العاب وهنا العاب؟ ندى/ياحليلهم وش تبيهم يفكرون فيه مثلا غير الالعاب!!!! ريما/انا بكرة الصبح بروح الكورنيش اللي فيه العاب من بيروح معي؟؟؟ كانت تناظر بنواف بنص عين وهو يناظرها ويضحك.. شوق/انا بروح معك... ريما/خلاص انا بروح مع شوق......وخلي غيرنا هنا يبكي مانبيه..... *اليوم الثاني الساعة تسع الاربع على كورنيش الدمام..... ريما/صباح الخير..... لف زياد عليها واللي كان مبين عليه مات من الحر وهو ينتظرها.... زياد بطيبة/مابغيتي تشرفين اوشكت على الانصهار ياريما؟؟؟ انتبه انها ماكانت بروحها..وكان معها ولد صغير... زياد/منو هذا؟ ريما/نواف روح العب في المراجيح اللي هناك وانا بقعد انتظرك لين خلصت تعال عندي.. راح نواف بسرعة.. زياد/منو هذا؟ ريما قعدت على الارض وفتحت الكيس اللي جايبته وفرشت السفرة..وطلعت الاكل الي بالكيس.. زياد/شنو هذاظ ريما بدون ماترفع عيونها عليه/فطور شبيكون يعني؟ وحطت الاكل قدامه /يالله انزل كل معي..... وفتحت لثامهاوبدت تاْكل وكاْنها مو مهتمة ..... زياد/منو هذا الولد؟ ريما /مين تتوقعه؟ كان زياد ساكت وماعلق على شي؟ ريما/هذا نواف ولد رحمة اختي البارح وصلوا....واليوم راحوا يتسوقون وهو لزق فيني الدعلة طول الليل مايبيني واليوم من صبح الله يقول لي خالتي.....زياد تعال كل ترى هذا احلى حمص بتاْكله في حياتك لايروح عليك... توها اللقمة كانت في يدها بس يوم سمعت كلام زياد لها ردتها الصحن... زياد/انتي ماعديتي استحيتي ياريما؟؟؟جايبة ولد اختك لين هنا بالكورنيش معك وانتي جاية تشوفيني!!!!انتي مو خايفة يروح يقول لاامه انه خالتي كانت قاعدة مع رجال غريب مانعرفه!!!!! لا وجايبة فطورك معك وكاْنك تصرفين علي؟؟انا ماقلت لك اني ابي اكل ولا اني جوعان؟؟؟؟؟؟وبعدين انتي عيني عينك منزلة لثامك وتاْكلين والوضع طبيعي عندك؟؟؟؟؟؟ نزلت اللقمة اللي بيدها في الصحن وماقدرت ترفع راسها تشوف زياد لفت لثامها عليها ولبست صندلها واخذت شنطتها وراحت عند نواف بدون ماتتكلم كلمة وحدة؟؟؟؟؟؟؟؟؟؟؟ *فهد/وشفيك؟ مساعد/احس اني متوتر مووت مو عارف شسوي.. فهد/ليش ان شاءالله انت الحرمة ومادريت عنك؟؟ مساعد/فهد انت تعرف ان الزواج مو هامني من الاساس كل اللي هامني شي ثاني..... فهد/تعال خلنا ننزل هذا فينيسيا مول.... مساعد/وش تبي به مو من زيانته...كل شي فيه حق حريم وبس!!!! فهد/اذا ماخاب ظني جوفريز مو حق الحريم بس!!!!قوم خل نشرب لنا شي... مساعد/يالله بس بشوف لي موقف...... نواف/انتي قلتي لي اذا خلصت اجيك ليش انتي جيتي؟ ريما وهي شردها رايح بعيد/علشان انا كنت خايفة عليك حبيبي.. *نواف/منو حبيبيك؟ ريما/انت.. نواف/بس انا مااعرفك وانتي ماتعرفيني كيف صرت حبيبيك؟ ريما/أي بس انا خالتك وانت ولد اختي لازم احبك وتحبني... نواف/.............. ريما/يالله نواف خلينا نقوم نروح.. نواف باعتراض/ووين نروح؟ ريما/بنروح لهم المول... نواف/أي مول؟ ريما/فينيسيا.... نواف/وش بنسوي.. ريما/هم هناك راحوا يتسوقون .... نواف/أي بس انا ماابي نتسوق... ريما/خلاص نقعد فوق عند الالعاب.... نواف/يالله......... *في فينيسيا مول.. كانت ام محمد ورحمة وندى وغادة ومعهم شوق يتسوقون...وريما جت لهم بس ماقعدت معهم راحت مع نواف فوق عند الالعاب... فهد ومساعد طلعوا من المقهى وقالوا بيتمشوا شوي...... ركبوا الدور الثاني بما ان الاول مو من خصوصاياتهم(يعني الثاني من خصوصايتهم الا اذا بيلعبون مثل العيال ههه) كانت ريما قاعدة ونواف يلعب ماكان عقلها معها ابدا..كان مع زياد!!!!!!!!ليش كانت ردة فعله عنيفة اليوم؟؟؟؟شسويت انا؟؟جبت معي نواف...هذا اللي خلاه يعصب؟؟؟فتحت لثامي!!!!جبت الفطور!!!مافي مبرر واحد علشان يسوي اللي سواه..ويقول اللي قاله..هذا وانا متلهفة علشان اشوفه واسولف معه..ماشفته صار لي يومين ومكالماته كلها كانت مختصرة!!!!شعليه ياريما شعليه هي الدنيا كذا تخليك تركضين ورى ناس مايبونك والناس اللي يبونك انتي ماتبيهم!!!!! لفت انتباهها واحد واقف عند طاولتها... رفعت راسها.. ريما/فهد.. فهد/اعزمك على فطور... ريما/لا شكرا فطرت... فهد/شتسوين هنا؟ ريما/اكيد مو نفس السبب اللي جايبك هنا؟؟ فهد/...... ريما لفت ولقت مساعد بالطاولة الثانية قاعد رفت يدها ودقت له سلام من بعيد خلت قلبه يوقف عن الدق..... فهد/ريما في موضوع كنت حاب اتكلم انا معك فيه.. ريما/ممكن تقعد على الطاولة الثانية...علشان اهلي هنا وماهي حلوة....(كانت تفكر بزياد لو شافها مو بااهلها) فهد/اكيد.... وقعد على طاولة اقرب من اللي قاعد فيها مساعد واشر له يجي ومساعد ماصدق خبر.. مساعد بهمس/هلا.. ريما وهي تناظره/اهلين... ريما/كاْنك ضعفان عن اول؟ فهد بسرعة/هم الزواج والتاْثيث... ريما بصوت عالي وشبه تفاجاْ/بتتزوج!!!! مساعد كانت عيونها تناظرها وهو قريب ينفي الخبر.. بس فهد نطقها قبله.. فهد/أي.... ريما ضحكت..ولفت وجها عنه..وبينت دمعتين في عيونها ومساعد لمحهم وكان من المستحيل انه يكذب عيونه بس ليش ياترى ها الدمعتين ليش معقوله بدت تفكر فيني!!!!! ريما بدون اهتمام/مبروك... فهد/تبين بطاقة؟؟ ريما/وين العرس...؟؟ فهد/الهوليدي ان.. ريما/ماني من القائمة السودة انعزم اخر الناس!!!!لا وتبين بطاقة!!!! فهد/ههههههههه وش عرفني عنك انا.... ريما/عموما ماني من هواة الاعراس..زواج اختي وماني حاضرته.. مساعد/ليش؟؟ ريما/قلت لك مو من هواياتي الاعراس؟؟ مساعد/أي بس هاذي اختك كيف ماتروحين عرسها؟؟ ريما/ اذا ماعجبك الرد الاول معناته اسكت ولاتسال لانه مو من خصوصايتك ولاراح اجاوبك!!! نواف قرب عندها بها اللحظات.... نواف/ريما...خلصت البطاقة ابي فلوس.... ريما/وجعتين يوجعونك قلت لك لاتقول اسمي في الاماكن العامة..وبعدين انت متى ناوي تنادين خالتي!!!! نواف اخذ الفلوس اللي عطتهم اياه ومشى وهو يوقل لها/اذا خلصت من الثانوية؟؟؟ ريما بصوت عالي علشان يسمعها/موووت ياحمار!!!!! فهد/منو هذا؟؟ ريما/ماسمعتني اقوله قول خالتي!!!يعني من بيكون؟ خطر لها ماجد في ها اللحظة...... ريما/مساعد... مساعد بهيام زايد انتبهت له ريما بس طنشته/يالبيه.. ريما/الى أي مدى صداقتك مع ماجد؟؟؟ مساعد/ليش تسالين؟ ريما/انت جاوبني وبس... مساعد ناظر فهد ورجع ناظرها/يعني شبه يومي نلتقي ببعض.... ريما/يعني انت تعرف كل خصوصايته؟؟ مساعد/انا مااعطي كل خصوصايتي لااحد الا لفهد؟؟؟ ريما/يعني هو بالمقابل يتعامل معك كذا!!! مساعد/تقريبا.... ريما/. مساعد/ليش تسالين؟ ريما/لان الحقير قاعد يلعب بذيله بس على مين بياْكلها هو بروحه مساعد/مافهمت؟ ريما/هو ماجاب لك سيرة؟ مساعد /عن شنو؟ ريما حست من لهجته انه صادق/عن الحقارة اللي يبي يسويها؟ مساعد/لا... ريما/مسوي مشكلة طول بعرض لبنت اعرفها.....والسبب انا؟؟؟بس وين بيروح والله ليدفع ثمنها غالي؟؟ فهد/شبتسوين؟ ريما/للحين ماعندي حل..بس بلقاه ويمكن الجاْ الى ابسط حل.. فهد/هو شمسوي اصلا!!! ريما/........ مساعد/ريما ماجد سافر البارحة..ومابيرد الا ليلة الاربعاء قبل عرسي يعني...... ريما/طيب ننطر ونشوف اخرتها معك ياماجد؟؟؟ وقامت من كرسيها.. مساعد/وين تو الناس لسه بدري ماسولفنا؟؟ قالها بلهفة وصدق واضحيين.. ريما كانت تبي تقوم من نظراته باي شكل لبست نظراتها الشمسية فوق لثامها وراحت بتاخذ نواف وقالت له بدون ماتلف عليه/بدري من عمرك.... زياد كان قاعد بغرفته ومحتار ... ريما ياتصرفاتك الجريئة ياريما!!!!!ماعدتي استحيتي ولا خجلتي من احد ابدا!!!!!!اي بس انا اعرف ريما...ريما تتصرف دايما بطبيعتها ومو قصدها شي....بس انا ليش قسيت مها بكلامي ليش!!!!!ما كان المفروض اني اكون حليم معها........انا بس استفزني تصرفها وماتحملت...بس انا كان ودي اشوفها من جد..... مسك جواله بعد تردد كبير ورسل لها رساله على الساعة وحدة الاربع وهي كانت راجعة لبيتهم بعد ماكملوا البقية مشوارهم وحجزوا لهم مطعم يتغذون فيه....... فتحت المسج وهي في السيارة....(لو قلت لك اسف اكيد ماراح يعرفك بلي بقلبي بس اطلبي مني أي شي بعطيك اياه) ردت عليه ريما بسرعو وبدون تفكير(عطني روحك سيدي وخذها روحي) ارتاحت بعد مارسلت له المسج...نزلت من التاكسي وحاسبته وحطت المفتاح بالبا بس في يد مسكتها.. لفت ريما بسرعة.. ريما/مساعد!!!!!!!!! مساعد/عسى بس ماتكوني خفتي؟؟؟ ريما/لا عادي شكلك مايشبه دراكولا واجد؟ مساعد/........... ريما/وش تبي مني... مساعد/كنت ابي اقول لك.... ريما/ملاحظ ان وقفتنا ماهي حلوة كذا قدام الباب ومسكتك لكتفي بتخلي أي واحد يمر يقول اللي يبيه!!!قالتها بصوت عالي اشبه للصراخ وكانت تحاول تبعد عيونها عن عيون مساعد اللي كان ياْكلها بنظراته.... مساعد بحزن واسى/انا ..انا اسف.........قالها وركب سيارته ومشى.... *مر اسبوع العرس على خير مايرام وسافر مساعد وزوجته النمسا وغادة راحت مع زوجها لماليزيا.... ورحمة رجعت الصباح الرياض مع عيالها..... ندى/ريما...انا ماتوقعتك بتكونين عنيدة وماتروحين العرس؟؟ *ريما/هي مو قالت تبي تريح راسها مني ليلة عرسها!!!خلاص انا لاني احبها كنت ابي اريحها؟؟ ندى/ولو تظل اختك ويظل اللي بينكم اكبر من انكم .... ريما/الجنون مو مني من اختك ياندى!!!!!!!!هاذي للحين عندها شك اني احب ابراهيم وابيه!!!!!!!!!! ندى/.......... ريما/ندى قفلي الموضوع تكفين... ندى/البيت رجع لحالته الاولية...اسبوع مر علينا كان بيتنا من احلى البيوت مع نواف وشوق.... ريما/انتظريهم بعد ثلاثة شهور وبيجونك......... ندى/بروح اشوف امي اذا تبيني اساعدها.......... نزلت ندى وريما وقفت قبال دولابها تناظر بالثياب اللي بداخله وقطع عليها صوت مسج وصل لها اخذت الجوال وفتحته(الغالية ريما.......كان وقتا سعيدا امضيته مع طفلي معكما......لااول مرة احسست بسعادة اطفالي وهم حولكم والضحكة لم تفارق وجوههم..منذ ان عدنا الى الرياض وهم يتسائلون هل سيرونكم من جديد ام لا!!!!!!!نواف تحديدا يرسل لك قبلاته الكثيرة وشكره الدائم لمرافقتك اياه طيلة هذا الاسبوع....ريما قد لااكون اخت جيدة ولكنني اعلم من نظراتك بان هناك شي ما يضايقك .....نواف اكد لي هذا الشي حين قال انكما عندما تخرجان معا كنتي تبكين لفترات طويلة!!!!!!!!!عزيزتي.....ربما ترين انه من غير العدل ان نتحث بعد ان افترقنا مدة طويلة..ولكني اقول لكي..بانني حقا لم اكن اهتك...ولكنهم هؤلاء الصغار هم من دخلوا بيننا ووضعوكي في فكري من جديد..سؤالهم الدائم عنك وخصوصا نواف وعن زعلك وبكائك المني...قد تريني اختا قاسية ذهبت واستقرت دون ان تابه لكم...لكنها ليست الحقيقة ياريما فاانا اتعذب كثيرا لفراقكم.....كم هو صعب ان تعيش في جوار ناس ليسوا من اهلك.....ريماترى اغلى شي الاهل ومابتعرفين قيمتهم الا اذا فقديتهم!!!حبيبيتي انا اتمنى لك السعادة واذا حبيتي تتكلمين ترى انا بكون موجودة ونواف يبي يكلمك يتطمن عليك من وقت لثاني اذا ماعندك مانع.....اختك المحبة لك رحمة) ماتدري هي كملت المسج للنهاية ولا بمجرد دخلت في جو نزلوا دموعها!!!!!!!!يمكن يكون الكلام بالنسبة لااي شخص ثاني عادي وطبيعي ويمكن عابر!!!بس بالنسبة لريما وهي في ها الفترة الحرجة اللي تبي تغير نفسها فيها كانت محتاجة لمثل ها الكلام...في ها الفترة اللي قاعدة تحس بتغير زياد بدون اسباب تذكر محتاجة لها الكلام!صحيح انه اتصل فيها في نفس اليوم اللي ارسل لها المسج واعتذر بس هي ماعادت شافته وحتى اتصالاته قلت عن اول...ودايم يتحجج لها بالشغل وانه مو قادر ينسق بين العمل والدراسة !!!!!! قعدت تبكي تبكي لين نامت....نامت مثل الاطفال اللي يبكون وماحد داري هم وش يبون؟؟؟؟؟ توقعاتكم للبارت الجاي... ريما حبيبتي انتي سكرانة؟؟؟؟ *تصدق اني طول شهر العسل وانا.........؟؟؟ *انتي شفيك هي وش قالت اصلا علشان تصارخين كذا؟؟؟ عفوا...انت الاخ ماجد محمد العامر.....؟؟؟ |
البارت الخامس عشر,,,,,
قعدت تبكي تبكي لين نامت....نامت مثل الاطفال اللي يبكون وماحد داري هم وش يبون؟؟؟؟؟ كان كل شي حواليها مكدر خاطرها وحاسة ان جو غرفتها خانقها مووت.... مسكت جوالها لقت اربع اتصالات من نور... كلمتها... ريما/هلا نور/هلا ريما ريما/صار شي جديد؟ نور/.......... ريما/يعني صار؟ نور/أي.... ريما/شنو...... نور/كلمني ماجد البارحة.....وقال اني لازم استعجل بالموضوع,,,,, ريما/فيني اشوفك اليوم؟ نور/باي وقت...بكون بالراشد؟ *ندى/وشلون حمود؟ عبدالله/ندى...حبيبي خلينا من حمود مايصير انتي ماعدتي تسالين الا عنه؟ ندى/وليش ماتبيني اساْل عنه؟؟ عبدالله/تقدرين تقولين اني اغار!!!!! ندى/مع اني مو مصدقة بس بمشيها لك.... عبدالله/وحشتيني مووت.... ندى/.............. عبدالله/ماوحشتك؟ ندى/انت عارف ليش تساْل؟ عبدالله/لانك صايرة تبخلين فيها كثير!!!!!!! ندى/............ عبد الله/ليش تتهربين مني؟ ندى/انا مااتهرب؟ عبدالله/من وقت اللي فتح حمود عينه وانتي ماقلتيها ولا مرة ياندى؟؟؟؟ ندى/انت تتخيل... عبدالله/بلى...اول انشغلتي بحمود وبعدين بزواج اختك واللحين تلفين وتدورين علشان ماتقولينها؟ ندى/عبدالله...والله انها صارت تتعبني ومااقوى اقولها ابدا!!!! عبدالله/مرة وحدة بس علشاني........ ندى/يعني مايهمك تعبي!!!!! عبدالله/شبتتعبك فيه ها الكلمة!!!!!!! ندى/اقولك تتعبني صدقني؟ عبدالله بنبرة ترجي/تكفين ياندى ابي اسمعها تكفين!!!! ندى ماتحملت تسمعه وهو يترجاها قالت له بكل حب وبكل لهفة وبكل صدق/احبد..احبك ياعبدالله احبك.. رغم كل اللي احسه من عذاب بس بظل احبك لااخر يوم في حياتي.......... *العصر بمجمع الراشد.... ريما/انتي هنا من الصبح؟؟؟ نور/وين تبيني اروح؟؟ ريما/انتي ماتملين... نور/انتي ناسية اني كنت قايلة لااهلي اني اشتغل لازم كل يوم اطلع بنفس الوقت وارد بنفس الوقت.. ريما/ومافي شي لو انك قلتي انك بااجازة؟؟ نور/.................. ريما/ماعلينا....انا بصراحة فكرت ومالقيت أي حل؟ نور بخوف/شلون يعني؟ ريما/يعني بنسلم بالامر الواقع وبنخلي الامر يكون طبيعي؟ نور/مافهمت شنو يعني يكون طبيعي!!!!يعني بيفضحني خلاص؟؟ ريما/نور سمعيني زين نور فتحت عيونها على وسعها وقالت بخوف/ريما حبيبيتي انتي سكرانة!!!!! ريما/لاماني سكرانة بالعكس طبيعية مية بالمية ومو شاربة حتى بايسن؟؟؟ نور/هاذي هي الفضيحة بعينها.... ريما/ومن قال لك انها بتكون فضيحة؟؟هي كل اللي تبيه انك تكونين قوية شوي علشان نقدر نكسب الشي لصالحنا...ياكسبنا ...يا.. نور/يا انه يظل يستغلنا بشكل اكبر ياريما!!!!! ريما/انتي ليش متشائمة..؟ نور/انتي مو حاسة بللي قاعدة احس فيه ياريما؟؟؟ساعات افكر اني انتحر؟؟؟ ريما/انتي جنيتي؟؟؟ نور/ياليتني مامشيت بها الطريق ولاخسرت اللي خسرته ياريما!!!!!! يليتني عشت بفقري كان اهون علي من ها الخوف اللي احس فيه...واللي جايني بالطريق اعظم.... ريما/نور ممكن اساْلك سؤال؟ نور/شنو... ريما/انتي ليش ماضحيتي فيني وورطتيني مع ماجد!!!! نور/ها؟؟؟؟؟ *فهد/انت شلونك؟ مساعد وهو متملل/ماني بخير يافهد؟ فهد/وش ها الكلام بعدك مااخذت لك اسبوع تقول ها الحكي..اعقل يامساعد..... مساعد/وينها طيف؟ مساعد/غاطسة بالسوق... فهد/وليش مارحت معها؟ مساعد/انا معها....بس هي داخل تجرب الثياب اللي بتشتريهم..وانا انتظرها.... فهد/وكيف علاقاتكم... مساعد/احس اني مو قادر اتحمل فيها شي زيادة... فهد/لانك شاغل بالك بغيرها.. مساعد/لا يافهد...حتى في اللحظات الخاصة مااحس اني ابيها... .منت فاهم علي لاجيت اشرح لك.. فهد/قبل لاتشرح لي...انت وعدتني تشيل ريما من بالك شلتها؟ مساعد/هاذي طيف وصلت بكلمك بوقت ثاني ..باي... ندى/يمه.. ام محمد/نعم يمه... ندى/متى بترد غادة... ام محمد/ماراح تقعد غير اسبوع بس... ندى/يعني على يوم الاربعاء بتكون موجودة؟ ام محمد/أي.... ندى/تمنيت رحمة تقعد معنا فترة اطول... ام محمد/................ ندى/مااشتقتي لنواف وشوق؟ ام محمد/؟؟؟؟؟؟؟؟؟؟؟؟؟؟؟؟؟؟؟ ريما/ساْلتك ليش ماضحيتي فيني وورطتيني مع ماجد؟ نور/........تبين الحقيقة...انا احسك غير عنا كلنا...يعني مااحسك ...مدري شقولك؟ ريما/................... نور/انا ولا مرة شفتك طالعة معنا لشقة ولا....انتي كنتي تواعدين شباب بالاسواق وبس وكنت اعتبرك قوية لانك ماترضخين لنورهان... انتي ياما قلتيلي عن اشياء كانت غايبة عن ذهني ولا كنت بفكر فيها ببساطة... يعني انتي وقفتي معي وقفات اعجز عن شكرك فيها..كيف تبيني انكر الجميل لك ياريما؟ ريما/اذا خلصت المشكلة على خير...لازم تتغيرين يانور.... نور/والله اني ابي اتغير بس مدري شلون... ريما/شوفي لك وظيفة واشتغلي فيها؟ نور/ومن اللي يبي وحدة ماعندها غير ثانوي تشتغل عنده؟ ريما/انشاء الله تكونين استقبال بمركز نسائي....المهم انك تنسين ها الطريق نهائيا؟؟ نور/انشاءالله ياريما انشاءالله....ماتدرين شقد انا قاعدة امووت من الندم..... يارب سامحني واغفر لي .....ياربي برجع انسانة ثانية..... ريما/واللحين خلاص نسوي اللي اتفقنا عليه؟ نور/ريما لا..كذا احس انه ...يعني انتي تعرفين هو عنده علاقات في البلد كلها ووساطاته بتبهدلنا احنا وهو بيطلع منها... ريما/بنشوف؟؟؟ *زياد/ودي اشوفك؟ ريمابتنهد/مابغيت تقولها؟؟؟ زياد/شكلك عاتبة علي ...وزعلانة بعد!!! ريما/لا انا حاسة فيك..وحاسة بوقتك المضغوط...الله يعينك؟ زياد/راح اشوفك.. ريما/شتبيني اقول يعني؟ زياد/قولي الحقيقة؟ ريما بحزن/ودي امووت بحضنك!!!! زياد تنهد/ريما...انتي تحبيني؟ ريما/انت وش رايك؟ زياد/وش تحبين فيني...يعني انا مافيني شي يجذب أي بنت لي ... لاجمال..ولا عز وفلوس ولا منصب..ولا حتى شهادة لحد اللحين في يدي...؟ ريما/سمعت مرة يازياد ان الحب يجي بدون استئذان!!!! زياد/........ ريما/...هو الحب كذا مايخليك تختار الشخص اللي تبيه .. يجي فجاْة ويدخل بقلبك ويعيش في كل ذرة فيك بدون مايعطيك حرية القرار في الرفض والاستجابة؟؟ زياد/الله يشهد علي..وعلى اللي بقلبي ياريما..وان ماغيرك ساكنته ياعمري.... ريما/بس انا من جد زعلانة يازياد!!! زياد/ريما انتي عارفة انه مو بيدي والله ان وقتي مضغوط؟ ريما/عارفة بس شسوي....شوقي لك اكبر من اني اراعي ظروفك؟ زياد/خلاص الليلة بشوفك.... ريما/مانبي على الكورنيش نبي نغير ها المرة؟ زياد/يعني وين تبين بالله؟ ريما/مدري بس مليت من الكورنيش؟ زياد/ليش؟ ريما/لانك تقعد لي طول الوقت منزل راسك وخايف احد يشوفك؟؟؟ وبعدين انت كلها بكلها تقعد معي نص ساعة وتتيسر... زياد/وكم تبيني اقعد انشاءالله؟ ريما/تقعد معي طول الليل!!!! *عبدالله/والله مشتاق لك مووت؟ ندى/والمعنى؟ عبدالله/خلينا نشوف بعض؟ ندى/........ عبدالله/طيب خليني اعزمك بمناسبة اول مولود... ندى/عبدالله هي متى راح ترد من بيت اهلها؟ عبدالله/مدري ماسالتها؟ ندى/انت مرتاح وهي هناك؟ عبدالله/وااجد...احس نفسي ...يعني قادر اكلمك براحة وباي وقت؟ ندى/يعني انا دايما الشي اللي يفرق بينك وبينها؟ عبدالله/ندى...ليش دايما تحبين النكد؟ ندى/انا مااحب النكد انا ساْلتك سؤال وابي اعرف جوابه؟ عبدالله/انتي ليش ماتصدقين اني احبك؟ ندى/ومن قال اني مو مصدقة عاد! عبدالله/خلاص انا زعلت منك وعلشان تراضيني لازم اشوفك الليلة.. ندى/مستحيل بكرة عندي امتحان وانا لسه مافتحت منه شي؟؟؟ عبدالله/طيب خليني اذاكر لك؟؟ وفي مكان بين اراضي الخبر والدمام كانوا في ثنتين يتمشون براحتهم... شروق/نورهان.. نورهان/نعم... شروق/شتتوقعين صار في ريما ونور؟ نورهان/ليش تسالين عنهم؟ شروق/مروا في بالي..لان ماجد من اشترى منك صور نور انقطع كل شي بينكم؟ نورهان/هو كان يبي كذا يشتري صور نور ويقطع علاقته فيني نهائيا؟؟؟ شروق/أي بس دفع في صورها الشي الفلاني وهي ماتستاهل؟ نورهان/ومنن قال لك انه دفع علشان نور...هو دافعهم علشان ريما؟؟ شروق/ماعنده ذوق مو من زينها؟ نورهان/المهم انه يكسر لها راسها....بس لو يصير ...بموت من الشماتة عليها؟ شروق/ولو اني احسه ماراح يصير؟ نورهان/وليش انشاءالله؟مستهينة بماجد ولا شنو؟ شروق/القضية قضية ريما مو ماجد.... نورهان/بس لاتنسين انه فيها نور.... ونور ضعيفة وبتستسلم لااول ضغط يجيها من ماجد؟المهم ماعلينا انتي مو خايفة اسوي فيك مثل ماسويت في نور؟ شروق/طبعالا؟؟؟تدرين ليش...لانك ماتعرفين تتصرفين وماعندك شخصية والسالفة هاذي كلها صارت بتدبيري انا!!! ولا اذا عليك لابنطال القمر ولا النجوم!!!!وبعدين انا مو مجنونة اخليك تحملين شي ضدي؟؟؟؟ انا مصفية كل شي عندك يانورهان؟؟؟؟ *وفي حي الخبر الشمالية وفي ذاك البيت اللي كان ينبني ومع الظلام والهدوء اللي سايد المنطقة دخل زياد البيت وهو كل رعب الدنيا فيه ويقدم رجل وياْخر الثانية..... ريما/زياد ادخل شفيك؟ زياد برعب/انتي ماتخافين؟ ريما/وليش اخاف يعني!!! زياد/........... ريما/ماحد راح يعاين بيته ها الحزة تعال بس.... زياد/امري لله...بس لو شيصير انا مو مسئول من اللحين اقولها لك؟ ريما/ياعمري على الشجاعة!!!!بس ولايهمك ...عندي ذا ... ومسكت شنطتها وطلعت منه شماغ زياد ولبسته وتلثمت فيه.... ريما/ها وش رايك؟انفع ادافع عنك؟؟ زيادظل يناظرها..... ريما/وش فيك؟ زيادتجراْ ومسك يدها..... ريما/لا انا كذا ببداْ اخاف منك بجد؟ زياد/ريما انا احبك.... ريما حست بارتياح وهو يقولها لها.... زياد مد يده وفك شماغه من عليها........وظل يناظرها.... زياد/ريما انتي احلى شي خلقه ربي.... ريما قاطعته /والماضي يازياد!!! زياد/ريما الماضي ماضي ماحد يتكلم فيه وماحد فينا ماله ماضي.. سواء كان مثلك لو اقل لو اكثر....يظل الماضي..مجرد ماضي!!!!! المهم الحاضر ياريما واللي انتي ناوية تسوينه؟ ريما/ناوية احبك العمر كله ومااخليك تطلع من تفكيري ابدا!!!! زياد/ريما لاسبوعين اللي مضوا ...كنت افكر بشكل جنوني.... حتى الوظيفة كنت مانا وي اكمل فيها؟ ريما/ليش؟ زياد/مدري ياريما بس انتي شايفة انها حلوة انتي الحرمة وتدورين لي على الوظيفة وعن.. قاطعته ريما وهي تلف الشماغ من جديد عليها/وهذا شنو يازياد!!! مو هذا شماغك..مو قلت لك عطني شماغك وابشر بعزك؟ زياد انا وانت واحد وتفكيرنا بعد لازم يكون واحد....وبلاش ها الحساسية اللي مامنها غير وجع الراس؟؟؟؟ زياد/ريما فيني اطلب منك طلب يالغالية؟ ريما/اطلب حبيبي اطلب... زياد/ودي تروحين تزورين ابوك وتشوفينه.... ريما همدت في مكانها مرة وحدة وقالت بلا وعي/ابوي!!! زياد/أي ابوك......ابيك تكونين قوية مثل ماانتي قدامي اللحين وتزورينه ياريما.... ريما/بحاول.. مسك زياد يدها/ابيك توعديني مو بس تحاولين ياريما؟؟؟؟ دخلت البيت وهي تفكر بكلام زياد ومترددة من الخطوة الجاية,,,,,, مادخلت البيت راحت لعند الملحق اللي ابوها مرمي فيه... وقفت جنب الباب وقلبها يدق بسرعة..... دقت الباب وصورة زياد في بالها تشجعها فتحت الباب ودخلت... تينا/مدام ريما في شي؟ ريما/لا بس جيت اشوف ابوي؟ دخلت قبل لاتسمع رفض او قبولووقفت عند الفراش وغمضت عيونها.. كان ابوها شبه ميت على الفراش لايتحرك ولايتكلم ونص وجه مغطى بسبب الحروق اللي فيه... ريما بدت تبكي/يبى....انا ريما.. قالتها ببرود.... ومالقت استجابة.... ناظرت باللممرضة تينا/هو يسمعني؟ تينا/اكيد عم يسمعك؟ ريما/ويفهم علي شقول؟ تينا/طبعا!!!! ريما رجعت تناظر باابوها/يبى...سامحني.... لاني ماكنت اجي لعندك..ولفت وجها بالجهة الثانية وصارت تكلمه وهي مرعوبة من شكله/انا كنت كنت خايفة من امي..... انت عارف انها ماتبينا نجي لعندك ؟ انت زعلان مني..... ريما/هو مايحرك حتى راسه...؟ تينا/لا.. ريما/طيب كيف اعرف اذا هو بيسامحني ولا بيظل زعلان مني؟ تينا/مافي اب بالدنيا بيظل زعلان من ولداوه؟ ريما/قامت من عنده وطلعت بسرعة وراحت غرفتها وهي تبكي... ماعمرها تخيلت بيجي ها اليوم في حياتها ابدا!!!!!!ريما كانت حاسبة ان مشاعرها ماتت من راح احمد وماعاد يهمها شي..... بس يوم شافت زياد بدت مشاعرها تتغيرويوم قعدت مع نواف اسبوع كامل حست بشي غريب ثاني يتحرك فيها... واللحين يوم شافت ابوها..بعد جاها شي غريب!!!وش اللي قاعد يصير لك ويتغير فيك ياريما.... بعد اربعة ايام كانت طائرتين وصلوا مطار الملك فهد وحدة وصلت من النمسا والثانية من ماليزيا وخلينا نجي عند اهل النمسا اول...... فهد/سويتها ورديت يامساعد؟ مساعد وهو بعده حاضن صديق عمره/ماقدرت اقعد اكثر يافهد فراقكم صعب علي؟؟ فهد/ههههههه فراق منو ؟؟انشاءالله فراقي؟؟ مساعد/فراقك وفراق الدمام وفراق.........ريماظ فهد/يعني سويتها وماشلتها من بالك؟ مساعد/تصدق اني طول شهر العسل وانا افكر فيها... ولا قدرت اشيلها من بالي...يا انه عندها قوة غريبة ها الريما ظلت في بالي بقوة ولاانزاحت عنه لحظة وحدة؟ فهد/يامساعد انت قاعد تضيع نفسك..... مساعد/ابي اصارحها مافيني استمر اكثر من كذا يافهد؟ فهد/الله يعين.... غادة راحت عند امها تسلم عليها وطبعا ماكلفت على حالها تسال عن احد بما ان ندى ماهي موجودة.... طلعت وركبت سيارة ابراهيم اللي كانت تنتظرها..وبعدها طلعت ريما من البيت.... ولقت السيارة مابعد تحركت ..الشي اللي خلا غادة تتضايق... ريما/سلام... غادة بدون نفس/هلا... ريما/حمدالله على السلامة... ابراهيم/الله يسلمك.... ريما/وش الاخبار؟ غادة/يالله ابراهيم لانتاخر عن اهلك؟ ابراهيم/احنا بخير انتي شلونك. ريما/تمام ..ومشت.. ابراهيم/ريما انتي وين رايحة؟ ريما/رايحة عند صاحبتي. ابراهيم/تعالي نوصلك. غادة بعصبية/لا ماله داعي.. ريما/لالا انا باخذ لي تاكسي....انتوا روحوا.. ابراهيم/كيف تاخذين تاكسي واحنا واقفين تعالي بس.. ريما مشت وقالت بعناد/مايحتاج انا بمشي بروحي مع السلامة ومشت بعيد عنهم.... غادة بعصبية/لا..خذوا راحتكم اكثر بعد؟؟ ابراهيم/شفيك انتيظ غادة/قالت ماتبي تركب ليش الاصرار عاد؟ ابراهيم/وش فيها اذا قلنا لها تعالي نوصلك بدل ماتركبين تاكسي!!!! غادة/فيها انها ريما؟؟ ابراهيم/انتي ليش تصارخين هي وش قالت اصلا؟؟ غادة وبنفس عصبيتها/انت عارف اني مااحبها بعد ليش الاخذ والعطاء معها؟؟ ابراهيم/اللي انا عارفه انها اختك؟ غادة/ماهي اختي وماابيها تكون بيوم من الايام اختي؟؟؟؟ //////////////////////////////////////////////////// في شركة.......... عفوا انت الاخ ماجد محمد العامر؟ رفع ماجد راسه ولقى رجال واقف قدامه... ماجد/خير..انا ماجد.. الرجال/ممكن تجي معنا شوي؟ ماجد/اجي معكم؟من انتوا ووش تبون مني؟ الرجال/بتعرف لارحنا القسم.... ماجد/أي قسم؟ في قسم الشرطة كانت ريما قاعدة بهدوء جدا ونور جنبها وهي ميتة خوف....... دخل شرطي ومعه ماجد... ماجد/خير....وقطع كلامه يوم شاف ريما.. الضابط/انت الاخ ماجد؟ ماجد/وليش جايبيني اذا مو متاْكدين... الضابط/تفضل.. ماجد قعد وعيونه على ريما... الضابط/ماتبي تعرف السالفة...؟ ماجد/............... الضابط/في اخت مشتكية عليك وتقول انك مصورها في اوضاع منافية ؟؟؟وزيادة على كذاناوية تبتزها علشان تسوي لك شبكة فساد!!!!!!! ماجد فتح عيونه على وسعهم/نعم!!!! الضابط/لاحظ يااخ ماجد ان احنا احترامناك واحترمنا مكانتكم....وماجينا نستلمك بسيارة شرطة بالعكس جينا كزيارة عادية...فاالمفروض انك تتعاون معنا؟ ماجد/انا بطلب محامي.. ريما/مااشوف له داعي؟؟؟ الضابط/ممكن لو سمحتي ماتتكلمين الا اذا انا سمحت لك؟ ماجد/وانا ماراح اتكلم غير اذا جا المحامي...؟ الضابط/انا بتعاون معك اعرض عليهم مبلغ وعطيهم الصور ويسحبون القضية؟ ريما بحدة/ماهو بكيفك انت الثاني!!!! الضابط ناظرها بنظرة معناته اسكتي... ماجد/منو فيهم اللي مقدمة البلاغ؟؟ الضابط/مدري وحدة منهم بس الاسم لازال متحفظ عليه؟؟؟ ماجد/والله وطلعتي قوية؟ ريما/على فكرة ياتجين الصور اللحين وتكتب تعهد بعدم التعرض مرة ثانية؟؟ لا قسم بالله بدخل فيها اكبر راس ؟؟سامعني انت وياه اكبر راس ؟؟ولا بخلي اعلام مابفضحكم فيه ولا.. الضابط بعصبية/اذا ماسكتي بتطلعين بره؟؟ ريما بهدوء/ذكرني افصلك من شغلك؟؟؟ وكملت بعدها/بسبب عدم التعاون مع الجميع والتحيز للمصالح الشخصية!!!! نور في مكانها ميتة وريما تتكلم بكل هدوء الضابط/قولي قسم... ريما/تعرف اني مسكت القضية شخص ثاني يوصلها لهيئة الامر بالمعروف والنهي عن المنكر في حالة اني مرت ساعتين ومااطلع انا بااللصور والتعهد..... الضابط/اخ ماجد وين الصور؟ ماجد/........................ ريما/ماعليه توصل للي توصله شكله ماجد مو مهتم وانت مو مكلف على حالك تقنعه؟؟؟ يالله مشينا..ووقفت بتقوم... الضابط بعصبية/انا قلت لك ماتتحركين وتتكلمين الا بامر مني......؟؟ في الليل وتحددا بتشيليز الخبر....(فهد ومساعد وعايض ولؤي) عايض/حلوة النمسا؟ مساعد/للناس الرومنسية..مو اللي مثلي... فهد/هههههههه لؤي/ورى ماعزمتوا ماجد؟ فهد/انا كلمته بس مارد علي؟ عايض/ليش انتوا مادريتوا؟ مساعد/عن شنو؟ عايض/ماجد اليوم طلبوه بالقسم... فهد/ليش؟؟؟؟؟؟؟؟؟ عايض تلفت حواليه اذا كان فيه احد يسمعه/القضية قضيةبنت.. رافعتها على ماجد..زيقولون انه مصورها وقاعد يبتزها؟؟ فهد/شها الخرابيط؟؟؟معقولة ماجد يسوي كذا؟؟ عايض/هي قالت كذا علشان تاخذ صورها منه؟ مساعد/................ريما... عايض/ايوه اللي رفعت عليه القضية ريما...بس القضية مو لها للي معها بس يقولون ك انها عجيبة.... فهد/ووينه ماجد اللحين؟ عايض/طلع بكفالة ورجع السالفة كلها للي عطته الصور؟ فهد/منو؟ عايض/نورهان...... نور/خلاص الصور واخذناهم والتعهد ووقع عليه خلينا نطلع؟؟ ريما/مو قبل ها الخطوة يانور؟ نور بتجي/ريما خلاص انا حاسة اني بطيح اللحين؟ ريما وقفت..... ريما/اتوقع ان ماحد سلم عليك اليوم غيرنا!!!!!!!! لفت عليها نورهان من داخل.......... ريما/تحبين اطلعك بكفالة؟؟؟قالتها بشماتة.. نورهان/ومن قال لك اني راح اطول هنا؟؟ ريما/ومنو المجنون اللي بيجي يكفلك وبيطلعك؟؟ نورهان/انتي حقيرة؟؟ ريما/بس مو مثلك...انا ماضريتك بحياتي ومدري ليش تركضين ورى مضرتي!!!!! قالتها واخذت نور ومشت ونورهان تصارخ وتسب وتشتم فيهم.... مرت احداث اليومين السابقين في بالها وهي تتذكرهم بسرعة.. غادة ورجعتها من السفر ووقفتها قدام البيت واكيد الاعصار اللي بيجي ابراهيم بسببها!!! مشكلة ماجد اللي وقفت قلبها بس الحمد لله انتهت وعدت على خير,,,,,,.... ابوها اللي من شافته وهي متغيرة وحاسة الدنيا مقلوبة عليها بس ماهي راضية تكرر الزيارة من جديد...واخيرا دق جوالها وشافت رقم المتصل وضحكت ردت بكل فرح/ريما/هلا والله حبيبتي شلونك؟ نواف/انا مو حبيبتك؟؟ ريما/اوه..ابو النوف شلونك.. نواف/اسمي نواف... ريما/اسمك ابو النوف... نواف/انتي دفشة.. ريما/طالعة لك... نواف/انتي ثقيلة دم... ريما/بعد طالعة لك... نواف/اممممممممممم ريما/تعرف اني بعد شوي بروح الالعاب... نواف/احلفي... ريما/والله.. نواف/ابي اروح معك؟ ريما/خلاص روح قول لاابوك يجيبك هذا انا بنتظرك؟ رحمة/هلا... ريما/اهلين فيك... رحمة/ريما ليش جننتيه؟كاهو مصدق بيلبس الجزمة وبيجي لعندك... ريما/ههههه ياحبيله والله... رحمة/تعرفين انه طول الوقت يحكي ويسولف عنك..كل الرياض عرفت انه عنده خالة اسمها ريما... ريما/والله...والعيار يقولي انتي دقشة وثقيلة دم...زين يانويف انا اوريك.... *جاها مسج بعد دقايق قليلة(بكون الليلة بكورنيش الخبر...ممكن اشوفك....مساعد) عطته مسج(ليش) رد عليها(كنت ابي افهم السالفة اللي بينك وبين ماجد) ردت عليه(خلاص انتهت لاتشغل بالك) رد عليها(وليش ماتبين تجي خايفة مني بعد) ردت عليه(انت مو تزوجت؟؟؟؟) في البارت اللي بعده,,,, *بين يديا واحس انك بعيد ..ذوب بااحضاني مثل قطعة جليد!!!! اي بس انا الللحين عندي موعد مهم جدا..!!! خلصنا من القضية بس اللي مو قادرة افهمه ماجد ليش سوى ها الحركة؟؟؟ ممكن اسالك سؤال؟؟شماغ منو اللي كنتي متلثمة فيه؟؟؟؟ هل بيعرف مساعد عن حب ريما لزياد؟؟؟ البارت السادس عشر,,, رد عليها(وليش ماتبين تجي خايفة مني بعد) ردت عليه(انت مو تزوجت؟؟؟؟)تنرفز من سؤالها وكان وده مايجاوبها بس هو يبي يشوفهاكلمها... ريما بثقل وهي تذكر نظرات مساعد لها اخر مرة عند باب بيتها..... ريما/انا ماعطيتك الاذن انك تدق علي!!!! مساعد بهدوء/ويبيلها اذن بعد؟ ريما/ليش شنو على بالك؟ مساعد/طيب بقدر اشوفك لو لا؟ ريما/لا... مساعد/ليش؟ ريما/لان عندي موعد مهم جدا!!! مساعد/مع مين؟؟ ريما/وليش تسال؟ مساعد/فضول... ريما/مارديت علي..انت مو تزوجت؟؟؟ مساعد/ليش تبين تعرفين؟ ريما/غريبة ماسافرت؟ مساعد/سافرت ورديت.. ريما/ول....ليش كذا شهر عسلك..اقصد اسبوع عسلك مختصر...وسريع!!!! مساعد/مع منو موعدك المهم... ريما/ومنو انت علشان اقولك؟ مساعد/انا مساعد ياريما!!!! ريما/.........اها...يعني بتوقف على باب بيتنا حارس يحرسني مرة ثانية وين اروح ووين اجي... مساعد/مو بالضبط....بس اذا بغيت اعرف بعرف... ريما/وليش تبي تعرف؟ مساعد/لاني ابي اشوفك؟ ريما/ياحرام يامساعد تارك زوجتك وتوكم باول اسبوع وتواعد غيرها!!!!! مساعد/هذا شي مو من خصوصايتك ابدا!!!! ريما/قولها بعصبية شوي علشان اصدقك... مساعد/مابي اعصب..خليني مروق ..... ريما/........ مساعد/متى موعدك بيكون؟ ريما/بعد التسع ونص ... مساعد/حلو يعني اقدر اشوفك على الثمان...باي.. في مطعم البردوني بالخبر..... عبدالله/مابغيتي تتعشين معي؟ ندى/............ عبدالله/انتي من شنو خايفة؟ ندى وتنهيدة كبيرة طلعت منها/لان ها الشي غلط!!!!! عبدالله/.............. ندى وهي تناظر بالاكل/مو كفاية ان احنا نكلم بعض بالتلفون....ليش بعد نشوف بعض؟ عبدالله/لان احنا نحب بعض!!!! ندى/والضحية اللي قاعدة تدفع ثمن حبنا ياعبدالله مافكرت فيها!!!!! عبدالله/؟؟؟؟؟؟؟؟ ندى/عبدالله ..رنا ماظلمتنا ليش نظلمها بعلاقتنا....انا مااعرفها ولا في حياتي شفتها بس من كلامك عنها انها تحبك وتودك وماتبي غير رضاك!!!!حرام ياعبدالله حرام...انا لو كنت مكانها صدقني برضى بالموت ولابالخيانة!!!! عبدالله بعصبية/ماهو خيانة اني اكلمك واطلع معك نتعشى؟؟ ندى /وش الخيانة برايك اجل!!!!ان احنا ناخذ لنا شقة ونطلع فيها!!!!لا ياعبدالله مو صحيح...حبنا لبعض من الاساس خيانة....مدامها مريحتك ..خليك معها على طول؟؟؟ عبدالله/يتراوللي اني مت وانا اقنعك علشان نجي نتعشى...وانتي قلبتيها لي....وداع!!! ندى/بالضبط ياعبدالله.....الليلة بتكون....وداع!!!! *ريما/انا على كورنيش الخبر انت وينك؟ مساعد/انا قريب عند فؤاد سنتر..وين تحبين نلتقي... ريما/خلصني مساعد تراني من جد مو فاضية لك... مساعد/طيب قولي لي وين تبين تكونين.... ريما/بنتظرك عند فرايديز... مساعد/ثواني وانا عندك.... مساعد/ان شاءالله مااكون تاْخرت؟ ريما لفت له/...يعني... مساعد قعد/شلونك.... ريما/مبروك الزواج..... مساعد ناظر بعيونها مباشرة.....وفتحت هي لثامها....... ريما/وش تبي مني؟ مساعد/مثل ماقلت لك .... ريما/أي بس انت ماقلت لي شي؟؟؟ مساعد/ها..... ريما/شفيك.... مساعد/يعني شصار بينك وبين ماجد؟ ريما/بليز لاتجيب لي سيرته ها الواطي؟؟؟ مساعد/هو صورك انتي؟ ريما/لايحلم يلمس شعرة مني علشان يصورني!!!! مساعد/مني فيهم؟ ريما/نور...... مساعد/طيب وانتي شدخلك بالقضية؟ ريما/انت متاْكد ماوصلك الخبر كامل؟ مساعد/توني راد امس من السفر وماعرفت الخبر..... ريما/هو كان يبيني انا...ويبي يورطها هي..... مساعد/.......... ريما/في شي ثاني تبي تعرفه؟ فهد من وراهم/وليش مستعجلين؟؟؟ ريما لفت عليه/هلا...... مساعد/انا ماقلت لك تعال!!!!! فهد/حسيت انكم يمكن تحتاجوني.... ريما/ليش ان شاءالله؟؟؟ فهد/هههههه انتي كل اسلوبك كذا...دايم متحفزة للقتال؟ ريما/مو.... .الناس ماترحم..مايبيلك تتعامل معهم غير بذا الاسلوب؟ فهد/ضيفنا عاد يامساعد؟ ريما/انا مستعجلة ولازم اقوم؟ فهد/شوي بس شربي لك شي وبعدها قومي... ريما/ماابي اتاْخر عندي مشوار ثاني... مساعد/وش تشربين؟ ريما/ومن بيجيبه؟ مساعد/شها السؤال الغريب... ريما/يعني انت عريس وماودي اتعبك.... مساعد قام وقال لها بجيب لك على ذوقي..... وبعد ماابتعد مساعد قاموا يسولفون سوالف عادية من هنا وهناك... لين سالها فهد سؤال وقف ممساعد اللي كان جاي وماانتبهوا له... *رجعت البيت وهي طول الطريق ترن في اذنها كلمات عبدالله (يعني انتي ماوافقتي تتعشين معي الا علشان تقولين لي انها ليلة وداع ياندى!!!!!!! معقولة تهون عليك عشرتنا وتقررين تتركيني خلاص!!!!!!!!!انا احبك ياندى وانتي عارفة ها الشي..كيف جتك ها الفكرة ياندى كيف؟؟؟ (ندى كانت تبكي وهي تتكلم/لاتفكر اني بقدر اتحمل اكثر ياعبدالله!!!! انا ماحبيت غيرك بها الدنيا ولاراح احب بعد.... بس خلاص انا وصلت لمرحلة مو قادرة اتحمل فيها مشاعري اكثر من كذا.... وصلت لدرجة اني كرهت نفسي وحياتي....احبك وامووت فيك ومقدر اعيش بدونك بس في نفس الوقت انا مقدر اظلم انسانة ثانية مالها ذنب في القضية ولااقدر اتخيل نفسي مكانها بيوم من الايام ياعبدالله؟؟؟؟ يمكن حبنا كان اكبر غلطة سوينها احنا الاثنين واستمرينا فيها.......... عبدالله ابيك تفهم شي واحد بس قبل لااقوم من على ها الطاولة......... انا احبك...وماراح يعيش مععي شي بها الدنيا غير حبك....صدقني بيظل معي لااخر يوم بحياتي...انا قررت اعيش لين موتي على حبك وماافكر في غيرك .....دير بالك على حمود......الله يوفقك) قعدت على فراشها وشالت شريحة الجوال وزاد بكيها/هذا الصح ياندى... صحيح بتتعذبين من فراقه...بس ها العذاب يهون بالنسبة لضميرك اللي بيظل ياْنبك علشان مرته اللي ماتدري عن شي............. فهد/ممكن اسالك سؤالياريما؟ ريما/تفضل.. فهد/شماغ منو اللي كنتي متلثمة فيه يوم كنتي بالراشد ذاك اليوم!!!!! ريما تنهدت/وليش تسال؟؟؟ فهد/فضول....... ريما/شماغ ..........حبيبي...... وقف قلب مساعد وتمنى انها قالت أي شي ثاني غير ها الكلمة ..بس المشكلة انها قالتها....!!! فهد/حبيبيك؟؟؟ ريما/أي حبيبي...ليش حرام اني احب وانحب؟ فهد/انا ماقلت كذا ..بس ...يعني...هو وينه؟ ريما/موجود؟ فهد/انا مو فاهم اذا عندك حبيبي ليش كنتي ...يعني عذرا ..بس ليش كنتي تكلمين شباب وتطلعين معهم؟ ريما/أي بس انا من حبيته تركت كل شي ورى ظهري........ مساعد ماقدر يسمع اكثر جاب لهم الطلبات وقعد معهم وفهد غير الموضوع ...... لين استاْذنت ريما انها بتمشي....... *انتظرته اكثر من ساعة على الكورنيش وماوصل وكل ماتتصل فيه مايرد... تعبت من كثر الانتظار ورجعت البيت...... وهي بغرفتها اتصل فيها بعد ساعة ونص... زياد/هلا,,, ريما بدون نفس/هلا... زياد /اكيد زعلانة؟ ريما/وليش ازعل؟ زياد/حبيبتي والله الشغلة ماكانت بيدي صدقيني توني طالع من الشركة... ريما/.............. زياد/ريما... ريما/وماتعرف حتى ترد علي وتقول لي لاتنتظريني ماراح اجي؟؟ زياد/صدقيني ..ماقدرت كنت قاعد مع المدير... ريما/........... زياد/اليوم المدير العام ماجد...تقابلت معه شخصيا ونقلني لقسم المحاسبة قال هناك بيكون وضعك افضل....... ريما/ماجد!!!! زياد/أي....والله انه حبوب.....المهم حياتي انا وصلت البيت بدق لك بعدين باي؟؟؟؟؟؟؟؟؟؟ ريما سكرت منه وهي تردد كلامه.........(نقلني قسم المحاسبة.....والله انه حبوب) ريما/خلصنا من القضية بس اللي مو قادرة افهمه ياماجد ليش سويت ها الحركة؟؟؟؟؟؟ مساعد/فهد.. فهد/شفيك؟ مساعد رفع راسه اللي كان مبين عليه كله زعل/انا... فهد بخوف انه مساعد سمع كلامه مع ريما/انت شنو؟ مساعد بتنهيدة/انا احبها.......... فهد/؟؟؟؟؟؟؟؟؟؟؟؟؟؟ مساعد/احب ريما يافهد؟؟؟ فهد/مساعد.. مساعد اشر له بيده يسكت/عارف...انا سمعتها....عارف انها تحب واحد ثاني..... فهد تنهد/انا ماكان ودي تسمع ها الشي...وفي نفس الوقت ماكنت عارف كيف اوصلها لك يامساعد؟ مساعد/لاتخاف يافهد...انا بشيل ريما من بالي؟؟ فهد كان حاس بالم مساعد من لهجته....كان يتكلم وهو ماسك نفسه لايبكي....... مساعد/هي بس لها حق الاختيار يافهد؟ويوم ان عندها حبيب مااقدر اجبرها على حبي!!!! فهد/عين العقل يامساعد ..وبعدين ياولد الناس انت توك معرس!!قوم روح لبنت عمتك شوف وش بتسوي لك اللحين!!!!! مساعد قام وكاْنه مسير/فهد ادعيلي انسى ريما واشيلها من بالي نهائيا!!!!!!!!! *عبدالله كان شايل ولده بيده وهو يشوف صورة ندى فيه.. رنا/عبدالله عبدالله كان سرحان ومايسمعها..... رنا/ابو محمد..... عبدالله/............... رنا(ياليتني اعرف بس وش اللي مضايقك مني ولازعلك علي !!!!) عبدالله/انتبهي عليه يارنا؟ رنا بفرح/محمد بعيوني ياعيوني... عبدالله ناظرها وهو بعده يشوف صورة ندى فيها عبدالله/متى بتردين البيت؟ رنا/...مدري...انت تبيني ارد اللحين؟ عبدالله/أي...البيت صاير كئيب بدونك...وبرجعتك انتي ومحمد بتنورونا!!!!!! ندى/ريما فيني اسولف معك.. ريما كانت سرحانة في حركة ماجد مع زياد.....وقعدت ندى على طرف السرسر وانتبهت لها ريما.. ريما/ها.. ندى كانت زعلانة وماانتبهت على سرحان ريما... ريما/ندى وش فيك؟ ندى صارت تمسح دموعها.. ريما/ندى وش فيك؟ ندى بتنهد وبعدها تبكي/خلاص انا اتخذت قرار وسويته؟؟ ريما/الا هو.... ندى/الفراق اللحين بيكون اسهل علينا ثنينا؟؟؟ ريما/وهو اقتنع بها الشي؟ ندى/خلاص ياريما انا تركته في حاله مقدر افكر فيه وهو عنده زوجة وولد؟؟؟ ريما/مدري شقولك بس يمكن هذا هو الحل الافضل.... ندى/ريما....انا احبه ياريما..... ورمت نفسها على صدر ريما وقامت تبكي بحرارة وريما لحظتها كل مشاعرها وقفت مرة وحدة؟؟؟ماتدري ليش الدنيا دايما تعكس لهم الاشياء اللي يبونها ويتمنوها...... بعد مرور ثلاثة ايام.... نور/مدري شقولك ياريما بس انا من جد بظل شايلة جميلك فوق راسي.... ريما/اهم شي انك تتركين ها الطريق يانور؟ نور بجزم/تركته ياريما تركته؟؟؟خلاص مالي ردة فيه.... ريما/وش قلتي لااهلك....علشان الوظيفة؟ نور/قلت لهم......انهم فصلوني........وهذا انا قاعدة بالبيت ادور لي أي شغلة اسويها.... ريما/الله كريم...اذا عشتي في الحلال ماراح تحاتين شي يانور...الفقر مو عيب بس العيب ان احنا نخسر شرفنا علشان نغطي فقرنا!!!! نور/ريما انا اشكرك على كل شي سويتي معي.. ريما/عادي...اشوفك بخير يانور.... نور/ريما لاتقطعيني.... ريما/ان شاءالله.....مع السلامة...... توها مسكرة من نور دق لها زياد اللي كان مطنشها ها اليومين..... ريما/هلا... زياد/مرحبا.. ريما/مراحب.... زياد/ريما انا قررت... ريما وقف قلبها/شنو؟ زياد/ابي اتزوجك؟ ريما/تتزوجني؟؟؟؟؟؟؟؟؟؟؟؟؟؟؟ زياد/انتي مو موافقة؟؟؟؟ ريما/زياد انت شقاعد تقول؟؟؟ دق قلب زياد/انتي مو تحبيني!!!!! ريما/الحب شي والزواج شي ثاني!!!!!!!!!!!! ,,,,,(عارفة ان البارت قصير مرة بس ترى ماباقي غير بارتين وبس!!خليكم تتحمسون للنهاية,,) توقعاتكم للبارت الجاي,,, *شنو يعني الحب شي والزواج شي ثاني مافهمت!!! حتى عيوني حرام انك تطالعها!!!! *كان ماضي....والماضي لازم يجي يوم وننساه؟؟ونعيش حياتنا.... *هاذي هدية متواضعة من.....؟؟شنو بتكون الهدية ومنو اللي بيقولها؟؟؟ |
البارت السادس عشر,,,
رد عليها(وليش ماتبين تجي خايفة مني بعد) ردت عليه(انت مو تزوجت؟؟؟؟)تنرفز من سؤالها وكان وده مايجاوبها بس هو يبي يشوفهاكلمها... ريما بثقل وهي تذكر نظرات مساعد لها اخر مرة عند باب بيتها..... ريما/انا ماعطيتك الاذن انك تدق علي!!!! مساعد بهدوء/ويبيلها اذن بعد؟ ريما/ليش شنو على بالك؟ مساعد/طيب بقدر اشوفك لو لا؟ ريما/لا... مساعد/ليش؟ ريما/لان عندي موعد مهم جدا!!! مساعد/مع مين؟؟ ريما/وليش تسال؟ مساعد/فضول... ريما/مارديت علي..انت مو تزوجت؟؟؟ مساعد/ليش تبين تعرفين؟ ريما/غريبة ماسافرت؟ مساعد/سافرت ورديت.. ريما/ول....ليش كذا شهر عسلك..اقصد اسبوع عسلك مختصر...وسريع!!!! مساعد/مع منو موعدك المهم... ريما/ومنو انت علشان اقولك؟ مساعد/انا مساعد ياريما!!!! ريما/.........اها...يعني بتوقف على باب بيتنا حارس يحرسني مرة ثانية وين اروح ووين اجي... مساعد/مو بالضبط....بس اذا بغيت اعرف بعرف... ريما/وليش تبي تعرف؟ مساعد/لاني ابي اشوفك؟ ريما/ياحرام يامساعد تارك زوجتك وتوكم باول اسبوع وتواعد غيرها!!!!! مساعد/هذا شي مو من خصوصايتك ابدا!!!! ريما/قولها بعصبية شوي علشان اصدقك... مساعد/مابي اعصب..خليني مروق ..... ريما/........ مساعد/متى موعدك بيكون؟ ريما/بعد التسع ونص ... مساعد/حلو يعني اقدر اشوفك على الثمان...باي.. في مطعم البردوني بالخبر..... عبدالله/مابغيتي تتعشين معي؟ ندى/............ عبدالله/انتي من شنو خايفة؟ ندى وتنهيدة كبيرة طلعت منها/لان ها الشي غلط!!!!! عبدالله/.............. ندى وهي تناظر بالاكل/مو كفاية ان احنا نكلم بعض بالتلفون....ليش بعد نشوف بعض؟ عبدالله/لان احنا نحب بعض!!!! ندى/والضحية اللي قاعدة تدفع ثمن حبنا ياعبدالله مافكرت فيها!!!!! عبدالله/؟؟؟؟؟؟؟؟ ندى/عبدالله ..رنا ماظلمتنا ليش نظلمها بعلاقتنا....انا مااعرفها ولا في حياتي شفتها بس من كلامك عنها انها تحبك وتودك وماتبي غير رضاك!!!!حرام ياعبدالله حرام...انا لو كنت مكانها صدقني برضى بالموت ولابالخيانة!!!! عبدالله بعصبية/ماهو خيانة اني اكلمك واطلع معك نتعشى؟؟ ندى /وش الخيانة برايك اجل!!!!ان احنا ناخذ لنا شقة ونطلع فيها!!!!لا ياعبدالله مو صحيح...حبنا لبعض من الاساس خيانة....مدامها مريحتك ..خليك معها على طول؟؟؟ عبدالله/يتراوللي اني مت وانا اقنعك علشان نجي نتعشى...وانتي قلبتيها لي....وداع!!! ندى/بالضبط ياعبدالله.....الليلة بتكون....وداع!!!! *ريما/انا على كورنيش الخبر انت وينك؟ مساعد/انا قريب عند فؤاد سنتر..وين تحبين نلتقي... ريما/خلصني مساعد تراني من جد مو فاضية لك... مساعد/طيب قولي لي وين تبين تكونين.... ريما/بنتظرك عند فرايديز... مساعد/ثواني وانا عندك.... مساعد/ان شاءالله مااكون تاْخرت؟ ريما لفت له/...يعني... مساعد قعد/شلونك.... ريما/مبروك الزواج..... مساعد ناظر بعيونها مباشرة.....وفتحت هي لثامها....... ريما/وش تبي مني؟ مساعد/مثل ماقلت لك .... ريما/أي بس انت ماقلت لي شي؟؟؟ مساعد/ها..... ريما/شفيك.... مساعد/يعني شصار بينك وبين ماجد؟ ريما/بليز لاتجيب لي سيرته ها الواطي؟؟؟ مساعد/هو صورك انتي؟ ريما/لايحلم يلمس شعرة مني علشان يصورني!!!! مساعد/مني فيهم؟ ريما/نور...... مساعد/طيب وانتي شدخلك بالقضية؟ ريما/انت متاْكد ماوصلك الخبر كامل؟ مساعد/توني راد امس من السفر وماعرفت الخبر..... ريما/هو كان يبيني انا...ويبي يورطها هي..... مساعد/.......... ريما/في شي ثاني تبي تعرفه؟ فهد من وراهم/وليش مستعجلين؟؟؟ ريما لفت عليه/هلا...... مساعد/انا ماقلت لك تعال!!!!! فهد/حسيت انكم يمكن تحتاجوني.... ريما/ليش ان شاءالله؟؟؟ فهد/هههههه انتي كل اسلوبك كذا...دايم متحفزة للقتال؟ ريما/مو.... .الناس ماترحم..مايبيلك تتعامل معهم غير بذا الاسلوب؟ فهد/ضيفنا عاد يامساعد؟ ريما/انا مستعجلة ولازم اقوم؟ فهد/شوي بس شربي لك شي وبعدها قومي... ريما/ماابي اتاْخر عندي مشوار ثاني... مساعد/وش تشربين؟ ريما/ومن بيجيبه؟ مساعد/شها السؤال الغريب... ريما/يعني انت عريس وماودي اتعبك.... مساعد قام وقال لها بجيب لك على ذوقي..... وبعد ماابتعد مساعد قاموا يسولفون سوالف عادية من هنا وهناك...لين سالها فهد سؤال وقف ممساعد اللي كان جاي وماانتبهوا له... *رجعت البيت وهي طول الطريق ترن في اذنها كلمات عبدالله(يعني انتي ماوافقتي تتعشين معي الا علشان تقولين لي انها ليلة وداع ياندى!!!!!!!معقولة تهون عليك عشرتنا وتقررين تتركيني خلاص!!!!!!!!!انا احبك ياندى وانتي عارفة ها الشي..كيف جتك ها الفكرة ياندى كيف؟؟؟ (ندى كانت تبكي وهي تتكلم/لاتفكر اني بقدر اتحمل اكثر ياعبدالله!!!!انا ماحبيت غيرك بها الدنيا ولاراح احب بعد....بس خلاص انا وصلت لمرحلة مو قادرة اتحمل فيها مشاعري اكثر من كذا....وصلت لدرجة اني كرهت نفسي وحياتي....احبك وامووت فيك ومقدر اعيش بدونك بس في نفس الوقت انا مقدر اظلم انسانة ثانية مالها ذنب في القضية ولااقدر اتخيل نفسي مكانها بيوم من الايام ياعبدالله؟؟؟؟ يمكن حبنا كان اكبر غلطة سوينها احنا الاثنين واستمرينا فيها.......... عبدالله ابيك تفهم شي واحد بس قبل لااقوم من على ها الطاولة.........انا احبك...وماراح يعيش مععي شي بها الدنيا غير حبك....صدقني بيظل معي لااخر يوم بحياتي...انا قررت اعيش لين موتي على حبك وماافكر في غيرك .....دير بالك على حمود......الله يوفقك) قعدت على فراشها وشالت شريحة الجوال وزاد بكيها/هذا الصح ياندى...صحيح بتتعذبين من فراقه...بس ها العذاب يهون بالنسبة لضميرك اللي بيظل ياْنبك علشان مرته اللي ماتدري عن شي............. فهد/ممكن اسالك سؤالياريما؟ ريما/تفضل.. فهد/شماغ منو اللي كنتي متلثمة فيه يوم كنتي بالراشد ذاك اليوم!!!!! ريما تنهدت/وليش تسال؟؟؟ فهد/فضول....... ريما/شماغ ..........حبيبي...... وقف قلب مساعد وتمنى انها قالت أي شي ثاني غير ها الكلمة ..بس المشكلة انها قالتها....!!! فهد/حبيبيك؟؟؟ ريما/أي حبيبي...ليش حرام اني احب وانحب؟ فهد/انا ماقلت كذا ..بس ...يعني...هو وينه؟ ريما/موجود؟ فهد/انا مو فاهم اذا عندك حبيبي ليش كنتي ...يعني عذرا ..بس ليش كنتي تكلمين شباب وتطلعين معهم؟ ريما/أي بس انا من حبيته تركت كل شي ورى ظهري........ مساعد ماقدر يسمع اكثر جاب لهم الطلبات وقعد معهم وفهد غير الموضوع ......لين استاْذنت ريما انها بتمشي....... *انتظرته اكثر من ساعة على الكورنيش وماوصل وكل ماتتصل فيه مايرد...تعبت من كثر الانتظار ورجعت البيت...... وهي بغرفتها اتصل فيها بعد ساعة ونص... زياد/هلا,,, ريما بدون نفس/هلا... زياد /اكيد زعلانة؟ ريما/وليش ازعل؟ زياد/حبيبتي والله الشغلة ماكانت بيدي صدقيني توني طالع من الشركة... ريما/.............. زياد/ريما... ريما/وماتعرف حتى ترد علي وتقول لي لاتنتظريني ماراح اجي؟؟ زياد/صدقيني ..ماقدرت كنت قاعد مع المدير... ريما/........... زياد/اليوم المدير العام ماجد...تقابلت معه شخصيا ونقلني لقسم المحاسبة قال هناك بيكون وضعك افضل....... ريما/ماجد!!!! زياد/أي....والله انه حبوب.....المهم حياتي انا وصلت البيت بدق لك بعدين باي؟؟؟؟؟؟؟؟؟؟ ريما سكرت منه وهي تردد كلامه.........(نقلني قسم المحاسبة.....والله انه حبوب) ريما/خلصنا من القضية بس اللي مو قادرة افهمه ياماجد ليش سويت ها الحركة؟؟؟؟؟؟ مساعد/فهد.. فهد/شفيك؟ مساعد رفع راسه اللي كان مبين عليه كله زعل/انا... فهد بخوف انه مساعد سمع كلامه مع ريما/انت شنو؟ مساعد بتنهيدة/انا احبها.......... فهد/؟؟؟؟؟؟؟؟؟؟؟؟؟؟ مساعد/احب ريما يافهد؟؟؟ فهد/مساعد.. مساعد اشر له بيده يسكت/عارف...انا سمعتها....عارف انها تحب واحد ثاني..... فهد تنهد/انا ماكان ودي تسمع ها الشي...وفي نفس الوقت ماكنت عارف كيف اوصلها لك يامساعد؟ مساعد/لاتخاف يافهد...انا بشيل ريما من بالي؟؟ فهد كان حاس بالم مساعد من لهجته....كان يتكلم وهو ماسك نفسه لايبكي....... مساعد/هي بس لها حق الاختيار يافهد؟ويوم ان عندها حبيب مااقدر اجبرها على حبي!!!! فهد/عين العقل يامساعد ..وبعدين ياولد الناس انت توك معرس!!قوم روح لبنت عمتك شوف وش بتسوي لك اللحين!!!!! مساعد قام وكاْنه مسير/فهد ادعيلي انسى ريما واشيلها من بالي نهائيا!!!!!!!!! *عبدالله كان شايل ولده بيده وهو يشوف صورة ندى فيه.. رنا/عبدالله عبدالله كان سرحان ومايسمعها..... رنا/ابو محمد..... عبدالله/............... رنا(ياليتني اعرف بس وش اللي مضايقك مني ولازعلك علي !!!!) عبدالله/انتبهي عليه يارنا؟ رنا بفرح/محمد بعيوني ياعيوني... عبدالله ناظرها وهو بعده يشوف صورة ندى فيها عبدالله/متى بتردين البيت؟ رنا/...مدري...انت تبيني ارد اللحين؟ عبدالله/أي...البيت صاير كئيب بدونك...وبرجعتك انتي ومحمد بتنورونا!!!!!! ندى/ريما فيني اسولف معك.. ريما كانت سرحانة في حركة ماجد مع زياد.....وقعدت ندى على طرف السرسر وانتبهت لها ريما.. ريما/ها.. ندى كانت زعلانة وماانتبهت على سرحان ريما... ريما/ندى وش فيك؟ ندى صارت تمسح دموعها.. ريما/ندى وش فيك؟ ندى بتنهد وبعدها تبكي/خلاص انا اتخذت قرار وسويته؟؟ ريما/الا هو.... ندى/الفراق اللحين بيكون اسهل علينا ثنينا؟؟؟ ريما/وهو اقتنع بها الشي؟ ندى/خلاص ياريما انا تركته في حاله مقدر افكر فيه وهو عنده زوجة وولد؟؟؟ ريما/مدري شقولك بس يمكن هذا هو الحل الافضل.... ندى/ريما....انا احبه ياريما..... ورمت نفسها على صدر ريما وقامت تبكي بحرارة وريما لحظتها كل مشاعرها وقفت مرة وحدة؟؟؟ماتدري ليش الدنيا دايما تعكس لهم الاشياء اللي يبونها ويتمنوها...... بعد مرور ثلاثة ايام.... نور/مدري شقولك ياريما بس انا من جد بظل شايلة جميلك فوق راسي.... ريما/اهم شي انك تتركين ها الطريق يانور؟ نور بجزم/تركته ياريما تركته؟؟؟خلاص مالي ردة فيه.... ريما/وش قلتي لااهلك....علشان الوظيفة؟ نور/قلت لهم......انهم فصلوني........وهذا انا قاعدة بالبيت ادور لي أي شغلة اسويها.... ريما/الله كريم...اذا عشتي في الحلال ماراح تحاتين شي يانور...الفقر مو عيب بس العيب ان احنا نخسر شرفنا علشان نغطي فقرنا!!!! نور/ريما انا اشكرك على كل شي سويتي معي.. ريما/عادي...اشوفك بخير يانور.... نور/ريما لاتقطعيني.... ريما/ان شاءالله.....مع السلامة...... توها مسكرة من نور دق لها زياد اللي كان مطنشها ها اليومين..... ريما/هلا... زياد/مرحبا.. ريما/مراحب.... زياد/ريما انا قررت... ريما وقف قلبها/شنو؟ زياد/ابي اتزوجك؟ ريما/تتزوجني؟؟؟؟؟؟؟؟؟؟؟؟؟؟؟ زياد/انتي مو موافقة؟؟؟؟ ريما/زياد انت شقاعد تقول؟؟؟ دق قلب زياد/انتي مو تحبيني!!!!! ريما/الحب شي والزواج شي ثاني!!!!!!!!!!!! ,,,,,(عارفة ان البارت قصير مرة بس ترى ماباقي غير بارتين وبس!!خليكم تتحمسون للنهاية,,) توقعاتكم للبارت الجاي,,, *شنو يعني الحب شي والزواج شي ثاني مافهمت!!! حتى عيوني حرام انك تطالعها!!!! *كان ماضي....والماضي لازم يجي يوم وننساه؟؟ونعيش حياتنا.... *هاذي هدية متواضعة من.....؟؟شنو بتكون الهدية ومنو اللي بيقولها؟؟؟ |
البارت ماقبل الاخير,,
زياد/ابي اتزوجك؟ ريما/تتزوجني؟؟؟؟؟ زياد/انتي مو موافقة؟؟؟؟ ريما/زياد انت شقاعد تقول؟؟؟ دق قلب زياد/انتي مو تحبيني!!!!! ريما/الحب شي والزواج شي ثاني!!!!!!!!!!!! زياد بخوف/شنو يعني الحب شي والزواج شي ثاني مافهمت؟؟؟؟؟ ريما بتنهد/انت وش جاب ها الطاري على بالك اللحين؟ زياد/ابي اظل قربك بالحلال وبالنور وقدام الناس كلهم..... ريما/زياد....الزواج... زياد/وش فيك ياريما ..ماانتي فرحانة!!!! ريما/انت على بالك الزواج سهل ياعمري!!! زياد/ماقلنا سهل..بس ابي اكلم امك ....ويكون عندها خبر واول مااخلص الجامعة نتزوج..... ريما/زياد.....لاتتعب نفسك.... زياد/منتي موافقة؟؟؟؟؟ ريما/زياد انا احبك بس الزواج!!!!! زياد/ماعندي المؤهلات اللي انتي تبينها صح؟؟؟ ريما بنفعال/شفيك انت!!!قلت لك احبك..تفهم شنو يعني احبك؟؟؟؟يعني مايهمني شنو عندك وشنو ماعندك يازياد؟؟؟؟انا بس كنت اقول ان الزواج اللحين ماهو من صالحنا.....يعني انت مابعد توظفت يازياد وامي ماراح ترضى بوضعك كذا لو شنو مايصير؟ زياد بعناد/انتي ماعليك خليني اكلمها وبعدين نشوف اللي بيصير؟ ريما/......... زياد برجى/ريما انا حبيتك....انا ماعندي في قلبي غيرك انتي ووائل بس!!!!ابيك تكونين لي بالحلال ياريما؟؟؟؟ماابي اشوفك وانا احس اني .....مدري كيف اوصف لك شعوري بس ودي نكون جنب بعض ونكمل مشوارنا مع بعض ويكون عند اهلك خبر...ودي يكون كل شي في النور علشان مااخاف من شي ياريما...صدقيني احبك..... ريما/زياد...انت حبيبي وعمري وكل دنيتي....بس انا ماابي اظلمك.... زياد/تظلميني؟؟؟؟ليش تظلميني ياريما؟؟ ريما انهارت في البكي/لاني عارفة انك تبي تغيرني وتبدي معي حية جديدة وتنسين الماضي اللي عشته يازياد...يعني انت بتضحي بحلمك وباالبنت اللي المفروض تشاركك حياتك على حسابي انا!!!كيف تبيني ارضاها؟؟؟ زياد/لا ياريما..مو صحيح...انا فعلا حبيتك وابيك تكونين جنبي...واللي صار لك شي مو بيدك ....يعني انتي مالازم تعقدين حياتك علشان ماضي!!! ريما/............. زياد/بخليك تهدين شوي وبعدين بكلمك طيب حبيبي... ريما من بين دموعها/طيب.. زياد/وتاْكدي اني طول ها اليومين كنت افكر في هاالموضوع.....يالله باي.... رمت جوالها بعيد وهي تتمنى انها ماتسمعه يرن مرة ثانية لامن زياد ولامن غيره!!!!يا انها عايشة بهم ماتقدر تطرده من حياتها؟؟زياد يفكر في الزواج ولو تموت ماراح توافق امها؟؟؟؟ياما جاها اللي اكبر واسمن وكانت ترفض ها الساعة اذا جاها زياد الحافي المنتف بتوافق امها عليه؟؟؟؟؟ليش يازياد تبي تعذبني بها الطلب بيكفيني ان احنا نظل نحب بعض طول العمر بدون زواج ..كانت تفكر في زياد ونظرات مساعد للحين في بالها وتدور لها الف تفسير وتفسير!!!يوم كانوا بالمطعم مااخذت نظراته لهابجدية بس يوم وقف معها عند الباب حست انها موجهة لشي فيها بس شنو ماتدري!!!!شالت مساعد من بالها ورجعت تفكر بحيرة في زياد ياترى بتقدر تقنعه يغير رايه عن موضوع الزواج ولابيصر عليه!!!!! مر اسبوع على الاحداث اللي صارت وماتغير شي وريما ماقدرت تقنع زياد بانهم ياْجلون موضوع الزواج وصار يهددها انه مايشوفها ولايكلمها لين توافق انه يشوف امها ويتكلم معها في الموضوع وهذا اللي حيرها اكثر.... زياد/لاتحاولين... ريما/زياد حبيبي اسمعني الله يخليك... زياد/ماراح اكلمك لين توافقين... ريما بنفاذ صبر/يازياد حرام عليك انا اعرف امي زين...ماراح ترضى بالسهولة اللي انت متخيلها....؟؟ زياد/مو مهم خليني اشوفها على الاقل اكون رضيت نفسي ودخلت البيت من الباب مثل مايقولون.. ريما/انا مو موافقة لاني عارفة راي امي مسبقا في الموضوع....انتظر كلها سنتين؟؟؟ زياد/تتكلمين عن السنتين وكاْنهم يومين؟؟؟؟ ريما/بيمرون بسرعة.... زياد/لاتعليق يالله باي........ سكر الجوال بوجهها ورمت الجوال بعيد وهي تسب وتلعن فيه.... ريما/الله ياخذك على ها العناد ..مفكر اللحين انه بيتعامل مع امي على انها وحدة متفهمة وتبي مصلحة بنتها مايدري عن اللي مدفون فيها!!!!!!!!خليني انزل اشوف وش صاير......... نزلت تحت ومالقت احد كاالعادة حتى ندى كانت طالعة.... ريما/تينا.. تينا/نعم.... ريما/وش عندك جاية هنا... تينا/جاية اعطي الست ..ورقة الطلبات اللي بدنا اياها.... ريما/ووينها الست؟؟ تينا/بمجلس الرجال عندها ضيف... ريما/منو؟ تينا/وشو بيعرفني؟؟؟ ريما/طيب............ رجعت لغرفتها من جديد.....دخلت الغرفة وسكرت الباب وراها وهي تناظر بغرفتها اللي هي اشبه بالسجن خصوصا بعد ماحبت زياد وتركت عنها الطلعات والروحات والجيات صارت تحبس نفسها بغرفتها طول اليوم واذا تكرم عليها زياد بشوفة تروح لها الكورنيش الليل.....اما عدى هذا فهي قاعدة بغرفتها مع همها وحزنها ......حتى ندى ماعادت تشوفها وااجد...اصلا ندى من تركت عبدالله وهي نفسيا متضايقة وكارهة كل شي حولها....يحق لها موتركت الحبيب!!!!بس يالله خيرة انها تركته اللحين مو بعد ماتتعلق فيه اكثر ..رغم انها تعلق فيه حبتين زيادة!!!!!!شتسوين ياريما علشان تقتلين جوك شوي....اكلم...بس اكلم منو وانا لاصديقات ولاحتى زميلات دراسة عندي!!!!!!!اه....من الوحدة اه!!!!!تقربت من دولابها وطلعت شماغ من بين ثيابها وقربته منها وكاْنها تتنفس منه الهوا....يازين شماغك يازياد....هاذي احلى هدية جتني بحياتي كلها......صدقني بيظل ها الشماغ معي طول عمري وبظل متلثمة فيه كل يوم علشان ريحتك ماتفارقني!!!! ورجعته مكانه....ورجعت لفراشها خطر على بالها شخص تتصل فيه..... ندى كانت تتمشى على البحر والهم راكبها من فوقها لتحتها..... ياانها صعبة حياتي بدونك ياعبدالله وكئيبة..... بس لازم ها الشي يصير ياندى وزين انك سويتيه...موتي انتي وخلي مشاعرك تموت بس لاتظلمين اثنين مالهم ذنب ولاعمرهم اذوك بحياتك؟؟؟؟؟؟لان الدنيا بتدور عليك وبتنظلمين انتي بعد لان الظالم لازم يجيله يوم وينظلم؟؟؟؟ ياترى شقاعد تسوي بحياتك ياعبدالله اللحين....قاعد مع محمد صديقك....ولا مع حمود ولدك اللي توه بيكمل شهر...والا مع رنا.......ولا مع اهلك....ولا .......ولا بعدك تفكر فيني .......ولا نسيتني خلاص....مجرد تفكيرها بان عبدالله نساها بعد ثلاثة اسابيع من فراقهم خلت عيونها تدمع لاشعوريا وهي تتقطع من داخل.......اه من الحب ,,,ومن نار الحب!!!!!!!!!!!!! /////////////////////////////////////////////////// ريما/مرحبا...ممكن اكلم الاستاذ نواف!!! رحمة/هلا وغلا..بس نواف تبينه..؟ ريما/بس...ولاتاْخروني يالله بسرعة ناديه؟؟ رحمة/ان شاءالله عمتي......نواف...تعال في وحدة تبي تكلمك... نواف بغرور/الو.. ريما/اوه اوه..وش ها اللهجة الجديدة بعد!!! نواف خاب امله/انتي يعني؟؟ ريما بعصبية/وشو اللي انتي بعد؟؟؟؟منو كنت مفكر بالله؟؟ نواف بنحاسة/فكرت اليسا!!!!! ريما فتحت عيونها على وسعها وتمنت انه جنبها علشان تذبحه/لا والله!!!!!وريما ماتنفع بالله؟؟؟؟ نواف/وش تنفع فيه؟؟؟انتي تحطين نفسك وتحطين اليسا!!!! ريما/انا احلى منها؟؟ نواف/لاتلعبين على نفسك.... ريما/اه يللي ماتستحي اللحين انا خالتك تقولي اليسا احلى منك وانتي ماتتقارنين فيها!!! نواف/وليش اكذب عليك واقول لك انك احلى من اليسا؟؟ ريما/لاني خالتك!!!! نواف/طيب كم تدفعين لو قلت لك؟؟؟؟ ريما/ونصاب بعد!!!! نواف/ماراح تجين الرياض عندنا؟؟ ريما/لا نواف/ليش؟؟ ريما/منو بيجيبني؟ نواف/انا اجي اخذك وارجع.... ريما/نواف..ابيك تكبر بسرعة... نواف/ليش؟ ريما/عندي اسرار واجد بحياتي وابي اقولها لك. نواف/قوليها اللحين؟ ريما/ماينفع لازم تكون كبير شوي..... نواف/يعني متى بتقولين لي اسرارك؟ ريما/اذا دخلت المتوسط.... نواف باستهزاء/معناته مووت ياحمار..... //////////////////////////////////////////////////////// في الليل في غرفة ندى... ريما/ممكن اسولف معك.... ندى/هلا.... ريما/شفتك قاطعتني قلت اجي اشوفك..... ندى/........... ريما/مو احنا صايرين بفندق اذا نبي نشوف بعض....لازم ناخذ مواعيد او نروح لبعض الغرف؟ ندى/..... ريما/شلونك؟ ندى/بخير...ليش شفيني؟ ريما/بس اساْل عنك.... ندى/......سالت عنك العافية. ريما/شلون عبدالله؟ ندى بحدة/قلت لك اني نسيته خلاص!!!!!! ريما/ممكن اقولك شي عن عبداللهظ ندى قلبها وقف من الخوف... قالت بضعف وبدون تردد/شفيه!!!! ريما بهمس/ندى انتي بعدك تحبينه؟؟؟شوفي كيف بتموتين علشان تعرفين؟؟؟ ندى/قولي شفيه؟؟؟ ريما/اليوم عبدالله جا يخطبك من امي؟؟؟؟ ندى جمدت في مكانها.. ريما/وامي قالت له تيسر ترى ندى مخطوبة....... ندى بدت تدمع..... ريما/اذا انتي تحبينه ياندى لحقي على عمرك وقولي لاامك انك موافقة واذا موعاجبتك تكون عندك ضرة خليه يطلقها..... ندى بحدة/عبدالله كان ماضي والماضي لازم ننساه ونعيش حياتنا!!!! ريما/يعني.. ندى/خلاص.. قلت لك خلاص............ *فهد/شلونك؟ مساعد/بخير.. فهد/وكيف العروس.. مساعد/............ فهد/شنو يعني سكوتك؟ مساعد/كل واحد فينا عايش حياته بدون الثاني... فهد/وليش هذا كله؟؟؟؟ماصار لكم شهر من تزوجتوا؟؟؟؟؟ مساعد/الظاهر انا مابتقبل وجودها بحياتي ولا هي بعد بتتعود على المسؤلية وتقديس الحياة الزوجية..... فهد/متاْكد مو علشان شي ثاني!!!! مساعد/شنو يعني شي ثاني؟؟؟ فهد/يعني مو علشان ريما مثلا!!!!!!! مساعد/وش جاب طاري ريما اللحين يامساعد؟؟؟ريما تحب واحد ثاني ومستحيل الانسان اللي يحب يتقبل فكرة وجود حبيبي ثاني مهما حصل وبعدين ريما من الاساس ماتناسبني وماتناسب مستواي هي طبقتها ماتتوافق مع طبقتي نهائيا!!!! هذا الكلام اللي نطقه مساعد لفهد بلسانه وعقله رافضنه وبشدة ومو قادر يتقبله!!!!اصلا هو يقول ها الكلام علشان يبعدها عن تفكيره بس ماهو قادر....كل شي فيها يخليه يفكر فيها اكثر واكثر ويتعلق فيها بعد اكثر واكثر.......؟؟؟؟ في بيت ريما.... ريما فزت من فراشها.... ريما/مستحيل انت شقاعد تقول؟؟ زياد/اللي سمعتيه انا بالمجلس وانتظر امك ...يالله باي.... سكر منها وقعدت مكانها لدقايق مو عارفة شتسوي...امها اكيد بترفض...بس هو عنيد مايسمع الكلام شتسوي فيه يعني؟؟؟؟؟ ////////في المجلس.... ام محمد/واللي يجي يخطب مايجيب قبيلته معه؟ زياد/انا قلت اكلمك بالموضوع وبعدين اجيب اهلي اذا صار الشي رسمي؟ ام محمد/ليش بالله اللحين انت مو جاي تخطبظ زياد/هو بالصراحة ياخالتي انا مابعد تخرجت من الجامعة باقي لي سنتين على مااتخرج .... ام محمد/؟؟؟؟؟وجاي تخطب؟؟؟ زياد/يعني انا جاي اكلمك واعطيك خبر اني ابيها وانها تكون لي... ام محمد/لاوالله؟؟؟يعني انت مو جاي تخطبها انت جاي تحجزها!!!!!! زياد باارتباك/لاخالتي مو القصد.... ام محمد/وين اهلك؟ زياد/بصراحة انا ماقلت لهم اني جاي اخطب؟؟ ام محمد/يعني جاي تخطب بنتي من ورى اهلك؟؟؟ زياد/....لامو كذا...... ام محمد/اهلك عايشين؟؟ زياد/امي وابوي منفصلين عن بعض وكل واحد عنده حياته الخاصة.... ام محمد في نفسها (ياسلاممم) زياد/خالتي..... ام محمد/اللي انت ماتعرفه ان ريما بنتي مخطوبة لولد عمها؟ زياد/متى انخطبت؟؟ ام محمد/..... زياد/اللي انا اعرفه انها فكت خطوبتها من ولد عمها!!!! ام محمد/رجع خطبها ووافقت......يعني بالعربي مالك شي عندنا.....مع السلامة....,,,,,,,,, في غرفة ريما.... ام محمد/ريما... ريما/نعم... ام محمد/ماتصدقين اليوم وش صار؟ ريما بنفاذ صبر/وش صار؟ ام محمد/هههههههههه اليوم جاني واحد حافي منتف ويقول ابي اخطب ريما...لا مو يخطبك بعد يحجزك لين يتخرج من الجامعة؟؟ ريما/وانتي وش قلتيليه؟ ام محمد/وش تبيني اقوله يعني ياريما؟؟؟قلت له ريما مخطوبة ريما/...................اي بس انتي ماشاورتيني؟ ام محمد/نعم!!!!!شااشاورك فيه؟؟؟؟ ريما/يمكن انا ابيه؟؟ ام محمد/ههههههههه مااعتقد.... ريما/يمه... ام محمد/نعم... ريما/انا اتكلم من جدي يمه...ليش ماشاورتيني؟ ام محمد وقفت وطلعت عند الباب/لان هذا مو من الهوامير اللي انتي تبينهم ياريما..انا قلت ليش اضيق خلقك فيه بعد يوم انه مو من الناس اللي يعجبونك؟ وطلعت..... وظلت ريما تفكر بزياد وتكلم نفسها.../بس انا ابيه..ويعجبني يايمه ومايهمني يكون من الهوامير...يكفيني قلبه اللي يحبني...!!!!!! *ندى/انتي متاْكدة؟ ريما/امي مابيعجبها زياد لو شيسوي؟ ندى/وانتي شناوية تسوين؟ ريما/ماادري.... ندى/ريما...فكري بعقل... ريما/اللي مثلي مالها فرصة في الزواج ياندى وانتي فاهمتني.....انا احبه وهو يحبني....وامي ماراح تهمني لو شسوت.. ندى/شنو يعني؟ ريما/............ ندى/ريما لاتتهورين.... ريما/أي بس ياندى... ندى/هو شقال؟ ريما/مو قادرة اكلمه...لاني عارفة امي اكيد جرحته بكم كلمة... ندى/واذا انتي تبينه...ظلي جنبه وخففي عنه ... ريما/وليش انتي ماظليتي جنب عبداللهظ ندى بتنهيدة/وضعك انتي وزياد مختلف... ريما/وين الاختلاف؟؟؟انتوا مو تحبون بعض؟ ندى/أي بس زياد ماهو مرتبط مثل عبدالله؟؟؟ ريما/........ ندى/قومي كلميه وجبري بخاطره بكم كلمة.... ريما مسكت جوالها ودقت على زياد وهي متضايقة انها حطته بموقف ينحسد عليه.........وندى طلعت من عندها... زياد/هلا.... صوته كان طبيعي الى حد ما وهذا اللي ريحها..... ريما/هلا... زياد/. ريما/شصار؟ زياد/مثل ماقلتي مارضت.. ريما/........... زياد/يمكن انا بعد ماعرفت اتكلم مثل باقي العالم وظليت مرتبك.... ريما/امي لو تعطيها خطبة سياسية ماراح تغير رايها ابدا انا اعرفها!!!! زياد/....المهم اني دخلت البيت من بابه... ريما/زياد انت بعد خربتها..هذا مووقته ابدا... زياد/ليش مو وقته..متى يعني بيكون وقته؟ ريما/مو اللحين انتظر انا ... زياد/شنتظر؟؟؟ ريما/يعني..المفروض ماتجي الا اذا شاورتني...اكون مهدت لك....مو كذا....انا اللحين قاعدة اخطط لموضوع ...واذا صار... زياد/شنو؟ ريما/مفاجاْة...بس انت قولي...انت تحبني.. زياد/مافيها كلام.... ريما/وبعدك تبي تتزوجني؟ زياد/لو ماكنت ابي اتزوجك ماكنت جيت لبيتكم وطلبت يدك..... ريما/تمام....انتظر مني خبر مفاجىْ ها اليومين... مر يوم ونص بطيْ على ريما وزياد......... واليوم الثاني فتحت ريما عيونها على صوت الجوال وكان الرقم غريب....ترددت ترد ولالا..بس كاْنها شايفة الرقم من قبل.. ريما بصوت نايم/الو.. وائل/فرحانة اللحين..... ريما/خير..منو انت؟ وائل/منو انا؟؟؟حسبي الله عليك وين ماتروحين.... ريما بخوف/انت شفيك جنيت؟؟ وائل/الله لايوفقك ياريما وين ماتروحين ووين ماتجين؟؟؟؟؟؟ /////////////////وفي مكان ثاني وتحديدا في شرطة الخبر..... الضابط/انا بترككم تتفاهمون مع بعض.... وبعد ماطلع.. زياد بخوف/عمي ماجد...انا ليش هنا؟؟ ماجد بثقة/هاذي هدية متواضعة جدا من ريما لك؟؟؟ زياد /ريما!!!!!!!!! ماجد/أي ليش مستغرب...مو هي اللي وظفتك..... زياد/وانت من وين تعرفها؟ ماجد/لالا بزعل منك يازياد في احد مايعرف ريما!!!!!!! زياد/أي هدية؟؟؟ ماجد حط قدام زياد بعض الاوراق حق الشركة وفيها ارقام وحسابات...... زياد/شنو؟ ماجد/اختلاس من خزنة الشركة..... زياد وهو ميت مكانه/ومن اللي اختلس؟؟؟ ماجد/هههههههههههههه يعني معقولة اكون انا اللي مختلس من شركتنا!!!!اكيد بتكون انت؟؟؟ زياد وهو مو مصدق نفسه/انا!!!!!!!مستحيل انا ماصار لي اسبوعين من مسكت قسم المحاسبة ....والله العظيم اني بريء ... ماجد/مو اقول لك هاذي هدية ريما لك.....يالله تفضل..... زياد/ريما!!!ريما.؟؟ ماجد/المبلغ اخذته ريما بالكامل......وطيحتك انت فيها؟؟؟؟ زياد الصدمة شلته مرة وحدة وماقدر يتكلم...... ماجد/انا بصراحة مقدر اسوي شي....يظل الحلال غالي!!!!!!!!!!!!!!!!! *ريما في غرفتها كانت مصدومة من الخبر اللي سمعته قبل دقايق.... زياد اخذته الشرطة بتهمة اختلاس من الشركة!!!!!!!!!!!!!!!!!!!!حسبي الله عليك ياماجد.........ياربي شسوي اللحين؟؟؟؟؟؟؟؟؟؟؟؟؟؟؟؟لازم اروح واشوفه.....لازم....... //////////////////////////////في محافظة شرطة الخبر...... ريما/أي بس انا لازم اشوفه.. العسكري/انا مقدر اخليك تشوفينه ولاتحرجيني؟؟؟ ريما/مو بكيفك سمعتني مو بكيفك...قولي بس وينه العسكري وهو يناظرها من فوق لتحت/تعالي وراي..... مشت وراه لين وقفت قدام غرفة.التوقيف....وفتح الباب... العسكري/تعالي .... ريما دخلت... العسكري/زياد في وحدة تبي تشوفك.... ماقدرت ترفع راسها وتشوفه...كان حاط راسه بين رجليه مثل العيال الصغار وهو يبكي...... كان يبكي...ويبكي بصوت عالي بعد..... رفع راسه وشافها....ويوم شافها زاد بكيه........ زياد/ممكن تعطين ورقة وقلم...... العسكري/........؟؟؟؟؟طيب.... ريما/زياد.... زياد/................ العسكري جاب له الورقة والقلم...... ريما/زياد...انت بتطلع من هنا صدقني..... زياد كان قاعد يكتب شي بالورقة...... ريما/حبيبي انا مالي شغل..والله العظيم مالي شغل وماادري عن السالفة أي شي؟؟؟؟ زياد/تفضل.....عطيها الورقة وقول لها يليت لو تنسى اسمي!!!!!!! كثر ماجرحها اسلوبه في احتقارها وكانها مو موجودة بكثر ماكانت متعاطفة معه على الوضع اللي هو فيه...... عطاها العسكري الورقة وطلعها من الغرفة.... ماقدرت تنتظر اكثر لين تفتح الورقة....(ريما..هذا جزات حبي لك تستغليني وتحطين بموقف انحسد عليه طول عمري!!!حرام عليك...بس انا ماابي منك شي ولاابي اسمع عنك شي....حتى عيوني حرام انك تطالعها) * وش تتوقعون بيصير لشخصيات القصة في الجزء الاخير؟؟؟ |
البارت الاخير,,,,,,, عطاها العسكري الورقة وطلعها من الغرفة.... ماقدرت تنتظر اكثر لين تفتح الورقة....(ريما..هذا جزات حبي لك تستغليني وتحطين بموقف انحسد عليه طول عمري!!!حرام عليك...بس انا ماابي منك شي ولاابي اسمع عنك شي....حتى عيوني حرام انك تطالعها) طوت ريما الورقة ودموعها مغرقة عيونها..هذا ماجد ماغيره,,,حسبي الله عليك ونعم الوكيل وين مارحت ياماجد.....صدقني يازياد راح تطلع حتى لو كان الثمن انا وشرفي!!!!! راح اروح لماجد برجلي علشانك يااعز الناس,,,,,, رجعت البيت وهي شبه منهارة من نذالة ماجد.....وقررت انها تشتغل بسرعة وتسوي اللي في راسها.... كانت اغراضهت مجمعة لانها كانت ناوية تروح لزياد وتتزوجه بدون علم اهلها...بس اللحين الوضع اختلف..زياد بالسجن وماتدري كم بتاْخذ القضية وتنتهي....يعني اول شي لازم تسويه انها تتصل على ماجد وتشوف طلباته شنو علشان يتنازل عن القضية.. رفعت جوالها وهي كلها احتقار لنفسها ولحياتها اللي عاشتها كلها.... رد عليها ماجد وكاْنه من زمان ينتظر اتصالها.... ماجد بثقة/نعم.. ريما/هلا.. ماجد/منو معي؟؟؟؟ ريما حست انه بيصعب السالفة وبيسوي فيها نذالة /ليش ماعرفتني؟؟ ماجد/وحدة من بنات الشوارع بس مني فيهم!!!!! ريما ماانصدمت من كلامه لانها عارفة ان اللي بيجيها بالطريق اكثر... ريما/معناته ندخل بالموضوع مباشرة؟ ماجد/أي موضوع؟ ريما/طلباتك... ماجد/لشنو؟؟؟ ريما/.......... ماجد/مااعتقد بيني وبينك أي شي وانتي بنفسك كاتبة تعهد بعدم التعرض مرة ثانية ولا نسيتي؟؟؟ ريما/ماجد.. ماجد/سمعي يا...على بالك ماادري ان زياد حبيبك!!!!لا انا عارف ها الشي ومامرت علي...بس حركتك النذلة اللي سويتها تعالي اكليها انتي اللحين...شوفي من بيطلعه ياريما..ابوه اللي مايدري عنه ولا امه..اللي ماتعرفه!!!!! ريما سكتت لانها حست ان ماجد مضبطها من كل الاتجاهات وعارف كل شي.... ريما/متى تبيني؟؟؟؟ ماجد بااحتقار/ابيك!!!!ومن قال اني ابيك؟؟؟خلاص ماعدتي تروقين لي ياريما ؟؟؟؟؟؟ ريما/شلون يعني!!!! ماجد/يعني خليه يخيس بالحبوس حبيب القلب....اقول ياريما لاعاد تكلميني لاني بجد بزعل منك وبشكي عليك وبقول انك تضايقيني....... سكر منها ودارت الدنيا حواليها هذا ماجد ورفضها مابغاها!!!!!وهو الامل الوحيد اللي كان عندها علشان يطلع زياد...... انفتح باب غرفتها مرة وحدة...ودخلت امها وشافتها قاعدة واغراضها جنبها.. ام محمد/ياسلام....وين كنتي مفكرة تروحين ياقلبي!!!! ريما بدون اهتمام/لجهنم الحمرا!!! ام محمد بعصبية/كنتي بتروحين معه صح!!! يعني ما خاب ظني فيك كنتي تبين ها الحافي المنتف؟؟؟؟ ريما بعصبية/لاتتكلمين عن زياد كذا؟؟؟ جاها كف على وجهها سكتها مرة وحدة.. ام محمد وهي بعدها معصبة/زين ياريما زين... تاركة لي ولد عمك ولد العز وقاعدة تركضين ورى ها المنتف!!!!! لكن صدق ان احمد طلع ولد حمايل وماقال ليش تركك!!!!! ريما بعصبية/ومن قال لك ان احمد تركني علشان زياد احمد اصلا.. ام محمد/سكتي ولاكلمة...انتي اصلا وحدة ماتستحين على وجهك..ناوية تروحين معه بدون علمي وشوري!!!!!! !هذا كله من صرتي تروحين لاابوك من ورى ظهري ياريموه!!!! ريما حطت يدها على خدها وكانت بتتكلم بس امها طلعت من الغرفة وقفلت الباب وراها ام محمد من ورى الباب/موتي بغرفتك لين تتاْدبين وتعرفين تطلعين من شوري يامتربية!!!!!! ماكان كلام امها ماْثر فيها اصلا كل اللي كانت حاسبة حسابه الوقت!!!!ليش ها الوقت بالذات !!!!!ياربي شسوي مو معقولة انحبس هنا وزياد....وزياد هناك يعاني!!!!!! رنا/عبدالله... عبدالله كان شارد مو معها وهو يلعب ولده... رنا/بو محمد... لف عليها بدون مايتكلم... رنا/شفيك؟ عبدالله بهدوء/مافيني شي؟؟ رنا/مو معقولة مافيك شي؟ عبدالله رجع لسكوته.. رنا/حبيبي انا عارفة انك متضايق وبالك مشغول بس اللي انت ماتعرفه اني شايله همك فوق راسي!!!!ابي اعرف وش اللي مضايقك مني ومكدر خاطرك؟؟؟ عبدالله/انتي مالك شغل.. رنا/طيب صارحني فضفض لي اللي بقلبك وخلنا نتشارك همنا مع بعض.... عبدالله بتنهيدة/سالفة قديمة لاتشيلين هم.... رنا/وبعدها عايشة فيك ها السالفة؟ عبدالله/قلت لك لاتشيلين هم انا نسيت السالفة كلها..... رنا/حبيبي انا ماودي غير اشوفك مرتاح ورايق وبالك صافي..... هذا كل اللي يهمني صدقني... عبدالله/..........تطمني...انا بالي ماهو مشغول غير بك وبمحمد وبس!!! قالها وهو يقاوم رغبة داخله كانت بتنطق باسم ندى بس حمد ربه ان اسمها ماطلع ولو باالغلط... حطت يدها على كتفه وسندت راسها على صدره رنا/يعني اعتبرها بشارة خير حبيبي!!! حط يده عليها وهو يناظر في بعيد.... عبدالله/اكيد............ مرت سبعة شهور على قضية زياد وريما محبوسة بغرفتها ماتشوف احد ولااحد يشوفها حتى ندى ماصارت تمر عليها....... ماكان معها غير جوالها وبس..واملها الوحيد اللي كان عندها انه ينقل لها اخبار زياد هو وائل ..اللي رفض انه يرد عليها بحجة انها هي اللي وقعته بها المشكلة........كان ودها تسمع أي خبر ؟؟أي خبر مهما كانت مرارته بس المهم انها تعرف وش صار...بس لاحول ولاقوة.... ماعندها غير شماغ زياد اللي كانت تحضنه وتبكي عليه كل ليلة لين تنام بدموعها.......... وفي ذاك اليوم..... فتحت ام محمد الباب.... ام محمد/قومي غسلي وجهك وتحممي... ريما/عسى ماشر... ام محمد/بتجيك الكوافيرة بعد شوي.. ريما/أي كوافيرة؟؟؟؟ ام محمد/............ ريما/وش السالفة؟؟؟؟؟؟ ام محمد/مفكرة اني بخليك هنا قاعدة طول عمرك!!!!غلطانة ياروح البابا؟؟؟؟تقدم لك واحد من ها الهوامير وانا بصراحة ماقدرت ارفض لاسيما ان هذا طلبك من البداية.....تبين هامور وهذا هو جاك..... ريما/وانا مو موافقة؟؟ ام محمد/ومن قال اني انتظر موافقتك عاد؟؟؟ انا زوجتك اليوم الصبح وخلصت منك ريما/كيف زوجتيني بدون موافقتي؟؟؟؟ ام محمد/ماهي صعبة ياريما!!!!! ريما/مستحيل؟؟؟؟؟؟؟؟انتي شناوية تسوين بترميني على شايب اقضي عمري معه؟؟؟؟؟؟؟؟؟ ام محمد/والله عاد الشايب ولا الحافي!!!!!!!!!! ريما/ماني طالعة من ها البيت لو شيصير؟؟؟؟ ام محمد/لا بتطلعين....وعلى فكرة ريما بس تروحين مع زوجك الليلة لاتردين ها البيت لين تموتين؟؟؟؟؟سامعتني لين تموتين....... الفستان اللي جابه المعرس وصل والكوافيرة بتجي بعد شوي ..فللي يرحم والديك قومي بسرعة وخلصيني لاني مو مصدقة متى تطلعين واتنفس براحتي من همك؟؟؟؟؟ ريما/؟؟؟؟ *هاذي النهاية ياريما ....نهاية ماحلمتي فيها طول عمرك..... تتزوجين وانتي مو عارفة.....واحد شايب ومخلص عمره من الدنيا بس لانه ....هامور,,,أي مو هذا طلبك من زمان كاهو تحقق ياريما يالله فرحي ورقصي على ها الخبر الزين,,,,,,,, كانت تكلم نفسها وهي حابسة دموعها......خلاص بس مو قادرة ابكي اكثر من كذا........يكفي اللي بكيته طول عمري ......سامحني يازياد سامحني.....سامحني ياغالى الناس على كل شي..... لبست الفستان اللي جابه المعرس وخلصت شغلها مع الكوافيرة وكان السواق ينتظرها تحت..... وتذكرت كلام امها (اذا طلعتي من ها البيت مالك رجعة فيه) واخذت شماغ زياد وكم غرض بس من غرفتها وحطتهم بكيس ونزلت فيه........ ام محمد كانت واقفة تنتظرها تطلع... ريما/.................. ام محمد/السايق بره..... ريما/عارفة انها طردة....بس الله لايسام...قطعت كلامها وتنهدت... ام محمد/كمليها ليش سكتي..قولي الله لايسامحك؟؟؟؟حتى انتي الله لايسامحك على اللي كنتي بتسوينه..حشى منتي عاقلة يوم فكرتي تهربين مع ذاك المنتف وتخليني سالفة بحلوق العالم!!!!!! ريما/وين ندى؟ ام محمد/طلعي بهدوء ياريما ماحد شايل همك لاتخافين.... الا هنا واخذت بعضها وطلعت من البيت .......... ركبت مع السايق وهي ماهي دارية وين بيكون مصيرها في ها الليل...كل افكارها ذيك اللحظة تتمنى ان السيارة تصدم وانها تموت!!!!!ماتدري ليش جتها ها الفكرة بس انها جتها ؟؟؟؟؟ وصلوا لمطعم..........ووقف السايق.. ريما/ليش وقفت؟ السايق/علشان انت ينزل هنا ماما؟؟؟ ريما/ليش؟؟ السايق/بابا يقول كده.... نزلت وهي تفكر بغرابة ها الزوج او باحتقاره بمعنى اخر؟؟؟؟ماكلف على عمره يجي ياخذها ودز السايق ..لا ويبي يلتقي فيها بالمطعم!!!!بتعيشين وبتشوفين ياريما..... دخلت المطعم وكانت الاضاءة فيه خفيفة جدا وكان فاضي جدا..بمعنى اخر مافيه احد.... جاها الاستقبال بسرعة وكاْنه ينتظر وصولها من زمان.... ووصلها للطاولة الوحيدة اللي كان عليها شخص قاعد... قعدت على الكرسي قبال بدون ماتتكلم ولاحتى ترفع راسها... حط يده عى يدها وكانت ابرد من الثلج....وابرد حتى من احاسيسها!!!! ............مبروك.... ارتعشت يدها بين يدينه مرة وحدة يوم سمعت صوته....... رفعت راسها تشوفه........... ريما بصدمة/مستحيل!!!!!! مساعد/............. ريما/انت!!!!!!!!!انت يامساعد؟؟؟ مساعد/أي انا.....انا ياريما..... ريما/................؟؟؟؟؟ مساعد/ريما...... وحط يدينه على يدينها ثنتينهم.... مساعد برومنسية/صدقيني انا يوم التقينا في ها المطعم انا وانتي وفهد ذاك اليوم هنا..حسيت ان مشاعري ناحيتك ماتتفسر بتفسير ثاني غير الحب؟؟؟؟؟؟يوم التقيت فيك هنا تاْكدت اني احبك ياريما؟؟؟؟ كانت تناظر فيه وهي منصدمة.....ومن صدمتها مانطقت ولا كلمة..... صحيح انها كانت في الفترة الاخيرة تشوف نظرات مساعد لها بشكل ثاني بس ماكانت تعطيها أي اهتمام.....بس ولاعمرها فكرت انه هو اللي بيكون زوجها...... ريما/.........مسا عد انا فعلا متفاجئة وماادري شقولك؟؟؟ مساعد/لاتقولين شي....... ريما/أي بس....انا مااحبك يامساعد؟؟؟ مساعد/.ريما انا ماانتظر منك الحب....حبي لك بيكفي حياتنا وبيزيد بعد!! ريما بدت دموعها تتجمع/مساعد انت مو عارف شي ولا انت فاهم شي............ مساعد/انا عارف كل شي........كل شي ياريما.... صارت نظراتهم في بعض وماعرفت شتقول... .حست انها محرجة منه.....مساعد اكيد عارف كل تفاصيل حياتها وماهي صعبة عليه ريما/بسالك سؤال وجاوبني بصراحة لاتستحي...... مساعد/شنو؟ ريما/انت متزوجني بالسر؟ مساعد/وليش بالسر؟؟؟ ريما/لانك متزوج؟؟ مساعد/الشرع محلل لي اربع!!!!!!!! ريما/وزوجتك عارفة انك راح تتزوج عليها؟؟ مساعد/كل اهلي عارفين مو بس زوجتي... ريما/وماقالوا شي؟؟؟ولا سالوا عن البنت اللي راح تتزوجها؟؟؟ مساعد/انا رجال وقادر افتح بيت جديد ومايهمني راي أي احد بحياتي ريما/............ مساعد/ماناوية نطلب العشى علشان نرجع الفندق ونكمل ليلتنا... ريما/الفندق؟؟؟ مساعد/أي انا حاجز لنا بالفندق لين تختارين جهاز الفيلا على ذوقك.... ريما حاولت تبعد نظراتها عنه بقدر الامكان.... ريما/ليش المطعم فاضي؟؟؟ مساعد/علشان انا حاجزه بالكامل.....حتى ناخذ راحتنا؟؟؟ مساعد/اذا جت بنت شنسميها؟ ريما ناظرت ببطنها اللي بدى يكبر/مدري بكيفك؟ مساعد/يصير نسميها ريما؟؟؟ ريما/............... مساعد/طيب واذا كان ولد؟ ريما باندفاع/زياد...... قالتها وتندمت وهي تلاحظ تغير وجه مساعد... مساعد/توقعت تقولين ها الاسم؟؟؟؟؟؟ ريما نزلت راسها بالارض....... مساعد/من تزوجنا صار لنا سبعة شهور.... وعارف انك مانسيتي حبيبك الاولي زياد........انا مو متضايق ياريما..........بس فكري فيني شوي......... واتركي عنك شماغ زياد اللي تلمي بحضنك كل ليلة!!!!!!!!!!!!!على بالك اني ماانجرح لمى تسوين ها الحركة؟؟؟؟؟لاتفكريني نايم اذا قمتي اخر الليل..انا احس فيك لو تبتعدين عني دقيقة وحدة!!!! انتي بس صدقيني....زياد بخير...ومو ناقصه شي... ريما بحزن/انت وش عرفك انه بخير؟؟ مساعد/قلت لك ..صدقيني عاد؟؟ ريما/ودي اصدقك...... مساعد/عارف انك زعلانة لانك تحسين انك السبب في اللي صار له بس ياريما زياد بخير صدقيني............. ريما/ان شاءالله...ان شاءالله يكون بخير........ (مساعد قبل لايتزوج ريما عرف عن سالفة زياد وماجد وطلعه بكفالة بعد مادفع عنه تكاليف المبلغ كامل واللي مارضى ماجد انه يتنازل عنه.....ونقله للرياض بعد مالقى له وظيفة وشقة عن طريق فهد....وخله يبدى حياة جديدة..الشي اللي خلا زياد يدين له بحياته كلها وهو مو عارف منهو ها الانسان اللي ساعده........ .مساعد سوى هذا كله علشانها...علشان الريم وبس!!!!!! وما قال لها عن ها الشي خاف ان يقول لها وتتركه وتروح لزياد من جديد وهو ماصدق انه اخذها على كورنيش الخبر.......... كانت قاعدة وتقراْ كتاب بهدوء ورواق .... ومنصرفة عن الدنيا كلها وفي يدها كوب قهوة تشرب منه بين فترة والثانية.... وفجاْة جت كورة عند رجلها وجاها طفل صغير توه يمشي...يمشي ويوقف... واخذ الكورة.... عبدالله/حمود تعال هنا.... رفعت راسها تشوف صاحب ها الصوت............ هو...عبدالله..ماتغير...... يعني هذا محمد....مشاءالله كبر اللحين عمره فوق السنة... نزلت راسها لعند محمد..تناظره..... ندى/شسمك؟ محمد بصوت مكسر/امود... دورت بشنطتها شي تعطيه اياه ومالقت.....وهو واقف يستنى لين ابوه وقف جنبه ومسكه من يده عبدالله ماانتبه لندى/اسف اختي... ندى/شلونك عبدالله؟ عبدالله رفع راسه وهو شبه مصدوم..... ندى!!!!!!!مستحيل...وش ها الدنيا الصغيرة بعد تسعة شهور يشوفها وهو اللي كان على وشك انه ينساها...... صار يناظرها من فوق لتحت.... كل شي فيها تغير ماعادت ندى الاولية..البنت اللي كلها خوف والمتبرقعة بنقابها ...صارت تكشف وجها وشعرها كله طالع من تحت الشيلة وعبايتها كلها مطرزة........ عبدالله/الحمد لله....انتي شلونك؟ ندى/كبر حمود...الله يخليه.. عبدالله/الله يسلمك.... ندى قامت بتمشي وهو بعده يناظرها ويحس انها رجعت له كل ذكرياته القديمة معها........... عبدالله/ماقلتيلي شخبارك؟ ندى وهي تبي تبعد لانها حست بالدموع تجمعت في عيونها/الحمد لله..خلصت الجامعة وفتحت لي مشغل اللحين بالدمام.....مع السلامة..... مشت وهي تداري شوقها له اللي ماكانت تقدر تخبيها اكثر..... مشت وتركته هو منكوي بناره من جديد!!!!!ندى... ماصدقت اني احاول ابتعد عنك علشان ارجع اشوفك من جديد وتردين لي ناري اللي خمدت ياندى ريما كانت قاعدة على وتنشف شعرها.... مساعد وهو منسدح على السرير..../كلمك نواف قبل شوي... ريما/تصدق يامساعد...اخر شي توقعته اني اتعلق بنواف وانه يتعلق فيني..رغم انه ماعاش طفولته معنا اصلا؟؟ مساعد/الحب والتعلق يجون للانسان بدون مايدري او يقرر؟(كان يقصد نفسه وعلاقته معها) ريما/اووف..متكسرو مووت... مساعد/نام زياد؟ ريما/مو هو مانام الا من عمري!!!!!! مساعد/صار عمره ستة شهور ياريما وانتي....مشاعرك ناحيتي ماتغيرت...ولافكرتي مرة تقولين لي احبك؟؟ لفت عليه وكانت بتقول شي بس اسكتت مرة وحدة...صحيح ان مشاعرها ناحية مساعد تغيرت بس مابينت له ها الشي ابدا!!!! مساعد فتح حضنه لها..../تعالي عاد ورقوليها وريحيني.... مشت بشويش لعنده ........وفجاْة تمايلت بمشيتها و طاحت على الارض,,,, مساعد قام بفزع/ريما اسم الله عليك حبيبيتي وش فيك؟ مرت سنتين على موت ريما....ومساعد مانساها ولا لحظة وحدة..... فهد/كم عمره اللحين؟ مساعد كان يناظر بولده اللي يلعب/سنتين ونص؟ فهد/مايصير يظل عايش على المربية والشغالة بس يامساعد...... مساعد/ريما ماكانت تبين احطه عند امي ولا عند امها..وانا مقدر اتخلى عنه هذا حبيبي.. فهد/ماقلت لك تتخلى عنه بس جيب له مرة تدير بالها عليه يامساعد حرام؟؟؟ مساعد/انسى يافهد انسى...مستحيل اني اتزوج بعد ريما مستحيل...... فهد/مساعد وهو يتنهد/عارف انها عاشت وماتت وهي كارهتني وماعمرها حبتني بس انا بظل احبها لين اموت يافهد!!!!! قام ونادى ولده.... مساعد/يالله زياد تعال حبيبي بسك لعب..... /في المقبرة.. زياد/بابا.... مساعد/نعم.. زياد/بابا انت ليش تجيب شماغك وتحطه على قبر الماما؟؟ مساعد/................ زياد/علشان تعرف ان احنا جيناها وزرناها؟ مساعد/أي بابا علشان تعرف ان احنا نجيها كل يوم..... (كان يتمنى لحظتها ان الشماغ اللي يحطه كل يوم يكون شماغه هو مو شماغ زياد!!!!بس شيسوي هو عارف قيمة ها الشماغ عند ريما شنو؟؟؟؟؟؟الله يرحمك) في مكتب زياد بالرياض... زياد/خير طال عمرك... مساعد/كنت بكلمك بموضوع..... زياد/طال عمرك انت الداخل والمكتب مكتبك... مساعد/شلونك ان شاءالله مرتاح؟ زياد/بخير عساك بخير.... مساعد/هذا ولدي زياد..... مد زياد الصغير يده علشان يسلم عليه.. زياد سلم عليه وهو يبتسم /لله يخليه لك انشاءالله.... مساعد/انا بغيت منك شي يازياد..... زياد/خدام تحت رجلك..... مساعد/بغيت منك تترحم على زوجتي؟ زياد/؟؟ مساعد/زوجتي كانت اكثر انسانة تحبك وتغليك بها العالم.....ابيك تترحم عليها نراها كانت مظلومة ومالها شغل بللي صار لك..كل نياتها لك كانت خير يازياد...وابيك تسامحني بعد لاني تزوجتها وماقلت لها عنك وانك طلعت من السجن واني بعدتك عنها علشان انا اخذها لي!!!!!!!!!سامحني وترحم لها؟؟؟؟؟ طلع مساعد مع ولده من المكتب وطاح زياد على كرسيه من الصدمة وهو يردد كلمات مساعد(زوجتي كانت اكثر انسانة تحبك وتغليك بها العالم!!!!( ريما زوجتك يامساعد؟؟؟؟؟ ريما مالها شغل؟؟؟ومساعد هو اللي كفلني؟؟؟؟؟ ماتت؟؟ريما ماتت بعد ماسمت ولدها زياد!!!! !ريما اللي ظلمتها يوم شكيت بحبها لك يازياد ريما!!!!!!!!ريما خلاص ضاعت منك وماراح ترجع؟؟؟؟ ؟ وابتدى زياد حياة جديدة بين الدموع والندم والحسافة على اللي راح من عمره وعلى ريما وموتها وظلمه وشكه لها..... .بس ماعاد ينفع شي يازياد *مساعد كمل مشواره وهو مكرس حياته لزياد الصغير لين يكبر..... اما زياد بعد ماعرف عن ريما وموتها ومساعدة مساعد له علشان خاطر ريما استحى من نفسه وترك الوظيفة ورجع الدمام علشان يكون قريب من قبرها ويطلب منها السماح..وبعد علشان يكون قريب من زياد الصغير ويشوفه كل مااشتاق له..... ندى وعبدالله وصار الفراق النهائي وتركته لحياته وزوجته وولده وماتزوجت وفاء لوعدها له وظل هو حبيبيها طول عمرها حتى وهو بعيد عنها....... اما نورهان بعد ماجتها كفالة من شخصية معروفة وراهية شروق لفقت لها سالفة من هنا وهناك علشان تطول بالحبس...وياقوي في من اقوى منك!!!!!!!!! نور...تقدم لها واحد من معارفهم...ويوم حبت تعرفه بالحقيقة قبل لايملكون وانها بيوم من الايام اغلطت بحق نفسها وتهورت كان رد فعله ثاير وغريب وشكاها لاابوها بدون كلام..اللي مافكر يتفاهم معها وضربها لين موتها بعد مااكتشف ان بنته ماهي بنت؟؟؟؟ الحب..هو اقسى ظرف يمر به الانسان.... الحب هو ذاك الشي العنيد الذي يجبرنا على اتخاذ قرارت جنونية دون التفكير فيها.... الحب....هو لذة الحياة...والروعة فيه تكمن باننا لسنا نختار من نحب..بل نحب من تختارهم قلوبنا واقدارنا |
تسلم عووووودد
البداايه مشوووقه تحياتي |
العنوآآآآآن جدآآآ مشوق ..
يسلمووو عود .. |
لــــــــــــــــــــــــــــــــي بــــــــــــــــــــــاكـ أن سمــــــــــــــــــــــح الوقت مشوقه جدآ 0 0
|
بصراحه جناااااااااااااان تسلم يدك على الطرح
|
|~
تم القرآئه... ولي عودهـ بعد مآرووق شوي .. |
الف شكر على الطرح ..
بارك الله فيك وسلمت يداك على ماقدمت ..! دمت بخير |
( عود الليل ) .. رووووووعه قليلـه بحقها ..~ خقيت عليها مشكوور عسى إيديك ما تمسهم النار ..َ وٍديً..~ |
| الساعة الآن 07:56 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية