 |
منتديات قصايد ليل
(http://www.gsaidlil.com/vb/index.php)
- …»●[آحســــاس قـلــــــم]●«…
(http://www.gsaidlil.com/vb/forumdisplay.php?f=67)
- - آطوِي هُمُومِيِ وَسطْ قَلبِيّ وآستِعِينْ . . آلطَيّبْ آدَارِيہ وَآلاشْ آحــِقــَرهـْ
(http://www.gsaidlil.com/vb/showthread.php?t=87522)
آطوِي هُمُومِيِ وَسطْ قَلبِيّ وآستِعِينْ . . آلطَيّبْ آدَارِيہ وَآلاشْ آحــِقــَرهـْ
بسم الله الرحمن الرحيم أرحب فيكم في عالمي الصغير والمختصر ودايماً أنا احب أكتب الشيء إلي أحس فيه واكيد غالباً الكلام إلي يطلع من الشخص وهو متأثر تماما هو أصدق الكلام واروع التشبيه وبعد أحب أنقل مايروق لذائقتي أتمنى ها الشيء يلقى الترحيب من كل زوار المدونة ومره ثانيه أقول يامرحبا بالجميع .. |
تاريخ نقل المدونة
الاحد : 3 / 2 / 1437 هـ |
تنتظر عودة الغائبين بلهفة , وتحن للماضي الجميل معهم
وتتمنى ان تجمعك الايام بهم من جديد , او على الاقل ان تعرف اخبارهم , وتطمئن عليهم ويعود اول الغائبين , وتأتيه بلهفة وشوق وحنين , مرحباً به مشتاقاً من الاعماق وتبدأ معه بالكلام , وترى اسلوباً جديداً لم تعهده من قبل , وتحس للوهله الاولى بتغيره فتسأله : ماذا بك ؟ فيأتيك الرد الصاعق ويقول لك : انا كما انا بعقليه اكثر نضوجه !!! السؤال الذي يحيرني : من المقصود بالاجابة انا ام هو ؟ هل كان يقصد الاجابة عن نفسه , ام كان يقصد ان عقليتي ليست ناضجه ! واياً كان قصدة اقدم له آسفي على انتظاره ,, والتفكير به ,, والترحيب به بعد عودته |
ماعلموك
إن الفجر اخر محطات التعب وإن السهر يوجع كثير وإني انا للحين احب ولأني احب بنتظر مو بس هنا ! لـ هناك ما بعد الاخير |
رجل أحب فتاة لأجل أن ينسى الأخرى !
وهي تحادثه لأجل أن تشغل عقلها عن غائبها ,,, اليسوا خائنين |
الصَراحَه : اعَجبَنيِ " اَسلوُبَها "
وَكانَت الافَكار تِجيني " وتروُح لهَا " شَكلي بِديت اتَعلق وتعجِبنيِ " اعلوُمهَا " طَلعت انَا الغَلطَان مَاناظَرت " حَولهَا " اثَرهَا تِحب وحَبيبهَا " مَجنونَها " رجَعت بِالحَسره تِجر " ذيولهَا " :: بقلمي المتواضع :: |
هُنَاك فَتى سَكنَه الكِبرِياء يَضَحك كَثِيراً لا يُبالِي بِشيَء
وعِندَما يَكوُن وَحِيداً يَزوُل الكِبرِياءَ "وَيحَترِق" الَماً وإشتِياقاً ولا يَحكيِ ,،‘ |
اُعذُروا رُوحاً بَاتَت تتَصدع مِثلَ ارَضٍ صَماء
فـ َهِي قَد إِبتَلت بـِ عَالمٍ لا يَصلُح لـَـــهـــا ,،‘ |
أنَ تَحِن للمَاضِي : يَعنِي أن تُفكِر باستِعادَة بَعَضاً مِن ذِكرَياتِك الجَميِلة
أنَ تَستَعيِد أشخَاصاً سَرقَتهُم الحَياة يَوماً , أن تُوقِضَ أحَاسِيس تَبلدَت فِكرَة َسقِيمَة وخُطوةَ [ سَيِئة ِجداً ] ,،‘ |
قِــمــةَ الألَــَم ْ
أن تَعيِش بَين أَهلِك غَريِباً وَحِيداً تُقيِم بيَن أربَعة جُدرَان تَارةً تَبتِسم لذِكرَى جَميِلة وتَارةً تَبكيِ بِصمتْ ويَجتَاحُكَ شُعوراً بِالرَغبَة بَأن تَبكيِ بِأعلَى صَوتِك لِكيِ تُفرّغ مَا بَداخِلكْ مِن كَبتٍ مُطبِق كَم مِن قِلبْ قَريبٍ يَقسَى عَليَك وَكَم مِن قَلبْ غَريبٍ يُحسُ بِك وَيُقدِم لَك الحُب وَالحَنَان الذِي تَحتَاجُه كَــم أنــتـُـم رَائــعــوُن أيـُـها الــغُربــَاءْ " مِنْ خَاطِري المَكسوُر " |
الغريب فـ الموضوع إني حبيت بعدها إنسانه وحبيتها من كل قلبي وحبيتها بأخلاص وانا لو حبيت احب بكل مافيني واقدم الاخلاص عربون للمحبه ومع كل ماسبق ذكره : ماقدرت انساها !!! ولا استمرت علاقة الحب الجديد !!! هه بديت احس إن حبها إبتلاء من ربي .. وانا استغفر الله انا حتى ماشفت وجهها على مدار سنتين كامله برغم محاولاتي المستمره ومع هذا كله ماني قادر انساها يمكن اكون انا السبب فـ معاناتي كان المفرض ما اسلم قلبي لأنسانه ما اعرف عنها إلا اسمها ونبرة صوتها كان المفروض انسى شيء اسمه الاخلاص في الحب واخذ الموضوع من باب التسليه عشان لا يجي اليوم إلي اندم فيه على تجربة حب فاشله بمعنى الكلمه وهذي مو اي تجربه هذي التجربة الاولى .. يعني الحب الاول .. والحب الاول ما ينسي ملت قلبي حزن .. ذوقتي انوااااع القهر ... وآخيراً ودعتني وداع آليم وراحت قالت لي : كلام عمري ماسمعته من عدو ! كيف لو كان حبيب ؟ وللحين ماني مصدق انها تجرأت وقالت ها الكلام واعلنت النهاية وقتها حسيت إني ضعيف لأبعد الحدود وما قدرت ارد ولو تقول هي روح ياطراد وخذلك مهله سنه كامله وفكر فـ رد وتعال رد علي بتخلص السنه وانا ماصدقت نفسي ولا صدقت إنها قالت ها الكلام وآآآآآآآآآآآآآآآآآآآآآآآآآآآهـ من كسر الخواطر مدري ادعيلها واتمنالها الخير وإلا ادعي عليها بحرقت القلب مثل ما حرقت قلبي تدرون ابتركها للزمان والزمان دوار ... < من خاطري المكسور > |
يظنون ان فراقهم سهل لا يعلمون بمدى احساسي تجاههم
قد يكون مقياسهم فـ مدى حبي لهم يقاس بالايام التي امضيناها سوياً لا يعلمون انا هذا المقياس بالي ولا يصلح للاستخدام هو مجرد مقياس لأناس لايعرفون معنى التعلق بشخص من اول كلمة في حديث وديٍ ورائع يتكلمون عن الرحيل وكأن الرحيل مثل شربت ماء لحظة من فضلكم هل هذا هو جزاء من تعلق بكم واحبكم من كل قلبه إذا تستطيعون الرحيل وقت ما شئتم وانا ايضاً استيطع الرحيل وقت ماشئت < من خاطري المكسور > |
احساس غريب فـ النادر احس فيه احس اني ظالم واحس اني مظلوم احس اني قوي واحس بالضعف احس اني اخطيت واحس اني الصح احس بالضعف واكابر ابي القوه ودي اروح ومعزتهم تقول اجلس ودي انااااااااام وماعاد اقوم ودي ابكي لين تنشف الدموع ودي الماضي يرجع ورى واشياء كثيره ما تكون اكره الاستفزاز اكره الي يحتقرني اعشق الحب ويمكن اتعلق بوحده عدت من جمبي وقالت سلام اعشق الوحده اعفو عن من اساء لي ولكن لا انسى الاسائه عصبي لابعد الحدود واحمل قلب طفل نعم هذا انا < من خاطري المكسور > |
يقولون ماعاد تجيب طاريه
قلت : ماصرت مثل اول ميت عليه قالوا : وش إلي جرى وش إلي غيرك وماعدت مهتم فيه قلت : شوية قهر .. مع آلم .. مع ندم نستني طاريه شوية بعد .. ومسافه .. وقسوة كلام نستني لياليه قالوا : يعني خلاص ماتحبه ولا تبيه ؟ قلت : لا عاد !! ماني للعشره خاين ضمير إيه احبه بس ما اموت فيه احبه بس ماني ولهان عليه قالوا : اشلون يعني ! فهمنا تبيه والا ماتبيه !؟ قلت : تدرون عاد بـ قولها وبصوت عالي ما ابيه .. لكن ماني بناسيه ,،‘ ماني بناسيك |
هه
التغير فـ الكل ومو فـ شخص واحد بس يمكن انا إلي امشي واناظر عند رجولي احتاج ارفع نظري لـ فوق والتفت حولي وادقق فـ الوجيه ومعالمها واحدد الاشخاص المتغيرين واشوف التغير للاسوأ او للافضل وبعد كذا يجي دوري واطبق نظرية التعامل بالمثل وحتى لو كلفتني ها النظريه كل إلي احبهم ماعندي مانع فـ الاساس انا شخص يحب الوحده ولو رجعت لها بكون مشتاق واكيد انا وحشتها < من خاطري المكسور > |
بَعدَ مُنتَصَفْ الليِلْ
مُتكِئهْ لاشَيّء يَجُولُ بِخَاطِريِ .. مُمسِكَه بِجِهَازِيّ اقرَأ مَايَكتُبهْ بعَضْ الاشخَاصْ اشعُرُ بِخيّبَة امَل .. اشَعُرُ بَأشتِيًاقٍ لكَ يَفُوقُ كُلَ شَيّء إختَلطَت المَشَاعِر .. لَم استَطِع التَنَفُس للحَظَاتْ مَرتْ ذِكرَى بِهَذا الوَقتْ .. كُنَتَ تُراسِلنِي وابتَسِم لضِحكَاتَك عَلىَ قِصصِيّ وَبُطولاتِيّ اليَومِيَهْ وَلوهلَهْ ارجِعُ للوَاقِع وَلا ارَاك .. فـَ اخَتَنِقْ بِغَصَةِ آلمٍ ثُمَ اُعَاوِدْ القِرَاءة |
اصعب احساس
لاضاقت الدنيا عليك بكبرها وشفت انواع الجحود من اعز ناسك وصارت نظرات الكره تلاحقك فـ كل مكان وتحس نفسك ثقيل على الكل وصرت مجبور على الوحده مع إن مالك اي ذنب سوى انك م تحب المجامله والكذب والنفاق وتقول كلمة الحق وصرت تفكر فـ افكار غريبه فكر يوديك وفكر ثاني يجيبك ويضيق صدرك ويصير اضيق من خرم إبره وبين كل فتره وفتره ينتابك شعو غريب تكره إلي حولك وقبل لا تكرههم .. تكره نفسك وش فيك ياحظي المايل ملازمني ؟ وش فيها الدنيا وناسها كلهم ضدي ؟ لا الاخ اخ !! ولا الحبيب حبيب !! ولا الصديق على اسمه صديق !! كل واحد منهم مفصل له قناع .. ومتفنن فـ تفصيله ومبين ملامحه كلها زينه والابتسامه والبرائه واضحه كل الوضوح ! وبمجر ماتجيه الفرصه يشيل القناع ويبين شين الملامح .. وسواد الوجه وقبل الوجه .. القلب لكن مني لهم استمروا بنفاقكم وكذبكم وجحودكم وانا بستمر بطيبة قلبي وبعيش قد ماكتبلي ربي من عمر << من خاطري المكسور >> |
يرمون الكلام اشكال والوان وازين كلامهم شين لأبعد الحدود واحلاه تحليه المراره والمطلوب مني اتحمل تفاهاتهم واغمض عيوني عن ماوضح لي والواجب علي ابدل الحزن بأبتسامه واقدم لهم كلمات شكري مع باقات وردي واطلب المزيد من الالم واغض الطرف وامشيها مجبور اتنازل عن احاسيسي واصير لعيونهم عديم احساس وياويلي لو افكر اعاتبهم تقوم دنياي ماتقعد واتحول في نظرهم لظالم اتحول لشخص قلبه اسود شخص مايعرف الرحمه ينسون كل حسناتي وتطفوا على سطح بحورهم سيئاتي كل هذا لأني اعلنت اعتراضي على جرحهم لمشاعري عذراً منهم طلبهم مرفوووووض ماني مجبور على تحملهم ولاهم مجبورين يتحملوني اكيد حياتي بتستمر بدونهم واكيد حياتهم بدوني مستمره ,,،‘ |
شهر .. 12
هو شهر الـلـــقـــاء وهو شهر الـفـراق هو شهر مــــيلادي وهو شهر وفــــاتي هو شهر الــــــفرح وهو شهر الاحزان شــهـــــر غــريــب وشــهــر عــجــيب شــهـــر حـــلـــــــو وشــهـــر كـــــئيب شــهـــر الامــــــل وشــهر الــضياااع شهر .. 12 ماني بناسيك |
يحبونك يشوفونك ملك من زود حبهم لك يمكن ياكلونك او ع الاقل بعد الاكل يحلون بك يحطونك بكووم وباقي الدنيا بكووم يفرشون الارض لك حرير يشيلونك فـ العيون وعند اول إختلاف فـ وجهات النظر يصير ينزعون اقنعتهم الجميله يبدلون حريرهم بشوك يشوفونك اسوأ السيئين يكرهونك يتعمدون الاذيه يتفنون فـ اللئامه وتبدأ حلقات مسلسل الحقيقه حلقه ورى حلقه لين الحلقه الاخيره والنتيجه هي النتيجه بانت نواياهم السقيمه استمروا استمروا استمروا يااهل الخباثه والنميمه ماهو انا من ينزل نفسه للنفوس الدنيه انا رعد على قلوبكم الضعيفه انا من قال عني حمد ابن البريدي اطوي همومي وسط قلبي واستعين الطيب اداريه والاش احــــقـــــــره |
أعترف الصدمه ها المره بالحيل "قوويه" والكلام إلي سمعته "جرحني" لأبعد الحدود بس الغريب انا ها المره غير عن كل مره فيني برود وتبلد إحساس على كثر الكلام إلي سمعته مافكرت فـ كلمه منه لـ درجة نسيت الكلام وراعيه من هو ؟ وش قال ؟ وش السبب ؟ إرحب يـ التبلد . . إرحب يـ البرود . . إرحب يـ التجااهل . . |
الله يجملـنـي عـلـى مـــدح الاجـــواد ،،، الطيـبـيـن اهـــل الـقـيـم والـمـبــــادي
لا اجتاحني من هـاجـس الشعـر وراد ،،، لـــــه مـــــدة لـلـشـاعـريـه يـــنـــادي قـامـت بـنـات الفـكـر ســرداد مـــرداد ،،، تـسـامـرت مـاهـيـب ويـــــا الــرقــادي بـا المفـردات اللـي مواليـدهـا اجــداد ،،، تليـق فـي شخـص بـــه الطـيـب زادي عنـوانـهـا مــانــي بـنـاسـيـك لــطــراد ،،، قـدامـهــــا مـــع نـفـحـة الـعــود كــادي يستاهـل اللـي يمـدحـه قـــرم الاولاد ،،، المحتـرم اللـي بــا الاخــلاق ســـادي اللـي كسـب باالمعرفـه مـــالهـا اعـداد ،،، محبـوب مـاهـو بــا المواجـيـب غــادي ان قلت مبدع قلت من ضمن الاسياد ،،، يـبـذل عـلـى كسـب القلـوب اجتهـادي يـاطـراد لــك مـنـي هـديـتـك يـاطــراد ،،، قصـيـدتـك واقــبــل هــــديــة مــنــادي |
انا نسيتك قبل لا اعرفك إنت بعتني يابااايع راحت الايام وجات وقدر الله وشفتك ترميني بسهامك المسمومه سويتها فيني كررت فعلت صاحبك ذوقتي نفس المراره وشربتني من نفس كأس الخيانه هو ذوقك طعمه وانت بكل كرم وجود ذوقتني محتواه هو باعك وانا الوحيد إلي شريتك وجيت اليوم وبرخيص بعتني وفوق كل هذا تفكر تمشيها علي ياقو عينك تدري لاتفكر فيني ولاتشيل همي عندي عزة نفس تعيشني وحيد طول العمر عندي كرااامه تنسيني إسمك ومن تكون وابشرك ماعندي من الامل لو الشيء قليل يعني تطمن نسيانك هو الشيء الاكيد وحقرانك من اليوم هو المستديم وكرهك كل يوم يزيد الحق صاحبك وبالي لايردك ولايرده الحقه مابيك ومابيه مابقول : ماني بناسيك بقول : انا نسيتك قبل لا اعرفك < من خاطري المكسور > |
البارحه البارحه كانت ليله غريبه كنت كـ العاده امارس هوايتي المعتاده كنت اتفنن في جروحي واقدمها هديه لأنسانه عزيزه وغاليه عليه كنت ضايج وكلي عصبيه وكانت هي في قمة الرومنسيه كنت اسمعها اسواء مفرداتي وهي كـ عادتها تسمعني العذوبه كنت اهددها والشر في عيوني منتويها كنت اقول كلام استحي اعيده وكان ردهاا عليه كله ضعف واسيه ما كانت تتوقع ها الادميه طراد منه تصدر ها القسيه كانت تشوف روعتي غير منتهيه ماتدري إن الروعه ماهي بليه الروعه فـ عيونها وهي البنت النقيه كانت تتأمل فيني الكثير كانت تردد دايم علي وتقول : تكفاا انا لك وإلا للذياب العويه وانا بكل شجاعه اردد يخسي الذيب ولد العويه ماكنت ادري انا الخاسي وانا راعي العلوم الدنيه وانا مضرب مثل فـ اللئامه ومني القسوه هي المنبع وهي شر البليه من خاطري المكسور كسرت قلوب نقيه معقوله اكون خسرتها خساره ابديه ومن مبدأ الخوف عليه ولأني اهواها ها المودمانيه مني لها رساله للاهميه يقولها حمد إبن البريدي : لا اخطيت ثم جيت اعتذر قول مسموح حنا بشر لولا العذر .. ما خطينا مهوب تزعل كل ما ضقت وتروح وتهدم بلحظات الغضب ما بنينا كانه دلع .. يا عزتي لي من الصوح وكانه غلا .. فديتنا كل ابينا نذر علي ما عاد في خاطري بوح الا عسى ربي عليك .. يهدينآ باب العواذل لا تخليه مفتوح ودرب المفارق لا تحده علينآآ اجرح خفوقي لين ما تشبع جروح انا وقلبي في عذابك .. رضينا |
عام حزين عامٍ حزين كَانْ عَامْ حَزيِنْ ِمثلَ بَاقِيِ الأعوَامْ بَسْ أحِسْ حِزنَهْ غَريِبْ حِزِنْ مَامِثلَهْ حِزِنْ حِزِنْ يَحَزَنْ مِنِهْ الحَزنْ كَيفْ ذِيِ ؟؟؟ لا تَسَألونِيِ وَدَعَاً يـَ عَامِيِ الحَزِيِنْ رُوحْ ولا تَنسَىَ تَاخِذِ جُرُوحَكْ مَعَاكْ رُوحْ وَخِذْ كِلْ ذِكرَيَاتَكْ رُوحْ ولا تَنسَىْ الآلَمْ خِذْ أعَزْ أصدِقَائَكْ ورُوحْ رُوحْ يِمكِنْ النِسيَانْ يُشوفَك تُرُوحْ وَيَجِيِنِيِ وَيَضُمنِيِ وَيَاخِذِنِيِ وِيَاهْ وَنُرُوحْ رُوحْ مَاسَويتْ فِيِنِي خَيَرْ أيَامَكْ كِلَهَا أوجَاعْ وَهُمُومْ نَهَارَكْ صَارْ لَيلْ وَليلَكْ شَكَلَهْ مُخِيِفْ فِيكْ تَعَدَدَتْ الوجُوهْ وَكِلَهَا مِنْ الدَاخِلْ كُرهْ وَجُحُودْ فِيكْ قَدَمتْ الجِمِيلْ وَجَانِي الرَدْ نُكرَانْ للجِمِيلْ فِيِكْ مَرتْ عَليّ قِصَةْ حُبْ فَاشِلهْ بَكُلْ المَقَاييسْ فِيِكْ وَعَشَان أنسَىْ الحَبيِبْ جَرَبتْ أحُبٍ منْ جِديّدْ فِيِكْ ولأنْ القَلبْ يَهوَىْ الحُبْ القِديِمْ حُبٍي الجِديدْ مَامِنْ جَدِيِدْ فِيِكْ ولأنْ مَبدَايْ الصِدقْ عَرَفَتْ مَعنَى الوِحدَهْ عَ الأصُولْ فَيَكْ عَرَفتْ إنْ الأخُ مِثَلْ الصَدِيِقْ وإنْ الصَدِيِقْ مِثَلْ الغَرِيِبْ وإنْ الغَرِيِبْ مَايَعرِفْ أنَا مِنْ أكُونْ يَعنِيِ بِالمُختَصَرْ المُفِيِدْ لا الأخْ .. أخْ وَلا الصَدِيِقْ .. وَقَتْ الضِيِقْ رُوحْ عَلْ وَعَسَىَ العَامْ إلِي عُقبَكْ يِطلَعْ عَليّ عَامْ خَيَرْ رُوحْ وِدِيِ أشُوفْ عَامَنَا الجِدِيِدْ رُوحْ يِمكِنْ الأيَامْ تِزِيِنْ وَتَرجَعْ البَسمَهْ للوَجَهْ الحَزِيِنْ رُوحْ وَيِمكِنْ قَبَلْ لا تُروحْ تَطَلعْ مَعَاكْ الرُوحْ وتَاخِذنِيِ وَنَرُوحْ لَكِنْ أوعِدكْ يـَ العَاامْ الحَزِيِنْ لَوْ بَقَيَتْ أنَا وَمَا سَبَقتَكْ وَقَالوا عَنِيِ طَلعَتْ الرُوحْ رُوحْ وَاوعِدكْ مَانِي بِنَاسِيِكْ |
|
راح بدون ما يودع أحد
كأنه رايح لـ مكان قريب مايدري إنه رايح وأحتمال كبير مايرجع حتى أمه ودعها على أستحياء !!! واخوه يدري من الأغراب !!! كيف يفكر !!! وبأيش يفكر !!! الله المستعان بس |
أكره الوداع ولحظاته
أكرهه أكثر من الموت بمجرد التفكير فيه . . أضيع عذبني أخذ مني أعز ناسي خلاني لاماضي . . ولاحاضر . . ولامستقبل شبت وأنا في عز شبابي هد حيلي كسر قلبي منه أنا ضااااايع ما بقالي احد ياالله الشكوى عليك يالله أنت المستعاان |
صحيح إنه سافر وأنا فـ الاساس ماخذ فـ خاطري منه
سافر ولا فكر يودعني سافر ولا فكر يأتمني على سره راح لغيري وما كأني موجود لكن صار إلي صار ومابيدي غير إني ادعيله فـ ظهر الغيب الله يسهل دربه وييسر أمره ويحققله اغلى أمانيه فـ سفرته لانه باع الدنيا واشترى الاخره هنياً لنا بك يابــطــل هنيئاً لك بعمل مجرد التفكير فيه هو قمة الشجاعه الله يكتبلي والحقك لأن مافي شيء فـ ها الدنيا يستاهل اجلس عشانه |
دخلت وكلي هموم
وينها ضاعت كل الحروف احساس يملاه الفراق افارق مين .. ماادري ولكنه علي يطغى افارق مين .. ياويلي # خربشاتي |
التفائل شيء غريب يجي لحظه مايطول ثم يغيب # خربشاتي |
فيني خير / ولكن .. ماني بخير
# خربشاتي |
جيت وكلي شوق ومحبه لهم
ورحت مكسور الخاطر منهم # خربشاتي |
شوي جوي كذا كله روح ووطنيه
وشوي أعود للحب والشوق والحنيه # هذا أنا # خربشاتي |
http://store1.up-00.com/2015-04/1429127972641.jpg سكنة آلليل تجلب مجمل آلذكريآت بعضهآ قد نسيته ، ، وآلبعض فاكرهـ ليت بعض آلليآلي ، ، [ مآلهآ مجريآت ] وليت بعض آلموآقف مآلهآ ذآكره |
http://store1.up-00.com/2015-04/1429128817181.jpg كلمات نابعه من القلب ومصدرها الآلم كتبتها في عزاء ولد عمتي الله يرحمه في جوالي على عجل بعد ماشفت وتأكدت إن الدنيا مافيها خير ناس تبكي على فراق ميتهم وناس قلوبهم ميته تبكي حالهم الإنسانيه |
صلوا لمرحلة من النكران يندى لها الجبين
كلمة الشكر على افواهمم ثقيله قربهم ماعاد يعنيني وجودهم ماله أية لزووم نكرانهم غير |
|
يمشي بين الناس بصورة إنسان وإلا الوكاد إنه إبليس يوزع الشر بعيونه وين ماراح يحسد هذا على خيره ويحسد الثاني على الصحه والثالث يحسده على موتره هذاك فلس وصار فقير والثاني مات وراح يمشي في جنازته والثالث يدور له سيارة تقسيط والحسود نايم ولا له شي من الهموم حسبنا الله عليه ونعم الوكيل ... # خربشه |
أكون متأثر وأكتب .. بقلمي حروف كلها نابعه من .. قلبي وأطلع شيء موجود .. داخلي وأرتاح .. شوي ثم يرجع الوضع .. طبيعي وأقرا .. كتباتي وأنصدم .. مني وأقول في .. نفسي لا حشا هذا أنا ماني .. بصاحي # هذا أنا # خربشة مجنون |
| الساعة الآن 03:49 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية