 |
منتديات قصايد ليل
(http://www.gsaidlil.com/vb/index.php)
- …»●[آحســــاس قـلــــــم]●«…
(http://www.gsaidlil.com/vb/forumdisplay.php?f=67)
- - آطوِي هُمُومِيِ وَسطْ قَلبِيّ وآستِعِينْ . . آلطَيّبْ آدَارِيہ وَآلاشْ آحــِقــَرهـْ
(http://www.gsaidlil.com/vb/showthread.php?t=87522)
الغريب فـ الموضوع إني حبيت بعدها إنسانه وحبيتها من كل قلبي وحبيتها بأخلاص وانا لو حبيت احب بكل مافيني واقدم الاخلاص عربون للمحبه ومع كل ماسبق ذكره : ماقدرت انساها !!! ولا استمرت علاقة الحب الجديد !!! هه بديت احس إن حبها إبتلاء من ربي .. وانا استغفر الله انا حتى ماشفت وجهها على مدار سنتين كامله برغم محاولاتي المستمره ومع هذا كله ماني قادر انساها يمكن اكون انا السبب فـ معاناتي كان المفرض ما اسلم قلبي لأنسانه ما اعرف عنها إلا اسمها ونبرة صوتها كان المفروض انسى شيء اسمه الاخلاص في الحب واخذ الموضوع من باب التسليه عشان لا يجي اليوم إلي اندم فيه على تجربة حب فاشله بمعنى الكلمه وهذي مو اي تجربه هذي التجربة الاولى .. يعني الحب الاول .. والحب الاول ما ينسي ملت قلبي حزن .. ذوقتي انوااااع القهر ... وآخيراً ودعتني وداع آليم وراحت قالت لي : كلام عمري ماسمعته من عدو ! كيف لو كان حبيب ؟ وللحين ماني مصدق انها تجرأت وقالت ها الكلام واعلنت النهاية وقتها حسيت إني ضعيف لأبعد الحدود وما قدرت ارد ولو تقول هي روح ياطراد وخذلك مهله سنه كامله وفكر فـ رد وتعال رد علي بتخلص السنه وانا ماصدقت نفسي ولا صدقت إنها قالت ها الكلام وآآآآآآآآآآآآآآآآآآآآآآآآآآآهـ من كسر الخواطر مدري ادعيلها واتمنالها الخير وإلا ادعي عليها بحرقت القلب مثل ما حرقت قلبي تدرون ابتركها للزمان والزمان دوار ... < من خاطري المكسور > |
يظنون ان فراقهم سهل لا يعلمون بمدى احساسي تجاههم
قد يكون مقياسهم فـ مدى حبي لهم يقاس بالايام التي امضيناها سوياً لا يعلمون انا هذا المقياس بالي ولا يصلح للاستخدام هو مجرد مقياس لأناس لايعرفون معنى التعلق بشخص من اول كلمة في حديث وديٍ ورائع يتكلمون عن الرحيل وكأن الرحيل مثل شربت ماء لحظة من فضلكم هل هذا هو جزاء من تعلق بكم واحبكم من كل قلبه إذا تستطيعون الرحيل وقت ما شئتم وانا ايضاً استيطع الرحيل وقت ماشئت < من خاطري المكسور > |
احساس غريب فـ النادر احس فيه احس اني ظالم واحس اني مظلوم احس اني قوي واحس بالضعف احس اني اخطيت واحس اني الصح احس بالضعف واكابر ابي القوه ودي اروح ومعزتهم تقول اجلس ودي انااااااااام وماعاد اقوم ودي ابكي لين تنشف الدموع ودي الماضي يرجع ورى واشياء كثيره ما تكون اكره الاستفزاز اكره الي يحتقرني اعشق الحب ويمكن اتعلق بوحده عدت من جمبي وقالت سلام اعشق الوحده اعفو عن من اساء لي ولكن لا انسى الاسائه عصبي لابعد الحدود واحمل قلب طفل نعم هذا انا < من خاطري المكسور > |
يقولون ماعاد تجيب طاريه
قلت : ماصرت مثل اول ميت عليه قالوا : وش إلي جرى وش إلي غيرك وماعدت مهتم فيه قلت : شوية قهر .. مع آلم .. مع ندم نستني طاريه شوية بعد .. ومسافه .. وقسوة كلام نستني لياليه قالوا : يعني خلاص ماتحبه ولا تبيه ؟ قلت : لا عاد !! ماني للعشره خاين ضمير إيه احبه بس ما اموت فيه احبه بس ماني ولهان عليه قالوا : اشلون يعني ! فهمنا تبيه والا ماتبيه !؟ قلت : تدرون عاد بـ قولها وبصوت عالي ما ابيه .. لكن ماني بناسيه ,،‘ ماني بناسيك |
هه
التغير فـ الكل ومو فـ شخص واحد بس يمكن انا إلي امشي واناظر عند رجولي احتاج ارفع نظري لـ فوق والتفت حولي وادقق فـ الوجيه ومعالمها واحدد الاشخاص المتغيرين واشوف التغير للاسوأ او للافضل وبعد كذا يجي دوري واطبق نظرية التعامل بالمثل وحتى لو كلفتني ها النظريه كل إلي احبهم ماعندي مانع فـ الاساس انا شخص يحب الوحده ولو رجعت لها بكون مشتاق واكيد انا وحشتها < من خاطري المكسور > |
بَعدَ مُنتَصَفْ الليِلْ
مُتكِئهْ لاشَيّء يَجُولُ بِخَاطِريِ .. مُمسِكَه بِجِهَازِيّ اقرَأ مَايَكتُبهْ بعَضْ الاشخَاصْ اشعُرُ بِخيّبَة امَل .. اشَعُرُ بَأشتِيًاقٍ لكَ يَفُوقُ كُلَ شَيّء إختَلطَت المَشَاعِر .. لَم استَطِع التَنَفُس للحَظَاتْ مَرتْ ذِكرَى بِهَذا الوَقتْ .. كُنَتَ تُراسِلنِي وابتَسِم لضِحكَاتَك عَلىَ قِصصِيّ وَبُطولاتِيّ اليَومِيَهْ وَلوهلَهْ ارجِعُ للوَاقِع وَلا ارَاك .. فـَ اخَتَنِقْ بِغَصَةِ آلمٍ ثُمَ اُعَاوِدْ القِرَاءة |
اصعب احساس
لاضاقت الدنيا عليك بكبرها وشفت انواع الجحود من اعز ناسك وصارت نظرات الكره تلاحقك فـ كل مكان وتحس نفسك ثقيل على الكل وصرت مجبور على الوحده مع إن مالك اي ذنب سوى انك م تحب المجامله والكذب والنفاق وتقول كلمة الحق وصرت تفكر فـ افكار غريبه فكر يوديك وفكر ثاني يجيبك ويضيق صدرك ويصير اضيق من خرم إبره وبين كل فتره وفتره ينتابك شعو غريب تكره إلي حولك وقبل لا تكرههم .. تكره نفسك وش فيك ياحظي المايل ملازمني ؟ وش فيها الدنيا وناسها كلهم ضدي ؟ لا الاخ اخ !! ولا الحبيب حبيب !! ولا الصديق على اسمه صديق !! كل واحد منهم مفصل له قناع .. ومتفنن فـ تفصيله ومبين ملامحه كلها زينه والابتسامه والبرائه واضحه كل الوضوح ! وبمجر ماتجيه الفرصه يشيل القناع ويبين شين الملامح .. وسواد الوجه وقبل الوجه .. القلب لكن مني لهم استمروا بنفاقكم وكذبكم وجحودكم وانا بستمر بطيبة قلبي وبعيش قد ماكتبلي ربي من عمر << من خاطري المكسور >> |
يرمون الكلام اشكال والوان وازين كلامهم شين لأبعد الحدود واحلاه تحليه المراره والمطلوب مني اتحمل تفاهاتهم واغمض عيوني عن ماوضح لي والواجب علي ابدل الحزن بأبتسامه واقدم لهم كلمات شكري مع باقات وردي واطلب المزيد من الالم واغض الطرف وامشيها مجبور اتنازل عن احاسيسي واصير لعيونهم عديم احساس وياويلي لو افكر اعاتبهم تقوم دنياي ماتقعد واتحول في نظرهم لظالم اتحول لشخص قلبه اسود شخص مايعرف الرحمه ينسون كل حسناتي وتطفوا على سطح بحورهم سيئاتي كل هذا لأني اعلنت اعتراضي على جرحهم لمشاعري عذراً منهم طلبهم مرفوووووض ماني مجبور على تحملهم ولاهم مجبورين يتحملوني اكيد حياتي بتستمر بدونهم واكيد حياتهم بدوني مستمره ,,،‘ |
شهر .. 12
هو شهر الـلـــقـــاء وهو شهر الـفـراق هو شهر مــــيلادي وهو شهر وفــــاتي هو شهر الــــــفرح وهو شهر الاحزان شــهـــــر غــريــب وشــهــر عــجــيب شــهـــر حـــلـــــــو وشــهـــر كـــــئيب شــهـــر الامــــــل وشــهر الــضياااع شهر .. 12 ماني بناسيك |
يحبونك يشوفونك ملك من زود حبهم لك يمكن ياكلونك او ع الاقل بعد الاكل يحلون بك يحطونك بكووم وباقي الدنيا بكووم يفرشون الارض لك حرير يشيلونك فـ العيون وعند اول إختلاف فـ وجهات النظر يصير ينزعون اقنعتهم الجميله يبدلون حريرهم بشوك يشوفونك اسوأ السيئين يكرهونك يتعمدون الاذيه يتفنون فـ اللئامه وتبدأ حلقات مسلسل الحقيقه حلقه ورى حلقه لين الحلقه الاخيره والنتيجه هي النتيجه بانت نواياهم السقيمه استمروا استمروا استمروا يااهل الخباثه والنميمه ماهو انا من ينزل نفسه للنفوس الدنيه انا رعد على قلوبكم الضعيفه انا من قال عني حمد ابن البريدي اطوي همومي وسط قلبي واستعين الطيب اداريه والاش احــــقـــــــره |
| الساعة الآن 07:13 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية