ديوان /بن شلوان

وانــا شـاعــر واشــب الـنــار لـدلــه واحــب الـــذود
واحـب الـخـيـل والـصـحـراء روابــي نـجــد غـايـاتــي
واحـب اشــوف مــزنٍ فـيــه بــرقٍ يـلـتـعــج ورعــود
يـسـيـل الـسـيـل والـزمـلـوق تـشـبـع فـيــه نـوقـاتــي
ولامـن الـخـزامـى والـنـفــل عـطــر هـبــوب الـنــود
الـى هـبـت عـلـي تـبـعـد هـمــوم الـصــدر مـاتـاتــي
والـى زان الـمـضـحـى ثـم لـفـانـي مـن عـيـونــه ســود
خـفـيـف الـدم زيـن الـوصـف شـوفــه غـايــة مـنـاتــي
عـلــى حــب الـشــرف مـافـيــه لا حــاوي ولا مــردود
وهــو صـافــي بـنـيـاتــه وانــا صـافــي بـنـيـاتــي
وانـا والـحـمـد لـلـه مـاعـلـي مـن مـن راعـي الـمـنـقـود
مــدام ان ذي هـوايـاتــي ابـفـخــر فـــي هـوايــاتــي

من أساؤا للمصطفى عليه الصلاة والسلام

احمدالمعبودربٍ حمـى البيـت الحـرام
الله الفردالصمدكـل مسـلـم يرتجـيـه
مخلصٍ فأعبادتـه بالصـلاه وبالصيـام
ما سجدت الالو جهـه مخافـه واتقيـه
والرسول أفضل بشروالحديث اعذب كلام
وحبناللمصطفـى دايـمـأ نحسدعلـيـه
دينناواحدونمشي علـى حسـب النظـام
نتبـع سـنـة محمـدودربـه نقتـديـه
كلنا فدوة محمـد عليـه ازكـى السـلام
النبي الهاشمـي صاحـب الذكرالنزيـه
دون ذكـره نحتـزم بالبنـادق والحـزام
لويباع الموت فالسـوق جينـا نشتريـه
كل مسلم يشهر السيف قصاص العظـام
لويقـال المـوت قدامنامـاقـال لـيـه
مانهاب المعركـه بالسيـوف وبالسهـام
من على عهد النبي كـل كافـر نحتديـه
في حنين وفي بدريوم طير الموت حـام
احتديـنـاكـل كافروبيضنـاالـوجـيـه
لين شع النـور للنصرونـزاح الظـلام
وابتدى درب الهدايـه وصرنـا نهتديـه
ديننـاالاسـلام والــى مشينالـلأمـام
ليـن نقطـع سيـرة الكفرونصدالسفيـه
جعلكـم ياهـل الكفرللـزلازل والعـدام
والحجر مثل المطروالعواصف تحتويـه
والـكـوارث والبلايبتليـكـم والهـيـام
ومن مشى في دربكم ياعسى الله يبتليـه
ومن تعداالحدماله سوى السيف الحسـام
ومن نوى بالشر بنجيه والمـوت ابيجيـه
وان جهلنا وان بطشنـا مايلحقنـا مـلام
النبي نبطش من اجلـه وذكـره نحتميـه
كلنـا فـدوة نبـي الهـدى خيـرالانـام
كان مانفـدي نبينـا هجـل مـن نفتديـه

حسبي عليهاحمامه يوم ناحت قمـت اناانـوح
نوح الطرب نوحها نـوح الشقاوالهـم نوحـي
عليك ياللي من اجلك لي هجوس ماهي تـروح
هذي بذكرك تجي صوبي والاخرى لك تروحي
ياروح روحي فديتك لاتزيد الجـرح بجـروح
ارفق بروحي ياروح الـروح لاتكثرجروحـي
ترى دوى الجرح يالمملوح لم الروح بالـروح
ماهوب صد وجفا ياأغلى بشر ياروح روحـي
قصدك غلا لاتغـلادش بـاب القلـب مفتـوح
يافداك قلبٍ بحبك ماستمـع هـرج النصوحـي
مالك ورى ماجرالي ياحبيب الروح مصلـوح
الله يرضاعليك اقبـل علـي خلـك سموحـي
تم الوصل وسقني من مبسمك يازين قرطـوح
خابرك واصل معي في مامضى منت بشحوحي
ماحلارحيق العسل من شفتك لاقلـت مسمـوح
يطفي هيام الضميراللي طبـخ دمـه يفوحـي
بالكون كله منى روحي معك ضحكات ومزوح
يابلسـم الجـرح ياريحـان يامسـكٍ يفوحـي
لبى عيونك وخـدٍ لادلهـم اليـل لـه ظـوح
يجلادجىاليـل لاظلـم مثـل بـراقٍ يلوحـي
ارجـي مـن الله يجمعناوننسىالهـم والنـوح
قربك وشوفك ينسيني شقـى عينـي ونوحـي

واقلبي اللي علـي كثـرت طواريّـه
هاضت وفاضت علي والروح مشتاقه
ياحلـو سـج القـدم بالديـره الحيّـه
ومخايـلٍ المـزن لامـن لاح برّاقـه
الله مـحـلاك يـاجـو النعـيـريّـه
عليك سحـبٍ مـن الخـلاّق منساقـه
يمطر مطرها علـى الـدار الربيعيّـه
تسحروتسرق قلوب العالـم أسرّاقـه
من كل ديـره تجـي نـاسٍ سياحيّـه
تسلى وتنسى جميـع الهـم وارهاقـه
شوف الفياض الخضر في كل عصريّه
غايـت منـى عالـمٍ للبـر عشّـاقـه
وريح النفل منوت النفـس الشقاويّـه
ومن حلوريح الخزامى نقطف أعناقـه
هذي طرات العمر والموت لـه جيـه
العمرله حـزتٍ تيبـس بهـا اوراقـه
مادمت حيٍ علـى الصحراءالطبيعيـه
باخاوي اللي معي ماشانـت اخلاقـه
خوّت فهد مسنـدي ريـف الخلاويّـه
لاشب نـار الـدلال وصـاح لنياقـه
يرتـاح لاشافهـا عشّـت حوالـيّـه
فـي شفّهـا متعـبٍ جيبـه وسواقـه
وينزلبهـا فيضـةٍ بالسيـل مملـيّـه
فيها الزبيـدي وفيهـا شبعـت الناقـه
فـي خايـعٍ قبلهـا ماداسـه رعيّـه
والضيف من درّها ما جفّـت أرياقـه
في مدح ابو جخير لامن حل طاريّـه
أقول هـذا عمـود البيـت وارواقـه
مواقفـه عندنـا مـاهـي بمنسـيّـه
يشيـل عنّـا ثقيـل الحمـل بشقاقـه
من صلب جـدّي عريبـاتٍ مجانيّـه
اللابه اللـي بـدرب المجـد سبّاقـه
الله يسـعـد مسـانـا بالنعـيـريّـه
الديره اللـي وسقنـي حبهـا وساقـه

والله ان قدلي ونا كل ليـل وكـل يـوم
أتحـرى جـادلٍ كاملـه بوصوفـهـا
لاقبلت يرتاح قلبي ويسلا مـن الهمـوم
يرجهن القلب وارتـاح يـوم اشوفهـا
مخلصٍ بالوصل ياالله عسى وصلي يدوم
والله انهالـي وليفـه وانـا مولوفـهـا
وصفهاوصف القمر والعذارى كالنجـوم
خشف ريمٍ لامشـت قايـده لخشوفهـا
أشهدٍ فيها جمـالٍ مـع الغيـر معـدوم
خدهابـرقٍ تكاشـف بوسـط قنوفـهـا
عنقهامنتوق وعيونها سيـوف وسهـوم
كن صفة رمشهـا عسكـرٍ بصفوفهـا
مرحبالاجات تمشي على روس القـدوم
والجدايـل مثـل ليـلٍ تغشـا اكتوفهـا
عايشه وسط الترف ماشكت حروسموم
من ترفها كن لمـس الحريـر كفوفهـا
والله ان لد النظر في سنعها اكبر لـزوم
هي ضياء عيني علي ياكبـر معروفهـا
ودي انظر عودها يوم تجلس ثـم تقـوم
بري حالي لنطوى الثوب فوق ردوفهـا
تشبه الوضحا من احيالها المبطي ردوم
من خيار الذود فـي ذود بيـن نوفهـا
ضمها اللي كل منشا من القبلـه غيـوم
عس من عقب المطركـل دار يطوفهـا
والله اني من سببها من النوم امحـروم
جعل يسقى يوم تقبـل علـي واشوفهـا

تـنـشـد عـن عـلـومـي وانـا مـنـك مـنـصـاب
لــولا الـحـيــا بـاقــول لــولاك مـاجـيــت
الله بـلانــي فــيــك يـاســيــد لاحــبــاب
وان جـيـت عـنـدك يـالـغـضـي مـاتـحـاكـيـت
اثـر الـمـحـبـه تـنـسـف قـلــوب الاشـنــاب
وأنـــا بـحــبــك والله أنـــي تـبــلــيــت
أدرى الـعـواقــب خـايــف تــقــول كـــذاب
وانــا الـــذي لاحـــل طــريــاك ونــيــت
جـرحـي بـقـلـبـي مـنـك يـازيــن مـاطــاب
وان جـيـتـلــك بـاصـارحــك مـاتـجـريــت
قـلـبـي تـولـع فـيــك مــن يــوم صـبــاب
لـيـتـك تـشـوف وتـنـتـبــه ويــش سـويــت
ولـعـت فـيـنــي نــار مــن راس مـشـهــاب
ولـعـتـهــا يـاصـاحـبــي ثـــم قـفــيــت
أنـشـهـد أنــك صــرت لـلـقـلــب نـهــاب
وان كـان وصـلـك مـاحـصـل عـدنــي مـيــت
مـعـدوم شـكـلــك بـالـقـرايــب ولاجـنــاب
عـزلـلــه انــك مـنــوتــي لاتـمـنــيــت
الله عـطــاك الـمــلــح والــزيــن جـــذاب
جـذبـت مـن خـايـلــك جــذب الـعـفـاريــت
هـذا بـلا بـوعـقـاب شـفـتـه عـلــى الـبــاب
يـومـك تـرحـبـي وانــا صـوبـكــم جـيــت
جـيـتـك مـسـيــر مـالــكٍ كــل لاعـصــاب
ثـم شـفــت شــيٍ خـفـنــي وسـتـخـفـيــت

العمر بيـد الله ولابـه مـراوات
والموت له حزه وسكره وساعـه
يوم الثلاثا ساع ذاعـة الاذاعـات
اسوا خبر مسموع في كل اذاعـه
واكبر مصيبه قالوا ان زايدٍ مـات
مرحوم يارعى الصخى والشجاعه
مرحوم ياشيخٍ عريب السـلالات
عسـاه للجنـه ويلقـى الشفاعـه
رمز العروبه والوفا والمـروات
فعل الجميله عند زايـد طماعـه
سيفٍ مجرب في نهار المهمـات
نوره على الاجواد يوضي شعاعه
مخلوق رحمه من بديع السمـوات
للامتيـن بحـرب ولا مجـاعـه
مثل الجبل شامخ ولا فيه شكـات
عنده عن دروب الخطايـا مناعـه
كامل عقل وافي عطايا وفزعـات
راهي فعل واقولها عـن قناعـه
له وقفةٍ لاصار للوقـت ميـلات
في ساعةٍ الكون ضـاق اتساعـه
شيخٍ نهض جميع شعب الامارات
بين التطور والرخـا والصناعـه
شيخٍ تعلى فوق روس الطويـلات
على طريق المجـد ذب الرفاعـه
قلته وانا صادق وعبـرت ببيـات
والحزن في قلبي سوات الوداعه
وان قيل زايد مات باقول مامـات
ذكره سوات البرق يوضي شعاعه

يالله يالمعبـود عــلام الاســرار
فـرج علـى عيـنٍ تزايـد بكـاهـا
امس العصر مما جرى صرت محتار
شيٍ جرى باقصى الضمايـر كواهـا
على عشيرٍ شد واقفـى عـن الـدار
وضاق الفضاء بي والعيـون بعناهـا
ومن العصرلليـل كنـي علـى نـار
ونار الموادع تحـرق اللـي وطاهـا
سهران ليلي واصفـق يميـن بيسـار
واتابع انجـومٍ سـرت فـي سماهـا
ياأغلى بشر عقبك لحق روحي اخطار
والقلـب دونـك لحظةٍمـا قـواهـا
ماقوى الصبر دونك ولانـي بصبـار
حبـك بقلبـي لـه بيـوتٍ بنـاهـا
يا صاحبي مجروح وجروحي كبـار
وزيارتـك طـب الجـروح ودواهـا
والله لسري لديرتـك فـوق فكسـار
مسراه شـف النفـس غايـة مناهـا
بقطع على شانك طويـلات الامتـار
مامـل مـن خـطٍ ديـارك نصاهـا
ياللي تتل القلـب وشغلـت الافكـار
زينك خذى عقلـي وحالـي سباهـا
لو قلت في وصفك جميلات الاشعار
وصايفـك مانـي بلاحـق مـداهـا

ان كـان تنشـد عـن علـومٍ خفيّـه
فاسمع علومي يالغضي زين الاوصاف
زين الوصايف كـان عنـدك حميّـه
الهم في جسمي مـن سنيـن ينشـاف
ورّدتنـي يـا زيـن حـوض المنيّـه
من سبّتك عانيت مـن هـم واخـلاف
قلبـي تولّـع فيـك غصـب علـيّـه
واصبر على ما صار والدّمـع ذرّاف
أبكي علـى لامـاك صبـح وعشيّـه
واون من فرقاك فـي كـل مشـراف
ارحم محبّـك دامـت الـرّوح حيّـه
وش تنتظر والعمـر قافيـه الاتـلاف
عـزّي لحالـي مـن حيـاةٍ شقـيّـه
إمّا رحمت الحال يـا نـاب الارداف
شبكتنـي بسـلـوك حــبٍ قـويّـه
يابو ثمـانٍ ملعجـه بيـض ورهـاف
ماريـد غيـرك لـو يجينـي هديّـه
في حب غيرك يا الغضي مالي اهداف
لولا الحيـا مارحـت عنّـك شويّـه
والحب بلوى وانـت يازيـن عـرّاف
هـذي علومـي الاولــه والبقـيّـه
انظر لحالي واحكم اليـوم بانصـاف

تـهـيـض خـاطـري سـاعـة سـمـعـت الـعـلــم جــا مــردود
وابــا جــاوب ســؤال الـلــي نـشـدنــي عــن هـوايـاتــي
هـوايـاتــي فـخــر وانــا بــدوي يــاراعــي الـمـنــقــود
ولــك رغـبــات فـيـهــا تـفـتـخــر وانـــا ورغـبــاتــي
وابـعـرضـهـا ورى اسـمــي فـالـنــداوي والـرجــال شـهــود
وابـو ثـامـر سـمــح لــي طــال عـمــره لــه تـحـيـاتــي
عـطـانـي الـضـوء الاخـضـر مـاعـلـي مـن حـامـد ومـحـمـود
وثـق فـيـنـي وانــا فــي حـســن ظـنــه كــل سـيـراتــي
وانــا شـاعــر واشــب الـنــار لــدلــه واحـــب الـــذود
واحــب الـخـيــل والـصـحــراء روابــي نـجــد غـايـاتــي
واحــب اشــوف مــزنٍ فـيــه بــرقٍ يـلـتــعــج ورعـــود
يـسـيـل الـسـيـل والـزمـلــوق تـشـبــع فـيــه نـوقـاتــي
ولامــن الـخـزامــى والـنـفــل عـطــر هـبــوب الــنــود
الـى هـبــت عـلــي تـبـعــد هـمــوم الـصــدر مـاتـاتــي
والـى زان الـمـضـحـى ثـم لـفـانــي مــن عـيـونــه ســود
خـفـيـف الــدم زيــن الـوصــف شـوفــه غـايــة مـنـاتــي
عـلــى حــب الـشــرف مـافـيــه لا حـــاوي ولا مـــردود
وهــو صـافــي بـنـيـاتــه وانـــا صــافــي بـنـيــاتــي
وانـا والـحـمـد لـلـه مـاعـلـي مـن مـن راعــي الـمـنـقــود
مـــدام ان ذي هـوايــاتــي ابـفــخــر فـــي هـوايــاتــي

</b></i>