ديوان حمدان المري

شلون أدور له عذر وادمح خطـاه ...


ماننكـر ان دور المـره فـي ذالحـيـاه
كبيـر .. ونـص المجتمـع كلـه مــره
لـكــن .. مـايـدعـو لــشــد الانـتـبــاه
ان الأمر .. ماهوب تحـت السيطـره
جاني رفيق .. وقال يبغي لـه وصـاه
يبغـي قصـيـده .. والبـيـوت مشـفـره
قـــال الـبـنـات موصلـيـنـه مـنـتـهـاه
قلـت انتبـه لـي زيـن وخـل الـدنـدره
هــم نصـنـا الثـانـي ولا منـهـم غـنـاه
قـال البـلا فـي بعضهـم قلـت أذكـره
قـال الولـد لا شــاف ضيَـقـة العـبـاه
أنــا اعتـقـد مــا فـيـه شــيٍ يخـسـره
أمــا بسـجـن العاصـمـة يلـعـن ثــواه
والا مــن المشـفـى لـبـاب المـقـبـره
قلـت الغبـي يستحمـل محصـل غبـاه
ورزانــت الـعـقـال لـلـرجـل ثـمــره
ومرت وهي تمشي مثل مشي القطاه
تجهر وتضحك له ومـا شـاف قهـره
قال انت شفت وقلت له بعد الصـلاه
بـذكـرك فــي شـــي ولازم تـذكــره
وبعـد مــا صليـنـا سألـتـه وش بــلاه
قال الحكي اللي قلت لي وش آخـره
قلت الشبـاب وبعضكـم مـا الله هـداه
من شـاف لـه زولٍ قضـى يتبـع ثـره
عقب العشاء وهو مخطط من ضحاه
زودٍ على انـه فالنصـر طـال سهـره
مغلـبٍ حالـه يـا جعـل أمـحـق حـيـاه
مـآبـه مجـمـع فــي البـلـد مــا مـتـره
وباص المدارس لا عبـر قلتـوا وراه
وأرقامـكـم فإلـجـام جـنـب المنـظـره
وراه مـا تـدرون وش هــو محـتـواه
والمشكـل أن الـبـاص كـلـه مـبـزره
قـال انـت تمدحـهـم علـشـان الــرواه
قلت الرجل مـدح النسـاء مـا يشهـره
أنـا طعنـي صاحبـي واظـهـر خـفـاه
يـا صـغـره بعيـنـي بـعـد يــا مكـبـره
وانت تدري المغـدور مـا يلقـى دواه
لا جـات مـن يمنـى رفيـقـه فظـهـره
شلـون أدور لـه عـذر وادمـح خطـاه
ماهـوب عاذرنـي الزمـن لـو أعـذره
لكـن بسامـح .. شــرط يلقيـنـي قـفـاه
دام العفـو يــا خــوك عـنـد المـقـدره
اخسـر رفيـقٍ مـا رفـع راسـك نـبـاه
واكسـب رفـيـقٍ مــا تفـكـر تخـسـره
راعي الـردى لا بـد مـا يظهـر رداه
وإلا الكفـو حتـى المـراجـل تشـكـره
خل النساء والرجـل يميـز مـن ذكـاه
واعلـم تـرى الدنيـا عـبـور وتـذكـره
بختـم لـك ببيتـيـن وأحسبـهـا وصــاه
وحاول تشوف أسهل طريق وتعبـره
أكبـر مصيبـه للمـره تبـع .. الطـغـاه
إلـى نزعـت عـن جسمـهـا مايسـتـره
وأكبر مصيبه للرجـل فـي ذا الحيـاه
انــه يـنــزل هـامـتـه لـرضــا مـــره

مدام انش تغيرتي .. فلا لش بي ولا لي بش


الا يااللي خـذش وقـت القصـى ... مـن خافقـي .. لِـدَي
خـلـي وخافـقـي مـرتـاح .. قـبـل الـوقـت يـقـفـي بـــش
وقفتي .. والزمن .. والناس .. وشيطـان الهـوى ضـدي
وانـــا اعـرفــش ولاتجهـلـنـي اطـبـاعــش واسـالـيـبـش
انـــا لـــو تجـتـمـع كـــل الـعــرب .. مابـيـحـت ســـدي
أعـنـي خطـوتـش .. مــن نـظـرة الضـرغـام وآجـيـبـش
وقـفـتـي .. مـنـتـي بـكـفـوٍ لـوقـوفـش لــــي ولا نــــدي
غلـطـتـي .. تـحـسـب انـــي لـعــوبٍ مـــن مـلاعـيـبـش
تـرى ماهـوب حـظـش لاوصـلـت مــن الـزعـل حــدي
لاسـويـبـش ســـواتٍ مـــن قــبــل لاقــــول اسـويـبــش
اعـانـد مــن يعـانـدنـي .. ومـزحــي مـــن ورى جـــدي
ولا اخطيتي .. وأسأتي لي .. ضحكت وقلت .. ياطيبش
واعـــذرش واتـعــذر لـــش .. بــعــذرٍ مــاهــوب ودي
عـلـى شــان اقـهـر الـعـذاال فـــي حـبــش وامـاريـبـش
والـى قالـوا .. عليـك اخطـت .. اقـول انـه علـى كبـدي
عسـل والا احلـى منـه .. واكـذَب مـن حكـى لــي بــش
سـواتــش تــفــرح الـحـاســد ..ويـقـتــل عــاذلــي ردي
واقـول ادري بعلومـش لــه .. لــو ان مـانـي بداريـبـش
يــوم انــش كــل ماغبـتـي حــدر دمـعـي عـلـى خـــدي
اهـوجـس بــش والــى مـنـي غفـيـت افـــز اهـذريـبـش
هــذاك اول .. وهــذا الـيـوم مــدش حــاز مـــن مـــدي
تغـيـرتـي عـلــي حـتــى بـسـلامـش لـــي وتـرحـيـبـش
تزايـدتـي فــي صــدش ثـــم شكـيـتـي عـاذلــي صـــدي
بـديـتــي فـــــي عـذاريــبــي ولاشـفــتــي عـذاريــبــش
مــن اولٍ كــان ودي بــش واحـبـش حــب مــن جـــدي
ومـدام انـش تغيـرتـي .. فــلا لــش بــي ولا لــي بــش
اهـــل لـبـنــان الــــى قــالــوا .. وحــيــاة الله مــابــدي
بقولتنـا .. عسـى الله مـايـردش ويــش انــا ابـغـي بــش

اسمـــه وعنوااانــه


ياربـي استغفـرك مـن كـثـرت اذنـوبـي
واعوذ بـك مـن مسـار ابليـس واعوانـه
ومن ضيقة الخاطر اللي ضيقـت ثوبـي
ومـن وجعـةٍ مالهـا عنـد العـرب خـانـه
يابـري حاالـي علـي ان كـان قفـوا بــي
الضيـق والـدمـع والهـاجـس وشيطـانـه
لو في يديهـم قضـى وش كـان سووبـي
يمكـن يحـرمـون الأخ مشـاهـد اخـوانـه
ولولا اقترابي من الله كـان ضحـوا بـي
سبحـان مـن يفـرج الضيـقـات سبحـانـه
يمَـو علـى وجهـة القبـلـه وصـلـوا بــي
واقـروا علـي مـن كـتـاب الله وقـرءانـه
ياصاحـبـي لاتـقـول الـحـال وشـهـوبـي
عزيـز ضامـه زمـانـه وانقـضـى شـانـه
خـلـيـت نـفـسـي ولاخـلـيـت مـاجـوبـي
ونقلـت حـمـل الــذي ماطـاحـت امتـانـه
وفيت من طيب واثـر الطيـب عذروبـي
اشيـن مـن الطيـب فـي الرديـان نكرانـه
وانـا اللـذي كـل مااحتاجـوا ولــدو بــي
اغنيـتـهـم مـــن ردى الـنــذل وتـمـنـانـه
والى استضاق ابن عمي والتفت صوبي
افـزلــه واقـلــب الـدنـيـا عـلــى شـانــه
مانـا اتمصـلـح ورى شـفـي ومطلـوبـي
الرفقـة اللـي علـى المصلـوح خسرانـه
تـدرون شوفـو لـي المرقـاب وارقوبـي.
شاعر واغني الشعـر واصـوغ قيفانـه
واذا بغـيـت التـفـت للـشـرق صـدوبــي
قــدام يـطـري عـلـي اسـمــه وعـنـوانـه
محرمني الوقـت حتـى شـوف محبوبـي
اللـي هجـرت البلـد والنـاس مـن شـانـه
ان جيـت فــي ديـرتـه تكـفـون مـروبـي
بـيـت لـجـل سـاكـنـه حـبـيـت جـدرانــه
خلونـي اشاهـده لحـظـه .. وقفـوووبـي
اخــاف احــوِل ووقــف عـنـد بيـبـااانـه
وابيـع عمـري واحـسـب بـاقـي ذنـوبـي
واسـلــم امـــري لـوجــه الله سـبـحـانـه

قطر


الـبـارحـه والقـصـيـد مـشــرع" بــابــه
واغلى قصيدي على صدري مضاربهـا
قلـت احتـزم يـا قصيـدي محـزم اللابـه
لمناسبـتـهـا مــاهــو لـعـيــون طـالـبـهـا
قـال القصيـد الجـزل جمهـورك ادرابـه
ولا تـهــزل القـصـيـده وانـــت كاتـبـهـا
اليـوم (ثامـن عـشـر ديسمـبـر) الجـابـه
فـي وجـه مـن شـبـت الفتـنـه حرايبـهـا
مـن يعتـذر فـي لزومـه وشهـي أسبابـه
والوقفـة اللـي بـدل ذي ويـش موجبـهـا
وانـا قطريـا" وقـف لـلـدار فــي غيـابـه
وأهــل قـطـر مــا تـوانـا دون واجـبـهـا
في مثل ذا اليوم خذنـا السيـف ونصابـه
وقطـعـنـا دابـــر هـالـشـر ومصـايـبـهـا
مـن كـف جاسـم وجاسـم بـان مضرابـه
مضـراب روس" تطايـر مــن مناكبـهـا
كانـت قـطـر مطـمـع الغـازيـن ونهـابـه
تــهــدم بـيـوتـهـا وتــحــرق مـراكـبـهـا
غـزا علـى الدوحـه مـن البـعـد سـلابـه
واقفـو علـى خيلهـا والجـيـش مكسبـهـا
تغـانـمـو غـيـبـة الـزيــزوم واصـحـابـه
مـابـيــن حــــارق مبـانـيـهـا وسـالـبـهـا
وجاسم وربعه في حالة حرب ومجابـه
مــع حلـيـف الـعـدا مــن شــان ينشبـهـا
قالـو يـا جاسـم يـا فزعـة مـن تعـزوابـه
الـدار عقبـك غــدت والضـيـم صايبـهـا
جـانـا العقـيـد وخــذ المـطـمـع وقـفـابـه
قـال انـي جاسـم رعـى العلـيـا وثايبـهـا
ان قــالـــه الله لـحـقـنـاهــم وجـيـنــابــه
وخذنـا دبـل مـا خـذوه وزان مضربـهـا
كـم شيـخ قــوم" لفـانـا تـضـرس انيـابـه
عــود وهــو ضـايـع الهـقـوه وخايـبـهـا
نبغـيـه إلــى شـاهـد الفـعـل وذكـرنـابـه
يـذكـر مــن قبـورهـا صـفـت نصايبـهـا
وركبو على الخيـل وجـا للخيـل ركابـه
هـمـة رجــال" كفنـهـا مــن عصايـبـهـا
ولحقـو هـل الحـق واهـل الحـق طلابـه
الـمـوت دون الـوطـن خـيـرة مكاسبـهـا
وسـاقـو لــرد الـبـرا والـخـيـل شـعـابـه
أصـايــل" مـنـزحـات الـبـعـد تـقـربـهـا
وعلـى سويجـه نهـار" يحسـب حسـابـه
عقـيـدهـم يـلـحــق الـبـنــدق ويـزهـبـهـا
تواجـهـو ونشـيـنـه جـاســم وضـحـابـه
وطـاح وغـدو بفرسـه مـن دون راكبهـا
وعـادو بنصـرا" ينومـس راس كسـابـه
وعـم الفـرح مشـرق الدوحـه ومغربهـا
واللـي جنـوب وشمـال وباقـي احـزابـه
للـبـدع ليـلـة الأحــد سـاقــت ركايـبـهـا
تـوافــدو فــــي ذرا بــشــت" تــذرابــه
مــن كـــان مسـتـامـن الـدنـيـا وهايـبـهـا
لــم الشـمـل مطلـبـه والخـيـر يسـعـابـه
مــا همـتـه شيـخـة الـمــال ومناصـبـهـا
همـه قطـر يحتضـن شعـبـه ويـقـوا بــه
أســس وسـاعـد عـلـى البنـيـه ورتـبـهـا
والـيـوم هــذ الـوطـن يـزهـا ويـزهـابـه
مـقــام مـــن يـعـشـق العـلـيـا ويطلـبـهـا
أمــان وفــي خـيـر ننـعـم بــه ونهـنـابـه
من خيرنا أغنى الـدول تنهـض مراتبهـا
نهـضـة وعـلـو إقتـصـاد مـالـه مـشـابـه
وسـيـاسـة ثقـلـهـا الـواضــح ينـاسـبـهـا
وفـي عيـن مـن زارهــا دانــه وجـذابـه
تحـضـن الـلـي بـهـا ويـشـتـاق غايـبـهـا
الله وبـــعـــده ثــــــرا دار" ربـيـنــابــه
وشيـخ" يميـنـه عـلـى الـمـدات متعبـهـا
نعيـش لـجـل الـوطـن ونـمـوت لتـرابـه
وموت (ت) حماة الوطن خيرة مكاسبها

رســـول الله ...


يـا سيـدي آسـف علـى كـل مـاصـار
مافـي يـدي يـا صفـوة النـاس حيـلـه
حزيـن وكنـه كاسـي" وجهـي العـار
فشيـلـة" يـــا كـبـرهـا مـــن فشـيـلـه
مسلم واشاهد فـي وكـالات الأخبـار
إســـاءة الأســـلام ديـــن الفـضـيـلـه
أستهزوء بأغلى البشر سيـد الأبـرار
تـبـاعـة الـشـهـوه عــيــال الـرذيـلــه
كـفـار مـــن كـفــار وعـيــال كـفــار
شريفـهـم يـخـدش مـحــارم زمـيـلـه
مـكـالـة الـخـنـزيـر عــبــادة الــنــار
علـيـهـم اللـعـنـات فـــي كـــل لـيـلـه
شرابـت الوسـكـي وسكـانـت الـبـار
أدنــا محـارمـهـم ســـوات الحلـيـلـه
حيـاتـهـم فـســق ومـلــذات وقـمــار
وأنسابهـم مــن كــل لــون وفصيـلـه
مولودهـم ينقـال لــه طــب واخـتـار
ماهـوب داري ويـش هـو ينتمـي لـه
عربيـد مالـه وجــه وجـايـر وبــوار
ومـلـعـون ومتـنـيـل بـسـتـيـن نـيـلــه
يا المصطفى ما فيـه شيمـه ولا كـار
آسـلامـنـا يـنـبـاع بـأهــون وسـيـلــه
وحنا نتمـدح عندهـم بعـض الأمـرار
أن حـن كفـو نـقـل الحـمـول الثقيـلـه
وحنـا هـل الأسـلام وافيـن الأشـبـار
أهـل السيـوف المرهـفـات الصقيـلـه
وحـنــا جـنــود الله حـمـايـة الــــدار
وأهل التقـى وأهـل الصفـات النبيلـه
بـس الحقيقـه ننحنـي ســر وإجـهـار
ونسـوي أشـيـاء" عنـدهـم مستحيـلـه
لـو يجتمـع مسلـم وكـافـر وسمـسـار
شفت العميل شلـون يرخـص عميلـه
الـعـام كـافـر ســـاق مـلـيـون دولار
عـشـان يخـلـي مسلـمـه تنحـنـي لــه
لكنـهـا حــره ومــن مـاكـر احـــرار
مــن عـزهـا عـيـت ومـاتــت قتـيـلـه
أخـتـارت تـمـوت بمـعـزه ومـقــدار
أهـون ولا أنهـا تعيـش عيشـة ذليـلـه
لـو فينـا منهـا عـزت الـديـن ونـغـار
أن كان حتى (البيت الأشهب) نزيلـه
لكن لو أنه العكس تدرون وش صار
مـا كـان عيـنـا" حــدا" نشتـكـي لــه
طبـع الدنمركـي ابن...لـب و...مــار
الله يـعـز أهـــل الـحــوات الجلـيـلـه
قـدام لأدخـل للحفـل جـانـي إشـعـار
الـبـيــت ذا يــــا تـغـيــره يـاتـشـيـلـه
ونقصتـهـا مــن بــاب أنـكـم ياكـفـار
شختوا علـى ملـوك الـردا والفشيلـه

لفيت من ديرتي .. والشوق عناني ...


لفيـت مـن ديـرتـي .. والـشـوق عنـانـي
يامبـرك المهـرجـان .. ومـبـرك الليـلـه
لفيت فـي واجبـي .. مـن دار ابـن ثانـي
شيـخٍ لاثقـل الحمـل يـوزيـه .. ويشيـلـه
مـري وديـرة قطـر... اسمـي وعنوانـي
والدار داري اغيـب ايـام ... وآجـي لـه
لأن هــــذا الــبــلاد ابــــلادي الـثـانــي
ماجابـنـي الا غــلاه وزود عشـقـي لــه
لـديـرة اهــل الـوفـا ذربـيــن الايـمـانـي
اخــوان نــوره هــل الـعـز.. ومداهيـلـه
فهد فهـد .. هـو ذرى القاصيـن والدانـي
أحـزن عليـه الـمـلا والـكـل يـدعـي لــه
الله يـرحــم وزى المـنـكـوب والـعـانـي
بسـيـاسـتـه حـلـهــا مـاهـيــب بالـحـيـلـه
تشـبـهـوبـه مــلــوك الارض بـالـعـانـي
تبـغـي تـسـوي ولا تـاصــل مواصـيـلـه
وعبـدالله اليـا غـدى فـي الـجـو دخـانـي
دلـتـه بــاس ... وقـسـى بقـعـا فناجـيـلـه
وسلطان ..وانا اشهد ان سلطان سلطاني
حتى السروات الى من مر.. توحـي لـه
الله يحـمـي البـلـد مــن كــل.. شيطـانـي
الـلـي عـلــى الفـتـنـه يـحـبَـل محابـيـلـه
الله عـطـاه الــولا والشـعـب .. متفـانـي
كــم مــرةٍ لادعــى شعـبـه .. يلـبـي لــه
غلطـان ياراعـي الارهـاب .. غلطـانـي
من جا يبي ديرة آل سعـود .. عـزي لـه
حريبـهـم مـايـبـات الـلـيـل .. سـهـرانـي
والله ياحلـو الكـرى ماعـاد .. يـاوي لــه
الله خلقـهـم عـمـى الـعـدوان والـجـانـي
سيوفهـم يــاردي الـحـظ .. وشـهـي لــه
أحــب ذاك المـلـك والـحــب وجـدانــي
امـنـيـن ماجيـتـنـي بـالـحـب كـلــي لـــه
مـعـزةٍ فــي الـخـفـوق تـبــث شـريـانـي
مـعــزةٍ مـاوراهــا غـيــر حــبــي لــــه
حـنـا نـحـب الـثـرى سـجـده وغفـرانـي
والفـهـد حـتـى الـتـراب يقـبَـل ارجيـلـه

ياحي ذا الصـوووت


سمعت صوت وقلت ياحي ذا الصـوت
يامقـرب الملتـاع مــن سـكـرة الـمـوت
خلـونـي اسـمـع حـسًـه شــوي تكـفـون
لحظه واخـاف تفـوت وانفاسـي تفـوت
قـالـوا شبـيـهـه قـلــت مـاهــو شبـيـه
ـهمشتـاااق والمشـتـاق ماينـكـر الـصـوت
خـلـي وامـيًـز حــس نـبـرات صـوتــه
اذا نـطـق بـيـن البـشـر كنـهـم سـكـوت
كيـف انكـره وانسـاه وانسـى غـرااامـه
واسمه على صدري من الوجد منحوت
فـقـدي لصـوتـه كـــل مـاجـيـت بـانــام
كـنـه مخـلـي مـرقـدي جــوف تـابـوت
ثـالـث سـنـه مــرت عـلـي مــن غيـابـه
وانـا آحيـا لـه شـوق واحلامـي تمـوت
آخــــر لــقــا والــبــرد يــــوم آتـكـلــم
كنـي مطلًـع مـن فمـي نشحـت شـروت
يــوم الـمـطـر رده عـلــي وانتـحـاالـف
آنـا احلـف وهـو يحلـف تلبـس الـكـوت
وقـدام يـوااادع قــال بـسـأل وقــل لــي
تـرى الشعـور يمـوت لاصـار مكبـوت
ويــش المحـبـه والـغـلا فــي حـيـااتـك
قلـت المحبـه والغلا..الشـرب والقـوت
قـال الوفـا طبـعـي واحــب الصـراحـه
قلـت الوفـا مرجـان والـصـدق يـاقـوت
هـــذاك آخــــر يــــوم فــيــه التـقـيـنـاا
مــن بعـدهـا لاعـلـم لاحــس لاصــوت
أهـون علـي مـوتـي ولا اعـيـش دونــه
ولا انـي ابقـى حــي واحــس بالـمـوت

البارحـــــه


يـــاالله يامستـجـيـب لـدعــوة الـداااعــي
الــيـــا دعـيــتــك بـدعــواتــي تـقـبـلـهـا
يامـن لـك ارقابنـا لـرضـاااك خضـاعـي
لـوجـهـك وغـيــر وجــهــك مانـنـزلـهـا
تبـطـي بعـثـرة قــدم رجـلــي ووقـاعــي
فـــي عـيــن مـــن يحتـريـهـا ويتحبـلـهـا
الـبـارحــه لانــــي بـنـايــم ولاواعـــــي
ماامسـيـت نفـسـي تجادلـنـي واجـادلـهـا
ادرس وافكر واراجع بعض الاوضاعي
والنـفـس مــن كـثـرة التفكـيـر مشغـلـهـا
ماني على الهـون والحقـران مطوااعـي
والـسـالـفـه قــمــت افـسـرهــاا واحللها
يـاكــود حـوَالــي ويـاهــون مـطـلاعــي
دامــي مــن الـلــي رفـيـعـاتٍ منـازلـهـا
يبـيـد حـيـل الـزمـن مايـلـوي ذرااعـــي
ياالـلـي تـبـي حـاجـة مـنـت بمحصـلـهـا
الـحـزن ماهـمـنـي يـاشـيـن الاطـبـاعـي
ان كـان بـه كلـمـةٍ فــي خـاطـرك قلـهـا
لاتحـسـب ان الرعـيـه مالـهـا راااعـــي
كـرامـتـي عـزهــا مـــن عــــز نـاقـلـهـا
الكـون ماضـاق بـي وفجوجـه وسـاعـي
ابخـس فجـوج الخـلا واعـرف مداهلهـا
لو جـار حزنـي علـي وكسَـر اضلاعي
ماضقت لــو تضـيـق الارض بأكملـهـا
ماعـاد كلـمـة أحـبـك تـطـرب اسمـاعـي
وصـورتـك مـاعـاد بــه شـــيٍ يجمـلـهـا
تـدري وش اللـي عرفتـه يــوم وداعــي
انــك ماتستـاااهـل الرفـقـه مـــن أولـهــا
صحيـح بعـض المشاعـر مالـهـا داعــي
لــكــن ذي غـلـطـتـي وانــــا اتحـمـلـهـا

ياهاجســـي ...


ياهاجسـي .. غـن طـاروق الشعـر غـنـه
الحـق علـى مابقـى .. والا العمـر فـانـي
وياصدري اصبر مثل صبري على الونه
ياطـول صبـرك عـلـي وشـيـن ماجـانـي
يـلـج فـيـك الـحـزن .. واخـفـيـه واكـنــه
واذا بغيـت اشتكـي .. مـاطـاوع لسـانـي
وانـا اللـذي لـو ظــروف الـوقـت حـدنَـه
يـمــوت مايشـتـكـي لــفــلان وافــلانــي
مـن سبـة اللـي عشقتـه مـن صغـر سنـه
اتـنــاه يـكـبـر .. مـثــل مـاكــان يتـنـانـي
كـنـه خـلـق مـنـي .. وكـنـي بـعـد مـنــه
والله مدري .. من اللي يموت في الثانـي
ابـيـه .. واقــدره .. واغلـيـه .. واحـنــه
مثل ماهو .. يرخص الدنيـا علـى شانـي
كـم واحـدٍ .. مـا غـدت بقعـا علـى ظـنـه
لو هـو علـى الكيـف .. ماقفـى وخلانـي
نبـغـا مــن الـحـظ .. والله ماعـطـا مـنــه
يــامـــا تـمـنـيـتـه .. ويــامـــا تـمـنــانــي
يسوقـنـي خـافـقـي لـلـوصـل .. واعـنــه
ولـولا غـلا صاحـبـي .. مـاكـان عنـانـي
مـــن اول يـزورنــي مـحــدٍ درى عـنــه
واليـوم عـذره .. بـلاي .. عيـال عمـانـي
يابـو علـي .. صـار لامــن مـرنـي كـنـه
يستـعـجـل بخـطـوتـه لــجــل يـتـعـدانـي
واجـيـه .. واقـدامـي الـلـي كــل ماجـنـه
يـردهـا سـلـم ابــوي .. وسـلــم جـدانــي
العـيـن فـــي شـوفـتـه .. لامـــر ممـتـنـه
ياجـعـل يـسـقـى عـلــي قـــدام يجـفـانـي
الهـجـر طــوَل .. وقـدنـي مبـطـيِ مـنــه
واخـاف اذا زيـد جــا .. مـاعـاد يلقـانـي
القـلـب يصـبـر عـلــى فـرقــاه .. لـكـنـه
الى طرالي .. وانا فـي الليـل .. سرانـي
ان كـنـت انــا غـالـيٍ فــي نـاظـره فـإنـه
غــلاه يـجــري مـــع دمـــي وشـريـانـي
لاصـار مابـه عشـم لإبليـس فــي الجـنـه
احسن لـي اعيـش باقـي العمـر وحدانـي
ولـو سـج منـي .. عسانـي مـاخـلا مـنـه
والله منـسـاه .. كــود الـمــوت ينـسـانـي

المواااصـــــــل ...


ياللـي تـبـي فـرقـاي ... عـقـب المـواصـل
مـاكـنــك بـشـفــي ... ولا كــنــك مــنــاي
كانـك تبـي فرقـاي ... مـا هــوب حـاصـل
الـعـام خـيَــرت .. ولا اخـتــرت فـرقــاي
قــد قـلـت لـــك يـــا تبـتـعـد يـــا تـواصــل
وزعـلـت وارضيـتـك وشاركـتـك الـــراي
والحيـن لـو فـارقـت .. ويــش المحـاصـل
غيـر الـحـزن .. والله يسـتـر مــن الـجـاي
فـي قلبـي مـن الـوقـت .. اربــع فـواصـل
حلمي .. وحظي .. وانت..والرابع رضاي
مــا علـمـت عيـنـي الـسـهـر والـمـواصـل
لــكـــن تـبـكـيـنـي ولا تــســمــع بـــكـــاي
لو صدق ... من يمشي على الدرب ياصل
مـا كــان خـالـف ذا المـثـل منـهـج حـكـاي
تعبـت .. وانـا اسـيـر وازريــت لا اصــل
لا ارتحت في يومي .. ولا طـاب ممسـاي
شفني انـا وشـوف انـت ويـن انـت واصـل
تجرحـنـي بـفـرقـاااك .. وتـشــح بـــدواي
لا تطـري الفرقـا .. وانـا ابغـي المواصـل
وانـت تــدري انــك بـيـن خـلـق الله مـنـاي
كانـك تبـي فرقـاي ... ماهـوب حـااااصـل
الـعـام خيَـرتـك .. ولا اخـتـرت فـرقــاااي