الزمن طبعــهـ كــذا

رحاب:ههههههههههههههههههههههههههههههههههههههههههههه هههههههه..
جنــى بقهـر:وجـع رحابوه ماعتقد قلت شي يضحك ..
رحاب :من صدقك انتي خالتك هربانــه ..
جنـى :والشي هـذا ينكذب فيــه .!!
رحاب بلاهه "طيب ليــه ..
جنــى :اوووووه ترى مليت من بلاهتك تسأليني ولاكأنك معــي بالقصــه من بدايتهـا ..
رحاب :طيب لاتعصبيــن اناصدق عارفه كل شي بس قلت يمكن هربت عشان شي ثاني ..
والله لودريت أنكم بهالحاله ماجيــت ..
رحاب بنعومه :افاا عليك رحوبه أنت وحده من الأهــل بعــدين والحمدالله كلنا تجاوزنا مرحلـة الصدمـه مع أني حسيت أن الموضوع كله على بعضــه مايستـاهل كل هالتضخيـم ,,كله من تحت راس ياسرووه عساه مايتوفق ..
رحاب :ول عليـك حقوده ..
جنـى بأنفعال :أنا ماحقد على أحد منيه والدرب بس هو يستحق الحقد والكره الحقيـر ..
رحاب :طيب هدي بالك ماله داعي الأنفعـال نرجع نذاكــر أحســن ..
جنـى اللي طلعت ووقفــت فالبلكوانه: مالي مزاج لدراســه ..
رحاب: أجل أنا بروح لبيتنـا..
جنـى :ايه على طاري بيتكم وش اخبار رغــد ..
رحاب بتنهيده وهي تلبس عباتهـا :رغــد الله وحده العالم بحالها تغيرت عـن قبل صارت انطوائيه لدرجة أنها ماتطلع من غرفتهــا ..وخنقتها العبـره ..
جنــى :يالله عاد رحوبه مالك داعي بتروحين بيتكم وانتي بهالحاله مايصلح لازم نفرفشك ,,,وبعد دقايق من التفكير :وش رايك بمغامره ظريفه ومسليه نختبر فيهـا شجاعتك...
رحاب برعب :لاتكفين جنـى فكيني من مغامراتك اللي تودي بالداهيه وخليني ارجـع لبيتنـا بســلام ...
رحاب بخبث :لاتخافين بترجعين لبيتكم بالسلام وانا بنفسي بوصلك ...
رحاب :هاه وش قصـدك ..
جنـى وهي تناظر بساعة يدهـا :الساعه 11 ونصف اخواني كلهم نايمين وناصــر بالدوامـه وماراح يرجــع الابكـره الصبــح ,,يالله بروح اخذ المفاتيح من غرفتــه ..
رحاب بخوف :مفاتيح ايش .؟؟
جنــى بثقـه :مفاتيح سيارة السواق اللي بنلف عليها كم دوره وبعدين اوصلك لبيتكـم ..
رحـاب :جنــى تكفين انتبهي وهـدي شوي مالها داعي هالسرعـه ..
جنـى اللي حاسـه انها طايره بالسمـاء :ماقلتي لي وش رايك بالسواقتــي ..
رحاب وهي تبلع ريقهــا:حلوه بس لوتهدين شــوي حنا بحاره لوتطلع عليك سياره ماراح تقدرين تحكمين ,,بعدين انتبي ماتظربين بوري عند اللفات...
جنـى :ماله داعي هذي مظاهر بس ,,وش رايك نمر على الدكان ...
رحاب :تخبلتي أنتي بتفضحينــا ,,بعــدين والله شكلك واضح انه بنت على بالك الكاب هـذا مخبي شعرك شوفيه طالع من ورى ...
جنــى :عارفه انا متعمده اسوي كذا وبعدين من بيشوفني وحنا بالحاره والدنيـا ليل ...
رحاب :وصليني بيتنا بعدين كملي دورانك على راحتك ..
جنــى :على امرك ياقميــل انتا تامـر أمــر ...
ولفت السياره بطريقـه كانت بتسبب كارثه لولا إن الله ستــر ..
رحاب :جنى هدي بليـز وصليني البيتنا سالمه ..
جنى اللي ارتبكت :رحااب اسكتي عني شتتيني...
بعـد دقائق كانت رحاب عنـدباب بيتهم وتأشــر لجنــى مع السلامــه ....
دخلت البيت وحست بالهدوء اللي يلفــه كان مخيف ..كانت بتروح لغرفتهـا بس لفت انتباها النور اللي طالع من غرفة فارس ...شافتـه واقف بلكونته اللي طل على بيت جيرانهم يعنـي فيه احتمـال كبير يشوف جنـى وهي راجعـه بسيـاره صدق كارثـه أكيد ماراح يعديهـا على خيــر ,,ودخلت بسرعه وصكت الباب بقوه عشان يطلع صوت ينبهه ..
رحاب :هلا والله فروسي الحمدالله على السلامه ...
فارس :اهلين رحاب الله يسلمك وش كل هالترحيب ..
رحاب :افاا مو أنت اخوي الوحيد حبيبي لازم افرح برجعتك ,,وش فيك قاعد عندك تعال نجلس نسولف ..
فارس :تبغيني تعالي لعنــدي ..
رحاب بداخلها:اووف منه عمره مابيتوب ..
جت ووقفت جنبـه وهي تحاول تشغله بالكلام بس فارس كان يسمعها ومايتكلم الابجمل مختصره ...
وبالوقت اللي شدته سوالف رحاب والتفت عليها ,,جت سيارة جيرانهم اللي كانت راكبه عليها جنـى وصوت العالي شده والتفت وشاف جنـى وهي تنزل من السياره وتدخل البيت ..
فارس بخبث :مغامره جديده من مغامرة صديقتك ...
رحاب ماقدرت تكلم وطلعت من الغرفه وهي خايفه على صديقتها منن نظرات فارس الخبيثـه ..
=========================================
بعـــد اسبـــوع من الأحــداث السابقــه
ياســر :يمه ممكن تتركين اللي بيدك شوي وتركزيـن معـي ...
فاطمــه :وش فيك يمــه مأخبرك حنااان كــذا ,,واللي بيدي وشو مو لملكتك ...
ياسـر بنرفزه :يمه مو لو تركزين باللي بقوله لك بتعرفين إن كل اللي قاعده تسوينـه ماله فايـده ...
فاطمــه بأستغــراب :وش قصدك .؟!
ياســر:خلاص يمه ماعاد مسوين ملكه ..
فاطمــه بعصبيــه :ليه ..
ياســروهو يحاول يضبط اعصابه :سالي سافرت مع أخوهــا عشان الجهاز وأول مايرجعــون بنســوي العرس ماله داعي كل هالشكليـات ...
فاطمـــه :بعــد ايش جاي تقولي هالكـــلام بعـــد ماعزمنــا النــاس وحجزنـا كل شــي بعدين اللي ماتسمــى حرمك المصـون من متــى مسافره من اسبــوع ...
ياســر وهو يضغط على جواله اللي بيده وشوي ويكسـره :من اسبوع ...
بسمــه اللي كانت هي وريان جالسين يلعبون بلاي ستيشن شرقت بالعصيـر اللي تشربــه :كح كح كحححح ..
فاطمـه بخوف :بسم الله عليك بسوم ريانووه وش سويت بأختك ...
بسمه قامت تشرب ماء ورجعت تجلس عندهــم وبعد تردد قالت :ياسر من اسبوع يعني من متى تحديداً ..
ياســر بملل :وأنتي شكــو .؟
بسمــه :تكفى قول ..
ياســر :اوووف من يوم الاربعــاء ..
بسمــه :كيف يوم الأربعــاء مسافــره وأنا شايفتهـا يوم الأحــد بالجـامعه ...
ياســـر عرف أن بسمــه صادقـه وماحب يبين انه مصدوم قال بصوت ثابت :يمكن أجل موعـدهم ,,يالله عن اذنكــم ,,وطلع بسرعــه من البيت ..
وبالسياره كان يتصـل بالناصر اللي طول على مارد ...
ناصـر بصوت كله نووم :هلا ياسر ..
ياســر بنرفزه:اوهو أنت نايـم ..
ناصــر :ايه وش عنـدك ..
ياســر:ليه ماخبرتني إن سالي راحت الجامـعه ..
ناصـر :أنت وش قاعد تهذي ..
ياســر :اوووه يعنـي بتفهمنـي أنك ماتدري عن شــي ,,ولاأختك مشتركـه فاللعبـه ..
ناصــر :واختــي شكو ياسـر وبعــدين معك ...
ياسـر :روح اسأل أختك من قابلت بالجامعــه يوم الاحـد..
ناصــر :وهـج ماراحت الجـامعــه من يوم أختفت سالي ..
ياســر بقهـــر :آآآآآه ياقهــر يعنــي ماشافت سالي ..
ناصـــر :لااا ,,ولتعب عمــرك وتحاول تلقى سالي هي لو بغت بترجــع بنفسهــا ..
ياســر :بتعلمنــي وش اسوي ياناصــر ,,وقفل الخط بوجهه ..
====================================

ابوياســر :اللحين مأنتي قايله وش هوله كل هالنرفزه والعصبيــه ..
فاطمــه :اقولك ولدك بيمشينــا على كيفــه هو حرمه المصـون ..
ابوياســر :لااله الا الله وبعدين معك يامره خلاص هو حر اصلاً وش هوله كل هالمصريف كـذا احســن بعــدين خلينــا من ياســـر هو كبير وشوره براســه ,,خلينـا اللحيــن بنــدر ..
فاطمــه باستغــراب :بنـدر وش فيــه بندر ..
ابوياســـر :بزوجـــه ..
فاطمــه :وش الطاري ..
ابوياســـر:أنا مفـكر من زمان مو بس ببنـدر لاحتـى ريان بس كنت اقول بدري بس يوم سمعت إن شيخــه بتاخذ وهج الولدها نايف قلت نسبقهــم ..
فاطمــه بالصـدمه :وش قصدك تبي بندر ياخذ وهج ...
ابوياســر:ايه وش فيها بنت عمه وهو اولى فيها من نايف ...
فاطمـــه :لاحشى ولدي ماياخذ غير بنت خالتــه ...
ابوياســر :انا قلت كلمه وكلمتـي ماتنثنى ...
فاطمـــه :اللحين وش الحب اللي نازل عليك لعيال أخوك ..
ابو ياسـر:لاحب ولاشــي بس مابغــى الحلال يطلع للغـريب ولدي اولى فيــه ...
فاطمـــه :ولدي موناقص فلوس عشـان يتزوج بنت أخوك ...
ابوياســـر :انا قلت كلمتـي وخــلاص وهج لبندر وجنــى لريان ...
ناصـــر:والله هذي الساعه المباركـه ياعمــي اللي تجيني تخطب فيها اختي لولدك بس وهج مخطوبــه ...
ابوياسـر باستغـراب :مخطوبه لاتقول لنايف ..
ناصـر بضحكه :نايف مين ...
ابوياســر :نايف ولد عمتك ...
ناصــر بقوه :لاياعمـــي وهج مخطـوبه لصــديقي واسمـه سلطـان الـ........




نهايـة الجزاء ...

الجزاء الثاني عشــر ....



طالع فيه عمــه بغضب يوم حس أن مخططاته الخبيثه عشـإن يرجع حلال أخوه له فشلت
:بس انا مو راضي انا عمها وبحسبـة ابوهـا ..
ناصــر باستخفاف :ولايهمك عمـي بعزمك على عرسهـا ...
ابوياســر :كيف يعني تحداني ..
ناصــر :افهمها زي ماتبي أنا ازوج خواتي على كيفي وماحدله علاقه فينـا ..
ابوياســر :هذي أخرتهــا ياولد أخوي تفضــل الغريب على ولد عمك ,,وبتزوج أختك بدون رضاي يعنــي لو كنت أنت اللي جاي تخطب بنتي برفضك ...
ناصـــر بلهجه ساخره:اولاً انا ماجيت أخطب بنتك وماراح أجي مو عشان شــي بس لأني ماشجع زواج الاقارب ...


================================================== ====


ناظر لصديقه اللي يدور على نفسه ويقفز بالهواء من الفرحــه :الحمدالله والشكر عسى ماشر يالاخو ...
فارس :نايف الحق ابو نوف اليوم اسعـد ايام حياتي ...
نايف باستغراب :فرحني معك وش عندك ...
فارس :كلمتها اليوم أول مره أكلمها اليوم بس بدت خطوت الالف ميل ....
نايف بقهـر :وهذا اللي صاجنا عليه مو لك شهر تخطط توك تنفذ صدق أنك بارد ...
فارس :ياحبيبي التنفيذ يبيله دقه مو زي رسم الخطه الواقع يختلف ....
نايف :وش صار بالمكالمه ...
فارس بالضحكه :فاتك يالنايف ساذجه غبيه بسهوله ينقص عليهــا وانا اللي اخذ فكره عنهـا انها قويه اتوقع كل شي بيتغير وبيصير اسهل من تصوري ...
نايف :الله يوفقك ويوفقنــا معك ....
وجلس يضحك بطريقه هستريه ...
فارس وهو يضحك معــه :عليك دعوه شكلها هي اللي بتجيب أجلنـــا ...
وقطع كلامهم جــوال فارس اللي دق ....
نايف بحســد :الله يعطينــا
فارس وهو يرفع الجوال يشوف المتصــل:لودريت بتغيــر رايك ..
نايف :ليه من المتصل .؟
فارس :الاهــــل ,,ورد :الوو ,,هلا رحــاب,,وشو ماسمعك ليه تبكين ,,,اوووووف اسكتي عشان افهم ...رغد ,,طيب ,,,ايه زين بجـــي ,,خلاص قلت لك بجي بجــي ...
وقفل بعصبيــه ...
نايف :ووول عليك مزاجك تو وش زينـه يوم اتصلت أختك طلعت شياطينك والله لو انها وحده من خوياتك ماعملتهـا كذا...
فارس وهو يجلس:تكفى يالرحيــم مره ماترفع حسك على خواتك ....
نايف :وش بك جلست مانت رايح لهـــم ....
فارس بعدم مبالاه :خل يولون زيــن ....
نايف :بكيفك أهلك وانت حـر ..


================================================== ====


معقوله يكون الي سويته خطـأ لااالو كـإن خطـا ماكان كل البنات كلموا يعنـــي انا الصح وهم الخطـأ مو معقـــوله وش اللــي عنــدي ومو عنــدهم حتــى بنات العوايـل الكبيــره يكلمــون ,,,صـح مافيهـاشــي ولا كل هالبنات اهلهم ماكشفـوهم أكيــد عادي وأهلهــم عندهم عــادي لو دروا ...بس ناصــر معقـوله بيسكت عــن الخطــأ شفتــي خطـأ أنتـي قلتيهــا اللي تسوينــه خطأ أنتــي تعصين ربـك وتخونيـن أهلك بــس ,,,بـس ايش مافيـه أي مبرر للي تسوينــه الافيــه نفسيتــي زفت ابغــى احد يسمعنـي يفهمنـــي انا أحــس بغــربـه وسـط اهلــي ;;;;;; وينـكـ ياسالـي لو كنــي موجوده أكيد ماراح تخليـن عنـي فمصيبتــي طـول عمـركـ البلسم الشافـي لكـل جروحنـــا ,,,


================================================== ===

كانت بحالة صـدمـه وذهــول ماتت أيــه ماتت اختهـــا اللي كانت فيوم قدوتهـــا اختهـا اللي كانت طول عمــرها بعيــده عنهــا وفالشهـور الاخيــره زاد بعــدها راحـت كــذا وبكــل بسـاطـه ماتت وانتهت حيـاتها هـذا هــو ابـن ادم ظعيف مايقـدر حتــى حياته يتحكم فيهــا فــوقه رب طيب ليــه كل هالجبــروت ونهــايتــه حفــره وقطعــة قمـاش بيضــاء ,,,هــذي هــي أختهـا اللي كانت عايشــه حياتها بطول والعــرض اللي كان يضرب فيهـا المثــل بالجمــال كان لها جسـم ولاعارضـة ازيـاء كانت ملابسهـا من أفخـر الماركات كانوا صديقـاتها ومعارفهـا من الطبقات الراقيــه كل هذا كان وكان وكان واللحيــن ولاشــي من ذولي يقدر يرجعهـا ولو ساعه لاجمالها ولافلوسهـا ولامعارفهــا ...خلاص ماتت الله اختـارها ,,,
مسكت رحاب راسها بين يديهــا وصرخــة صرررخه هــزت اركان المستشفــى :رررررررررررررررررررررررررررغد رغد رجعولي أختـــي أختـــي رجعوهـــا ,,,,
ابي رغــد أختــي رغــد ماماتت كذب كل اللي تقولونـه كذب .....
كل اللي يشوفــه كابوس صح هــذي مورحـاب صــح ولاكانت تنادي رغــد صح اصلاً هو يحلم يتخيل أي شــي بس اللي يشوفــه قدامــه موحقيقــه .....
تقــدم من أمـــه بخطــوات متـــردده وبصوت مخنــوق قال :يمــــه رحاب وش فيهـا,, ووين رغــد ..؟!
أم فارس بصــوت خانقتـه العبره :رغــد تطلبكـ الحـــل ,,الله عطــى والله أخــذ ,,سبحانك يارب لاعتـراض علــى مشيئتكـ ...
فارس يهــز راســه بعدم تصــديق وهو يتراجع علـى ورى ويستند على الجدار:لا لا لا رغــد لاتروحين تعالي لاتمــوتين تعالي بشوفكـ بكلمـكـ حرام عليك من ست الشهـور ماشفتكـ تعالي ورينـي قصتك الجديده وصبغتكـ تعالي مابستهــزي فيكـ تعالي باعترف لكـ والله أنكـ حلوه مو قرده زي ماكنت اقولكـ رغــد ارجوك ارجعــي ,,الله يخليك يمــه قولي لها ترجـع والله أحبهــا,,قولي لهــا ترجــع وكل يــوم أوصـلها للجـامعه بسيارتــي خليهـا ترجـع واسوي لهـا كل اللي تبــي ,,والتفت علـى رحاب اللي كانت جالســه على الكرسي جنب أمهــا وتبكــي بهستريه وتضـرب راسهـا بيديهـا وبلهجــه طفوليـه:خــلاص رحاب رغـد بتـرجع بـس لاتزعلينـها....
رحـاب اللي استوعبت الصــدمـه قالت بالصـراخ مبحوح من كثر ماصرخت :أنت وش قاعـد تقـول رغــد خلاااص راحــت ماراح ترجــع صارت بعيده ,,واشرت بيدها للسمـاء :خــلاص صارت بعيــده يوم كانت قريبــه وبابـي قبال بابهـا ماكنت اشــوفهـا ولاأهتــم واللحيــن ابغـاها ترجــع لوساعــه ابغــى اسمعهــا اتكلم معهـا اشوفهـا وهــي حيــه اسألهـا وش اللي غيــرها ليه كانت طـول الليــل اسمــع اناتهـا وصياحهـا ليـه تركت الجـامعه ليه وليه والف ليــه بسألهـا بس تــرجـع باهتــم فيهـا واعوضها ساعات بعـدي عنهـا ...ورجعت تبكــي بطريقـه تفطـر القلب وهـي تنادي رغــد ...
آآآآآآآآآه يارغــــد رحتــــي وفطــرتــي قلـب أهللكـ عليكـ يوم كانت عايشـه ولا سألـوا عنهـا يوم كـل ليله تقضيهـا بالبكـاء والنـواح ماحـد سألهــا ولاخفف عنهــا كانت تعيش مأستهـا لحـالهــا راحــت بدون وداع كــذا بدون مقـدمات ماتت وهــذي الحيـاه فيه أحــد ضامــن نفســـه راحت وتركت كل شــي وراهــا حتــى ثوبها اللي عليهـا ماخذتــه معهـا ...


================================================== ==



دخلــت غرفتهــا وهي تترنـح وتمسك بالجـدران انفجــرت تبكــي من جديد يــوم شافــت صــورتــها اللــي كانت أخذه نصف الجــدار اللي فـوق سريرهــا ,,,,لفت بنظــرها علــى غرفــة أختهــا كــل شــي فيهــا تركتــه وراحـت فيـوم من الأيـأم كانت ملكـة هالغـرفـه تدور فيهـا مثــل ألفـــراشــه ليـن فجــأه انقـلبت فيهــا حيـاتهــا للحيـن تذكــر اليوم اللي صحت فيــه قبــل الفجــر وشافتهــا مميتــه نفسهـا من الصياح وهــي تقــول كــلام غيــر مفهــوم :انتهيت خــلاص انتهـت حياتـــي دمــرت حياتــي بنفسي
,,لاتمشيــن علــى نفس طريقــي بيضيعـكـ مثل ماضيعنــي ,,وبعـدها فقــدت وعيهـا وودوها المستشفــى...
حضنت مخــدتهـا وهي تبكــي :رغـــد حبيبتــي ارجعــي لي أنا من لـي بعـدكـ والله مو قصــدي ابعــد عنكـ بس غرتنــي الحيــاه مثل ماغرتكـ حنا خوات من لنـا غير بعضنـا ليــه ابعدتينــي عنكـ بتصـرفاتك وخلتينـي انفـر منكـ حتـى يوم احتجتينـي مالقيتينــي قربكـ ...
ليه يارغــد ليـــه وضمت مخدتهــا بقـوه اكبـــر حتــى دموعك للحيـن ماجفت قبـل ساعتيـن بس كنتــي تبكين علـى مخدتكـ ,,,آآآآه يارغــد ليــه يأختــي انزلت دمــوعكـ من بكاكـ .....
وبلهجــه صادقــه :والله لانتقــم لكـ يارغــد من اللي بكاكـ حتــىلو كانت الحيـاه نفسهـــا >>>>كلمــات نقولهـا بدون تفكيــر توديــن بنـا الـى المهــالكـ ......
تركت مخدتهـا على السريــر وراحت لتسريحتهــا اللي ماكان فيــه عطـر أو مكيـاج من الماركات العالميــه مو بعليهـا ناظــرت فيهــا رحاب وهــي تتذكــر الأيـام اللي كانت فهيـا تتخـانق مـع أختهـا عشـانها اخذت شــي منهــا بدون اذنهـا,,ياءالله ليت الايـأم ترجــع والله مازعلكـ ولأمـد يدي علـى شــي من اغراضكـ ,,,,
رحاب بلهجــه مكسوره :هذي مكيجاتك هـذي عطوركـ اللي تحبينهـا وتفضلينهـا حتــى علــى أختكـ ليه رحتــي وتركتيها لميــن تركتيهـا بعــدكـ ميــن فهالدنيـا كلهـا يحـل محلكـ ,, رغــد تعالــي ارجعــي كل شــي ينتظــرك ....وبدت ترتب غرفــة اختهـا ودمـوعهـا على خدهـا شلال ....
شافت كتبهـا اللي علــى مكتبهــاودفتــر محاظرتهــاالأخضـر اللي كانت تأخذه معهــا افتحــت اول صفحــه منهــا كان مكتــوب اسمهـــا بالانجليزي والعـربــي فقط لاغيــر وبيت شعــر مكتـوب بخط جميــــل يمكــن ماكانت تقصــده بــس كتبتـــه حـركـه لاكثــر (.. ودي اموت اليوم وأعيش باكر ..واشوف من هو بعد موتـي فقدني ..ومن هو حملني لين ذيك المقابـر
واشكر كل من كل من كرمني ودفني ..شخص ًتعنالي مع أنه مسافـر ..وشخص قريب للأسف ماذكـرني ..ومن هو يرتب غرفتي والدفاتر ..وأن شاف صوره لي صاح واحضنــي...)
لاااا رغــد تكفيــن لاااا يكفينــي عذاب ...آآآآآه وآآآآه وآآآآه >>>> آآهــات الم وعــذاب علـــى اخت عذبتهــا ببعـدها فحياتهـا وعذبتهـا أكثـر فموتهـــا ....
كملت تفتـتش دفتــر اختهـا وتغسله بدموعهــا كانت الالوان اللي تكتب فيهــا زاهيـه زهـري فسفـوري موف سماوي ومن الالـوان هــذي ...
دفترها كان كلـه رسومات واشعــار ومحاظره أومحاظرتيـن ...
وبأخــر صفحــه كانت كاتبـــه :
يامــوت خــذنــي كم بدنيااي عانيت .....
آآآه يارغـــد ليه كتبتــي هالكــلام صدق كنتــي تقصـدينه ولامجــرد كلمــات قلتيهـا ونسيتيهــا ...


==================================================

ماتتتتتتت ......
زلقت السمـاعه من يدها وتردد صوتها علــى الارض في الصـاله ....
كل اللي فالصـاله يناظــرونهــــاوعلــى وجيهــم علامـة الصدمــه بعــد ماسمعــوا كلمـة ماتت ...
بــــــس ..
جنننننننننننننننننننننننننننننننــى ..
كانت ممده على الارض بعــد ماطاحت مغشــى عليهــابسبب المكـالمــه ...
وهج بذعــروهــي تهزها بقوه:جنــى اصحــي جنـــى قولي من اللي مات مو سالي صح
سالي ماماتت..
ناصــر :وهـج بس لاتفاوليــن على خالتك ..
حاولوا يصحونهابس طولت علــى بال ماصحت من نفسهـا شكلهــا استوعبت الصدمــه لانها اول ماصحت بدت تبكــي ..
أم ناصــر:بسم الله عليك وش صابك قومــي اجلسي على الكرسي أكيـد تعورتي من طيحــه ..
جلست جنــى على الكرســي وهي حاطه يدينها على وجهها وتبكــي بالصمــت ...
ماحد تجرأ يسألهــا وش فيهـا الكــل مايبغـــى ينصــدم ...
لين تكلمت هــي بنفسهــا...
جنــى بصوت مبحــوح :يمـه رغــد بنت جيراننا ماتت ...
الكــل ردد ماعدا أم ناصــر:رغـــد ...
أم ناصـر بحزن :انا لله وانا اليـه لراجعــون ....
وهج بضحكــه مو بوقتهــا :رغــد اللي ماتت رغــد مو سالــي الحمدالله يارب اللي ماتت رغد مو سالي ,,فجأه تحولت ضحكتهالشهقه :رغــد ماتت ...
وراحت تركض لغرفتهــا.....
وهج لصورة سالي اللي علـى ماكتبهـا :رغـــد ماتت ياسالي رغــد تذكــرين رغـــد اللي كنتــي تقولين إن الجامعـه كلهـافجميـع كلياتها مافيــه أحـد ينافسكـ غيـر رغــد,,,ابشـرك اللحيــن صارت لكـ الصدراه رغــد ماتت ...
وبدت تبكـــي بألم :وش بتسـوين لودريتــي وش بتكون ردة فعلكـ بتضحكيـن مثل عادتكـ وتقلبين الموضوع الجاد للمــزح ولابتسوين اللي مأتخيلك تسوينه وتحزنين عليهــا,,,آآآه ياســـالـي حتــى بمشــاعري صرت تابعه لكـ موقادره اتصــرف بطبيعتي اخاف اخـونكـ فبعــدكـ ...


================================================== ===


كان يشوفه يشرب الكـأس ورى الثانــي ومو قادر يمنعـــه حـالتــه اللي جـاء فيهـا ماكانت طبيعيـــه واضــح أنه فمصيبـــه عيـونــه الحمــراء مادمعــت علــى ساهـــل ....
فارس اللي كانت فحالت سكــر شديده قال وهو يمط الكلمــات :خلااااص راحــت واشر بيده
وكأنــه بيطيــر ...
ماعادت فيــه بح ولــت ارتاحت وريحــت تصدق حتــى القمــر ارتاح منهــا ...
نايف عارف إنــه يهـذي بس ماقادر يمنع نفسه انه يسأله :القمــر ...
فارس اللي تسنـد على الكنب اللي جالس عليــه نايف بــس ماحملته رجليه ورجع يجلس
على الارض وهو متسند علىالارض بيـده :أيــه مو الله يسلممممممممممك هـي كانت احلــى منــه بس اننننا كنت اطفر فيهــا وقولهــا انهـا قردده ,,عااااد اقولكـ بو نوف مو تقولهـا اني قلت عنهـا أنهـا حلــوه ذيك الحزه تشــوف حالهههها علينــا ,,,يوه هذي هي جت رغــوده وجع وش جايبك عنــد الرياجيــل ورمــى التلفزيون بالكاس اللي كان معه ...
نايف بشهقــه :فارس اصحــى موشراب هــذا اللي يخليك تخرف كــذا ...
فارس وكأنه للحيــن صاحــي :ماتتتتت خلااااااص ماتتت ,,ورجع على حالته اللي قبــل :الله لايردها خل تمـــوت بــس الخبله رحاب هــذي منين نجيب لهــا اخت والتفت علــى نايف :نايف تسلفنـي أختك تصير لأختــي أخت وأختــي تصيـر أختكم وأختك تصير اختنـا .......
نايف ماكان لــه أي ردة فعـــل كان جالس يطالع فارس اللي بدا النوم يسيطيــر عليه وهو يهــذي كان وده يطلــع بس مايقــدر يتركــه فهالحالـه يخاف يصحــى ويسوي بنفســه شـي الموضوع فيــه مــوووت وهذا اصعـب من إن الانسان يتحملــه ....
فز من مكانه يوم تكلم فارس بصوت عالـي :يوووووه انا كيف نسيت بروح اودي رغــوده الســوق أكيــد اللحيــن زعلت وماراح تصدق إنـي نسيت ,,,ووقف بيطلــع ونايف ماحاول يوقف لأنــه داري أنه مو قادر يسند طــوله وهــذا اللي صار فعــلاً بعــد خطوتيــن طاح علـى الأرض ومافكر يوقف مره ثانيــه لأنه بكل بساطـه افترش الارض ونـام ...


================================================== ====



يارب أمــوت وارتاح من هالعيشــــه ....
فاطمــه :بسم الله عليكـ من هالطاري وش مضيق خلقكـ يمــه ...
ريان :الحمـدالله انكـ افتكرتي اني برضو ابنكـ ...
فاطمـــه :ردينا على طيـر يلي بعـدين معكـ كم مره قلت لكـ لاتكلـم بهالطـريقــه ..
ريان :اووووووف يالناس ابي سياره ابـي سياره جديده ,,انا موعلـى كيف ولدكـ الميزاجــي مره يقـولي خــلاص بشتريهـا لكـ وبعــدين يقول انجح واشتـريها لك يتلاعب فيني حسب ميزاجــه ...
فاطمــه بملل :خلاص انجح ويشتريهـا لك ...
ريان :موناجح وسياره بشتــري حتــى لو اضطـريت اروح لعمتـي واخليهـا تشتري لي السياره ..
فاطمــه بالصــدمه :بتشتغـلي شحاد تروح تطلب من عمتكـ وابوك خيـره مغرقهـا ومغرق اهلكـ كلهــم ...
ريان :ابوي اللي حدنــي على هالتصـرف هـو اللي مكبــر راس ياســر علينـا ,,,انا قررت موناطر صدقة ولدكـ اللي مادري فاكـر نفســه ميــن ...
ياســـــر:انا طول عمــري ياسـر وعمـري مافتكرت نفســي أحــد ثانــي ,,,واذا متوقع عنتك بترحب فيكـ فأنت غلطـان لأنهـا بكلمــه وحده منـي حتـى باب بيتها ماتفتحـه لكـ ..
وكمــل طريقـــــه للسلـــم بيطلــع فوق بـس وقفــه صوت أمــه ...
فاطمــــه :ياســر ويــن السلام داخل علـى يهــود أنت ...
ياســر :اعذرينــي يمـــه نرفــزني ريانوووه بكــلامـه ..
فاطمـــه :عاذرتكـ يمــه انا مو رافع ضغطــي غير هالولد وحركاته اللي تزيدقلبــي هم علـى همــي ...
ريان بقهــر :يمــه اللحين انا اجيب لكـ الهــم واللي تاعب لك قلبكـ وهو اللي يريح القلب...
ياســر بعصبيــه :ريان هــذي طريقــه تكلم فيهاامكـ ...
ريان :روح زيـن ماعاد الاهـي بتعلمنـي كيف اتكلم بعـــد ...
فاطمــه:رياااان
بــس ريان مالقاهـم بالـه وكمــل طريقــه مطنشهـــم .....
فاطمـــه :ياويل قلبــي من هالـولد هــذ اللي بيجيب اجلــي ...
ياســــر :بسـم عليك يمــه عمــركـ طويــل انشــاءالله ...
فاطمــــه :ماهو بــس هو حتــى أنت تعاب لــي قلبـــي ماحــد مـريح قلبـي الابندر الله يريحـه له قلبــه ....
ياســـر :اذا علــي ريحــي قلبكـ أنا حاب حيــاتي كــذا وماشكـي بئـس,,وماطلبـــت من أحـد يحمــل همــي عنــــي ....
ويــوم ماشـاف رد منهــا ....
ياســر :عــن اذنكـ يمــه بروح انام .....



================================================== =

شافهــا تأشــرلـه من مكــان بعيــد راح يمشــي لمهــا كــل ماقـرب منهـا اختفت وطلعت من مكان ثانــي بعيــد ..
ياســر بتعب وهو يتنفس بالصعــوبه :سالي خلاص وقفـــي تعبـــت ...
بــس سالي ماسمعــت كلامـــه وجلســت تنــاديــه بألم ......
كمــــل طريقــه لهــا حتـــى اقتـرب منهــا بـــس فجــأه انشقــت الارض وابتلعتهـــا ...
ياســـر ماد يده لا:سااااالي تعالي لاتروحيــن تعااااااالــــي ...
اشــرت لـه بلا وأن هــذا اللي تبيــــــه ....
قــام ياســـــــر من نـومــه مفـزوع وهــو يلهــث ...
دار بعيــونه علــى الغــرفـه ويوم تأكــد أنه بغــرفتــه رجــع راســه علـى المخده وهــو يتنفــس بالـراحـــه ...
انتبـــه علــى الساعـــه ثلاث صبـــح :هــذا موعــد طيـارة سعــــود .....
واخـذ جواله يتصــل عليـــــه ..بعــد رنتيـن رد :
سعـــــود :هلا والله للحيــن مانمــت ..
ياســـر بداخلــه :ليــه هــي أختك مخليتنــي بحالــي حتــى باحلامــي زارتنــي ...
ياســـر:امبــلا نمـت بس تونــي صاحــي تبغاني اوصلكـ المطــار ...
سعــود :خلاص اخذت ليموزيـن انا اللحيـن فالطــريق ,,ياســـر ماوصيكـ مثـل ماوعــدتنـي اذا رجعـت سالي وأنا مسـافــر لاتهــور ...
ياســـر بملل :خـــلاص حفظــت هالوصــيه ...
سعـــود :ادري انكـ حفظتهــا زي مأدري أنكـ فأوقات تفقــد اعصـابكـ وماتسيـطر عليهـا ..
ياســـر :سعــود انا رجـال وعنــد كلمتـــي ...
سعـــود :انا هالكـلمـه هــي اللي تخوفنــي ...
ياســـر :سعــود أحمــد ربكـ أنكـ مسافـر وماراح اشوف خشتك الا بعـــد مــده ولا صــدق بالتنــدم ....
سعـــود :ههههههههههههههههههههههههههههههههههههههههههههههههه هه
يازينــهم والله الزعــلانيـن يالله حبيبــي تامــر علــى شــي ...
ياســر :لاسلامتك أنتبــه علـى نفسكـ ....
سعــــود :اخــر وصيــه ...
ياســـر :انا لله وبعـــدين معكـ أنت وهالوصايـا تفضــل قـول ...
سعــــود :خفف من هالســم اللــي تشربه ويستحســن تبطلــه كلـش ...
ياســر:حاضر الوالده تامــرين علـى شـي بعـد ...
سعـــود بضحكـه :لاسلامتك ,,مـع السلامــه ...
ياســـر :مع الســـلامــه .....


================================================== ===



:ابغـــى الكــوره عطينــي كورتـــي عمتــو سالــــي ....
سالـــي :يالله روحــي هناك هــذي حقتـــي ...
اثيــر على وشكـ صيحــه :لاهذي حقــي ...
سالــي :روحــي زيـن خوفتينــي انتي وأبـوكـ هذي حقتـــي ...
أم عـادل :ياسالي يابنيتــي خلي البزر لعــوزتيهــا ...
سالي بملل :وانا عنــدي أحد غيــرها اتسلى فيــه ...
اثيــر :انتي دبا ماحبكــي ...
سالي :ماجيت اطلــب حبكـ ...
أم عـادل بحنان:اذا كنتــي ملانــه اطلعــي أنتـي وياها تمشـوا بالمــزرعــه ...
اثيـر:يالله بالسـرعه نطلــع ...
سالي :اذا بتقولين البســي عباتكـ مانـي بطالعــه ..
أم عادل :على راحتـكـ يابنيتــي بس انتبهــي من العمــال ...
سالي :انشــاءالله ,,قــوه اثيـر ..
اثيــر :قــوه ,,بنـروح عنــد البقــر ...
سالي :اصلاً أنتـي بقـره مايحتـاج نشـوف البقـــر انتي تكفينـا..
اثيــر :لا أنتــي بقـره كبيــره ...
وبعـــد مابعــدوا شـوي عن البيت ...
قالت سالي :اثيــر أنتــي دايم ساكنــه عنـد جدتكـ ابـوكـ مايجيكـم ...
اثيــر :لا من زمان ماجـانا اصــلاً هـــو من يوم تزوج ماعاد جانا ....
سالي :ول صــدق ماله خاتمــه تارك ابوه الشايب وامــه العجــوز ولايسأل عنهـم ...
اثيــر بقهــر :وتاركنــي انا بعـــد ..
سالي :اصلاً انتي من يبيكـ ...
اثيــر :ساااالي ...
سالي وهي تضحـك:الحقيني يالدبـا وراحـت تركض بعيـــد عنهــا......
سالي وهي تركض وتصــرخ :اناااااااحررررره لااااقيــــــود انا حــــــره .....



===================================

سالي بتردد :اثير احــس إن ابعــدنا وفيــه شي خطأ قاعديصيـر ..
اثير:لاتســوين عمـرك خايفه مولايق عليك الدور ...
طنشتهــا سالي مو ناقصــتها ...بــس للحيــن تحــس بالخوف فيــه شـي يسبب قلقهـا تحس أحد يتبعهـــم بــس هذا مستحيــل لأنهــم يمشـون بأرض جرداء وهــم مايشــفون أي احــد وراهــم لمتــرات كثيـره أجل وش سبب هلأحـسـاس ......
سالي بقلــة صبــر :حـنا لازم نرجــع أحس بالشـر يحوم حولينــا ..
اثيــر :ويه والله وطلعتي خوافـــه أنا دايم امشــي لحـالي وماحسيت بخــوف وأنتــي من أول مره خفتــي ...
سالي :أنتــي ماتفهميــن حنـا لازم نرجع لو صار لنا شي هنـا محد دراي عنـا ..
اثيـر بعناد :انا ماني راجعه بترجعين لحالك ارجعي ...
سالي :اوووووووف منـك والله أنكـ لصـقه هديل عندك ملاكـ ,..
اثيــر بقهر : مليون مره قلت لك لاتقارنين بهديل هذي حقتكـ ..
سالي :اصلاُ أنت تغارنين منهـا لأنهـا أحلــى منكـ ...
اثيـر :من قال أنهـا أحلـى منـي ..
سالي وهي تجلس علـى الارض :يكفـي أنهـا طالعه علي عشان تطلع احلى بنت بالبلـد كلهــا ....
وفجــأه جـاء دباب وبــدأ يدور عليهـــم وكـأنهــا نزل من السمــا ابد ماحســوا فيــــه ...
سالي صابـــها خــوف شديد كانت مصدومــه مــن اللي القاعد يصيـر
ومانتبهت علــى اثير اللي قاعدتراقب الوضع بلا مبالاه ويــوم شافت خــوف سالي ....
أثيــر بصــراخ : بــسسسسسسسس دوختنـــا ...
وقف وفصـخ خوذتــه ...
:يمــه عليهــاصـوت يخوف بلد ...
والتف بنظره علــى سالي اللي كانت تطــالعــه بغضب ويوم طاحــت عينــه عليهــا شهق بأعجــاب ...
وقال لأثيــر وهو ماشال عيــونه عـن سالي :مـن هـذي ..؟!
اثيــر :هذي عمتــي سالي ...
:القمــر هذي عمتكـ يالقـرده ...
سالي بنرفزه من وقاحتـه :عمـري ماشفت انسـإن بوقاحتـك ماتشوفنـا بنات لحـالنـا شدور عنـدنا ...
ياسـر وهو يتلفت وراه :افاااا الكــلام هـذا لـي ...
سالي :ليه شايف أحد غيرك هنا ..
ياســر:طيب ياحلو كل شي منك مقبول بس انتي هدي اللعـب...؟
سالي لأثيـر :أنتـي من ويـن تعرفيـن هالانسان الغثيث ...
اثيـر :هذا ياسـر ولد خالتـي ..
سالي :اهااا اللحين فهمـت ليه غثيث لأن مافيـه أحد بهالاسـم الا ودمـه اثقل منـه ,,واللحين ممكن تقولين لولد خالتك الغثيث يحـل عنـي ...
اثير ويدها على خصرها :الظاهر سمعت وش قالت حل عنها وحل عني بعد ...
ياسـر وهو ينزل من دبابه يوقف قريب منهم :طيب الحلـو موعاجبـه اسمي اغير علشـانه انا كلي فدوة عيـونه الحـلوه ...>>وكمـل قز بالسالي ..
تاملته سالي بقرف من مظهـره اللي كان مقزز البنطلون الجنـز اللي كان لابسـه كان مخـرق من كل مكـإن لو مالابسـه ابرك وقميصـه اللي يربط من تحت وبدون ازره وشعـره رابطـه علـى ورى وباذنـه كان حلق من الماس ...
سالي وكبدها لايعـه منـه:ليش مسوي بعكمـركـ كذا ...
ياسـر :ليه موطالع حلـو وخاصه هذا واشـر على اذنـه لاتقولين موعاجبك والله كلفنـي مبلغ قدره ..
سالي باستخفاف :لاحلـو مرره حلـو لايق عليكـ والتفت بتكمـل طريقهـا بس لفت عليه مره ثانيـه وهي تقول :مررره لايق عليك أسم ياسـر ...
ياسـر وهو يركب دبابه غمـزلها :اوصلكـم ترى حريف ..
سالي :لاريح عمـرك حالفـه ماركب مـع واحـد اسمـه ياســر ...
ياسـر بصـراخ بعـد ماتركوه سالي واثيـر :لاتقطعــون خلونا نشوفكـم ..
==================================
اثير وهي تلهث :امشي بركاد محد لاحقكـ ...
سالي :مالك دخـل فيني امشي بالطريقـه اللي تعجبنـي وبعـدين كل اللي صارلنـا من تحت راسكـ لو ماعاندتي وخليتينـا نبعد ماشفنا هالانسـإن الغثيث ,,ولا وسكتت فجأه وطالعت بأثيـر باتهام :لاتكونين متواعـده مـعه ...
اثيــر وهي فاتحــه عيونهـا علاخيـر :قليلـة أدب والله أعلم عليك جدتـي ...
سالي :والله أنا اللي بعلم عليك والله وطلعتـي بـلوه يالقزمـه تواعدين بعـد ...
انطلقت اثيـر للبيت عشان تسبق سالي وتخبـر عليهـا ....
لحقت فيهـا سالي بس سياره طلعت بوجها فجـأه ويوم بترجع على ورى تعثـرت وطاحت على ظهرها وقفت سالي بسرعه وصـرخة بمفأجـاه :أحمــد ..
احمــد وهو يفصخ نظارتـه ويطالعها بوقاحـه:ايه أحمــد وش فيك متفاجئه معقـوله أعرف انكـ هنا ومامر اشوفك...
سالي وهي تحاول تغطي جسمها وجههابطرحتهـا اللي ماتغطي شـي ممكن تطلع قدام أي أحـد الا هالمتوحش اللي تدري انه متولع فيها ومن سنين :خيـر وش تبـي؟؟ ...
أحمــد وهو يجلس على مقدمة سيارته:الخيـر بوجهـك بس لاتفكـرين نفسك بيتكـم وبتطردينــي ...
سالي :ماتفرق بيت عمتـي بيتي ...
أحمــد :وبيت خالتـي أنا بعــد لاتكـونين ناسيــه يابنت العمــه ...
سالي :وأنا أقدر انسـى الحظ العـاثر اللي يربطني فيكـ ...
وتوها بتمشـي تدخل للبيــت وقف بوجهـا :محلـوه حبيبتــي ...
سالي :صدق أنك قليل حيـا لاتنسـى أنك متزوج ...
أحمــد بألم :وانتي تزوجتـي بعــد بس للأسف ماعرفتـي تختاريـن ...
سالي :ماطلبت رايك أنا اتزوج اللي يعجبنـي،،وعضت على لسانها انا وش قلت ..
أحمــد بطريقـه وقحـه :وعاجبكـ هالياسـر ...
سالي :عاجبني ولاموعاجبنـي الامر هذا مايخصكـ ...
أحمـد :ماحزرتي حبيبتـي أنا كل شي يخصك يخصنــي ,,بـس ودي اعرف وش اللي بياسـر ومو فينـي ...
سالي :علــى الأقــل حلال تنقال له كلمـــة رجـال ,,واسرعت تدخل للبيت قبـل مايستوعب أحمــد اللي قالتــه ...
دخلت للبيت وقفلت الباب بعـدها وركض على غرفتهـا كانت تحس قلبهـا بيوقف من الخــوف كانت واقفـه مع أحمــد برى ولحـالهم محد يتصـور حجم الخطـر اللي كانت فيه بس هي تدري والمصيبه أنهـا تدري كانت تظن أن أحمـد انتهى من حياتهـا بس الظـاهر مكتوب عليهـا الشقى بهالحيـاه تهرب من ياسـر عشـان تطيـح بأحمــد بس ياسـر غير هـي معه بأمان مهما حاولت تنكـر الكلام الي قالتـه عنـه لأحمــد صدق وطالع من قلبهـا لأنه الحقيقـه الي مهما حاولت تنكـرها ماتقـدر بس هذا مايغيـر أي شـي ياســر كان ولايزال وبيظل ألد اعـدائهـا هو الوحيـد اللي قـدر يجبرها علـى شي ماتبغـاه بس ماقصـرت فيه ورتـه الويـل كلهـا كم أسبـوع وتسمـع أنه طلقهـا وترجـــــع اما قبل الطـلاق فمستحيـل ترجــع وخصوصاً انها هاربـه منـه كيف ترجـع وتزوجـه هذا الجنون بعينـه ,,تاففت يوم سمعـت صوت عمتهـا تناديها من تحت ...
جت بتنزل لها بدون عباه بس تذكـرت أحمـد يمكـن يكون تحت ولبست عباته وتلثمت ...
ومثـل ماتوقعـت كان جالس تحت ويطالعهـا بنظرات كلها غيض وقهــر شكلها احرقت دمـه بكلامهـا ذاك وشي ذا يسعــدها بس يخوفها بنفس الوقت لوكانت بين اهلها كان ولاهمـها بس هنـا بعرين الاسد وتحرش فيــه ...
سالي بدلـع :خيـر عمتـي ناديتينـي ...
أم كايد :ايه سلمـي على احمــد ولد عمتـس وروحي سويلنـا قهــوه ..
سالي بدهشه :أحمــد ميــن مادريت أن لي ولد عمــه اسمــه أحمــد وبعــدين ونعمــت صوتها الزياده :تعرفين أني ماعرف اسوي قهــوه ولاأدبر شـي بالمطبـخ
تبغيــن أحمــد ولد عمتـي يضحـك علــي ..وضحكت بميوعه وهي تطلع مع الدرج ..
اما احمــد الله لايوريكـم حالته تصعب علـى الكافــر مـع كل اللي تسويه فيـه الا أنه يحبها وموقادر يفهـم أنه خسرها وللأبـد يحسهـا تتلذذ بحرقـة دمـه ست سنين وهو يركض وراهـا مليون مره خطبها وهي ترفضــه علـى قد مايحبهـا
يكـره غرورهـا اللي ذابحــه صح معهـا حق تشوف نفسهـا بس موعليـــه ظن انه بزواجـه من غيرها بيجرحهـا ماتوقع انه لهادرجه مايهمها وصدمـة عمره كان زواجهـا كان يحسبهـا بتظل على موقف برفض ماتوقعها بتوافق علـى أحـد بس الظاهر ماكنت فاهمها زين ...
رجعت للواقع على صوت خالتي اللي كانت تسولف علي وانا خبـرخير ...
أم عادل :هاه يمه ماقلت لي وش اخبار مـرتك مافيه شي بطريق ..
أحمـدبنرفزه :لا ولاأتـوقع انا خلاص بطلق سعـاد ...
أم عـادل :وراه ياوليـدي ليه تطلقهـا وش شفت على بنت الناس ...
أحمد :حياتي معها ماتنطاق خالتي أنا ماواطنهـا تزوجتها بس عشان أمي ولا أنا مابغى غير وحده واتوقع تعرفينهـا زين ...
أم عادل :ياحسرتي عليك ياوليدي خلاص انسى البنت تزوجـت وانت متزوج حافظ على بيتك لاتهدمه بيدكـ وبنات الناس مولعبـه ولاتنسـى تبيـع اللي باعكـ
لاتهين نفسك ياولدي أكثر من كذا ....
احمــد:خلاص انسـي ياخالتي اللي قلت لكـ ولاتجيب لأمـي طاري فيـه ...
=======================================
من وفاة أختهـا وهي حابسـه نفسهـا بحجرتهـا وتستـرجع ذكرياتها معها حتـى المـلابـس صارت تلبـس من مــلابسهــا وقبـل يوميــن شافـت بيــن اغراضها دفتــر غريـب الظـاهر حق مذكــراتهــا اليوميـــه واللحيــن وهي تقــراه بدت ينشــد انتبـاها لحــدث معيــن صدمهــا ...
ذاكـ اليــوم كـإن أجمــــــل يوم بحيـاتي يوم التقيــــت بحبيـــب قلبــــــــي خلـــودي
الصــدفـه هي اللي العبــت دورهـــا بينــــا كنــت الصبــح نازلـــه بروح للجــامعــه يوم فتحـت باب شارع تذكــرت إن مامعـــي فلــوس تركتــه مفتــوح ورجعـت بأخــذ من أمـــي بس غيـــرت رايي يوم شفت باب الديوانيـــه مفتــوح اكيد فارس نايم فيها ,,وفعـــلاً لقيتـــه نايــــم فيهــا وكـإن متغطــي والمكيف مقفــل وحالتـــه حالــه ..بديت اهــزه فارس فارس اصحــى ..فارس اصحــى عطنـي فلــوس بسرعــه بالروح على الجــامعـــه ...
فالبدايــه كنت اصحيــه بهدؤ بــس بعــدين مليت منــه ياهو ثقيــل نــوم صــرخت عليــه وأنا اجر اللحــاف :فااااااااارس اصحــى تكفــى عطنـــي فلوس باللحــق علــى المحاظــره ...
وهــو بدأ يشــد اللحاف منــي انا اشـد وهو يشــد وبالأخيـــر
صـــرخ بعصبيـــه :اناخالــد مــو فارس وبوكـــي ماهــــو معـــي ...
اللحــاف كـان بيـــدي يــوم فقت من الصــدمــه وخالد كان يطالعنـــي بأعجــاب واضــح فلحظـــــه بــس حسيت إنـــــي موعلــى لأرض طايــره بالسمــاء من الســرعه اللي كنت اركض فيهــا وماوقفت الاوانا بغــرفتــي لاجـامعه ولاهـــم ...
جلست ارتجف واتصبب عــرق من الفشلـــه ياءالله وش هالموقف المحـــــرج بــس أيـــــش كان خلــودي عــذاب بجـــد عمــري ماشفت بجمــاله حتــى وهو توه صاحــي من النــوم ومعصــب برضــو حلـــو بذاك اليــوم تضــايقت مـــررره من الموقف اللي صار معـــه واللــي قهــرني اكثــر بأي حـق هو يعصــب علــي ,,ومــع الايـام برد غضبــي وتحــول لشــوق مدمـــــــر ......قفلت رحـاب وهــي ترتجف:تحــب أختــي رغــد كانت تحــب وش قصـدها بالشــوق مــدمــــر عشان كــذا تغيــرت رغــــد بــس الكـــلام ذا بتـاريخ قبل سنــه ونــص يعنــي موشوقهـا له هو اللي غيــرها فيـــه شـي ثانــي ورى تغيــرها ياتـرى خالد له عــلاقـــه فيـــــه ..؟!
الايــام كفيــــله تجــاوبكـ يارحــاب تـــــوكـ بدايـــة الطــــريق ..!!
===============================

===============================
كـان طالــع من واحد من المحــلات بالســوق يــوم سمـــع صــوت ينادي باســم هــــزه من اعمــاقــه..؟؟(.. صـــدفـــه تـــذكــرتــكـ و أنــــا مــــانــي بــنــاســيــكـ ..
و اشــتــقــت .. لأيــام ٍ بــها كــنــت ويــاكـ .. ذكــرت حــلـم مـــات..و أحــيـاه طــاريــكـ .. و حــب ٍ غــد مــا بــيــن هــمــكـ و ذكــراكـ .. لــيــتــكـ تــشــوف الــلـي مــن الــنـاس يـغـلـيـكـ .. مــسـجـون بــأســوار الــزمـن كــيـف يــلــقــاكـ ..؟؟)
سمـع صوت رجولـــي ينـادي :سالــــــي سـالــــــي تعال هنـا حبيبتـي ...
جلس يتلفت زي المجنــــون سالي أكيــد انا سمعــت أحــــد يقــول سـالي مأتخيـل متأكـــــد ....
أنت متـأكـد بس الي فاتكـ إن فيـه مليـون سالي غيـر سالي اللي ماخذه عقلكـ ..
بلـع غصتــه يوم شاف الرجال اللي كان ينادي سالي شايـل طفلــه تبكــي يعنـي هذي سالي ...
طلع ياســر وركـب سيـارتـه وهو يحـاول يرجــع قـوت باسـه اللي انسلبــت منــه فــي لحظـة ضعــف والمفـروض هــو بذات مايضعــف اهملــ شغلـــه وبهالاهمــال خســر كثيــر واهمهـا هيبتــــه بين الموظفيـــن اللي صاروا يتكلــمون عنــه وانه ماعـاد ياســرذاكـ اللي ينحسـب لـه ألف حســاب وهــم فعـــلاً صادقيــن وأكبـــر دليل التسيب اللي قاعد يصير بشركته وهــو غافــل عنــه ..
والتـــلاعب اللي صـار بالمنــاقصــه الاخيـر الكلام هــذ لو وصـــل لأبــوه ولالــواحد من مجلـــس الاداره أكيـــد مو بصالحــه عشــإن كـذا لازم يرجــع ياســر القــوي اللي مايهــزمه شـــــي وابتــدأ من هاللحضـــــه أولـ شــي بيســويه من بكــــره بيــروح للشـــركـه قبل الموظفيـــن واي واحــــد منهم يتأخــر منهم بيخصــم منــه راتب شهـــــرين وهو عـارف اللي بيتـأخــرون كثيــر وبينزل فيهــم ابشــع العقـــوبات بيرويهـــم ياســر اللي مافي قلبـــــه ذرة رحمــــــــــه ....
انتبــه علــى بوري السياره اللــي وراه يـوه اناوش موقفنـي هنا والاشاره خضـراء صدق إنــي موصاحـي أخاف بكـره امشــي واكلــم نفسي ابد حالتــي موطبيعيــه ...
===================================
(شفت البشــر لوكلهــم يرخصـونكـ ..! الله عليـكـ بداخـل القلب مغلاكـ ..اشتقت للكـ واشتقت لسمك ولونك..!! واشتقت لمعاندك واشتقت لرضـاكـ..!
لوقلت وش صار جنت جنونكـ ..!يمكــن تــقول اني مبالغ بفرقاكـ ..!
ودكـ تعـرف شلــون عايش بدونـكـ ..!! لو قلت لكـ يمكن تجينـي من اقصاكـ ..!
تبي تعرف شلون سكــر عيونكـ ..!
سكــــرتهـــا ..؟.. هذي حيــاتـي بليــاكـ ..
شفــت الظــلام اللي تشوفــه بكـونكـ ..!!
يزولـ كلـهـ لاصــرتـ وياكـ ..!!)
جلســـت تقــرأ وهـــــج المســج اللي جـايـ من رقــــم غــريب على جوالهــا (جــوال السالــي اللي تركتـه عنـدهـم ) باستغــراب معقــولـهـ مقصـــود ولاغلطــانيـن ...
طلعــت من الغـرفـه وقابلت جنــى عنــد الدرج وهــي نازلــه ...
بدت بالكـــلام :وينكـ من يوميــن ماشفتكـ ...
جنــى بعــدم مبالاه وهي تنزل معـها بالدرج :ليـه انتي طلعتي من الغرفه عشان تشوفيني ..؟! بعـديـن انا لي عذري جالسه على النت انتظر النتـائج انتي وش عذركـ ..
وهــج بألم :عــذري إن توأم روحــي غايبــه ..
جنــى :والله انك معطيه الموضوع اكبر من قدره ,,انا وانتـي وكلنـا عارفيــن إن سالـي عايشـه حيـاتها ولاسألت عنــا يعنــي ماله داعـي تعـذبنــي عمــرك بالخــوف عليهـا ...
وهــج بتطنيـش :طلعت نسبتك ..؟!
جنــى :لالســى اوف كل يوم يزيد قلقي عن اليوم اللي قبله ...
وهــج : الله يوفقك بعــدين انتي دحيــحه ماينخــاف عليكـ ..
جنــى جلست علــى الدرج :شفتــي وش ســوى ناصــر بسـامي الدب ..
وهج باستغراب وهي تجلس جنبهـا :لاوش ســوى ...
جنــى بضحكــه :ساجنــه من يومين بالملحق ...
وهج :ليـش وش مســوي الدب ...
جنــى :بعــد ماخـذ نتيجتــه من المدرسـه يوم الاربعـاء طلــع مع شلــه خربـانه ويفحطــون ومسكــوهم الشرطـــه ...
وهـــج :اجـل يستـاهل اللي جـاه ,,مافيــه اخبـار عن السفــره ..
جنــى :يـــووه ويــن عايشــه أنتــي خلاص ناصـر قدم علــى اجــازتـه السنــويه ومــزهب كل شــي عشـان نســافــر ..
وهج بغصــه :لامستحيــل وسالي ,,انا مستحيــل اسـافر بدونهــا ..
جنــى :اوهو علينـارجعنـا على طيــر يلــي ياحبيبتـي ياماما سالي خــلاص بح انسيهـا بعـدين ماشفتهـا قالت انا مستحيـل اهـرب من دون وهــج طويلـة العمـر اخذت شنطتهــا وودعــت ولاكــن لنـا أي قــدر عنــدها ياختـي ماقــدرت ابــوها وامهــا بتقدرنـا حنـا ولاامــي اللي كل يوم وثـاني يزيد خوفهـا عليهـا وهــي تلقينـها ألفــرحـه مو واسعتــه بعــد ماحققت حلمهــا بالحــريـه ...
وهـج :جنــى وبعــدين معكـ انا ماسمح لك تكلمين عنهـا بهالطــريقــه ..؟؟
جنــى بوقاحـه :ومن انتي عشان تسمحيــن لي اولا تراكـ مره ماخذ بعمـركـ مقــلب ........
رجعــت وهــج لغــرفتهــا وهــي مجــروحــه وحزيــنه لاقصــى الحــدود حتــى أنتـي ياجنــى موحاســه فينــي آآه يالنــاس حســـو فينـــي انا أعــاني لـوعة فــراق اعــز ناســـي ليــه تحسبــون سالي شــي سهــل عنــدي انا ماتحمــل والله مأتحمــل بعــدها... ليــه ياسـالـي ليــه ..؟ ارجــوك ارجعـــي لــي مــن بقـــى لــي بعــــدكـ ...
(..رحلت ومن بقى وياي .. يحس بضحكتي وبكاي .. وحتى الجرح في بعدكـ ..يعزيني وأهلي به .. أنا من لي في ها لدنيا .. سواك ان طالت ألـغيبه .. فقدتــــكـ يا اعز الناس .. فقدت الحب والطيبة...)
===================================

جالســه بملل مالــه حـدود وبـداخلهـا تردد :اللهــم طولكـ ياروح متـى هالعجـوز بتعتقنـي من نصـايحهـا ياربــي مقـدر اتحمـل اكثــر اخـاف افقد اعصـابي واغلط عليهـــا ...
سالــي بعــد مافلتت اعصـابها :عمتــي خلاص فهمــت والله فهمــت أنا غلطـــانه زيــن كــذا ..
أم عادل :وش اللي زيــن باللي سـويتـيه أنتـي ابـد ماتحشميــن ..
سالــي بعجـرفــه :لاتحـاسبينـي حاسبــي اللي ربانــي ..
أم عادل بذهــول :هذا كلــمه تقولينها ياقليلة الخـاتمـه ...
سالــي :اووووووووووف وبــعدين معـاك عمتــي مو عشان انا ساكنــه عنـدك تسمعينــي كل ساعــه كلام يســم البـدن ...
أم عادل :تــرى حركاتس ذي ماتمـر علـي انا عارفـه ليش تسويــن سـذا .. انا مانـي وخيتـس اللي تراعـي خاطــرس احـلف لس بالله ياسـالي أن ماتعــدلتــي لاهالعصـاه تعـدلتـس ...
سالــي بعبط:افااا عمتــي واهــون عليك انا سالي دلوعتكـ ماتــوقع انا عارفـــه إن هالكـــلام طالــع من ورى قلبــك ..
ناظــرت أم عـادل بنت اخـوها وهــي عارفــه انهــا موقاويـه لهـا فاحسـن شـي تسـايرهـا :لامـاتهونيـن علــي وانا أمــس ...
قالت سالــي :اجــل بطلــع انا واثيـــر مع الســواق مشــوار قــريب تأمــريـن علــى شـي عمتــي ....
أم عادل :وين بتروحيـن بهالليـوله ...
سالـي :قــريـب وكلهـا نص ساعــه وراجعيــن ..
أم عادل :يابنيتـي الشـارع هـذا بالليـل يخــوف والحوادث عليـه كثـرانـه ...
سالي وهي توقف :لاتخـافين عمتــي موبصـاير شـــي ...
ونادت علــى اثيــر تجــي وتجيب عباتهـا معهــا ...
أم عادل بخـوف :انتبهــي لهــا ولاتبــعـدون ...
سالي وهـي تلبس عبـاتها هزت راسهـا باوكــي وهــي بداخلهــا تصبــر نفسهـا على الموقف اللي انحطت فيه مالقت الاتسكـن مـع هالعجــوز اللي مسببـه لهـا قلق ...
بالسـيـاره سألــت اثيــر سـالــي :ويــن بنروح ...
سالــي :بنــروح لدكــان وباشتــري منــه كل اللي تبينــه بــس قبــل اوعــدينــي ماتعلميــن أحـد باي شــي يصيــر معنـا ...
اثيــر:ليــه وش بيصيــر ..؟
سالي بانفعال :اثيــروه انا ماحب هالتحقيق ولامـره ثانيـه اطلـع وماخذك معــي ..؟
اثيــر بســرعـه:لاخــلاص موسألــه عن شــي آخــر مره ...
طلبــت من الســوق يوقــف عنــد اقــرب محطــه صادفتهــا ونزلت لدكــان اخــذت جوال الهنــدي اللي كان سـوا وادفعــت له مبلغ وقــدره هــذا بعــد ماتركــت اثيــر تشتــري اللي تبيـــه ....
جت بـالدق علــى بيــت اختهــا بــس بعــدين غيـــرت رايهــا لازم ماتضعف هــي جايــه لامــر محدد بتنفــذه مالازم تنــدفع بعــواطفهــا ...
دقت الرقــم اللي كانت حافظتــه عــن ظهـرقلب لأنــه مميــز وبسهـوله ينحفــظ ...
رننننننننننننننننننننننننننننننننننننننننننننننننن نننننننننننننننننننننننننننننننننننننننننننننننننن ننننن
ليــن قال بــس ومارد اكيــد ماراح يــرد دام متصلـــه من هالرقــم المعفن مايتنــازل طال عمــره مايرد الا علـى الارقــام الملـوكيــه ..
رجعــت تدق مــره ومــرتيــن وثــلاث لاااا مستحيــل موسالي اللي يلعــب فيهـا الحظ والله لو اجلــس اتصـل عليك لين الفجــر بترد يعنــي بتـرد بــس لو قفلــه،،ناظــرت لاثيــر اللي جت ووقفت عنــدها،،لامـوقتكـ أنتــي الثانيــه ..
سالي :خلصتــي اثيــر ..
اثيــر :ايه اصلن ماعنـدهم شــي وجــه فقـر ..
سالــي بتصــريفه :لادوري زيــن وخــذي أي شــي تصادفينــه موبـس أكــل عشـان بكـره انا وياك نكشت بالمـــــزرعــه ..
تنهــدت بالراحــه بعــد ماراحــت ورجعــت للجوال يوم شافت مافيــه شبكــه يالله عاد تكفـــى مو وقتك تعـاند أنت الثـانــي وحاولت لين مسك معهــا .....
بــــس برضــو مارد،،بعـــد ماقطعت الامــل إنــه يرد،،جات بترجــع الجـوال للعــامل كانت مادتـه لــه يوم دق توقعت الاتصــال للعـامل بس بطرف عينهـا لمحت الرقم وهــي لافــه ورجعــت الجوال قبـل ماتاصـل لـه يد العـامل وابتعـدت عنــه عشـان تــرد ..
ياســر بصــوت هادي :الووو
سالــي بميــوعــه :مســاء الخـيـــرررررر (وارتكـت علـى الراء )
ياســر باستغــراب :خيـــر ..؟
سالــي :افا ماعــرفت صــوتـي ...
ياســر وهو يغالط نفســه :لا ماتشــرفت بمعـرفتك خلصينــي وش تبيــن ...
سالي بتريقــه :فيــه احــد مايعــرف صــوت اللـي جافى النـوم عينــه من بعــده ...>> قالتهـا عشان تغيظـه مادرت انها الحقيقه ..
ياســـر: بالمــره مصــدقــه عمــرك خلصينــي وش تبغيــن متصــله ..؟!
سالــي باستخفاف:مابغــى شــي بس مشتـاقــه لصـوتك وحبيت اسمعــه فيهــا شــي ..
ياســـر بصـراخ :سالــي ياتكلميــن بأدب ولاتــرى بقفـــل ...
سالــي :ترى ابــي اذنــي مو مستغنيــه عنها,,,بعـــدين ابــــي تحــول على حســابــي فلــوس ...
ياســر بضحكــه قويــه :مالعبتيهــا صح ياحلــوه ولوحاولتــي تصـرفيـن من حسابك بتلقينــه زيــرو لأنــي سحبت منــه كل هلله فيــه ,,وبمأنــك فلستـــي فأحســـن شــي ترديـــن لأهلــــك ...
سالــي بعـــدم مبالاه :مـومهــم مردك بترجعــه وعمــوماً أنا موجالســــه بالشـارع عنــدي اللي يصــرف علــي ....
ياســر بصــراخ :عنــدك اللـي يصــرف عليك وين ساكنــه ياكـ.......
سالي بضحكــه قـويــه : تسألنـي وينــ ساكنــه أكيــد بقلبك حبيبــي ..!!
،،شفت كيف نسيتنــي ليش متصلـــه...
ياســر بهدوء :ماقلتــي لي ويــن ساكنــه ..؟!
سالي : اللحيــن انا هربـانه منكـ عشــان اعلمك ويــن ساكنــه،،وعشـان تغيضــه :ومـع ميــن ..؟!
ياســـر بنرفزه :قســم بالله ياسالــي أن ماعقلتــي وقلتــي وينكـ ,,لعيشكـ باقــي حياتكـ بنــدم ...
سالـــي :مره خوفتنــي تصـدق واللحيـن بعطيـك عنـــوانــي الجديـد ,,وباستهبــال :تصـدق ياســر خلص شحنــي ارسلــي شحن ...
ياســر بقهــر :اصلاً انا اللي ماتصــل عليك ...
سالي انفجــرت بضحك :تصــدق نسيت كنت بلعب عليك ...
ياســـر :خلصينــي قولــي وينكـ ...
سالـي :اللي يسمعك مزعجنــي وينكـ وينكـ ..؟! يقــول مــره ميت علــي وذابحـك فراقــي ..
ياســـربعــد مافقـداعصـابـه :ساااااااااااااااااااالي ...
سالي بدلع :لاتصــرخ علــي ولأازعــل وماعـاد اتصـل عليك ..!!
ياســـر :.............
سالي :يقولون السكــوت علامــة الرضا يعنــي ماتبغانــي ادق مــره ثانيـــه ...
ياســـر ماجاوبهــا بالكــلام جاوبهــا بالطــريقــه صـدمتهــا،،قفــل بوجهــــا ...
سالي جلست تناظــر بالجــوال بالدهشــه بعـــدين جلست تضحــك وشاركتها الضحكــه اثيـر اللي سمعت نص الحــوار ومو فاهمـــه شــي ...
سالي لأثيــــر :يالله نرجــع تأخـر الوقت ,,وين اللي اشتريتـــي ...
اشــرت اثيــر على كيستيــن ماتروست بكـل مالذ وطاب ...
=================================
(...مابيني وبينك مشاريه وعتاب ..شف دربك اللي جيت منه تدله ؟! ...ما راح تغلبني لو الحب غلاب ..من حضرتك...؟ عشان قلبي تذله... خلاص لا ترجع .. ترى خاطري طاب...الخاطر اللي كنت عايش بظله...رح واعتبرني واحدن أذنب وتاب...ماني بثوب تلبسه ثم تمله...ما يجتمع بالحب صادق وكذاب...رزقي على الله وأنت رزقك على الله...)
دخــل ياســر لغــرفتــه بعــد ماكان جالس بالبلكــونـه اللي كان يكلـم فيهـا سالي،،
تتشمتين فيني ياسالي معكـ كل الحق إستــاهل كــل اللي جانــي منك الغلطــه غلطتــي من البـدايـه انا اللي دخلت نفسـي بكـل هالدوامــه المفروض انتقــم منك ورد كرامتــي بس اللي صار انك مرمطتـي كرامتـي زيـاده بس صدقينـي هذا آخــر انتصــاراتك ...
رجعــه للواقــع نغمــة رسـاله ....<يســوري لاعاد تتصــل علـى هالرقم لأن اللي بيـرد عليك مو من مقامك ههههههههههههههههه زيــن حبيبــي ولاتنســى الورقـه والله اشتقت لأهلــي زين قلبــي >
انفجــر ياســر ضحك يوم قرى الرسالـه :لاحبيبتــي الورقــه هذي بتــكون من احــلامك بيشيب راسكـ وانتــي اتمنيهـا ...
==========================================

يمــه صدقينــي سلطـإن رجال كلن يتمنــاه زوج لبنتـــه ...
أم ناصــر بضيق :بس موذا اللي سمعته عنه ,,, وكأنه مو اللي تكلم عنه اللحيـن ..
ناصـر:ذا كان زمان تهـور شباب واللحيـن تغيــر بعـدين لاتسمعين الكلام اللي ينقال عليه
الناس ماترحـم ..
أم ناصـر :إنا مو مزوجـه بنتي لحيا الله واحد بعـدين أختك يتميـه ياناصـر لترمي لأي واحد بس عشانه صديقه ...
ناصــر :شفتـي انتي قلتيها صديقي يعني اعرفه زين وصدقيني يمه انا مستحيل افاتحك بالموضوع ذا لو ماكانت واثق من سلطــإن ...
أم ناصـر :وبندر ولد عمك وش فيه يوم موراضــي فيـه ...
ناصـر :بندر مافيه شي بس المشكله بمن أبوه أنا مستحيل احط يدي بيد عمــي اللي ظلــم ابوي بحياته وبموتــه ,,بعدين سلطان طالبها قبلـه ...
أم ناصــر :بـس عمـره كبير بنـدر انسب لوهج منــه ...
ناصــر :بنــدر هذا شيليه من راسكـ ماقدامك الا سلطان اذا وافقتو عليه كان بهـا اما بنــدر فمستحيـل ..
أم ناصــر :امري لله اشاور البنت وانشـوف وش تقول ..؟
ناصـر :لايمـه خليها بعـدين وهج للحيــن تفكـر بالسالي خلي لين الموضوع يهدى وكلميها وحاولي تقنعيها تكفين يمه والله سلطان ماينتعوض ...
أم ناصـر بمكر: وش كل هالحب لسلطان لايكون واعدك يعطيك أختــه ...
ناصـر :ياليت بس سلطان ماله خوات كل خواته متزوجات ...
أم ناصــر :بس بنات الناس ملي البيوت ..هاه وش قلت يمـه ادورلك بنت الحلال ...
ناصـر :يمه أرجوك قفلي على هالموضــوع لوبغيت اتزوج انا بطلب من نفســي ...
=======================================
(..ليت الدمع ترد من كل غالي والله لاذرف دمعي العمر كله يهون ظلم اليالي لو كان يرجع أو يعود لمحله..)
آآآآآآآآآآآآآه يارغـــد وش سويتـــي بحيــاتك ليــه دمرتـي نفسك بنفسك لا مو رغــد السبب,,,خالــد هـــو السبب أيــه خالد سبب عــذاب أختــي بأيامهــا الاخيــره خالد هــو اللي ذبــح أختــي هــو اللي خدعهــا المجــرم الخسيس صــورتــه كانت بيــن اغراضهـا أكيــد انهـا حبتــه من قلبهــا هو الخـاين غدرفيها كلــمة قبيح شــويه عليــه ابشع منــه ماشفت مادري وش اللي شافته رغــد فيـــه ودمــرت حيــاتها عشـإن واحــد تافــه مثلــه ,,الله يرحمـك يارغــد ويغفـرلك علـى اللي سويتيه بنفسك موتك كان رحمــه لك من الفضيحــه اللي كانت بتطولك بسبب هالخسيس الله يجـازيه على اللي سـواه فيك ويشوفه بمحـارمــه يارب ...
ضمت صورة رغــد اللي على مكتبهــا للمــره الثانيــه يأختــي حقك بأخــذه وبنتقــم لك من اللي عذبك ونزل دمــع عينــك ...
حتــى لوكانت غلطتــك من البدايــه بنتقــم لك وبذوق اللي عــذبك من نفــس الكـأس ..
=============================