الشاعر تركي بن عطا الله الميزاني/ قصائد صوتية , كتابية

الشـاعر تركي بن عطاالله الميزاني المطيري

== ظاهرة الشعر ==




الشاعر الذي قلب الطاولة على كبار شعراء المحاورة فأصبح المطلب الأول لمكاتب الشعراء و أصحاب
الحفلات ومحبي المحاورة..فـ بقوة لفظة وجمال شعره وحسن خلقه استطاع من خلال استفتاء على
شعراء المحاورة بالتعاون مع مكاتب الشعراء بمناطق المملكة الغربية والشرقية والوسطى والشمالية
والجنوبية في مجلة فواصل ونشرت ذلك في عددها رقم 14 الصادر بتاريخ 15اكتوبر الماضي 2004
م.. و ركز الأستبيان على الشعراء الأكثر طلباً وتفوق الشاعر وفاق الجميع بثمان نقاط،
كما شمل كذلك الحفلات الأكثر مبيعاً. وهذا دليل واضح على مدى شعبية شاعرنا الشاعر تركي الميزاني
الذي لن ينتهي الكلام لو تحدثنا عن موهبته.. ولكن لندع موهبته تتحدث عن نفسها.

تركي عطالله بن شامان بن سميليل القحم الميزاني العوني العبدلي المطيري نشأته:ترعرع ونشأ في
قريه الشامانيه قريبه من الجياسر وهي منطقه تتبع لثرب وثرب والجياسر يقعان شرق مهد الذهب ب
150كلم تقريبا...وخواله من السماليل من القحومه....وله من الأخوة 8 أفراد وأبيه متزوج من أثنتين،

البارحة

(للتحميل)
اضغط كليك يمين واختار (حفظ الهدف بإسم)



البارحه جتني همومي طوابير
وتمركزت بين الضلوع الحنايا
وعن عالمي ودتني لعالم الغير
واستبدلت غير النوايا نوايا
واخذت مع هاجوس بالي مشاوير
بين الصواب المعتبر والخطايا
مذهب ولا جتني علوم التباشير
وصكت علي من جميع النحايا
ياوقت من يامن سهوم المقادير
لا بد من فوقه تجر الحدايا
صبرت مير الصبر ماعاد به خير
والوقت لوعاته تبذ الخفايا
واقلبي اللي فيه مثل المناشير
وصارت عروقه من همومي ظمايا
اردد الونه من عصير لعصير
واخذ على روحي لروحي وصايا
وان كان خلي عنه ماخبر الطير
وقفوا عليه اهل السطر والحمايا
ماني وانا ابن مطير لاعدوا مطير
من لا يوردها حياض المنايا


تركي الميزاني

عيون السحاب

(للتحميل)
اضغط كليك يمين واختار (حفظ الهدف بإسم)


مابين توديع اللقاء الحاضر وتقبيل الغياب
قضيت ليلـي بيـن حرمانـه وهمـه وسهـره
اناجي سدول الظلام العتم وعيون السحاب
واحاول انسى ماحصل في نظرتي واستصغره
تاهت مسافاتي وطالت لوعتي والراس شاب
والوقت مايرحم يـا لونـه يزيـن مظهـره
ياغاية المقصود من قال الخطا مثل الصواب
اعرف من اللي يكسر العظم ومن اللي يجبره
طيشك ونكرانك ترى ماله سؤال ولا جواب
عندي وقلبك عـن كلبشاتـه يعلـم مخفـره
لو تدري ان الصد يافتان نوع من العذاب
قدمت لي عذرك ميـة مـره وقلـت المعـذره
ياكثر ماظنيت فيك وكل ظن فيك خاب
في كل ليلـه سيـف لوعاتـك بوجهـي تشهـره
ماهو مهم ان زاد جرحي جرح والا منك طاب
ترى المهم انك تعرف الميمنه والميسـره
ان جيت ياخلي فتحت الباب لك عشرين باب
وقدمت لك في كل خطواتك ورود معطـره
وان رحت ما لك عندي الا كلمتين في كتاب
انا الذي ما تنزل دموعه علـى فرقـا مـرآه


تركي الميزاني

العاشق المعشوق


(للتحميل)
اضغط كليك يمين واختار (حفظ الهدف بإسم)



هلابك مرحبا بك ياخيال العاشق المعشوق
هلابك ياجروح العاشق المعشوق ياطبه
هلابك يالنسيم اللي يواسي قلبي المحروق
واكررها هلابك ياعذاب القلب ياحبه
انادي طيفك الساري وفي قلبي يزيد الشوق
واسافر في بحر حبك من الشاطئ الى الغبه
اريدك ياسحابه دام في خيالك رعد وبروق
تهلين المطر الين طير الورد يطربــــــه
انا عطشان في صحراء الضماء واعجز عن المنطوق
عسى طيفك يوردني غدير المي واشربه
بلاش تعذب اللي صار حبه بالعهد ماثوق
سنين طوال وانته تعذبه والقلب تلعب به
على حبك قفل قلبي كما يقفل الصندوق
وقلبي مقتنع باللي يجي مقسوم من ربه
تحملت العذاب اللي يسوق مع الضماير سوق
عذاب لو يجي غيري من العالم يغيبه
يقولون المحبه شجرة خضراء بدون عروق
وانا اقول المحبه سيف وراعي العشق يضربه
احبه والمحبه ماتباع وتشترى بالسوق
مكاتيب من المعبود والمخاليق تكتبه

تركي الميزاني

بيوت القصايد


(للتحميل)
اضغط كليك يمين واختار (حفظ الهدف بإسم)


احتار فكري في بيـوت القصايـد
يوم الورق رحب بها فـي ملفـه
وقعـدت انـا ويالبيـوت انتكايـد
كلن يبى معنـى القصيـدة يزفـه
واخترت والابيات قامـت تعايـد
لين الورق صابت سطوره مخفـه
ومن الضماير قاد الاسـرار قايـد
والعيـن عيـت دمعهـا لا تكفـه
والجرح سد الجرح والهـم زايـد
والقلب هجـوس الضمايـر يلفـه
انـادي الغيمـه وارد النشـايـد
واعتب على طيف الخواطر واحفه
واقول مهما صاد الاضلاع صايد
طبع الفتى ياصل مـراده وشفـه
واصبر وكن القلب بالنـار جايـد
واقول يامن تولع الضـوء طفـه
لا عاد تحرقنـي بجمـر الوقايـد
ارسل حنان العين والرمش صفـه
وارسم حروف الحب بين القلايـد
باللؤلؤ والمرجان والسـر خفـه
وان كان تعذيبي كسب لك فوايـد
اليا بقـى تعذيـب للقلـب وفـه
مجنون ليلى صار بيـن الاحايـد
مالله جمع بين كف ليلـى وكفـه

عطر القصيد

للتحميل
اضغط كليك يمين واختار (حفظ الهدف بإسم)


فاح عطر القصيـد وغـردن الفرايـد
من ضمير على بدع المثايـل رهـاوي
واشلعن من غصون الشعر ندر القصايد
شردن مايروظهـن قريـب الهقـاوي
واستوت طبخت المعنى بجمر الوقايـد
لين ذيب القصيد من الوله جاك عاوي
حالفـن انـي لاعلقهـا قلايـد قلايـد
لين ماعاد تطلع من ذهـن كـل راوي
وكان مارضيت راع الموهبه والمحايـد
والله اني لاصير عن القصايد نحـاوي
اعشق الشعر واخذ من سنيني فوايـد
واتزود وانا اللي ماقطعـت الرجـاوي
جعل يوما جمعنا فـي الامـارات عايـد
دولتن ماحكمهـا غيـر حـر النـداوي
لين صار الامن والعـز والخيـر سايـد
ومن يجيها فقير يروح منهـا عنـاوي
اعشـق ترابهـا واحبهـا حـب زايـد
ودي اروح عنها ميـر مانـي بقـاوي
املكتني وانا قلبـي مـن الحـب جايـد
وحبهـا مايداويـه الطبيـب المـداوي
ودعت قايـدن غالـي وفرحـت بقايـد
عنده اكبر مصيبه مثل شرب القهـاوي
ولـه عضيـد عليهـا للامجـاد رايـد
من هو اللي براعي المجد والطيب غاوي
سعد منهو تعزوى بـه نهـار الشدايـد
يوم فعل الشجاعي يبين وقت العـزاوي
وانا من دولتـن فيهـا وسـاع البنايـد
دولـه ال سعـود مزبنيـن الـجـلاوي


تركي الميزاني

مداين خاطري

للتحميل
اضغط كليك يمين واختار (حفظ الهدف بإسم)




علـى الله يامدايـن خاطـري ياعاصمـة دنيـاي
على الله يالحروف التايهـه فـي نظـرة التايـه
على الله يالطريق الي معاريفـك تعـب رجـلاي
على الله يامسافر فـي طريـق(ن) مالـه نهايـه
الا ياليل لا تسـري ولا تشـره علـى مسـراي
دخيلـك لا تقـدم شرهتـك مـن دون مسرايـه
على شان الحبيب الي يسابـق نظرتـي وخطـاي
على نفس الطريق اللي من اجله تعبـت خطايـه
ترجيتك تساعدني وانـا مانـدم علـى رجـواي
اذا شفتـك تـوادع ضيقتـي وتعانـق رضـايـه
وانا اخترتك رفيق الدرب في صمت السنين الجاي
ولااخترتك يالين اصبحـت لـي اعـز خويايـه
وانا ماعشـت وقتـي يازمانـي بيـن راي وراي
انا عشته علـى عـز ورضيـت بحكـم مولايـه
ولا اطرد من سراب الوقت مايخفي علي يمنـاي
اعيش الواقـع الحاضـر لعيـن ايامـي الجايـه
مدام ان البحر ملكي وهمسـات النسيـم اسـراي
علـى مـن حزامـي ماتفـك ايدينـي الـرايـه
كذا والا كذا خاتـم مـلاك الفكـر فـي يمنـاي
يطيب بقربها قلـب الصديـق وتجـرح اعدايـه
وانـا خلـي ورثتـه ورث لا بايـع ولا شـراي
ومثلي في الوصايه مايبـي لـه هـرج وصايـه



تركي الميزاني

كلمتين

للتحميل
اضغط كليك يمين واختار (حفظ الهدف بإسم)


ياذهين العقل .. لو تحفظ قواميس المعانــي ...
المعاني .. جمعتها كلمتين وفرقتها ..

كلمتين .. تمر فالخاطر ويلفظها اللسانــي ...
ومن سهولة .. لفظها الانسان يجهل منزلتها ...

لوتعرف .. اللي تعبر عنه مع مر الزمانـــي ...
كان .. بعض الالسنه ترجف وتعجز منطقتها ...

سرها بحروفها .. والعشر ماترجع ثمانـــي ...
لو .. تفصلها تهيل من أولتها لاخرتهــا ...

والمعاني .. لو تسمى جزر وموانــي ...
والله الكلمتين .. اللي في بالي عاصمتها ...

لاطرت لي صرت .. من جوي لها في جو ثانـــي ...
كن قلبي .. لاطرت لي في تحكم سيطرتها ...

لا تغيب ولا تروح .. ولا تفارقني ثوانـــــــي ...
شلت .. مشكلتي وصرت عيش معها مشكلتها ...

كل ماعزمت .. أقول اللي عطيتيني كفانــــي ...
هيضت .. قلبي واحاسيسي لما في ذاكرتها ...

لاتناشدني .. عن اللي صار في الدنيا وجانــــي ...
الله .. اللي ياذهين العقل يعلم تاليتــــــــها ..

خالق .. الانسان علاّم الخفيه والبيانـــــي ..
منه .. نرضى بالنصيب وقسمة(ن)جتني وجتها

والختام .. إرتاح لاتحفظ قواميس المعانــي ..
المعاني .. جمعتها كلمتين وفرقتـــها ..

نجمة الليل

للتحميل
اضغط كليك يمين واختار (حفظ الهدف بإسم)




يانجمة الليل ياللي في السماء تشتعل
انا اسهر الليل مثلك كل . ماتسهري
بيني وبينك مسافه دربه . منفصل
لكن اشوفك بعيني لارفعت . بنظري
واعطيك نظرة وانا بين الرضا والزعل
وارسل سلامي عليك ومنك الرد احتري
وادعيك بالصوت وارقى من جبل في جبل
لكن محد سمع صوتي ولا احدن دري
ياليت عانق سكون الليل عين الخجل
ماعانق الدمع من عيني ورق دفتري
يانجمة الليل قوليلي وش اللي حصل
لحظات واليا عرفت اللي حصل غادري
انا قتيل الهوى ماني قتيل الجهل
احب والحب من راسي لحد اظفري
واللي عطيته قلبي من فعولك وصل
لا تحسبين ان قلبك من فعولك بري
حاولت اخفي عذابي واكتمه واحتمل
لكن كلن يشوف الهم في مظهري
واهني من كان قلبه كبر قلب الجمل
ولا حل في خاطره شي على خاطري



تركي الميزاني

الشوق

للتحميل
اضغط كليك يمين واختار (حفظ الهدف بإسم)


يا بنت انا قلبي من البعد محـروق
لا تحسبين انـي قطعـت العلاقـه
محبتك في القلب وابراجهـا فـوق
تشيل صوت اسمك وحلم الصداقـه
محبتن مـا شالهـا كـل مخلـوق
بطاقـة يـا حيهـا مـن بطـاقـة
يسوقني طاريك لمشاهـدك سـوق
واشفق على لمست ايدينك شفاقـه
والصبر زين وكل مطرود ملحـوق
شرهة قدم رجل على عظم ساقـه
زرعت لك زرع له اثمار وعروق
وقدمت لك من زهرة العمـر باقـه
وإن كان عندك شك لا ناشك العوق
في قلبـي اللـي يزيـد اشتياقـه
الشوق مشتاق لك اكثر من الشوق
شوق بدوي ضاعت اغلـى نياقـه


تركي الميزاني