يا منشغل عني وش اللي منسيك ..

صبااح مسااء النور**


يا منشغل عني وش اللي منسيك ...
..... قلي علامك صرت جاحد وناســي
ما تدري إني ساهر الليل وأبغيك ...
..... واقف على باب الأمل والمآســي
في كل لحظه أسكب الدمع وأبكيك ...
.... وفي ظرف ليله صرت جاير وقاســي
ما تدري إن الوقت زود تحديك ...
..... وحالك حبيبي صار شبه انتكاســـي
ما جيت شاكي للعرب في معاليك ...
..... جيتك وتدري أنت كلــي وناســـي
لا يا بعد عيني هذيه قبل ذيك ...
..... ضيوفك بيتك فوق عيني وراســـي
لكن إلى حد الفجر وين طاريك ...
..... وفياض شوقي من جفاكم يباســـي
مالك عذر فيني ولي حق أنا فيك ...
..... عطيتني مقيــاس ماهو مقاســــي
سلم على اللي جاك من قلب ويبيك ...
.... وودع طروش الليل عقب المراســي
ما جيت أذل النفس ناوي ترجيك ...
..... ولا جيت بأسلوب الشعر أو سياســي
أنا آسيرك والمعاليق بيديك ...
..... والقلب ياما داس لجلك وداســـي
جتك المشاريه النديات تبيكيك ...
..... من كثرة أشواقي وصادق إحساســي
والخاتمه تصبح على خير ببكيك ...
..... ويالله عسى دمعي لحالي يواســـي
ولامن صحيت اذكر من الناس شاريك ...
..... محبوبك اللي عنه لاهي وناســـي


اتمنى ان تنال اعجااابكم كما نالت اعجااابي