ألف قصيدة وقصيدة

انت تعمدت بغيابك تقاطعني...وانت تسببت في همي واحزاني*
صبرت بس الصبر ماكان ينفعني..ومليت مل انتظار وبعدك اشقاني*

.
.
.
صمت الطريق صوت ينادي: وهم السراب
دمعة غريق نزلت من فوق "خد" السحاب
مشوار العذاب طالت سكته
ياشموع الشط أنهي غربته
أنا نغمة حب ضيعها الوتر
وأنا ونة قلب أتعبها السفر
وانا ناوي ناوي القرب ودروبي بحر
- الفرح سامر مع الخلان
والهوى ؛ يحاكي رضا الوجدان
" والأمان " مزروع في دروب الزمان
في قلوب العاشقين لقيلها مكان
- وأنا وأنا في عالم النسيان
في عالم النسيان في عالم النسيان
حتى الأمل في خافتي محروم من ضي الحنان
أنا: نغمة حب ضيعها الوتر
أنا: ونة قلب أتعبها السفر
وانا: ناوي القرب ودروبي بحر
- وين الهنا دلوني أمشي له على كل الدروب
يكفى عنا خلوني أرتاح من هم القلوب
عمري قضى سواح ودي أنا: أرتاح

أحبك جداً
وأعرف أن الطريق إلى المستحيل طويـل
وأعرف أنك ست النساء
وليس لدي بديـل
وأعرف أن زمان الحنيـن انتهى
ومات الكلام الجميل
...
لست النساء ماذا نقول
أحبك جدا...
...
أحبك جداً وأعرف أني أعيش بمنفى
وأنت بمنفى
وبيني وبينك
ريحٌ
وغيمٌ
وبرقٌ
ورعدٌ
وثلجٌ ونـار
وأعرف أن الوصول لعينيك وهمٌ
وأعرف أن الوصول إليك
انتحـار
ويسعدني
أن أمزق نفسي لأجلك أيتها الغالية
ولو خيروني
لكررت حبك للمرة الثانية
...
يا من غزلت قميصك من ورقات الشجر
أيا من حميتك بالصبر من قطرات المطر
أحبك جداً
...
وأعرف أني أسافر في بحر عينيك
دون يقين
وأترك عقلي ورائي وأركض
أركض
أركض خلف جنونـي
...
أيا امرأة تمسك القلب بين يديها
سألتك بالله لا تتركيني
لا تتركيني
فماذا أكون أنا إذا لم تكوني
أحبك جداً
وجداً وجداً
وأرفض من نــار حبك أن أستقيلا
وهل يستطيع المتيم بالعشق أن يستقلا...
وما همني
إن خرجت من الحب حيا
وما همني
إن خرجت قتيلا

احتاج لك حاجة غريبٍ للأوطان
ضاعت حياته بين ديره وديره
:
اشتاق لك أحيان، وأحيان، وأحيان
والفكر يمك كل يومٍ أديره
:
ولهان اشوفك، صدق ولهان ولهان
وأفز لا جابوا لك الناس سيره
:
أقوم واقعد والتفت واسهر أحزان
وجروح قلبي من غيابك خطيره
:
احبك بصمتي واحبك بالاعلان
وماهمني كثر الكلام وقصيره
:
انت المهم و انت الأهم وين ماكان
و أشياء لك في وسط قلبي كبيره
:
ياكثرهم حولي من فلان وفلان
وماغيرك اللي له عيوني سهيره
:
شافوك في عيني وحبك لهم بان
شافوك وماتوا بين حيره و غيره
:
غنيت لك أحلى كلامي والألحان
وغنيت لك شعري وغنيت غيره
:
من كثر ما احبك ترى الكل زعلان
هم كيفهم كلٍ يحكم ضميره
:
حبك في دمي باقيٍ كل الأزمان
كل ماذكرتك نبض قلبي يثيره
:
أنا حبيبك و انت لي اصدق انسان
بيني وبينك حب واشياء كثيره

.

أشتاق لك يا شوق واشتاق واشتـاق
يا ملهب(ن) شوقي بروعة شعورك
..
قلبي لهمسك يا اعذب احساس توّاق
الله.. لا يحـــــــرم خفـــــــوقـي حضـورك
... ..
أكتب لك آآحبّك على بيض الاوراق
من عقب يضْوِيها فـؤادي بنـورك
..
ياللي حروفك تنسكب وسط الاعماق
وأقرا المحبة في طلاسم سطـورك
..
ألمح بوجهك كلّ نظـرات عشّـاق
يفداك قلب(ن) راحته من سـرورك
..

روحي معك يا خافقي دوم باعنـاق
أتقبلّـك واشتـمّ ريحـة بخـورك
..
قلبي من البـارح بعالمـك مافـاق
يهيم فيـك وكـل مابـي يـزورك
..
ليتك تشوف الحال واللي بالاعمـاق
ما صار فيها غير نسمة عطـورك
..
اكليل حُبّ.. اكليل لهفـه وأشـواق
لروعة احساسك وصادق شعـورك
..

هالصبح ياخذ من محيّاك الاشـراق
ماحلاه صبحي لارتوى من بحـورك

الكلام إن جيت أعبـّر لك قصيد
القصايـد يا بـْعدي تـبـقى كـلام


وآنا لو بشرح لك اللي في الوريد
بذهِل النجمة وأهِز قلب الغمام


يا فديـت عيونك آمر وش تريد
بس لا تـسألني عن كِثـْر الغـرام


مدري كم أهـواك لكن الأكـيـد
كل سنة من حبي لك بألفين عام


تدري وش معنى وجودك بالمفيد
يـعنـي واحد يـختـصر كل الأنـام


يعني وقتـي وإنت عن عيني بعيد
كوكب ٍ مُوحِش و يـسكنـْه الظلام


كلمة (آحبك) قديمة...والجديد
إني واصِل مَعـْك لحدود الهيـام


يا كِثِر هالناس..غير إنت الوحيد
اللي يصحى بـقلبي وبعيني ينام


يللي ناقِش (اسمك) فـ دَمّ الوريد
يللي حبّك يـزحِم ضـْلوعي زِحام


بسألِك بعد اللي قِلته بهالقصيد
تعتقد هالحب يُوصفـْه الكلام ؟!

أنادي في غربتك وينك؟
أنادي رد لي طيفك!
وتبقى يالضنا غالي
ومالي بدنيتي غيرك
ليه البحر بليا ماء
وليه الشجر بليا أوراق
وليه الناس زعلانه
وغابت منها الأشواق
أنا ماعاد انام الليل
غيابك شاغل بالي
كفايه مقدر أتحمل
عذاب الشوق ياغالي
الشوق زاد في وردي
وطيري ضيع احلامه
وقلبي تايه بعمري
أسير بروحي حيرانه
حتى اليل هم غايب
نجومه ذابلات فنان
أثاريها كذا الدنيا
بدونك مالها معنى..

.
.
.
ما تمنيتك يا بعيد وجابك الله
لين عندي وصلك.

ما تمنيتك لأنك كنت
ابعد من خيالي.

ما خطر في بالي مره
اني ممكن اوصلك
كنت اشوفك مثل نجمٍ
في السماء ساطع وعالي.

يا بعيد وجابك الله .. لين عندي وصلك.

جيتني مثل الشروق
اللي محى عتم الليالي.
جيت فرحه للحزين
اللي من همومه هلك.

جيتني وانت يحبك الف
محبوبٍ بدالي.
سخرك سبحانه اللي في
عيوني كملك.

يا بعيد وجابك الله .. لين عندي

وصلك هو صحيح احنا التقينا؟
هو صحيح انت قبالي؟
هو صحيح اني حبيبك؟
كان لي حق اسألك؟

كانني احلم طلبتك
خلني هايم لحالي
خلني بالحلم عايش فيه
دامي به معك..

.
.
.
الله لنا لا صار الأحباب
ناسين
والله لنا لا صار عافوا
هوانا
ياما بها الدنيا تجافوا
محبين
لاشك ماننسى هوى من
نسانا
حنا على عهد الهوى دوم
وافين
ولانبدل ودهم
بالخيانا
ولا نطيع بهم عواذل
وواشين
ولابعشرتهم بننسى
وفانا
غالين لو عنا يتغلون
غالين
ولاغيرهم يسوى الغلا
والمكانه
نشري هواهم حاضر وكان
بالدين
والله لنا لا صار عافوا
هوانا

تعبنا من ورى الدنيا الدنيه
وذقنا ما كفانا من بلاها
تعبنا وما بقى فينا بقيه
يا كثر اللي تعذب من وراها
كذب منهو حياته مهتنيه
مدامه قد تشربك في غلاها
ترفق بس يا بو نفس رضيه
في دنيا تغمر الشر بحشاها
كما نار تغرك بالدفية
وكم نار تحرق من وطاها
ورا هالناس يا ربي عصيه
وتعطي من بغى ينصح قفاها
ألا يا قلبي وش طاري عليه
في دنيا كثرت فينا غثاها
تهني وافرحي بناس وفيه
وحب قد تعادل مع وفاها