ومالت غصون الـورود النرجسيّـه

الشعـر .. هبّـت هبايبْـه وغشانـي
ومالت غصون الـورود النرجسيّـه



حرّك إحساس المشاعر فـي كيانـي
وأحرقتنـي جمرتـه والنـار حـيّـه



كـل ماجريـت صوتـي وانتشانـي
من لهيب الشـوق نشـوه عاطفيّـه



قمت أغنّي .. غير عن كل الأغانـي
فالهجينـي واللـحـون السامـريّـه



والشعر وهبـه وأحاسيـس ومعانـي
وفكـر وبحـور وخيـال وعبقريّـه



إن كتبنـي فالـورق .. كـلٍ قرانـي
وأن كتبتـه .. غـردي يالراعبـيّـه



وشاعـرٍ يكتـب قصيـد ولايعـانـي
والله إن مالـه شـداد ولا مطيّـه


صاحبـي يالناعـم الغـض الليانـي
همستك فكره .. وشوفـك شاعريّـه



مر في واحـة خيالـي لـو ثوانـي
واقصر اخطا رجلك .. وريّـع شويّـه



والله أن مانيـب بـفـلان الفـلانـي
كـان ماجبـت القصيـد فمزهـريّـه



أن كتبتـه فيـك صـح الله لسـانـي
يـوم مالـه يـم غـيـرك قابلـيّـه



ليه وأنت اللـي تغيـض الخيزرانـي
لانثنـى عـودك بغـيّ وعنجهـيّـه



متـرفٍ تمشـي وينبـت قحويانـي
تحـت رجلينـك وفـوق الجرهديّـه


فيك حسنٍ طاغـي وسحـرٍ عمانـي
يابـري حالـي وبسـم الله علـيّـه



ماخبرت الوقت قـد جـاد وعطانـي
ليـن جيـت وجابـك الله فـي يديّـه



فـاردٍ عـوج المحاديـب المحانـي
أقلـط وفالـك قــدوع وشاذلـيّـه



أرحـب وفنجـال بـن وزعفـرانـي
سقتهـا حشمـه وحـب ومقـدريّـه



لين قـدرك طـاول سهيـل اليمانـي
خـل عنـك المملكـة والفيصلـيّـه



وسط قلبي لـك مسافـات وموانـي
ذي دروبك فالحشا روحه .. و جيّـه



في عروقي من مكـان إلـى مكانـي
أتنقـل مـن كريـه لــي كـريّـه


ضمتـك حـب وتباريـح وتفـانـي
مـن دمـوعٍ زرق وجـروحٍ نديـه



جيت لك عينٍ تتـوق وقلـب حانـي
وأنت قلبـك خالـي وعينـك خليّـه



وان حداك الوقت وأبعـدك وحدانـي
وساقتـك سـود الليـال السرمديّـه



حـاول تعلـم خفـوقـك لانسـانـي
الخـوي مـن عادتـه يذكـر خويّـه



لاتعلقنـي علـى بــاب الأمـانـي
ولاتوردنـي الضـمـا والمهمهـيّـه



كـان ماتـدري .. إدر يامودمـانـي
والله إنـك وسـط هـذيّـه وذيّــه


صاينك عن عين حسد .. وهرج شاني
وحافظك فيها مثـل حفـظ الوصيّـه


بس قبـل تـروح اسمعنـي ثوانـي
وريع فبالـي وفـي فكـري شويّـه


كان ماطوعت لـك عـوب المعانـي
قلـي الذمـه مـن الذمـه بـريّـه






مما راق لي

لاتعلقنـي علـى بــاب الأمـانـي
ولاتوردنـي الضـمـا والمهمهـيّـه


الله الله على الاختيار الروووووعه
صح بوحك ومن باح بها

رووووعه

ياسلام عليك نبررراس اختيار ذوووق كا اانت
صح لسانك ولسان كاتبها وأعتلى شانك
يسعدك ربي ويحقق أمانيك

صح لسانك ولسان شاعرها يانبراس
والله انك ذوق في هذا الاختيار

اعجبني

ماخبرت الوقت قـد جـاد وعطانـي
ليـن جيـت وجابـك الله فـي يديّـه



فـاردٍ عـوج المحاديـب المحانـي
أقلـط وفالـك قــدوع وشاذلـيّـه

الف شكر ياعزيزي

روعه نبراس
يعطيك ألف عافيه

روعه نبراس
انت ذوق ياذوق

اختيار رائع راقت لي
يسلمووو عزيزي
كل التقدير

صح لسانك اخوي
ولسان كاتبها

أختيار ذووق أبددعت في طرحها
سلمت اناملك لروعة ذووقك
يسعدك ربي ويحقق أمانيك

فيك حسنٍ طاغـي وسحـرٍ عمانـي
يابـري حالـي وبسـم الله علـيّـه



ماخبرت الوقت قـد جـاد وعطانـي
ليـن جيـت وجابـك الله فـي يديّـه



يابري حالي عل الكلام الزين

أبيات روعه نبراس وذوقك جميل ربي يسعدك

كثير أعجبتني الشاعر اسمه مطلق بن شويه

حسب مالقيت بقوقل شعره قريب لأسلوب الشيخ محمد بن راشد

روعه