دليل التسوق(فراشي Mac)+ شرح مصور+كيفية العناية بها

دليل التسوق(فراشي Mac)+ شرح مصور+كيفية العناية بها




مرحبا ياحلوات

اليوم حابة احكي عن الفراشي وخصوصا اني احس انها ماخذت حقها من الشرح والتعليق




نبدأ أولا بفراشي الخاصة بالعيون:



أولا : فرشاة 239



بعد البحث والتمحيص والتفحيط ، الغالبيه العظمى اجمعت على اهمية الفرشاة هذه وفعاليتها،

واليكم مقتطفات من بعض مستخدميها


-أحدهم قال انها حلوة للبيقمن pigment()) سواء جاف او محول الى رطب بواسطة بعض المواد.

للي مايعرف البيقمنت هذي صورته

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 591x214 و بحجم 41KB.

-وحدة مدحتها وقالت هالفرشاة استخدمها يوميا ولا استغني عنها

-وحدة قالت لا يمكن اعيش بدونها

-البعض قال انه يستخدمها للبيقمنت المحول.

رأيي الشخصي:

فرشاة حلوة ، يعني الي لسا تبي تقضي فراشي جديدة انصحها تشتريها ، اما الي عندها فرشاة

مقاربة لها فانصحها ماتشتريها مو لان فيها عيب لا لكن عشان ليه الخساير. انا عندي فرشاة من

فور ايفر الي هي 10S تقريبا تعطي نفس نتيجة فرشاة ماك 239 لكن عشانها كبيره وتصلح

للي تبي تحط لون واحد على كامل الجفن فضلت اني اشري فرشاة ماك 239 لانها اصغر.

التقييم : 5\5

صور لاستخدام هالفرشاة:

فرشاة 213:



من اعلى الصورة: فرشاة 239 تحتها فرشاة 213

هالفرشاة تستخدم لوضع الظل عل الجفن كامل ولوضع البيقمنت. يعني مثل عمل

فرشاة 239. لكن 239 افضل بكثير برايي الشخصي. بعضهم يفضل 213 لوضع البيقمنت

فعملت تجربة وضعت بفرشاة 239 على عيني اليسرى بيقمنت وبفرشاة 213 على

العين اليمنى بيقمنت. النتيجة : فرشاة 213 احسها ثقيله شوي ، واللون حلو لكن لما

اقارنها بالعين تبع 239 ، فرشاة 239 تغلب 213 لان لما اضع البيقمنت بفرشاة 239 احس اللون

منساب اكثر على الجفن. هذا مايعني ان فرشاة213 ردئية، الي عندها الفرشاة حلو تكمل فيها.

واللي لسا ماشرت شيء تختار 239 افضل. وهذي رايي الشخصي يمكن في وحدة مرتاحه اكثر لفرشاة 213.

التقييم:
4\5

ثانيا: فراشي الدمج: 217 وفرشاة الدمج 224 و فرشاة 222





طبعا انا ذكرت هالفراشي مع بعض لانهم يؤدون نفس الغرض . ولكن بحسب نفسياتنا ناس تفضل الاولى

وناس تفضل الثانيه.و فرشاة 222 تؤدي نفس الغرض برضو بس الغالبيه تفضل اول فرشتين.

اليكم الاراء اثناء التقصي:

-في مقارنة بين الفرشتين قالت ان 224 تصلح اكثر للدمج (يعني تكوني واضعه الالوان ومنتهيه بس يبيلهم دمج)

اما فرشاة 217 تستخدمها لوضع الالوان لانها تلقط الالوان اكثر. وهي تستخدم فرشاة 217 يوميا.

-وحده ثانيه برضو مدحت هالفرشاة عموما وقالت ماستغني عنها.

-وحدة اخرىتمدح 217 تلقبها بالفرشاة متعددة الاستعمال: وقالت استخدمها بشكل افقي لوضع الاضاءة وبشكل

عمودي لدمج الالوان وانها تصلح لخافي العيوب وللمستحضرات الي اساسها كريمي.

-واحد المختصين قال انه 217 = 224 ومافي فرق بينهم من ناحية استخدامها لدمج. كما ان 217

تصلح لوضع الظلال او دمج الالوان .

رأيي الشخصي:

انا صراحه عندي 224 ومؤديه غرضها من احية الدمج. ولا شريت 217 عشان كذا ماقدر اعطي رايي

فيها او ماقدر اقول رايي من ناحية ايهما افضل. لكن الاكيد ماراح اشري 217 لانو حتى لو قالوا انها

مفيدة لوضع الاضاءة وغيرو ، انا مسبقا عندي فراشي تؤدي الغرض فليش اشريها؟؟؟؟؟؟؟؟؟

الزبدة: اختاري فرشاة دمج واحدة من الثلاث السابق ذكرهن.

التقييم فرشاة 224:

5\5

هنا استخدمت الانسه فرشاة 222 ولاحظوا الظل الداخلي فاتح والخارجي غامق




هذي فرشاة 224



هنا لاحظوا كيف الدمج لون الازرق الغامق والفاتح بفرشاة 224

فرشاة 219



بعض الاراء:

-وحدة تقول انها تستخدمها للظلال الغامقه في زاوية العين الخارجيه + ولتمويه الكحل بعد رسمه مباشرة

-الكثير يستخدم هالفرشاة خصوصا للسموكي .

رأيي الشخصي:

انا عاجبتني عالفرشاة لانها كانها قلم وتموه الظل بالضبط في نفس المكان الي تبيه بدون ماتسوي زوبعه وخربشه

ماندمت اني شريتها

وطبقت هاللوك في الجامعه واعجب البنات.

اول شيء حطيت الظل الكريمي





بعد مافردت الظل بالاصبع ، تستخدم فرشاة 219 لوضع الظل الاسود



ثم بواسطة فرشاة الدمج 224 ندمج اللونين




التقييم فرشاة 219:

5\5

فرشاة 227:



الاراء:

وحدة تستخدمها للاضاءه والظلال اللميعه ولدمج الظلال الي تكون قريبه مرة من الحاجب.

غير انو مع بحثي لاحظت الاغلبيه عندهم هالفرشاة ومرتاحين عليها.



رأيي الشخصي:

انا بصراحه كنت رايحه اشريها بس تفاجات انهم قالوا لي مو موجوده بالسعوديه ،

بس احس ان الموظف جديد وموعارف شيء . يعني راح اشريها.

التقييم:

ماقدر اقيم لين اشريها.



فرشاة 266:



الاراء الاخرى:

-وحدة تقول ان فرشاة 266 لها بديل بس على اصغر وهي فرشاة ماك 208 . يعني حلو الواحد يعرف

هالفروق عشان مايشتري فرشاتين لهم نفس الوظيفه و يتخسر. وهي تستخدمها لرسم الحواجب اكثر شيء.

-وحدة برضو تستخدمها للحواجب ورسم الكحل المائي.




رايي الشخصي:

انا استخدمها لرسم الكحل المائي (يعني استخدم كيك أي لاينر) وماشي الحال. يعني تؤدي المطلوب.

اكثر شيء استخدمها للكحل الكريمي من ماك.





التقييم:
5\5

فرشاة 209:





الاراء:

-وحدة تقول انها افضل فرشاة عندها للاي لاينر.

- وحدة تقول انها جدا حلوة للاي لاينر الكريمي او السائل.

-واحد المختصين يقول انها فرشاة اساسيه للاي لاينر المائي ولرسم داخل العين

-وحدة برضو تستخدمها لبيقمنت الكريميه وترسمها قريب من منبت الرموش

-وواحد قال ، اذا بغيت ارسم الاي لاينر ممكن استخدم فرشاة 209 او 266 او 212. لان الاولى انسيابيه والثانية

مشطوفه بالمايل والاخيره مشطوه افقي فكل وحدة يستخدمها لزاوية معينه.



وزي مانتو شايفين في الصورة اعلاه، الفرق بين فرشاة 209 وفرشاة 211 من ناحية الشكل. فرشاة 211

احس انها مستدقه اكثر في النهاية . والاختيار بينهم يعود لرغبات شخصيه واختلاف محجر العين

بين فتاة وفتاة

رايي الشخصي:

ماعندي هالفرشاة وحاليا مافكر اشريها لان عندي بدائل مثل فرشاة 266 وغيرها ومرتاحه عليها ، ويمكن مع الايام اذا احتجتها راح اشريها



فرشاة 212:





فرشاة مسطحه زي ماتشوفون انا استخدمها اكثر شيء للكحل الكريمي عشان يكون رسمي مرتب ،

ممكن استغني عنها بما انو سبق ذكرت لكم كم فرشاة استخدمها للكحل ، لكني احب فرشاة تكون

للكحل الكريمي وفرشاة للكحل المائي ، يعني بس شعور شخصي . يعني يمكن تستغنون عنها .

لكن قبل الشراء شوفي الفرش تبع رسم الكحل وجربيها على اختك الصغيرة في المحل عشان

تشوفي انتي ايش ترتاحي له اكثر.

تقيمي:

5\5


فرشاة 242 و 252:



هالفرشتين نفس بعض بس الاولى اصغر من الثانيه فقط لا غير.

بعض الاراء:

-احد المختصين قال انها مرة ممتازة مع البيقمنت وال paint pot = ظلال كريمية.

-وحدة تقول انها دايم تستخدمها للبيقمنت

-ووحدة تقول ان فرشاة 239 تكفيها عن فرشاة 252 و 242.

-ووحدة اخرى تستخدمهم للاضاءة ووضع الكونسيلر.

رايي الشخصي:

انا عندي 242 واستخدمتها للكونسيلر ماعجبتني عشان كذا شريت فرشاة الكونسييلر افضل.

ولسا ماجربتها لشيء اخر.

التقييم:

3\5

فرشاة 275:



الاراء الاخرى:

-وحدة تستخدمها لوضع الظلال على زاوية العين.

-لها زاوية مايله ، تنفع لتحديد عظمة الحاجب + ولوضع الظلال في الزاوية الخارجيه

وممكن تصلح لوضع الظلال بشكل عام

رايي الشخصي:

ماحتاج هالفرشاة حاليا.


فراشي الاساس والكونسيلر




فرشاة 190:



مشكلة هالفرشاة تمتص الكثير من الاساس السائل ، وتخلي شكل البشرة مخططه من الاساس،

يعني باين خطوط الفرشاة عالبشرة. تاخذ وقت لوضع ااساس على كامل الوجه.



البعض الاخر يمدحها للاساس الكريمي

رايي الشخصي:

لن اشتريها.



فرشاة 187 +188





تستخدم لوضع الاساس وايضا الابلاشر ، لما نستخدمها كاساس تعطي مظهر طبيعي ومن دون خطوط عالبشرة

فقط طبطبي على خدك وبعدين بشكل دائري بطرف الفرشاة ادمجي.



كما موضح بالصورة اعلاه طريقه وضع الفرشاة

الفرق بينهم 188 اصغر من 187 اما الاستخدامات نفسها تماما. لكن البعض يفضل الكبيرة للاساس

ويخصص الصغيرة للبلاشر يعني كل وحدة وخياراتها



رايي الشخصي:

جربتها للاساس حلوة وعمليه ، لكن حاليا لاني ماحب اروح زواجات ولا استخدم اساس سايل كثير فصرت

استخدمها لوضع البودرة المضغوطه كاستخدام يومي واحيانا للبلاشر

فرشاة 194:



هالفرشاة مخصصة للكونسيلر وبعضهم يقول ممتازة لل paint pont

هالفرشاة حلوة للكونسيلر وماجربتها الا للكونسيلر فقط وماندمت اني شريتها





فرشاة 109:





هالفرشاة في موقع ماك مذكور انها تستخدم للبادو عمومار، لكن البعض يستخدمها للاساس

الكريمي + وضع البيقمنت لون فانيلا بشكل حرف C حول العين. زي هالبيقمنت بالصورة اسفل



-وحدة اخرى تفضل 109اكثر من فرشاة 188 وتقول ان البشرة يصير شكلها طبيعي اكثر والسبب انها تقول: فرشاة 188 جيده بس عيبها لما تجي لمنطقة حول العين ومن اعلى الحاجب يطلع لها خطوط بسيطه فتضطر تستخدم

فرشاة ثانيه عشان تمزج وتموه المنطقه وتوصل للشكل المطلوب، لكن عشانها عجوله تقول فضلت 109 لانها صغيره

ويسهل مرورها حول العين.

طبعا اول شيء تحطي شوي فاونديشت على ايدك ، بعدين برأس الفرشاة تاخذي شوي فاونديشن

وتضعي الفرشاة بشكل عمودي على بشرة وجهك وتحركي بشكل دائري بخفه يعني ماتضغطي جوا باتجاه

البشره.

رايي الشخصي:

ماجربتها ابدا واحس انو فعلا تصلح للبيقمنت لانو بادور بس .صراحه حبيتها

ويمكن اشريها الا في حال لقيت افضل بس بحطها بالقائمة مع فرشاة 227

فراشي loose powderوBlush:



فرشاة 129:



انا عندي نفس الي بالصورة تمام لان اخذتها عرض.

وهي نفس فرشاة 116 لكنها اكبر والصورة التاليه توضح الفرق:



انا استخدمها للبلاشر ، ومرتاحه معها ومؤديه الغرض.


فرشاة 168 و 169:

للتفرقة بين الثنتين شوفو الصورة فوق . تلاحظو فرق اللونين وان فرشاة 169 اكبر حجم راس (لووووووووول)

فرشاة 168:



اراء اخرى:

- تستخدم لنحت وتحديد الخديدات لوووووووووا = خدود= cheek bone،

- وحدة مخصصتها للبلاشر الكريمي.

- وحدة تفضل 168 على 169

- وحدة تقول ان 169 تلقط اللون بسرعه من البلاشر ولما تحطيها عالخد يكون اوضح اكثر من 168، لكن هذا

لا يعني ان فرشاة 168 ماتطلع لون.

رايي الشخصي:

انا استخدم 168لوضع البلاشر اللميع على عظمة الخد.



اما بالنسبة للصورة اعلاه، هالتخطيط يوضح وضع البلاشر الغامق للنحت. و النحت مايناسب كل وجه

فلا تسالوني هالنقطه. لان شفت لقاء لبسام فتوح وقال ماتلبق لاي وجه.ا نا زي ماذكرت استخدمها

للبلاشر اللميع او البيقمنت اللميع على عظمة الحاجب فقط.

وماك منتجه زي البلاشر للنحت ن بس مو اجباري تشريها في بنات يستخدمو ظلال بنيه،



يعني يستخدموا الجزء البني ويضعو في نفس المنطقه المحددة بالصورة فوق والجزء الفاتح فوقه على عظمة

الخد

فرشاة 134:



- وحدة تستخدمها للبودرة اللميعه للجسم. او للبودرة لتثبيت كريم الاساس.

- وحدة تستخدمها للبلاشر ولوضع البودرة البرونزية على الوجه.

- في الموقع تبع ماك مذكور انها مخصصه لوضع الباودر على الوجه والجسم.

-وحدة تقول هالفرشاة خطيره


انا ماعندي هالفرشاة بس كانها دشت مزاجي ، مدري شكلها شدني احس انها اجوديه وبتفزع مع باقي

الفراشي الي عندي

فرشاة 150:



- في موقع ماك مذكور انها تستخدم للبودرة السائبه والبودرة المضغوطة وجيده للبلاشر.

-والكثير يمدحها لوضع البودرة.

بالنسبة لي ماحتاجها، لان قريت لوحدة مثل رايي تقول مو لازم نخسر فلوس كثيرة عشان فرشاة للبودرة

السائبة، انا صراحه استخدم كلارنس بودرة سائبه ومعها اسفنجتها واستخدمها بالطبطبه وفعاله

ولاحظت اليوم في برنامج احمد قبيسي نفس الشيء يستخدم اسفنجة البودرة السائبة

وهذا ريحني لانه يثبت وجهة نظري لاني كنت بشتري فرشاة 150 بس اليوم غيرت رايي.

فرشاة 182:




- يذكر موقع ماك انها تستخدم لدمج البيقمنت او البودرة على البشرة بشكل متناغم.

- البعض يستخدمها لوضع نوع من البودرة اسمه mineralize skin finish من ماك وهذا شكله:



هالبودرة تستخدم(نقلا عن موقع ماك) لوضع لمسه نهائيم مطفيه على البشرة ، يعني Matt يستخدم

لتثبيت الاساس واصلاحه خلال اليوم . (يعني مايصلح للعروس لانه مطفي)

- وحدة تستخدمه للاساس الي يجي على شكل بودرة واسمه mineral foundation



- غالبية من مررت عليهم في الاستطلاع اتفقوا على جودتها من ناحية انهم يستخدموها للاساس البودرة.

وهذا المينرال فاونديشن تبع ماك:



الي بعلبة سودء وفوقها اسفنجه بيضاء

انا عن نفسي ودي اجرب هالفاودنيشن مع فرشاة 182

فرشاة 192:



- هالفرشاة تستخدم لبلاشر الكريمي ، والبعض ممكن يستفيد من فرشاة الفاونديشن 190 لوضع

البلاشر الكريمي.


فرشاة 183 :




بما اننا وصنا لهالفرشاة، لازم نقارن بينها وبين فرشاة 182، كليهاما يستخدم للباودر:

183: اذا بغيتي تغطي واضحه وعلى طول استخدميها لانها تلقط اللون اكثر

182: اذا بغيتي انتي تتحكمي بدرجة التغطية ، يعني تبدي شوي وممكن تزيدي للشكل المطلوب فهالفرشاة

تناسب، او اذا بغينا نثبت الاساس ببودرة خفيفه ممكن نستخدمها.

اكثر شيء هالثنتين يستخدمون للمينرال فاونديشن، ولما نحرك الفرشاة على بشرتنا نحركها بشكل دائري

وانسيابي.

ولهالفرشاة اخت اكبر منها (185)وتؤدي نفس الغرض لكن الاغلبيه مرتاحين على 183:



فرشاة 136:



الصراحه ماكنت بحكي عن هالفرشاة لين قريت الاخت بنت النور تسال عن فرشاة لوضع البودرة بشكل خفيف

هالفرشاة مصممه لهالشيء ، يعني البعض ندم انها شراها + البعض يقول انها مقاربه لفايدة فرشاة 150

+ البعض قال انها غاليه جدا

هنا صورتها اوضح/




انا شخصيا لا احتاجها، لكن ذكرتها للي حابه تاخذ فكرة


Lip Brushes:



لدى ماك 3 انواع فراشي للارواج: 311 + 316+318

311:

ميزتها صغيره مرة

316:

اكبر من السابقه شوي،



318:

الفرشاة هذه ممكن تضعييها بالشنطة للطلعات

تعبت وانا ادور صور ماحصلت الا وحدة ، وبالنسبة لي ماعندي فرشاة ارواج يبغالي بحث معمق ويمكن

ادور بغير ماركه ، لكن قريت لاحد المختصين يمدح فرشاة 228 لللاارواج مع انها اصلا فرشاة شادو.

*تقريبا كذا تطرقت لاهم الفراشي الاساسيه، وهذا مايعني انو اجباري تشتروها كلها

كل وحدة تختار حسب حاجتها، لان زي ماذكرت محاجر العين تختلف من وحدة للثانيه

فوحدة ممكن تناسبها فرشاة صغيرة والثانيه تتحتاج نفس الفرشاة بس الحجم الاكبر


* كل ماسبق رايي الشخصي وقد تخالفني احداهن بطريقة الاستعمال، لانو برضو مع كل هالشرح

ممكن وحدة تبتكر للفرشاة الوحدة كذا استخدام مع الممارسه ، فموضوعي هذا مخصص للمبتدئات

فقط.

مراجعه سريعه للفرش:

لظلال البودرة: 239فرشاة او 231

للظلال الكريميه:فرشاة 242 او 252

لدمج الظل:فرشاة 224+222+223+225+217

الافضل 224 او 217.

الفرق بين 224 و 225 انو 225 اكبر للي محجر عيونهم كبيره مرة بس عموما 224 افضل

222 زينة بس خشنة عالعين شوي

فرش الباودر:

150+136+134

فرش البلاش 129+ 116+188+187+192 للكريمي

فرش الاساس:

190+188+187

فرش الكونسيلر:

194 وممكن نستخدم 242 للكونسيلر

فرش المينرال فاونديشن:

182+183+185

ماعليش انا حكيت عالسريع الفراشي واحتمال في خطا بالاررقام لكن الاكيد انها صحيحه في التقرير المفصل


اعادة بعض الصور كنوع من التذكير:









نصائح في كيفية التعامل مع موظف ماك:




* كثيرات يخجلن ويستسلمن لعرض البائع ، تذكري المثل مدري الحكمه الي تقول ا"لي مايستحي منك

لا تستحي منه" :

* اولا: خليك واثقه من نفسك ، اذا انتي حابه تتفرجي على راحتك ومافي شيء في بالك معين تشتريه

اول ماتدخلي ويبدا الموظف يقرق قولي له بكل احترام:" اذا سمحت انا حابه اتفرج على راحتي اذا احتجت

مساعدة راح اناديك"

* ثانيا: اذا خلصتي على راحتك وتفرجتي وعجبك شيء، نادي الموظف واطلبي الي تبينه بدون تردد

حتى لو قام يمدح وطلع لك المنتج وبعدين ماعجبك، قولي بكل صراحه:" ماعجبني ، توقعت لونه شيء ثاني

بس مايناسبني"


* ثالثا: اذا قالك عندنا عروض او شيء نازل جديد، راح يقولك حابه تاخذي فكرة، قولي ايه. وتفرجي عالمنتج

واسالي قد ماتقدري، بعدين اذا اعجبك اشريه واذا لا بكل بساطه قولي لا ماعجبني او عندي بديل من ماركه

ثانيه.


*رابعا: اذا حابه تجربيب روج، اطلبي من البائع انك تاخذي الروج لغرف القياس عشان تجربيه. انا صراحه ماعمري

سويت هالحركه لسبب واحد اني كسوله اروح لغرف القياس وارجع لكن صاحبتي تقول دايم اسويها

وماعمرهم الو لي ممنوع.


* اذا انتي زيي كسلانه تروحي لغرف القياس، جيبي معاك اختك الصغيره وخربطي على وجهها من الارواج

والكحول والفراشي لين يطيح الي براسك، بعد كذا اشري الي يعجبك. وقبل تطلعي اطلبي مزيل ماكياج

او جيبي معاك مزيل ونظفي وجه اختك.


* لا تصدقين البائع اذا مدح لك شيء، راح يقولك :" هاللون بيلبق عليك" ، ماعليك منه واشري الشيء الي

تحسيه قريب منك.


* قبل تروحي المحل تصفحي موقع ماك، خوذي فكرة عن الشيء الي ناقصك او دك تشريه ، فرفري عل المواقع

وبعدين اكتبي طلباتك عالكمبوتر افضل واطبعيها وروحي لماك. لاني جربت اروح بورقه مكتوبه بخط اليد

عجزت ارتاح وطلعت وانا متلخبطه.


* خلي دايم معاك علبه صغيره جدا، عشان لو اعجبك شيء كريمي او على شكل عصار اطلبي من البائع

يعصر لك شوي عشان تجربيه في البيت واذا رفض ، قول له:" كيف تبيني اشري شيء ويمكن مايضبط علي

واتخسر؟؟؟ غير انو ابغى اجربه بالاضاءة العاديه لان محلكم مليان اضاءة فيخدع شوي + لو المحل نسائي

كان عادي اجربه هنا لكن صعبه ولا اتوقع انك انت ترضى تشتري شيء خسارة او مايفيدك"




* دايم اساليهم ماعندكم عروض او نزل شيء جديد عشان تكوني مطلعه.