رواية شامخة وبنت رجال وجاء من يغلبني

البارت الاول
تاخذنا الدنيا الى عوالم مجهوله
نبحر في بحر الذكريات
ونمضي إلى المستقبل
بعضنا بخوف
وبعضنا بقوه
وبعضنا الأخر يدع الأمور تأخذ مجراها
قاعده وراجعه بذاكرتها للماضي لسنتين مضت
بكل ثبات قاعده تكلم جدتها اللي وجهها كله تجاعيد يدل على الزمن اللي مر عليها وقوة شخصيتها وهيبتها
- يا يمه انا قلت اللي عندي وما أفكر أغير رأيي وأنتي عارفه رأيي زين بها الموضوع
- يا بنيتي انا عارفه بس بعد ابغاكي تفكرين زين
- يا يمه أنتي أكثر وحده فاهمتني وعارفتني عدل وعارفه اني ما راح أغير رأيي
تنهدت وهي عارفه رأس حفيدتها وش كثر يابس وياما قالو انها تشبهها في هالموضوع
- خلاص يا بنيتي خلاص مثل ما تبين
باسة رأس جدتها وهي تقول
- كنت عارفه انك راح تفهميني الله لا يحرمني منك ويخليكي لي يالغاليه
سكتت وبعد فتره ردت
- ويخليكي لي يا بنيتي والله اني كل ما اشوفك اتذكر ابوكي ودمعت عين جدتها
صحت من ذكرياتها على صوت الخدامه ميري
ميري :جوهره ..جوهره
الجوهره :نعم ميري
ميري :وين روه (وين رحتي)
الجوهره :ما رحت مكان تبغين شي
ميري :انا جيب كوفي مال أنتي (انا جبت قهوتك)
الجوهره :مشكوره ميري اخواني صحو ولا لحد الحين
ميري:ياربي هازا اخوان مال أنتي واجد نوم (اخوانك نومهم كثير)
الجوهره :ههههههه خلاص انا بروح اصحيهم
قامت من مكانها وصعدت الدرج ومعها الكوفي اللي لازم تشربه كل صباح
دخلت غرفة اخوانها كانت غرفتين مفتوحات على بعض
حطت الكوفي على الكومنديه وراحت تصحي اخوها
الجوهره :ريان . ريون اصحى حبيبي بسك نوم وتبوسه وهي تصحيه
وهي عارفه ان ريان ما يحب احد يبوسه علشان كذا يصحى بسرعه
ريان وهو يحك عينه :خلاص خلاص قمت
الجوهره :صباح الخير على احلى ريون
ريان:صباح النور على احلى اخت واحلى جوهره
الجوهره:يله حبيبي روح اخذ لك شور والبس وانزل افطر ترى الساعه 6 الا ربع
ريان :طيب
ريان وهو رايح الحمام:الجوهره
الجوهره :عيونها
ريان :لا عاد تبوسيني انا رجال و الرجاجيل ما تنباس
الجوهره :على ذا الخشم وهي تاشر على خشمها
ريان وهو يبتسم :بس هذي المره سماح بما ان ما في احد يشوفنا والصراحه بوستك ما تنعاف
الجوهره :ههههه فديت اخوي يا ناس
وراحت تصحي احب الناس على قلبها توأم روحها اثنين يشبهون بعض في كل شي
الجوهره :نوفه.. نوفتي .. نوف ماما يله اصحي يله يا قلبي
وراحت للسرير الثاني يمكن في امل
الجوهره :نيوف ..نايف يله حبيبي يالله عاد اصحو مو تتعبوني زي كل مره عاد انا صرت اعرف لكم تسمعوني وتطنشون
جات ميري :ايش مشكل ماما (وش المشكله)
الجوهره :زي كل يوم
ميري :ماما انت روح عند ماما كبير وانا في معلوم كيف هزا قوم (انت روحي وانا اعرف كيف اقومهم)
ابتسمت الجوهره: والله ما ادري يا ميري انا من غيرك ايش اسوي
ميري :ماما خلاص ما في قول هزا كلام بعدين قلب مال انا سوي كسر وعين مال انا سوي مشكل (خلاص لا تقولين كذا بعدين ينكسر خاطري وابكي واسوي مشاكل)
الجوهره:ههههه يا حبي لك يا ميري خلاص انا بروح وأنتي تصرفي معاهم
ميري:خلاص ما في مشكل
طلعت الجوهره من الغرفه وتذكرت انها نست الكوفي ورجعت تاخذه لقت سرير نايف ونوف فاضي ضحكت وهي ودها تعرف وش السر اللي يخلي نوف ونايف يصحون لميري وهي لا
وظلت واقفه ورجعت لعالم الذكريات
وقفت الجده بكل هيبه ودخلت المجلس والكل وقف لها
هذا بارت بسيط وما راح اطلب توقعاتكم لاننا في البدايه

البارت الثاني
وقفت الجده بكل هيبه ودخلت المجلس والكل وقف لها جلست على الكرسي وعصاتها بيدها
قبل ما اكمل اعرفكم بالشخصيات علشان تمشون معي في الروايه صح
الجد :ذياب متوفي
الجده :عمشه
عندهم 4 عيال
1)ابو خالد (عبدالمحسن):عمره 50سنه رجال طماع جشع اهم شي عنده الفلوس
زوجته ام خالد (عائشه):45سنه طبعا العوجاء ما تجي الا على المنكسره مره نحيسه وشايفه نفسها وملقوفه وتشب النار
عيالهم:
خالد :27 سنه مغرور يشتغل مع ابوه في الشركه يوم يداوم ويوم لا ويتحكم ويطفر الموظفين وراعي خرابيط
سحر:22سنه بنت بيضاء جمياه شعرها لحد كتوفها مغروره ونذله ولسانها طويل متخرجه سكرتاريه وتنتظر الوظيفه طبعا بالواسطه
عبير:20 سنه بنت حلوه بس مو مثل سحر طيبه تحب الخير للكل هي البذره الصالحه منهم تدرس دراسات اسلاميه ثاني سنه مع الجوهره في الجامعه بس في مبنى ثاني

2)ابو فيصل (عبد الرحمن ):47سنه يشتغل مع اخوه عبد المحسن في الشركه رجال طيب بس ماله كلمه دائما يسمع كلام اخوه واخوه يمشيه على كيفه
زوجته ام فيصل (نوره):42سنه مره طيبه تحب الخير وبعض تصرفات زوجها ما تعجبها تحب عيالها موت
عيالهم:
فيصل:26سنه شاب وسيم فيه هيبه طالع على امه حقاني ما يحب الغلط يشتغل محامي
شوق :عمرها 21 سنه بنت طيبه وهي وكاله انباء خاصه راح تفهمون معناة هالكلام
بيضاء شعرها ناعم طويل لونه بني تخصص حاسب ألي مع الجوهره وهي مخطوبه وملكتها قريب
شهد:18 سنه دافوره علمي تاكل الكتب اكل تشبه اختها بس شعرها اقصر من شوق بشوي
3)مبارك ابو حمد
فاطمه ام حمد
متوفين في حادث من فتره طويله
حمد:28 سنه يدير اشغاله وحلاله اللي ورثه من ابوه شخصيه وله كلمه مسموعه بين الرجاجيل عقله كبير ورزين ما يايد عمانه في شي ويمشي على كلام جدانه
4)سالم:ابو الجوهره متزوج من ثلاث حريم متوفي
طرده ابوه لما تزوج من ندى اللي اقل من مستواهم وخالف شوره وما عاد اعترف فيه وطلب من الكل يقاطعه
زوجته الاولى :حصه ام عبد المجيد مره طيبه بعد وفاة ام الجوهره وبعد ماعذبتها ريما مرة أبوها ربت الجوهره قبل لا يتوفى ابوها وعمها يأخذها
عيالها :
عبدالمجيد:27 سنه مدير شركه بسيطة يدير فيها حلاله وحلال إخوانه شاب وسيم طويل عريض يقيم الأمور قبل ما يتصرف يحب الجوهره كثير
ماجد :25 سنه صيدلي مرح وكوميدي درجه اولى يحب الجوهره كثير هي روحه هو صدق كوميدي بس في بعض المواقف ما يقدر يمسك نفسه
زوجته الثانيه :ام الجوهره ندى من برا العايله متوفيه من يوم كان عمر الجوهره 8 سنوات موتها اثر على الجوهره كثير وعلى ابوها
زوجته الثالثه :أم ريان ريما سوريه تزوجها ابوها بعد وفاة امها
تحب نفسها لابعد الحدود الزم ما عليها نفسها ومصلحتها وبعد وفاة ابو الجوهره تزوجت اجنبي مثلها ورمت عيالها عند الجوهره
عيالها :
ريان عمره 10 سنوات عمره صغير بس يتصرف تصرفات رجال يقعد مع ماجد في المجالس ويقلده في التصرفات وعقدته احد يبوسه ودائما يقول الرجاجيل ما تنباس
نوف ونايف :توأم عمرهم 5 سنوات يشبهون بعض في كل شي دائما ينادون الجوهره ماما والجوهره تموت فيهم
وأخيرا وأكيد ما ننسى ميري :شغالة أم الجوهره وبعد وفاتها ظلت مع الجوهره وهي تعتبرها فرد من العايله وما تنسى وقفات ميري معها وهي قاطه الميانه معهم مره واحده
وقفت الجده بكل هيبه ودخلت المجلس والكل وقف لها
جلست على الكرسي
عبدالمحسن :ها يمه نقول مبروك
طالعته الجده وما ردت عليه
طالعت حمد وقالت :حمد انت وش رايك
حمد يطالع جدته :القول قولك والشور شورك وكلنا نمشي عليه
الجده هزت راسها واسندت دقنها للعصا
عبد الرحمن :يمه ليش تسألينه الحين خالد المعرس وتسالين حمد
الجده :قومو روحو بيوتكم ماله معنى وجودكم
عبدالمحسن قام من مكانه معصب:وش قصدك يا يمه
الجده :البنت توها صغيره
عبدالمحسن :وشو صغيره البنت عمرها 19 سنه وتقولين صغيره
حمد يطالع عمه وهو ساكت وخالد منقهر لانه تفشل قدام الكل وخصوصا حمد لانه يكرهه ويحس ان حمد شمتان فيه
الجده : قلت اللي عندي وخلصت وما عاد في شي ينقال
عبدالمحسن:أكيد هي اللي رافضه وأنتي يايمه مكبره راسها
عبد الرحمن :أي أكيد هي
عبدالمحسن:ماهوب بكيفها انا وعمها نعرف مصلحتها زين
الجوهره برى وما قدرت تتحمل ما تتكلم قهرها كلامهم مع جدتها وتحكمهم
دخلت وهي لابسه عبايتها ومتلثمه:انا مو موافقه أتزوج لا خالد ولا غيره
عبدالمحسن :شب أنتي مالك كلام ولا رأي
خالد بقهر:أنتي أصلا ما تستحين لو تستحين ما تراددين احد ولا تعاندين كلام عمانك
عبد الرحمن :أي صح ما تستحين على وجهك
الجوهره بضحكة شماته :لا نتكلم على الحيا أحسن و انا أقول لكم أنسو سالفة إنكم تزوجوني والحلال اللي تبغونه ماراح تطولونه
عبدالمحسن ما مسك نفسه وعطاها كف
الجده :تضربها وآنا موجوده لو انا مو موجوده وش بتسوي
الجوهره :خليهم كلام الصدق يعور
وجاء عبد الرحمن يكمل عليها بس حمد وقف قدام عمه وخلى الجوهره وراه
الجوهره تكمل وتحاول تخلي صوتها ثابت :الحلال اللي تظنون انك إذا زوجتوني بتاخذونه هذا حلال إخواني وبس وعارفه إنكم تبغون تزوجوني ولدكم علشان تاخذون كل شي
عبدالمحسن :شب ولا كلمه والبنت مالها إلا الزواج
الجده :اقصر الشر يا عبدالمحسن
عبد الرحمن :الشر يا يمه جاي من بنت ولدك
خالد وبعد ما فشلته:أصلا أنتي يبغالك تربيه من أول وجديد ويناظر ابوه
الجوهره بكل شموخ:انا بنت سالم وتربية أبوي وجدتي ما عليها كلام وما هوب انا من تنتظر احد يقيم تربيتها ولا تصرفاتها
حمد :بس خلاص يا الجوهره
الجوهره :لا مو خلاص
خالد منقهر من قواة عينها
عبدالمحسن :قصري لسانك جعله القص والمتربي ما يطول لسانه قدام عمانه اللي هم حسبة ابوه
جات قدام حمد بكل قهر منهم وهي ترد عليه
صحت على صوت ميري وهي تهاوش إخوانها اللي جننوها طلعت من الغرفه ونزلت الدرج ودخلت لقت خالتها أم عبد المجيد وعبدالمجيد و ماجد يفطرون
الجوهره وهي تبوس رأس خالتها:صباح الخير يا حلوين
أم عبدالمجيد وعبدالمجيد :صباح النور
ماجد :صباح الخير والإحساس والطيبه وصار يغني
الجوهره تضحك على خبال أخوها
أم عبدالمجيد وهي تضحك:استغفر الله بس
دخل ريان وبصوت عالي :صباح الخير
الكل :صباح الخير
جلس ريان في مكانه المعتاد جنب ماجد
ماجد:خشمك ويحب خشم ريان
عبدالمجيد :والله محد مخرب الولد غيرك
ماجد :هذا جزاتي إني اعلمه علوم الرجاجيل
عبد المجيد:امحق علوم بس
دخلت ميري ومعها نوف ونايف:صباح الخير
الكل :صباح الخير – صباح النور
ماجد واستهباله المعتاد
ماجد:يسعد لي هالصباح ما أحلاه مادامني مصبح على هالقمر
الكل يلتفت ويدور القمر اللي يقصده ماجد
أم عبدالمجيد:مين تقصد يا وليدي
ماجد:في احد غير ميورتي
ميري :شكرا عيون مال أنتي هلو (شكرا عيونك الحلوه)
الكل :ههههههههههه
ماجد :فديته الحلوين يا ناس
ميري:انا في معلوم انا واجد هلو من زمان (ان ادري إني حلوه من زمان)
الكل: ههههههه
ماجد :أنتي هيه لا تصدقين عمرك كثير ترى امزح
ميري وحبت تجننه وتقهره مثل ما يسوي فيها:أصلا انا في معلوم أنتي موت على انا(أصلا ادري تموت فيني)
ماجد: لحول هذي اللي صدقت نفسها
نايف وبطفوليه بريئه:ماجد تزوج ميري
الكل ماتو ضحك
ماجد :نويف انطم لا اجيك اسطرك الحين
عبدالمجيد وهو يضحك:ههههه والله تصلح لك ميري والله لايقين على بعض
أم عبدالمجيد:عبدالمجيد نواف وش هالكلام الله يصلحكم
ميري وبغرور:مافي خوف ماما انا ما ابغى زواج أصلا هزا نفر ماجد ما في املى عين مال انا (لاتخافين انا ما ابغى أتزوج وماجد ما يملى عيني)
هالمره ماجد انقهر والكل يضحك عليه وميري تضحك ضحكت شماته وانتصار وراحت قبل لا يرد عليها
ماجد :لا تكفين انا اللي بموت عليك وابوس رجلك
ميري من بعيد :انا اسمع هزا كلام(انا سمعت كلامك)
عبدالمجيد:أقول لقط لقط اللي طاح منك
أم عبدالمجيد وهي فيها الضحكه :خلو وليدي في حاله
وقامت تطالع الكل بحب ومبسوطه انهم على قلب واحد وتذكرت كيف أول مره جاب سالم الجوهره بعد ما بهذلتها ريما وكيف عانت معها علشان تخليها تحبها وكيف عيالها طارو باختهم وحبوها
قام عبدالمجيد وبعده ماجد باسو رأس امهم وراح كل واحد على شغله
ريان قبل ما يطلع ويروح مدرسته:الجوهره
الجوهره :نعم حبيبي
ريان :مافي بوسه
الجوهره :موتقول ان الرجاجيل ما تنباس
ريان وهو يبتسم:بس أنتي بوستك سبشل
جات وباسته وراح وباست نايف ونوف وعطت ميري محاضرة كل يوم انها تنتبه عليهم وتتاكد انهم دخلو الروضه قبل ما تمشي
ورجعت للطاوله تكمل فطورها لحالها بعد ما استاذنت أم عبد المجيد انها تروح تريح وهي لحالها رجعت لعالم الذكريات المرير

البارت الثالث
عبدالمحسن :قصري لسانك جعله القص والمتربي ما يطول لسانه قدام عمانه اللي هم حسبة ابوه
جات قدام حمد وبكل قهر منهم
ترد عليه:حسبة أبوي ..أبوي اللي نبذتوه ولا اعترفتو فيه. أبوي اللي مات وهو متحسر على شوفتكم. أبوي اللي عمركم ما فكرتم تسالون عنه الحين تذكرتو أبي
وبصوت مرتعش حاولت تخليه ثابت:أبوي اللي لا بحياته عرفتوه وبعد مماته تبغون تاذون عياله حرام عليكم
الجده تأثرت بكلامها لأنها حست ان هي معاهم في كل كلمه قالتها الجوهره
عبدالمحسن تقدم بيسكتها لان الكلام ما عجبه ورفع يده بيعطيها كف ثاني والجوهره غمضت عيونها مستعده للكف الثاني بس استغربت انه ما صار شي فتحت عيونها وشافت حمد ماسك يد عمه
حمد:بس خلاص يا عمي الزواج ما هو بالغصب واعتقد ان جدتي قال الموضوع انتهى
عبدالمحسن يسحب يده بعصبيه ويطالع حمد والجوهره بحقد وطلع من المجلس وخالد وعبد الرحمن وراه
حمد باس رأس جدته:ولا يهمك يالغاليه ما عليكي منهم ولا تتضايقين وآنا موجود
الجده :الله لا يحرمني منك يا وليدي
حمد باس يد جدته :ولا منك
وقف وطلع بدون ما يطالع الجوهره لان تصرفاتها ما تعجبه هو صحيح معها حق بس مهما كان أسلوب الجوهره غلط
نزلت الجوهره لمستوى جدتها الجالسه وهي حاسه بتانيب الضمير من اللي قالته ولانها شملتها معهم بالكلام:انا أسفه يمه
الجده:لا يمه لا تتأسفين أنتي ما قلتي إلا الصحيح
الجوهره :والله ما اقصد سامحيني يالغاليه
الجده:لا يا بنتيتي أنتي ما غلطتي بكلامك بس انا ما كان لي رأي قدام رأي جدك يا ليتني اعترضت أو قلت لا لما طرده من العايله بس وش أقول يا بنيتي ... وش أقول
الجوهره :لا تقولين شي أبوي دائما كان يحكي لي عن وقفتك معاه من وراء جدي وكيف حاولتي تعترضين وان جدي هددك بالطلاق
الجده وهي تمسح دموعها وهي تتنهد :الله يرحمك يا ذياب هذي نتيجة أعمالك
رجعت لعالم لواقع وهي تتنهد وتمسك السلسال اللي في رقبتها اللي كان هديه من أبوها لأمها ولما ماتت احتفظت فيه
تذكرت السبب اللي خلا أبوها يتزوج ريما وكيف انه ظن ان ريما بتهتم فيها بعد وفاة أمها وكيف اعتقد ان أم عبدالمجيد راح تضرها لان أمها كان الزوجة الثانية عليها بس سبحان الله صار العكس مافي احد عطف وحن عليها كثر أم عبدالمجيد
قامت من مكانها بعد ما انتبهت على الوقت اللي مر بسرعة وراحت تتجهز علشان الجامعة

في مكان وبيت ثاني
قام وتروش ونزل ولقى ابوه وأمه وشهد يفطرون باس رأس أمه وأبوه
فيصل : صباح الخير
أم فيصل وأبو فيصل وشهد :صباح الخير
شهد وهي تمد يدها : يله بوس اطلب الرضا
فيصل يرفع حواجبه :شكل في ناس يبغالهم تكفيخ من الصبح
شهد :مالت عليك
أبو فيصل:شهد احترمي اخوكي الكبير واحترمي الموجودين
شهد:يبه امزح وش فيك قلبتها جد هذا فصفص حبيب قلبي
فيصل :فصفص في عينك شايفتني قدامك صحن مكسرات
شوق وهي نازله الدرج:عاد مزح العلماء شين(وتقصد شهد)
أم فيصل :قولي صباح الخير أول
شوق وهي تحب رأس أمها وأبوها:صباح العسل والشهد
شهد :كأني سمعت اسمي
شوق :وع من زينك أجيب طاريك
فيصل :يله عاد بدينا
شهد : أحسن منك يا مفهيه
شوق :انا مفهيه يا أم كشه
شهد شهقت : انا أم كشه يا نمامه يا نقاله الحكي
أبو فيصل بصراخ :بس أنتي وياها ما تتعبون
شهد :يبه هي بدت
شوق:لا والله أنتي بديتي
أم فيصل:الله يصلحكم
أبو فيصل:لا تخلوني اوريكم شغلكم من صباح الله خير
فيصل قام :يله انا رايح تأمرون بشي
أم فيصل:وين يمه ما أفطرت عدل
فيصل :الحمد لله يمه شبعت مع السلامه
ابو فيصل :وآنا بعد رايح مع السلامه
أم فيصل :مع السلامه بحفظ الله
شهد :انا بعد تأخرت مع السلامه
أم فيصل:الله يحفظك يا بنيتي ..يمه شوق ما عندك جامعه اليوم
شوق :إلا يمه على الثمان
أم فيصل:الله يوفقك يله انا بطلع أريح
شوق :طيب يمه صح نسيت أقول لك
أم فيصل :عسى ما شر
شوق :ابغى أروح السوق اليوم العصر
أم فيصل :من معه انا ماهوب فاضيه بتجيني خالتك
شوق :سلماء بتمرني
أم فيصل:مادام مع سلماء روحي
شوق :مشكوره يمه
أم فيصل :العفو
وظلت شوق تكمل فطورها

في مكتبه الكبير قاعد وبيده الأوراق يوقع البريد رفع عينه للي دخل بدون ما يطق الباب
حمد :انت ما تعرف تطق الباب ابد
طلال:ههههههه صباح الخير أول
حمد :صباح النور
طلال:وش حقه أطق الباب مو الشركه شركتي
حمد رفع حواجبه :لا والله
طلال بضحكه :أي والله مو انا وأنت شركاء خلاص
حمد يهز رأسه وهو يبتسم لصديق عمره
(طلال :صديق حمد من أيام الطفوله يفضفض له عن كل شي وهو شريكه بالشركه فيه غرور وعنده كبريائه فوق كل شي وما يحب احد ينقص من قدره وما يحب يدخل أي تحدي إلا ويطلع منه فايز)
طلال:حمد فطرت ترى انا بطني يصوصي
حمد :ههههههه وأنت كله مفجوع ماتشبع ابد
طلال:قل أعوذ برب الفلق بتحسد الفقير على موتت الجمعه
حمد:لا ماني حاسدك وفطورك علي وش تبي بعد
طلال :ياليت كل يوم تحسدني علشان تفطرني
حمد :ههههه اشتغل البخل يا أبو هباش
ضحكو وطلعو يفطرون برا

نروح لفلة أبو خالد
عبير وأمها وعلى الطاوله
عبير :يمه انا بروح عندي محاضره تأمرين على شي
أم خالد بدون ما تطالع بنتها :وش ابغى منك يعني يا حسره
عبير حز في خاطرها كلام أمها وأسلوبها معاها:طيب مع السلامه
أم خالدا ما كلفت نفسها ترد عليها
بعد ساعتين
سحر نازله من الدرج:صباح الخير
أم خالد :أي صباح خلف الله عليك
سحر :يعني لازم تردين الكلام بنغزه
أم خالد :وأنتي دائما ردك جاهز ولسانك طويل
سحر:اووووووف ترى ما ني رايقه اجلي التحليلي النفسي لبعدين
وبصراخ :روز ...روز يا زفته
روز جات تركض :نعم ماما
سحر:ماما في عينك ياحيوانه ساعه أناديك
روز :ماما انا في شغل
سحر :شب انقلعي سوي لي شي أكله وجيبي لي بندول
راحت روز وهي حاقده على سحر
أم خالد :أقول سحر
سحر وهي تأخذ الريموت وتفر القنوات:قولي
أم خالد :آختك جاتني وقالت لي انها بتروح مع بنت عمك اللي ما تتسمى
سحر:جويهر
أم خالد :إيه وتقول بتروح الملاهي
سحر :وبعدين وش أسوي لهم يعني ارقص
أم خالد:رقصت عليكي طوفه ... ركزي معي
سحر:نعم ركزت قولي
خالد:انا ناويه اخلي عبير تروح وأنتي وخالد تروحون معاها
سحر كشرت وجهها:ما ابغى أروح معاهم جعل روحهم تروح
أم خالد :يا بقره تروحين تضبطي عمرك . .أمس عبير لما طلبت إني أرضى سألتها مين رايح قالت لي إخوان الجوهره وحمد وآنا قلت لها إني موافقه بس بشرط تروحين أنتي وخالد معاها
سحر:الحين كل هذول رايحين الملاهي والله بزران
أم خالد وضغطها ارتفع من غباء بنتها : افهمي ابغاكي تروحين تضبطين عمرك مع حمد
سحر: اها الحين فهمت وخالد يضبط الجوهره
أم خالد قلبت عيونها:والله ما ظنتي الجوهره ما ينقدر عليها
سحر:مالت عليها من زينها عاد
أم خالد :المهم فهمتي وش قلت لك
سحر بابتسامه مكر:أكيد فهمت
أم خالد :هذي أبنيتي اللي اعرفها
وقعدو يكملون سوالفهم

في الجامعه جالسه في الكافتيريا وسرحانه وجات من وراها وضربتها على كتفها
عبيروهي تحط يدها على قلبها :بسم الله خوفتيني
الجوهره :ههههههه أسفه ما وقعتك خوافه هالكثر
عبير بابتسامه:وش عندك ما ره علي
الجوهره:يعني امشي شكلها طرده
عبير :لا حبيبتي بس مستغربه
الجوهره:جيت أسالك عن الروحه ها بتروحين معانا
عبير:أي روحه
الجوهره: شكلك نسيتي الموضوع
عبير: قصدك الملاهي
الجوهره :الحمد لله للحين متذكره
عبير بتردد: الصراحه ... انا ودي بس......
الجوهره :بس ايش
عبير:لما قلت لامي قالت لي اخلي خالد وسحر يروحون معاي دام الكل بيروح
الجوهره تضايقت بس ماحبت تبين وابتسمت علشان عبير ما تحس:طيب خليهم يجون
عبير متفاجأه:يجون معانا
الجوهره :إيه
عبير:بس ..
الجوهره :لا بس ولا شي خلاص اتفقنا
عبير بابتسامه:اتفقنا

جاء وقت المحاضره
دخلت بدفاشه والتفت الكل لها
الدكتوره المصريه :أنتي أزاي تدخلي بالطريئه دي
دلال بابتسامه مصطنعه:سوري دكتوره
الدكتوره وهي مكتفه يديها:وأنتي متاخره ليه ان شاء الله ما تئولي السياره عطلانه
دلال:ابد دكتوره كنت أسوي قهوه عربيه فيها هيل وزعفران وكملت بسرعه:تبغين أجيب لك تذوقين
البنات في المحاضرة ماتو ضحك
الدكتوره عصبت وعيونها طلعت من مكانها : أنتي بتتريئي عليا(أنتي تتطنزين علي)
دلال :لا والله هذا الصدق وإذا مو مصدقتني
تمد يدها بالجوال :اتصلي على شانتي
الدكتوره وهي واصله حدها:شانتي مين
دلال :شغالتنا
البنات :ههههههههههههههههه
الدكتوره بعصبيه:براااااااااا
دلال :ليش
الدكتوره وهي تاشر على الباب: بائولك برااااا(اقولك برا)
دلالا :برا برا أصلا انا راسبه في هالماده راسبه
وطلعت وراحت الكافتيريا تفطر

في مكان ثاني يظلم الكثيرون أنفسهم
صحى وشاف جنبه وحده طالعها وضحك بسخريه
خالد في نفسه :شريفه وعفيفه ومن أول كلمه سلمت نفسها
قام وتروش وطلع من الحمام شافها صحت :أخيرا صحيتي ألبسي بسرعه
ميساء :ليه وين بروح
خالد :اخلصي علي استناك في الصاله
وطلع للصاله
لبست وطلعت له
خالد يطلع بوكه ويرمي لها فلوس
ميساء :ايش هذا
خالد بابتسامه سخريه :آجرك يا حلوه
ميساء :ما فهمت
خالد :يعني أنتي الحين تنقلعين ولا عاد أشوف وجهك ما عاد تنفعيني ولا تلزميني
ميساء بصوت باكي :بس انت قلت انك بتخطبني و...
خالد يقاطعها بسخريه:وتحبني وراح نتزوج وغيره من الكلام الفاضي
ميساء :يعني ايش كل اللي قلته كذب
خالد بضحك:يعني ما كان مبين إني اكذب
ميساء:جاي تقول ان كل شي كذب بعد ما آخذت كل شي مني
خالد :ما خسرتي كل شي ربحتي فلوس شفتي وشلون أنتي مو خسرانه كثير ههههههه
ميساء بصوت باكي وحاقد :انت واطي والحقير
قام خالد من مكانه ومسكها من شعرها :محد الواطي والحقير إلا أنتي
جرها لحد باب الشقه فتح الباب ورماها على الأرض برا
اشر بيده على مكانها :هذا مكانك يا زباله أنتي تظنين إني ممكن أفكر في وحده سافله مثلك
وصك الباب في وجهه بعد ثواني رجع وفتحه ورمى عليها عبايتها بكل قرف
وقال بتهديد:لو اشوفك جايه ناحية المكان أو ماره بالشارع بس راح اوديكي وراء الشمس تفهمين
ميساء وهي تلبس عبايتها وتحاول توقف :راح أدفعك الثمن غالي يا حيوان
خالد يضحك بصوت عالي : اعلي ما بخيلك اركبيه
وصك الباب
وهاهي ضحيه جديده تجر ذيول الخيبه والفضيحه خلفها

وهي قاعده في الكافتيريا تاكل بدون أي اهتمام جات لها
الجوهره :أنتي هنا
دلال :لا هناك
الجوهره :أبي افهم ليش ما تجين بدري زي كل الناس
دلال :وش أسوي تدرين إني إذا نمت لو تطيح قنبله ذريه ما حسيت
الجوهره:نفسي يجي يوم واشوفك حاضره بدري
دلال:اغسلي ايدك مني
الجوهره تذكرت :أي أنتي بتجين معانا صح
دلال :الملاهي
الجوهره:ايه
دلال بحماس:أكيد أصلا انا أول من يركب السياره عاد انا من زمان عن اللعب والفله
الجوهره وهي تضحك :ترى الشباب معانا
دلالا وهي مستغربه:ليه احنا ماراح نروح بروحنا
الجوهره :لا إخواني وولد عمي حمد معانا وصديقه وش اسمه اعتقد طلال
دلال:واخوك العله جاي
الجوهره :دلول تدرين إني ما ارضى على مجود
دلال وهي تعفس وجهها:خلاص الله يعينا على مقابل وجهه
الجوهره تبتسم لها وهي عارفه بالحرب اللي بتقوم لما يلتقون فيها
(دلال بنت راعية فله ورجه ولسانها طويل صديقة الجوهره من سنين طويله وهي تعرف الجوهره أكثر من أي احد ثاني تدرس معاها تخصص حاسب وهي وحيده اهلها هي وأخوها علي وهي وماجد بينهم حروب طويلة الأمد من أيام الطفوله)

في المجمع الكبير قاعده وتفرفر من محل لمحل وما خلت شي ما شرته
سلماء :شوق خلاص والله تعبت
شوق:لا باقي أغراض ما بعد نشتريها
سلماء:طيب بس نروح نشرب لنا شي وبعدين نكمل
شوق:خلينا ندخل المحل ( ) وبعدين نروح نشرب أي شي تبغينه
(سلماء اخت خطيب شوق اسامه بنت طيبه ومالها دور كبير في الروايه)
سلماء: لا لا الحين نروح نريح بعدها نكمل
شوق باستسلام:طيب
راحو فوق ودخلو مطعم يطلبون شي يشربونه
شوق:ايش تشربين
سلماء بترد بس دق جوالها
سلماء:لحظه برد وبرجع
شوق باستغراب :اوكي
وراحت وظلت شوق تستنا وتطالع ساعتها حست بأحد قدام الطاوله رفعت عينها وشهقت
مين ياترى اللي كان قدام الطاوله ؟ووش راح يصير في الملاهي لما يلتقون كلهم هناك؟

البارت الرابع
رفعت عينها وشهقت شافت خطيبها اسامه اخو سلماء قدامها تفاجات وعجزت تبعد عيونها عنه وظلت عيونها معلقه فيه وفي ابتسامته
اسامه :شخبارك شواقه
شوق ماقدرت ترد وتحس ان الكلام مو راضي يطلع حست بخوف ما توقعت تشوفه قبل الملكه
اسامه لما شافها لحد لحين تطالعه قعد قدامه وهو بقول :لها الدرجه مشتاقه لي
حست على نفسها وابعدت عيونها عنه وقالت بصوت يله يطلع :و..وين سلماء
ضحك اسامه :لاتخافين شوفيها هناك
طالعت مكان ما ياشر وشافتها قاعده في طاوله لحالها تحلفت فيها في نفسها انها توريها شغلها
انتبهت على صوت اسامه:انا اسف انا ادري إني المفروض ما اقابلك قبل يوم الملكه بس قلبي ما ادري وش أسوي فيه مو قادر يصبر
حط يده على يدها بس هي سحبتها على طول
ابتسم حط كيس على الطاوله ودزه لجهتها
وقال وهو يبتسم:اتمنى ما ترديني
شوق وعيونها على الطاوله :انا أسفه ما اقدر اخذها قبل يوم الملكه
اسامه:خليها عندك ويوم الملكه افتحيها
شوق :بس...
اسامه :خلاص حبيبتي لا ترديني
شوق بحياء من كلمه حبيبتي أول مره تسمعها:طيب
اسامه:مع السلامه
شوق هزت راسها من غير ما ترد
وقف اسامه وقرب فجاه من عندها وهي خافت ورجعت لحد ما لصقت على ظهر الكرسي وهمس في اذنها:لحد يوم الملكه
ومشى وشوق لحد الحين قلبها يطق مثل الطبول لدرجه انها تحس انها تسمعه
(أعرفكم بأسامه:خطيب شوق عرفها عن طريق أخته لما كان أحيانا تضطر شوق تروح معاهم علشان يوصلونها البيت اسامه رجال طيب وحبوب ويحب شوق ما يدري كيف ومتى بس اللي يعرفه انه حبها وبس)
سلماء جات وبسرعه:والله مالي شغل هو اللي قال لي
شوق بعصبيه مصطنعه وهي تحس لحد الحين الجو حار: شغلي معك بعدين والحين خلينا نكمل شوبنق
سلماء بخوف :طيب
وراحو يكملون شوبنق وفي قلب شوق مستانسه على حب أسامه لها


واقفه عند الباب البيت وتستنى احد يفتح لها
فتحت الخدامه لدلال:سنه مع ذا الوجه حشى لو طراره كان قد فتحتو لها عفنت برا
الخدامه تطالعها بنص عين وراحت وهي تتحلطم بلغتها
راحت تصعد الدرج
هو نازل مسرع وهو يطقطق في جواله
طرااااخ
دلال وهي تمسك نفسها لا تتطيح:عمى ما تشوف
ماجد بنرفزه:أنتي اللي ماتشوفين يالحولاء
دلال: والله الحوله في عيونك
ماجد:متى ينقص هاللسان
دلال :متى ما قصر لسانك قصر لساني
ماجد وهو يتافف:لا ويقولون بتروح معانا بعد
دلال:عندك مانع وآنا ما ادري
ماجد :وخري عني بس ماني فاضي لك
دلال:روح كني ميته على وقفتك معاي
راح ماجد ولارد عليها لانه عارف لو رد ما راح يخلص من لسانها
نزل سمع صوت
علي:يا ابو الشباب وش فيك منت ناوي تسلم
ماجد:ههه هلا والله بالغالي
علي وهو نافخ نفسه من الكلمه :هلا فيك
ويسلم عليه
ماجد: ياليت اختك أم لسان مثلك
علي: هههههه اغسل ايدك ما في امل وش جاب القمر للعنز وياشر على نفسه
ماجد:هههه وانت صادق
ريان : هههه والله لو تسمعكم كان تقطعكم
ماجد وعلي :هههههه
ماجد:والله ما ادري انت كيف مستحملها
علي:لا عاد هي صدق قلق ولسان طويل بس حبوبه فديت قلبها ما في احد اتدرب عليه مصارعه غيرها
ماجد وريان :هههههه
ريان :اشوف العضلات والجسم رياضي
علي:ههههه
ماجد :أقول يله لا نتاخر
علي وريان :يله
(على اخو دلول الصغير ولد مرح يحب يضيق دلول 24 ساعه مجاكر وياها عمره15 سنه بس هو يموت في اخته الوحيده وهو فري مره)
فتحت الباب بقوه وبصوت عالي: انا جيت
الجوهره:وأنتي ما تعرفين تدخلين إلا بعاصفه
دلول:قولي ما شاء الله لاتسدحيني
ميري:لو كلو نفر نزل أنتي ما في خوف انت سمسيم جن(لو كل الناس انضلو أنتي ما المفروض تخافين أنتي جنيه)
الجوهره:هههههههههه
دلول شهقت:قولي ما شاء الله انا من شفت عيونك ناطه من مكانها وآنا قايله انك نضول
ميري:انت هسد عيون مال انا علشان انا هلو(أنتي حاسده عيوني علشانها حلوه)
دلال:ههههه والله ماخذه مقلب بنفسك
الجوهره:دلول كله إلا ميري ترى ما ارضى
ميري تطلع دلول من فوق لتحت وهي رافعه خشمها وتروح وقبل ما تطلع من الباب:الله يعين انت على لسان طويل وراحت
الجوهره:ههههه
دلول :وأنتي فرحانه على كلامها
الجوهره:ايه
دلال:مالت عليك من صديقه
وزاد ضحك الجوهره وقطع ضحكها صوت جوالها:هلا
ماجد :هلا حبيبتي يله انزلو ترى تاخرنا
الجوهره:اوكي نازلين
الجوهره :دلول يله ننزل بس قبل ما ننزل ابغاكي توعديني
دلول :اوعدك بايش
الجوهره :ما ابغى عوار رأس مع ماجد
دلال:والله اخوكي هو اللي يرفع الضغط
الجوهره:دلال
دلال:اوكي اوعدك خلاص
الجوهره بابتسامه :يله لانتاخر


خالد وسحر في السياره ويضغط على البوري طووووووووط-طووووووووووط
عبير وهي تركب
خالد:وجع وش عندك مأخرتنا
عبير:أسفه على التاخير
سحر:هذي هي بارده ومفهيه
خالد :أقول انطمي ولا يكثر
سكتت سحر وهي مقهوره لأنها ما تقدر على خالد
ومشو للملاهي
&&&&&&&&&&&&&&&&&&&
ركبو السياره وهي ساكته وماسكه نفسها علشان الوعد وعلي وريان يسولفون عن الالعاب بحماس
وعبدالمجيد سرحان بحبه ولا هو داري عن احد
وهو يطالعها من المرايه ومستغرب ان مالها صوت طالع المرايه لقاها تطالعه بنظرات غضب ابتسم لها يحب يقهرها
الجوهره ماسكه ضحكتها ومافاتها شي من حركاتهم ان كل واحد ماسك لسانه بس مع كذا ما يوقفون حربهم حتى لو بالنظرات

وصل الكل وكان اخر الواصلين عبدالمجيد والباقين معاه
طلال بصوت هامس :مين فيهم بنت عمك
حمد وهو مستنكر:أي بنت عم
طلال:الجوهره
حمد وهو متضايق:وانت ليش تسال
طلال ببرائه:بس حبيت اشوف البنت اللي وقفت بوجه اعمامها ودوم تحكي لي عنها
حمد :طلال ياليت ما اسمعك تسال عن احد من بنات عمي
طلال:حمد وش فيك الله يهديك ترى ما اقصد شي بس فضول بعدين انت عارف إني اعد اهلك حسبت اهلي الي انحرمت منهم
حمد وانكسر خاطره على صديق عمره:ولو خلك بعيد عنهم
طلال رفع اكتوفه من غير مبالاه :اوكي
قابلو ماجد وعبدالمجيد وجاهم خالد اللي كان واقف بعيد لانه ما يحب حمد ولا يبغى يوقف معاه
الكل سلم عليه إلا ماجد وريان لانهم ما يدانونه وطبعا خالد سلم على الكل بدون نفس
عبير سلمت على البنات وسحر ظلت تطالعهم بغرور وكره من فوق اللثمه والمكياج اللي حاطته كانها رايحه عرس
حمد يسلم على البنات :اخباركم يا بنات العم
الكل :بخير
سحر وبقوات عين :اخبارك يا ولد عمي ما عاد شفناك
عبير في نفسها :الله يفشلها الحين الكل ما سال وهذي تسال
حمد وهو معطيها ظهره:الحمد لله
خالد يطالع الجوهره بنظرات تقرفها ما يفهمها احد غيرها بس ما احد كان ملاحظ هالنظرات غير هو
دخلو الملاهي
وهو داخلين ماجد يكلم عبدالمجيد:ذي الحين ما تستحي مصبغه الوجهه كانها رايحه عرس
عبدالمجيد وهو مو يمه ابد:الله يستر على الكل
ماجد :لا وتخز الرجال جعل عينها البط قليلة الحيا
عبدالمجيد: الله يستر على الكل
ماجد :وانت ما عندك غير هالرد
عبدالمجيد طالعه ومارد عليه
دخلو وراح عبدالمجيد يشتري التذاكر هو وريان ورجعو ووزعوها علشان الكل يلعب ويحاول انه يلمحها بطرف عينه
وماجد وهو ياخذ شوي من التذاكر:انا علطول على قطار الموت من يجي معي
علي:وآنا وراك
دلال :انا بعد
الجوهره :أقول اقعدي بس
دلال:ليش
الجوهره:أنتي نسيتي اخر مره ركبتيها وش سويتي
ماجد ويسوي روحه يكلم نايف ويقصد بالكلام دلول:أقول إذا مو قد الشي لا تسويه
نايف يرد وهو يظن ان ماجد يقصده:انا ماسويت شي
دلول وهي فاهمه وتسوي روحها تكلم نوف:يا شين اللقافه بس
نوف تطالع دلول وهي مو فاهمه
ماجد:محنا بناقصين صياح وفشيله
نايف :بس انا ما صحت
دلال:بركب يعني بركب وما علي من كلامك
نوف:وين تركبين وبعدين انا ما قلت لك شي
الجوهره:ههههه دلول أنتي مصره يعني
دلول بعناد:ايه
ركب ماجد وحمد جنبه
دلول: الجوهره ما تبغين تلعبين
الجوهره:لا والله ما ابغى
طلال وهو يطالع البنت اللي نادوها بالجوهره
علي وهو يركب تجي دلول:زحف بركب جنبك
علي :لا والله روحي مناك
دلال:وخر بس أقول ..وتركب جنبه
علي:مو تفضحينا تقولين نزلوني زي كل مره
دلال:لا مو قايله
علي :هذا وجههي كل مره نفس الكلام
دلال:أقول انطم بس
وتنادي عبير:عبوره تعالي
عبير:لا ما ابغى اخاف
نايف للجوهره:ماما نبغى نروح جهة الالعاب الثانيه
نوف :ايه ماما نبغى نروح
حست باحد يطالعها رفعت عيونها شافته يطالعه
طالعته من فوق لتحت بنظرات استحقار ولفت وجهه عنه
انقهر من حركتها طول عمره يشوف البنات يتحاذفون عليه وهي تطالعه بها الطريقه
الجوهره ترد على إخوانها: ان شاء الله ماما بس تخلص دلول ونروح جميع
ريان: لا لا نبغى نروح ذلحين
عبير:حبيبتي أنتي انتظري دلول وآنا اخذهم الالعاب وتطالع خالد:خالد تروح معي جهة العاب الاطفال
خالد:وش يوديني معاك وأنتي مع هالبزارين
عبير سكتت
طلال لخالد:وش فيك ماتلعب معاهم ولا خايف
خالد بنفس خايسه :مالك دخل
حمد:ههه خالد لا يكون خواف
علي يقلد صوت الدجاجه:بق بق بق بق بقيق
خالد وهو يبغى يثبت انه مو خايف:هذاني جاي اركب
ركب لحاله وجاء جنبه ولد مصري متين
خالد:انت هيه قوم دور مكان ثاني
المصري :مش ئايم(مو قايم)
ماجد:وين طلال توه كان هنا
حمد :شوفه يكلم واحد من ربعه
ماجد:عبدالمجيد تعال
عبدالمجيد:لا ما اقدر اخلي الجوهره لحالها
وتحركت اللعبه
الجوهره وهي تبغى تضبط لاخوها المسكين اللي تغليه من كل قلبها:عبير خلي عبدالمجيد يروح معاك لجهة الالعاب
عيبر وهي متورطه:ايش...لا لا ماله داعي
الجوهره وهي تطالعها :إلا الجهه ذيك فيها شباب ولازم يروح معاكي احد
عبير وهي عارفه ان الجوهره معاها حق:ط ..طيب
الجوهره:عبدالمجيد
عبدالمجيد وهو يسوي روحه مو منتبهه:نعم
الجوهره :روح مع عبير تودي البزران جهة الالعاب ما يصير يروحون لحالهم
عبدالمجيد وهو فاهم لاخته ويطالعها بنظرات شكر:من عيوني
الجوهره بابتسامه:تسلم عيونك
عبدالمجيد:وأنتي
الجوهره :انا بنتظر دلول لما تخلص وبنلحقكم
عبدالمجيد:طيب عبير يله
وراحو


في مكان ثاني في غرفتها الزهريه
شوق وهي ماسكه هدية حبيب قلبها تكلم نفسها :افتحها لا لا انا قلت له يوم الملكه يعني يوم الملكه ياترى وش هي الهديه ياربي انا أحسن شي احطها في الدولاب
حطتها في الدولاب ورجعت تشوف الاغراض اللي شرتها وتحاول ما تفكر كثير
&&&&&&&&&&&&&
في الملاهي
- اشوفك ما تلعبين معاهم ليكون تخافين
التفتت للي يكلمها شافت طلال واقف يمها
طالعته ولفت وجهها عنه
طلال بهدوء بدون ما يطالعها:انا مو حشره علشان تطالعيني بها الشكل
الجوهره تأففت ومشت عنه وفجاه حست باحد يجرها من يدها ويسندها للجدار في ممر ضيق للألعاب مو واضح
الجوهره بغضب:وخر ايدك القذره عني
طلال بعصبيه:انا لما اتكلم ما حد يعطيني ظهره فاهمه
الجوهره:من انت علشان أكلمك وخر لأصرخ وألم الناس عليك
طلال:انا طلال أل سرور وإذا بغيتي تصارخين اصرخي ما يهمني احد
الجوهره:اقولك بعد عني
ظل يطالع عيونها المعصبه والحاقده عليه
طلال: بوخر علشان خاطر عيونك الحلوه
وقرب من وجهها لحد ما صار بينهم مسافه وهو يبتسم وبصوت هامس :بس حبيتك تعرفين ان مو انا اللي احد يطالعني بذي الطريقه
ووخر عنها وهو يضحك وهي ما قدرت تقول شي أولا الدوخه الخفيفه اللي تحس بها وثانيا لأنها متفاجاه من جرأته ما في احد كان جري وتمادى لدرجه انه يمسك يدها
مشت لاخوها عبدالمجيد والباقين وهي مقهوره من نفسها لأنها ما ردت عليه

البارت الخامس
نفرح ونمرح لا تهمنا سوى اللحظات اللي نعيشها ولا نعلم عما حولنا
وما يشعرون به
خلونا نروح للعبه لما بدت تمشي
دلول بخوف:علي قلهم يوقفونها
علي:تحلمين محد قالك اركبي
دلول:يالخايس خلاص هونت
علي:هههه فات الاوان
دلول مع نزلة قطار الموت بسرعه تتمسك في علي وبصرخ:ااااااااا يممممممممممه
علي وحمد وماجد ميتين ضحك ويصارخون بحماس مع الكل
دلول :بموت اشهد ان لا اله ....اااااااا ياربي خلني شهيده
اما بالنسبه لخالد حالته حاله مع المصري
خال بقرف:وخر عني الله يلوع كبدك
المصري وهو يصيح ومتمسك في خالد:انا عاوز بابا... ائئئئئئئئئ.... انا عاوز بابا
خالد:انقلع هناك شايفني ابوك
المصري:ماليش دعوه انا عاوز بابا ويصيح بصوت عالي :ائئئئئئئئئ

***************
في بيت أم عبدالمجيد
أم خليل:وش اخبارك يا وخيتي مع بنت سالم الله يرحمه
أم عبدالمجيد:الجوهره حبوبه مافي مثلها بسم الله عليها
أم خليل :عساه دوم إلا تذكرت على طاري الجوهره
أم عبدالمجيد:عسى ماشر وش تذكرتي
أم خليل:عرفتي أم عبدالله
أم عبدالمجيد:ايه اعرفها وش فيها
أم خليل:كلمتني علشان اكلمك انها تبغى الجوهره لولدها
أم عبدالمجيد :قولي لها ما في نصيب
أم خليل:انت أول اسئلي البنت بعدين ردي
أم عبدالمجيد:أم خليل قلت ما عندا بنات للزواج
أم خليل وما حبت تتدخل:على راحتكم
******************
نزلو من اللعبه وهم يضحكون
دلول وهي جالسه على درج اللعبه:اااااه...يمممه حسبي الله ونعم الوكيل
علي وهو يضحك:محد قالك سوي فيها سوبر مان وقولي بركب
دلول:تعرف تسك ولا اجيك اسكتك
علي:هذا إذا قدرتي توقفين بس
ماجد:ههههه والله حماس
حمد :ايه والله
ماجد :قلت لك اللي مو قد الشي لا يسويه
دلول:والله لو اجيكم لاسويكم شورما
الكل يتطنز ويضحكون على دلول وخالد اللي ما رضى المصري يهده إلا لما جاء ابوه

&&&&&&&&&&&&&&

عبير وهي تتفرج على البزران وهو واقف جنبها
ولما تاكد ان محد يشوفهم:حياتي اشتقت لك
عبير زي العاده لا رد
عبدالمجيد :لا تكفين هالخجل مو وقته ابغى اسمع صوتك تكلمي
عبير:ايش أقول
عبدالمجيد:ما اشتقتي لي
عبير سكتت وما ردت
عبدالمجيد:مو لازم تشتاقين لي اهم شي انا مشتاق لك
عبير :عبدالمجيد لا احد يسمعك
عبدالمجيد:اااه بس لو الظروف غير كان أنتي الحين معاي وما في شي يبعدنا
عبير:خلها على الله
حط عبدالمجيد يده على يدها وضغط عليها ويقول:طالعيني عبوره
عبير:عبدالمجيد ماابغى احد يشوفنا ابعد
عبدالمجيد :ما علي من احد اقولك طالعيني
عبير طالعته وقال لها بكل ثقه:ما في احد راح يأخذك غيري لو تنطبق السماء على الأرض أنتي لي ابغاكي تعرفين هالشي
عبير ابتسمت ونزلت راسها
ابعدو عن بعض بسرعه بعد ما سمعوها
- ايه دلول .......خلاص حبيبتي.... اوكي ...وسكرت جوالها
الجوهره :عسى ما جننوكم
عبير بارتباك:احم... لا ابد
عبدالمجيد:يله انا بروح للشباب مو كل اللعب لهم
الجوهره حمدت ربها انها أول من شافهم وسوت روحها تكلم جوال بصوت عالي علشان ينتبهون بدون ما تحرجهم ومحد يشوفهم و ينفضحون
جاء خالد لجهتهم وجواهر لمى شافته لفت للجهه الثانيه
خالد:انتو هنا
عبير وهي فاهمه أخوها وعارفه المعنى من جيته:ايه نلعب البزران
خالد وهو يطالع الجوهره:زين.... حلو
جات لهم لما شافت خالد وهي بروحها متحلفه فيه وما تطيقه
دلول:أنتي هنا وآنا أدورك وين اللي يقول بستناك
الجوهره وهي ما صدقت تشوفها دلول:تعالي ابغاكي شوي
خالد بلقافه:وين
دلول:يعني ما سمعتها لما قالت تبغاني في شي
خالد:أنتي مين كلمك
الجوهره بكره: سالفه بيني وبينها فيها شي ذي بعد
وراحو وخلو خالد يولي
دلول وهي تكلم الجوهره:مالت على ذا الوجهه يقرف وربي ما اطيقه
الجوهره :هههه وانتي من متى تطيقي احد
وحست براسها يلف ومسكت حديده للعبه من الالعاب
دلول بخوف:جوهره وش فيك حبيبتي
الجوهره :ما في شي بس احس بتعب خفيف يمكن لاني ما كليت شي من الصبح
دلول بغضب:ليش ما كليتي شي أنتي عارفه انك إذا ما كليتي تتعبين اف منك يله نروح نشتري لك عصير أو أي شي
الجوهره:اوكي
وعيون تراقبهم وسمعت الكلام اللي دار
&&&&&&&&&&&&&&

قاعده وتذاكر زي عادتها سمعت التلفون
شهد:الو
- يا لبى هالصوت
شهد:مين معي
- معاك الولهان اللي يروح وطي لها الصوت
شهد عرفت انه سخيف وما عنده سالفه:يعني انت ميت علي الحين
- الولهان: وذايب على الأخير ياروحي أنتي
شهد بملل:سمعت صوت القطار من قبل
- الولهان بغباء :ايه
شهد :اسمعه مره ثانيه طوووووووووووووط
سكرت السماعه في وجهه وهي ميته ضحك على غبائه ورجعت تذاكر

***********************
وصلو المطعم وهم يجلسون رن جوالها
دلول :جوهره شوي حبيبتي هذي أمي برد وارجع لك
الجوهره:طيب سلمي لي عليها
دلول :يوصل وطلعت تكلم بعيد عن الازعاج
وهي تنتظر دلول تخاص من مكالمتها
قاعد تشوف جوالها انحط كاس العصير قدامها
الجوهره :رجعتي بسر,,,,,,
رفعت عيونها شافته قدامها
الجوهره بعصبيه:انت
&&&&&&&&&&&

شوق وهي نازله الدرج لقت في الصاله اهلها يتقهون
وتقعد :السلام عليكم
أم فيصل وأبو فيصل وشهد:وعليكم السلام
أم فيصل :اصب لك قهوه يا بنيتي
شوق: ايه يمه
ابو فيصل: وش اخبار الجامعه
شوق :الحمد لله كل شي تمام
ابو فيصل: الحمد لله
أم فيصل وهي تعطيها القهوه :خلصتي اغراضك ولا بعد في اشياء ما شريتيها
شوق:باقي شوي واخلص
أم فيصل :الله يعين
شوق:غريبه شهوده قاعده معانا في العاده مقابله الكتب وما نشوفك إلا على العشاء
شهد :وش أسوي قلت حرام احرمكم من طلتي البهيه طول الوقت
شوق:الحمد لله رأفتي بحالنا ورحمتينا ونزلتي
دخل عليهم :السلام عليكم
الكل :وعليكم السلام
شهد:هلا والله بفصفص
فيصل:و سالفتك كل ما شفتيني فصفص و فصفص والله احس نفسي قرقيعان
شهد:هههه ادلعك يا خوي هذا جزاتي
شوق:ههههههه امحق دلع إذا بغيتي تدلعينه دلعيه فوفتي
فيصل:يعني ينقال دلعك أحسن فوفتي شايفتني قدامك كلب
شهد:هههههه الله يعين اسامه مسكين
فيصل ووده يرفع ضغط شوق:ايه والله أكيد بتدلعه دلع زي وجهها
شوق اللي انحرجت:يبه شف عيالك وش يقولون
ابو فيصل:اتركو اختكم في حالها
وقام يريح في غرفته
شهد وهي تغمز لفيصل علشان يرفعون ضغطها زود
فيصل :تلقينها تدلعه اسوم
شهد:ههههههههه هذا دلع ولا اسم وحده من الربع
والله مسكين يكسر خاطري أصلا إذا سمع اسمه وهي تدلعه بيفكرها تقصد وحده من صديقاتها على الاسم
فيصل:ههههه طاح على شوق ولا احد سمى عليه
شهد:يستأهل هجل ما يلقى إلا شويق أم لسان يأخذها
شوق:يا أنذال انا أختكم تقولون عني كذا
فيصل:مسكين هو بياخذك وهو يظن انه مآخذ ملكة جمال ما بعد شاف شكلك إذا قمتي الصبح
شهد:ههه كأنها دراكولا ولا الساحره في قصص الاطفال
شوق بانفعال:مالت عليكم انتو الاثنيين
قامت راحت غرفتها وهي معصبه من اخوانها
أم فيصل:الله يصلحكم وش فيكم على اختكم
شهد:خليها يمه كل مره هي مستلمتنا خليها تذوق اللي تذوقنا إياه
فيصل :ههههه مسكينه طفشناها
شهد وهي تضرب جبهتها:يووووه نسيت أقول لها تأخذني معاها السوق المره الجايه
فيصل:بعد الكلام اللي قلناه اغسلي ايدك ما في آمل تأخذك معها
شهد:والله شكلي بغسلها جد ما ظنتي ترضي بعد المعاير اللي جاها منا
وقعدو يكملون سوالف
********************
قاعد تشوف جوالها انحط كاس العصير قدامها
الجوهره :رجعتي بسر,,,,,,
رفعت عيونها شافته قدامها
الجوهره بعصبيه:انت
حط عصيره وجلس مقابل لها
طلال:اشربي العصير مدامه بارد يكون ألذ
وقفت من مكانها متنرفزه
طلال بلهجة آمر وهو يطالع عصيره:اجلسي
الجوهره:من انت علشان تأمرني
طلال رفع عيونه لها وبصوت هادي:اقولك اجلسي لاجي أجلسك غصب
الجوهره:ماهوب الجوهره اللي تنغصب على شي
خذت شنطتها وجوالها علشان تمشي قام من مكانه بسرعه وسحبها من يدها وجلسها على الكرسي اللي جنب كرسيها وجلس هو على كرسيها وخذا عصيره وحط رجليه على الطاوله
الجوهره:انت تعتقد انك بتثبت شي من حركتك ذي لا والله ما هزيت شعره من راسي
طلال:ومن قالك إني بثبت شي
الجوهره وهي توقف :انا ماني فاضيه لك وخر عن طريقي خلني اروح
طلال:وإذا ما وخرت وش بتسوين
الجوهره:بفضحك وبخلي اللي ما يشتري يتفرج
ضحك بصوت عالي وقام من كرسيه ويده في جيوبه
طلال:ما تسوينها
الجوهره:لا انت ما تعرفني زين اسويها ولا همني احد واسوي اللي اكبر من كذا
طلال وهو يقرب وما بقى بينهم غير مسافه بسيطة وهي في مكانها وما تبغى تبين انها خايفه منه وتحاول تكون قويه
طلال:تدرين ليه انا واثق انك ما تسوينها
تطالعه وتنتظر اجابته
طلال:لانك مستحيل تخلين احد يضر اخوانك حتى لو بشي بسيط وما راح تصرخين وتلمين الناس اللي راحو يظنون انك هنا بإرادتك لان ما في احد يقابل احد غصب في المطعم
وظل يناظرها ويناظر الغضب في عيونها
طلال:صح ولا لا
الجوهره:شفت ناس حقيرين بس أحقر منك ما أظن بشوف
طلال واللي ما عجبه التعليق تقدم لها
الجوهره ما حست على نفسها إلا والجدار وراها
قرب لحد ما بقى بينه مسافه فك لثمتها جات بترفع يدها بس هو اسرع ومسكها ولفها على ظهرها وخلى وجهها مقابله وظل يناظرها ولما جات بتتكلم وبتغلط عليه بيده الثانه حط يده على فمها
طلال:انا لما اتكلم انتي تسكتين وثاني مره لما تتكلمين بغير احترام راح يجيك شي ما يعجبك
هي تطالعه نظرات قهر وحقد
وهو يطالعها كأنه يدور شي في عيونها
طلال وهو يقرب ويهمس في اذنها :الحين بروح ولازم أودعك بس أكيد لنا لقاء ثاني
باسها على خدها ووخر يده عن فمها وراح بسرعه قبل ما ترد
الجوهره:يالحقير ماراح اعديها لك وربي ما اعديها لك يا كلب
تسندت على الطاوله من التعب وجلست على الكرسي ولما شافت العصير اللي جابه لها ضربته لين انكب
وحطت يديها على وجهها:حيوان
بعد لحظات جات دلول معها العصير :الجوهره وش فيك
رفعت يده من وجهها :ما في شي ليه تاخرتي
وهي في نفسها تحمد ربها ان دلول تأخرت
دلولو هي تاشر على العصير المنكب: وش ذا
الجوهره:تاخرتي رحت جبت لنفسي عصير وما انتبهت وكبيته
دلول :أسفه والله تاخرت لاني طلعت من المطعم ادور مكان ما فيه ازعاج وأول ما خلصت رحت جبت عصير وجيت
الجوهره:مو مشكله
دلول وهي تعطيها العصير بدل المنكب:جوجو ترى انا بروح بدري أمي تحن تقول ارجعوا الحين
الجوهره :بدري اقعدو شوي
دلول:والله ان تغسل أمي شراعي
الجوهره:اوكي على راحتك حبيبتي
دلول :خلينا نقوم ندور علوي علشان أروح
الجوهره:يله
وراحو
*****************
خلصو لعب وجاء وقت الطلعه من الملاهي وهم طالعين عبدالمجيد جاء بعد ما كلم تلفون:ماجد انت خل أي احد يوصلكم وانا باخذ السياره
ماجد :ليه
عبدالمجيد وهو ياخذ المفتاح ورايح للسياره مسرع:واحد من ربعي مسوي حادث ورايح له المستشفى
ماجد:طيب بس انتبه وانت تسوق
عبدالمجيد:ان شاء الله وراح
الجوهره:الحين وشلون بروح ناخذ تاكسي
ماجد :ليه تاكسي وحمد موجود
الجوهره:لا لا نركب مع خالد ولا نروح في تاكسي
ماجد وهو يعفس وجهه:مع خالد اموت ولا اركب معه
ريان :حتى انا ماابغى خالد
نوف:ماما ابى انام
نايف :حتى انا
جاء حمد ووقف بسيارته قدامهم وهو يسال:ماجد وش بلاكم وين سيارتكم
ماجد:خذاها عبدالمجيد وراح لخويه مسوي حادث
حمد: خلاص اركبو بوصلكم
الجوهره وهي ما تبغى تبين أي شي من اللي صار هزها ركبت هي وماجد وراء لان طلال كان جنب حمد وحطو ريان بينهم
طلال وهو مستانس انه يقدر يشوفها من المرايه الجانبيه ويبتسم ابتسامات انتصار وتحدي لها وهي تتجاهله وتسوي روحها مو شايفته ومو ملاحظه
نايف:ماما ابغى انام
الجوهره:تعال حبيبي وتخليه ينام في حضنها
ونوف طبعا لازم تقلده:انا بعد
خذاها ماجد:يله نامي اشوف
اما طلال ظل يسولف مع ريان والجوهره منقهره لانه يكلم أخوها هي بروحها تكرهه وما تبغى احد من اخوانها يقرب منه
وصلو البيت نزلو هي شالت نايف وماجد شال نوف وقبل ماتدخل لمحته يطالعها بنظره غريبه لفت وجهها ودخلت وماجد بعد ما شكر حمد لحق اخته
بعد ما تطمنت ان اخوانها في سرايرهم راحت تأخذ شور
طلعت من الحمام وراحت لاخوانها اللي لازم كل يوم تفقدهم قبل ما تنام
دخلت لقتهم نايمين باست كل واحد على راسه وتنهدت وتدعي ربها ما يحرمها منهم وطلعت

---------------------------------
في بيت ثاني رجعو
كل واحد على غرفته إلا خالد وصل خواته وطبعا طلع حق الهياته
أم خالد تدخل بعد بنتها غرفتها:ها وش سويتي
سحر:ما سويت شي
أم خالد:شلون يعني ما سويتي شي
سحر:يعني ما سويت شي
أم خالد بقهر:هجل ليه رايحه دام انك ما سويتي شي
سحر:سلمت عليه رد علي بنفس خايسه ما ادري على شنو عاد
أم خالد:مالت عليك يعني روحتك بدون فايده
سحر:أصلا هالحمد ما دخل مخي ابد ولا هو على هواي
أم خالد:مالت عليك وعلى هوالك وطلعت
ابتسمت سحر وفتحت شنطتها وطلعت الارقام الي جمعتها من الشباب في الملاهي وقالت في نفسها: خلنا نتسلى شوي
ورفعت جوالها على قولتها تتسلى
ماتدري ان يوم لك ويوم عليك أنتي تتسلين اليوم بكره تكونين تسليه لغيرك
اتمنى يعجبكم البارت

وهذا البارت السادس ان شاء الله يعجبكم
صحت قبل الظهر بشوي خذت لها شور يصحصحها ونزلت سمعت صوت أخوها يسولف زي عادته لامها قبل ما تدخل سمعت اسمها
علي:عاد يايمه لو تشوفين وجهها لما نزلنا من اللعبه تقولين طالعه من فلم رعب الوجه اصفر والحاله حاله
أم علي:هووووو ودلول وش لها بها الالعاب دام انها تخاف
علي:اللقافه اللهم يا كافي
أم علي:هذي دلول ما تترك حركاتها
علي:بس يمه شكلها هههههه يموت من الضحك
دخلت عليهم معصبه من أخوها اللي فاضحها ويعيب عليها:من اللي شكله يموت من الضحك
أم علي:أنتي قمتي يا بنيتي
دلول:ايه يمه توني صاحيه ...والتفتت على أخوها :ما قلت لي من اللي شكله يموت من الضحك
علي توهق:ها..اي هذا واحد من الربع مسخره
دلول وهي تهجم عليه:انا واحد من الربع
علي وهو ينحاش:نحشه
دلول:لو انك رجال خلك مكانك
علي:الهروب نص المرجله
ويركض وهي تركض وراه
أم علي :بس ياعيال ياربي كل ما أقول كبرو وعقلو يطلعون أردى من قبل
دلول :تعال والله لاوريك
علي:لو تموتين ما تصيديني
ويدورون حول الطاوله
دلول:يا معفن تفضحني عند أمي
أم علي:وش يفضحك الله يهديك قاعد يقولي عن الروحه
دلول:لا هذا نشر غسيل وبعثرة كرامه
أم علي:وش كرامته ...وتحب يدها وتتحمد:يالله لك الحمد والشكر
علي:يمه ماتدرين ان بنتك عليها قلة عقل
دلول:انا خبله ...وتركض وراه:تعال يا الخايس
علي يفتح باب الفله ويطلع للحديقه:إذا فيكي خير الحقيني
دلول توقف عند الباب وهي تلهث :مصيرك بتجي واوريك ...ورجعت لامها
أم علي :اتركيه عنك بس
دلول:اعلمه انا بعدين ....يمه قولي للخدامة تجيب لي شي أكله بروح اكلم الجوهره وارجع
أم علي:قبل ما تروحين ابغاكي في موضوع تعالي اقعدي جنبي
دلول وهي تقعد:عسى ماشر يالغاليه
أم علي:ماشر بس في ناس متقدمين لك
دلول:يمه أنتي تدرين إني ما ابغى أتزوج
أم علي:ليه يايمه ترى عمرك صار 21 سنه منتي بصغيره
دلول وهي تعرف كيف تغير موقف أمها وتتمسكن:يمه انا ما ابغى ابعد عنك تعرفين إني مالي غيرك
أم علي بحنيه:يا بنتي كل بنت مصيرها الزواج
دلول:يمه انا أصلا ابغى أكمل دراستي وبعدها زوجيني مثل ما تبغين إلا إذا مستعجله على الفكه مني هذا شي ثاني
أم علي:لا والله يا بنتيتي أنتي واخوكي نور عيني اللي أشوف فيها
دلول:خلاص يمه مادام كذا لا عاد احد يجيب ذا الطاري مره ثانيه
أم علي:بس يا بنيتي
دلول تقاطعها:لاحقه على الزواج وعلومه
أم علي:لا حول ولا قوه إلا بالله
دلول وهي تبغى تقلب السالفه على أمها:يمه أنتي ليش ما تعرسين
أم علي:هو هو أعرس بعد ذا العمر
دلول:أي عمر أصلا لما نروح أعراس يفكرونك أختي مو أمي حتى مره من المرات جاتني وحده وسألتني إذا أنتي متزوجه ولا لا علشان تبغى تخطبك لآخوها
أم علي وتسوي روحها معصبه:استحي على وجهك يا بنت
وقمت وراحت المطبخ وصارت دلول تضحك وهي تردد في نفسها :الله لا يحرمني منك يارب
دخل علي وهو يطل برأسه ويبتسم :خلاص دلول ابغى ادخل خست برا
دلول طالعته ولا عطته وجه وراحت عرفتها
دق جوال علي :هلا وغلا والله
ماجد:هلا فيك وش الأحوال عقب فله أمس
علي:ههههه تمام التمام
ماجد:المهم انا داق أقول لك ترى الجمعه اليوم عندنا والشباب كلهم بيجون وأنت والأهل معزومين
علي: بالنسبة لي اوكي بس الوالده و دلول ما ادري اصبر اسأل خلك على الخط
ماجد:طيب
صعد الدرج وراح لغرفتها طق الباب
دلول وهي قاعده على اللاب توب:ادخل يا عليوي
علي يدخل رأسه:يا لبى الحلوين الرايقين
دلول:عطني من الأخر وش عندك
علي:عاد دلول لا تزعلين تدرين إني ما اقدر على زعلك
دلول ابتسمت وهي عارفه أخوها ومزحه وما تقدر على زعله :انا أصلا ما زعلت وآنا اقدر ازعل على علويتي
علي وهو يضحك :فديت قلبك والله
دلول:آمر وش بغيت
علي:ما يأمر عليك عدو بس بسالك أنتي وأمي بتروحون مكان
دلول:أمي ما أظن وآنا بروح مع الجوهره لسوق العصر بس ليش تسال
علي:ابد بس ماجد داق علي ويقول العشاء عندهم
دلول:انا بروح مع الجوهره وبرجع معاها لبيتهم
علي:طيب خلاص ....وقبل ما يطلع:دلول
دلول :نعم
علي:ترى بطلع مع ربعي إذا سئلت عني أمي ولا تنسين تقولين لها عن العزيمه
دلول: طيب حبيبي بس انتبه على نفسك
علي وهو ياشر علي عيونه:من عيوني ..وطلع
رفع السماعه لأذنه وماجد لحد الحين على الخط
علي:الو ...الو
ماجد:لا رد
علي:الو ماجد انت معاي
ماجد:ها..ايه معاك
علي: وين رحت
ماجد:مارحت مكان معاك بتجون
علي:ايه بنجي ان شاء الله
ماجد:طيب توصي بشي
علي:سلامتك
صكر التلفون وراح لربعه
_______________

صحت من النوم علي صوت جوالها يعلن عن مسج قامت ورفعت الجوال شافت المسج
ابتسمت بحب يا الله وش كثر تحبه الله لا يحرمها منه وقعدت تدور على مسج حلو وأرسلت
عبير في نفسها :خلاص طار النوم قامت تأخذ لها شور وتنزل تحت مع ان مافي احد في البيت يجبر الخاطر

&&&&&&&&&&

قامت على صوت رنين الجوال المزعج وردت بدون ما تشوف
الجوهره بصوت كله نوم:الو...
دلول بصوت عالي:جوجو
الجوهره قامت خايفه :وش صاير
دلول:وش احوالك بعد امس
الجوهره تزفر:يادبه خوفتيني على بالي في شي صاير
دلول:افا انا دبه وآنا اللي داقه اتطمن عليك
الجوهره:الحمد لله انا بخير
دلول:الحمد لله.....وتذكرت: أي صح ترى العصر ماره عليك علشان نروح السوق
الجوهره:اوكي
دلول:تدرين أنك حماره
الجوهره:نعم
دلول:ايه حماره وشلون تهملين بنفسك وأنتي عارفه ان بنيتك ضعيفه وأنتي من النوع إذا اهمل اكله يتعب
الجوهره:تكفين دلول بلا محاضرات
دلول:هذا جزاتي خايفه عليك
الجوهره:دلول ترى الحنيه مو راكبه عليك كلششششش
دلول:اوريك تسخرين من مشاعري النبيله
الجوهره:ههههه أقول عن العياره يالمتنبي
دلول:هههه يالله صحصحي وتغدي عدل ما لي خلق إسعافات أوليه في المجمع
الجوهره :اوكي
دلول: تشاو
الجوهره:مع السلامه
قامت تأخذ لها شور وتنزل لان أكيد خالتها موجوده تحت في ذا الوقت


جالس يراجع الاوراق دخل عليه السكرتير الخاص فيه
محمد:طال عمرك
طلال وهو ينفخ السيجاره:نعم وش بغيت يا محمد
محمد:المعلومات اللي طلبتها ..وحط الملف على الطاوله
طلال:اوكي خلاص ..واشر له يروح
طلع محمد ورجع طلال وطالع الملف وهو يبتسم فتح الملف وقعد يطالع لمعلومات باهتمام
وهذي البداية والله يستر من اللي جاي

&&&&&&&&&&

طلع من المحكمه فرحان بس تعود ان تعابير وهه تظل جامده ماتبين بشي مهنته علمته يكون جدي في اغلب الاوقات دخل مكتبه وهو مرهق بس فرحن انه ربح القضيه وقدر ينصر مظلوم وياخذ له حقه رفع السماعه
فيصل:سالم جب لي قهوه
سالم :ان شاء الله بس
فيصل عقد حواجبه:بس ايش
سالم:في بنتين مصرين انهم يقابلونك
فيصل استغرب:بنتين
سالم: ايه
فيصل بعد تفكير:اوكي خلهم يدخلون
انفتح الباب ودخلو اشر لهم يجلسون جلسوا بس لاحظ انهم مو لحالهم كان معاهم طفله عمرها ما يتعدى الثلاث سنين
في مكان ثاني في مكان يدل على الفسق كان نايم عند صديقه صحى وهو ماله خلق احد طلع الصاله قعد مع صديقه
سعد:وش فيك الحاله زفت
خالد:مالي خلقك ترى
سعد:وليش ان شاء الله اشوفك أمس فالها مع الحلوات
خالد: انت أمس شفت اللي انا شفته
سعد:وش شفت
خالد:ميساء
سعد باستغراب:أي ميساء
خالد:ميساء اخر وحده من اللي قلت لهم الاسطوانة المشروخة وبعدها ذبيتها
سعد تذكر:ايه ميساء البنت المزيونه
خالد:قصدك اللي كانت مزيونه الحين ماتنفع بضاعه قديمه
سعد:هههه ليه انت ما دريت ان البنت احترفت هالمجال من بعدك
خالد رفع حاجبه بسخريه:لا والله
وسعد:ايه البنت من حفله لحفله خربتها
خالد: هههههه هي أصلا وحده مختربه من البداية بس بغت من يفتح عيونها على حقيقتها
سعد:انا ما ادري من وين تطيح على هالمزايين
رن جوال خالد:اف وش يبغى الشيبه
سعد :رد شف وش يبغى منك
خالد:هلا
عبدالمحسن(ابو خالد):لا هلا ولا مسهلا وينك طاس فيه يا الهايت
خالد مل من نفس المحاضرة كل يوم بعد التلفون عن اذنه لحد ما يخلص ابوه كلامه ورجع التلفون
:امر
عبدالمحسن:ابغى اشوفك في الشركه بعد 5 دقايق
خالد بدون نفس:طيب ... وبعد ماسكر:بروح اشوف ذا الشيبه وش يبغى
سعد:ههههه روح الله يعينك
وقام ياخذ له شور ويغير ملابسه ويروح لابوه

&&&&&&&

نزلت لأمها اللي تتفرج على التلفزيون سلمت لكن كالعاده ماترد عليها جلست بس مايأست
عبير:يمه ..انا ..انا اليوم معزومه
أم خالد:عند مين ان شاء الله
عبير:عند خالتي أم عبد المجيد
أم خالدلفت لها معصبه:أقول انثبري وان شفتك رايحه حشيت رجولك حش
عبير: بس يمه
أم خالد :انطمي بس خليني اتابع المسلسل ابرك منك ...ايه والله هذا الناقص بعد
عبير قامت لغرفتها وهي متضايقه ليش أمها تعاملها غير عن سحر ليش هي غير كأنها مو بنتها
دق تلفونها حست كأنه داق بوقته كأنه حاس فيها وبضيقتها بس لا ما راح تضايقه
عدلت صوتها
عبير:الو
عبدالمجيد:احلى الو سمعتها في حياتي
عبير:ماردت
عبدالمجيد:اموت على الخجل والله افداه بروحي
عبير:لا رد
عبدالمجيد:بتظلين ساكته مده طويله
عبير:انت السبب
عبدالمجيد بضحكه:انا مالي ذنب
عبير:لا والله وكلامك
عبدالمجيد ببرائه:وش فيه كلامي
عبير:انت عارف
عبدالمجيد:ايه عارف إني ميت فيك وأنتي حياتي وروحي
عبير: سكتت كل مره يغلبها
عبدالمجيد: ليش ساكته عبورتي
عبير:ما اعرف ايش أقول.... وتذكرت امها وتنهدت
عبدالمجيد:عبوره فيك شي
عبير:لا
عبدالمجيد:عبوره انا ادري ان في شي مضايقك قولي لي
عبير:لا تشغل بالك مو كل مره تتصل علي اضايقك
عبدالمجيد بنبره جاده :عبير لو ما قلتي ترى بوقف قدام بيتكم وبفضحك
عبير خافت يسويها خصوصا انه سواها من قبل: لا خلاص بقولك
عبدالمجيد:قولي أسمعك حياتي
وقالت له كل السالفة
عبدالمجيد وهو معصب من معاملة مرة عمه لحبيبته:ما عليكي منهم حياتي ولا ابغاكي تاخذين في خاطرك وان شاء الله لما نتزوج بعوضك عن كل ذا بس أنتي لا تزعلين ولا تتكدرين
عبير:عبدالمجيد
عبدالمجيد:روحه
عبير:احبك
عبدالمجيد:ها وش قلتي
عبير:سكتت
عبدالمجيد فرحان لأنها نادرا ما تعبر عن مشاعرها لأنها خجوله درجه اولى:يا ويل حالي انا
عبير تضحك وكملو سوالف

&&&&&&&&&&&&&

نروح للي مشغول باله
قاعد في غرفته ويتذكر مكالمته لعلي ودلول وطريقتها في الكلام معقوله ذي دلول أم لسان
معقوله اللي سمعتها تكلم علي هي .تذكر مره علي لما قاله ان دلول صق لسان وخبال وقلق بس هي حبوبه وقلبها ابيض وحنونه كل شي جايز بس يالبيها وهي مروقه غير ياحليلها استغرب من نفسه وضحك على عمره معقوله هو يمدح دلول اللي طول عمره ملاسن وياها
رجع للحاضر على صوت إزعاج بوري سياره طل من البلكونه شاف سيارتها ضحك لازم ينزل يطفشها مثل ما تعود يمكن يبغى يمحي فكرة ان دلول حبوبه وما يبغى في عقله غير دلول أم لسان العصبيه
نزل وفتح الباب بصراخ:وش ذا الإزعاج يعني الناس ماتعرف ترتاح
دلول من الدريشه:من جاء يمك أصلا
ماجد:وآنا أقول وش ذا القلق اثاريه أنتي
دلول:والله القلق جاي من وجهك يا ابو وجهه يسد النفس
ماجد:ههههههه أصلا أنتي منقهره مني لاني وسيم وما اعطيكي وجهه
دلول بضحكة سخريه: ههههه احلف بس بموت انا ..وتاشر بيدها :وع
ماجد:ياشين الغيره خصوصا من الناس الجكر
دلول عصبت:والله الجكر ماجاء إلا من وجهك اللي ربي ماعطى حلاه
ماجد يتكتف ويتسند على الباب:من الحره والله
دلول بدلال:انا اموت حره لا حبيبي ان الحلا كله عندي بغينا دلع موجود بغينا جمال موجود بغينا ذرابه موجوده
ماجد يطالعها وفي نفسه :يالبيكي إذا روقتي بس طبعا مستحيل يعترف
ماجد:عاد الذرابه لا واضح
دلول قلبت عيونها :سليم دق بوري (سليم السواق)
سليم:جين ماما
دلول:ماما في عينك يا ثور
ماجد:ههههههههه
الجوهره وطالعه من الباب: غريبه وش عندكم اشوفكم تسولفون ان شاء الله دوم
دلول:وع هذا اللي ناقص أقول اركبي بس خلينا نفتك من لوعة الكبد
ماجد وهو يبغى يقهرها:الصراحه يا الجوهره دلولتي سوالفها عسل ما ينمل منها
دلول طلعت عيونها:مالت عليك وعلى دلعك اللي مثلك اعوج
الجوهره ركبت وهي تبغى تفتك من هواشة كل مره
ماجد وهو يشوف السياره تشتغل علشان تتحرك:دلولتي لاتتاخرين ترى بنشتاق لك
دلول:اشتاق لك الجرب ان شاء الله
ماجد:ههههه بعد عسل
صكت الدريشه وهي مفوره منه والجوهره ساكته لأنها عارفه لو تكلمت بتنفجر فيها

_______________________

صحت زي العاده اخر الناس شافت جوالها كله اتصالات ومسجات لمحت بين الاتصالات اسم سماهر
اتصلت على طول:الو
سماهر:اهلين مابغيتي
سحر:اخلصي علي وش عندجديد
سماهر:اليوم حفله وفله
سحر:وين ومن فيها
سماهر:في شارع (...) عمارة(....) شقه رقم 3 واللي فيها من النوع اللي يحبه قلبك
سحر:خلاص عرفت العنوان
سماهر:اوكي بانتظارك الليله
سحر:اوكي وصكت وراحت تأخذ لها شور
(سماهر بنت راعية خرابيط وهي اللي ترتب الحفلات وتتصل على سحر يعني بالمختصر صديقة سوء سوء سوء ومصلحتها فوق كل شي)

&&&&&&&&&&&

دخل الشركه وهو نفسه في خشمه طنش السكرتير اللي ينادي ودخل على ابوه وعمه بدون ما يطق الباب
وقعد:هذاني جيت نعم
عبدالمحسن(ابو خالد):اخيرا شرفت وش ابغى يعني ابغاك تقابل الشغل
خالد بدون نفس ويحك راسه:ان شاء الله
عبد الرحمن (ابو فيصل):يا وليدي قابل الشغل وساعد ابوك ترى الحلال هذا كله لك ولاخوانك
خالد في نفسه:اووووووف اسطوانة كل يوم مايملون هالشيبان
خالد ويبغى يسكته:زين ...زين قام وطلع وأبوه وعمه يهزون رأسهم أسف عليه

***********************

وصلو المجمع ودلول طفشتها من كثر ما فرفرت فيها على المحلات وقفت عند محل حق فساتين أعجبها اثنين
الجوهره:دلول شوفي وش رايك بهذول يجننون صح
دلول:والله حركات
الجوهره:بس محتاره أيهم أحلى
دلول:والله ما ادري انت قرري واختاري وآنا بروح أشوف ذاك المحل علبال ما تختارين
الجوهره:طيب لا تتأخرين ولا تبعدين
دلول:طيب
ظلت محتاره كان قدامه فستانين واحد احمر والثاني موفي
الجوهره وهي ماسكه سلسلتها وتكلم السلسلال كأنها تكلم امها وبصوت ما توقعت ان احد يسمعه:ياربي وش اخذ وش أحلى
جاء صوت من وراها :الاحمر عليك أحلى
بدون ما تلتفت شبت النار فيها تعرف صاحب الصوت
طلال :انا متاكد بيطلع عليكي شي عجيب يناسبك كثير
الجوهره:دامه عاجبك اشتره انت
طلال ابتسم:اشتريه لك ماعندي مانع
الجوهره:اموت ولا اخذ شي منك
طلال:ماني مستعجل مسيرك تأخذين مني اشياء مو شي
الجوهره مافهمت بس طنشت:تدري عاد خلهم كلهم لك
طلال بثقه:ماراح تلبسين غيره في الملكه
الجوهره في نفسها:هذا شكله يدري بعلومنا كلها
الجوهره:بأحلامك مافي احد يجبرني على شي
طلال بابتسامه وهو يطالع الأرض :بنشوف
مشت وطنشت وما عطته أهميه بس ماتدري ليه حست كلامه وراه شي
قابلتها دلول :ها وش اخترتي
الجوهره:ولا واحد غيرت رأيي
دلول:حرام ليه يجننون
الجوره:خلينا ندور يمكن نلقى أحلى
دلول ما حبت تزيد عليها وهي حاسه ان صديقتها مضايقه:اوكي حبيبتي على راحتك
ومشو بعد فتره
الجوهره:دلول انا بروح دورة المياه وأنتي استني هنا مع الأغراض
دلول:اوكي
راحت وبعد فتره رجعت وكملو دواره لحد ما لقت الجوهره لها فستان سماوي وأخذته وراحو البيت وهم معزمين يروحون بكره علشان يشترون فستان لنوف

&&&&&&&&&

رن جواله وهو كان شارد بأفكاره وهو في غرفة مكتبه في الفله
طلال:هلا والله بالغالي
حمد:ههه هلا فيك وينك فيه اليوم منحاش وتارك الشغل كله علي
طلال:ههه لا والله مو كذا
حمد:وين اختفيت
طلال وهو يناظر الغرض اللي بيده:كنت مشغول بشغل مهم
حمد: بمشيه لك هالمره
طلال:ههه على راسي بو مبارك
حمد:المهم ترى الجمعه عند عبدالمجيد وماجد خلك جاهز علشان أمرك
طلال وهو يبتسم ويحس القدر يضحك له :اوكي
حمد:يله فمان الله
طلال:فمان الكريم
ظل يناظر اللي في يده وفي نفسه بنشوف من يمشي كلامه انا ولا أنتي
وتنهد وباس الغرض اللي في يده ودخله في جيبه وراح يستعد للروحه


&&&&&&&&&&

وهذا البارت السابع ويارب ان شاء الله يعجبكم
عيناي التقيتا بعيناكي
قناعي جبروت وزجاج
وحدهما كسرتا هذا الجمود
وألغت كل التعابير
المعرفه من قاموسي

رجع للبيت تعبان من الشغل و صعد على طول لغرفته ماله خلق يكلم احد غير ملابسه واخذ له شور وانسدح على السرير يحس بتعب وارهاق اليوم قضي اليوم اغلبه في المحكمه كل اللي يبغاه الحين انه يصكر عيونه ويرتاح غمض عيونه تذكر عيونها- الحقد – الحزن - العطف
رجع بذاكرته ل 6ساعات وراء
انفتح الباب ودخلو اشر لهم يجلسون جلسوا بس لاحظ انهم مو لحالهم كان معاهم طفله عمرها ما يتعدى الثلاث سنين وكانت خدودها محمره من الشمس
البنت الاولى والثانيه كانو يطالعون بعض كانهم مترددين
فيصل بدا الكلام علشان يخلص لانه بروحه منهك من وقفته في المحكمه اليوم:نعم شلون اقدر اساعدكم وهو يطالعهم
البيت الاولى طالعت الأرض وخذت نفس كأنها تشجع نفسها وبتوتر:انا بقولك قصتنا من الاول علشان احطك بالصوره قبل كل شي وبعدها نتفاهم
فيصل وهو ينزل نظارته :تفضلي اسمعك
البنت الاولى:انا اسمي حنين وتاشر على البنت الثانيه اللي مارفعت راسها وهذي اختي حنان والصغيره اختي رؤى احنا ثلاث بنات ابونا مع امنا صار لهم حادث....
وبينت عليها الضيقه وصارت تطالع الأرض وتكمل:ابونا توفى وامنا صارت مقعده مالنا أي اهل ولا قرايب بعد فتره تزوجت من رجال ثاني.....
وتحولت نبرة الضيقه لحقد وهي تطالعه وعينها بعينه :وعدها انه يكون لها السند والعون ويعينها على تربيتنا بس بعد ماتزوجها تغير كل هالكلام خذا كل ما نملك .......ونزلت عيونها ورفعتها له مره ثانيه ونبرتها استعطاف :واحنا جينا هنا بعد ما سمعنا عنك وعن القضايا الكثير اللي ربحتها واحنا كلنا رجاء انك تساعدنا
فيصل يطالع هالعيون اللي لو أي واحد مكانه كان يمكن سرح فيها ولا سمع ولا كلمه من اللي قالته بس هو تعود في شغلته ذي انه يركز ومو أي شي يشتت تركيزه ولاحظ سرعه تغير نبرات صوتها مع كل كلمه تقولها
فيصل :طيب وسكت وخذ له نفس وبعدها:انتو عندكم اوراق تثبت ان لكم فلوس وعمكم مأخذها
حنين وهي تطلع الاوراق من الشنطه وتمدها له:انا ما ادري وش مكتوب في هالاوراق بس هذا كل اللي قدرت اجيبه والباقي في البيت
فيصل خذا الاوراق ويطالعها بصمت:امممممم
رؤى:انين ابعى ثوكلاته
حنين :طيب حبيبتي بس شويه
فيصل:انتو كيف جيتو هنا....حس نفسه غبي على السؤال وان ماله علاقه
حنين كان ودها تقول وش دخلك انت بس ردت عليه بنبرة ضيق:بالتاكسي والحين تقدر تساعدنا ولا لا؟
فيصل:أنتي تدرين كم اتعابي وهو يقيم وضعهم من شكلهم
حنين :الأتعاب مو مشكله راح ندبرها لك
فيصل:انا ما ادخل في قضيه إلا نص الاتعاب قبلها
حنان اللي أخيرا تكلمت وطلعت من صمتها :احنا الحين مانملك بس نربح القضيه راح ندفع لك كل اتعابك
فيصل وهو يرجع اوراقهم لهم:في ذا الحال انا انصحكم تشوفون محامي مبتدى يمكن يرضى بالكلام اللي تقولونه
حنين بعصبيه لان الكلام ماعجبها وقفت:مشكور ضيعنا وقتك على الفاضي
ومشت وحنان لحد الحين واقفه في مكانها وعيونها كلها رجاء وهي تطالعه:حتى لو قلت لك انه يطلعنا في الشوارع نشحذ
حنين عند الباب بصراخ:حنان يله خلاص سمعتي ايش قال
حنان والدموع متجمعه في عيونها:ويضربنا بدون سبب
حنين زفرت بقوه وكأنها تطلع الغضب وبصوت مقهور:حنان يله
فيصل وبكل قسوه وبدون ما تتغير تعابير وجهه:اسف ما اقدر اساعدكم
حنان نزلت عيونها الأرض ومسكت يد اختها رؤى وطلعت ورى حنين الي سبقتها
رجع لواقعه وهو يحاول يلعب على ضميره :اللي سويته صح انا مو فاتح مكتبي جمعيه خيريه إذا تساهلت في اتعابي ما راح استفيد شي ولا راح اربح من شغلي انا مادرست علشان اشتغل للناس ببلاش... تنهد وغمض عيونه وتكونت قدامه صورة عيونها هي غير ليش غير ما يدري تافف انقلب على جنبه وهو يحاول ينام ويمسح الصوره من باله

*************
كل همه شقى ليله وآنا على همي سريت
في مكان ثاني
- ميري دوري عدل يمكن تلاقينها تحت السرير
ميري:انا في دور مافي موجود
الجوهره وهي خايفه انها ما تلقاها:تكفين دوري مره ثانيه
ميري: طيب وراحت تحوس الغرفه
الجوهره:انا بروح ادور عن باب الفله يمكن طاحت وآنا داخله وراحت لجهة الباب تدور وتدور
جاتها دلول مستغربه:أنتي هنا وآنا ادور عليك وش تسوين
الجوهره وعيونها على الأرض تدور:سلسلتي يا دلول سلسلتي ما ادري وينها ضاعت
دلول:طيب حبيبتي هدي وبندورها بس أنتي متاكده انك ما فسختيها أو حطيتيها بمكان ونسيتي
الجوهره:دلول أنتي تعرفين إني اموت ولا افسخها
دلول:طيب خلينا ندور وان شاء الله نلقاها
وصار يدورون وبدون فايده
الجوهره بامل:خلينا نصعد فوق يمكن ميري لقت شي
دلول:طيب
وصعدو لميري اللي متاملين انها لقتها
سحر وهي تنزل الدرج وهي متكشخه على الأخر وما خلت شي ما سوته
أم خالد:وين العزم
سحر:وش فيك يمه مو انا قلت لك إني بروح لصديقتي
أم خالد:اهااا طيب لا تتاخرين
سحر وهي تلبس عبايتها:طيب
طلعت ركبت مع السواق عطته العنوان لعماره نزلت وقالت له يرجع هنا لما هي تتصل فيه ودخلت استنت لما السواق مشى طلعت ووقفت تاكسي ركبت وراحت للعنوان المطلوب

&&&&&&&&&&&&

وصلو الشباب ريان وهو يقلد ماجد في كل شي حتى في حركاته ولبسه ويشرب القهوه ووجهه يتغير من تأثيرها عليه بس يحاول ما يبين
حمد:شف شف هالولد عليه حركات
طلال:تصدق تعجبني حركاته
حمد:ههههه خلاص خذه وتولى تربيته
طلال ويبغى يشوف ردة فعل صديقه:إلا بتزوج آخته وأخذه عندي
حمد طالع طلال وبعد فتره رد عليه:هذا إذا وافقت عليك
طلال:يعني ما اشوفك تضايقت
حمد طالعه ومو فاهم:ليش أتضايق
طلال:يعني فكرتك تبيها لك إلا صدق انت ليش ما تتزوجها ...ويطالع حمد وقلبه يدق ما يدري ليه بس اللي يعرفه انه خاف من نظرة حمد و خاف من الاجابه اللي حس انه ما راح ينطق بها
حمد:مستحيل
طلال براحه :ليش مستحيل
حمد ابتسم:انا جبل وهي جبل وجبلين يتواجهون ما ينفع هي عنيده ورأسها قوي وشامخ وما يعجبها أي شي وآنا ما ابغى زوجه تاذيني وتعاندني في كل كلمه وبعدين هي..........وقاطعهم ماجد
ماجد:وش عندكم تتساسرون
حمد :ابد سوالف
التفت طلال على ريان وهو مرتاح ان صديقه ما يفكر فيها حتى ولا كان كل اللي يسويه يضيع وهو بعد
سمع حمد يسال ريان:وش أحوالك
ريان وهو مبسوط انهم يعطونه وجهه ونافخ صدره:يسرك الحال
طلال:دوم ان شاء الله
ريان:تسلم يالغالي ما عليك زود
الكل:ههههههههه
ريان باستغراب:وش فيكم
ماجد:الله يفشلك ما يقولون ما عليك زود
ريان:ها وش يقولون
ماجد:دام عزك
ريان وهو يحك رأسه ويضحك: وآنا وش دراني هذي ما علمتني اياها
علي :هههههه والله ما ظنتي بتلقى خير ما دام مويجد هو اللي يعلمك
عبدالمجيد:ايه والله أصلا محد مخرب هالولد إلا هو
ماجد:أقول تلايط انت وياه بس انا وريان نتصالح بدونكم...... والتفت على ريان:صح
ريان:صح
ماجد :خشمك يا رجال....ويحب خشم ريان
علي: يا شباب اشتقت للبر
ماجد :ايه والله
نايف :انا ابغى رجبوع
الكل:ههههه
ريان وهو يضرب نايف على رأسه :يا غبي ما يسمونه رجبوع اسمه جربوع
نايف وفيه الصيحه:بروح اعلم ماما
ريان :رح يالبزر كل ما صار شي رحت للجوهره تعلمها منت برجال مثلي
الكل:ههههههه
ومضى الوقت في سوالف وضحك

________________

أناس اجتمعت على الضحك والخير والفرحه
وأناس اجتمعت على الفسق والفجور
خالد قاعد في شقة سعد بين أصوات الاستريو وكاسات الخمر على الطاوله
سعد:ها خالد ما أشوف عندك احد من هالبنات العسل
خالد وهو يطالع سعد:مافي وحده منهم دخلت هذا....ويأشر على رأسه
سعد وهو يطالع البنات :كل هالصواريخ ولا وحده
خالد :كلهم مستعملين وآنا ما يعجبني إلا الجديد
سعد:ههههههه انت في احد ما مر عليك
خالد :في وحده جايه الحين
سعد:جزمه جديد
خالد: لا مستعمله بس بسوي استثناء
لفت نظرهم صوت بنت كانت ايه من الجمال بس حرام هالجمال في ناس ما تقدر تحافظ عليه كانت لابسه تنوره قصيره والبلوزه سير عريض وشعرها بني وعيون مكحله
خالد:أخيرا ما بغيتي تجين
البنت :وش أسوي يا روحي علبال ما وصلت
وتجلس جنب خالد وتبوسه في خده :أسفه حبيبي لاتزعل
سعد في نفسه:والله انك محظوظ يا خالد البنات أحلاهم وأجملهم يجون لحد عندك ولا يترجونك بعد صدق حظك يكسر الصخر
البنت وهي حاطه دقنها على كتفه:ها رضيت خلودي
خالد لما شافها خفيفه انقرف وغير رأيه ما تعجبه إلا البنت الثقيله اللي يتعب وراها علشان يحس بحلاوة انتصاره لما يجيب راسها انتبه على صوتها
البنت بدلع ما يلوق لها:وش فيك ما ترد علي قاعده اكلمك
خالد طالعها :روحي لسعد انا ما ابغاكي غيرت رأيي
البنت وسعد طلعت عيونهم
البنت :نعم
خالد :اللي سمعتيه روحي لسعد سليه
البنت :بس
خالد:أنتي ما همك من يقضي وقته معاك أهم شي عنك الفلوس وفلوسك بتوصلك
البنت بكل وقاحه قامت من مكانها وراحت وجلست جنب سعد
سعد وهو يضحك:دوم هالكرم يا رب
خالد في نفسه:ههه رخيصه مثل غيرها كل البنات رخيصات إلا هي ما اشوف غيرها ولا اعتقد بشوف... تافف وقام من مكانه وطلع للبلكونه علشان يشم هواء يحس انه مخنوق تعب من التفكير لازم يلقى طريقه يجيب راسها
قرر يدخل ويتسلى بوحده من الموجودات علشان ما يفكر فيها وراح يخلي كل شي بوقته حلو وقبل ما يدخل تفاجأ بلي قدامه

********************

سالتها وهي خايفه:ميري لقيتيها
ميري:لا ما في القى
الجوهره:ياربي وين راحت يا ويلي لو ضاعت
ميري:مافي كوف ان شاء الله القى
الجوهره بحزن:يعني ما تدرين ان هالسلسله اغلى شي عندي هي الذكرى الوحيده من أمي
دلول وهي تحط يدها على كتف صديقتها وعارفه وش كثر تعني لها هالسلسله هي تمثل لها الذكرى الوحيده لها من امها :ان شاء الله بنلاقيها
الجوهره:ما اذكر إني فقدتها إلا يوم جيت البيت
دلول:طيب خلينا نسئل احد من الخدم يمكن شافوها
الجوهره:يله
وراحو يسالون والجواب ان ما في احد شافها ويأسو بعد تعب من التدوير انهم يلقونها

&&&&&&&&&&&&&&&&&&

وصلت العماره دخلت ووصلت الشقه رنت الجرس فتحت لها سماهر
سحر:سلام
سماهر:آهلين وسهلين....سماهر كانت لابسه فستان قصير فوق الركبه عنابي وسير وملونه الوجه يعني الخلقه الحمد لله
سحر دخلت وعلى طول راحت المطبخ وفصخت العبايه والحفله والازعاج والرقص في الصاله واصل لعندها
سحر كانت لابسه فستان اسود لتحت الركبه وفوقه جكيت احمر نص كوم وفيه ورده سوداء وحطه روج احمر ولماع وكحل اسود ومجعده شعرها وطالعه حلوه
سماهر تصفر :يا خطير راح تقتلهم الليله
سحر وهي تبتسم بخبث :وهذا هو المطلوب
صبت لها كاس ماء وشربت وطلعت الصاله ظلت واقفه عند الجدار وتتفرج على الموجودين وتبتسم للصيد الوفير.شافت نوعها المفضل الكبار في السن ضحكت في نفسها شيبان ويبغون نرجعهم شباب بكم كلمه وكم ضحكه صدق اغبياء الحمد لله والشكر بس الله يكثركم علشان نستفيد ونتسلى
شافت بينهم من لفت نظرها كان شاب اسمر شعر اسود جسمه معضل لا بس تيشيرت ابيض وبنطلون جينز ويدخن ويطالعها رفعت حاجبها له علامة الغرور طالعتها سماهر قربت منها وهمست في اذنها:هذا تركي يذبح صح
طالعتها سحر بتكبر:انا ما طلبت اعرف عنه شي بعدين أنتي تعرفين انه مو نوعي المفضل
سماهر وهي تضحك بمصاخه:عارفه يله تعالي ترى فيه من ينتظرك
سحر:هههه أكيد التجوري حقي
سماهر:ما تطيحين إلا على بنوك
طنشتها سحر وراحت وسمعت ترحيب وهي لحد الحين ملاحظه العيون اللي تراقبها
طارق(ابو شملان:واحد من اللي تلعب عليهم سحر):هلا والله وغلا هلا بالنور كله
سحر بابتسامه عذاب:هلا فيك
ابو شملان: وراكي تاخرتي ياروحي
سحر: ما تأخرت هذاني قدامك
ابو شملان وهو يطالعها بنظرات متفحصه وفي نفسه كل وش هالزين كله يا ويلي انا لازم احسم الموضوع الليله وقال:لا عاد تتأخرين ترى قلبي يتعذب بدونك
سحر وهي تضحك عليه لأنها عارفه هالنوعيه من الناس اللي يخدع غيره بالكلام الحلو:هههههههه
_________________

في غرفتها الهاديه كشخصيتها .عبير وهي تقرا كتاب ملت ونزلت تحت لامها جلست مقابل أمها
عبير:يمه
أم خالد وهي تاكل حب :أمم
عبير :يمه ابغاكي تروحين معاي بكره السوق علشان اشتري لي فستان لملكه شواقه
أم خالد:ليه قالو لك بزر يحتاج احد يروح معاك
عبير:لا بس قلت منها تساعديني ومنها نقضي وقت مع بعض
أم خالد:روحي بروحك انا ما ابغى أروح أغراضي وخلصتها انا وأختك أنتي دبري عمرك ما يحتاج نروح معك
عبير:طيب ليه ما قلتو لي أروح معاكم
أم خالد:يووه تراكي سندرتي راسي روحي سويلك شغله وفكينا من ازعاجك
عبير بزعل:خلاص يمه أسفه...وصعدت لغرفتها وجوالها رن
___________

طلع للحديقه يبغى يكلمها هو عارف انه لحالها ودائما الكل مطنشها وما حب يتركها تحس بالوحده وهو موجود
عبير:هلا
عبدالمجيد:هلا حياتي
عبيروهي محتاره:اتصلت بوقتك
عبدالمجيد:خير حبي ايش صاير
عبير في نفسها اووف تسرعت ليتني ما تكلمت:خير ان شاء الله وش فيك خفت
عبدالمجيد:تسأليني ليش اخاف وآنا اخاف عليك حتى من نسمة الهواء
عبير وزي كل مره لما تسمع كلامه قلبها يدق وما عاد تبغى تسمع شي إلا هو
عبدالمجيد وهو يقعد بكرسي بالحديقه :قولي يا روحي وش فيك
عبير:الصراحه ....وقالت له عن السوق وامها وآنها ما تعرف في سوالف الفساتين كثير وتبغى احد يساعدها
عبدالمجيد ابتسم:بس ولا يهمك انا أقول للجوهره تأخذك معاها وتشترين كل اللي تبغينه
عبير:مافيها تعب أو......
عبدالمجيد يقاطعها:يا ويلك لو أسمعك مره ثانيه قايله هالكلام..بس ابغى منك طلب صغينون
عبير:أمر
عبدالمجيد:ما يأمر عليك عدو بس ابغى فستان حياتي لونه تركواز
عبير:وش معنى
عبدالمجيد:أحب لون على قلبي وابغاه على احلى واغلى شي سكن قلبي
عبير:ههه
وكملو سوالف وراح نخليهم ونروح مكان ثاني

&&&&&&&&&&&&

نرجع لعالم السواد
وليد:بس خلاص بسك مطالع للبنت
تركي التفت له:نعم
وليد:ههههه شكلك مو معاي ابد
تركي ورجع يطالعها: معاك بس من هذي انا أول مره أشوفها
وليد:لا هذي انا شفتها من قبل بس هذي ما هي لأشكالنا
تركي مستغرب:كيف يعني
وليد باستهزاء:هذي تخصصها شيبان مريشين ولا هي راعية وناسه حدها قعده وبعدها تأخذ المقسوم وتروح يعني بعدها لا تترجى شي ثاني
تركي ابتسم:يعني نوع مصلحه و ليش شيبان طيب
وليد:ما ادري بس هذا اللي اعرفه ما تقعد إلا مع الشيبان
تركي سكت ورجع يناظرها وهو يفكر
ابو شملان:نوارتي قومي هزي شوي ورينا خصرك الجميل وش يسوي
سحر:من عيوني بس انت عارف ان كل شي بحسابه
ابو شملان:لاتخافين حقك محفوظ واشر لسماهر تشغل شريط مصري خذت غترة ابو شملان وربطته على خصرها وصارت تهز وتبدع بالرقص المصري وهي لحد الحين ما فاتتها العيون اللي تشوفها بس ما عطتها أهميه كل أهميتها للبنك اللي عندها
_______________

في بيت أهل الطيب والكرم
أم عبدالمجيد:ها حبيبتي لقيتيها
الجوهره بحزن:لا خالتي ما لقيتها
أم عبدالمجيد:معليه ان شاء بتلقينها
الجوهره تحس نفسها كثير متضايقه وتلوم نفسها كيف طاحت منها وهي ما انتبهت عليها كيف تضيع اغلى شي هديه أبوها لامها يعبر فيها عن حبه لها كيف ضيعتها ..صحت على صوت الجوال معلن عن وصول مسج فتحت الرساله قرتها استغربت رجعت قرتها مره ثانيه وثالثه وهي مستغربه وظلت لحظه علشان تستوعب المكتوب
(فاقده شي إذا تبغينه كلميني ويا ليت محد يدري ولا الشي الغالي راح تفقدينه للأبد)
استاذنت وقامت وصعدت غرفتها ودقت بسرعه بدون تفكير تبغى تعرف من هذا وكيف عرف انها فاقده شي وكيف عرف أصلا انه لها وعرف رقم جوالها
______________

استأذن يروح الحمام طلع جواله أرسل المسج وهو متوقع انها علطول بتتصل وفعلا ما مر ثواني إلا اتصلت فتح الخط
الجوهره:الو
طلال:آهلين
الجوهره بعدت الجوال تطالعه هالصوت مو غريب عليها:من انت وكيف جبت رقمي
طلال:معقوله نسيتيني
الجوهره متفاجاه:هذا انت
طلال:بشحمه ولحمه
الجوهره:وش بغيت
طلال:أنتي المتصله
الجوهره:سلسلتي ابغاها
طلال وهو يطلع السلسله من جيبه ويطالعها:القلب الفضي المحفور بكلام هيام وعشق وحب
الجوهره بضيق:رجعها لي
طلال:إذا تبغينها تعالي أخذيها انا في بيتكم إلا إذا تبغيني أرسها مع احد من اخوانك ما عندي مشكله...هو عارف نقطه ضعفها
الجوهره:لا لا انا اجي أخذها
طلال بابتسامه :اوكي
الجوهره سكتت لحظات وهي تفكر شلون تأخذها بدون ما احد يشوفها ما في إلا ميري وردت:بعد ربع ساعه راح أرسل ميري لك قريب من المجلس وهي تدلك على باب المطبخ الخارجي وهناك أخذها منك
طلال:وهو كذلك ...صكت الجوال وهي معصبه في كل مكان يطلع لها هي ما صدقت تفتك من خالد ويطلع لها هذا بعد ما تدري ليه كل ما تقابله تتوتر لا لا هي جبل ما يهزه ريح بس طلال هذا مو ريح طلال عاصفه بس هي راح تكون قويه زي عادتها
صحت على طقت الباب وردت بتنهيد:تفضل
عبدالمجيد:ها حبيبتي مشغوله
الجوهره:ابد حياك يالغالي
عبدالمجيد بابتسامه وهو يجلس على السرير: الجوهره بغيت منك خدمه
الجوهره:أمر
عبدالمجيد:ما يأمر عليك عدو بس بغيتك تأخذين عبير معاكي بكره وتساعدينها تتقضى علشان ملكة شوق تعرفين هي ما عندها احد يساعدها
طبعا الجوهره تدري عن عبير وعبدالمجيد وحبهم لبعض وتتمنى من كل قلبها لو عبير تتزوج أخوها ويعوضها عن كل شي لان عبير بنت طيبه وتستأهل وهي الوحيده اللي تسعد أخوها
الجوهره:ولا يهمك من عيوني
عبدالمجيد:تسلم عيونك
الجوهره تأملت أخوها وهمست: تحبها
عبدالمجيد ابتسم وطالع السقف:كلمة حب قليله باللي أحسه اتجاهها
الجوهره مسكت يد أخوها:الله يهدي عمي ويمحى الحقد والكره اللي شايله لنا بسبب كرهه وحقده لأبونا ويجي يوم ويرضى وتتزوجون
عبدالمجيد تنهد:ان شاء الله
الجوهره بجديه:بغيت أسالك
عبدالمجيد:عن ايش
الجوهره:يوم رحنا لملاهي في واحد كان مع حمد أول مره أشوفه وريانو تعلق فيه ومزعجني بسيرته
عبدالمجيد يتذكر:ايه هذا طلال هذا صديق حمد من زمان واللي سمعته انه وحيد أمه وأبوه وهم متوفين وأظن انه سافر برا ودرس ورجع ودار حلاله وصار شريك حمد
الجوهره هزت راسها بتفهم
عبدالمجيد:يله انا بروح للشباب تبغين شي
الجوهره:سلامتك بس سلم لي على الحلوين إذا اتصلوا
عبدالمجيد وهو يعفس شعر آخته:ههههه يوصل
طلع وبعدها خذت عبايتها وطلعت لميري الوحيده اللي بتساعدها
_______________

وقفت هز وجلست جنب ابو شملان اللي يصفق لها والكل أصلا متحمس مع الرقص والهز اللي هزته
ابو شملان بنظره مزعجه :فديت الخصر وصاحبته.... وهو يقرب لها ويتعدى الخطوط الحمراء اللي حاطتها سحر
ابو شملان بهمس:نوارة حياتي
(طبعا سحر قالت لسماهر انها تقول ان اسمها نواره وما تقول لأحد اسمها الحقيقي علشان محد يعرف عنها شي إذا سحبت عليهم)
سحر وهي ترجع أخر الكنبه وهي فاهمه نظراته المقززه وتحولت نظراتها لغضب لأنه تعدى الخطوط اللي هي راسمتها :ابو شملان ما تعتقد انك تتعدى حدودك
ابو شملا وهو يقرب ونظراته شيطانيه:لمتى يا نوارتي خلاص متى قلبك يلين وتخلينا صافين وحلوين مع بعض
سحر قامت وهي مفوره:ابو شملان انت صار عليك خط احمر لو تفكر مره ثانيه تكلمني ما يصير لك خير
ابو شملان اللي ما عجبه الكلام ومل من المجاملات غير أسلوبه في الكلام:انا ابو شملان تكلميني كذا وأنتي تعرفين إني إذا بغيت شي آخذه
سحر:انت اللي ما تعرفني زين يا ابو شملان
ابو شملان:انا صبرت كثير وصرفت فلوس مو علشان تجيني في الأخير وتقولين خط احمر وما ادري ايش
ومسك يدها
سحر وهي تفك يدها وبصوت قوي غير الخوف اللي ساكن قلبها:ابو شملان لو فكرت مره ثانيه تتعدى حدودك معاي انت الخسران ما اعتقد انك تحب تشوف نفسك على الجرايد و فضايحك منتشرة ومكانتك بين اهلك وناسك مهزوزه وأنت قاعد بين بنات وفي مكان مثل هذا
ابو شملان بعصبيه:تهدديني
سحر وهي تكتف يديها ورافعه خشمها وبابتسامه:لا اعتبره تحذير
اخذ ابو شملا غترته وهو طالع :راح تدفعين الثمن غالي وطلع
سحر راحت المطبخ ولحقتها سماهر: سحوره وش سويتي
سحر وهي تحرك يديها في الهواء بعصبيه:أنتي عارفه إني ما اسمح لأحد يتعدى حدوده معاي ولو تعدى حدوده راح انفيه
سماهر:بس ابو شملان راح يسبب لك مشاكل
سحر:ما يقدر يسوي شي وأعلى ما بخيله يركبه
سماهر هزت راسها وراحت وسحر تشرب ماء وتزفر تطلع الهواء اللي محبوس من الرعبه من الموقف

*************
جاء بعد ربع ساعه وفعلا لقى ميري موجوده قريب من المجلس ومثل ما اتفقوا راح وراها وهو وده لو انه يركض ويسبقها ويوصل لها صح هو شافها اليوم بس ما شبعت عيونه من شوفتها ولا شبع نفسه من ريحة عطرها اللي يذكره من المطعم ولا شبعت إذنه من صوتها اللي يعشقه أكثر لا عصبت انتبه على ميري اللي تطالعه وكأنه مو عاجبها

*****************
وقفت عند باب المطبخ تنتظر ميري اللي قالت لها ان السلسال مع طلال ولازم تأخذه بدون ما يدرون إخوانه وحمدت ربها ان ميري من النوع اللي ما يسال كثير ولا يتدخل في شؤون الناس
حست انها خايفه شوي ما تدري ليه هي دائما قويه واثقه بس ليش الرهبه لا لا يا الجوهره أنتي اللي وقفتي في وجه عمامك وعشتي في بيت عمك وتحملتي كثير ما يهزك شي أنتي جبل ...شافت ميري وهو وراها طالعته بحقد شافته وقف ومطول وهو يطالعها قرر تبدى هي بالكلام


وصل لقاها تنتظر أول ما وصل تاه في عيونها المكحله بالكحل الاسود تأمل أدق التفاصيل بها العيون أبحر في سوادها تمنى بس لو يظل يطالع هالعيون
الجوهره بهدوء:وينها
ميري دخلت وخلتهم
طلال ظل يطالع عيونها و اللثمه وما سمع ايش قالت تمنى لو يفك اللثمه مثل ما سوى في المطعم ويكون قريب منها ويلمس خدها بس لا لازم يمسك نفسه شوي علشان يربح التحدي انتبه على صوتها
الجوهره:انت ما تسمع اقولك ويناها
طلال وهو يطلعها من جيبه:هذي
الجوهره عيونها تعلقت في السلسال مدت يدها بلهفه تأخذها:هات سلسالي
طلال ابعد السلسال :مو قبل ما نتفق


&&&&&&&&&&&&&&&&&&&&&

سحر وهي تلبس عبايتها وتأخذ المقسوم من سماهر وتحط الفلوس في الشنطه وطلعت من العماره مشت علشان تركب سواق سماهر لأنها مستحيل في هالوقت تركب تاكسي سمعت صوت سياره ولمحت انوار من وراها التفتت لصوت السياره القريب منها شافت سياره متجهه لها صرخت وهي مو قادره تتحرك:لاااااااااا

-------------

الجوهره دخلت وهي حاضنه السلسال بين أيديها وتلبسه شافت ميري وهي متوتر
الجوهر:ميري وش صاير
ميري:هزا ريما في موجود
الجوهره تفاجات: ياربي وش هالمصيبه وهذي وش جابها
ميري:مافي معلوم روحي بسرعه علشان ما في احد شوف
الجوهره طيب ...وطلعت لها شافتها واقفه بعبايتها المخصره والمفتوحه من قدام وثوب السهرات الواضح والمكياج الصارخ والشيله المحطوطة على راسها بإهمال
الجوهره وهي تكلمها بغيظ وراصه على أسنانها:أنتي ايش اللي جابك هنا انا ما قلت لك لاتجين ابد
ريما:ايه بس أنتي تاخرتي كتير واجاء وقت الدفع وما شفنا شي
الجوهره:فلوسك توصلك مثل كل مره بس وجهك ما ابغى اشوفه ابد
ريما:ههههههههه عطيني مصاريي وآنا ما بفرجيكي وشي بنوب
الجوهره:راح توصلك بكره
ريما:اوكي بس لو ما وصلتني بكره راح أجي لهون وأنتي بتعرفي إني بعملها وما بيهمني شي
الجوهره بحزم وصرامه:لا تهددين والحين فارقي ماني فاضيه لك
ريما:ماشي تابريني..... وراحت
تلفتت تتأكد ان احد ما شافهم وسحبت نفس وغمضت عيونها وحمدت ربها ان مافي احد شافها ولا كان صارت مشاكل هي في غنا عنها

البارت الثامن يا رب ينال اعجابكم
العب وامرح والدنيا فراغ
العب وامرح وآنا اطلع كسبان
العب وامرح وغيري يطلع منها خسران
تأفف وقام من مكانه وطلع للبلكونه علشان يشم هواء يحس انه مخنوق تعب من التفكير لازم يلقى طريقه يجيب راسها
قرر يدخل ويتسلى بوحده من الموجودات علشان ما يفكر فيها وراح يخلي كل شي بوقته حلو وقبل ما يدخل تفاجأ بلي قدامه
خالد بقرف:هذا أنتي
ميساء:مرحبا
خالد يطالعها من فوق لتحت:اختصري وش تبين
ميساء بابتسامه:ولا شي بس حبيت اسلم
خالد بسخريه:بس تسلمين...فكرتك اشتقتي لذاك اليوم
ميساء اختفت ابتسامتها:المفروض أشكرك
خالد باستغراب:على ايش
ميساء:خليتني اكتشف أشياء كثيره ما كنت اعرفها
خالد وهو مو فاهم:العفو بالخدمه أي وقت...........طلع سيجاره يولعها وما عطى كلامها أي أهميه
ميساء بحقد:بس انا أقول لك ان الدنيا تدور يوم لك ويوم عليك
خالد بعصبيه مكبوته:افهم انك تهدديني
ميساء بابتسامه:أبدا ..وتحولت ابتسامتها لخبث وهي تعطيه ظهرها: باااي بس أكيد إننا راح نلتقي قريب ومشت
رجع يطالع منظر الحديقه اللي قدام العماره وهو يسحب نفس ويتأفف وش هالبلاوي اللي تتحذف عليه

*******************
رجعت للصاله وهي مبسوطه انها لقت السلسال وحلت مسالة ريما انتبهت على وجود أم فيصل وبناتها استغربت متى وصلوا وشلون عمي عبد الرحمن رضى انهم يجون
الجوهره بابتسامه صادقه :هلا والله بخالتي
أم فيصل بطيبتها المعروفه:هلا فيك يا بنيتي وتسلم عليها
الجوهره وهي تسلم على شوق:هلا بعروستنا
شوق:ما بعد صرت عروس
الجوهره:بعد بكره واليوم ما يفرق يعني خالصين
شوق:ههههههه
الجوهره:هلا هلا باللي ما ينشافون ابد
شهد:وش أسوي والله هالدراسه مأخذه كل وقتي
الجوهره:الله يوفقك حبيبتي
شوق:دافوره تاكل الكتب آكل
شهد وهي تضرب كتف أختها :قولي ما شاء الله
الجوهره:ما عليكي منها تغار
شوق :وش عليه يا حسره أغار
شهد:انا أجمل وأذكى وأحلى منك
شوق:مالت بس
الجوهره:ههههه أقول بنات خلونا نروح فوق لغرفتي ونخلي الحريم يأخذون راحتهم
البنات:يله..... وصعدوا

&&&&&&&&&&&&&

رجعت لبيتهم صعدت على طول غرفتها صادفت عبير على الدرج سمعت صوت عبير بس ما كانت مركزه ايش تقول دخلت غرفتها صكت الباب وسمعت صوت ضرب عبير على الباب وهي تناديها وتسال ايش فيها
سحر :كان راح يقتلني....... كان راح يقتلني تردد هالكلمه بخوف وهي لحد الحين تسمع خبط عبير على الباب
سحر بصراخ:روحي خليني بروحي
عبير:لا ما راح أروح سحر حبيبتي وش فيك افتحي الباب لا تخوفيني عليك الله يخليك
سحر فتحت الباب ودموعها تنزل حاسه بخوف ما توقعت الأمور توصل لمحاولة قتل تبغى الأمان ما لقت نفسها إلا في حظن أختها صحيح ان عبير اصغر بس عقلها وتفكيرها اكبر
عبير وهي تجلس وتجلس أخته معاها وبخوف:سحوره حبيبتي وش فيك
وسحر تشهق وتبكي :خليني بحظنك.......خلتها فتره
عبير وهي تضمها و بحنيه:حبيبتي قولي لي ايش مضايقك
سحر وهي توخر عن أختها و تهرب من نظرة عيون أختها لها:ما فيني شي بس وحده من البنات اللي اعرفهم جاني خبر وفاتها
عبير طبعا ما صدقت أصلا من متى سحر تهتم لأحد ولا عندها أصدقاء بس مشتها:طيب حبيبتي الله يرحمها كلنا بنموت ومحد يبقى غيره سبحانه
سحر تهز راسها :عبير ممكن تتركيني لحالي شوي
عبير بابتسامه:اوكي بس لو بغيتي شي انا في غرفتي باست راسها وقامت وقبل
ما تطلع :بقول للخدامه تسوي لك عصير ليمون يهدي أعصابك وطلعت
مسحت دموعه وراحت الحمام تغسل وجهها وتطالع نفسها في المرايه ووجها اصفر وهي تتذكر اللي صار لها قبل ساعه
تلبس عبايتها وتأخذ المقسوم من سماهر وتحط الفلوس في الشنطه وطلعت من العماره مشت علشان تركب سواق سماهر اللي مقابل العماره لأنها مستحيل في هالوقت تركب تاكسي سمعت صوت سياره ولمحت انوار من وراها التفتت لصوت السياره القريب منها شافت سياره متجهه لها صرخت وهي مو قادره تتحرك:لاااااااااا
غمضت عيونها وما حست على عمرها إلا على الأرض ويدين ضامتها
سحر:ما حسيت بألم بكسور ما حسيت أني ارتفعت عن الأرض أو مت حسيت بيدين حولي و فتحت عيوني شفت صاحب العيون السود وحسيت بأنفاسه ترتفع وتهبط كأنه اللي كان يركض تذكرته هو تركي ايه اسمه تركي شلون تذكرته وآنا اللي بمكاني المفروض ينسى الدنيا وما فيها.. ظل يطالعني مده بعدين تكلم
بس انا ما سمعت شي بس اللي اعرفه الحمد لله إني ما مت الحمد لله ان السياره ما صدمتني ساعدني أوقف وهو يكلمني ما لقطت من كلامه إلا أنتي بخير طالعته وآنا أحس إني من الخوف مو قادره أتحرك كل اللي اعرفه إني بغيت البيت البيت وبس
بعدت عنه وحركت رجولي اتجهت لسواق سماهر وآنا مسرعه في المشي ولا عطيت للي واقف بال ابد وركبت وطلبت منه يوصلني لبيتنا مو للعماره لا لبيتنا
رجعت لوجهها اللي في المرايه حمدت ربها وراحت تأخذ فيه شور يمكن يخف الرعبه اللي حاسه فيها وتهدا شوي

&&&&&&&&&&&&&&&&

رجع للبيت زي العاده دخل وكان البيت مثل المهجوره ما فيه أي اثر للحياه صعد غرفته خذله شور وريح ظهره على مخدات السرير وتذكر اللي صار
طلع من العماره جاء له اتصال من واحد من ربعه شافها تمشي وسياره مسرعه ما يدري كيف وصل لها بسرعه بس حمد ربه انه كان قريب منها لو هي بعيده كان راحت سمع صرختها وتصرف بطريقه غريزيه و سحبها عن الطريق وطاحت وياه ظل ضامها وكأنه يتأكد ان ما فيها شي بعد عنها يشوفها شاف عيونها تطالعه كأنها مصدومه ظل يطالعه ياما كان قريب من بنات كثير بس هذي غير حسها مسكينه ما يدري ليه رحمها بس خاف صار لها شي سألها :أنتي بخير..صار لك شي
ما جاوبته حس ان منظرهم في الشارع وهم على الأرض وضامها غلط لو احد مر وشافهم قومتها وهي تتسند علي سألتها مره ثانيه اتاكد :أنتي بخير يحتاج اوديكي المستشفى تحسين بشي فجاه وخرت وراحت مسرعه وركبت مع السواق ومشى وما كلفت نفسها تقول شكرا وهو راح لربعه اللي ينتظرونه
رجع لواقعه انا الغلطان اللي أساعدها هذي حتى ماكلفت نفسها مو حتى تشكرني إلا ترد على سؤالي عن حالها
دخل عليه أخوه: اوووه انت هنا
تركي:يعني وين بكون
أخوه:وش أحوالك
تركي :وش أحوالي يعني بعد الحركه اللي سويتها فيني
أخوه وهو يضحك:ههههههه هذي علشان تتعلم وبعدين تكسب خبره
تركي تأفف:الله يعين حكم القوي على الضعيف
أخوه:ههههه طيب تبغى شي انا بروح أنام
تركي وهو يبتسم لآخوه:سلامتك
طلع أخوه وهو رجع لأفكاره

&&&&&&&&&&&&&

صعدوا البنات غرفة الجوهره
لقوا نوف مع ميري:الكل السلام
ميري وعلى طول السنين اللي عاشتها معهم هي ما تركت عنها هزت الرأس:عليكم سلام
شهد :وش أخبارك ميري
ميري:حمد لله أنتي ايش أخبار مع دراسه
شوق:لا تخافين الكتب تصيح منها
شهد :ياربي يا شين الحسد
ميري:ما في كوف أنتي أصلا عقل أنتي همايه (لا تخافين عقلك محمي ما ينضل)
الجوهره وشوق:ههههههه
شهد:ميري هذا جزاتي مسلمه عليك
ميري:هزا مدح مافي هسد
شهد:امحق مدح
ودخلت زي عادتها بإعصار وهي تاشر بأيديها:هلا وغلا ومرحباااا الساع
شوق وشهد:هههه مرحبا مليون
ميري تستهبل:هزا أم كماس كم أخر... أخر كم
البنات :ههههههه
ويسلمون على بعض
شوق :ها خلصتوا أغراض
دلول :يس بس باقي فستان لنوافه
شهد:وروني وش شريتوا
الجوهره:لا خليها بوقتها تشوفينها
شوق وعرق اللقافه طق فيها:لا يله الحين... يوم الملكه ما راح أكون منتبهه لأحد
دلول:اوكي..... وهي متحمسه تأخذ رأي البنات طلعت فستانها طبعا أغراض دلول عند الجوهره لأنها من السوق طوالي على بيت الجوهره
شهد:دلول عليك ذوق يذبح
دلول :احم احم انا أصلا من زمان ذوق
شوق :خلاص يوم عرسي بخليكي أنتي تساعديني بدل سلماء
دلول:بالخدمه طال عمرك وهي تدق تحية عسكريه
شوق وهي ترد التحيه لها:ههههه أستريح يا جندي
شهد: وأنتي جوهره
دلول لاحظت كيس خذته وهي مستغربه ما تذكر انها شافته لما كانوا يشترون فتحته شهقت
البنت لفوا لها:وش فيك
دلول تطلع الفستان:يالخاينه شريتيه
الجوهره: وش شريت
دلول وهي تطلع الفستان :الاحمراني
شهد وشوق:يجنن روعه
الجوهره طلعت عيونها هذا وشلون وصل وتذكرت الاتفاق وعصبت يعني كان مضبط كل شي
دلول:مو تقولين ما عجبك
الجوهره بكذب:ايه بس بعدين غيرت رأيي وأخذته
دلول: متى لا يكون يوم دخلتي دورة المياه وانا رحت أشوف محل الإكسسوارات
الجوهره:دلول أنتي تركتي الأغراض ورحتي محل إكسسوارات
دلول:ايه
الحين فهمت أكيد هو شرا الفستان ولما دلول راحت محل الإكسسوارات حط الكيس بين الأغراض
شوق :غبيه أنتي تخلين الأغراض وتروحين تخيلي لو انسرقوا
دلول ما عجبها التعليق:أقول أكرمينا بسكوتك أغراضي وحلال على اللي بيسرقهم
شهد تضحك على شوق اللي تفشلت من أسلوب دلول الدفش
شوق نقزت ولا كأنها تفشلت قبل شوي:ايه صح تذكرت أقول لكم أخر الأخبار
البنات: وش
شوق: تعرفون نوره البنت اللي معانا
دلول والجوهره :ايه
شهد تسمع معاهم مع انها ما تعرف البنت بس اللقافه اللهم يا كافي
وبدت شوق بسيرة القيل والقال ونقل أخبار خلق الله
______________________

بعد ما أخذت الشور حست انها أحسن وارتاحت جلست على السرير وطلعت الفلوس من الشنطه انا اليوم بغيت اخسر حياتي والسبه هالفلوس لا لا مو السبه الفلوس أنتي ما عليكي قاصر يا سحر لا تلعبين على نفسك أنتي تروحين هالحفلات تدورين على شي ثاني بس وشو هالشي وشو اااااااااه
ايه اعرف وشو لا مو شي أشياء تدورين الأمان تدورين السعاده أي أهم شي السعاده
الاهتمام أبوي كل همه الفلوس وأمي كل همها وشلون تطيحين حمد وغيره علشان الفلوس واخوك ههههه اخوي اللي المفروض يحمينا ويكون السند هايت مو عارف أرضه من سماه
سمعت طق على الباب حطت الفلوس في الدرج بسرعه وقالت:تفضل
دخل عبدالمحسن:ها صاحيه
سحر تفاجات:يبه
عبدالمحسن:ايه أبوك وش فيك متفاجاه
سحر بسخريه: وشلون ما تبغاني ما أتفاجأ انت متى أخر مره دخلت غرفتي
عبدالمحسن:احم احم خليكي من دخلتي وغرفتك انا جاي أقول انك اتوظفتي
سحر:صدق
عبدالمحسن: ايه
سحر بحماس:طيب متى أبدا و وين توظفت فيه
عبدالمحسن:في مؤسسه واحد من أصدقائي وأنتي راح تكونين في مكتب معاكي موظفتين
سحر بتأفف:يعني مو بروحي
عبدالمحسن:لا مو بروحك والدوام يبدأ بعد أسبوع
سحر:طيب أهم شي أني اشغل وقتي
عبدالمحسن:كأنك مقصره أنتي طول وقتك مشغول وطالعه
سحر:ايه صح ...في نفسها :لو تدرى وش اللي شاغلني كان جاتك سكته قلبيه
عبدالمحسن:يله انا بروح أريح تصبحين على خير
سحر:وأنت من أهله
طلع أبوها وهي مبسوطه انها بتشتغل هي صحيح مو محتاجه بس على الأقل شي جديد في حياتها

&&&&&&&&&&&&&&&&&&&&&&&&

بعد السوالف وبعد ما راحو البنات قعدت في غرفتها رفعت الكيس وشافت الفستان الأحمر وتذكرت اللي صار اليوم والاتفاق
الجوهره:انت ما تسمع اقولك وينها
طلال وهو يطلعها من جيبه:هذي
الجوهره عيونها تعلقت في السلسال مدت يدها بلهفه تأخذها:هات سلسالي
طلال ابعد السلسال :مو قبل ما نتفق
الجوهره:على ايش
طلال:على الفستان الأحمر
الجوهره باستغراب:أي فستان
طلال:في كيس اسود مع الأغراض شكلك ما شفتي أغراضك اللي شريتيها
الجوهره:كيف ....سكتت وهي تفكر
طلال: ما يهم كيف
الجوهره بعصبيه: انت مجنون إلا مختل
طلال: يمكن
الجوهره: المطلوب
طلال: قلت لك الفستان الأحمر تلبسينه يوم الملكه
الجوهره:على جثتي ما أخذت شي منك
طلال رجع السلسله لجيبه وعطاها ظهره ومشى
الجوهره بسرعه:استنى ..خذت نفس وطلعته:خلاص بلبسه بس عطني سلسلتي
طلال وهو معطيها ظهره:ايش يعرفني انك ما تغيرين رايك
الجوهره:انا كلمتي وحده ما أغيرها
لف لها وهو يبتسم ابتسامة نصر وطلع السلسال مدت يدها وخذته بسرعه ورجعت على وراء كأنها ما تضمن ما يسوي شي هذا مجنون
مشى وقبل ما يلف لجهة المجلس طالعها وابتسم لها شافها ضامه السلسله وتطالعه بكره
دخل المجلس ولا كأنه مسوي شي وكمل سوالف دخلت هي المطبخ لقت ميري واقفه عند الباب زي هي ما طلبت منها وعلى وجهها كلام كثير
رجعت لحاضرها دخلت الفستان في الكيس وفتحت الدولاب ورمت الكيس وطلعت الفستان السماوي وعلقته
الجوهر:انا وش اللي يخليني أسوي اللي طلبه السلسال ومعي وهو ما يقدر يسوي شي
صكت الدولاب وهي تبتسم وراحت لإخوانها زي العاده تطل عليهم

&&&&&&&&&&&&&&&

وقفت عند باب غرفتها متردده بس حزمت أمرها وطقت الباب جاها صوت :تفضل
دخلت
عبيروهي مو مصدقه:سحوره....... ابتسمت :آهلين حبيبتي تعالي اجلسي ليه واقفه
ارتاحت سحر من ترحيب أختها مبدئيا وجلست
عبير:ها قولي لي وش عندك طابه علي
سحر:يعني اطلع
عبير:لا لا حبيبتي انا ما صدقت تجين تبغين تطلعين
سحر:لها لدرجه
عبير:وأكثر
سحر :ايه ترى توظفت وراح أبدا بعد أسبوع
عبير:صدق يا حبيبتي ..وضمتها و سحر ما تحركت من مكانها تفاجات من حركت أختها ما توقعت أختها اللي طول عمرها ما بردت خاطرها بكلمه تفرح لها هالكثر
سحر وهي تحظن أختها وبهمس:تحبيني يا عبير
عبير وخرت وهي مستغربه السؤال:أكيد احبك أكيد
سحر: بس انا ولا يوم قلت لك كلمه تجبر خاطرك ولا يوم عاملتك زين كيف تحبيني
عبير وهي ماسكه يدين أختها:احبك أنتي أختي لو مهما سويتي أظل احبك انا مالي غيرك ابد احنا أصلا ما لنا غير بعض .....وبطريقه مزح:تعفس وجهها :صحيح انك أحلى مني وآنا عاديه بس بعد احبك
سحر ابتسمت ابتسامه باهته وتذكرت:ايه صح أنتي خلصتي أغراضك لملكة شوق
عبير:لا والله ما شريت
سحر متفاجاه :ما شريتي شي والملكه بعد بكره
عبير:تعرفين انا ما اعرف في هالامور شي يعني بصريح العباره أحس ذوقي لكي عليه شوي
سحر بتردد :طيب ..وش رايك أروح انا معاكي بكره وما نطلع من السوق إلا وإحنا مخلصين كل أغراضك
عبير:يا سلام ياليت والله
سحر بابتسامه:اوكي بكره العصران شاء الله نروح
عبير: اتفقنا
قامت بتطلع وتذكرت عبير شي:سحر
سحر:نعم
عبير وتحاول ما تبين:انا بغيت الفستان يكون تركواز
سحر:ليه بالذات تركواز
عبير:أحب هاللون
سحر:طيب تصبحين على خير
عبير:وأنتي من أهله ويا ليت ما تكون هذي المره الاخيره اللي تزوريني فيها
سحر ابتسمت وراحت
عبير:الحمد لله الحمد لله
راحت غرفتها وهي تحس بشي ما تدري وشو بس يمكن هذا الإحساس هو السعاده ايه يمكن انسدحت على السرير تحاول تنام و متحمسه للروحه مع أختها وتحاول ما تفكر في اللي صار ويمكن ربي أراد انها تنتبه على نفسها مو كل مره تسلم الجره

&&&&&&&&&&&&&&&&&

دخلت على أخوانها لقتهم نايمين وميري معاهم نايمه باست روسهم وطر على بالها امهم ريما حست انها متضايقه من ذكراها تذكرت لما أول مره سلمتها الفلوس يوم راحت لها الشقه كانت في عماره شكلها ما يشجع على ان الواحد يسكن فيها واستغربت من الإزعاج اللي ظاهر من الشقه رنت جرس وهي حامله الفلوس في ظرف فتح لها الباب رجال شكله ماعجبها ابد
الرجال:آهلين وسهلين بالحلوين
الجوهره بقرف:وين ريما
وصوت الاستريو واصل
الرجال:داخل اتفدلي (تفضلي)
الجوهره:لا بستناها هنا نادها لي
الرجال:ولو ما بيصير
الجوهره :قلت لك بستناها هنا
الرجال:على راحتك يا حلو
وراح يناديها الجوهره في نفسها:معقوله الكلام اللي ينقال عنها صدق
طلعت ريما والشكل لا تعليق والجوهره يا ما سمعت من أخوانها ماجد وعبدالمجيد عن ريما كلام بس عمرها ما توقعت صدق لها لدرجه
ريما:آهلين تابريني
الجوهره بقرف:هذي فلوسك وكل سنه راح توصلك مثلها وعيالك تنسينهم
ريما:من عيني هي ابل هي مدام الشغله فيها ربح بنساهون وبنسى ابوهن كمان
الجوهره:لا تجيبين سيرة ابوي على لسانك ....وهي رايحه وقفها صوت ريما: سلميلي على ولادي وبوسيهون الي
الجوهره:الله لا يسلمك
طلعت من العماره وركبت وقالت لسواق يتحرك بسرعه والحين تأكدت ان الخطوه اللي سوتها صح الصح وأنها مستحيل تخلي أخوانها يعيشون في هالبيئه الزباله وحمدت ربها ان أبوهم ترك لهم شوية فلوس وبفضل الله وفضل عبدالمجيد ومعرفته بالأسهم والبورصه كثرت فلوسهم وهي طلبت من ماجد يحول لها المبلغ كل رأس سنه ولما سألها قالت له كلمه وحده:انت عارف إني لا يمكن احطهم في شي ضار لنا فرجاء يا اخوي لا تسألني رجاء
عبدالمجيد:لاني واثق فيك ومتأكد وعارف عقليتك ما راح أسالك بس ابغاكي تعرفين إذا جاء يوم وبغيتي تقولين لي شي انا موجود وحاضر واعرفي إني أول واحد أوقف معك مهما كان الموضوع أو الظروف
حبت رأس أخوها وهي ممتنه وصارت تحول الفلوس من حسابها لحساب ريما لأنها مو مستعده تروح لها في شقتها وأكيد ما راح تخليها تجيها
صحت من ذكرياتها غطت أخوانها زين وهي تحمد الله عطاها ناس يحبونها صدق الله اخذ منها الأبو والأم بس عوضها بإخوان(عبدالمجيد وماجد وريان ونايف ونوف) وصديقات(دلول وشوق وشهد وعبير) وخالات(أم عبدالمجيد وأم فيصل وأم دلال)وأكيد ميري وهذولا ناس وزنهم ذهب
__________________

مرت الوقت وطبعا عبير راحت مع سحر وعطت عبدالمجيد خبر علشان يبلغ الجوهره وطبعا هم ما اخفوا تفاجئهم وانبسطت مع أختها على الأخر
وجاءت ملكة شوق الكل حوسه واللي عند الكوافير واللي رايح يحلق وجات الليله
دلول وهي تنتظر الجوهره في غرفتها لأنهم متفقين يروحون مع بعض
طلعت الجوهره ودلول تصفر بطريقه شبابيه:ما اقدر على الأحمر يا شيخ
الجوهره :اتركني عنك حركات العياره
دلول:الحين مو أنتي يوم كلمتيني قلتي بتلبسين السماوي وش خلاكي تغيرين رايك
الجوهره ما تعودت أقول كلمه وارجع فيها مو انا اللي تسويها:ههههه ليه تغارين وتخافين أغطي عليك
دلول:هو أنتي تأدري (بالمصري)...
وتقاطعهم ميري وهي معصبه:والله هزا اخو أنتي في شيب شعر انا
دلول:ههه وش فيك يا ميري
ميري:هزا ريان انا قول البس ثوب جديد هوا قول لا البس ثوب قديم
الجوهره:خلاص انا اجيه الحين
ميري:الله يعين انا شعر مال انا قرء (قرع)
دلول:وآنا أقول كنك مصلعه من قدام ههههههه
ميري ما عطتها وجه واحت

***********************
راحت الجوهره لريان هي و دلول
الجوهره :ريون حبيبي وش فيك معاند ميري جايتني تشتكي منك
ريان :ما ابغى البس الثوب الجديد ما ابغى
الجوهره :ليه
ريان:بس انا رجال وكيفي أسوي اللي ابغاه
الجوهره بعصبيه:ريان
ريان يطالعها :والله الثوب القديم عندي أحسن متعود عليه
دلول:جوجو خليه على انا و ريونتي نتفاهم
الجوهره:طيب.... وطلعت وقابلت ماجد
ماجد :ها يا حلو ما خلصتوا
الجوهره:إلا باقي ريان بس أف منه عجزت معاه ما يبغى إلا يلبس الثوب القديم يقول الثوب الجديد ما عجبه
ماجد:خلاص أنتي بس تجهزي وما عليكي منه
الجوهره:طيب
راح وقبل ما يدخل غرفة ريان سمع صوتها ووقف يسمع
دلول:ريان حبيبي انت ما تبغى تطلع اكشخ واحد في الشباب
ريان:إلا
دلول :يله ورني والبس الثوب الجديد وخل البنات إذا دخلت يتسدحون
ريان:أي بنات أصلا ما في بنات إلا الكبار ما في على عمري
دلول يا ربي وش ذا النشبه:انت ما تقلد ماجد في كل شي
ريان :إلا
دلول :وماجد أكيد الحين كاشخ ولابس الثوب الجديد وكل البنات بيتسدحون عنده
ريان:حتى أنتي
دلول والله شكلي بقول أدقه طراق هذا اللي ناقص انا اموت على مجود وردت بكذب:ايه حتى انا
ريان:طيب ما دام البنات بيتسدحون عندي زي ماجد راح البسه
دلول وهي تخرب كل شي:ههههههه وهذا للي همك تسدح البنات لا لا هذا كله من ماجد علمك على الانحراف منذ الصغر وأنت يالخبل تمشى وراء واحد أخبل منك
ريان:ليه تقولين كذا عليه أنتي ما تحبينه صح
اثنين انصدموا
دلول اللي سألها ريان وماجد اللي وراء الباب وهو متحمس يسمع الاجابه
دلول بارتباك:من قال
ريان :أنتي كله تغلطين عليه يعني تكرهينه
دلول:مو معناتها إني اتهاوش وياه معناتها إني اكرهه بعدين احنا كل هواشنا مزح بمزح
ريان: يعني ما تكرهينه
دلول:أكيد لا هو صديق طفولتي
الجوهره بصوت عالي:ماجد وش تسوي عند الباب تقول يله يله وأنت واقف
دلول سمعته:ياربي ان شاء الله ما سمع كل الكلام
ماجد للجوهره :ها ايه ايه يله ونزل الدرج ونزلوا كلهم
ركبو في سيارتين الأولى عبدالمجيد(أم عبدالمجيد وأم دلول ونواف ونوف)
وركب مع ماجد (الجوهره وعلي وريان و دلول وميري)
ومشت السيارات وتوجهوا للملكه
لحد هنا أوقف
ووش تظنون راح يصير في الملكه
هل راح تلتقي الجوهره مع عمامها ولا لا
وهل راح يصير شي يخرب عليهم فرحتهم

البارت التاسع قراءه ممتعه
في سيارة عبدالمجيد الحريم شغالين بالسوالف أما في سيارة ماجد
ماجد يطالع دلول من المرايه ويشوف نظرات الغضب
ماجد في نفسه:وش فيها هذي تطالعني كذا يمكن لأنها درت إني سمعت كل كلامها ويبتسم لها :صدق خبله
دلول:أف وش فيه هذا يطالعني كذا أكيد مع وجهه سمعني يوم إني اكلم ريون كله بسبب ريون الغبي
وتكلمت بصوت مسموع:يعني كان لازم يتفلسف كله نفس الشي بلا ثوب
الجوهره مستغربه :بسم الله عليك دلول من تكلمين
دلول بارتباك:ها لا لا محد محد
ماجد:ههههههههههههه
الجوهره:وأنت الثاني وش فيك تضحك احد قال نكته
ماجد وهو يطالع دلول من المرايه:ابد سلامتك
الجوهره:الحمد لله والشكر بس انتو الاثنين مو صاحين
دلول وهي تطالع الدريشه:مالت عليه أكيد يضحك علي
وصلوا والكل نزل
أم عبد المجيد بهمس لأم دلال:يا خوفي يصير شي
أم دلال:لا توسوسين ان شاء الله ما في إلا الخير
أم عبد المجيد:الله يستر ما تقط أم خالد نغزات على الجوهره
أم دلال:ان شاء الله ما يصير إلا كل خير أنتي بس اذكري الله وخلنا ندخل
أم عبد المجيد:لا اله إلا الله.... يله
ودخلوا
&&&&&&&&&&&

عند الرجال وقبل ما يدخلون المجلس مسك يد أخوه
عبدالمجيد:ماجد
ماجد:سم
عبدالمجيد: ابغاك تمسك أعصابك وما نبغى مشاكل
ماجد:هم اللي يبدون مو انا
عبدالمجيد:احنا جايين نفرح مو نحارب ابغى منك وعد تمسك نفسك قدامهم
ماجد تأفف و ما رد
عبدالمجيد:ماجد ما نبغى نخرف على فيصل فرحته بأخته
ماجد:خلاص وعد
عبدالمجيد:يله ندخل
ودخلوا واستقبلهم فيصل بترحيب حار لأنه مو مثل ابوه وما يعجبه عمايل عمه ولا ابوه سلموا على الكل ووصلوا عند عمهم عبدالمحسن سلم عليهم هو وعمهم عبد الرحمن بدون نفس علشان الناس الموجودين و علشان ما يتكلمون عليهم ويتشمتون فيهم وخالد يسلم وهو وده لو يذبحهم وباركوا للمعرس
وجلسوا وصاروا يسولفون مع فيصل وما فاتهم نظرات الكره مع عيون عمانهم وخالد
&&&&&&&&&&&&&

حمد وهو عند طلال في بيته
حمد:يله يا أخي اخلص علي واترك عنك الحركات البايخه
طلال:ابغى افهم انتو أهل انا وش يجيبني بينكم
حمد:وش ذا الكلام انت اخوي اللي ما جابته أمي وبعدين فيصل بنفسه هو قال لي جبه معك
طلال:أصلا انا ما شفت فيصل هذا إلا مرتين متى أمداه يعرفني علشان يعزمني
حمد وهو ماسك طلال من تيشيرته:قدامي أصلا انت ما ينفع معك الأدب
طلال:ههه خلا ص خلاص اتركني بروح ابد ونازل
حمد:يله انتظرك لا تتأخر

**************************************
دخلو الحريم واستقبلتهم حبيبتهم أم فيصل بالترحيب والبخور وسلموا
وأم عبدالمجيد تهمس لام دلال:شوفي أم خالد وشلون تطالعنا
أم دلال:شفتها
أم عبدالمجيد:مره حقود وشايفه نفسها ما تدري إننا كلنا من تراب وراجعين له
أم دلال:الحمد لله والشكر والله ان ذا الحرمه خبله وما عندها ما عند جدتي
أم عبدالمجيد وهي متفاجاه من أسلوب أم دلول اللي تغير فجاه وماسكه ضحكتها:ليه تقولين كذا
أم دلال:شوفي ذا المزهرية اللي حاطتها على راسها ...وتبوس يدها وجه وظهر:الحمد لله والشكر صدق هالمره كل ما تكبر عقلها يصغر
أم عبدالمجيد:ههههههه استغفر الله الحين عرفت بنتك طالعه على مين
وكملو سوالف وضحك
____________________________

عند البنات بعد ما رحبت فيهم أم فيصل قالت لهم يصعدون فوق لشوق وشهد وعبير و سلماء
فتحت الباب زي عادتها بدون ما تطقه:ألف الصلاة والسلام عليك يا حبيب الله محمد
شهد والجوهره وعبير :كللللللللللللللللوش
شوق:أخيرا جيتوا ليه تاخرتوا
ويسلمون على بعض وتعرفوا على سلماء اللي كله شوق تتكلم عنها
الجوهره:وش نسوي علبال ما خلصنا ومسافة الطريق تأخرنا شوي
دلول بصوت عالي:أيها الساده بهذه المناسبه انا مجهزه لأحلى وأغلى عروس مفاجأه سوريه على نص كوكتيل سعودي
البنات :وش هي
دلول وهي تغمز لشهد اللي فهمتها لأنهم متفقين على شوق من قبل
دلول وبصوت عالي:
أوييييييها وقالوا شوق بتعنس
أوييييييها وقالوا عنها جيكره
أوييييييها وقالوا بتطيح بكبد اهلها وتعجز
أوييييييها وجاها اسامه وتورط هو وفك أسرها
شهد:أوييييها كللللللوش
شوق بزعل وهي ترميهم بعلبة مناديل:يا الخايسات مالت عليكم هذا كلام تقولونه لي يوم ملكتي
الجوهره:ههه ما عليك منهم هذول الثنتين خبلات
عبير:حرام عليكم ليش كذا
سلماء ميته ضحك على دلول وخبالها يا ما سمعت عنها من شوق بس ما توقعتها فلاويه كذا
دلول:الصراحه يا شوق لو طلعتي كذا للمعازيم ما راح تشوفين إلا ضحايا اللي بتشوفين غبرتها واللي بتطيح صريعه الموت واللي بتنعمي من يوم تشوفوك
شوق:جوجو شوفيهم
شهد:لا أصلا اسامه المسكين إذا شافها بينحاش حتى بدون نعاله وبشته
عبير و سلماء والجوهره ما قدروا يستحملون:ههههههههه
شوق:برا برا أنتي وياها وانتو تضحكون
سلماء وتحاول ما تضحك:آسفين
جوهره: خلاص عاد بنات ما عليكي منهم
عبير:أنتي يا شوق ما شاء الله عليك قمر 14
شوق:ايه هذا الكلام اللي يبرد القلب مو انتم
وقعدوا سوالف وضحك وتخويف في شوق

************************************
وصلوا ودخلو المجلس طلال وحمد:السلام عليكم
الرجال :وعليكم السلام ...ويسلمون على الكل ويباركون للمعرس
حمد:مبروك
اسامه وهو شاق الحلق:الله يبارك فيك
طلال:على البركه
اسامه:الله يبارك فيك
وجلسوا مع باقي الشباب.......فيصل:هلا والله حيا الله من جانا
طلال:الله يحيك
حمد:يا شيخ اسكت ظهر روحي علبال ما جاء
ماجد:ليه
حمد:يقول انتم أهل وآنا وش يدخلني بينكم وما ادري وشو بعد
فيصل:وش هالكلام كلنا أهل ولا عاد اسمع من حمد انك قايل كذا لأطب في بطنك
طلال:ههههه على ذا الخشم
وصار يطالع خالد اللي من أول ما دخل وهو يطالعه وهو يبتسم ابتسامه غرور لخالد وما عاد فكر يطالعه مره ثانيه
__________________________

في الاستراحه قاعد مع ربعه دق جواله طلع برا يرد عليه علشان الإزعاج وبعد فتره رجع
غسان:يا أخي وين رحت
تركي:ابد طلعت أرد على اخوي هنا إزعاج
غسان هو واحد من أصدقاء تركي:عسى ماشر
تركي:ماشر بس يقول لي أجي معه
غسان:وين
تركي: أقول يا شين اللقافه وزع خلنا نلعب اكسر راسك
غسان:انت تكسر راسي أي هين
تركي:وزع خلني اوريك
غسان بضحك:اوكي خلنا نشوف من يوري من
ودخلو في جو اللعب و الوناسه

**********************************
وبين الضحك والفله والهبال دخلت عليهم أم فيصل بالدفتر وحطته قدامهم
أم فيصل:وقعي يا يمه....و عطتها القلم
شوق:ان شاء الله
و خذت القلم والقلم يرجف بين يديها
دلول لسلماء:لا حول والله اشك ان البنت بتنسدح علينا بسبب الخوف
سلماء:ههههههه
أم فيصل:سمي يا بنيتي أول
شوق :بسم الله
ووقعت شوق
أم فيصل وهي تمسح دموعها وتحضنها:مبروك يا بنيتي
شوق :الله يبارك فيك
البنات :كللللللوش مبروك.....مبروك
وطلعت أم فيصل ودخلت ميري مع نايف ونوف
الجوهره:ميري في شي
ميري:لا بس انا ابغى قول مبروك هق شوق
شوق:الله يبارك فيك
نايف:ماما انا إذا كبرت تزوجوني وحده حلوه مثل شوق
الجوهره:ههههه ايه يا ماما
نوف:حتى انا
دلول:أنتي وشو
نوف:ابغى وحده حلوه
دلول:ههههههه هالخبله تفكرها حلاوه
عبير:دلول حرام عليك
الجوهره:إلا صدق عبير وين سحر
عبير:والله تحت مع أمي
دلول بهمس:وش عندك تسالين عنها خليها ما نبغى مغثه
الجوهره طالعت دلول وما ردت
ميري:ما شاء الله .....ما شاء الله كلو واجد هلو وأنتي ما في كوف
شوق :مشكوره ميري
دلول:لا تصدقين أصلا هذي وش يعرفها بالعرس والملكه وهالخرابيط
ميري:انا اارف كسير(انا اعرف كثير)
دلول:واااااااضح
ميري:انا في ثلاثه زواج من زمان
البنات طالعوا بعض
الجوهره:ههههه وشفيكم طلعت عيونكم ليه ما تدرون ان ميري متزوجه ثلاثه من قبل
عبير:والله يا ميري طلعتي مو سهله
دلول:قطيعه ما يبين عليك انك معذبة قلوب الرجال
سلماء واللي دخلت جو:ههههههه بالعكس مبين عليها مقطعه الرجال تقطيع
ميري:شكريا انا معلوم انا واجد هلو بعز هزا ناس في غيره من انا (شكرا انا ادري إني مره حلوه وفي بعض ناس يغارون مني)
دلول:من تقصدين
شوق:اللي على رأسه بطحه ههههه
قاطعتهم أم فيصل:يله ...يله علشان تنزلين تحت وبعدها تدخلين على الرجال
البنات طلعوا إلا سلماء وشهد قعدوا معاها
ونزلوا البنات

&&&&&&&&&&&&&&&&

عنده هو كان قاعد على أعصابه هو يدري انها بتوقع وكل شي ان شاء الله بيمشي تمام بس بعد التوتر شي لابد منه
اسامه:وش فيني كل هذا توتر ولا وناسه لاني بشوفها فديتها والله.. ياربي وش فيها الساعه بطيئه امش يا وقت بسرعه اففففف
اخو اسامه (سامي):الله يفشلك اصبر والله أحسك شوي وتقوم تركض لداخل
اسامه:مبين علي
سامي:ايه ههههههه
جاء ابو فيصل و معاه الكتاب موقع وقام الكل يبارك وهو يسلم بسرعه على المعازيم يبغى يخلص ويدخل بسرعه وأخوه ميت ضحك عليه

*************************
نزلوا البنات والجوهره سبقت دلول وراحت تسلم على الموجودات
وأم خالد تطالع الجوهره من فوق لتحت ولفت وجها للجهة الثانيه ولا سلمت والجوهره سحبت يدها الممدوده لها وسلمت عليها سحر ومع ان الجوهره حست بتغيير بسيط في سحر بس لحد الحين الغرور موجود فيها
جات دلول وشافت اللي سوته أم خالد وفي نفسها هين اوريك يالعجوز ودخلت تسلم ولما وصلت لام خالد وأم خالد وقفت تركتها واقفه وما سلمت عليها وأم خالد تفشلت وجلست ووجها طاح وسلمت بعدها على سحر ببرود لان عمر سحر و دلول ما تفاهموا ولا حبوا بعض
عبير متفشله:الجوهره امسحيها في وجهي حبيبتي
الجوهره بابتسامه:لا عادي حبيبتي أصلا انا توقعت كذا وأزود
عبير:والله متفشله منك
الجوهره: انا عارفه حبيبتي أنتي ما لك ذنب
___________________

أم عبدالمجيد:شفتي شفتي وش سوت تفشلها قدام الكل أروح أدوس في بطنها الحين
أم دلول:يا وخيتي شوفي بنتي ما قصرت ردت لها الفشيله
أم عبدالمجيد:والله ان بنتك تستأهل حبه على الرأس
أم دلال بمزح:حبي راسي كأنها لبنتي
أم عبدالمجيد:ههههه
___________________

الجوهره:وش سويتي المره قايمه لك تسلم تطالعينها وما تسلمين
دلول:خليها عنك هالعجوز والله ما عاش من يكسر بخاطرك و دلول موجوده
الجوهره:ههههه فديك والله بس انا ما ابغى مشاكل تخرب فرحه شوق
دلول: لا نخربها ولا شي ....شوفي شكل شوق بتنزل
ونزلت شوق وهي مبين عليها خايفه وجلست وابتدأ الكل يسلم عليها
دلول تهمس لشهد و سلماء:وش بلاكم ما حطيتوا أغنيه ولا حركات تطلع شوق عليها
شهد:قلنا لها ما رضت تقو ما تبغى
دلول:لو حاطين أغنيه ومطفين الأنوار تطلع شوق وعليها النور أحلى
سلماء :والله قلن وهي قالت لا
وسلموا البنات وبعدها اشتغل الدي جي
وكانوا حاطين موضي بمنتهى الرقه وأول من دخل دلول وهي ساحبه الجوهره
وصاروا يرقصون و معاهم شهد و سلماء وميري متحمسه وشاله نوف تلعبها
ودلول تبدع زي عادتها
أم دلال:عاشوا عاشت بنتي
أم عبدالمجيد:وبنتي انا بعد ويصفقون
وبعد ما خلصوا رقص
ورقصوا الحريم شوي
شهد :بنات بحط دبكه سوريه من يدبك معي
دلول:افا عليك أنتي روحي وآنا وراكي تأبريني
وشغلوا الدبكه وقاموا دلال وشهد يدبكون والكل يضحك ويصفق والبنات مستانسين وبعد الرقص و الوناسه

&&&&&&&&&&&&&&&
هذا الجزء يخص شوق و أسامه
&&&&&&&&&&&&&

أم فيصل لبنتها:يله بنيتي قومي
شوق:وين يمه
أم فيصل:يله بنيتي تدخلين على رجلك
شوق:يمه لازم يعني خلوها بعدين
أم فيصل:وش بعدين يله حبيبتي قومي
شوق :طيب
وقامت

قاعد بعد ما سلم على الرجاجيل ويهمس لآخوه:يووووه مطولين يا أخي قل لعمي ابو فيصل بسرعه يخليني ادخل
سامي:اسكت الله يفشلك شف أبوي وشلون يطالعك أثقل
اسامه بملل:طيب ....وبعد فتره:ليش الوقت بطيء كذا
سامي ماسك ضحكته:والله انت اللي رايح فيها
اسامه يبتسم لآخوه وما رد عليه وبعد شوي قام ابو فيصل ورجع :أسامه
قام اسامه وهو يقول في نفسه :ما بغيتوا أخيرا
ودخله لمجلس ثاني وجلس على أعصابه يستنى وطلع ابو فيصل علشان يجيب شوق

شوق:
قمت مع أمي وانا حاسه بموت من الخوف ومشيت لحد ما لقيت أبوي يستنى ولما وصلنا قال :يله يا بنيتي
شوق:يبه خايفه
ابو فيصل:سمي بالله وما في شي يخوف ومسك يدها يضغط عليها وقبل ما تدخل شافوا فيصل جاء كأنه حاس بأخته اللي دوم يطفشها ويزعجها وتزعجه حب يكون معاها اليوم
شوق:فيصل
فيصل لأبوه:خلاص يبه انا بدخلها المجلس
الابو هز رأسه بتفهم وتركها
شوق:فيصل خايفه موت
فيصل :لا تخافين ما دام انا موجود أنتي ادخلي وآنا كله ربع ساعه وارجع أخذك
شوق :لا لا ربع ساعه كثير خلها 10 دقايق أو.... أو 5 دقايق أحسن
فيصل ماسك ضحكته:طيب احنا خلنا ندخل ويحلها الحلال
دخلوا وتقدمها فيصل :سلام
اسامه :وعليكم السلام
فيصل:شوق سلمي
شوق بهمس وتحس ان صوتها مخنوق: سلام
اسامه بابتسامه:هلا والله وعليكم السلام
وجلسوا وفيصل يطالع أشكالهم وماسك ضحكته
قام فيصل وشوق تمسكه:وين رايح
فيصل:بروح اتركي ثوبي لا تفشلينا
شوق:لا الله يخليك اقعد
فيصل:ما يصير عيب
شوق:الله يخليك تكفى
وراح وتركها وقعدت بدون صوت وتفرك أيدينها

اسامه
وآنا قاعد في المجلس تأخروا وش السالفه إلا الباب انفتح ودخل فيصل وهي وراه شواقتي حياتي استنيت كثير علشان هاللحظه رديت على فيصل السلام وآنا ما ادري عنه وسمعت فيصل يقول لها تسلم ومع إني ما سمعت ايش قالت بس توقعت انها تسلم وقعدوا وذا النشبه فيصل قعد أشرت له يطلع يفارق والحمد لله ما طلعت منه حركات نذاله وقام شفتها تمسك ثوبه بغيت اضحك وفيصل يهمس لها ومشى وخلاها وهي قعدت قلت أروح لها اكسر جدار الصمت قمت ورحت وقعدت جمبها وهي ما تحركت
اسامه:شواقه
شوق:لارد
اسامه:أخبارك
شوق:لارد
مسك اسامه يدها وهي تحاول توخر يدها بس هو ماسك بقوه وكأنه عارف ايش راح تكون ردة فعلها
اسامه:بتقعدين ساكته
شوق وأخيرا:انا الحمد لله
اسامه بضحكه:تدرين اللون الذهبي عليك حلو
شوق بحياء :تسلم
اسامه:بس تسريحتك و مكياجك مو حلوين ابد تخوفين
شوق لفت له وعيونها طالعه من مكانها وتذكرت كلام البنات وبسرعه:والله الكوافيره قالت لي حلو وحتى البنات
اسامه:ههههههههههههههههه
شوق حست بالفشيله وجات بتقوم بس يد اسامه مسكتها وجلسها
اسمه:ههه انا ما قلت كذا إلا علشان ترفعين وجهك وتناظريني ولا أنتي .......وهو يقرب :كلك على بعضك جنان
شوق وهي توخر :ت ...تسلم
وفجأة انفتح الباب ودخل نايف وجلس
اسمه:انت وش جابك هنا
نايف:مالك دخل
شوق في قلبها:تسلم لي يا اخوي
وشوي ودخلت نوف.....اسامه:كملت هذا اللي ناقص
شوق:ههههههههه
اسامه:فديت الضحكه أروح ملح وراها
نايف:شفتي يا أختي هذي هي قلة الأدب اللي كله اقولك عنها
شوق تفشلت
اسامه:لا يا شيخ وش رايك برا علشان قلة الأدب ذي ما تخرب مستقبلك
نوف:لا تطرد اخوي
اسامه : لاتخافين أنتي بتلحقيته
نوف:والله حاله هم يقولون ادخلوا وهو يقول اطلعوا صدق الكبار متخلفين
نايف :معاك حق
اسامه:من قال لكم ادخلوا
نايف:فيصل
اسامه :أوريه النذل ...وقام ومسك نوف ونايف وطردهم ورجع لشوق

&&&&&&&&&&&

ومر الوقت وانبسطوا
وبعد ما راحوا كل الرجال وما بقى في المجلس إلا فيصل وأبو فيصل وخالد وأبو خالد وطلال وحمد وعبدالمجيد وماجد وعلي وريان
خالد اشتغلت النذاله:والله قوات عين من بعض الناس
حمد:من تقصد
خالد:اقصد الجايين وهم مو مرحب فيهم بينا
ماجد يطالع أخوه وأخوه يطالعه بمعنى اسكت عنه
حمد:كلنا أهل وما في احد مو مرحب فيه بينا
خالد:انت من كلمك انا اكلم هاللي ما عندهم رد يردون به علي
ماجد عصب وعبدالمجيد يمسك يده
فيصل:خالد اقصر الشر وهذا ملكة أختي وما نبغى مبزره وقلة حياء
خالد عصب:انا قلة الحياء تجي مني ولا من هذولا اللي جايين ولا كأنهم متنكرين لعمامهم
ماجد ما تحمل:والله ما تنكرنا لهم إلا من عمايلهم معانا
عبدالمحسن وعبد الرحمن انتبهوا للكلام وقام عبدالمحسن معصب:يا ولد احترم نفسك واعرف تكلم من
ماجد:عارف نفسي ومحترمها والباقي على الناس اللي مو محترمه....وطالع خالد
خالد:تخسي إلا انت إذا كان في احد مو متربي ولا محترم فهو انت وأختك اللي مو قادرين تقضبونها
طلال مسك نفسه وهو وده لو يذبحه لأنه مو من حقه يتدخل وهو ما يقرب لها شي وظل يتفرج عليهم
عبدالمجيد قام له كله ولا سيره الغاليه وبعصبيه وعيونه شرار:شب وقص في لسانك وربي اللي رفع السماء لو ما تصك حلقك لأجيك وما أخليك تطلع من هنا إلا على نقاله في الإسعاف
خالد خاف من عبدالمجيد لأنه نادرا ما يعصب وإذا عصب ينخاف منه
عبد الرحمن يطالع وساكت ماله كلام مدام أخوه عبدالمحسن يتكلم
عبدالمحسن:هذا اللي ناقص أكيد وش نتوقع من عيال سالم
ماجد:أبوي تاج على رووس الكل وما فكر يسرق احد
فيصل:بس يا جماعه اذكروا الله
حمد:اعتقد يا عمي انك ما ترضى ان احد ينهان في بيتك
عبد الرحمن(أبو فيصل):خلاص يا عبدالمحسن خلاص هذا يوم فرحتي ببنتي لا تخربون علي هاليوم
عبدالمحسن هز رأسه بعدم رضا
خالد:انت....
عبدالمحسن:خلاص يا خالد
خالد:بس يبه
عبدالمحسن:علشان عمك ولا تحر عمرك على شي ما يسوى
طلال واللي كان متفرج وأخيرا تكلم وهو يطالع عبدالمحسن وبهدوء :انا مالي حق أتدخل لاني غريب بينكم بس اللي اعرفه ان الناس إذا جاهم ضيوف يقدرونهم مو يهينونهم بها الشكل وتقدير الناس ما يكون باللي يملكونه لان ما في حد يقدر الناس باللي يملكونه إلا الناس الجشعه
عبدالمحسن حس انه يقصده لأنهم ما جابوا سيرة الفلوس أصلا
خالد: من انت علشان تدخل بينا وتكرمنا بأفضال وحكم
طلال:انا واحد معروف أصله وأسوى كثير من الناس ومتربي على إني ما أهين ضيفي وهو في بيتي حتى لو كان ذابح احد من أهلي
حمد:طلال هذا اخوي ولا تفكر يا خالد انك تمسه بكلمه
طلال بابتسامه:هو يقدر أصلا
خالد يطالعه ومارد عليه
طلال:ما اعتقد يا عم انك ترضي ان احد من الرجال ينهان في بيتك لأنه لا من عوايدنا ولا من سلومنا وعاداتنا إننا نهين ضيوفنا ولا انا غلطان
عبد الرحمن تورط:ها لا أكيد لا
طلال:واللي ينهان المفروض يعتذرون له ويحبون على رأسه ولا انا غلطان
عبد الرحمن:لا مو غلطان يا وليدي ....وقال وكأنه مغصوب:امسحوها في وجهي
ولف لخالد:اعتذر منهم
خالد:على موتي ....وطلع من المجلس
عبدالمحسن طالع أخوه بدون ما يعلق وطلع وهو مقهور لأنه ما قدر يقول شي قدام طلال اللي كلامه كان صحيح ومضبوط
عبدالمجيد لماجد:يله نمشى
وطلعوا و معاهم فيصل:لا تحطون بخاطركم ولا تزعلون وعمي ما عنده سالفه والسموحه منكم
عبدالمجيد:ما حطينا بخاطرنا ابد وأنت مالك ذنب
طلال:ما عليكم منهم هذول ناس ما تستحي ولا تقدر
فيصل وحمد طالعوه وما ردوا
فيصل :إذا صدق مو ماخذين بخاطركم بكره عازمكم على الغداء
ماجد:لا ما له داعي
فيصل:والله ما تردوني
عبدالمجيد بابتسامه:خلاص صار
وتفرقوا والكل راح سيارته وعبدالمجيد وماجد ينتظرون أهلهم يطلعون
____________________

طلعت هي أول وحده وركبت وما كان في احد بالسياره غيره...ركبت وبعد ما صكت الباب انتبهت
دلول:وين الناس
ماجد وهو لحد الحين معصب:ليه مو شايفتني ولا انا مو من الناس
دلول:اففففف من كلمك انت .انا أصلا اكلم نفسي
ماجد بعصبيه:لحول الله شوفي عاد ترى واصله معي و ماني ناقص سخافات وطولت لسان
دلول مستغربه أول مره تشوف ماجد معصب وبصوت هادي :ماجد وش فيك ليش معصب
ماجد ما يدري ليه حس انه يبغى يقول لها تنهد :عمامي
دلول:وش فيهم
ماجد :تهاوشنا وياهم غلطوا على أبوي وما قدرت امسك نفسي وكان ودي امسك هالخلود الكلب واعرفه قدره
دلول بعصبيه:والله ودي امسك عمامك وافرك بوجهم القاع هاللي ما يستحون يا جعلهم الاكزيميا ان شاء الله
ماجد:اكزيميا ههههههههههه
دلول:ايه اكزيميا وجرب وصرع وحمى الظنك والله ناس يرفعون الضغط
ماجد:ههههههه والله انك خبله
دلول:انت الخبل ما هوب انا لا تغلط
ماجد:والله إني كنت معصب وأنتي روقتيني
دلول بهبل:أختك بالخدمه بأي وقت
ماجد لف عليها وناظرها وهي خافت من نظرته وقال بصوت هادي بعد ما اختفت ضحكته
ماجد:لا تقولين اخوي انا مو أخوك فهمتي...ولف على قدام مره ثانيه وعم المكان الهدوء
الجوهره وهي تركب:غريبه أول مره أشوفكم هادين انا أول ما طلعت وآنا أطالع السماء قلت يمكن في صواريخ حرب ولا شي
وركبت وميري ونوف ونايف وراء مع دلول والجوهره وعلي قدام مع ماجد وريان في الوسط بينهم
وظلت الجوهره تطالع دلول وماجد اللي ساكتين مو من عوايدهم غريبه
وقعدت تفكر وش صاير

***********************
واقف مع حمد ويطالع جهة باب الحريم شافها طلعت ولمح الفستان الأحمر من تحت العبايه ابتسم وركب مع حمد وهو شارد وقاعد يتخيل شكلها بالفستان وحمد يسولف عليه وهو ولا يمه
وقاطعه :حمد
حمد:هلا
طلال:ابغى اخذ رايك في موضوع
_____________________

انكسر الهدوء الغريب بكلام علي
علي:أقول دلول عسى الحريم شافوك زين
دلول:وليه ان شاء الله
علي:علشان يخطبونك ونفتك منك
دلول:إذا جيت طايحه في كبدك تعال تكلم انت ويا ذا الغتره اللي تقول طياره حربيه من كثر النشاء اللي فيها
ريان:ههههههههه
والجوهره ما فاتها نظرة أخوها وحبت تتأكد وهي تعرف كيف تتأكد من الموضوع اللي في بالها
علي :عاد دلول لا انخطبتي لا ترفضين مثل أخر وحد رفضتيه
اثنين طالعوها
الجوهره المتفاجاه لان دلول ما قالت لها وماجد اللي عمره ما فكر ان دلول ممكن تتزوج
دلول:انت انطم ويا كبري الدمام اللي فوق راسك
الجوهره:يمه منك يا الخاينه انخطبتي ولا قلتي لي متى وشلون
دلول سكتت وما ردت
علي:قبل يومين أو ثلاثه تقريبا ورفضته
دلول:أقول يا زينك ساكت بس
ميري:والله أنتي واجد هلو هرام ليش ما ابغى زواج
جوهره ملاحظه ماجد وتبتسم وفي نفسها :هين إما خليتك تجيني بنفسك تقول انك تحبها ما أكون الجوهره انا كنت شاكه بس الحين تأكدت
دلول:الحين انتو تركتوا سوالف العالم وما لقيتوا احد تسولفون فيه إلا انا

ماجد:
ليش انت متضايق ليش تحس بكتمه ومخنوق كله من عمامي.. لا....لا تلعب علي نفسك إلا من سيرة خطبة دلول لأنك عارف إذا انخطبت وتزوجت راح يتغير كل شي ما راح تلقاها قدامك دائما ولا راح تتهاوش وياها ولا تضحك عليها ولا راح تحتك فيها أكيد زوجها ما راح يرضى تكلم احد
وبصوت مسموع:افففففففف
ريان:وشفيك ماجد
ماجد:لا حبيبي ما فيني شي
ريان بصوت هامس:ما عليك مافي حد بياخذ دلول منك
ماجد طلعت عيونه وبهمس:انت وش دراك
ريان:ههههه انا صدق صغير بس مو غبي وما بعد العداوة إلا محبه كله الجوهره تقول كذا
وأنت كله تتهاوش وياها يعني بعدين بتحبها وتتزوجها وآنا لما سألتها أنتي تكرهين ماجد قالت لا
مادام ما تكرهك يعني تحبك
ماجد ساكت ومتفاجا من كل الكلام اللي قاله ريان و مو مستوعب ان ريون يعرف كل هذا
ماجد:ههههههههههههههههههههههههههه
الكل التفت وهم مستغربين
علي:الحمد لله والشكر هذا اليوم مو صاحي وش اللي يضحك
ريون:يا شين اللقافه يا سوسه
الكل:ههههههه
في سيارة عبدالمجيد أم دلول مشتغله
أم دلول:شفتي العجوز أم خالد وش مسويه
أم عبدالمجيد:وش مسويه
أم دلول:ماشفتي البرج وأسلاك الري اللي معلقتها على راسها
أم عبدالمجيد وعبدالمجيد:ههههههههههه
أم دلول:ولا الوجه تقولين لوحة أطفال كله خرابيط
أم عبدالمجيد وعبدالمجيد:ههههههههههه
أم دلال:من شافها قال مهرج جاي يسلي الحضور
أم عبدالمجيد:استغفر الله بس عاد لا نأخذ آثامها
أم دلول:والله ما يكسر خاطري إلا هالعبير وش حليلها تهبل
أم عبدالمجيد:ايه والله ذهبه بينهم
وعبدالمجيد يسمع تعليقهم عليها وهو مبسوط
وصلوا دلول وأم دلول وعلي بيتهم وراحو
هم رجعوا بيتهم وللروتين اليومي
وبعدها مر أسبوع بدون أحداث تذكر على أبطالنا

البارت العاشر اتمنى انه يعجبكم وأسفه على التأخير
صحت الصباح على غير العاده وراحت مع السواق ووقف قدام المكان اللي راح تتوظف فيه وهذا أول يوم دوام لها
سحر:يالله ما ادري ليه متحمسه و متوتره وتذكرت كلام عبير(لاتخافين ولا تحاتين وسمي بالله وتوكلي عليه وان شاء الله كل شي تمام) مع انها ما بينت لأحد انها خايفه لأنها تعتبر هالوظيفه كبداية جديده لها بس عبير حست فيها وعرفت كيف ما تدري بس هي مبسوطه لان علاقتها مع أختها تحسنت كثير
سوت اللي قالت عليه عبير وسمت بالله ودخلت سالت عن مكتب المدير ووصلت .دقت الباب ودخلت شافت رجال كبير مبين عليه انه محترم ومكتبه فخم أكيد مؤسسه ضخمه مثل هذي أكيد صاحبها غني أصلا أبوي ما يعرف إلا هالطبقه من الناس
سحر:السلام عليكم
المدير:وعليكم السلام
سحر:معاك سحر عبدالمحسن ذياب أتوقع الوالد كلمك عني
المدير:ايه تفضلي اجلسي
سحر:شكرا...انا جيت علشان اعرف مكان عملي لاني ابغى ابدأ على طول الشغل
المدير:أكيد وآنا معجب بحماسك راح اطلب من احد الموظفين يوصلك لمكان شغلك
سحر:شكرا...وفعلا دقايق إلا وهي واصله مكان شغلها كان في مكتب كبير في معاها بنتين وكان هالمكتب في ممر يشمل مكاتب ثانيه
دخلت وسلمت وكان أشكال البنات مريح بالنسبه لها هي صحيح معاها سكرتاريه بس بعد ما عرفت كثير من الرجال في الحفلات ما كانت تبغى تكون سكرتيره ويكون لها مدير يزعجها فطلبت من أبوها انها تشتغل في مكان ثاني وحمدت ربها ان معاها شهادات من دورات كمبيوتر ولغه انجليزيه وغيره
جلست على مكتبها و جاتها وحده من البنتين
البنت :مرحبا فيس انا ساره
سحر:آهلين
ساره:حبيبتي اخذي راحتس هنا وآنا....وهي تضرب صدرها :بالخدمه أي وقت
البنت الثانيه:يا شيخه ارحمي البنت أمداها تجلس تصكينها بهذرتس
ساره:نوير اتركي عنس اللقافه ..وتلتفت لسحر:ما قلتي لي وش اسمس
سحر: سحر
ساره وهي شاقه الحلق:احنا هنا صديقات وأنتي...وهي تغمز لها:بتدقينها صحبه ويانا وتصيرين وحده من الربع
نوره:يمكن البنت ما تبغى تصادقس غصب هو
ساره:لا عاد تكفين يا ست الحسن والدلال تموت وتصادقس يا ملكة جمال السودان
نوره: سودان في عينس يا أم السعف والليف
سحر:ههههه انتو دائما كذا
ساره:كيف كذا
سحر:تتهاوشون
نوره:ايه كل يوم لو ما اتهاوش معاها استمرض
ساره:بسم الله عليس يا بعد عمري لا كله ولا صحتس ولا يهمس انا بصبح عليس بكفوف وامسيس برفسات
نوره شهقت:يهههههه رفس يرفسس يالخبله
سحر ما قدرت تستحمل:ههههههههههه
ساره بهبل:يا حليلها يا نوير هماني اقولس اننا بنعجبها وتدقها صحبه معانا ما صدقتيني
نوره:ههههه على العموم معاس اختس نوير من أهل الباديه
سحر:شلون يعني من الباديه
نوره:محسوبتس انا وياها من الجنوب بدويات أصيلات بنات خاله
ساره:عاشوا أهل الجنوب ..وهي تهز كتوفها وشوي وترقص
سحر:والنعم ههههه والله شكلكم فلاويات
نوره:سوير كأني أحس هالكلمه مسبه
ساره وجاتها حالات الغباء:لا لا وآنا اختس يمكنها هجاء ولا رثاء مثل المتنبي
سحر:ههه لا هذي مدح معناتها كوميديات
ساره:اها فهمت يعني زي اللمبي
سحر:هههه ايه
نوره:مالت عليس انت وش دخل ذا المصري المصلع
سحر في نفسها:شكلي بحبهم
وظلت تسمع سوالف سوير ونوير اللي بسرعه اندمجت وياهم وهي نادرا ما تكلم احد بس يمكن لان هذولا حستهم غير عن كل اللي عرفتهم
(ساره ونوره بنات من الجنوب جمالهم بدوي كوميديات وراعيات نشامه وفزعه ورجه هم بنات خاله توظفوا في هالمكان مثل سحر بالواسطه وهم 24 ساعه خناق وهواش بس كل وحده سند للثانيه وقلوبهم على بعض)
يا حبي للجنوب وبنات الجنوب فديتهم كلهم والله
&&&&&&&&&&&&&&&&
قاعد وراء مكتبه والموضوع اللي قبل أسبوع لحد الحين شاغل باله ويفكر في الكلام اللي دار بينهم
&&&&&&&&&
قبل أسبوع
&&&&&&&&&
طلال:حمد بغيتك في موضوع
حمد:خير
طلال:خلنا نروح مكان علشان نقدر نتكلم
راحوا محل كوفي وبعد ما طلبوا قهوه تركيه
حمد:خير يا طلال وش السالفه
طلال:ابغى اخطب
حمد بفرحه:أخيرا ما بغيت هذي الساعه المباركه لا تقول لي دور لي ولا أوصي احد ترى انا ما اعرف في هالامور
طلال:لا ابغى اخطب بنت عمك الجوهره
حمد تفاجأ واختفت ابتسامته:ايش
طلال:اللي سمعته
حمد سكت ومارد
طلال:ليش ساكت تكلم إذا لك خاطر.....
قاطعه حمد :لا تكمل مو كذا الموضوع بس انا قلت لك من قبل البنت بترفض
طلال:انت ليش واثق
حمد:انا اقولك لاني اعرفها زين ولانها ما تبغى شي غير انها تربي إخوانها اللي تعتبرهم عيالها وهي رفضت ناس كثير حتى على حياة جدتي اللي هي أغلى شي عندها ما قدرت تقنعها تتوقع انها بتوافق عليك انا ما اعتقد
طلال وهو يطالع مكان كأنه بعيد:لا تخاف بتوافق
حمد مستغرب ان طلال واثق:وش اللي يخليك متأكد انها بتوافق
طلال بابتسامه:إحساس
حمد:كيفك انا قلت لك وأنت حر
طلال:أهم شي انت معي
حمد:أكيد معاك انت اخوي ولا نسيت
طلال:تسلم يالغالي
رجع لعالم الواقع على دخلت طلال عليه
حمد:انت ما تعرف تطق الباب ابد
طلال:لا عاد ذي المره ظلمتني لاني طقيت الباب بس انت ما رديت قلت ادخل
حمد:ايه صدقتك
طالا:ها وش رايك بفطور برا الحين
حمد:إذا عليك ما شي
طلال:هههه ول عليك صدق بخيل
حمد رافع حاجبه:انا بخيل وآنا من شهر وآنا كله أفطرك وأرباح الشركه نصها رايح في بطنك
طلال: ههههههه اوكي على حسابي هالمره
وطلعوا يفطرون ويكملون سوالفهم
&&&&&&&&&&&&&
في الجامعه
&&&&&&&&&&&&&&
وهي تمشي زي العاده مع الجوهره وتغني وفالتها على الأخر
دلول:وبحب الكشري المصري بالعدس والرز الأبيض....وتصدم في الدكتوره المصريه
الدكتوره المصريه:أنتي ايه ما بتبصيش أدامك
دلول:كنت سرحانه وما انتبهت
الدكتوره المصريه:آه يا أختي أكيد سرحانه بتراقعي وتتزكري المعلومات اللي اتالت في المحادره يا فالحه
دلول ما عجبها الكلام ولو سكتت بتموت:لا دكتوره كنت سرحانه في محاضراتك اللي من كثر ما هي روعه ما يحتاج أذاكر للامتحانات
الجوهره حاضره وطلعت عيونها على رد دلول وطولت لسانها الي حتى الدكتوره ما سلمت منها
الدكتوره بعصبيه:طيب ايه رايك انك مش حتدخلي ولا محادره من النهارده وأخر السنه حرسبك في الامتحان
دلول:والله النجوح والرسوب بأيد رب العالمين مو بأيدك...ومشت وخلت الدكتوره وهي معصبه و تتحلطم
الجوهره:دلول وش فيك انهبلتي الحين لو تموتين ما راح تنجحك
دلول:مو بكيفها غصب عنها بذاكر وبنجح وبعدين تبغينها تغلط علي واسكت تخسي إلا هي
الجوهره:استغفر الله بس متى تعقلين
وجلسوا والجوهره اسألها ولا لا إلا اسألها وأمري لله
الجوهره:دلول
دلول:نعم
الجوهره:بغيت أسالك وش رأي في ماجد اخوي
دلول استغربت:مجود ليه تسالين
الجوهره:جاوبيني وبعدين اقولك
دلول:عادي لسانه طوي ولزقه ونشبه في لحلق
الجوهره لحول الله
الجوهره:لا اقصد لو تركنا عنا الهبال وش رايك فيه كشخصيه وكرجال مو واحد 24 ساعه هواش معاه
دلول ارتبكت:والله...يعني ما عليه كلام ...اقصد ما ادري ما اعرف أوصف
الجوهره وهي تناظرها وتبتسم :انا قلت رايك ما قلت أوصفي
دلول:احم ما عليه كلام مثل ما قلت بس أنتي ليه تسالين
الجوهره وتمثل الفرحه وهي تقوم:ابد بس بغينا نخطب لماجد وما اعرف أي بنت غيرك اسألها رأيها بس الحمد لله طمنتيني قلبي إذا أنتي اللي 24 ساعه هواش وياه مدحتيه فأكيد البنت اللي بنخطبها بتوافق عليه يله انا بروح الحق على المحاضرة
وراحت وتركت دلول اللي تحاول تستوعب اللي قالته

&&&&&&&&&&&&&&

قاعد معاهم وهم ما بطلوا سوالف ابد وهي حست كأنها تعرفهم من زمان وكل ما صعب عليها شي سألتهم وهم يجاوبونها برحابة صدر
ساره:بنات انا بطني يقرقع
سحر:يعني
نوره:يعني جويعه
سحر:قصدك جيعانه
ساره:ايه وش رأيكن نروح الكافتيريا ونشتري شي نأكله
نوره:والله فكره ما هيب شينه وش رايك سحوره
ساره:اوكي يله
قاموا وهي تمشي بالممر لمحت شخص تعرفه زين ظلت واقفه شهقت والبنات لفوا عليها
نوره:بسم الله عليس وش صاير
وأبو شملان التفت وتخبت سحر وراء نوير
سحر:خبوني بسرعه
ساره بغباء:الله يهديس هذا وقت لعب الغميمه
(الغميمه هي انك تتخبي والكل يدور عليك)
نوره:انشبي غميمه في عينس
سحر:اوووش امشوا و أنتوا مخبيني وراكم
ساره:ما طلبتي شي على ذا الخشم.....ومشوا لحد ما غابوا عن نظر ابو شملان
ساره:وش بلاس وش فيس انخشيتي(معناها تخبيتي)
سحر:ابد شفت احد ما بغيته يعرف إني اشتغل هنا
نوره اللي حست ان سحر ما تبغى تتكلم:اوكي يله نروح نشتري تراني ميته جوع
وراحوا وشروا من الكافتيريا وهم راجعين
سحر طلعت عيونها :لا لا مستحيل هاليوم مو معقول ابد هاللي تشوفه قدامها مو معقول
وقفت متسمره في مكانها و ساره ونوره واقفين جنبها ويطالعون وش هي تناظر.وسحر تردد في عقلها:لا لا مستحيل

&&&&&&&&&&&&&

طلع من مكتبه بسرعه خاف يتأخر عليهم وهو متفق معاهم ان هو اللي عازمهم وصل المطعم شاف الكل ينتظره اعتذر عن التأخير ومر الوقت بعدها كله سوالف وضحك وبعد الغداء ودعهم عن باب المطعم علشان بيروح البيت يرتاح
لفت انتباهه بنت صغيره شافها من قبل قرب لقاها راحت باتجاه بنت كبيره قاعده على الأرض قرب وشاف هالعيون اللي مستحيل ينساها وهي شافته بعد فتره قامت البنت من مكانها ومسكت يد أختها وبتمشي
فيصل:حنين أنتي حنين
حنين:هذا انت خير وش تبي
فيصل:وش تسوون هنا
حنين:مالك شغل مو انت رفضت تساعدنا
حمد وهو يشوف أشكالهم وما رد
حنين لما شافته ما رد مسكت يد أختها وراحت تقطع الشارع وفيصل ركب سيارته يبغى يعرف وين تروح وشافها تمشي وتركب سياره كان سواقها رجال شايب شكله مقزز هذا هو الوصف اللي وصفه فيصل بالرجال وحركت السياره وهو وراها وشوي شاف السياره توقف ونزلت هي وأختها وتروح تجلس عند محل ويشحذون
حرك سيارته وهو يفكر معقوله اللي قالوه صحيح يخليهم يشحذون ويضربهم بدون سبب وآنا رفضت إني أساعدهم يا الله

&&&&&&&&&&&&&&&&&

قاعده تكلم ومبسوطه انها تصبح وتمسي على صوته
شوق:ههههه
اسامه:فديت هالضحكه والله أرفقي علي
شوق:خلاص عاد
اسامه:ااااه متى يجي العرس
شوق:ليه مستعجل
اسامه:اسألي قلبي اللي مو قادر يصبر
شوق حست ان في احد عند الباب
شوق:اسامه حبيبي لحظه شوي
اسامه:طيب يا روحي
مشت بخطوات خفيف وفتح الباب بسرعه وطراااااخ
شهد طايحه
شوق:وش تسوين وراء الباب
شهد:ايييي ها لا ..ولا شي .....وانحاشت بسرعه
شوق:اوريك يا الخايسه تتسمعين خليني اشوفك والله لأعلقك من أذانيك في المروحه
ورجعت لأسامه وهي تتوعد في شهد انها تذبحها

&&&&&&&&&&&&&&&


قاعدين على طاولة العشاء مجتمعين والجوهره غمزت لميري اللي فاهمتها وهي متفقه وياها وهم يسولفون لفت انتباههم اللي قالته الجوهره لخالتها أم عبدالمجيد
الجوهره:ما دريتي يا خالتي
ا عبدالمجيد:بوشو
الجوهره وهي تمثل الفرحه:دلول انخطبت
سمعوا اللي كح
ماجد:كح كح كح كح
أم عبدالمجيد:بسم الله عليك يا وليدي عطوه ماء
الجوهره بابتسامه:ماجد انتبه لا تسرع بالأكل بعدين تغص
ميري:والله واجد هلو يعني هزا في عرس
الجوهره:أتوقع
أم عبدالمجيد:زين زين والله دلول تستأهل كل خير
ماجد:أنتوا ليه مستعجلين البنت ما بعد وافقت
الجوهره:من يقول انا اليوم يوم قالت لي وسألتها وهي عاد استحت وقالت أي الولد زين وما عليه كلام وتمدح فيه يعني خالصين
ميري:والله هرام
عبدالمجيد:وش الحرام
ميري:هزا دلول زواج ما في اقدر أجي هنا كل شويه
عبدالمجيد:كل بنت مصيرها الزواج...ويطالع الجوهره
الجوهره عرفت ان يقصدها كملت أكل وما اهتمت لتلميحه
ماجد تضايق وقام:الحمد لله
أم عبدالمجيد:اقعد يا وليدي كمل أكلك
ماجد:شبعت..وراح غرفته
ميري:والله هرام والله كسر قلب مال انا
الجوهره:وش أسوي يا ميري لازم أسوي كذا علشان اعرف
ميري:ههههه والله أنتي خطير...وتهز راسها وتكمل: واجد خطير
الجوهره:ههههههه افا عليك انا الجوهره والأجر على الله
بعد العشاء قامت وراحت غرفته وطقت الباب
ماجد:تفضل
الجوهره:ممكن أكلمك ولا مشغول
ماجد: حياك
الجوهره وهي تجلس على طرف السرير:وش فيك
ماجد وهو يرجع يناظر اللاب توب:ما فيني شي
الجوهره تنهدت بقصد:اااااااه
ماجد:أنتي اللي وش فيك
الجوهره:ابد بفقد دلول
ماجد: الله يهنيها
الجوهره:وبتخف زيارتها لبيتنا ويمكن ما عاد تقدر تجي ابد
ماجد باستغراب:ليش
الجوهره:لان اللي خاطبها مو من هنا من الشرقيه يعني إذا تزوجته لازم تسافر
ماجد في نفسه:لا مستحيل دلول تبعد ولا عاد اشفها
ماجد:مو لازم تتزوجه
الجوهره وهي تستدرجه:يعني تعنس
ماجد:من قال بتعنس
الجوهره:إذا ما أعرست أكيد بتعنس
ماجد:ومن قال ماراح تعرس
الجوهره:ليش انت بتتزوجها
ماجد طلعت عيونه وسكت ورجع يناظر اللاب توب
الجوهره صكت اللاب توب وماجد صار يطالعها وقالت بصوت هادي:تحبها
ماجد تفاجأ وش السالفه لها لدرجه مفضوح والكل يدري :ها من تقصدين
الجوهره:دلول من اقصد يعني
ماجد: وش تخرفين انا أحب هذي أم لسان
الجوهره وهي تقوم:انا قلت لو تحبها انا ممكن أخرب عليها وما أخليها تعرس وتأخذها انت بس الظاهر كنت أتوهم أشياء مو موجوده
ماجد ساكت ..والجوهره كأنها بتطلع وهي واثقه انه بيناديها وفعلا قبل ما توصل للباب قال لها:تقدرين
الجوهره بغباء:على ايش
ماجد بارتباك:يعني م...ما تخلينها تعرس
الجوهره:ليه
ماجد وصار يطالع أي مكان إلا الجوهره:انا بغى....ابغى..أتزوجها
الجوهره: قل لي يا اخوي انت تحبها
ماجد وهو منزل رأسه:ما اقدر أتخيل ان يومي يمر بدون ما أشوفها ...وبابتسامه باهته:ولا اسمع لسانها الطويل ولا أشوف عيونها
الجوهره:ماجاوبتني تحبها ولا لا
ماجد:لا ما أحبها إلا اعتقد إني اعشقها
الجوهره:تعتقد
ماجد:ايه لما تحسين انه دايم في بالك وما تقدر تشيلينه من تفكيرك وتحبين كل شي فيه حضوره وصوته وتذكرين حتى ريحة عطره وش تسمين هذا مو عشق ..بس هي بتتزوج .....وبسرعه ورجاء في عيونه قال:بس أنتي قلتي ممكن تساعديني وتخربين عليها
الجوهره:ههههههههههه
ماجد:خير وش اللي يضحك
الجوهره:لان دلول لا مخطوبه ولا شي
ماجد عيونه طالعه:احلفي بس أنتي قلتي انها انخطبت
الجوهره:والله انا الفت القصه علشان اعرف انت تحبها ولا لا ..وأزيدك من الشعر بيت انا شاكه انها تحبك وبعد ما اتاكد بعلمك
ماجد شل الجوهره وصار يدور فيها وبعد ما نزلها:ههههههههه يالزفته طيحتي قلبي من مكانه وبغيت أغص بالأكل وأموت يعني لو مت بنات منتدى غرام بيذبحونك
الجوهره:ههههههههه فديتهم والله هالبنات
ماجد:جوجو من جدك هي تحبني
الجوهره:والله انا شاكه بس الله اعلم مع ان ما عندها سالفه تحبك انت وع
ماجد خذا المخده وصار يضربها لحد ما طلعت من الغرفه وهي تسمع صوت ضحكاته

&&&&&&&&&&&&&&

كلمه وقال انه يبغاه في موضوع
أم عبدالمجيد:عسى ما شر وش هالموضوع
عبدالمجيد:والله ما ادري يا يمه علمي علمك
أم عبدالمجيد:خير ان شاء الله
الخدامه:بابا في واحد برا ابغى آنتا
عبدالمجيد:أكيد هذا هو بروح أشوف وش السالفه
أم عبدالمجيد:روح يا وليدي
راح واستقبله ورحب فيه وبعد شرب القهوه
طلال:انا عارف انك ودك تعرف سبب جيتي لك ولحالي
عبدالمجيد:وش دعوه تشرف بأي وقت
طلال:تسلم
شوي ودخل ماجد وسلم عليه وجلس
طلال:انا بدخل في الموضوع على طول انا جاي ويشرفني اطلب القرب منكم
ماجد وعبدالمجيد طارت عيونهم ويطالعون بعض
طلال:وأتمنى ما ارجع مردود الخاطر
عبدالمجيد:والله ما ادري وش اقولك ..وسكت
ماجد:والله اختنا ما تفكر بالزواج ابد لأنه سبق وجاها عرسان ورفضتهم ورفضت الفكره من الأساس
طلال:انا ابغى منكم شغله بيسطه وأتمنى ما تردوني
عبدالمجيد:أمر ما يردك إلا لسانك
طلال:ما يأمر عليك عدو ابغاكم تسألونها وتعطونها فرصه تفكر حتى لو قالت لكم رافضه بعد عطوها فرصه تفكر وتراجع قرارها
ماجد:بس
طلال:ما ابغى شي ثاني
عبدالمجيد:ان شاء الله
طلال:يله انتظر ردكم النهائي علي
عبدالمجيد:اللي فيه الخير يقدمه ربي
وسلموا عليه وطلع
ماجد: عبدالمجيد انت وش رايك
عبدالمجيد:والله طلال رجال والنعم فيه و احنا بنسوي اللي وعدناه فيه وبنقولها وبنعطيها فرصه تفكر واللي كاتبه ربي بيصير
ماجد وهو يهز رأسه:والنعم بالله