امانه لاتطلع حرارة انفاسك بحضن غيري

البارت التاسع



سحر:نعم يمه..تقول الويطف انك تبيني..


ام سعود:أي ابيك..


سحر:خير يمه..


ام سعود بهمس:انتي تدرين ان تركي ماخذ دوينه بنت الاردنيه عشان بنته بس..


سحر:.......


ام سعود كملت:وألي عرفته من ام راشد ان تركي يبي ليان بنتها..بس انا ابيك تفركشينها عليها وعليه...


سحر:مافهمت يمه..


ام سعود:يعني ابيك تلحسين عقل تركي..


سحر:يعني انتي تبيني....


ام سعود بابتسامه:ايوو..اناا ماابيه ياخذ بنت خالته ليان..انا ابيه ياخذك انتي..


سحر بخبث:فكره حلووه..


ام سعود:ههههههه..





.....................


كان جالس في مكتبه يحتسي الكوفي..ويتصفح في ملفات الشغل..جات ع باله كذا..من دون أي انذار..ابتسم بلا شعور وهو يتذكرها...وسرح بتفكيره...لبعييييييد


...


دانه بتفهم:اسمعي يالجوري انا مراح اخذ ابوك منك..


الجوري:..........


دانه كملت وبكل محبه:وزي ماقلتي انا راح اطلق من ابوك باقرب فرضة..


الجوري بابتسامه:صدق..


دانه:أي..يعني يمكن بعد شهر او شهرين وارجع لبيت عمي.."بحزن"


الجوري والابتسامه لا تفاقها


دانه بحزن داخلي:ويش رايك نصير ربع..على الاقل هالفترة بس..انا ابي اطلع من هالبيت واحنا اصحاب..


الجوري بابتسامه:اوكي..


صافحتهاا على يدها..


دانه وقفت:مو انتي تبين ابوك يطلقني..


الجوري بثقه:اكييد..


دانه:وتبينه يعجل بالطلاق صح..


الجوري:أي..بس كييف..


دانه:انا اقوول لك..لاتتكلمين باسلوب ماهو زين..يعني لاتامرين علي..ولاتعلين صوتك..


الجوري تهز راسها بنعم


دانه كملت برضى:وثانيا..الاحترام ثم الاحترام ثم الاحترام..ابيك تحترميني زي ماانا احترمك..سوا كنا مع الناس ولا مع بعض لزوم الاحترام..


الجوري بحماس:اوكي..وثالثا..


دانه بابتسامه:بس..هذا الشرطين ألي ابيهم بس..واتوقع التنفيذ..


الجوري:اكييد بنفذ..


دانه نزلت مستواي لمستوها:وابيك متقولين لحد عن خطنا..اوكي..


الجوري:وليه؟؟


دانه:إذا تبين تقولين لحد مراح يطلقني ابوك بسررعه..


الجوري باندفاع:لاااا..خلاص مراح اقول لحد..


دانه:حلووو..واحين يلا قولي لي وش عليك؟؟


الجوري فتحت شنطتها:علي اختبار املاء..


دانه:اهاا..


وجلست تذاكر لها..وهي مبسوطه من الانجاز ألي سوته...


وبعد ساعة ونصف خلصت من مذاكرتها..


دانه مسكت يدها وبابتسامه:يلا نشوف التلفزيون..


الجوري هزت راسه بنعم


وراحوا يشفون التلفزيون..




.................


في امريكا..


كان في المقهى مع حبيبه قلبه وزوجته حصه


حصه بابتسامه:مو مصدقة اني خلااص برجع لسعودية..


سعود مسك يدها:مبقى شيء ونرجع..وحشتني الرياض..


حصه:وحشوني اهلي بالمرره..


سعود بحب:ياقلبي انتي..اكيد هم بعد مشتاقين لك بالمره..


حصه بحزن:وربي اشتقت لدانه بالمره..ابي اعرف وينها هي حيه ولا ميته..


سعود شد على يدها:ان شاء الله حيه..


حصه طالعت فيه:مو معقولة انت ولد عمها ولا تعرف عنها شيء..


سعود بخبث:ومن قال لك اني مدري عنها..


حصه بفرحه:صدق..يعني انت تعرف وين دندون..


سعود بابتسامه:واعرف كل شيء عنها بعد..وين تسكن وين تعيش وين..وين..كل شيء..


حصه بفرحه مش سايعتها:قول انك ماتمزح سعود..


سعود بضحكه:والله ممزح معك..


حصه قامت وهي تعدل عباتها:اجل يلا مشينا..


سعود:ع وين؟؟


حصه:لسعوية..


سعود:هههههه..لامنتي بصاحيه..


حصه بحنه:يلاا سعود قووم..خلنا نرجع..


سعود بابتسامه:ودراستي..


حصه:خلها توولي بس..


سعود جلسها:اقوول استريحي بس..


حصه بملل:افف..وربي اشتقت لهاا..


سعود:........


حصه كملت:انت تعرف كم سنه مشفتها....


سعود قاطعها:عارف وربي عارف..كم مره تقولينها لي حفظتها عن ظهر غيب.."وهو يقلدها"انا مشفتها من ثلاث سنين...خلااص فهمت..


حصه عصبت منه وحذفت الشنطه عليه بس هو مسكها قبل متصيده..وضحكت لما ضحك..




...........


في الرياض وبتحديد في المشغل"الكوافير"


هتان:حلو عليها ذه..


مريم:اوكي..


وراحت لمكتبها ألي بلون البني الخشبي المدموج بالتايغر..وفتحت اللاب كان نوعه "توشيبا" وهي تقرا جدول يومياتها لشغلها..


هتان(اممم..قص شعر وصبغ وتشقير حواجب..)وبصوت عالي:مها..مها


مها جات:نعم..


هتان:راح تجي اليوم حماتي عشان تقص شعرها..ابي معامله خاصه لها..


مها بابتسامه:ابشرري..


هتان:يبشرونك بالجنه ياروحي..


مها بنفس ابتسامتها:في اوامر اخر..


هتان بابتسامه:لاا..




هتان(عمرها25سنه..جميلة شعرها بني محمر لنصف ظهرها.. بيضاء..عيونها متوسطه وشفايفها صغيرة..رشيقة..وطويله بس دانه اطول منها بشوي..طيبة بالمره..متزوجه من ماجد اخو تركي..هي مديرة مشغل..والكل يحبها ويحترمها..متزوجه من ماجد من 8شهور)


وبعد نصف ساعة جات امينة..وصبغوا شعرها..وجلسوا في المكتب..


هتان:انا متاكده انه بيصير حلوو عليك وتشوفين..


امينة تشرب الشاي:ان شاء الله يصير حلو علي..مافي شيء بالطريق..


هتان:شيء بالطريق..مافهمت!!!


امينة:اقصد بيبي..


هتان بانت علامه الحزن في وجها:لاا..


امينة لاحظت الحزن فيها:علاامك ياهتان؟؟


هتان بحزن:لا ولاشيء..


امينة قامت من كنبها واقتربت منها وبحنيه:قولي لي وش ألي محزنك كذا..


هتان:..........


امينة تنهدت:ماجد صح...


هتان نزلت دمعتها:لا الموضوع ومافيه"وطالعت فيها وبنوحه"اااه..


امينة حضنت هتان بقوة:يااقلبي انتي..


هتان بنوحه:انا زهقت ياامينة..وربي اني زهقت منه..


امينة بتفهم:خلااص لاتبكين..عشان نتكلم مع بعض..


وبعد خمس دقايق..


امينة مدت لها المويه وشربت منها شوي:احين تقدرين تتكلمين..


هتان تمسح دموعها:وش اقول لك ياامينة..


امينة:........


هتان بخنقه:احس اني مو متزوجه ابد..اسافر ولا هو داري عني..وارجع ولا يدري عني بعد..انا خلاص مليت..


امينة مسكت يدها وبتفهم:يااعمري انتي..اصبري ياقلبي..اصبري كما صبروا اولي العزم..


هتان:صبرت عليه كثير ياامينة..ومااظن اني راح اصبر اكثر من كذا..


امينة:......


هتان كملت:انتي ماتدرين كيف يعاملني..يعاملني كني...كني حشرة عنده مو زوجه..


امينة شدت على يدها:استهدي الله ياهتان..


هتان بهدوء غريب:افكر اني اطلب الطلاق..


امينة بقت عينها:كيف!!


هتان وقفت ورفعت شعرها بيدها:ألي سمعتيه..


امينة:وتتوقعين ان جدي بيوافق..


هتان:.......


امينة كملت:عمي وجدي هم ألي اختاروك ياهتان..انك تكونين زوجة ماجد اخوي..


هتان التفت لها:ويعني..


امينة بتعجب:ويعني!!! انتي ادرى ان محد يعارض كلمه شايبنا..


هتان دمعت عينها:وهذا ألي مخليني بعذااب..اني مقدر اطلب الطلاق من اخوك..لان جده مختارني له...


امينة:.......


هتان مسحت دمعتها:بس انا بتصررف..


امينة بفضول وبخوف:وش بتسوين؟؟


هتان بابتسامه:بعدين اقوول مو احين..لاني بالصراحه مقدر اسوي شيء إلا بتفكير..


امينة:يووووه ياهتان..قولي لي من احين..


هتان بضحكه:اقوول انتي خلينا نغسل شعرك قبل ميحترق..


امينة:ووي..اجل يلا بسررعة..


هتان بابتسامه:يلا..





يتبع.....