ورد وخطايا.

يابقايا العمر ياعمر البقايا

اشعلي باللي بقى خوف وحريقه

ولا احترقتي لاتخلين الزوايا

خايفه تزهر اذا رشت حديقه

الظلام يلوح من كل النوايا

....والزمن يركض دقيقة في دقيقه

والضلوع المبهمة راحت شظايا

والصدر مشحون ضيقه فوق ضيقه

كم صروح عاليه صارت خطايا

...هدمت كل المبادئ والحقيقه

طاحت وهدت فرح بين الحنايا

...كان مزروع لها يضوي بريقه

ليتها مابهرجت ورد وهدايا

وليتها ماغاصت بحور عميقه

وليتها ماجرت جروح عرايا

فوق ملح في ذرا بير عتيقه

وليتها وفت له نذور وسبايا

...وليتها بلت ظما عطشان ريقه

وليتها ماشوهت حلم العطايا

كان كل راح يختال بطريقه



منـــقــول.

كم صروح عاليه صارت خطايا

...هدمت كل المبادئ والحقيقه

صح لسانك ولسان شاعرها
مايحتاج ذوق عالي اختي
ربي يحفظك

طرح في منتهى الروعه من انسااااااااااانه رائعه

قصيده في منتهى الروووعه استمتعت كثير ا بقرائتها

يسلمووووووووووووو يالغاليه في انتظار جديدك دوماااااااااااااااااا

عوافي ع الطرح