قصائد الشاعر / نواف الشيادي ، صوتية ومكتوبة

الشاعر نواف الشيادي
شاعر عماني
شارك بشاعر المليون في النسخة الثالثة وبكل
اختصار شاعر تختصره القصيده ،إذا حضر
حضر الشعر معه بكل معنى الشعر.

العشق


للتحميل
اضغط كليك يمين وأختار(حفظ الهدف بإسم)




لاح ... عمر اللقا لـمصافح أغلـى ثنيـن
واللقا /... فرصة ِ أشبـه بكـرت العبـور

قلت : دامي تعبت أبقى لـصمتي "سجيـن"
ليه ما أغتنـم عمـر اللقـا للـمـرور ؟؟!

والعمر /... قارب ٍ يركبه شاعـر حزيـن
وين ما ضاع مجدافه ... ل بحـره يثـور

والأمل نور /... وشتات الأمانـي "يديـن"
كل ما " صفقـت "... خـذلا تغنّـت بنـور

كثر ما ثـارت أحلامـي أسرتـك ( وليـن
عشتك العمر ) كله فـظـلّ ستـة شهـور

إبتدأ الحلم /. من - موعد زيارة -( لمين ؟
للعشق ) /... لكن الله حال بينه ب سـور

وهذا هو العشق / طغيانه ،، تحسـه دفيـن
يقدر يسجّدك.. لإنسـان "ميـت شعـور"

وأنت يالعشق ... ما ترحم /وتنزفك عيـن
مثل ما ينزف الماء من ضلـوع الصخـور

في بدايتك /... طفل ٍ طايش /... ومستهين
وفـنهايتك /... رجل ٍ ما بقى معـه شـور

ما درى .. وش تخبي ( علبة العاشقين )!!
لو درى ؟! شفت ( مروحة القدر ) ما تدور

( كانوا اثنين ) يجمعهـم دمـى وياسميـن
كل ما هب "شوق الوعـد" طـاروا سـرور

يـوم شافـوا ... ملامحهـم تعبهـا تبيـن
قالوا إن العشـق هـذا حفـر لـه جـذور

ما فضحهم .. سوى ( دمعة لقى وهاتفين )
ضم (صندوق واردهم) .. حديث الخصـور

وما كسرهم...من (شكوك الأهالي الكميـن)
دام ناموا على "جمر الثقـه" /... والغـرور

صبحهم /... من صلاة الفجرسجدات ديـن
وليلهم /... شيطنة أجساد /... وأفكار بور

عاشوا أجمل تناقض عمرهم /... ملتهيـن
بين وجه الغياب /.. وناي صوت الحضـور

حكمة عقولهم /... بأن " الجنون " الأميـن
وحكمة قلوبهم /... يبقى الـعشقهم مهـور

" ثلج "/... يا رب هذا القلب ماهو بـطين
كان لو طين ما " ذابت " بـوسطه جسـور

إبتدأ الحلم /... من ( موعد زيارة ثنيـن )
لو ( ذكرت الثنين ) يسيل سيـف النحـور



نواف الشيادي

التفاح


للتحميل
اضغط كليك يمين وأختار(حفظ الهدف بإسم)


وقف.. نبض الظـلام // وسخّر الله لــ سّهر... منديل
لجل لو سالـت عيون القصيد المنهكه / /.... ترتااح


ولجل لو شفت عينـي //.. ما بها غير الظّما... وتسيل
عرفت إنّ اللقا يروي ضماها ... وإنّ بـرقك لااح


كثر ما حام طيرك في فضاي وشفت غصني يميل
وكثر ما هزني/... لجل أكتبك.... وإتــ سااااقط
التّفااح


وكثرمــا أكثـرك //.. لو قلتـها مـا صـافحت تـأويل
تموت إمن القهر ناس ٍ ليامن قلتــها //.... وأروااح


"أحبك"/.. والوله سورالقصايــد ... (والمحــاني نيل)
لذا بسقيـك... لو طلعــك قليل //... ـ ويهلك الفلااح
ـ


"أحبك" وإسجدت كلّ الحروف إلـ حضرتك // والليل
شهد... بأن الحروف الساجده //... فيها الحيا مجتااح


أخاف/.. إن قلت بيت ٍ ما رضاك /...وشفت بعده ويل
وأخاف/.. إن طـاح بيت ما يكفـي/... وأندم إنّه طاااح


كفى طيفك... يبلل /.. وجنتــي /.. " وأتنشجك تقبيل"
وأنا قبلك هديتك معطفي.. وقلت الدفا يا صـاااح


" حبيبي " والغيااب /... اللي عجز يستوعبه تعليل
سوى إنك بس تجي وتشوف كيف إتجي معاك الـ آآح


تعال /... وذي ضلوعي... قلت أبــ هدي لك بلا إكليل
ـ قفلت إلك الضلوع ـ ( وغمضت عيني ) خذ المفتاح


لجل لو تهت... في سكة دروبك //.... والامـل تضليل
تعرف إن لك معاليقي وطن/.. ترتاح بي ـ وأرتاااااح



نواف الشيادي

شعر جلاسه


للتحميل
اضغط كليك يمين وأختار(حفظ الهدف بإسم)


شفت السنين ؟!! وقصيدي يلـفظ أنفاسه
ما أصعبــك لو قويـت إتمر فــي نصفي

ما بين صــدر إرتعــاش وهــرج كراسه
مريت مثــل الرياااااااح وهيــجت رفي

ما رحت أدور غيابــك وسط هوجاسه
ولساني يرفض يقول حروف ما تكفي

والفكره اللي تنوح وتقــتل إنــ عــاسه
من علمك كيــف توصل فوهـة نزفي؟

فـي هجرتـك للغروب الوقت مـــا داسه
من رحت عني وأنا شفت الوقت يوفي

اشواق قلب // وهدايا // وشعر جلاسه
بالمختصر ما تركت أشياااااءك إبــ صفي

ولو قلت لي حتى وردي ضاع نسناسه
بقول لك جيت أشمه وطاااح من كفي

ما عــاد ترثـــي هجيرك أي قرطاسه
والذكريــات القديــمه بــااكر إبــ تطفي

وإن هزني كل شوق العمر وإحساسه
بعلمه كيــف يغفي // مثـل مــا تغفي

شاعر كبر من رغيف الخبز وإفلاااسه
ضيّـق عليه الطمــوح وكـل ما يشفي

ما ينكرك بأنك أغلـى من عرف ناسه
ولا يزعجـك بأنـّـك الميـت على طرفي

كذبتــني مــن فركـت أنيااااااب دساسه
وصدقتني من عرفت إن الصدق يضفي

فماااان كــــل اللقــا وعيــون عساسه
فماااان شعـر ٍ لعينك صـار هو نصفي


نواف الشيادي

جارة المقبرة

للتحميل
اضغط كليك يمين وأختار(حفظ الهدف بإسم)



مديت يمناي للطرش وسكبت قلمي
من ثورة الجرح وسدت المحاني شعر
ماطال بي لو يخبيها الظلام بفمي
لابد طهر الصباح يجيب ليلة عمر
مابين ضجة معاليقي وفورة دمي
يسرقني الصمت في غيبة سمو الفكر
المسألة ماهي قصر يدين في مقدمي
المسألة طارق الساحة وشعره فقر
الشعر نوخ جماله والركايب عمي
لانه تعب مايدور لجل برده صدر
لو قلت انا هالسحابه جات لاسهم رمي
مجنونه بعض العقول الباحثه عن مطر
طموحي وقفني واوضاعي على معصمي
تركني شاعر كبر شعره وحظه صغر
من وين ماشفت جمرات انطلاقي اتحمي
اشاهد اسماء تهافتلي لدرب القبر
مصعوب من ليلةٍ توشك الى معدمي
يالحزن مفتاحك اللي ماقفله الصبر
يالحزن واللبيل ضيق من ضياعي انسمي
هذا على عشان جارة مقبرتنا سحر
تمر قبل النسايم تستهيض الحمي
الين فلت جدايلها ولوحة تمر
يا خصرها اللي ليا مالت ركزت علمي
تقول ريحٍ تداعب مثقلات الخصر
ماخلت الا ثمالة شاعر ينتمي
الى ضحايا شفاه من حكيها يسكر
ياجارة المقبرة للحين كم ادمي
يودع النور من اول طريق العمر
لاه منتي اول خيانه عاشت بعالمي
الساحه خانوا اهلها ومات قلب الشعر



نواف الشيادي

ذنب القصيد


للتحميل
اضغط كليك يمين وأختار(حفظ الهدف بإسم)




تعب.. ذنب القصيد اللي يسيل فحضـرة الغيّـاب
يخبيـه الظـلام فدرجـه المنفـي بــلا تـوبـه
لي البرد .. ولحاف الإنتظـار .. وتمتمـات كتـاب
ولك شمس ... وسحابه لو تبعتـك قلـت محجوبـه
إخذ مني الحروف المسبله مـن صـدري المرتـاب
لها عام .. وبدت تخـرج مـع الأنفـاس مشحوبـه
يقولون ... الثوانـي فـي دقايقهـا تمـر أغـراب
وأنا أقول الثواني من الوله ماتت ضمـى ( نوبـه )
على آخر أمل .. قلت أنتخي في سكـة الأحبـاب
على أول يآس .. صوّت الأماني ويـن مسلوبـه ؟!
دخيل الروزنامه .. وحلمنا المقفي بـدون أسبـاب
تقول الفجر ,,, يشـرق والطيـور تمنـت غروبـه
أعيشك صدق في عمر الليالـي وأنذكـر كـذاب
عليّ أرحم من أني لا صدقـت أعيشـك إكذوبـه
سهر .. بلل مناديـل الفـراق وسجـدة المحـراب
خنقها من التعب صوت الكلام .. وجات مسكوبـه
وش آخر هالغيوم اللي جفت وإصفرت الاعشاب؟!
وأنا شفت السما فـي داخلـي تمطـرك بعذوبـه
وش أحلى من المواجه لو نبت بين الضلـوع عتـاب
وش أقسى من الضما لو قد تبعك وضاعت دروبـه
وش الصمت إن حكى دمع العيون وعرقت الأهداب
مثل ما تعرق أكمـام الزهـور إن مرهـا رطوبـه
تعبت أحرث أراضي هالوجوه ولا زرعت أصحـاب
لأن كل ما سقيت " بلا طلع " رغم أرضها خصوبه
رغم فصل الجفاف المهدي خضار الوصـال غيـاب
أشوف البرق لاح .. وفالسماء رعد ٍهتـف صوبـه
وأنا لو شفتك الماء .. والضيا من وجنتـك ينسـاب
عليّ إن ما إنكتب فيك القصيد أقـرا لـك ذنوبـه
كتبتك .. قبل مـا تلبـس لميـلاد الغيـاب ثيـاب
قريتك .. بعد ما شفت الغياب إنشق بـك ثوبـه .!




نواف الشيادي

الأصفر - السويق


للتحميل
اضغط كليك يمين وأختار(حفظ الهدف بإسم)


الأصفر .. اللي علـى النجمات نظـراته
يرمي علـى راحتـه للنصـر جمراته

عشـان مـا تقـرب اللي هزتـه ريحه
كن الجبـل ... فوق كتفـه رز راياته

أعجوبة العام ... خلا العام أعجوبـه
من دونه استوعب الموسم نهاياته

متفلسف ٍ كنه الملك فـ سما ملكه
يدير شآنــه " بمزاجية " قراراته

ما يلفظ انفاسه حتــى آخــر انفاسه
عشان هذا " الدرع " باس انتصاراته

جمرت صدر الشعر / وأشعلني المطفي
واتطايرت .. بين كفيني " شراراته "

وأدركت / بأن النصر يطلق من لساني
رحابته لين لوح لي " بعباراته "

الشمس بالأصفر / الأصفـر سويقـاوي
يشرق معا طلعة الشمس بشعاعاته

ويغيب لآنه يبـي يشـرق من الآخر
ويوزع "النـور" للكـون بمهاراته

هذا عجزت الشعر أكتبه وأقرا له
مثله مثل ( فاتك ) الزيزوم بسكاته

يالهيبه المطلقة من روحه العظمى
تواضعه زاد من قدره بمرواته

على كثر ما مطر وقفات مشهوده
تنبت له الأرض نصر من غماماته

واللي قطف ثمرته من هم ورا كتفه
تكاتفوا / يوم شح الما بقطراته

فاتك / ولا هنت ما فاتك .. وعز الله
يوم إن جبت الدرع غيرك نعم فاته

إدارتك حنكة /.. وحكمة رجل مروي
من الزمن خبرته شدت بصولاته

يستلهمك كل شاعر فصّـل المعنى
ويستعظمك كل ذكر مر بلهاته

يا باني " القلعة الصفراء " ما خيب
طموحك ... آمالنا المسقى بكاساته

تعال يـ مأرخ الأمجاد أبنفض لك
أغصان صدري عشان اطيّح آياته

وابختصر كل الاشياء داخل الأشياء
في بيت شعر ٍ سقط من نفظته إلـ ذاته

الشمس بالاصفر /. الاصفر سويقاوي
وفاتك .. رفع درعه الأصفر بطولاته

وينك


للتحميل
اضغط كليك يمين وأختار(حفظ الهدف بإسم)



وينــك ؟ لقيت العمر في بعدك أشباح
هو عاد ترضى صاحـبك يخذله عمر ؟؟!!

في غيبتك //... زادت جروحي مع جراح
يعني الجروح ... إتزيد فـي غيبــتك كثـر

كثر ( الطيور ) اللي ملت( عشك ).. صياح
وكثر إشتياق أوراقــيَ إلــ خافـق الحبـر

مرت سنه/.. وشهرين/.. واسبوع/.. وأتراح
ولا صورتك مرت //.... ولا صوتــك يمــر

وعينـي تشوفك /... ـ والمسافــات ـ يا صاح
ضاقت من جناح الوله /... وإنفضت شعر

والشعر//... عندي سلاح في هيـئة جناح
ولا قرّ شخصـك داخـل الجوف ... يالبدر

يرضيك ... أخبر سيرتك كل من راح ؟!
وإنـي أكـون إنسان قاسـي من القهر

لك صرت ( أحبك ) حب.. ـ مقياسه رماح ـ
وأخاف ( أحبك ) حب الاشوااق ـ للنحر ـ

باموت من كثر السهر//... وإنت مرتاح
ولك حالتـي حـاله //... يسمونها... الفقـر

يرضيك جاري ينــام بوسـادة أفراح ؟؟!!
وينــام فينـي الليـل //... { أصافــح الفجر }

وأتمتمك //... والجرح ـ محتاجك وشاح
وأقبـلك //... لا مرّ طيفـك علــى الجمـر

أما تجــي ... وترد لــ طيورك أرواح
أو هــي تمـوت ... ويحفر إجناحــك القبـر


نواف الشيادي

تمــــــــــــــــــــــــــــــــت