الزمن طبعــهـ كــذا

اوف مره اووف مرتين اوووف مليوووون،،وبعدين مع هالحاله الاشاره ساعه عشان تفتح،،سمع طرقات على شباك سيارته،،كان طفل صغير يبيع مناديل بطريقه مؤدبه للاستجداء فتح اشباك واخذ منه علبتين رماهم باالمقعد الخلفي بعدماعطاه مبلغ محترم،،بعدها بدقايق فتحت الاشاره وانطلقت السيارات
وكأنهم في حلبة سباق؟!دق جواله وهو فطريقه للبيت،،يوم شاف المتصل ..
ابتسم ياسر:هلاااا والله..
سعود:لاتقولي أنك تغديت..
ياسر:لا ليه؟؟
سعود:طيب،، أنت وين؟؟
ياسر:توني طالع من الشركه وبالطريق للبيت..
سعود وهو يناظر ساعة يده:توك تطلع؟!
ياسر:لاطالع من نصف ساعه بس عطلتني الأشاره..
سعود:طيب تعال للشقه عازمك على الغداء..
ياسر بتريقه:وش عنده حاتم الطائي!!
سعود بحسره مصطنعه:هذا جزاتي من الصبح واقف لك بالمطبخ اسويلك احلى كبسه..
ياسر: طيب حبيبي ولايهمك دقايق واكون عندك..
سعود:لاتأخر،،وقفل
ياسر:مصدق أنت وجهك اني بأكل من طبخك،،ومر على المطعم واخذ لهم غداء..
=======================================
بسسسسسسسسسسسسسسسسسسسسسسسسسس ،، كلاًجمد على حركته وعيونهم بسالي اللي ماسكه راسها: ولاكلمه ذبحتوني جبتولي صداع نصفي وبعدين معكم ماتعرفون تاكلون وانتم ساكتين..
سامي بلع اللقمه اللي نشبت بحلقه بصعوبه وقال:بسم الله علينا وش هالصرخه غصيت كنت بموت..
سالي:ماتبغى تغص لاتكلم وانت تأكل..
سامي جاء بيرد بس أمه قاطعته..
أم ناصر:سامي وش قالت خالتك خلاص مانبغى كلام على الاكل،،والتفتت على سالي وقالت:اشوفك من تكلمناعن الملكه من اسبوع وانتي الا اللحين ماجهزتي نفسك..
امممم وش اقولكم عن سالي بها للحضه تعرفون لاكانت الاخلاق عند الواحد قافله واصله معه،،ويجي واحد يتسيخف عليه >>>من وجهة نظر سالي،،كيف يكون الشعور..
بدت تهز رجلها وتعض على شفايفها السفليه بمحاوله لكبت غضبها،،سالي ريلاكس اهدي لا تفضحين نفسك عشان شي مايسوى،،بس من قال سالي تقدر على ترويض انفعالتها،،رمت الملعقه بعصبيه وصرخت:اصلاً من قال اني موافقه،،انا كنت بلعب عليكم والاأنا مستحيــل ارضى بشي مثل هذا فاهمــه كنت بلعب عليكم يأغبيــاااااااااء ،، ولاعاد تتكلمين معي بهالموضوع..
وطلعت بعد الزوبعه اللي سوتها..
أم ناصر:وش قاعده تقول هالمجنونه،،اكيد انهبلت..
وهج بمحاوله لتغطيه على كلام سالي:يمه وش فيك صدقتي وكأنك ماتعرفين خالتي سالي لا عصبت تجلس تقط حكي وتمشي..
هديل بلقافه:يقولون الوحد لاعصب يقول الحقيقه؟!
عادل بقهر:وانتي وش دخلك يافرخ الجني؟!
أم ناصر بدهشه:عادل وجع وش هالكلام !!
وهج تكمل:بعدين سالي كانت تعبانه من الصبح وانتي يمـه زدتيها بكلامك عن هالموضوع ..
أم ناصر:اناماقلت شي تكلمت معها بحسن نيه الأخالتك اللي مادري وش صايبها هاليومين ماتنكلم..
جُنى:مافيهاشي بس الأمتحانات على الأبواب واكيد متوتره..
أم ناصر:ومن متى سالي تأثر فيها الأمتحانات،، ياجبل مايهزك ريح..
وهج بضحكه:يمه بتنطلين اختك..
أم ناصر:بسم الله عليها،،بعدين أنا عيني بارده..
=====================================
فتح سعود باب شقه للي دق الجرس لأنه مايقدر يفتح الباب من الاكياس اللي حاملها..
ناظر فيه سعود بدهشه:لاياشبخ والغداء اللي داخل من بيأكله..
ياسر وهو يدخل:ياسعود ياحبيبي هدء اعصابك وخلني انزل الأعراض بالمطبخ بعدين نتفاهم..
سعود :هاه نزلت الأغراض يله قولي وش تفسر لي تصرفك هذا اني اطبخ غداء وانت تجيب من برا..
ياسر : الحين وين غداك..
سعود: على الطاوله برا تفضل..
سعود: هاه وش رايك؟!
ياسر:يجنن سعود يخرب بيتك من متى تعرف تطبخ؟؟
سعود: من زمان خبرك عتيق..
ياسر : افا ينذل ولاعمرك طبختلنا..
سعود: الصراحه انا طبخ عندي مزاج يعني مو كل مره تظبط معي تجي على هفات..
ياسر : اقول سعود انشاء الله اختك طالعه عليك تعرف تطبخ..
سعود يتكلم وهو يأكل:ياخي انت ماتعرف تسكت خلنا نأكل وبعدين اسال زي ماتبي..
وبعد مابلع الي بفمه :بعدين جالس تسالني عن اختي وكأني عايش معهم مو كأني من
ست اسنين ماشفتهم..
ياسر : طيب هد وش فيك،،كل هذا عشان الأكل ترى مو طاير..
سعود:تدري مو شاره عليك ادري اختي مذوبتك بحبها..
طالعه ياسر بنظره فارغه لاتحمل اي معنى وكملو غداهم بالصمت..
====================================

دخل عليه وشافه متنرفز وهو يتكلم بالتلفون ماحب يقاطعه انتظر لين خلص وساله
:وش فيك معصب من تكلم؟!
نايف:الوالده صجتني كل ماكلمتها سألتني متى بترجع؟!
فارس :عادي حتى انا ابوي كل يوم متصل يقول ارجع مادري وش عنده ؟
نايف :اتصدق اللحين اتمنى لو خالي ماتدخل وحل القضيه؟!
فارس:لاتكفى ماني متصور انك ترجع على حالتك قبل ماتنحل القضيه ..
نايف :اقول غير الموضوع مو وقتك خفة دمك ..
فارس بخبث :اقول ابونوف مانت خايف من جميل لارجعت تعرف ذا شيطان مو هين وأكيد مو تارك حقه ...
نايف بتكبـر :انا اخاف من جميلوه الصراحه ماحسبتها صح تلقاه هو اللي لسمع اني رجعت الديره بيهج منها ..
فارس :جميـل يسوي كذا شكلك للحين ماعرفته زين صدقني ماراح يخليك بحالك ...
نايف :والله أنت اللي معطيه أكبر من حجمه ,, واذا فكـر يأذيني بيكون حفر قبره بنفسه ,,بعدين هذا يحمد ربه انه عاش بعد اللي جاه مني وزين ماصابته حاله نفسيه بعد اللي شافـه ..
فارس بدهشه :نايف وش هاللهجه الاجراميه اللي تكلم فيهــا ..
نايف :اقول فويرس اذا بنتكلم بالأجرام فحسلك تسكت على الأقل انا اواجه رياجيـل وبالنور ,,مو احط راسي براس بنت لاوخطط لها بالظلام ..
فارس :قسم بالله أنك مو بصاحي حل عنـي يا..!
نايف بضحكه مجلجله :فويرس تعال وين رايح .؟
فارس :بروح لأي مكان ماتكون فيه ..
تنهد نايف بعد ماطلع فارس :آآآآه لاتلومنـي يفارس إن غلطت بحقك بس كله من طيف موراضي يفارقنــي من يومين وشوقي له تخطى كل الحدود ...
=============================================
سالي:وش هالحي أول مره اسمــع فيـه !!
داليا بتريقه :هذا حي شعبي حي فقارى من عذرك لو ماسمعتي فيه مو من مقامكم ..
سالي :المهم زي ماتفقنـا السواق بيجيك عطيـه الكيس اللي فيه الغرض ,,طبعـاً هذا اذا دل ..
داليا بمكر :وليه ماتجين انتي بنفسك تخذين فيه غرضك ...
سالي :وش قالولك بايعتهـا ,,وبعدين رقمي هذا امسحيه من عندك .. وهذي آخر مره اسمع فيها صوتك الشجي وبالجامعه لاعرفك ولاتعرفني ,,تدرين يالداليا اناوصلني خبر أنك معلمه أحد باللي بينـا والله ماتلومين الانفسك والله لخليك تمنين أنك ماعرفتيني بيوم ...وقفلت بوجها ..
ناظرت بجُنى اللي جالسه عندها وسرحانه ..
سالي :وش فيك ..؟
جُنى:قاعده افكر باللي بيصير بعد ثلاث أيام .
سالي :وش بيصير بعدثلاث أيام ..؟
جُنى بملل :اووووه وش فيك أنتي ماتفهمين بعد ثلاث ايام اليوم المفتوح يعنـي بعد ثلاث ايام بس بستعيـد كرامتـي المهدوره بعـد ماشوفهم ذليلين وقـدام المدرسه كلهــا ومثل ماصرت انا حديث المدرسه شهــور هم بيكونون حديثها السنين ..
سالي :أحلى يالقويه شكلك مره متحمسه مع أني توقعتك تكونين خايفـه ..
جُنـى :انا بالعكس ولااحس بذرة خوف احس بتبلد وعدم مبالاه,,خاصـه بعد مادرست وشفت نظرات الشماته بعيونهــم ونظرات الشفقه بعيون غيـرهم ...
سالي :زين منـك مسكتي نفسك لو أنا ماتوقع وش بيصير بس الأكيد مجزره ...
جُنـى :لأني عارفه مصيرهم ماحبيت اوضح شي عشـإن مأكون محـل شك ..
سالي :أهم شي الخطه تمشي مضبوط زي ماخططنا لهـا لأن أي خطـا بيوديك بداهيـه ..
هزت راسهـا بالأيجاب والتزمت الصمت وكانهـا تفكر بشي وفجأه قالت :سالي على ايش ناويه .؟
طالعتها سالي بتسأل وش قصدك .؟
جُنـى :ملكتـك .!!
سالي برود :وش فيهـا ..
جنـى :وش بتسوين فيهـا .؟
سالي :بسوي اللي كنتي بتسوينه لو كنتي مكـاني ..
جُنـى بداخلهـا :بتسوين مثـلي يعنــي بترقصين من الفرحه خصوصاً لوكان العريس مثل اللي فبالي ..
سالي بعـد ماشافت نظرات جُنـى الماكره :مو مثلك أنتي بذات قصدي اللي تسويه أي بنت مكــاني ...
جُنــى :طيب ليش غيرتـي رايك مو كناقبـل حلوين ..
سالي :تبين الصراحــه لانك مرجوجه وتصرفاتك غيـر متوقعــه ومدري ليش يراودني أحساس أنك بترقصين لو كنتي مكانــي ..
جُنــى :أكيد برقــص أذا كنت بتزوج واحد مثل ياســـر وسيــم وشخصيـــه وهيبــــه ...الصراحــه خســاره فيك يالشينــه وش رايك تنازلين لي عنــه ..
سالي برود:ولايهمــك بكره تلقينه بحسـابك بالبنك ,,وبعــدين أنا شينـــه اصلاً تحمـدين ربك أن عنــدك خاله مثلي ولاولد عمــك القرد هــذا صـار حلــو كثريلي منهــا ...
جُنــى :خلاص هـدي اعصــابك لاتقبين علينـا ,,كل هذا عشـإن قلت ابي ياسـر حلاص مابيــه ..
سالي بقهر :جُنــى بدون قلة حيا وانقلعي عن وجهـــي ,,اللي يسمعك يقول ميتـه فيه مكأني اتمنى فراقـه اليوم قبل بكــره ...
جُنــى وهي تقوم بتطلع :خلاص بنقلع عن وجهك زي ماطلبتي بس قبل حبيت اقولك اناصدقتك واقنعني كلامك العقلاني ..بااااااااااي ..
سالي بقهــر:انا ناقصتهـا هذي بعد مابغت تفكر وتشغل مخهـا الايـوم الموضوع يتعلق فينــي ..
==================================
:.اوب اوب شوفوا من جالس بالبيت هالحزه والله عجيب بس جاء بوقتـه من زمان اتمنــى تجيني فرصـه زي هذي ارد فيهـا اعتباري ,,على باله نسيت الكف اللي جاني منــه واللحين جـاء وقت الأنتقـام ....
نزلت بهــدوء وسلمت عليهم وجلست لاحضت أنهم سكتوا أول مادخلت مو مهم لوكانت بموقف ثاني كان ماعديتهـا بسهوله ,,ياســر يتابع التلفزيون وأمهــا اخذت مجله وجلست تقلب فيهــا ,,صبت لنفسها قهوه وهي تتلذ باللي بتسويــه ,,لفت نظـرها لياســر اللي كانت عيونه على التلفزيون بس الواضح أنه مو معـه سرحــان بخيالاتـه ياترى بمين تفكريأخي العزيز فيهـا ,,يوم وصلها تفكيرها لهالنقطــه ..
نطقت بدون حاسيــه :يمـه تذكريــن داليـا ..
فاطمــه بعدم اهتمــأم :داليـا مين ماعرف أحد بهالأســم .
ناظــرت لأخوهـا اللي فاق من سرحانه على صوتها بس مطنش كلامهم وقالت بسرهـا :ياحلوك وانت هادي وياحلو اللي بتسمعه اللحين وبيثور شياطينك ..
ورجعـت لأمهـا :يمــه مســرع مانسيتــي داليا اللي كلمتك عنهـا قبل كم يـوم اللي ساكنـه بحــي .....,,اللي أمهــا ..!
فاطمــه بتقزز :اعوذ بالله من أبليس هذي وش جاب طاريهـا اللحيـن أم الطبوب والسحــور ..
بسمــه بخبث :يمه هذي الام بس البلاوي الصدقيه عند بنتهــا سـوالفهــا تشيب الراس ..
فاطمـــه :خلصينــي وش ورى هالسالفه الطويــله ..
بسمــه :يمــه اصبـري علـي اللحيــن يجيك العلــم بس أنتــي عرفتيـها زين,,وانتبهت الياســراللي ترك التلفزيون ومركز معهم كملــت :أنا بس بقولك من شفت اليوم واقف معهــا وانتــي تدرين إن اللي يواقف مع هالأشكــال ويتكلم معهم أكيد بيكون من نفس طينتهـم ..
فاطمــه باستنكار:وأنا وش عرفنــي ببنات جامعتكــم ...
بسمــه :لايمــه عاد هـذي تعرفينهـا وتعرفينهـا زين ...وكانت وهي تكلم تناظر بياسر...
فاطمــه :بس أنا ماعرف من جامعتكم الا فاتـن بنت عمتك لاتقولين أنها هـــي ..
بسمــه :لايمه الله يهديك وش فاتــن ,,,فاتـن توطي نفسهــا لنـاس زي كــذا لاذي وحـده من مستــواهـا مويقولون الطيــور علــى اشكـالها تقــع ..
فاطمــه بحيــره :اللحين تقولين اني اعرفها زين بعدين تقولين ماهي من مستوى بنت عمـتك يعنــي أنا من مستــوى داليوه يالخايســه ولاكيف عرفتهــا ..
بسمــه وهي كاتمه ضحكتهـا:لايمــه فهمتينــي خطـأ موقصدي كـذا هـي مو من مستوانا بس الحظ الشين اللي عرفنـا فيهــا ...
فاطمــه ارفعت المجله بوجه بسمــه بتهديد :بسـوم بتقولين ولاقطعت هذي على راسك ..
وقفت ومشت لين اوصلت السلم ..
فاطمــه :تعالي والله ماتروحيــن لين تقولين لــي ..
بسمـه طلعت درجتين بعـدين التفتت علــى أمهــا وقالت :بقول بس من هنــا,, اللي شفتهــا مع داليا هـي مرة ولدك المصون ساليووووووه ...
وطلعت السلم ركض ماوحى لهـا توصل نصه الايد تجرهـا مع شعــرها لين وقفتهـا بنص الصاله ورماها علــى الكرسي ,,ياســر بغضب :الكــلام اللي قلتيه اللحين صدق ..
ناظرت فيه بسمــه اللي ترتجف من الخوف والألم بسبب شده لشعـرها اول ماشافت عيونه الغاضبـه نزلت نظرها للأرض وقالت بصوت مهزوز :والله صــدق ,,كل اللــي قلتــه صــدق ..
ياســر بتشكيك :وأنا وش اللي يخليني أصدقك ..
فاطمـــه :ياســر اترك أختك اصلاً هــي وش مصلحتهــا تقــول هالكــلام الالأنه صــدق ,,ياماحذرتك وقلت لك هالبنت ماتصلــح لـك هــذي وحده متمــرده ,,اتعــرف كيف متمــرده عايشــه حياتهــا بميزاجهــا موحاسبــه لحد حاســب ولا كأن عنــدها أهل تشوه سمعتــهم بتصـرفاتهــا واللحيـن صارت محســوبه عليــك يعنــي ياطلقهــا وترتاح من بلاويهــا ,,ولاوقــفها عنــدحدهـا ..
ياســر اللي الدنيـادايـره فيـــه :خلاص يمــه مووقته هالكلام وأنتــي امشــي قدامــي،،وجرهـا وزفهـا تمشــي قدامــه ..
فاطمــه :ياســر تعال وين أخذ أختـك ...
وجلست تضرب كف بكف :لاحول ولاقوة الابالله ,,حسبــي الله عليك يابنت،،الاصدق هــي وش اســم أمهــا .؟؟
=========================================

بسمــه وهــي تحـاول تفك شعــرها من يد ياســر :اللحيــن وش تبــي فينـي موحلفـت لك أن اللي قلته صدق وش تبي بعــــد ..
ياســر :أنطمـي ولاكلمــــه صوتك هــذا مابغــى اسمعـــــه ,,واللحين تسمعيـــن اللي بقوله لك وتنفذينــه بدون أي اعتـراض ..
هزت بسمــه راسـها علامــة الموافقــه >>>>مو يقولون السكوت علامة الرضـا ههههههههههههه مادري هالمثـل وش دخــل أمـه بموضوعنــا ..
ياســر :تروحيــن للي ماتنسمــى .....
قاطعتــه بسمــه :من سالــي .؟!
ياســر بعصبيــه :وش جاب طاري سالـي الليحن ...
بسمــه بداخلهـا : تمزيع الشعر والسب وكرامتــي اللي انمسحت بالأرض كله بسبتهـا وتقول وش جاب طاريهــا ...
:تروحيــن للخايســه اللي اسمهــا داليــا وتسألينهــا وش بينهـا وبيــن سالي ..
بسمــه بأعتــراض :مستحيـل اصلاً ماراح تقــولي ..
ياســر :بتقولك غصبــاً عنهــا ..
بسمــه :مافيــه شــي اسمـــه غصباً عنهــا بعـدين بأي صفــه اسألهــا أكيد ماراح تقولي يعنــي تفضح نفسهــا واذا كان بينهم شـي سالي أكيــد محذرتهــا من أنهــا تقـوله لأحــد ..
ياســر :خلي عنك هالكلام الفاضي ,,حطي بيدها كم ألف وهدديهـا لوماقالت لك الصدق أنك بتبلغين عن نشاطاتهــا ..
بسمــه باستسلام :بحـاول وان ماقدرت أكون سويت اللي علـي ..
ياســر :أنا مأقول لك حاولــي انا اقولك جيبي لي الخبـر ومعـك لين الاربعـاء وابغــى كل شي صـار بينهــم والا والله ماخلـي فيك مخز ابره صاحــي ..
======================================
سالي:اووف اخيراً رد مابغى،،راجو ياخايس وينك..
راجو:ماما سالي أنت فيه قرقر كتير سوي ازعاج كل شوي اتصل،،أيش تبغى أنت؟!
سالي:ول عليك يالهندي اكلتني بقشوري،،راجو أنت جيب اغراض من صديق مال انا..
راجو بتذمر:يس ماما هذا شارع مال صديق حق انتي خربان كتير..
سالي:لاياشيخ اقول تعال بسرعه وجيب الاغراض معك ،،راجو بسرعه انامافيه ذاكر عندي امتحان..
====
سالي :هاه وينك راجو وصلت ..
راجو:يس ماما هذا كيس مال أنت اعطي ميري..
سالي بصرخه :noانتظر انا بجي بنفسي باخذه..
نزلت تحت وهي تركض كانت بتفتح الباب وتطلع يوم انتبهت لنفسها انها بتطلع لراجو بهالشكل..
دخلت غرفة اختها الي كانت اقرب غرفه لها واخذت جلال الصلاة الي لافته عليها بعشوئيه بدون ماتغطي وجها،، اخذت الكيس منه كانت بتدخل مع الباب بس خافت تصادف احد بطريقها فدخلت مع الباب الخلفي..
كانت بتدخل غرفتها بس غيرت رايها يوم سمعت صوت وهج فيها..
كانت جُنى نايمه يوم دخلت سالي عليهااستغلت الفرصه وحطت الكيس في واحد من الأدراج وقفلته واخذت المفتاح معها،،اول ماطلعت سالي فتحت جُنى عيوناها وناظرت بالدرج الي سالي كانت واقفه عنده طلعت من درج الكومدينا مجموعه مفاتيح واحد منها فتحت فيه الدرج كانت صدمه لها يوم شافتهن ثنتين كيف مو كنا متفقين على وحده ..؟ بعدين وش الحبوب هذي..سالي شكلها استخفت من جد..
:وش تسوين
جُنى بروعه : بسم الله انتي وش رجعك؟!
سالي وهي حاطه يدها على خصرها: ماتشوفي مقفله عليه واخذه المفتاح معي يعني مأبغاك تشوفينه..
جُنى : اكيد ماتبغيني اشوف بلاويك..
سالي الي صكت الباب وتسندت عليه:ايه صح بلاوي بحالي اقول بديتي التخوين من الحين..
جُنى: انتي الي بديتي موكنا متفقين على وحده ليه جايبه ثنتين؟؟ بعدين وش هلحبوب؟؟!!
سالي: جُنى بليز لاتدخلين بالشي الي مايخصك،، وبعدين مثل مانتي احتجتي لشي اكيد بيجي وقت وانا احتاجه بعد..
جُنى : انتي اكيد مجنونه ،، وبتتركينه عندي لين يجي الوقت؟؟
سالي : لاتخافين هالوقت قريب وقريب جداً بعد..
جُنى : مافهمت؟!
سالي: مو ضروري تفهمين والحين رجعي كل شي مكانه،،وهاتي المفاتيح الي معك..
هذي لأيش تخطط وش الي بيخليها تحتاج هالأشياء ضميري يأنبني لأني وافقتها بس هي الي اقترحت علي يعني انا مالي دخل هي الي بتجيب الشر لنفسها..
===========================================
.......حبيبي يسوري وين وصلت.
ياسربنرفزه:لاتكلمني بهالطريقه..
سعود:طيب ولا يهمك،، بس ماقلتلي وين تبي تروح..
ياسر: ابي اروح جهنم..
سعود وقف السياره بقوه: استغفر الله وش هلكلام،،خاف ربك ياخوي..
ياسر :مقهورياسعود،، وأشر على قلبه ،، هنا شابه حريقه..
سعود حرك السياره : والسبب .!
ياسر بداخله:آآه ياسعود خلني ساكت مابغــى اتكلم وصدمك بأختـــك ,,,سكت كثير ياسالي الا هالموضوع ماينسكت عليه بس خلني اتأكد والله لطربقها على رأسها..
سعــود :ياســـــر وبعدين معك بتجلس كثير علــى هالحـاله ..
ياســر بضيق:سعــود الله يعـافيك رجعنـي البيت ..
سعــود : توك طالع من البيت وش يرجعك له بيزيدك ضيقة ..
ياســر :سعــود رجعنــي البيت اونزلني هنـا ..
سعــود :خلاص على راحتــك ...
========================================
سالــي ميــن ؟..أنا مأعـــرف أحــد بهالأســـم ..
بسمــــه :داليـا حركاتك ذي مو علــي سالـي الـ......
داليـا :بسمــه غلطــانه اذا تحسبيني اشتغــل فالأحــوال المدنيــه,, تبغيــن شي غيـر هالسؤال لـك عيـوني اما هالاســم اول مره اسمع فيه منك ..
بسمــه :داليـوه عن هالتلميحـات وخدمات مابغــى منك وسالي ماتقدريـن تنكرين أنك تعرفينها انا شايفتكم مع بعض قبل كم يوم ..
داليا :بســوم حبيبتي عن اللف والدوران قول وش تبين واخلصي علي ...
بسمــه :الظاهر سؤالي واضح وش بينك وبينها ..
داليا باصرار :مابينا شـي اصلاً ماعــرفهـا وماتشرفت بلقائهـا وماعندي مانع اتعرف عليها عشانك ...
بسمــه :الظاهر الكلام معك بالطيب ماينفع ,, بس انا اعرف كيف اخليك تنطقيـن ..
داليـا :أنتـي اللحيــن وش تبيــن منـــي ..
بسمــه :ابغــى مصلحتك لأن النــاس اللي دازيني لك لو دروا أنك رفضتــي تعاونين معي اقل شي ممكن يسونه أنك تلقين نفسك عصــر اليوم بالسجن ...
داليا :وش افهم من كلامك تهـديد ..
بسمــه :أيــه تهــديد ولو ماخفتـي منــه تصيريـن صدق ماتعرفين بسمــــه ...
داليـا بتردد :بسمــه أنا ودي اقولك بـس سالـي ماراح تخليني بحالــي وأنا ماودي احط راسي براس وحده مثلهــا ...
بسمــه :صدقينـي ماراح تقدر تسويلك شــي أنا اعرفهــا نفخــه بــس ,,واللحيــن ابــي كل شــي بينكم بالتفصيــل ..
داليـا :كذا بـــلاش ..
بسمــه بملل:كم تبين .؟؟
داليا :انتي كريمــه وحنا نستـاهـل ..
بسمـــه :أنتــي قولـي وعلـى الحسب الكــلام اللي بتقولينــه بيكــون الثمـــن ..
داليــا :اسمعــي ................. وهـذا كـل اللي صار بينــا ..
بسمـــه وللحين مصدومه من اللي سمعتــه :وجبتــي لهــا اللي طلبتــــه ...
داليـا بفخــر :افكورس ..عنـدك شك بهــذا ..لوتبغيــن تجربين خدماتنا صدقينـــي ماراح تندميــن ..
قامــت بسمـــه بعــد مارمــت عليهـا فلوسهــا وهـي تحس بالاشمئزاز ....
ياويلــي وش بقــول ليـاســر .! يارب ساعــدنــي مأقدر اواجهه بهالكـــلام ,,يارب مابــي أمـوت على يده ..
يارب ينســي ..وش قاعـده اقـول ينســى هذا المستحيل بعينــه كيف ينسـى وهو كل يوم حاي يسألنــي وش سويــت ..
يارب استــرهـا يارب ...>>>> كانت تمتم بهالكلمــه وهـي داخلــه الكفتريـا لفت انتباها ضحكـة سالــي اللي اطلقتهـا يوم كانت ماره من جنب طاولتهــم ..
حسبــي الله عليــك أنا بحترق من الغيض وأنتــي جالسه تضحكيــن الله يعيـن أخوي اللي ابتلاء فيك بس يستاهل حذرناه بـس هو اللي اصــر ,,ودي افهــم الانسـانه هذي كيف تفكــر الظاهر ماعندها عقــل تفكــر فيــه ولاهذي تصرفـات وحده عاقلــه ماعنــدها أهل تخاف علــى سمعتهم ..
ياربي للحيــن تضحك وانا نفســــي ابكــي كل من هاللســإن كان لازم اتلقف واقــول اللي شفتــه استاهل مسـويه بانتقم منـه مادريت اني انتقم من نفســي ..
=======================================

رحاب لجنـى اللي جنبهـا :وش السالفه ..؟؟
جنــى :مادري بس شكلــه,وبلعت ريقهـا: تفتيش ..
رحاب باستغـراب:وش فيــك ..
جنــى :هاه مافينـي شي ..وشدت بقبضتهـا على الطاوله لأن يدهـا بدت ترتجف بشكـل ملحوظ ..
التفتت عليهـم خلود اللي جالسـه بكرسـي قدامهم :معكم ممنوعات ..
رحاب باستهبال :اعوذبالله ممنـوعات مره وحده الصراحـه مامعــي غيــر كم حبة هلوسـه وكم ابرة هيروين و.............
جنــى يوم سمعــت كلامهـا تمنت الأرض تنشق وتبلعهــــا ..
خلود بضحكـه عاليــه :اسكتــي لحد يسمعـكوتقول مامعــي شـــي ..
المراقبـــه : يالله بنات اطلعــوا برى ولاوحده تأخذ شـي معهــا ..
طلعــوا البنات وكان عنــد الباب معلمه تفتشهم عشان اذا كانت وحده شايله شي بيجبهـا ..
انتبهــت جنــى علــى الشله المقصــوده كانـوا يتصـرفون بشكـل طبيعــي وباين انهم واثقيـن من انفسـم
والخوف مايعـــرف طريق لهـــم ..
كلها دقايق وطلعـوا البنات المرقبات والملعمـات وهم محملين بالممنوعـات واتجهـوا للفصــل ثانـي يفتشـونـه ...
كملت المعلمه لهم الشرح لاكن ماطولت لأن وحده من المراقبات قاطعتهـا اللي كان وجهـا مايبشـر بخيــر عدت اسمـاء طالبات بعض الطالبات جنى يوم سمعت الأسمـاء تنفست الصعداءوكانت بتصــرخ من الفرحــه لولا أنها تداركت نفسهـا قبـل ماتنفضــح ..
همست لهـا رحاب :والله اليوم شكلك مو طبيعيـه اركدي يابنت ماصارت أمتحان ذي اللي بتخبـل فيـك ..
جنـى ابتسمت لرحاب وبداخلها :والله أنك طيبه يارحاب على نياتك استغرب ليه ماخذتي من خبث أخوك ,,الحقيــر هذا وش ذكرنـي فيــه مو وقتــه بيفســد فرحتـي بذكره ,,وأنتي ماودك تخلصيـن علينـا بطلع اشوف وش صار علـى ضحاياي ..
==========================================
المديـره بحــزم :يعنــي تبغــوني أكذب عيـوني واصدقكــم خــلاص طحت بشر أعمـالكم وبعــدين قولوا لـي شي واحد يشفعلكـم حتــى السمعـه ماشاءالله مـره طيبــه ..>>>قالتهـا باستخفـاف ..
أمـل وخانقتهـا العبــره :حنـا مأنكرنا أن كل هالاشيـاء لنـا الاهالكيـس والله مولنـا احلف لك بايش عشان تصدقينـي ..وجلست تبكـي ..
المديره :تحلفين لي لاحبيبتــي مابغــى اخذ اثامكـم مثلكـم مايفرق معــه يحلف كذب ...
أمل بانفعال :والله مولنـا والله ..
المرقبـه :تصدقين كسرتـي خاطـري وصدقتك أذا ماكان لكم وش بيجيبه بين اغراضكــم ..
نور :المكــإن هذا ممكـن أي أحد يدخلــه ويحطه بيـن اغراضنـا ..
المديره :اللحين بتقنعينـا أن مكانكم يقرب منـه أحد ماتوقع انتو مسوين عصابه مايحتاج الكل يخاف منهـا ..
المراقبـه :لاتحسبون حنـا غافلين عنكم بس أنتم تماديتو كثيـر لدرجــة أن سمعة المدرسـه سيئـه مره والبركه فيكم ...
المديره :خلاص طفح الكيـــل والأشيـاء اللي ضبطت معكم كفيله بفصلكـم من المدرسه فصـل نهـائي ..
عمـوماً بنرفـع فيكم تقرير لأدارة التعليــم واوليـاء امركــم يجوني يوم السبت هذي اخرت دلعهم لكم خل يتحملون اللي يجيهم ....
المراقبــه بشمـاته :على فكــره رد ادارة التعليم اكيد بيحـــرمكم من دخول امتحـانات الوزاره يعنـي لاتعبـن انفسكـن وتذاكـرن ..
صرخــوا البنـات وجلسـوا يبكــون بألم وحســره ..
المديره بعصبيـه :اطلعوا مابي اشوف اشكالكم ووفروا المنـاحه لين يجي القرار بعدين ليش تبكون انتم وجه الدراسه اصـلاً ..
نور بين شهقاتهـا :حرام والله حـرام حنـا نستعد للأمتحـانات مذاكره ودروس خصوصيـه وبالأخيـر ننحـرم من الأمتحـانات ظلــم ..
المراقبه بحقـد :للحين واقفات يالله برى...
======================================
كانت جنـى واقفه بمكـان قريب من الأداره تبــي تأكـد أن خطتهـا نجحت ..
رحاب بدهشـه :طالعـوا شوف شلة أمـل ونور طالعين من الأداره يبكون وحالتهم حاله ..
جنـى بحماس :وين راحـو ماشوفهــم ..؟
رحاب وهي تاشر بيدهـا :شوفيهم رايحين للدورات الميـاه ,,يوه البنات تجمعوا عليهم وغطوا علي ماقدر اشوفهـم ؟؟
جنـى بأحباط :على الأقـل شفتيهـم موأنا ماشفتـهم ابد ...وبعـدشوي شافت وحده من بنات الفصـل ..
جنـى بصراخ:هيفـاء هيفـااااء ...
هيفـاء :هلااا وينكم فاتكم شفتوا وش صار لشلة أمل ونور ...
رحاب :هذا اللي بنسألك عنــه وش صايـر ..
هيفـاء :فضايح يقولون ضابطين معهم بلاوي وشي بالضبظ مأدري ..
جنـى بداخلها :بس أنا ادري ههههههههههههههههههههههههه..
رحاب :طيب ليش يبكون مو أول مره تصير معهم اصلاً هم أكبر بلوه بالمدرسـه ..
هيفاء :يوووه أنتي ليه ماتفهمين المره ذي شي كايد واصلاً هم منكرين يقولون أنهم مظلومين ماتشوفينهم كيف يبكون بمراره لا ويقولون بعد انهم بيحرمون من امتحانات الوزاره والله حالتهم تصعب على الكافر ماعمري تصورت اشوفهم بهالوضع لوتشوفون أمل قطعت شعرها من القهــر ...
جنـى بضحكـه عاليــه:هههههههههههههههههههههههههههههههههههههههههه ههههههههههه
هههههههههههههههههههههههههههههههههههههههههههههههههه هههههههههه..
ومسكت بطنهـا وهي تضحك ...
ورحاب وهيفاء ينظرونهـا بدهشــه ..
وبعد ماتمالكت نفسهــا جلس تمسح الدموعها اللي طلعت من شدة الضحك /امشي رحاب بشوفهم على الطبيعه مابي اسمع ..
رحاب :لا مابي اروح واحب اشوف أحد بهالحاله ...
جنى وهي تمشي مبعده عنها :غبيه بتفوتين على نفسك فرجه اذا غيرتي رايك تدلين الطريق ...
دخلت جنـى دورة المياه اللي كانت تعج بالبنــات لدرجة ماقدرة تدخـل منهـم ...
دارت بعيونهـا تدور عليهــم شافتهم جالسين بزاويه بحاله مزريه وهم يبكون بهستـريا وباقي الشله ملتمين عليهم يهدونهم ...
جنــى ماقدرت تمنـع نفسهـا من اطلاق ضحكــه مدويه خلت كل الطالبات يسكتون ويناظرونـها باستغـراب ,,بس جنــى ولاهتمت وكملت ضحكهــا ...
وحده من الطالبات الموجودات ماعحبهـا الموقف :حرام عليك راعي مشاعرهم ماتصلح الشمـاته ...
جنــى رددت بصوت عالي :صدقتــي ماتصلح الشمـاته ,,سمعتــوا ماتصلح الشمــاته صدق الدنيــا دواره يوم لك ويوم عليك ...
=====================================
الحمدالله جت الساعه ست وهو ماجاء يعنــي موبجاي اليوم أكيد بينام بشقتــه اللحين أقدر اتجول بالبيت براحه ولاانحبس بغرفتي عشان امثل لاجاء اني نايمــه يارب سترك وعديهـا اليوم على خير
احسن شي اجلس بالغرفه اخاف اطلع وعلى حظي النحس يجــي الله لايسامحك يساليوووه كله من تحت راسك يويلي ياســـر اذا هاج ماينوقف قدامــه ................
وصحت من افكــارهـا على ضربات قويه على الباب :بسمه افتحــي الباب بسمه ..
بسمه لااااااااا ليش جيت يارب رحمتك يارب وقامت تفتح الباب وهي ترتجف ...
اول مافتحت الباب دفه ياسـر ودخل وقفل الباب وراه ..
ياســر اللي كان التعب واضح عليه :اظن اليوم كان اخر فرصــه لك ..
هزت بسمــه راسهـا بالأيجــاب ...
ياســـر :وش صار معك ..
بسمــه زاد ارتجافهــا ..
ياســر بشك :ليه خايفه وبعصبيــه :لاتقولين انك ماوصلتي الشــي ..
بسمـــه بسرعـــــه :لاعرفــت كل شــــي ...
ياســــر بانفعال :وش تنتظـــــرين قولــــي وش اللـي عرفتيـــــه ...
==========================







نهـــــــــــــايـه الجـــــــــــزاء

الجـــــزاء الحادي عشــــر ....
الفصل الاول
اذاكــــره ..احذفـــه ..اذاكـــره ..لا احذفــه ..خخخ اذاكـــــره ..امممم احذفـــه ...لااااااا اذاكــره ..
طراااااااااااااخ >>>>>هذا كان صوت كروتون الكلينكس على جبهة سالي ...
سالي :آآآي وجع الله ياخذ ابليسك ومنشنه بعد بطرفه الحـاد ...
وهج اللي كانت حدها معصبه :تستاهلين ,,ترى صجيتنا انتي وهالورده اللي طايحتلي تقطيع فيها اذاكره احذفه ...
سالي بلاهه :وش اسوي موقادره اذاكر هالفصــل احسه غبـــي ابي افتك منه مالقيت الا هالطريقه ومونافعه بعد كل مره يطلعلي اذاكره ...
وهج :خلاص ذاكريه ..
سالي بعنـاد :لا ماني مذاكرته عشان تعرف تعاندني هالخايسه ..
وهج بشهقه :من الخايسه لايكون انا ...
سالي :لامو انتي الورده ..
وهج اللي صدق انقهرت من سالي اللي رايقه ولا كأنها عندها اختبار :اووووف ياربي من رواقتك اللي جايه مو بوقتها ..
سالي بتفكير :وهجي وش رايك .؟
وهج :لاتقولين وهجي احس اني ولد ,,, بعدين رايي بايش ...
سالي :اذاكره ولاماذاكره .!!!
وهج اللي بدت تفقد اعصابها :سالي حلي عني مو عشانك مصريه وضامنه النجاح تحسبيني مثلك انتي اتجيبين العلامه كامله وانا بجيب العيد ..
سالي :عيد الفطر ولا الاضحى ولايمكن عيد راس السنه ..
وهج بقهر: سااااالي ..
سالي :خلاص بسكت،،شوفي حتى وحطت يديها الثنتين على فمها،،ثواني بس اللي مرت قبل ماتقول سالي :ايه صح نسيت اقولك تعرفين .......
وهج قاطعتهـا بصرخه :لاماعرف ولاابي اعرف منك شي ,,اصلاً انا الغلطانه اللي جالسه معك الا اللحين،،ووقفت بتطلع ..
سالي :تعالي وين رايحه .؟
وهج :طالعه عنك وتاركه لك الغرفه بكبرها اشبعي فيها واجلسي كلمي نفسك ..
سالي :طيب وين بتروحين مافيه مكان مناسب تذاكرين فيه غيرهنا معي ..
وهج :الافيه الحديقه هدوء الواحد يذاكر براحته ..
سالي :وووووع حديقه بهالحر ..
وهج وهي تضرب سالي بالكتاب على راسهـا :حر حر وحنا بالشباط ..
سالي : لاتضربين لأقوم افرشك ,,وبعدين انتي قلتيها بلسانك برررررد كيف تجلسين برى يمكن ينزل مطر!!
وهج:تصدقين عمري ماتمنيت اخنقك كثر ماتمنى اللحين,,مطر والسماء صافيه الله يكملك بعقلك بس,,وطلعت وهج وصفقت الباب ورها..
سالي بهمس:بشتاقلك وهج..
================================================== ====فارس:احلفي ان كل شي تمام..
:مايحتاج احلف,,كل شي ماشي مثل ماطلبت,,طبعاً هذا بجهد مني..
فارس:ولايهمك حياتي ماراح تتعبين بلاش..
البنت بغنج:طيب حبيبي لاتطول اخاف الصيده تضيع..
فارس:لاياشيخه على كيفك تضيع وانتي وش فايدتك,,ماطلي فيها لين ارجع..
...:هههههه وانت صدقت اصلاًهي مو راضيه بالموضوع من اصله,,بس البركه بحيلي
وسذاجتها..
فارس بضحكه:الله لا يحرمني من حيلك ولا من سذاجتها..
نايف:اوهووو علينا وبعدين معك,,قفل من صحيت وانت تكلمها..
فارس وهو ياشر لنايف يسكت:يالله حياتي تامرين على شي,,ههههه,,طيب مع السلامه,,التفت على نايف بعد ما قفل:هـاه فضيتلك أمـر تـدلل!!
نايف:فروسي حبيبي قوم البس خلنا نطلع نستانس,,مابقى غير يومين ونرجع للحكره..
فارس بهدؤ:بس,,أنت تامر امر من عيني هذي قبل هذي,,وقام يتجهز،،بعد مادخل الغرفه تكلم مع نفسه بصوت مسموع:انا لازم اجاريه هذا مجنون لو عصب يمكن يذبحني واحنا بغربه,,وجلس يمثل انه يبكي..
نايف الي واقف على الباب:تصدق فكره اقتلك وارجع على اول طياره ريحه السعوديه..
================================================== ====
:احترم نفسك عاد قلنا زوجتك بس مو قاعد تتبلى عليها..
ياسر بعصبيه:اناماتبلى عليها ياسعد ،،واسمعني زين اذا ماربيتو بنتكم وقفتوها عند حدها،،تصرفي بذاك الوقت ابد ماراح يعجبك..
سعد:اختي متربيه قبل ماتعرفك,,واذاانت شايف على اهلك شي لا تقط بلاويهم على اختي..
ياسر:هين يا سعد هذي اخرتها,,بس قسم بالله الشنب هذا مو على رجال لو خليت أختك
على كيفها,,بروح باخذها واشوف من يمنعني..
سعد بستهزاء:لاتخاف مراح نبكيها؟!رحلها اتوقع بيت عمك تدله وماظن بتلقا احد يوقف
بوجهك,,يعني الطريق سـالك..
ياسر:مالوم أختك يوم تمشي على حل شعرها دام وراها أخو ينشد فيه الظهر مثلك..
سعد بعد ما طلع ياسر:بقلعة وادرين أنت وياها,,صدق اللي قال وافق شنن طبقه..
================================================== ====

يالله وين ذلفت ذي دورتها فكل مكان ومالقيتها مابقى الامكان واحد بس مستحيل تكون فيه طول هالوقت بس اجرب اشوفها هناك..
سالي:بوووو،،وش قاعده تسوين هالحزه..
وهج:حلو جيتي بوقتك،، تعالي ساعديني بسوي حلــى..
سالي بغباء:اساعدك بايش,,انتي وش قاعده تسوين..
وهج:اوووف ياشينك اذا قفلتي لي مخك،،اقولك بسوي حلى من زمان خاطري اتعلم كيف اسوي..
سالي:والله من اللفضاوه,,وهج حبيبتي حنا لسى اليوم الاثنين مو الاربعاء يعني وراك امتحان حق الاربعاء متى بتخلصين مذاكرته وانتي جالسه تضيعين وقتك..
وهج:بدون فلسفه بليز انا برفه عن نفسي،، لاتخربين علي يتساعديني والاكتابك يحتريك..
سالي وهي تجلس على الطاوله:لابجلس اتفرج عليك..
وهج وهي تلبس المريله:طيب انا بقولك الاغراض اللي احتاجها وانتي طلعيها من الثلاجه..
نطت سالي ووقفت عند الثلاجه:اوكي اناجاهزه..
وهج:كريمةخفق,ودريم ويب..
سالي:لقيتهم ,,وجات وعطتهم وهج..
وهج بتعجب:وش هذا؟!من قالك جيبي كريم كرمل..
سالي:هذا دريم ويب..>>>>>>>>> الحين الكريم كرمل صار دريم ويب من متى؟؟؟؟؟؟
وهج:سالي وجع ماتعرفين تفرقين هذا كرميل..
سالي بغباء:احلفي واناوش دراني!!طيب وش بعد؟؟
وهج:مادري؟!
سالي:يعني انتي مابتسوين حلى معين..
وهج:لا,,ومالي خلق أدور فكتاب بسوي شي تقديري..
سالي بحماس:قولي كذا من البدايه،،وجلست اطلع اشياء عشوئيه من الثلاجه..
وهج:وش هوله البيض؟؟
سالي:غبيه عمرك شفتي حلــى يسوى بدون بيض؟!>>>>>>(انا عن نفسي أي هههههههههههه),,هزت الغبيه الثانيه راسهابـ لا..
سالي:اجل لا تدخلين،،وبدت تحط المقادير فالخلاط..
وهج باستغراب:ليش حطيتي الكاتشب؟؟؟
سالي:اووف غبيه انتي اجل كيف يصير الحلى طعمه حلوو!!>>>>> (الله الله عليك يا سالي ولا شيف مهدي هههههههههههههههههههههههههههههههههههههههههههههه)
وهج:طيب انتي حطيتي عسل ليش؟؟
سالي:عشان يتماسك!!
وهج:شكلك مره فاهمه ليه ماتسوين لنا دايم حلــى..
سالي بغرور:ليه وش قالولك فاضيه لكم..
وهج:طيب قوليلي وش المقادير اللي حطيتيها بالخلاط عشان اسويه مره ثانيه..
سالي تحك جبهتها وكأنها تذكر:4بيضات+كرتون جبن كيري+ملعقتين نسكافي+اصبع زبده+نصف كوب كاكاو بودره+عسل+كاتشب على حسب الرغبه..
وهج:والطبقه الاولى وش نحط؟؟
سالي جلست تفكر بعدين قالت:توست ونغمسه بالحليب..
وهج بشك:توست بالحليب..
سالي بثقه:ليش عندك شك بقدراتي..
وهج:لاابد بس استغربت ماعمري ذقت طعم التست مع الحلـى..
سالي:أكيد ماراح تحسين والحين بتأكدين..
وهج:طيب وش نحط على الوجه..
سالي:وهذي يبغالها ذكاء،،نحط دريم ويب وكرميل وفيمتو..
وهج:والله فكره،،وانتي للحين تخلطين..
سالي باستغراب:الا،،للحين مانخلط ليش؟!
وهج:أي صحيح،،ايش نسوي الحين؟؟
سالي:لحظه خليني افكر،،بعد دقايق قطع على سالي تفكيرها..
:صاااااااااااااااادوه،،وش قاعدين تسوون؟؟
وهج بعصبيه:جنووووه وجع انشالله خرعتينا..
سالي:أي ولله ناقصينك حنا بعد..
جُنى:ليه وشفيكم معصبين؟؟
سالي:وانتي وش دخلك،،يالله برا..
وهج:لا خليها تشوف الخلاط،،يمكن تعرف ليش ماخلط المقادير!!
جُنى قربت من الخلاط وشافت انه مو موصل بالكهرباء ونفجرت ضحك:هههههههههههههه
هههههههههههههههههههههههههههههههههههههههههههههههههه هههه..
سالي وهج طالعو بعض بستغراب من ضحكت جُنى..
سالي:ماشوف بالموضوع شي يضحك..
جُنى اللي تمالكت نفسها بالغصب:انتم على أي اساس تبغونه يخلط؟؟
سالي:حلوه،،على اساس حطينا فيه المقادير ليش ماخالطها؟!
جُنى رجعت تضحك بشكل اقوى من قبل،،ووهج وسالي مقهورين منها ودهم يعرفون ليش تضحك..
سالي بعصبيه:جُنى وحمى اسكتي وفهمينا ليش مانخلطت المقادير..
قربت جُنى منهم ووصلت الخلاط بالكهرباء وضغطت الزر واشتغل الخلاط،،سالي اول ما سمعت صوته وحست بحركه بيدها تركته،،ومثل ماهو متوقع اليد طارت بجهه والدنيا انحاست،،سالي وجهها كله بيض وكاتشب وشكله مقرف..
جُنى:وع وش مسوين انتوو صدق قرف..
سالي:جُنى بليز لا تغلطين كنا بنسوي احلى حلـى كنتي بذوقينه بحياتك..
جُنـى:مرره مصدقه عمرك انا اكل شي انتي مسويته،،بس وش هذا؟،،وقربت من سالي ومسحت باصبعها على خدها:كاتشب؟!!حسبي الله على بليسك حاطه مع الحلى كاتشب؟؟؟
وهج بسذاجه:عادي وش فيها اجل كيف يطلع طعمه حلوو..
جُنـى:صدق انك مقصه جالسه تلعب عليك هذي،،لاتصدقينها ولا حلى يحط فيه كاتشب!!
وهج بضيق:اوووف جُنى ليه جيتي كنا مستانسين قبل ماتجين،،،وطلعت وهي متضايقه..
جُنـى بدهشه:وش فيها زعلت ماقلت شي ازعل!!
سالي بلامباله:أكيد مو مذاكره زين وحطت الحره فيك ..
جُنـى:اللي يسمع كلامك يقول هي بس اللي عندها امتحانات حتى انا عندي امتحانات وثانويه عامه بعد ..حمدوا ربكم مابقى لكم غير امتحان واحد انا بقى لي اسبوع كامـل ..
سالي :لاتغلطين بقى لنا امتحانين يوم الاربعاء ويوم الاحد ..
جُنـى اللي طلعت مع الباب الخلفي :تعالي..
سالي :وش تبغين بروح اسبح ماتشوفين حالتي كيف .!؟
جُنـى :على راحتك كنت بقولك وش صاربسالفتنا ..
سالي :ليه انتي ماقلتي لي اصلاً صدعتي راسي بهاسالفه ...
================================================== ===
سلطان: وش فيك ناصر من يوم ماكلمك ولد عمك وانت مو على بعضك؟؟
ناصر:مادري ليه حاس إن جيته ماهي بلله،،اتمنى تكون شكوكي خطأ..
سلطان:يالله يا بو الشباب انزل وصلنا بيتكم..
ناصر:انزل تقهوى..
سلطان:لايابوك اللحين يطب علينا ولد عمك,,وأتعرف عندي حساسيه من المشاكل العائليه..
ناصر:هههههه الله يرجك اربع وعشرين ساعه رايق،،يالله مع السلامه،،ودخل ناصر البيت
مباشره توجه للمجلس وطلب منهم يجهزون القهوه،،دخل ياسر وراه عادل اللي استقبله عند الباب،،وبعد ماسلمو على بعض وجلسو يتقهوون،،لاحظ ناصر إن ياسر حالته ابد مو طبيعيه
،،حتى عادل لاحظ خصوصاً انه كان وجهه وجبينه معرقين مع إن الجو بارد،،ياسر كان يحاول يضبط اعصابه ويتكلم بهدؤ بس مووقـــــادر..
ناصر اللي بد بالكلام:سلاامات شكلك تعبان..
ياسر:ايه جاي من سفر..
ناصر:مـن ويـن؟!
ياسر:من القصيم..
ناصرماعاد عنده شك لو واحد بالميه إن الموضوع اللي جاي عشانه ياسر يتعلق بسالي الله يستر..
ياسر:ناصر اناجاي اخذ خالتك وبليز ابغاك تعطنياها بدون أي اعترضات..
ناصر بذهول:ياسر أنت صاحي شكل السفر مأثر عليك،،عادل اطلع برا..
تراجع عادل اللي كان يصب له القهوه،،وطلع من المجلس وهو مصدوم لدرجة انه نسى
الدله معه..
ياسر بعصبيه:انااصحى منك ولو سمحت لا تكلم عن شي وانت مو داري عنه واذا كان في احد مو صاحي فانها خالتك المحترمه!!
ناصر:ياسررر..
قاطعه ياسر:ناصر قلت لك بدون اعتراضات،،سعد يدري وهو الي قالي روح خذها وماحد راح يوقف بوجهك،،ولاتنسى انها خالتك يعني مالك حكم عليها..
ناصر بسخريه:وللي يسمعك يقول انها موافقه تروح معك ،،وانامعها..
ياسر:عمرها ماوافقت اصلاً مو جاي اطلب رايها،،بتجي معي غصباً عنها!!
==================================================

دخل عادل الصاله اللي كان فيها امه ووهج وهديل وسامي..
هديل اول من انتبه له:هي يالخبل المطبخ مو هنا هذي الصاله..
عادل مايدري وش تقصد،،بس بعدين انتبه لدله ونزلها على الطاوله..
عادل بلعثمه:يمه..يسوررر..بياخـ..ذ خـالـ..تي،،مو علـ..ى كيفـ..ـه لا تخلونه ياخذها..
أم ناصر اللي مافهمت وشي يقول :بسم الله عليك عادل وش فيك تكلم كذا!!
عادل: يمه ياسر جاي ياخذ سالي..
أم ناصر:ليه هو على كيفه..
وهج:يمه حراااام عليكم مو على كيفه،،أكيد جدي وخالي سعد بعد بيوقفون معهم،،حرااام عليهم المجرمين..
هديل اول ماسمعت كلام عادل الأول مانتضرت تسمع الباقي،،طيران على غرفة سالي ,,
سالي بهالوقت كانت توها طالعه من الحمام(وانتم بكرامه) ورايقه،، الروب عليها وجالسه تجفف شعرها وتغني يوم إن دق الباب بقوه بطريقه جديده على سالي،،راحت تفتح الباب وهي معصبه،،بس اسكتت يوم شافت هديل وعيونها المليانه دموع..
سالي بستغراب:هديل وش فيك ليه تبكين؟؟
هديل دخلت وسكرت الباب بالقفل مره ومرتين ،،وسالي تناظرها باستغراب!!
هديل:لاتروحين معه تخبي مايقدر ياخذك..
سالي وفيهاضحكه:مين هذا؟!لاتقولين الحرمي،،هديل خلي عنك هالحركات انتي كبرتي..
هديل بشهاق:خالتووو لاتروحين مع ياسر..
سالي بصدمه:ومن قال بروح معه؟؟
هديل:عادل يقوله،،هوتحت جاء قبل شوي يقول بياخذك..
سالي بدخلها:وش السالفه هذا من صدقه بس شكل ساعة الصفر جات ماعليه يسور ياولد امك كان صبرت يومين بس يومين ليه مستعجل على رزقك....
سالي:هديل حبيبتي اطلعي بغير ملابسي،،ولاتقولين لحد انك قلتي لي..
هديل:مانتي رايحه معه صح..
سالي بضحكه:أكيدلاااا،،ماعد ألاهـي!!،،
فتحت هديل الباب بتطلع بس سالي نادتها،،التفتت لها شافتها فتحه لها يدينها وضمتها بقوه وباستها على خدها:بشتاق لك هدوول..
هديل بشهقه:بتروحين معه؟؟
سالي:طبعاًلاحبيبتي بس بشتاق لك لانزلتي تحت،،ابتسمت هديل بفرح ونزلت وهي مصدقه كذبة سالي،،ضحكت سالي على براءة هديل وغيرت ملابسها بسرعه وطلعت شنطتها السبورت اللي كانت مجهزه فيها ملابسها وطلعت عباتهاوشنطةيدها توها بتطلع من الغرفه تذكرت شي ورجعت وخذتها وطلعت..>>>>>>> ودعتنــــــا باشتاقلـك سالــــــي
================================================== ====
ياسر اللي جالس وحاط رجل على رجل:يعني مفتكر إن سعود راح يمنعني،،للأسف للحين ماعرفتني زين..
ناصر:يمنعك يتركك تأخذها ماعاد يهمني ،،هو أخوها وحر باللي يسويه فيها لأنه زي ماقلت أنا مالي حكم عليها،،عادل كان واقف على الباب ومقهور من تصرف ناصر ليه يتصل
بسعود وهو يدري انه بيجبر سالي مهما كان هذا ياسر صديقه،،كان قدامه مليون حل غير سعودبس هو حب يتخلص من المسؤليه..
ناصر حاس بنظرات عادل:عاااادل كفايه،،رفع ياسر راسه باستغراب وش فيه ذا استخف الولد ماقال شي ساكت،،كمل ناصر وهو يوقف:ماعندي خيار ثاني..
عادل بقهر:عندك مليون خيار بس أنت جيت بتخلص من المسئوليه وتختار ابسط حل لو كانت وهج أو جُنى بتسوي كذا؟؟؟؟؟؟
ناصر وهو يحط يده على كتف أخوه اللي كان يرتجف من القهر:وهج وجُنى خواتي بس سالي عندها ابوها وخونها..
عادل:أنامن يوم فتحت عيوني على الدنياوأنا اشوف سالي عايشه معنا وصارت وحده مناوفينا ،،وينهم اخونها وبوها عنها كل هالمده والأفاهمين إن الأخوه سيطره وفرض رايي،،وطلع من المجلس وهو مقهور..
================================================== ====
سامي كان واقف مع صديقه قريب من البيت طلع من البيت متضايق واتصل على صديقه يبغى ينسى اللي قاعد يصير داخل بيتهم،،شاف خاله سعود يوم جاء ودخل حس بالكره له بعكس اول مره شافه فيها،،هو اللي يقرر مصير سالي وأكيد ماراح يخذل ياسر صديقه،،فجاه
صار شي عقله عجز يستوعبه إلى بعد مده،،شاف باب بيتهم الفرعي ينفتح وطلعت منه وحده ووقفة عند باب جيرنهم،،توقع انهاجايه لهم،،المده اللي جلس فيها سامي يفسر الي قاعد يصير كانت كفيله بـان السيـاره تختفـي من الشـارع كلـه..
==================================================

سعود بعدمادخل وسلم عليهم،،ماقدر يخفي تعجبه من وجود ياسر هنا وهو مختفي من يومين
:مختفي لك يومين واللحين القاك هنا ممكن تفسرلي وش قاعد يصير؟؟
ياسر بهدؤ:أنا ماتصلت فيك اسأل اللي اتصل فيك؟!
ناصر وقف وقال:أناالاحد هنا وانتهى دوري هذا هو اخوها قدامك تبغى شي اطلبه منه،،كمل طريقه بيطلع،،بس سامي اللي دخل مثل الصاروخ وهو يلهث من التعب،،لان البقعه اللي كان واقف فيها بعيده شوي عن البيت:ناصرررر الحق..خالتي سالي!!،،ناصر انتضره يكمل بس هو ما كمل..
عادل:خالتي سالي وش فيهاانتحـرت؟؟
سامي الي اخيراً ارتاح:لااااهربـــت!!
ياسربصدمه:وشوووووووو؟!
سعود بدهشه:أنت أكيد تخبلت وش هربت؟!،،ناصروعادل دخلو ركض للبيت..
ناصر:وين سالي؟؟
أم ناصر:فوق بغرفتها ولا تظن اني بسمح لحد يخذها>>>(بعد ايش ياأم ناصر؟؟)،،ناصر ماهتم لكلمها وطلع فوق ركض..
عادل:يمه سالي هربت..
أم ناصر:وش قاعد تقول وش هربت،،سالي فوق بغرفتها!!
سامي:أناشفتها يوم طلعت ومعها شنطتها واركبت فاللموزين كان ينتضرها برا..
أم ناصر بصدمه:مستحيــل كيف..؟!هذي أكيد استخفت وين بتروح؟؟
================================================== ====
فارس:هلا عمري..هلا حياتي..هلا عيوني..
الطرف الثاني بحياء:يوه فروسي بس عاد استحي..
فارس:امووووت انا بلي يستحون،،برو حبيبتي وش سويتي بموضوعنا..
:على حطت يدك ماصار أي شي،،باانتظار حضرتك تشرف ارض الوطن..
فارس:وهذاأناشرفت وحاضر لكم باي وقت..
:حبيبي مو قايلي وش عندك مع هالبنت؟!
فارس بخشونه:يالله عاد هذي امورخاصه ماحب اتكلم فيها..
بزعل:طيب على راحتك انا سويت اللي علي تامر بشي ثاني؟.
فارس بملل:يالله عاد لاتسوين لي فيها حساسه واي كلمه تزعلك،،ماقلتي لي وش اخبار شلتك ماسمعنا عنهم من زمان!!
================================================== ====
رمى ناصر اللي كان واقف باول السلم جوال سالي،،اللي بدوره تزحلق لآخر اصاله..
ناصر:هربت صدق وجولها تاركته وقطعت آخر امل عندنا انا نلقاها،،وهج جتها حاله هستريه تبكي وتصرخ وهي تدور على نفسهاماتحس باللي حوللها:كذاب..كذاب كلكم كذااااااااااااابين سااالي ماهربت..ساااااااااااااااااااالي وينك حرااااااااااام عليكم رجعوهاااااااااااا وين وديتوهاااااااااسااااااااااااااااااالي..اهي اهي اهي..وينك سااااااااااالي،،أم ناصر ماتحملت الموقف وجلست تبكي،،جُنىماكانت معهم فالبديه،،بس يوم سمعت الضجه والأزعاج جااات،،وماحتاجت وقت كثير عشان تفهم اللي قاعد يصير،،بكل بساطه (سـالـي هـربـت)آمر متوقعته من زمان بس ليش تأخرت كل هالوقت عشان تنفذه،،ماتوقعت وهج تنهار لهدرجه بس الظاهر هذي اول ضحايا تصرف سالي الاناني..
جُنى وهي تمسك وهج اللي كانت تدور على نفسها وتصرخ بهاستريه تبغى سالي:وهج بس اهدي اللي قاعده تسوينه ماراح يرجعها،،بعدين هي هربت ماماتت..
وخرت وهج عنهايدين جُنى اللي ماسكتها،،وراحت تطلع السلم وهي تسحب رجلها سحب
،،وصوت شهقاتها يقطع القلب..
================================================== ====
في المجلس سعود مو قادر يرفع عيونه بياسر اللي سوته أخته شي يسود الوجه،،هربت حناوين عايشين افضحتهم لازم يكتمون على الخبر ولاصدق بتصير مصيبه،،قطع عليه افكاره صوت صراخ وهج الهستري اللي كان وصل عندهم بوضوح،،ماقدر يمنع نفسه يروح داخل يشوف اللي قاعد يصير ..
وقف على الباب وشاف جُنى وهي تكلم وهج بعد ماطلعت وهج والجو صار هادي محد تكلم..
سعود:ناصر وين غرفتها..
ناصر الي جالس على السلم :ماراح تستفيد شي فتشت فيها مالقيت شيء ..
سعود: جوالها معها؟؟
اشر ناصر على جوال سالي الي كان تحت سعود..
اخذ سعود الجوال وطلع ولحقه ناصر للمجلس..
=====================================
ياسر :لازم نبلغ الشرطه..
سعود:لاااا مستحيل أنت اكيد استخفيت مستعجل علىالفضيحه..
ناصر:لازم ندورها نشوف وين راحت الشرطه ماراح تفيدنا بشي..
سعود:وين ندور حتى اماكن نتوقعها هربت لها مافيه..
ياسر: مش ممكن تروح للقصيم..
ناصر: مستحيل عمرها ماراحت للقصيم برضاها,,, وتهرب لمين هناك لسعد..!!
ياسر: يمكن راحت لأمها..
ناصر: الأحتمال هذا بعد مستحيل..
ياسر بعصبيه: طيب أنت اتصل عليهم وشوف ولاعطني الرقم انا اتصل..
ناصر:اتصل وش اقول؟! اقول لهم انها اهربت..
سعود بأعتراض:لااا كلش ولاهذا سعد لو درى انها هربت بيسبب لنا مشاكل ويمكن يسوي أي شي وماهمته الفضايح..
ناصر :أنت بس هذا الي هامك الفضايح منت خايف وش ممكن يصيرلها هذي بنت..
سعود بثقه:سالي ماينخاف عليها ماطلعت من باب البيت هذا الا وهي عارفه وين بتروح..
ياسر بسخريه : هذا الي كنت خابره عنها،، ماتخاف تكون السنين غيرتها،، ويمكن صدق عارفه وين بتروح بس وش هالمكان الي تركت بيت اهلها عشانه..
ناصر بقهر: ياسر بدون هالتلميحات الي مالها داعي شايف عليها شي قوله..
ياسر وهو يوقف: ياليته شي ياناصر اشياء مو شي واحد..طالعه سعود بتسائل بس ياسر صد عنه
سعود الي حس نفسه ضايع مهو عارف وش قاعد يصير حوله قال بألم:وش شفت على اختي؟!
ياسر للحين صاد ومارد عليه..
ناصر الي كان مقهور من ياسر ومن زمان مهو من الحين من يوم رضى يتزوج سالي غصبن عنها: محد جبرك تتزوجها أنت الي اصريت تزوجها وبطرق لي الذراع وغصب عنها وعن اهلها الي لو ماحطيتهم بالموقف ذاك ماكانو ابد رحبو بخطبتك.. واذا كنت الحين نادم الفرصه مفتوحه قدامك طلقها ومحد ابد عاتب عليك،،ولا وش رايك ياسعود؟!
سعود لاتعليق>>> مصدوم من كلام ناصر معقوله ياسر متزوج سالي غصباً عنها وداري وساكت..
ياسر: ليش متوقعني نذل لهدرجه ياولد عمي شكلك ماعرفتني زين موأنا اللي استسلم من أول عقبـه القاها بطريقي واذا كانت خالتك متوقعه أن بحركتهـا ذي بطلقها تكـون تحلـم ,,سلاااام ..وطلع..
سعود بيأس: ناصر والي يرحم والديك فهمني وش قاعد يصير بيــــن سالي وياســـر ؟!..
ناصـــر:
Stop
ناصـــر نكمـــــــل فالجــــــزاء الجـــاي ...

الفصــل الثاني


ناصــر :اوكي من حقك تعرف الطريقه اللي استخدمهااعز اصدقائك عشان يتزوج أختك ..
سعود بملل :ناصـر بليز ادخل بالموضوع ومالها داعي هالمقدمات لأنك مهما قلت ماراح تهز ثقتي بياســر ..
ناصـر :مثل ماتشوف تبي اللي صار مافيه مشكله أقولك ...
=================================
ياســر :ايه طال عمرك اسمعك ,,,زي ماقال اتصل علي أنا بعد ,,اوكي مثل ماتشوف انتظره بالمزرعه ,,اوكي اجلس لين ينتهي الشغل هناك ,,اوكي اكلمك ,,مع السلامــه ..
اول ماقفل من ابوه حاه اتصال من سعود بس مارد عليه ..!!
كان ياسر اخذ الطريق للمزرعه وأفكــاره مشوشه لدرجة أنه مو قادر يركز على طريقه ..
بتنهيدة ألم :آآآآه كل شي توقعته منك ياسالي الا الهرب تهربين مني ياسالي مردك بترجعين لي وساعتها لكل حادث حديث ..
انتبه ياسر على إن البنزين قارب يخلص ,,قف عند اول محطه قابله ,,دخل الدكان التابع للمحطــه بعد ماترك عامل المحطه يعبي سيارتــه ..أول مادخل الدكان تظهر كل شي صار هنا هذا كان اول لقاء بينه وبين سالي الذكريات انهمرت عليه مثل المطر كل شي فيها يتذكره وقاحتهـا معه طريقتهــا المايعــه فالكلام نبرتهـا الحاده اللي تشوش اللي يسمعها ,,عباتها المفتوحــه هيئتها ..وأكثرشــي أثر فيــه ضحكتهــا اللي كأنها مغصــوبـه عليهـا يحسهــا للحين ترن بأذنــه ...هز راســه بأنزعاج انتبه على المشتريا اللي جمعها وهو سرحان ..
راح يحاسب شاف نفس العامل اللي ضحك مع سالي وطنشــه وحمل معهـا اغراضهـا ,,شكــل الكــل متفق علي اليوم بيذكروني فيهــا
ياســر :خلاص مابي اتذكـــر حلي عنــي عاشقــه >>>طيب لاتزف ..
====================================
مصدومه مو قادره استوعب اللي صار ,,كيف .؟ متــى .؟ وليــه ..؟!
هربــت كل هالأسئلــه ذي براس وهـج ومولاقيـه لها اجابه ,,خساره ياسالي ليش سويتي كـذا خفتــي مستحيــل تكونين خايفــه الظـاهر أنكم مخططــه للموضوع من قبـــل
مليتي الحياه معنا بتستقلين لحالك ليــه وين عايشين حنـا روحك المتمرده بتقضي عليك ..؟؟
ليه تخليتي عني ليه ياسالي وانتي اللي تعرفين اني ماقدر اعيش من غيرك حياتي من صغري ارتبطت فيك ماعرف اتصرف لحالي دايم معتمده عليك احس بفراغ كبير بمكانك كيف بعيش من بعدك كيف ليه ماخذتيني معك مافكرتي فيني ولاأنانيتك ماسمحت لك تفكرين غير بمصلحتك ,,لميـن تركتيني بعدك للذكريات والوحده الموحشــه ...
ودخلت وهج بنوبة بكـاء جديده ...
==================================
سلطان :يعني ماراح تقولي وش فيك ؟!
ناصر :ماعندي شي اقوله لك ..
سلطان كان ماهو على بعضــه وكأنه بيقول شــي بس متــردد..
ناصـر :شكلك أنت اللي عندك شي تقــوله ..
سلطــان بارتبـاك :أنا ..ايه صح ..وضاع الكــلام منــه ..
ناصـر باستغراب :اووووه سلطان لهدرجه الموضوع اللي بتقوله خطير موقادر تقول كلمتين على بعظهم ...
سلطان بجديه :تبي الصــراحــه ودي اتكلم معك بموضوع بس حالتك ماتشجع والمكان مايساعد ..
ناصــر :بالنسبه لحالتي ماشوف فيني شي والمكان اللي اشوفه انا جالسين بمجلسكم اذا اكنت غلطان مو بالشارع ..
سلطان :موعشان جالسين بيتنا الموضوع مو راكب ..
ناصر :سلطان عندك شي بتقوله تفضل وبدون لف ودوران ..
سلطان :ناصــر انا يشرفنــي اني اناسبك واتمنى قربك ..
ناصــرتلقى طلب سلطان بالصــدمـه لأنه هوعارف وسلطان عارف كيف يتجـرأ ويطلب منــه هالطلــب صـاح أنه دايم ينصــح سلطان أنه يتزوج لان أخوانه اللي اصغــر منـه تزوجوا وهو عمــره 33 وللحيــن ماتزوج بس هذا مايعطيــه الحق بأنه يخطب أختــه ..
ناصــربلباقــه :متأكد من قراركـ ماتوقــع الموضـوع بهالسهولـه ..
سلطــان :ناصــر أنا عارف وش اللي تفكــر فيــه بس هذا ماضــي وأنا نسيته من زمان ..
ناصــر :بس أنا مانسيتــه وكونه ماضي ماينفي أنه حقيقه ...
سلطــان بعصبيــه :اذا كنت رافض قولهـا بالصــراحه وماله داعي كل هالكــلام ..
ناصــر وقف :وهذي الحقيقــه أنا رافض لأن اكبــر خواتي أصغــر منك باكثر من عشــر سنــوات وماتناسب ماضيك ...
سلطان بقهــر :نااصرررر أرجوك أنا قلت لك من البدايه اني نسيت هالماضي ومابغاك تذكرتي فيه وكونك رفضت خطبتي لأختك هذا ماراح يغير أي شي بعلاقتنا ..
ناصـر اللي رجـع يجلس :انا اسف سلطان ماقصدي اجرحك بس هذا الواقع واختي أمانه برقبتي ماراح ارميــها لواحد ماضيه اسود اخاف تعرض لتجربــه تأذيهــا ,,سلطان بالله عليك قولي كم عدد الأجنبيات اللي تزوجتهــم أيـام دشارتك ...
سلطــإن بألم :بسسسس ارجوك ياناصـر بسس,,, حتى أنت مو واثق اني تغيــرت ليه كل النــاس ضدي حتــى أبوي يعـاملنــي علــى أني الولد اللعاب اللي قيل 7سنين ,,,وانا اقضي كل وقتــي معك للحيــن تفكــر بماضــي ليه موراضين تصدقون بأني سلطــإن جديد ..
ناصــر حاس بمعاناة سلطان اللي ماضيــه يطــارده وين ماراح كان يعرفه قبل مايعتدل وينضبط وعرفــه بعــده وشاف الفرق بين الحالتين وصار اعز اصدقائه بعــد ماكان عدوه بالعمــل قليل تقبلو سلطان بعـــد ماتغيـــر والكــل قال إن تغيــره لحاجه بنفس يعقوب وخصوصاً أنــه فاحت ريحتــه قــدام رؤسئه بشغلهـــم اللي مايصلح له واحد مثــل سلطــإن
بس الواسطــه كان لها دورهــا ...حس بالشفقــه عليــه ماتصور نفسه بمثل هالموقف بس مهمـا كانت معزتــه لسلطــإن مستحيــل يضحــي بأختــه عشــانه ...
ناصــر:سلطـإن عطنــي فرصــه أفكـــر وشاور الأهـــل ..
..ناصــر كان عارف أنه ماراح يوافق بس قال كذا لانه حس أنه أهان سلطان بالطريقه الجافه اللي كلمه فيها ..
=====================================

:اتزوج ومن انشـاءالله اللي اتخــذ القرار الخطيــر هذا عنـــي ...
شيخــه :انا اللي قرررت لأني مليت منك ومن فضايحك لازم اتزوج عشان تعقل ...
نايف برود :ومن سعيدة الحظ انشاءالله ...
شيخــه :وهج بنت خالك محمدالله يرحمــه ..
نايف (اتزوج وميــن ؟!بنت خالي ..ومين وهج ..والله حاله اصلاً انا مافكرت اتزوج ولاراح افكر قبل عشر سنين ..تجي تقول تزوج لاوبعــد وهج وانا أحب جنــى ,,,آآآآآآه اقلبي ياكثر ماشتقت لهـا ..)
شيخــه يوم شافته ساكت توقعته بلع الطعم :هاه وش قلت متى نروح نخطبها لك ..؟
نايف بضحكـه :احسدك على تفاؤالك يمــه انا ماراح اتزوج لاوهج ولاغيـرها واذا فكرت تزوج باتزوج اللي بنت اللي ابيها انا مو اللي انتي تختارينها لي ..بس تصدقين اللي ماستغرب منه يمه اختيارك توقعت يوم سألتك من سعيدة الحظ بتقولين بسمه بنت خالي ابراهيم .!!
شيخه بحنق :هذا اللي ناقص بعــد ازوجك بنت فطوم ,,نسيت اللي سوته هي ولدها ولا يترك بنتي ويتزوج اللي ماتنسمــى ..
نايف :عاد تصدقيــن يمــه اول مره يعجبني ياسر ودي يكون قدوتــي صدق رجال ماحسب لحد حساب وسوى اللي براســه ...
شيخــه :خل عنك هالكلام ووهج بتأخذها رضيت والا انرضيت ...
نايف :اللي يسمعك يقول انهم بيطيرون فينــا بس يتمنوني وخصوصاً ناصــر اللي كلش مانزله من زور >>نايف يقول هالكلام من عنده عشان ياثر على أمه ...
وبعدين أنا شاك بالموضوع أحس فيه ابعاد اخرى غير اني اتزوج بنت أخوك لاتكونين حاطه عينك على ناصــر ومتأمله انه يتزوج بنتك الباقيه ..
شيخه :وليه لااا,,وعشان ناصر يفكر ياخذ أختك لازم تزوج وهج ...
نايف :سوررري يمــه أنا مو راضي عن هالاتفاقيــه ...
شيخــه بعصبيــه :بتزوجها غصباً عنــك ...
نايف :للأسف يمــه انتي ماعرفتي من تغصبين انانايف مو ابتهال ولافاتـن ..
====================================
طلع ياســر من اسطبل الخيل اللي كان يتفقده ياسـر كان طالغ بمظهــر مكركب شعره الطويل كان تاركه مفكوك وبنطلونه مقطوع من عند الركبه لأنه طاح من على ظهر شقــران كذا مره وقميصــه الأبيض تحول للون الاصفـر ...
جاه العـامل يقوله أن فيـه رجال ينتظــره عنـد الفله أول مره يشوفه ..
ياسـر فكر يغير ملابسه ويحسن من مظهره بعدين غيـر ريه لأن ذا بيأخذ منه وقت وم ماكان هالضيف يتحمل يشوفه بهالمناظر موجايه للمزرعه كيف مفكر يكون شكله ..
ياســر باستغراب : ميــن سعــود..؟
سعـود اللي كان معكي ياسر ظهره التف عشا يواجهـه بـس :هههههههههههههههههههههههههههههههههههههههههههههه يوه ياســر وش مسوي بعمــرك يالرجال ورجع يضحك ...
ياسـر بقهـر :سعـود ووبطن بــس ..
سعــود :يأخي شوف شكلك كيف كأنك طالع من كتاب تاريخ ..

ياسر يجاريه :من أي عصــر ...
سعود :وهذ يبيلها ذكاء أكيد من العصر الجاهلي ..
ياسـر غير الموضوع :كيف دليت ..؟
سعــود :افا عليك ادل وبعــدين لاتنسى أناكنا نجي هنا قبل مانسافر ,,سكت شوي وكمــل وهو يتأمل الفله :بس تغيرت كثيـر عن قبـل ...
ياســر بتنهيده :كل شي يتغير ياسعــود مافيــه شي يبقى على حاله ..
سعــود :بس أنت ماتغيرت ياياسـر صح أنا واثق انك ياســرألأولي مهما قالوافيـك ماراح يهزون صورتك بعينــي ...
ياســر :آآه ياسعــود بعــد كل اللي سمعتـه عنـي ومن ميـن من ناصـر اللي اكيـد حطـه بهاراتـه عليهــا ..
سعــود :افاااا عليك ناصـر رجال ومهما كان اللي بينكم مستحيل يزود على الحقيقه شــي ..
ياســر :ياءالله مادري وش فينـي قاعد ارمـي الحكــي بدون حساب
,,,وراح يمشــي بعيــد عن سعــود وهو يدخــن ..لحقــه سعود وقف قريب منـه :بسافــر .
ياسر التفت عليه :لااااسعـوود مو بهالوقت وهالظروف ...
سعـــود :موعشان كذا انا بسـافر ..
ياسر :كيف مافهمت عليـك ..
سعــود :بسـافر وناصــر بيقـول للكــل أن سالي سافرت معــي عشان جهازهـا ...
ياسـر بنرفزه :ولامتى انشاءالله هذا حل مؤقت ماراح يستمــر كثير ..
سعــود :الامين يحلها ربك وبعــدين سالي ماراح تظل طول عمــرها هربانه ..
ياســر :وليش لا اختك تصرفاتهـا مو طبيعيـه وينتوقع منها أي شي ,,شهـر واحد بس وان مارجعت اختط ببلـغ الشرطــه ..
سعــود بسخـريه :وتعتقد الشرطه بتفيدنـا بشـي بس حق الفضايح ...
ياسـر :ومتـى السفـر انشاءالله ..
سعــود :باقرب فرصـه انشاءالله بس قبل لاوم اروح للقصيــم عشان يدرون اني رجعت وبأخذ سالي معــي ..
ياســر :تعال بنروح للأسطبــل ..
سعــود بتريقــه :ترى صجيتنا بهالاسطبل اللي يسمعك يقول اسطبلات الخالديــه ...
=================================