سجل حضورك في بيت من الشعر

يساورني قلق يكبر بداخل رحلة الوجدان
وانا ارتب حقايب سفرتي لاعماق وجدانك
على رحلة تمنتها الأماني والأمل تحنان
وقلب رتب احلامه يبي اجواء تحنانك
ولكن الرجاخايف طموحك يقفل البيبان
وتاقف رحلة الحالم على اعتاب بيبانك
ويبدأ للألم قصة غريب يعيشها انسان
تعب يحكي احاسيسه لعل يحس انسانك
بوحي

والله مابه شي ما هابه
لا صرت في بحر حبه والمدى غبه

.

‏

الصدف أصدق مواعيد الشعور
تجمع اللحظه " لقا " و تحبهآ

تنهايد المسا قهوة تفوح بزعفران وهيل
تشق دروبها بين الضلوع العوج مقهوره
يصحيها الخلا دايم اذا خيم ظلام الليل
وهي طول النهارتبات وسط الروح مأسوره
تسامرها النجوم الي لقت في صوتهاتعليل
تحسب ان الجريح يغني الآهات وكسوره
نجوم ماغدرفيها الزمان وغرها التمثيل
ولاعانت من طعون الجفاوالصد مغدوره
ولاتدري عن طبوع البشر جملة ولاتفصيل
ولاعاشت احاسيس الغلاوالحب معذوره
احديسهروحيد ومامعه غير العناوالويل
وناس مع حبايبهاتعيش الليل مسروره
بوحي

.
.


‏بعض البشر لا صار كافيك شره
كنه مسـوي بـك ثمانيـن معروف !

لاتشوف الجو من حجرة مكانك
اشرف المرقاب وتشوف المكان
زاوية ماتشكف الأمن وأمانك
ناظر بكل الزوايا للأمان
بوحي

ترقّ روحي لا تبسمّتي وشفتك هانية
أحيان معْ بسمتك ماتدرين ؟؟ يمكنّي بكيت

سعيد بن مانع

التفت وما لقيت الا انا
في متاهات الخطاوي والدروب
مابه الا ليل يتبع هالعنا
والقمرلونه بهالليله شحوب
وينه الي يشعل الرفقة سنا
خطوته صارت مع الطرقة تذوب


بوحي

‏أهرب من العتمة أبي ألمح النور
والنور يلبس من ظلامي ثيابه..
-
ٓسراب في عيني، وفي عين مكسور
غصنٍ على رجوى تمرّه سحابة
-
أبني على ضحكة تجي غافلة سور
أخاف لا تلمس حدود الكئابة.
-
شعور.. لو قلته بقى ثقله شْعور
ما بيّن بـ صوتي و لا بالكتابة.

قصة دموع الغيم احلى حكاية
تنزل على خد الثرى وتحكيها
تروي على نبت الربيع الرواية
الين عطشان الزهر يرتويها
وتسولف بعشق الفياض البداية
لاصار براق الحيا يبتديها
يازينها لاصار فصل النهاية
باطيب عطور ورودها منتهيها
بوحي