غراميات مجنونه :: قصه عن البويات :: سعوديه .. جريئه .. واقعيه ومميزه

الفصل الرابع عشر

‰ண‰₪™Җ في عيونه حلمي .. حبي .. ضعفي .. كبريائي Җ™₪‰ண‰

تــوهــا راجعه للبيت وبراسهـا ميه فـكـره وفـكره .. المواجهه اللي صارت بينها وبين جـنا قوتهاا اكثر وخلتها تفكر شلون تقهر هـنا وشلون تستميل هنا لـها ..

جالسه بصـاله فيلاتـهم تفكر وتفكر حتى مافسخت عبايتــهااا قطع عليها تفكيرها صوت اختها ..(ياهووووه عبرناااا

حنان وخافت : امااني .. وشفيك خوفتيني

اماني: اللي ماخذ عقلك

حنان : هههههه خلي عنك هالسوالف .. انتي وشفيك بالبيت هالوقت مادوامتي بالكليه اليوم ؟

اماني : دوامت وخلصت بدري ورجعت الدكتور الغى المحاضره ..

حنان : واوووو وناااسه والدكتور الغى المحاضره وجيتي كان جلستي بالكليه مع ربعك

اماني: لا مالي خلق قلت ارجع بدري عشان اذاكر شوي ..

حنان: يالبى الدفره يادكتوره المستقبل

اماني: احم احم الله يسمع منك كلها كم سنه واتخرج من كليه الطب وان شاء الله مع مرتبه الامتياز

حنان: طيب يادكتوره اماني مافيه غدا ..

اماني: الا فيه كنت منتظرتك .. اقولهم يحطون لنا الغدا ؟

حنان:وبابا مارح ننتظره؟

اماني: بابا مسافر يومين عنده مؤتمر بــدبي ..

حنان: اهاا يروح ويرد بالسلامه تدرين اجل انا بروح اغير ملابسي وبنزل اتغدى معك

اماني: زين لاتتأخرين ميته من الجوع مافيني صبــر

حنان : طيب اوكيه ابدل بسرعه واجي

بـــأحــد قصــور مديــنــه الخبــر وتــحــديدا ببيت نورا (نصور) ..

نصور: ماما قلت لك لا واللي ببالك مستحيل يصير فاهمه
ام نورا: لا موبكيفك اللي ببالي بيصير وغصب عنك .. وهالكلام موكلامي كلام ابوك وغصب عنك تنفيذنه

نصور: قولي لزوجك اللي هو ابوي يستريح احسن له موانا اللي تمشون كلامكم علي فاهمين

ام نورا : بلا قله ادب ووقاحه واسلوبك السوقي هذا تتكلمين فيه مع صديقاتك المنحطات مثلك انا امك لو نسيتي

نصور: لا مانسيت بس صعبه جايه تذكريني بدورك كأم بعد 21 سنه وين كنتي قبل .. اوووه صح كنت تسافرين مابين باريس وهوليود وايطاليا وميلانو

وتوك تتذكرين انك ام وجايه تمارسين امومتك علي

ام نورا : انا الغلطانه اللي ربيك ع الصراحه وسمحت لك تتكلمين معي بهالطريقه .. لين ماصرتي تفرقين بين الصراحه والوقاحه يامستر نصور

نصور: تتطنزين علي بعد !! ع فكره انا افتخر اني مستر نصور وافتخر اني بويا لان هذي الحقيقه الوحيده بحياتي اللي ماتقدرين لا انتي ولازوجك ولاحتى اعيالك اللي كل واحد فيهم ببلد

ولاحد منكم قدر يغير نصور .. وع فكره انتي ماتعبتي نفسك ولاحتى ربيتني ماربيتني لاعلى الصراحه ولا غيرها انتي كل اهتمامك كان بأحمد ومحمد وانا محد رباني او مشكوره ماقصرتي

من اول ماانولدت والمربيات يربوني يمكن هم علموني على الصراحه اللي شايفتها وقـاحـه .. انا عارفه انك انتي وزوجك تكرهون خلفه البنات واني جيت غلط وطول عمركم تعاملون اخواني

غير عني بكل شي لكن ليش زعلانين هذا انتو جبتوا ولد ثالث جاكم نصور بس على كبر وربي نفسه بنفسه

ام نورا واثر فيها كلام بنتها لانها صادقه بكل كلمه قالتها طول عمرها نورا المنبوذه وماحد يهتم فيها الاهتمام كله بالاولاد بس حبت تكابر وماتبين لها وقررت هالمره تتفرغ لها وتربيها من جديد ولو كان

فات الاوان هي تشوف انو تربيها بعد فوات الاوان احسن من انها ماتربيها ابدا : لاتكثرين حكي واللي قلت لك عليه هو اللي رح يصير فاهمه وهذا قراري انا وابوك

نصور: انا موفاضيه لك انتي وزوجك تخططون على كيفكم ومالكم دخل بدراستي جامعتي مارح اتركها
ام نورا: لاتتركينها بس الجامعه رح تتركك لان محد رح يصبر على سوالفك وهاااه لو انفصلتي هالمره انا وابوك مارح نتوسط لك واخر همنا الجامعه

بس شيليها من راسك لانك انتي شيبتي روسنا من سوالفك .. واللي قاله ابوك هو اللي رح يصير وغصب عنك (وتطلع )

نصور وعصب وخذ باكيت دخان وجلس يدخن بكل قهر: انا اوريكم ياانا ياانتو مابقى الا انتي ياعجوز خيبر وشيبه النخره تمشون كلامكم علي بنشوف من رح تكون له الكلمه الاخيره والله

لاربيكم بدل ماتربوني ..

::
::
::
::
::

ع الغدا جالسه تاكل وسرحاااانه ع الاخر .. اختها لاحظت سرحااانها والتفت لهاا

اماني: حنون وشفيك اليوم موطبيعه ابد .. شسالفتك ؟

حنان: هاااه .. موني متى بيرجع ابوي ؟

اماني : بعد يومين اول مايخلص المؤتمر بيرجع ليش ؟

حنان: امممم .. امونه حبيبتي انتي اختي وحياتي ومثل امي .. انا اختك الصغيره ومثل بنتك صح

اماني: وش مناسبه هالكلام هذا الحين

حنان: مناسبته انو انا اختك الصغيره اليتيمه اللي مثل بنتك .. بخاطرها تطلبك طلب وماتبيك تردينها

اماني وابتسمت: قولي ياحياتي وشفيك ..

حنان: امممم ابي اسوي بارتي ببيتنا بما ان ابوي مسافر واعزم كل ربعي
اماني: بارتي بمناسبه شنو ؟

حنان: عيد ميلاد صديقتي بعد اسبوع بس مسكت معي اسويها البارتي بكره بالليل وببيتنا

اماني: اي وحده من ربعك ماشاء الله شلتكم كبيره ومااعرفهم كلهم

حنان: اهم وحده من ربعي

اماني: مين تقصدين فيهم ؟

حنان: اقصد هناء .. اللي ذيك المره جيتي للجامعه وشفتيني قاعده معها اسولف

اماني وتتذكر: كنتي قاعده مع شله .. ماركزت عدل (وبعد صمت) لحظه ليكون تقصدين ذيك المسترجله

حنان: اي هي بذاتها

اماني : خير من جدك انتي وشتبين فيها وشلون تصادقين ذيك الاشكال ؟

حنان : موني انا اختار صديقاتي بالطريقه اللي تعجبني وبعدين لاتحكمين عليها من شكلها وانتي حتى ماجلستي معها وع فكره تراها اقرب صديقه لي ..

اماني : صديقتي وصديقتي هذي لو اشوفها بالشارع اقول عنها ولد .. هي بويا و ( وبعد صمت وتفكير قالت بنبره اتهام : هذي صديقتك والا شنو ؟

حنان : اماني مااحب نبره الاتهام هذي بصوتك هي صديقتي بس اقرب وحده لي من الشله ودايما معها بس .. وبعدين انتي اللي مربيتني وتعرفيني زين معقوله تشكين فيني

ماحبيت هالتفكير منك ياموني اذا انتي تقولين كذا وش خلينا للناس

اماني وانحرجت : سوري حنونه .. بس صديقتك شكلها يخرع بالمره ولد اللهم ياكافي

حنان: موني ماارضى عليها صحيح انها بويا بس مره قلبها طيب و غير كل البويات

اماني: مين يشهد للعروس .

حنان: صدقيني لو تقعدين معها وتسولفين رح تغيرين فكرتك عنها .. المووهييم تساعديني بفكره البارتي والا لا ؟

اماني : وانا اقدر اقولك لا ؟

حنان: ياحيااااااتي يااحلا اخت بالعالم
اماني ممازحه: واووو لهدرجه هالبويا مهمه عندك ؟

حنان: موني وش قلنا وبعدين اسمها هنو مو بويا

اماني: ههههههههه امزح معك .. المهم كلميني عن ترتيباتك بهالبارتي

حنان: ابيه بارتي مفــاجىء لها .. ورح اعزم كل بنات شلتنا ماعندا كم وحده بايخه منهم ... ورح اعزم كم شله من الجامعه وصديقات الثانويه وبنات جيراننا ونبي الدي جي اللي جات

بحفله فتون بنت عمو بصراحه ذيك الدي جي مره فن واهم شي تكون الحفله صبااااحي ومارح ادوام بكره عشان ارتب للبارتي ورح اطلب البوفيه من مطعم

اماني تقاطعها: ياهووووووو .. انتي شكلك وحده مطوله وكل اللي قلتيه يبي له ترتيب سريع خلينا نخلص غدا ونرتب على راحتنا اوكيه

حنان واستانست: اوكي

ببيت جــنا كانت جالسه بــالصــاله ترتب لخطتها الشيطانيه مع روعه .. وفجـأه دخل زوجـها البيت ونادها مع الخدامـه وقامت له ورجعت لصديقتها بسرعه

روعه: وشفيك ماطولتي

جنا: ويييع على شنو ياحسره تبيني اطول .. اوووف انتي شفتي وجهه يلوع الكبد ..

روعه : ههههههههههههه ماتنلامين من بعد فيس هشوم اللي يفتح النفس تشوفين هالفيس

جنا: اي والله لاتقهريني ووجهه كله تجاعيد ويلوع الكبد

روعه وجنا: ههههههههههههههههههههههههههه

جنا: المهم ياحلوه انا مضطره اخليك الحين

روعه: وييييه من جاء هالشيبه راحت علينا وهذا وانتي لايعه كبدك من فيسه ماتقدرين تتركينه دقيقه لحاله ..

جنا: لاوالله مجبر اخاك لابطل ... هالنشبه يبي ينام عندي اليوم

روعه: يوووه وخطتنا ماكملناها


جنا: خليها بكره والا بعده ماني قادره اتنفس مدام هالشيبه هنا ولا مستانس بعد يقولولي تركت زوجتي الاولى اليوم عشانك هذا انا كافئتك وجيتك ببيوم غير يومك كل هذا لعيونك

روعه ضحكت من قلب : هههههههههههههههههههههااااااااااااااااااااااااااااا ااااااي .. عاد كافئك لازم تردين له المكافـأه

جنا: الله يلوع كبدك لو تشوفين فيسه ماتقولين هالكلام

روعه : هو فيسه بس فيسه وكل مافيه مجعد يبي له كوي هههههههههههههههااااي

بوعبدالله ويناديها : ياجناااا جنااا

روعه: يوووه الاخ ولهااان انا طالعه لايجي الحين ويطلعني بنفسه .. هاااه لاتنسين تردين المكافأه ههاااااي

جنا: ههههههه يلا مع السلامه (وتسلم عليها وتوصلها لعند الباب وتطلع )

جنا بخاطرها( اووف وش جابه ذا بعد لهـنا ... الله يعيني عليه .. اوووف اوووف ياربي الله يعينني على مقابل وجهه )

/
/
/
/

ببيت حــنان كانت جالسه بالمجلس مع اختها وبنات جيرانهم اللي من عمرهم لمى و شوق ومها ... لمى 17 سنه ومها 22 سنه وشوق 18 وكانوا يخططون للحفله ..

لمى كانت توها مسكره من الجوال : بنااات كلمت الدي جي وبالموت وافقت انها تجي ... مسويه لي فيها عندي بكره اجازه وماابي اشتغل وماادري اييييشش ..

قلت لها بنعطيك دبل وواففت بالموووت ...

حنان : تعطينها دبل على كيفك انتي .. تبين تخربين الميزانيه يالخبله .. بروحنا ع القد ..الميزانيه تعباااانه

لمى: الحين هذا جزاتي جبت لك موعد معها وقعدت اترجاها ساعه عشان تجي وبالاخير تغلطيني ..

حنان: لاياعمري ماغلطتك ومشكوره بس الميزانيه

لمى: لاتخافين ماقلت كذا الا وانا عامله حسااابي .. اصلا انا وخواتي بنقط معاكم بالبارتي وبنعزم ربعنا بعد

حنان وتضم لمى : يالبااااااااااااااااااااااااهم انتي .. فديييييييييييتتتتتك بسسسس انتي وخواااتك

لمى وتاخذ حنان على جنب : سمعي اهم شي تضبطيني مع وحده بويا من ربعك هااه

حنان : ههههههه يعني مو لله يالمصلحجيه !!

لمى: اقول عاد استحي على وجهك انا قاعده اخدمك اخدميني .. يعني بزنس از بزنس

حنان : ههههههههه مب صاحيه والله

مها: اقول بنات بخصوص البوفيه نطلب لكم شخص ؟

حنان: مدري انا معازيمي تقريبا 50 عزمت شلتنا بالجامعه وكم شله ثانيه ماكثرت

مها وفتحت عيونها ع الاخر : من جدك انتي 50 وماكثرتي مابقى حد ماعزمتيه

حنان: هههههه شلتنا بس عددهم 25 وماعزمت الا شلتين ثانين ..

مها : وشوق عزمت شلتها اللي مدري كم بنت ولمى نفس الشي وانا واماني للحين ماقررنا مين نعزم .. وبنات عمكم

حنان تقاطعها: لالا .. بنات عمي مارح نعزمهم ..

مها: ليــش ؟

حنان : لاننا موكلوز (قريبين ) معاهم كثير وبعدين انا بسوي بارتي مفاجأه لبويه معي بالجامعه وبنات عمي مايحبون البويات وهالسوالف ..

مها: اهاا احسن مانبي عقد نبي نفلهاا .. المهم كم شخص اقول للمطعم ع البوفيه 200 يعني

حنان: اممم لالا تدرين روحي خذي العدد من اماني مو مني واتفقوا ع الميزانيه

(وتجي شوق )

شوق : اهم شي الميزانيه مانبي نطلع بسواد الوجـه روحي لامونا توي مضبطه معها الميزانيه الجديده ..
مها: اوكيه (وتروح لها )

شوق : الزبده بنات انا مارح اعزم بنات المدرسه بعزم شله البويات اللي معي بالنادي الرياضي وش رايكم

لمى: اي اي موافقين اي شي فيه بويات موافقين عليه

شوق وتخصرت: خير انتي يالدعله .. وش عندك متحمسه .. شوفي لاتحاولين هالحفله مارح تشبكين فيها فاهمه

لمى وتحطمت: اصلا ربعك مايهمووني ولاافكر فيهم اصـلا .. وماابي اشبك منهم

شوق: ولاتحلمين بهالسوالف مافيه تشبيك لا منهم ولاغيرهم انسـى هالسوالف احسن لك

لمى بدون نفس : طيب

حنان : شوق وشفيك على لمو .. موكـأنك حاكرتها ( مقيدتها )؟

شوق : احسن توها صغيره وش لها بهالسوالف التشبيك وماادري شنو ؟

لمى: طيب وشمعنى انتي ؟

شوق : مالك دخل انا اكبر منك واعرف مصلحتك ومصلحتي وانتي من مصلحتك تبتعدين عن البوياات

لمى وموعاجبها كلام اختها الكبيره: طيب

شوق ويرن جوالها : اي هذي نصور بروح اكلمـها (وتطلع )

لمى : اوووف منها صدق ضالمه
حنان: اجل كذا مااقدر اخليك تشبكين شوق بتسوي لنا قلق

لمى: يوووه حنون انتي واعدتني بلا حركات عاد

حنان: ههههههههههه امزح معك لـ جاء بكره نقرر وماعليك من شوق انا اضبطك عندهاا

لمى: ياحياااااااتي (وتضمهااا )

وتجي شوق : حنااااانوووه

حنان: هاااه وشفيك !!

شوق: انا زعلانه منك وزعلانه بقوه بعد

حنان: خير وشفيك

شوق : مالك داعي ماتقولين لي عن نصور

حنان : نصور ؟

شوق : اي نصور البويا اللي معك بالجامعه ولا بشلتك بعد

حنان : وشتبين اقولك عنها

شوق : لمووو روحي وساعدي البنات بالصـاله

لمى وهي متنرفزه: يااخي قولي طلعي وبطلع

شوق : طيب طلعي ( وتطلع لمى وهي تتحلطم )

حنان: شواقه خفي على لمو شوي

شوق : ماعليك منها خبله .. خلينا من هالخبله الحين وقولي لي .. وش تعرفين عن نصور ..

حنان: يووه تحقيق انتي اللي من وين تعرفينه ؟

شوق : يووه حنو تجاوبيني بسؤال !!

حنان: النظره اللي اشوفها بعيونك تقولي انك مشبكه نصور صح ؟

شوق بأبتسامه : امممم موبالضبط .. شوفي بقولج كل شي من فتره شفت نصور بعرس خالي طيب وشدني ستايله حييييل كانت جايه مع بويا ثانيه بس ماطولوا سلموا على العروس وطلعوا

بس ماخليتها ورحت لها وكلمتها ورقمتها بعد

حنان بدهشه: يووووه شواقه الدلوعه المغروره اللي ماتعطي حد وجه تسوي كذا !! مااصدق

شوق : بصراحه هالنصور حدهاا فنن تجبر الواحد ينجذب لها يالبااااهاا والله .. المهم هي مشبكه حد والا ؟

حنان: امممم شوفي بقولج .. احنا شله وحده ونصور تقدرين تقولين اهم وحده بالشله بس مااقعد معها كثير نصور ياتقعد مع هشوم لحالها او معنا كلنا مالها حد معين او 24 ساعه مع بنات من برى

الشله

شوق : حنووونه وش هالكلام الشله ماالشله انا وشكوو فيهاا تمشي والا تقعد مع مين .. ابي اعرف مشبكه والا لا

حنان: مدري عنها البنات يقولون انها ماتسمتر مع حد معين كل شوي مع وحده

شوق وعصبت: أنتي متأكده ؟

حنان: هذا اللي اسمعه من البنات ماادري ..

شوق : المهم ليه ماعزمتيها ع البارتي

حنان: اتصلت فيها وجوالها مقفل ..

شوق: اكيد اتصلتي ع رقم الجامعه .. كان خذتي رقمها الثاني من هشوم ؟

حنان وقالت بسرعه : يوووه ع طاري هشوم سمعي قولي لنصور مايوصل لهشوم خبر لانو البارتي سبرايز لهشوم حفله عيدميلاده ..

شوق : اهاا .. تدرين انا كلمت نصور وقال مايقدر يجي عشان اهله مدري وشفيهم لكن ان درى انها سبرايز لهشوم اكيد رح يجي بروح اكلمه مره ثانيه واقنعه عن اذنج ياحلوووه

/
/
/
/
اليـــوم التــــالـــي بــالكـــليــه ... هشــوم كان توه داخل الكليه وجاي متأخر كالعاده السـاعه 8 ونص وعلى طول راح لمكان الشـله ..

هشوم : هااااي كيوووتاااتي

البنات: هاااي

هشوم: بناات وين حنون ليكون راحت للمحاضره

وحده من الشله : لامادوامت اليوم ومااظن تدوام !!

هشوم : سلامتك وشفيها

البنت: تعبانه شوي


هشوم : اهاا عن اذنكم .. (وتروح )

بجهه جنا ..

جنا: خير ان شاء الله مو قادر يقعد اذا شينه الحلايا مادوامت

روعه: يمكن راحت تكلمها

اشواق : مويمكن الا اكيييد

زينه: شكلها حبتها

جنا: بناات وبعدين لاتقولون هالكلام قدامي .. تبون تقهروني

زينه: جنووو لاتزعلين بس كل شي واضح قدامك اصحي من هالحلم اللي معيشه نفسك فيه

جنا ماردت عليهاا ..

روعه وبهمس لجنا: اقول البنت مادوامت اليوم ليكون نفذتي خطتك بدوني !!

جنا: لالا للحين مانفذتها لاتخافين مااشك خيط بأبره الا وانتي معي

روعه : كفوا والله وان شاء الله تنجح خطتنا ونرتاح من وجهها النحـسس

جنا : ان شاء الله عن اذنك (وتقوم)

وتلفت زينه لاشواق : شواقه تتوقعين حنان تحب هشوم ؟

اشواق : وش هالسؤال السخيف .. اجل ليش سوت هالحرب هذي كلهاا مو عشان تفوز فيه بس

زينه: حنان بس معجبه ماوصلت للحب مومثل جنا جنا تحب هشوم بس حنان معجبه

اشواق : معجبه او تحبه مو مشكله بالاخير كلهم يبونه .. بس انتي شللي خلاك تستنتجين هالكلام

زينه: تصرفاتهم .. شـتـان بين تصرفات حنان وجنا .. انا ملاحظتهم حنان لمى تطالع هشوم تبتسم بس جنا وجهها كله يصير احمر من الخجل حنان لمى تقعد مع هشوم

تقوله كل اللي بخاطرها وتطالع بعيونه بسعاده وطول الوقت مبتمسه لكن جنا تكون محضره كلام كثير ولمى تشوف عيونه تنسى كل شي وماتقدر تطالع بعيونه بطريقه مباشره ..

حنان لمى يبكي هشوم تحزن عشانه لكن جنا لمى يبكي هشوم تبكي معه وشوفي جنا لمى تركها هشوم ماتقدر تفكر بأي شي غيره ولا حتى تقدر تعيش بدونه وبتسوي المستحيل

عشان يرجع لها لكن حنان وانا متأكده لو هشوم بيتركها رح تتمنى له السعاده وبتذكره بالخير

اشواق : استنتاجك مره حلو .. وبخاصه اللي قلتيه عن جنا اما حـنان مااقدر افيدك شي بخصوصها احسها غامضه هالبنت وماادري شنو تبي

زينه: هشوم لو يفكر مثل ماانا افكر مايترك جنا ثواني لحالها ..

(( نــرجع لجنا اللي بالساحه الخارجيه تراقب هنا وهي تكلم ))

هنا وكانت تتصل على حنان وماترد عليها .. وخافت عليها اكثر فـجـأأه ردت عليها بس موصوت حنان

هنا: الو هلا وين حنـان ..

البنت: هلا اكيد انتي هنا .. انا لمى صديقتها ...حنان تعبانه شوي وبالمستشـفى

هنا بخوف: اي مستـشفى انا الحين بجيهاا

لمى وهي جالسه مع حنان بغرفتها وحاطين سبيكر (مكبر صوت ) : لالا ماله داعي تتعبين نفسك هي مع اهلها الحين ورح تطلع شوي وتروح للبيت

هنا: طيب انا بمرها البيت تقدرين تقولين لي وين بيتها ؟

لمى : اوكيه بقولك بس لاتمرينها البيت الا بالليل لانها رح ترجع مع اهلها لكن بالليل رح يروحون

هنا: مومشكله بس لمى لو سمحتي لاتقولين لها عن جيتي ولا اتصالي ابي افاجـئهاا

لمى: ان شاء الله اوكيه بااااي (وتسكر )

لمى وحنان: ههههههههههههههههههههههااااي

لمى: والله احنا اللي رح نفاجـئها بالبارتي

حنان: يالبيييييه ياحياااااتي ماقدرت تصبر عني تبي تجيني الحين يالبااهاااا بس

لمى: ويييييه شكلك رحتي ملح

حنان: ملح وسكر وفلفل اسود وكل شيييي

لمى : ياهووووو اصحي شوي ورانا ترتيبات لين راسنا مابقى شي ع البارتي والكوافيره شوي وتجي يلا قومي نتجهز

حنان: يلااا ( ويقومووووون )

وبــالكــليـــــة ... انتــظرتــهاا لين خلصت مكالمتها وراحت لعندهااا

جنا : صباح الخير

هنا بلا اهتمام : هلا (وتجي تروح )

جنا وتوقف بوجهها : لحظه لحظه ليه تتجاهليني

هنا وقافله وياها : جنووون مو فاضيه والله اخلاقي تجاريه

جنا : عشانها غايبه يعني !!

هنا: زين انك دريتي من نفسك ( وتروح وتخليهاا )

جنا وعصبت : اووووف وشفيهاا علي حتى ما تتحمل مني كلمـه .. ماكاني بيوم كنت حبيبتها لين متى ياهنا رح تتجاهليني لين متى !!

×× اصعب .. احساس .. ××

× ان تضحي من اجل حبيب اخلاصا لحبكما فلا يٌقدر
تضحيتك من اجله ... ×
×× اصعب .. احساس .. ×××

ان تكون فخور بانسان ما وتراه شمعه في حياتك وفجأه وبدون
مقدمات تهب ريح عاصفه فتطفئ الشمعه وتذهب بضوئها بلا رجووع .. ×

×× اصعب .. احساس .. ××

× ان تحب من اعماق × قلبك × والى درجة الجنون فلا تجد سٍوى التجاهل
و اللامبالاة ... ×

/
/
/
/
/

فكرت بحـالتها وباللي وصلت له مع هـنا ماكانت ابدا تتوقع انه يجي يوم وتعاملها بهالشكل الفضيييع .. ماتوقعت ان قلبها يسكنه غيرها معقوله تكون حبتها ..

تمنت ان كل اللي تفكر فيه يكون وهم ومايتحقق بس لمى تذكرت حاله هنا الهستيريه لمى عرفت عن غياب حنان تضايقت .. حاولت تمسك اعصابها ع قد ماتقدر

ودخلت لداخل الجامعه وراحت لمكان الشله .. وماشافتها وبــأألاحـرى ماشافت اغراضـها .. سأألت عنها صديقاتها وقالوا لها انها طلعت من دقيقه بـسس ..

حسست بــالتعب والضيق وقامت بعدت عن صديقاتها شوي وجلست بزوايه لحـالها وبدون شعور نزلت دمعه ع خدهـا ومسـحتها بـسس شافتها صديقتها وقالت لها

روعه : جنوون وشفيك ليه تبكين ؟

جنا : ......

روعه : عشان هشوم طلع يعني ؟

جنا: ....

روعه : ليكون هشوم هاوشك لمى طلعتي وراه وهو يكلم ليكون قالك شي ؟

جنا بأأنكسـار : ماقالي شي روعه .. بس زعلت لانه طلع وماقعدت معه .. ( وماقدرت تكمل وشهقت بالبكاء وضمتها روعه
روعه: ياروحي ياجنوو .. ولاتزعلين نفسك هشوم يحبك وكلنا نعرف هالشي وصدقيني رح يجي من نفسه لك ويرجع لك .. جنو انا حاسه ان

هشوم مايبي يجلس معك مثل الاول عشان مايضعف ويرجع لك لكن صدقيني لو تطالعين بعيونه مارح تشوفين الا كل حب وشوق ولهفه لك

جنا بخاطرها : في عيونه حلمي ,, حبي ,, ضعفي ,, كبريائي


/
/
/
/
/

بالليــل ... ببيت حــنااان .. من الساعه 7 والكل بدء يجي والبيت امتلى تقريباا والكل كان ع اخر كشخه والدي جي شغاااال ورقص ووناااسه واخر انوواع الفله .. والبنات كاشخين اخر

كشخه وكل شله نصور وهشوم ومدعوووين ماعدا الرباعي المرح مثل ماتحب تسميهم حنان اللي هم _ جنا , روعه , اشواق , زينه _ وكانوا جالسين ينتظرون جيه هشوم ..

:
:
:
قامت من نومها بتثاقل هاليومين صايره تنام كثير .. وعلى قد ماتنام ماتشبع نوم .. قامت وغسلت وجهها وصححت وراحت للدولاب وطلعت لها بنطلون حينز طيحني وبلوزه بيضا عليها جمجمه

سودا وكتابات بالاسود وجاكيت اسود رسمي معطيها هيبه ورزه .. وسوت شعرها سبايكي بالجل .. وطالعت نفسها بالمرايا بأعجاب ورشت من عطرها غوتشي الرجالي .. ولبست عبايتها

السودا الواسعه اللي مثل ثوب الاولاد وحطت شيلتها ع راسها وغطت وجهها واول ماركبت السياره رمت الشيله ع كتفها .. واتصلت بـلمى ..وقالت بصوتها الخشن نوعا ماا

هنا: الو هلا لمو .. شلونك .. يالغاليه بعطيك السواق توصفين له البيت .. اوكيه

:
:
:
:

بــالحفــله .. راحت لمى لحـنان تكلمـها وتقولها ع اتصال هـنا ..

حنان: توها مكلمتك .. يعني كم يبلها على ماتوصل

لمى: تقريبا عشر دقايق بالكثير قولي للدي جي تطفي الدي جي لاتفضحنا عن هشوم

حنان: خلاص صار وبقولهم يطفون الانوار بعد
(( بــعــد مــرور ربــع ســاعه ... ))

وقفت عند باب فيلاتهم وطالعتها بأستغراب ماهي بقصر مثل نصور ولافيلا فخمه مثل جنا لكنها فيلا متوسطه ماهي بصغيره ولاقديمه حجمها متوسط وشكلهم مرتااااحين مواغنياء بس مرتاحين ..

نزلت وهي ماسكه بيدها بوكيه ورد جوري .. قعدت تطالع بالفيلا استغربت انو الانوار مطفيه شكت ان هذا هو العنوان ترددت بس بالاخير كلمها البواب وفتح لها الباب ودخلت.. ارتاااحت شوي

وفتحت باب الفيلا الداخلي واستغربت انه مفتوح .. واول مادخلت تفأجاأأت بالانوار المطفيه لكن سرعااااان ماسمعت الازعااااج والكل قال بصوت واحد سبرايزززززززززززززززززز

هشوم وهو متــفــاحئ : .......

حنان وتجي : هااااي (( وتسلم عليهااا .. كل عام وانتي بخير ..

هنا وهي موفاهمه شي : ...... انتي بخير

حنان: هههههههه ياحياااااتي كل هذا ماخذ همي حبيبي انا عامله هالبارتي مفاجئ لك لعيد ميلادك

هنا بنفس الاستغراب: يعني انتي موتعبانه .. بس اليوم موعيدميلادي !!

حنان: ههههههه التعب هذي حيله عشان اعمل لك السبرايزز وادري ان عيدميلادك بعد اسبوع بس حبيت احتفل فيه اليوم

هنا وتوها تستوعب الموضوع وابتسمت وطالعت بحناااان من فوق لتحت شكلها مراا متغير .. كانت لابسه فستان احمر ضييييق ع جسمـها لين نص ركبتها وفتحه صغيره عند الصدر ع شكل 7

والظهر كله عرياااااان وشعرها مسويته كيرلي مع باف وحاطته على كتفها الايمن مع مكياجها اللبناني الناعم وخلت هنا تطالعها بأأعـجااااب ..

حنان : واوووو ميغسسي ع هالبوكيه الحلوو

هنا : العفو ( وتعطيها الورد ..

حنان: تعالي معي لداخل اعرفك ع البنات ..

هنا: طيب دقيقه افسخ عبايتي ( وتفسخ عبايتها وتروح معها لعند البنات وحنان كانت مبسوطه فيهاا وتعرفها على البنات وحده وحده ومابقى حد ماعرفتها عليهاا .. كأنها طفله وفرحانه بعروستها

الجديده وتوريها الناس كلهاا وهنا كانت مجاريتها وفرحااانه معها .. وبعد ماتعبوا من السلام والكلام جلسووا بأحد الزوايا يسولفون

هنا: حنون ابي اطلبك طلب

حنان: انت تامر موبس تطلب

هنا: ابي اروح معك لغرفتك

حنان وخافت: هاااه غرفتي ليش يعني فيه شي تبي تقوله وما ماتقدر تقوله هنا

هنا: شدعوى حنان موواثقه فيني ؟؟

حنان وتطالع بأختها اماني اللي موعاجبها شكل هنا وتقزز فيهم (تطالعهم): لا بس .. اممم تدرين انتي روحي الغرفه وانا بلحقك

هنا: وليش هذا كله ليش مانطلع سوى .. وبعدين انا ماادل غرفتك وين ..
حنان: اممم بقولك وين وانت اسمع كلامي ورح اقولك بعدين ليه ماطلعنا سوى .. سويي اللي اقولج عليه وبعدين افسر

هنا مع انه موعاجبها كلام حنان ولاتحب اسلوب اللف والدوران بس مشتها وقالت : طيب (( وفعلا طلعت هنا لفوق اول وبعدين لحقتها حنان بعد ماقالت لـ لمى تلهى اختها اماني شوي ))

بــغــرفـــة حــنـــااان .. دخلت هـنا وجلست تنتظر حنان اللي جات لعندها بعد 4 دقايق بالضبـط ..

حنان: هاااي .. عسى ماتأخرت بس

هنا : لاعادي .. بس بسألك ليه ماطلعتي معي مره وحده ليه كل هاللف والدوران

حنان وانحرجت: اممم سوري بس اختي اماني مدري شفيها مستقعده لي ع الوحده

هنا وتنهدت: ليه موعاجبها شكلي !!

حنان: مدري عنها

هنا ( جنا امها استقعدت لي وحنان مع ان امها متوفيه بس اختها مدري من وين طلعت لي !! )

هنا : الظاهر هذي اخر مره ادخل فيها بيتكم

حنان: لاوشدعوى من قال هالكلام

هنا: اختـك ماقالت بس رح تقول

حنان: اختي ماقالت ولارح تقول .. اختي صحيح ملقوفه حبيتين لكن ماتتدخل بهالمواضيع واي شي انا احبه هي تحبه

هنا: انا ماابي اسبب لك مشاكل مع اهلي

حنان : لاياحيااااتي اصلا انتي مايجي منك الا كل خير

هنا: عموما خلينا من هالموضوع وبقولك انا ليش جبتك لهنا

حنان بعفويه : ليش ؟

هنا: لبسك

حنان وتدور حول محورها: وشفيها حلو صح ؟

هنا: حنان ياعمري لبسك حلو وانتي محليته اكثر بس انا مااسمح لاي حد يشوفك بهالشكل ... ببساطه اغار عليك .. لبسك مره عريااان ومااحب حد يشوفك فيه .. عشان كذا

افتحي الدولاب وبدون اي نقاش وغيريه

حنان وانحرجت: بس حياتوو مايصير كذا اغيره .. انا ماخذه هالفستان مخصوص لهاليوم

هنا: حنونتي انا كلمتي وحده ومااثنيها طلعي لك شي ثاني من الدولاب ولبسه وانا بعطيك عشر دقايق عشان تغيرين ورح انتظرك هنا وقبل ماتطلعين اي شي عشان تلبسينه لازم توريني اياه

عشان اوافق عليه بالاول ..

حنان وزعلت من كلامها بس فرحت انها تغار عليها وقالت: طيب طيب (( وجلست عشر دقايق توري هنا فستاينها وهي موعاجبها شي وكل واحد تطلع فيه عذر يااما قصير او صدره طالع او ظهره

عريااان وحنان ملت من كثر ماطلعت فساتين

حنان: هشووووم شسوي يعني كل فساتيني كذا ..

هشوم : طيب والدولاب الثاني للحين مافتحتيه

حنان: الفساتين اللي بالدولاب الثاني اللي تحت شافوني فيه موحلوه البس شي مكرر انت ماترضاها لي

هشوم: انا ماارضى انو جسمك يطلع وغيري يشوف حلالي

حنان واستغربت الكلمه وحست بشعور مقرف وماحبت الكلمه: حلالك وش قصدك ؟

هشوم : قصدي كلمي ودوري فستان غير اللي ورتيني اياهم

حنان: انا تعبت من كثر مادورت وشرايك تقوم وتختار لي انت احسسن

هشوم: طيب __ وقامت واختارت لها فستان قصير تحت الركبه ونص كم وضيق ع الجسم ولونه فوووشي ومره نااعم

هشوم: هذا مره حلو
حنان: بس هذا مايصلح لبارتي

هشوم: بس انا اشوفه حلو .. وبعدين انتي يهمك راي الناس والا رايي

حنان: اكيييد انت وانا وشللي بالناس !!

هشوم: اجل البسيه .. ادخلي التواليت وغيري انتظرك

حنان ماكان عاجبها الفستان صحبح انه حلو بس هادئ وبسيط بس ماحبت تعاند وخصوصا انها طولت بالجلسه فوق واكيييد اماني الحين انتبهت لغيابها دخلت بسرعه وغيرت ولمى شافت

شكلها بالفستااان انبهرت طلعت احلا مما تتوقع .. وطالعت نفسها بأاأأعجاااب وطلعت

هشوم : وربي انك خقق

حنان: اهم شي اعجبببك

هشوم: موعاجبتني الا ميت عليك بعد

حنان: طيب يلا نرجع للبارتي ((وينزلون))

(( بالـبــارتي ))

كان نصور توه يدخل وستايله طالع كالعاده فنن .. لابس بدله رسميه بدون كرافته وشعره سبايكي صايره كانها ولد صحيح ستايلها دايم بويا بس يضل فيها لمسه انوثه يعني يبين انها بنت اول مادخلت

البارتي حسبوها ولد شكلها متغير بالمرااا .. طبعا نورا غيرت ستايلها عشان تعاند اهلها وطلعت للبارتي غصب عنهم .. هشوم كانت جالس يرقص مع حنان واول ماخلصوا من الرقص شافت

نصور وتعرفت عليها بصعوبه وراحت لها وسلمت عليهااا ..

هشوم: وحشتنيييي يادوووب .. وراه ماتدوام

نصور: والله ظروف هاليومين فتره وتعدى

هشوم: مكانك خالي الكليه بدونك فاضيييييييه ..

نصور: يالبااا هشوومي والله كل عام وانت بخير ..( وتعطيها هديتها )

هشوم: وانت بخير ياقلبي (وتسلم على خشمهاا )

هشوم ويسحب نصور لجهه بعيده عن الازعاج: نصور فيك شي

نصور: لامين يقوله؟

هشوم: انا اقول .. شصاير لك شكلك متغير بالمراا

نصور: لاتخاف موصاير لي بس ستايلي متغيرشوي

هشوم: مشكلتك ماتقدر تخبي علي والله كاشفتك بس شوف يانصور اذا فيك اي شي علمني لاتشيلها بقلبك انت اخوي اللي ماجابته امي (( مصدقين نفسهم رجال ))
نصور وارتاح من كلام هشوم: مافيه شي ولاتخاف لو فيه شي بقولك واقول قدامي خلينا نروح للحفله ونولعهااا راب انا اليوم متحديك ..

هشوم/ يلا قدام _ وراحت وضلت طول الوقت راب وضحك ورقص مع نصور وهي عارفه انو نصور مارح يقولها شي لان من طبعه كتووم بالمرا ومحد يقدر ياخذ منه لاحق ولاباطل _

:
:
:
:
:
:
" شتقولين انتي متأكـده من هالكلام ياروعه " قالتها لصديقتها وهي تكلمها بالجوال ومعصبه ع الاخررر

روعه : والله العظيم توها مرام متصله فيني من البارتي وقايله لي هالشي

جنا: ومين مرام هذي بعد ؟؟

روعه : مرام هذي وحده بشلتنا ذيك السمرا اللي شعرها بني فاتح اللي بسنه رابعه

جنا وتذكرتها : اي اي عرفتها هذي من ربع حنان اللي بالشله اااااخ يالقهر اجل حنان هالدعله مسويه بااارتي مفــاجئ لهشوم وكل الشله مدعوه فيه واهم شخصيات الجامعه الا احنا الاربعه ..

مستقصدتنا الحقيره

روعه : اي والله مستقصدتنا .. الحيوانه ربحت بهالجوله .. قهرتني ياشيخ ماقدرت اناااام ولامرام مسويه داقه تقهرني مالت عليها هي وحنان حقتها
جنا: الحقيره الحيوانه .. لكن وين بتروح مني انا لها ان ماضحكت عليها بنات الجامعه وقلعتها من طريقي قلعه نهائيه مااكون جنون

روعه : اي والله ياجنا تستاهل كل اللي بنسويه فيها انا لاخر لحظه كنت اشفق عليها لكنها طلعت حيوانه وحيه من تحت تبن تلعب لعبه قذره مثل وجهها القذر

جنا: روعه ياعمري .. ولاتنقهرين ولاشي لاتخافين خلاص هالحيوانه صلاحيتها انتهت وكلها كم يوم وينتهي دورها بحياه هشوم وهي قهرتنا يوم لكن احنا رح نقهرها طول العمر

روعه : اتمنننننننىىى يوم المنى اللي اشوفها فيه مذلوله ..

جنا : قرب هاليوم لاتحاتين ياعمري .. قرب يومهاا ..

/
/
/
/
بــالبــارتي .. كانت شوق جالسه مع نصور لحالهم وبعدين عن البنات شوي

شوق: يوووه نصور وشفيك تحن قلت لك مااقدر ..

نصور: ياسلام وانا اللي جاي عشانك وانتي واعدتني بالتلفون بالاخير تسوين حركات المبزره ذي والا بالتلفون غير وهنا غير !!

شوق : وبعدين يعني ماعندنا الا هالسالفه التافهه

نصور: تافهه بعد .. بسلامتك (وتروح وتخليهاا )

شوق : يوووه وقتها ذي بعد تزعل ( وتروح وراها وتشوفها جالسه مع بنت ثانيه والبنت مررا خاقه على نصور وتجيها حنان

حنان: يووه الظاهر عصفورك رح يطير من يدك

شوق: وش قصدك

حنان: مدري شوفي البنت اللي معه وشسالفتها شكلها تتلصق

شوق : خلك من عصفوري وداري عصفورك انتي نجم البارتي الحين تشوفين كل الكيوتات حوله ..
حنان: فديييييته شوفيه جالس هناك مع البويات يسولفون وانا بروح له الحين اغار عليه حتى من نسمه الهوا وهذا وهو عينه موطويله مثل غيره (وتروح )

شوق عصبت من حركه نصور حست انها مالها داعي وبنفس الوقت استفزتها البنت اللي جالسه معه كانت تبي تروح له بس عزه نفسها وغرورها ماسمحوا لها ناظرتهم بنص عين ومشت

وخلتهم وهي ميييييته قهررر تبي تعرف وش عندهم مع انه باين وش عندهم مايحتاج احد يفسرها لكن نصور انقهرت من حركه شوق وقررت ماتطلع من هالبارتي الا وهي كاسره خشمها

نصور والتفت للي معها: اقول شسمك ياحلوه

البنت: انا بدور ..

نصور: اهـااا .. حلووو طيب يابدور بغيتك بخدمه

بدور: امر انا كلي لك

نصور: لبى كلك والله سمعيني زين

:
:
:
الســاعـــه الواحــده بعد منتصف الليل .. والحفله لســى بأأولــهااا .. ناويــنها صبــااااحي .. طبعا بعد العشـا اللي قدر يجلس جلس والاغلب راااح .. لكن

الحفله مازالت مستمره وبأأووج عــزززهـــااا .. وخاصه بقيه المدعوين اللي ناوينها صـباحي بعد العشــا زاد حماسهم ونشاااطــهـم .. وخاااصه بالرقص .. الحفله كانت هادئه نسبيا بغض

النظر عن الاغاني والازعاااجات كانت حفله نظيفه مو مثل بارتيات نصور الخرباااانه .. الحفله كانت مــجرد حفله وبــسسس ..

كانت جالسه تسولف مع احد المدعوات وتضحك معها بس من داخلها ميته من نصور وتحاول تتجاهلها بأقصى الطرق بس اللي معور قلبهااا انو كل البنات يحاولون يبرزون نفسهم عند نصور

ولو راحت هي فيه غيرهاا مليوون

البنت: طيب انتي من وين تعرفين نصور؟

شوق : وليش هالسؤال ؟

البنت: اممم بصراحه ابيك تعرفيني على نصور

شوق: يووه وتبيني اشتغل واسطه بينكم تقدرين تروحين لها وتتعرفين عليها بنفسك انا مااحب اسلوب اللف والدوران

البنت: شدعوى شواقه طلبتك

شوق: سوري مااقدر اعطيك (وتروح عنها وهي ميييته قهر قاعده ساعه تسولف معها عشان تعرفها ع نصور حست نفسها غبيه لو تضيع نصور اللي الكل يبي يتعرف عليه وفجأأأه جات نصور بوجهها

نصور: شوق ممكن شوي

شوق ومسويه ثقل وهي من داخل مييييته من الفرحه لانها جات وكلمتها قالت بدون نفس وبغرورها المعتاد: خير !!

نصور: انا بطلع شوي وابيك بسالفه

شوق: قلت لك مارح اعطيك اللي تبيه

نصور: انا ابيك انتي ماابي اي شي ثاني

شوق بسخريه / واضح .. انا موفاضيه لك

نصور وزاد قهر بس هالشي خلاه يتمسك فيها اكثر عشان يكسر خشمها : طيب دقيقه بس سمعيني اذا ماعجبك تقدرين تروحين وتخليني

شوق : اوكيه دقيقه لااقل ولااكثر

طالعتهم من بــعيـــد بتمعن .. وراحت وجلست بزوايــا من الزوايا تطالع جوالها بتمعن وتنتظر وفجـأأه فتحت جوالها ع مسسسسج ( ok )

ابتسمت بخبث وراحت لجـهه لمــى .. وجلست تسولف معها وكـأأنها تعرفها من زماااان ..

:
:
:
:
:
مصــدومــه وموقادره تصدق اللي تشوفه عيــونها .. معقوله .. معقوله تشوف اختها الكبيره بهالشــكل .. اختها اللي تنصحها وتهاوشها لو قالت تبي تشبك مع بويا وتتنرفز عليهاا

لو شافت بويا وقالت عنها حلوه .. اختها اللي شديده عليهاا دايما تطلع بهالمستوى تمنت الارض تنشق وتبلعها ولاتشوفها بهالشـكل المقزز .. شافت اختها الكبيره ومثلها الاعلى قاعده وتبوس

بويا .. منظر اقشعر بدنها منه .. معقوله اختها تهز عرش الرحماااان .. قالت بحمق : شوووووووق

شوق وخافت وبعدت عن نصور وانتبهت لاختها لمى اللي شافتها وماقدرت تقول شي وقالت بتوتر وخوف : لــ ـ ــ مـ ـ ـ ـ ى !!!

نصور بكل ثقه وهي تشوف نضره الانكسار والذل بعيون شوق موعارفه شتقول او تبرر لاختها الصغيره همست بأذنها وقالت بنبره نصر : موانتي اللي ترفضين نصور .. حليها مع اختك الحين

ياواطيه .. وع فكره تراك ماكنتي عاجبتني بالمرا كنت ابي اكسرك مثل مارفضتني .. مو كل يوم لك يامغروره .. هاليوم بالذات عليك لانك قلتي لي لا ( وتروح وتمشي بكل شموخ وعزه

وهي مبسوطه باللي سوته وماهمها مشاعر لمى تجاه اختها ولا همها الجرح الكبير اللي تسببت لها فيه واخوتها اللي تأثرت بسببها كل همها تكسر خشمها وبس وسوت اللي تبيه وحست بنشوه الانتصار)

شوق وموعارفه شتقول مااهتمت لكلام نصور كل همها نضره اختها لها وشنو رح تقولها الحين وخصوصا انها كانت شديده معها : انا انا

لمى : انتي ماتستاهلين اني اتكلم معك ( ودمعت عنيها ) انا من اليوم ورايح مارح اعتبرك اختي الكبيره ومثلي الاعلي لان وحده تهرش عرش ربها ماتشرفني اخوتها (وتروح )

نصور وطلعت من المطبخ وراحت لبدور شكرتها ووعدتها انها تقابلها مره ثانيه ولمى ملت من البارتي طلعت بعد ماحطمت شوق بس لانها رفضتها بالبداااايه ..

انتـــهـــى الــبـــــارتــــي ع ثــاني يوم الســـاعه 8 الصبــاح بعد مافطروا البنات وراحوا لبيوتهم .. وطبعا الشله الحلوه مااحد دوام مـنهــم .. ماعدا جـنا وشـلتــها .. وع اخر

الدوام كانت حنان توها داخله الكليه وكانت مواصله وجايه ببالها هدف معين وخصوصا من بعد ماتأكدت انو جنا مداومـه وراحت لـجنا على طول ..

حنان: جنا

جنا واول ماشافتها عفست وجهها : خيررر

حنان: ههههههه خساره متعبه نفسك ومدوامه اليوم وتاركه زوجك هالشايب وبالاخير هشوومي مادوام .. ياحرررام

جنا: شي مايعنيك ..

حنان: اقووول لوتقعدين ببيت زوجك وتهتمين فيه وتصيرين زوجه صالحه احسن لك .. لانك قاعده تلعبين بورق خسران يااخي حسي فهمي هشوم مايبيك اوووف ماعندك كرامه

جنا : هههههههههههه خلي عنك سوالف الكرامه وهالمواضيع .. وتراك والله كاسره خاطري ميته غيره وقهر مني وموعارفه شلون تقهريني لكن بالاخير تقهرين نفسك .. خلك

مبسوطه بهشوم هاليومين وانا رح اعطيه فرصه يتنفس شوي ويجرب شي جديد وترى كلها كم يوم ويرميك مثل

حنان تقاطعها بحمق : يرميني هههههههه .. والله هشوم مارح يرميني مثل مارماك وياليت لو تفهمين عاد .. لان كل مافهمتي هالشي اسرع كل ماصار احسن لك وع فكره

انا قررت ارميك انتي وخمتك برى قروبي قروب هشوم ومن بكره دورا لكم قروب يلمكم غيرناااا ..وخلاص ياجنا انتي انتهيتي.. يوم لك ويوم عليك والايام الجايه كلها عليك .. تشاووو ..

( وتلبس نظارتها الشمسيه وتروح ... اما جنا عصبت بداخلهااا ومااااتت قهر منها وقالت : بنشوف مين اللي الايام رح تكون عليه .. ابتسمت بخبث وطالعتها بأحتـقأأأر ومشت ..

الفــصـــل الخـــامس عشــر ..

•₪₪ نـفـس الـمـكـان اللي ذكـرني نسـاني ₪₪ •


رجـعت من الكليــه وهي مستـانسـه دخلت البيت وهي تفكر باللي صـار وانها ربحت جوله من معركتها مع جـنا وتفكر شلون تقلب كل خططها عليها وكل

همها انها تبعد جنا وصديقتها عن الشـله عشـان يفضــى لـها الجـو .. اول مادخلت لبيتـهم وفسخت عبايتها وشيلتها ماحست الا بذاك الكف اللي طيحـها من طولها

حنان وهي ع الارض طايحه ومصدومه وخايفه: بابا وشفيك ؟

ابو حنان: ولك عين تسأليني بعد ياللي ماتستحين على وجـهك

حنان من بين دموعها: بابا وشصاير ليش تكلمني كذا

ابو حنان : عطيني جوالك ياحيوانه عطيني اياه الحين

حنان بخوف : بابا انا

ابو حنان ويروح لشنـطتها وياخذ جوالها ويحطه بيجيبه وياخذ عقاله ويروح لغرفه بنته ويضربها ضرب مبرح لين تعب من كثر الضرب

ابو حنان: من اليوم ورايح مالك طلعه من هالغرفه فاهمه .. ومافيه لاجامعه ولابطيخ تجلسين بهالغرفه لين اشوف حل بهالمصيبه اللي سويتها ياحيوانه (ويسكر

باب غرفتها ويطلع )

حنان وبالكاد تقوم من اثار الضرب والدم بكل مكان من جسمها تطالع غرفتها بصعوبه وكل شي مو بمكانه ومفتشين بكل شي الملابس مبعثره ع الارض اللاب موموجود

والتلفون الخاص بغرفتها مأخود حتى جوالها الثاني موموجود بكت من القهر وهي ماتدري وش السالفه او شنو ذنبها ومعقوله ابوها الحنون اللي طول عمره يحبها ويعاملها

مثل صديقته وابوها اللي عوضها عن حنان امها الميته يسوي فيها كذا .. ليه وش سوت وشنو ذنبها .. فكرت وفكرت لين ماملت واغمى عليها من التعب ..

::
::
::
::
::


ببيت هشــوم .. من اول ماصحت من النوم وطول اليوم تتصل بحـنان وجوالها مقفل ويتصل بالثابت ومايردون اخر شي ردت

اختها وصرفته وقالت انها مسـافره وترجته انه مايتصل مره ثانيه

هشوم: شسـالفه وشفيها حنان وشصاير معها ؟ مالي الا نصور ( وتتصل فيه ويرد بعد 3 او 4 رنات

نصور: هلا هشوم

هشوم: هلا بك .. نصور مدري شسالفه اتصل بحنان ماترد واخر شي اختها قالت انها مسافره

نصور: ترجع بالسلامه

هشوم: نصور تستهبل اقولك مسافره شلون تسافر بدون ماتقول لي

نصور: هشوم عندك سالفه والا لا

هشوم: ليه موعاجبك سالفتي ؟
نصور: هشوم سلك سلك (وتسكر بوجـهها )

هشوم وعصب: سلامات وشفيها ذي انا الغلطان اللي اتصلت بهالاشـكال وحنون هذي بوريها اشوفها بالكليه واتفاهم معها على تصرفاتها حلوه ذي

بعد تسافر وتروح وتجي على كيفها وبدون ماتاخذ رايي .. (وترسل لنصور

شكرا ع الحركـه البايخه وع اخلاقك التجاريه ..

نصور فتح المسـج وشافه وقال: الحمدلله والشـكر والله فاضي .. ويرمي الجوال بعيد ويرجع يدخن ..

::
::
::
::
::

ببيت حــنان كانت اخت حنان جالسه مع ابوها

اماني: بابا الله يخليك خلينا نفتح لها الباب البنت مالها حس .. اخاف صار فيها شي

بوحنان: ان شاء الله تموت ونفتك منـها .. جابت لنا العار الله يلعنها

اماني: بابا انت من جدك وش هالحكي .. حنان هذي بنتك الصغيره اللي طول عمرك مربيها ع الصراحه والادب المفروض تسمع لها مو تحكم بسرعه

بوحنان : اماني وشفيك تبيني اصارحها بشنو بسواد الوجه اللي مسويته والا اسألها ليش جبتي لنا العار ؟

اماني وهي موعارفه شتقول : يبه انت حتى ماعطيتها مجال تتكلم او

بوحنان يقاطعها : اعطيها مجال بعد كل اللي صار بعد كل اللي شفته اكلمها بعد واسمع صوتها ياليتني متت ولاشفت اللي شفته

اماني بنبره باكيه : يبه حنان ماتسويها اكيد هذولي بنات ابليس اللي

بوحنان يقاطعها مره ثانيه بعصبيه وحمق : اماني وشفيك كل شي واضح وضوح الشمس ولو حد قايل لي ماصدقت هذا جوالي قدامك وشوفيه .. انا شفت

هالمقطع الف مره وماصدقت اللي اشوفه بنتي انا شاذه ولييييه .. شللي ناقصها عشان تسوي كذا فضحتني الله يفضحها ياليتي ماجبتها ياليتها

هي اللي ماتت بدل امها لمى ولدتها .. حسبي الله عليها

اماني: طيب بابا اللي يخليك

بوحنان: اماني قلت لك لا مارح افتح لها وياليتها تموت وارتاح منها ومن همها (ويروح )

اماني: حسبي الله على اللي كان السبب واللي ارسل المسج لابوي حسبي الله عليه ( وتمسح المسج اللي وصل لجـوالها بنفس الوقت اللي وصل لجوال ابوها و مسحته قبل

مايشوفه ابوها ويهاوشها لانها ماقالت له .. اما ابو حنان راح لمكتبه يجري اتصالته عشان يعرف مصدر الرقم للأسف طلع الرقم بدون اسم والجوال مقفل

انقهر زياده وطلع من البيت بكل قهـر )

اماني بعد ماتطمنت ان ابوها طلع من البيت راحت لغرفه اختها وتطق الباب: حناااان حناااان تسمعيني حناااان ردي علي الله يخليج ..

حنان: اماني انا بموووت انا تعباااانه ساعديني الله يخليج اماااني انا قاعده انزف دم من كل مكان بجسمي امااااني لاتخليني

اماني من بين دموعها: يابعد عمري ياحنان ابوي توه طالع الحين انا بحاول ادور نسخه من المفتاح وافتح لك الباب او بنادي احد يكسره

حنان : طيب اماني بسرعه الله اخليك انا اخاف يصير فيني شي لاتخليني يااماني

اماني: حناااان تحملي بتصل بالاسعاف الحين تحملي حنااان ( وتروح تتصل ودورت نسخه للمفتاح ومالقت او بالاحرى النسخه مع ابوها وترجع لاختها بسرعه )
اماني وتدق باب غرفه اختها: حنوووون حنااان تسمعيني

(وماتسمع رد زاد خوفها على اختها وتدق وتدق ولــكــن لاحيـاه لمـن تنــادي .. جاوا الاسعاف واضطروا يكسرون الباب بمساعده الخدم ونقولوا حنان لاقرب مستشفى

خاص .. ))
:
:
:
:
:

بـــعـــد مــرور أســبــوعين .. حــنان ماتدوام بالكـليه .. وهشوم نفسيته زفت وجـنا وصديقتها يسولفون مع هشوم ويتقربون مـنه بس هو يبي يعرف وش صاير

مع حنان ونصور اللي ماشافه ولاكلمـه من اسـبوعين .. فـجـأه رن جواله ورد : الو خير .. انت وينك يالقاطع وين طيب باي

(( وتروح للسـاحه الخارجيه وتشوفها بعبايه سوداء مثل الثوب ولابسه نظاره سوداء وشعرها قصير جداا مرجعته على ورى وصابغته اشقر كأنها ولد ووجهها الابيض صاير

اصفر وتحت عيونها هالات سودا متغيره كثيرررره واللي يشوفها مايعرفها حتى هشوم قعد يطالعها فتره لين عرفها ..

نصور ويسلم ع هشوم

هشوم : متغير ماعرفتك

نصور: يمكن عشان الصبغه .. ههههه

هشوم: نعيماا ..

نصور: الله ينعم عليك

هشوم: وينك ماتدوام ولا ترد ع جوالك ..

نصور: خلاص مارح ادوام ابد

هشوم: افاااا وراه ؟
نصور: بطلع من الجامعه

هشوم: تطلع يعني شنو ؟

نصور: يعني خلاص بسحب ملفي وماعاد رح ادوام ..

هشوم: من جدك .. شــســالفه حرام عليك مابقى شي ع اخر السنه ليش بتطلع

نصور: انت عارف اني مومال دارسه واصلا انا طلعت من الجامعه وخلاص.. انا واهلي بنسـافر برى ومارح نقعد بالسعوديه

هشوم: بتسافرون والا بتهاجرون ؟

نصور: تقدر تقول كذا .. عموما انا توني ساحب ملفى حبيت اسلم عليك ورح توحشني خشتك وماابي حد يدري بغيابي ماتدري يمكن اسجل من جديد السنه الجايه

انا مثل الطير اللي يحوم يحوم وبالاخير يرجع لعشـه .. انا احب هالجامعه واحب بناتها ومااقدر على بعدها وحافظ كل شبر فيها .. انا مثل السمكه لوطلعت من هالجامعه

بموت !! المهم هشوم انت احسن صديق عرفته بحياتي انت الوحيد اللي كنت مرايتي اللي تصحح لي اخطائي .. انت الوحيد اللي ماكنت تنافقني والوحيد اللي يقدر

يقول لنصورلا او اي .. انت الوحيد اللي افتخر بصداقته وانت اللي فعلا كنت صديقي لذاتي وبس .. اكثر شي زعلان عليه اني بفارقك وان شاء الله الايام ترجع تجمعنا

هشوم: نصور وشفيك خوفتني يعني مارح ترجع ابد؟

نصور: لا ان شاء الله بس مااقدر اتكهن بــشــي انتبه لنفســك ورح توحشني ..

هشوم: وانت اكثر

نصور(ويضم هشوم ويمسح دمعته قبل ماتطلع ويسلم عليه ويعطيه كيس : هذا تذكار بسيط مني لاتنساني هااه مع السلامـه ( ويلبس نظارته ويطلع .. )


هشوم وفتح الكيس وشاف فيه برواز كبير لصورته هو ونصور بأحد البارتيات ومصورين جنب بعض وستايلاتهم كانت بويات ع ايمو ومنزلين غره ع عيونهم وصابغيتها


بنفسجي وازرق بالصبغه المؤقته ومكتوب على الصورة friends for ever


هشوم وراودها شعور غريب وحست انها مارح تشوف نصور مره ثانيه ...

/
/
/
/
/

҉ਿ°●φ¸¸.»آخـــر صـفـــعـة حـب «.¸¸φ●°ੀ҉


بعد مرور عده أأياااام

بــالمستــشــفى .. تحسنت حاله حـنان والدكتور كتب لها ع خروج ولكـن مع العنايه الطبيه المشدده بالمنزل .. يعني تطلع ومعها ممرضه تهتم فيها ..

اماني: حنان بقولك شي بس ماابيك تعصبين

حنان: ادري الدكتور كتب لي خروج بكره الصبــح ..

اماني: انا ماكنت بقولك كذا كنت بقولك شي ثاني

حنان: واووو خبر سيئ ثاني بعد

اماني: حنان قبل مااقولك اللي كنت بقوله ابيك تسمعيني زين انتي الحين معصبه على ابوي بس لو كنتي بمكانه كنتي رح تعذرينه انا رح اسألك سؤال واحد وابيك

تجاوبيني بصراحـه .. حـنان انتي شـاذه ؟

حنان وانصدمت من سؤال اختها والافكار راحت وجات براسها وش دراها معقوله ابوها عرف باللي صـار بينها وبين هشوم بالبارتي : .....

اماني: اعتبر سكوتك فيه اجابه لسؤالي .. انا موحابه اعاتبك او حتى ازعلك مني .. بس رح اقولك اللي صار ابوي قبل اسبوع وبالتحديد بنفس اليوم اللي

صار فيه اللي صار .. وصله مسج ع جواله ووصلني بعد مسج وسائط مقطع لك انتي وبنت بويه معك بالجامعه وانا متأكده انها هشوم ابوي افتكر انكم كنتوا بالجامعه...

بس انا حاسه الا متأكده انو انتو كنتوا ببيتنا بالبارتي بس ابوي من هول الصدمه ماميز المكان بصراحه ابوي ماتوقعها منك و وصله مع هالمسج كلام كثيييير يشيب الراس

ابوي من عصبيته سوى اللي سواه ..ليش سويتي كذا احنا ماتوقعنا منك كذا ابوي مارباك على هالشي ابوي طول عمره حاول يكون لك الاب والام بنفس الوقت و

ربنانا على الصراحه وكان صديق لنا ماتوقعتك توصلين لهذا كله و

حنان بعالم ثاني من سمعت كلام اخـتــها راحت لدنيا ثانيه وتذكرت اللي صـار قبل اسبوع بالتفصيل الممل كان مع هشوم ببيتهم بحفله عيدميلاده وكانت بالصباح بتودعه لانه بيطلع

للبيت ويوم جاء بيطلع عطته هديته وتجـرأت للمره الاولى وباسته بس ماكان فيه احد معاهم مين صورهم مين .. مين له مصلحـه انه يأذي حنان ..

فكرت بجـنا بس وقتها جنا ماكانت معهم ووقتها حنان كانت متأكـده انو محد معهم بذاك المكان وكل البنات اللي بالبارتي ثقه وهي ماعزمت حد غريب كلهم اقرب المقربين لها

قاطعت كلام اختها وقالت: طيب والبويا اللي كانت معي وجهها باين

اماني: تقصدين هنو او هشوم عموما تطمني ماكان باين فيه الا انتي وهي ماشفنا الا شعرها السبايكي المقزز ماتوقعتك تتعرفين على هالاشكال وتنزلين لمستواهم ..

حنان ابوي قرر

حنان من بين دموعها قاطعتها وهي تفكر بهنو وبس ماهمها نفسها ولا اللي صار لها اهم شي هنو: اماني الله يخليك بطلب طلب ولاترديني تكفين لاترديني

اماني: اذا اقدر عليه مارح اردك ..
:
:
:
:
:

جالســـه بالجـامعه تسولف مع الشـله وجاها اتصال من رقم غريب من الملل ردت وسمعت صوت حنت لك واشتاقت له كثير : حـنان ؟ وينـك .. الحين وين

طيب طيب جايك الحين باي .. (وتقوم وتلبس عبايتها وتتصل بالسواق وتروح للمسـتشـفى فورا .. )

هناء ودخلت ومعها بوكيـه ورد وكانت لابسه عبايتها وشيلتها ع كتفها وشعرها سبايكي ولابسه نظاره شمسيه سودا

اماني واول ماشافتها تقرفت من شكـلها وطلعت برى بسرعه حتى ماردت السلام ..

هناء مااهتمت لها وكسرت خاطرها حنان وحالتها المزريه كانت تعبانه بمنعى الكلمه ..

هناء: شفيك شللي سوى فيك كذا ؟

حنان: هشوم خلك مني واسمعني زين ..
هناء: حنان انا مشتاق لك كثير وشصاير معك وشللي وصلك لهنا وكيف !!

حنان : مووقت هالكلام الحين .. هشوم الكلام اللي رح اقوله لك اكبر من كذا

هشوم : حنان خوفتيني وشفيك .. تكلمي قولي ..

حنان بعد تردد: انا .. انا رح اتزوج

هنا وانصدمت وقالت بعد صمت : حتى انتي ؟

حنان ووتصنع القوه والجرأه: لو سمحت لاتشبهني بغيري لاتشبهني بالغبيه جـنا .. اصلا انا رح اتزوج وانساك وتطلع من حيـاتي .. بصراحه انا

عمري ماحبيتك انا اكرهك اناحبيت اقهر جنا وبس وكنت ماخذتك عناد فيها و قهرتها وسويت اللي براسي وخلاص والحين بتزوج وابيك تنساني وتروح

لها او تعيش حياتك بعيد عنها مايهمني ...انا مااصلح لك واصلا ماابيك

هنا وانصدمت من كلامها اكثر واكثر: انتي شتقولين

حنان:اللي سمعته .. وياليت لو تطلع الحين

( وتتذكر كلام نصور لها لمى كانت بالكليه جالسه مع نصور وتطالع بحنان اللي جالسه مقابلتها

نصور: هشوم تحبها ؟

هشوم: امممم تقدر تقول كذا

نصور: غلطان

هشوم بأستغراب: ليه تقول هالكلام

نصور: هشوم انت توك طالع من صدمه جنا وغلط تطلع من علاقه وتدخل بعلاقه ثانيه .. هشوم انا ابيك تصير اقوى من بعد اللي صار مع جنا انا ابيك تكون مثلي

تدور مصلحتك وبس وبلا حب وبلا هم ووجع قلب .. هشوم انا ابيك تصير نسخه مني .. نسخه من نصور

هشوم: نصور مبدأك في الحب مايعجبني انا هشوم ومااحب اكون نسخه من احد ومااقدر اعيش بدون حب

نصور: للأسف عمرك مارح تتعلم .. بعالم البويات ياهشوم المطلوب مننا احنا البويات تستمع بالعلاقات ونعيش اللحظه صح مونحب .. مافيه وحده تستاهل انو نحبها

ترى كلهم خاينات كلهم مثل جنا واخس بعد ...انتبه ياهشوم انا خايف عليك لاتكرر صدمه جنا مره ثانيه

هشوم: لاتخاف عليك اخوك ذيب

نصور: اتمنى .. (( ورجعت لارض الواقع وحست ان كل كلام نصور لها صح .. قررت تصير مثل نصور وتنسـى الحب .. تعيش اللحظه صح

واحتقرت نفسها لمى عرفت ان وحده تافهه مثل حنان سوت فيها هذا كله ردت بكل تكبر وغرور تسترجع كرامتها وهي تتكلم بنفس اسلوب وطريقه نصور
وقالت بنبره غرور: لا مارح اطلع موبكيفك تنهين اللي بيننا بسرعه انا مولعبه بيدك فاهمـه .. وبعدين لاتسوين لي فيها اصلا انا اللي ماابيك ووحده مثلك ماتلزمني

انا كنت اشفق عليك انا مااحبك وكنت اسلي نفسي فيك .. جنا هي الوحيده اللي بقلبي وهي حبي الاول والاخير وع فكره ترى لاانتي ولاعشره مثلك يلعبون فيني

فاهمـه وترى انتي كنتي لعبه في يدي ... وانتهى وقتك وخلاص قضيت وقت حلو معك ونسيتك .. وهذي مكافئاه نهايه الخدمه

(ويرمي الورده بوجهها ويطلع ويشوف بوجهه اماني ويصدم فيها ويطالعها بنظره احتقار كانها تحتقر حشره قدامها وتطلع)

اماني: لاتقولين لي هذي البويا الحقيره هنو اللي كنتي تحبينها ؟

حنان من بين دموعها: .....

اماني: وش استفدتي الحين عصيتي ربك ودينك واهلك ع كلام فاضي وهذي هي تركتك وراحت حسبي الله عليهاا

حنان: انتي ماتعرفين هشوم زين انا استاهل كل اللي يصير معي

اماني: وتلومين نفسك بعد .. انتي تبين تقهريني ؟

حنان: خلاص اماني خلاص ماابي اتكلم بهالموضوع

اماني: براحتك .. ( وبعد صمت قالت \ انتي وشدراك انك رح تتزوجين ابوي قالك؟

حنان وهي متفاجئه: انا بتزوج ؟
اماني: ايه وابوي قالي اقولك ماتوقعت انه يقولك .. عموما ابوي حدد ملكتك بعد بكره على ولد عمي حسام

حنان ورجعت تبكي وانقهرت وماعاد تفرق معها لو تتزوج او لا تعتبر حياتها انتهت بعد خروج هشام منـها .. تمنت لها الخير والدليل انها ماحبت تدمر حياه هشوم وحاولت

انه يرجع لجـنا عشان يرجع مستانس مره ثانيه وعرفت انه وجودها غلط بحياته دخلت حياته بغلطه وطلعت منها بغلطه اكبـر .. بس بالاخير طلعت من حياه

هنا بتخطيط شيطاني من جنا وبشكل اجباري .. مع ان حنان حاسه ان جنا هي السبب باللي هي فيه بس تمنت الخير لهـنا مع جنا.. لان سعادتهم مع

بعض ولاخر لحظه فكرت بهنا اكثر من نفسها ..
:
:
:
:
:
:
ღღ دنيـا خذت فرحي وخذت عمري السعيد ღღ
ღღ دنيـا تـمـشـيـنـي عـلـى مـا هــي تـريـد ღღ


ღღ أسـايـرهـا...تـعـانـدني ღღ
ღღ أعـانـدهـا...و لا أقـــوى ღღ

ღღأضحكها...و انا أبكي ღღ
ღღ وهي ترسم لــي البلـوى ღღ


ღღ تبين لي الفرحه لحظه ღღ
ღღ وتعيشني العذاب سنين ღღ


ღღ واصبر قلبي المكسـور ღღ
ღღ واصبر عمري المسكين ღღ



رجعت للبيت وهي تفكر بحالتها وبحياتها شلون صارت .. نور عينها اللي اختفت فجـأه وماعادوا يتواصلون مثل الاول زين لو افتكروا بعض بالشهر مره او مرتين

بالكثير .. كل وحده فيهم لهت بحياتها .. جنا اللي وعدتها ماتتخلى عنها تركتها بلحظه ورجعت لحظه فـجـأأأه وتبي ترجع كل شي مثل الاول وهي كانت رافضه

عشان حنان .. حنان تكرههاا بالمرررا .. تسلت فيها عشان توصل لغرضها وتقهر جنا وهي بكل غبائها كانت مصدقه انها تحبها صدق ممثله بارعه معقوله نظراتها

لها وعفويتها وحبها وكل اللي كانت تسويه وهنا معها معقوله يطلع كل هذا تمثيييييل بثمييييل .. اااااه ياليتني سمعت كلام نصور .. نصور وينه الحين وشيسوي
من سافرت ماوصلها منها الا مسسج واحد ع الايميل وقالت لها فيه انها ماتقدر تراسلها مثل الاول وبتحاول تراسلها من فتره لفتره .. تمنت انها لو تقدر تقسي قلبها وتقويه

مثل نصور .. من طلعت نصور من الجامعه وحسست روحها وحيده ومع ذلك كل البنات حولها يدور رضاها ويبون لها الرضى صار الكل بالكل بالجامعه ومايخفى

عليها شي الكل حووولهاا .. بس هي حاسه انها وحيده فاقده نور ونصور وندمت انها كانت فاقده حنان .. صحيح جنا كانت حولها ومعها بس كانت تتجنبها ع قد ماتقدر

حسست روحها متضايقه حييييل ومن كثر التفكير عورها راسها وماقدرت تفكر اكثر حطت راسها ونااامت بدون ماتحسس .. ذبحها التفكير وقررت تهرب منه مؤقتا

بالنوم .. لآول مره حسست انها وحييييده ومحتاجـه حد ينصحها وتتكلم معه .. وحيــدة رغم ان الكل حولها ويبي رضاها بس اللي تبينه مو معها .. وللأسف

هي نفسها موعارفه مين تبي فكرت بأمـها بلحظه وجلسست تضحك بسخريه امها من تزوجت ابتعدت عنها وهنا ابتعدت اكثر رغم انو ماتفصلهم الا مسافااات قليله عن بعض

الا انـهم مايدورن عن اخبـار بعض ولاوحده فيهم تـدري الثانيه تفكر بأأأيــيييش .. يمكن الا اكيد لو امها جلست معها وتفرغت لها وسألتها وش فيها ولامتها ع التغير

اللي هي فيه وحاسبتها على طلعاتها وجيبتها الكثيره كان ماوصلت لهالمواصيل .. هنا وصلت لمرحله تحس ان كل اللي تسويه صح مع انها عارفه انه غلط بس تحسه

صح لان الكل يشجعها عليها ولااحد تجرأ وقال لها انه غلط .. واكثر شي زعلانه عليها مو المرحله القذره اللي هي وصلت لها للأسف هنا زعلانه على انها سلمت

قلبها ومشاعرها بيد وحده حشره بنظرها مثل حنااان ...

۞ ۩ ₪ »بــدري حبيبي .. تــوك تـذكـرت «₪ ۩ ۞


اليــــوم الــتـــالــي ... تـوها صاحيه من النوم وقامت بثاقل ماكان ودها تقوم لكن ازعجها جوالها ماهدى من كثر الاتصالات .. مدت يدها لجوالها وطفته حتى بدون

ماتشوف مين المتصل .. تثاوبت وقامت تسحب نفسها شوي شوي وراحت للتسريحه تشوف شكلها وتطالع نفسها بأأأعـجاااب .. دخلت يدها بشعرها وطالعته وقالت

" لازم اقصه مااحب هالغره على عيوني تعذبني " وتتذكر كلمات حنان لها لمى كانوا جالسين مع بعض و حنان حاطه ايدها على شعر هشوم وتقوله واوووو انا احب شعرك

وبخاصه هالغره وربي انك احلى من شـاين

هشوم : عاد انا هالغره معذبتني كل ماارفعها تنزل اكرهها مااحب اطول شعري كذا

حنان : طيب شعرك حلو من ورى قصير بس هالغره فديتهاااا

هشوم: وربي انها معذبتني بس عشانك مخليهااا اي شي يعجبك يعجبني ( احتقرت نفسها لانها تذكرتها وقالت

اكرهك يامنافقه .. لازم اشيلك من راسي وهالغره مليت منها وانتـهى دورها ( تطلع مقص من احد ادراج تسريحتها وتقص غرتها اللي كانت مغطيه نص وجهها قصتها

لين تحت عيونها بالضبط

وطالعت نفسها بأأعجاب وقالت : كذا اوكيه عشان ارجعها لورى بالجل احسسسن ... طلعت لها بيجامه شورت من الدولاب ودخلت الحمام تاخذ شور سريع ..


وتفأأجات لمى طلعت وبدلت وراحت للصاله ولقت امـها ..

هنا بتعجب : ماما !!

ام هنا: هلا ياعيون ماما
هنا( حنــونـه ): غريبه ماعندك دوام اليوم ؟

ام هنا: لا المفروض انا اللي اسأألك هالسؤال .. انتي مارح تدوامين ؟

هنا: لالا .. مالي خلق ..

ام هنا : طيب تبين نفطر مع بعض

هنا ( لااكيد اليوم فيه شي ) : اوكيه عاد انا ميته جووع

ام هنا: طيب حبيبتي بدلي عشان نطلع نفطر برى

هنا ( شسالفه امي اليوم .. بس انا بعد ابي اطلع واغير جو ) : طيب دقايق اغير والبس ملابسي واجي ..

_ راحت لغرفتها وطلعت لها بنطلون جينز طيحني وبلوزه كات واسعه مخططه ابيض واسود .. وسوت شعرها سبايكي بالجل وصار واقف كله بشكل جذاب بالنسبه لها

ولبست عبايتها الكتف اللي كأنها ثوب .. الا هي ثوب اصلا لانها مفصلتها ع نفس ستايل ثوب اخوها .. اختارتها ثوب قطري بس سودا ..وخذت البوك (المحفظه)

ورشت من عطرها الرجالي الجذاب وخذت نظارتها السودا الشمسيه ماركه شانيال وطلعت من الغرفه بس تذكرت اخيرها شيلتها (الطرحه ) رجعت

خذتها وحطتها على كتفها وطلعت من غرفتها وشافت امها تنتظرها

هنا وهي تحط البوك داخل جيب عبايتها وقالت: يلا انا جاهزه

ام هنا وهي مبهوره من شكلها قالت: بتطلعيييين بهالشكل

هنا وعفست وجهها : ليه تستحين من شكلي !!

ام هنا : لا بس

هنا: بس شنو تبين تطلعين والا لا ؟

ام هنا وماحبت تكثر كلام معها وقالت : طيب مارح تتغطين

هنا ومالها خلق امها لانها تدري انها الفتره الاخيره ماتتغطى بس تتحجب بس مشتها وقالت : لاتخـافين بتغطى واحنا طالعين من باب العماره عشان زوجك مايشوفني ..


__ ويطلعون ويروحون مع السواق وخذتها امـها لـ كافي عائلات هادئ وطلبوا لهم فطور __

( كانوا جالسين بدون مايحطون بارتشن امها كانت كاشفه اما هنا مو حاطه الشيله اصلا !! وامها معطيه الكل ظهرها بس هنا

مقابلتهم يعني امها موباينه بس هي باينه

ام هنا : يالله ياهنا من زمااان ماطلعنا الطلعه الحلوه هذي

هنا وهي تشرب الكافي هزت راسها بالايجـاب

__ ومرت وحده ملتزمه وقالت : استفغر الله العظيم ؛

هنا واستفزتها هالكلمـه : خير وشقلتي يـاا

ام هنا : هنو وبعدين
هنا : ايش وبعدين .. ماشفتيها وش تقول ( وبأعلا صوتها : لو فيك خير وطوطي هنا مره ثانيه

ام هنا : هنو ايش الاسلوب هذا من متى وانتي تتكلمين بهالطريقه .. انا ماربيتك على كذا

هنا: ماما .. من الاخر موحلوه تجين تربيني بعد 19 سنه

ام هنا وحزت بخاطرها هالكلمه وقالت: هـنو يعني انا مقصره معك .. انا

هنا وحست بالذنب وندمت انها قالت كذا لامها .. امها مهما صار تضل امها ومالهاذنب بمزاجها المتعكر : ماما .. انا اسفه بس انا شوي عصبت انتي مومقصره عادي

ام هنا : حبيبتي اذا فيه شي مضايقك مني قولي

هنا : ..................

ام هنا : طيب احنا من زمااان ماتكلمنا مع بعض بصراحـه .. احس ان فيه اشياء كثيره ودك تقولينها لي اعتريني صديقتك مو امك شللي مضايقك علميني

هنا : اشياء تافهه مااحب اشغلك فيها

ام هنا : هنا انتي بنتي الوحيده وحبيبتي وصديقتي .. واي شي يضايقك يضايقني

هنا( بدري ماما .. توك تذكرتي !! ): ماما غيري الموضوع .. خلينا فيك مو فيني

ام هنا : طيب طيب نغير الموضوع مثل ماتحبين .. اممم وشرايك بعد مانكمل فطورنا ننزل للسوق

هنا هزت راسها بالايجاب
ام هنا : طيب ماقلتي لي وش مسويه بالدراسه

هنا : ماشي حالها

ام هنا : طيب محتاجه مدرسات او فيه شي صعب عليك

هنا: لاعادي لااحتجت شي بعلمك ..

ام هنا وتطالع بشعر بنتها : يؤؤ موكأنك قصيتي غرتك

هنا : اي مااحبها .. مااحب شعري لمى يطول كذا احسن

ام هنا : طيب ليه .. طوليه مره وشوفي شلون رح يصير شكلك مره حلو

هنا : لالا مااحب الشعر الطويل انا شعري كذا عاجبني

ام هنا : الظاهر شكلك متأثره بتسريحات هشوم حتى طريقتك بالسايكي مثله

هنا / مو تؤامي اكيد رح اتأثر فيه ..

ام هنا : طيب حبيبتي وش رايك بعد السوق نروح للمشغل ونسوي لنا بودكير ومنكير وميك اب ونصور ؟

هنا بأستنكار فسخت نظارتها وقالت بتعجب: اييييش بودكير وميك اب وش هالخرابيط .. انا مااحب هالسوالف موستايلي

ام هنا واستغربت من رده فعل بنتها واستغربت اكثر من الشطب اللي بحواجبها : هنو وش هالشطب اللي بحواجبك
هنا وقالت بفخر : ماما هذا ستايل جديد وعاجبني

ام هنا : هنو مواي شي يسويه هشوم اخوك تسوينه .. مو اي يليق فيك ويصلح لك انتي بنت موولد وحتى طريقتك بالكلام هذي

ماتعجبني .. انتي هنو موهشوم

هنا (ماتدرين اني هشوم اصلا بكل مكان ) : ماما .. انا وهشوم تؤام وانا طول عمري معه احب اقلده والعب نفس العابه واشتري نفس

ملابسه وانا واخوي متفاهمين كثير .. انا مانسيت اني بنت بس بنفس الوقت انا مو المكياج والمناكير والكعب العالي اللي يبرزون انوثتي انا احب

ابرز انوثتي بالطريقه اللي تعجبني

ام هنا : تبرزيها شلون انا ماشفتك تبرزينها ابد بعمري ماشفت بغرفتك روج او حتى كحل .. اغراضك اللي تستخدمينها غير عن اغراض البنات

مو لان تؤامك هشوم تسوين مثله .. هنو تصرفاتك لازم تتغير انتي كبرتي الحين و ماعدتي مثل الاول ومايصير

تقاطعها هنو بنرفزه وحمق : ماما .. انا من وانا صغيره البس مع اخوي هشوم وانتي اللي كنتي تختارين لنا ملابس مثل بعض من ايام ابوي وهو
كان ياخذنا انا وهشوم واحنا صغار ويودينا نلعب كوره مع اعيال الحاره وكان عندنا سيكل انتي شريتيه لنا وكنتي تكافئيننا ونطلع نلعب بالحاره شوي لو

سمعنا كلامك .. انتي مابعمرك ساعدتني اغير ستايلي .. من زمااان وانا على هالحال وشفيك عصبتي وشللي تغير الحين .. انتي ولامره شريتي

لي ميك اب اوحتى حطيتي لي اياه .. كل اللي كنتي تشترينه لي لمى كنت صغيره كوره وبلاي ستيشن وسيكل ماادري شنو .. لمى رحت للاعدادي

وكبرت شوي وماصرت اروح واجي مع اخوي بالحاره كان كل اهتمامك في دراستي وشلون انجح وكذا وصحيح اني ماكنت اطلع للشارع مع اخوي وزعلت

بالبدايه مافهمتني وقلتي انتي بنت وهالشي مايصير قلتي لي خلاااص رح تلعبين مع اخوك بالبيت ورح اشتري لك مثل مااشتري له من العاب ومافيه شي بيتغير

غير طلعتك للشـارع .. ولمى تطلقتي من الوالد قلتي انه مايقدر ياخذكم مني لانكم كلكم اولاد وقلتي صحيح انك بنت لكني اعتبر ولد يعتمد عليك بكل شي

مثل اخوانك ولمى رحت للثانويه حتى بحفل تخرجي ماحطيت ميك اب مولانني مااحب لا لاني مااعرف ولامره بحياتك شريتي لي روج او حتى كحل اللي الحين

جالسه تلوميني لعدم وجودهم بتسريحتي .. ولاسألتني ليه ماتحطين ميك اب كل اللي قلتيه انك رح تحضرين الحفل وانك رح تحجزين لي بالمشغل مع نور ..

ماما انا موقاعده الومك بس انتي تستغربين تصرفاتي كلها وتقولين لي انتي موهشوم سوري ماما انا موهشوم صح بس انا ولد يعتمد عليه موهذا كلامك !!

ام هنا وحست روحها مصدومه بالكلام اللي قالته بنتها و هي ماكانت تقصد او بالاحرى ماتوقعت بنتها توصل لهالمرحله ولامت نفسها لانها ضنت ان بنتها بويا

بنتها هذا ستايلها من زمااان ومافيها اي شي تغير انحرجت وماعرفت شتقول وقالت تصرف الموضوع : طيب وش فيك ماتاكلين
هنا (وتغير الموضوع ) : شبعت الحمدلله .. .. طيب امشي نروح للسوق ..

ام هنا : يلا ( وبالسوق .. راحوا للراشد وكانوا يتمشون بالمحلات ودخلت ام هنا محل زرا

ام هنا : تعالي خلينا ندخل شوي .. فيه بضاعه جديده توهم منزلينها خنشوف وش عندهم

هنا دخلت مع امها .. اما امها لمى دخلت راحت تتمشى هنا وهناك .. وتشوف وتدور وعجبتها بلوزه لونها فوووشي وعليها كتابات ورسمه بناات

ام هنا : هنوو وش رايك بهذي

هنا : اممم ماشي حالها

ام هنا : طيب ليش واقفه بعيد قربي ( وتروح تقرب من امها وامها مسكت البلوزه وجلست تقايسها ع جسم هنا

هنا وبعدت بعصبيه ونرفزه: خيررر ماما وشفيك

ام هنا واستغربت رده فعلها وقالت: وش فيك ليش عصبتي !!

هنا : البلوزه هذي لمين

ام هنا : بلوزه بناتيه اكيييد لك اجل لي !!

هنا : لاماما ماابيهاا ..

ام هنا : ليه ماعجبتك

هنا : لا ماعجبتني ابد وبعدين مااحب هالستايل من البلايز

ام هنا وترجع البلوزه وتاخذ وحده ثانيه : طيب هذي

هنا وهي عاقده حواجبها : بايخه

ام هنا وهي تعدل البلوزه : طيب صبري اعدلها لك تشوفينها زين

هنا : ماله داعي ماتعجبني ..

( ويجي اللي يبيع بالمحل : مرحبا شو بدكن اؤمرو .. فيه عنا تشكليه جديده وكتير حلوى و

تقاطعه هنا : ماما بطلع من هنا

البياع : لشو مافيي شي عجبك هون ؟

هنا : ابدددا انا طالعه هاااه _ وطلعت وطلعت وراها امها

ام هنا : هنو وشفيك طلعتي ؟

هنا : ماما انا كبيره ومااحب احد يختار لي ملابسي وبعدين انا هذا موستايل انا ستايلي سبورتي اوكيه .. وبعدين اذا تبيني اتسوق معك خليني على راحتي .. وانا اختار لنفسي

ام هنا : طيب شنو تبين علميني




هنا وشافت محل احذيه رجاليه ( اكرمكم الله ) تعالي هنا ( وتمسك يد امها ودتدخل المحل




ام هنا : بس هذا محل رجالي




هنا : ماما عادي ,, وبعدين هشوم يشتري لي من هنا جزم وبلايز سبوريته ( وتروح للبياع الهندي وتقوله .. هلووو وريني التشكليه الجديده عندك ابي اخر شي نازل




(( وفعلا دخلت اكثر من محل عجبها وكلها محلات رجاليه وحجتها لامها انو هذا ستايلها وانها سبورتيه فقط ومثل هشوم بكل شي حتى الستايل امها جارتها




وماحبت تكسر بخاطرها رغم ان حال بنتها واللي وصلت له موعاجبها .. ))

₪ ₪•اكــذب .©.• وخــون .©.• ولآ تـكــن انــســآن •₪ ₪•

,,, رجعت للبيت بعد يوم تسوق متعب فتحت جوالها وانهالت عليها رسايل موجود ... ومسحتهم بدون ماتفتحهم من كثرهم ..

واتصلت فيها هديل ( وحده من الشله )

هنا : الو هلا والله هدول

هديل : واخيرا فتحت جوالك .. وينك اليوم الكليه خااااايسسسه بدونك

هنا : مالي خلق ادوام اليوم .. وحشتوني ياكيوتااااتي

هديل : وانت اكثر كلنا مشتاقين لك

هنا : خلاص كلها كم يوم ويجي السبت واشوفكم

هديل : يووووه بعيد ليش ننتظر .. هشومي اليوم فيه بارتي ببيتنا تجي ؟

هنا : يوووه وتوك تقولين لي وتبيني اجي بعد !!

هديل : حرام عليك هشوم قايله لك من زماااان ... واذا تذكر عطيتك بطاقه للبارتي ..
هنا وتذكرت: ههههههههه صح تذكرت

هديل : اشوى خوفتني شككتني بنفسي .. هشووومي بليز تعال البارتي مايحلا الا فيك

هنا : طيب بيتكم وين ؟

هديل : يعني رح تجي ؟

هنا : ان شاء الله .. اوكيه خلاااص بااااي (وتسكر من عندها وتروح لملابسها الجديده وتختار منها بدله مرررره فنن وطلعت اكسكوراتها الرجاليه

وحطتهم على جنب .. وقالت :

اليوم لازم اغير جو .. والله زماااان عن البارتيات .. أبي اروح وانبسط واستانس واعيش جوي وانسى الحب وهمه .. يكفي اللي صار من هالحب واللي

خذته منهم ورح ارمي كل اللي صار ورى ظهري وانسى اخــر صفعة حب ..

طلعت للصاله وشافت امها قدامـها واستغربت : ماما وشفيك

ام هنا : مافيني شي بس شريت شويه شيبس وعصاير وجبت لنا سديدهات افلام رعب ناوين اليوم نسهر انا واخوانك عليهم ..

هنا وتذكرت انها من زمااان ماسهرت مع اهلها مثل هالسهره وقالت : لا مااقدر عندي بارتي اليوم

ام هنا : بارتي !! وبتروحين

هنا : اي

ام هنا : ومااستأذنتي مني ؟

هنا : هذا انا قلت لك .. وبعدين ناويه تقولين لي لا ؟

ام هنا : هنا وش هالاسلوب الجديد

هنا: ماما انتي وشفيك علي اليوم ماتلاحظين كثرتي علي

ام هنا : كثرت !!

هنا : ماما بليز مو وقته .. مالي خلق نقاشات انا عطيت البنت خبر ولاتخافين مارح اتأخر برجع الساعه 12 حلو .. ( وتعطي امها بوسه طايره ع الهوا وتقولها : حياتي انتي (وتدخل لغرفتها

:
:
:
:
:
:

بالبــــارتـــي .. كان البارتي مليااااااان بوووياااات وكيوووتاااات وايموووو وستايلاااات غريبه جدااا .. هنا كانت جالسه طول وقتها مع البويااات مع انها ماتعرفهم واول مره تشوفهم بس

خذوا على بعض بسرعه .. وهات ياسوالف وضحك كأأنهم يعرفون بعض من زمااان ..

البويا اللي مع هشوم : طيب هشوم ماقلت انت اي سنه جامعه وشنو تخصصك ؟

هشوم : انجلش وتوي مستجد

البويا : اها وتنصحني فيه ..

هشوم : ناوي انجلش يابازوكا

بازوكا: اي ان شاء الله تعرف هالسنه اخر سنه والكل نصحني بجامعتكم وخاصه اني احب الانجلش

هشوم: دامك تحبه ادخله
بازوكا : بيييييه يعني مارح تنصحني

هشوم: ودي انصحك بس للأسف مااحضر كثير ولاادري عن المنهج الا وقت الاختبارات

بازوكا : هههههههههههههه وربي انت احلا فلللله ..

هشوم : من ذوقك يالغالي

بازوكا وتطلع باكيت دخان : تفضل

هشوم وتاخذ وحده ويدخنون ويسولفون مع بعض .. وتجي بنت كيوت تكلمهم

البنت: هاااي شباب (مصدقه الاخت )

بازوكا وهشوم : هلا

بازوكا : هلا انوووسه

ايناس : بازوكا خير تدخن وش قلنا صحتك ياقلبي

بازوكا : يوووه حبيبي بس مره وحده هذي اول سيجاره ادخنها اليوم

ايناس وتاخذ الزيجاره وتدوسها برجها : لا يعني لا

هشوم طالعهم بأأبتسامه وتمنى لو عنده حد يغار عليه مثلها ...

ايناس وتسحب الزيجاره من هشوم وتدوسها

هشوم : خيررر

ايناس : ادري لقافه بس شوف وجهك شلون صاير احمر وقاعد تكح طول الوقت ولبدنك عليك حق

هشوم: ياحنووونه (وتكح ) كح كح كح

ايناس : من يوم يومي حنوونه صح بازوكا

بازوكا : صح ياروح بازوكا

ايناس : طيب قوموا لداخل الحين تحدي الدانس (الرقص )

( ودخلوا لداخل بس هشوم اكتفى بالمتابعه ماكان لها خلق ترقص لانها تعبت من التدخين قبل شوي .. وجالسه ع الصوفا وتراقب الرقص من بعيد لبعيد وتجي بويا وتجلس جنبها

البويا : هشوم انت نجم الدانس ليه ماقمت

هشوم : مالي خلق

البويا : افااااا خساره كان قمت وولعتها

هشوم: مره ثانيه ان شاء الله

البويا : طيب ليه مادوامت اليوم

هشوم ويطالعها بتمعن : ادوووام انت معي بالجامعه

البويا : يب .. انا فتوووش

هشوم: اي فتوش ؟

البويا : فتوس من كلاس الترجمه

هشوم وتذكرها بصعوبه : لحظه لحظه .. أنتي كيووته (مش بويا ) ..

فتوش : كنت عربج موكيوته .. وكنت احط ميك اب ثقييييل بس الحين خففته وقصيت شعري بس تصرفاتي وشخصيتي مثل ماهي وسمووني بوياااا ( فتوش تبي تتميز وماتكفيها شهرتها

او حتى التميز اللي هي فيه .. للأسف تبي تتميز حتى لو كان بشي غلط .. المهم انها تقولهم انها موجوده ومهمة.. )

هشوم : ههههههه وربي انك فلتتته يافتووش .. من جد متغيره سوري اقصد من جد متغير ماعرفت .. صاير اطلق بويا يالبيييييه

فتوش : ههههههههه لبى هشووووم والله .. انتم السابقون ونحن اللاحقون

هشوم: احم حم انا بويا من يوم يومي هاااه مو قلبت بين يوم وليله يوم دخلت الجامعه وتأثرت بغيري ( باين )

فتوش : يوووه عاد رقع لي ..

هشوم : ههههههههههه نرقع لك يالحبيب

فتوش : طيب بطلبك الله يخليك وافق

هشوم: امررر

فتوس : مشيتك يالبيييييييييه سوت زلزال بالجامعه علمني اياها

هنا وحطت ايدها ع رجلها وقالت ( حتى عيوبي عند غيري مزايا ) : راقبني وانا امشي وقلدني

فتوش : تسمح لي اقلدك

هنا واستغربت من فتوش واسلوبها ماعندها شخصيه وتبي تتقرب منها بأي طريقه حتى لو تذلها هنا رح تشكرها ذكرتها بفهد وقالت : اي اسمح لك بس لايكثر ..

( وتجي هديل : هشووومي انت هنا وانا ادورك تعال ابيك بسرعه .. عن اذنك فتوووش ( وتاخذ هشوم معها

هديل : هشوم اخبار حنان ؟

هشوم وتغيرت ملامح وجهها : ماادري عنها

هديل (يعني جد رح تتزوج ) : سمعت انها رح تتزوج

هشوم : الله يهنينها ..

هديل : وانت

هشوم : لاتلفين وتدورين وش تبين

هديل : أبييييييك

هشوم واستغرب من جرئه هديل ولامره لمحت له بشي : وش تبين مني
هديل وانحرجت: يعني لو فيه امكانيه انوو

هشوم وطالعها من فوق لتحت بخبث : تصدقين ودي اجربك ..

هديل : اي نوع من التجارب ؟؟

هشوم : ههههههه لاتفهميني غلط .. نخاوي بعض اسبوع قدرنا اسمرينا مع بعض وماقدرنا فركش

هديل :والله .. مشكووووووووور ياعمري على هالفرصه احلا فرصه بحياااااتي ياحيااااااتي .. (وتضمه )

!!*- اكـــذب .,.- وخــون ,.,- ولآ تــكــن انــســان .,.-!!
مــآاجــمــل الــكـــذب والـخــيــانــه
.,.,ومــآاجــمــل ان تــكــون شــيــطــان .,,-

أن تــكــلــمــت بـ الــحـــق ,.,- كـــذبـــوك .,,-
وان عـــــآهـــــدتـــهـــمـ .,.- خــــذلـوك .,.-
واذا تــجــرأت و ارضــيــتــهــم ,.,- عــــذبــوك .,.-

مــآهــو شــعــورك ,.- حــيــن تــصـــدق الـقــول
.,.- وتــصــون الــعــهـــد ,.,- وتــكــن انــســـآن .؟؟


وتــجـــد مــن صــدقــتــه ,.,- يــكــذبـــك ,.-
وتــجـــد مـن تــصــونـه .,.- يــخـــذلــك .’.- ويــبــيــعـــك .’!!
ومـــن أغـــلـــيـــتـــه ,.,- تــهــوون عــنـــدهـ .,.-

هــل .,.- وقــتــهــا ســوف تــنــدمـ عــلـى كــونــك
.’- انــســآن .؟؟

هــل ,.,- ســوف تــنـــدمـ عــلــى حــب زرعــتــه
.,.- ولــمـ تــحــصــد غــيــر مــرارتــه .؟؟

هــل .,.- عــذابــك وألــمــك ,.,- ومــآتــشــعــر بــه مــن ضــيــق
.,.- ســوف يــجـــعــلــك تــشــعــر بـ الــنــدمـ .؟؟

هــل .,.- ســوف تــشــعــر بـ الــنــدمـ عــلــى مــآقــدمـــت ,.,- ومـآجــنــيــت .؟؟
هــل ,.,- وقــتــهــآ تــكــرهـ .,.- انـــك انـــســـآن .؟؟


احــتــمــآل لـوو كــنــت كــاذب .,.- أو خــائــن .,.- أو كــنـــت وقــتــهــآ شــيــطــان .-!!
فـ مــن الـمــؤكــد وقــتــهــآ ..- لــن أنـــدمـ .,.!

ولــن أتــعــب ..- وأبــســط الــقــوول ,.- مــآســوف أقــولـه وقــتــهــا لـ نــفــســي
.,.- انـنـي أجــنـي مـآقــدمــت يــداااي .,


(وبعدها جات اخت هديل وتاخذها وهشوم رجع للصاله مع البويات سوالف وضحك وهالكيوتات يلتصقون بهشوم وهو ماصدق خبر وكلهم يعطيهم فرصه لمده اسبوع ويجربهم ..

ملت من البارتي والله فيه كلهم تافهييين ويبون يشبونكها او يصادقونها ويتقربون منها ورجعت للبيت الساعه 11 ونص من الملل وجلست طول الليل سهر مع اهلــهاا .. لين تعبت ونااامت

وحست انو الوقت اللي قضته مع اهلــهاا احسن من البارتي الممل ... اللي نــدمــت انها راحت له ..

بعد مرور اســبــوع .. جنا كانت ماتحضر بالجامعه ومسافره مع زوجـها .. وهنا كانت مع الكيوتااات المملاااات اللي ولاوحده فيهم عجبتها ... ولها فتره ملاحظه غياب جنا وخاطرها

تسأأل او حتى تتطمن بس ماقدرت تسأأل عشان مااحد يحـس .. بس اشتاقت لها بجـنون وحست ان فيه شي يشدها لها .. واحيانا تحس انها اصلا مانستها وكان بودها تشوفها بأأي طريقه ..

وكل البنااات اللي عرفتهم بالسر وماعجبوهاا .. واصلا ماحبت تطول معاهم بالعلاقه السـريه .. لانها وبكل بساطه هذا مواسلوبها قالت لهم نضل فريند البعض منهم وافق والاغلب رفضض

بس هي طنشتهم كلهم لانهم ازعجوووها ... جالسه تسولف مع ربعها وملت منهم اغلب القروب جالسين مع خوياتهم وجالسين حولها بس عورها قلبها مو لانها جالسه لحالها تحس ان فيه

جزء منها ضايع ماتدري وينــه .. وقلبها يفز كل ماينذكر اسم جـنا .. وخاصه انها مادوامت طوال الاسـبووع .. من كثر الطفش راحت تبي تحضر المحاضره بس للأسف كانت ملغيه

ورجعت لمـكـان الشـله وخذت اغراضها وطلعت .. اليوم بالنسبه لها كان ممل جـداا .. ملت من هالوضع محتاجه شي بس ماتدري شنو .. اشتاقت لجنا بس ماتدري ترجع لها او لا ..

جالسه بالسياره وسررررحاااانه بس ماتدري بأأأيييييش .. فكرت وفكرت وللأسف انها ماتفكر بشي بس سرحااانه ع الفاضي وملت من حياتها الفاضيه ..وماحبت ترجع للبيت لانه ممل نفس

الجامعه ومافيه حد الحين وراحت لكافي هادي ترتاااح فيه شوي .. تحس حياتها ممله ماتعودت تعيش بدون حب وماتبي تستعجل وتدخل بأأي علاقه ماتبي تكرر غلـطـه حـنان ..

ودها ترجع لجـنا بس متردده كثيـرر ..